ཐ་སྙད་གསར་པའི་དགག་ལན་དབྱངས་གྲགས་ཤ་ཀླན། ཅོ་རི་ཉི་མ།

ཅོ་རི་ཉི་མ་ལག
སྤྱི་ཞེས་པའི་མཚན་ཉིད་ཅིག་ཞོག་དང་། བྱ་རྒྱའི་ཁ་དེ་ཤར་ལ་འཁོར་དུས་ཕ་བོང་ཕྱུ་ལེ་ནུབ་ལ་འཁོར་ཞེས་པ་ལ་ཁྱོད་རང་གིས་སྤྱི་འབོད་ན་མ་ཏོག་སུས་ཀྱང་མི་ཟེར་ལྭོ།

ད་ཡིན་ན་ཅོ་རི་ལགས་ཀྱིས་རྟགས་གསལ་ཞེ་དྲག་གཏོང་ཡོང་གི་འདུག་ག
དངོས་གནས་ཁྱོད་ལ་ལག་ཁེལ་གྱི་མི་འདུག
སྐད་ཡིག་གནད་དོན་དེ་རིག་ལམ་གྱིས་ཐག་གཅོད་པའི་རིགས་པའི་གྲོགས་པོ་ལགས། དངོས་གནས་ཐུགས་རྗེ་ཆེ་བློ་བསྐྱེད་ཞི་དྲག་རག་ད། ད་ཡིན་ན་འུ་གཉིས་ཀྱིས་ཇ་འཁོལ་ས་མ་རེད་འགྲོ་གི་ཡིན་ད
རྗེས་ལ་ཐུག་ཡོང། ངས་ཁྱོད་ངོ་ཤེས་ད

བོད་སྤྱི་པའི་ཁང་པ་ཡིན་ན་ཁྱེད་ཀྱི་ཁང་པ་ཡིན་མི་དགོས་པ་བཞིན་འཛམ་གླིང་སྤྱི་སྐད་ཡིན་ན་རྒྱ་མི་སྐད་ཡིན་དགོས་པའི་ཁྱབ་ནི་མ་རེད་ཡ

སྤྱི་ཞེས་པ་ནི་གཅིག་ཀྱང་མ་ལུས་པ་ཞེས་པའི་དོན་མ་རེད་ལྭོ།

སྤྱི་བྱ་རྒྱ་མང་མའི་ཁ་དེ་ཤར་ལ་འཁོར་དུས་སྒེར་ཕ་བོང་ཕྱུ་ལེ་ཁ་དེ་ནུབ་ལ་འཁོར་པ་དེ་ནི་ཆོས་ཉིད་རེད་ལྭོ།

ངས་ཚིག་གི་དག་ཆ་སྦྱོང་དགོས་པ་བཞིན་ཁྱེད་ཀྱིས་རྟོག་གེ་རིག་པའི་འགྲོ་ལུགས་གཏོག་ཙམ་སྦྱོང་ལྭོ།

ད་གསལ་བཤད་འདྲ་ཨེ་ཡོད།

རིག་གསར་གྱི་ཡོང་ཁུངས་ནུབ་གླིང་ཡིན་པ་ཙམ་གྱིས་ངེས་པར་དབྱིན་ཡིག་ལས་བསྒྱུར་དགོས་པ་དེ་འདྲ་ཡིན་རྒྱུ་མ་རེད་ཞེས་གསུངས་པ་དེ་ནི་ཁས་ལེན་མེད་པའི་དགག་པ་ཞིག་རེད།

ངས་དབྱིན་ཡིག་ཏུ་བསྒྱུར་དགོས་ཞེས་ལབ་མྱོང་མེད། དཔེ་ན་ཀམ་པུང་དྲར་ཞེས་དངོས་མིང་འབོད་དགོས་ཞུ་པ་དང་ནོར་མི་ཉན་ལྭོ།
ངས་ཀམ་པུང་དྲར་ཞེས་དང་ལྕོག་ཁོ་ལེ་ཁྲིས་ཞེས་པ་འདི་ལྟར་བུའི་རིགས་རྣམས་ངས་འཛམ་གླིང་སྤྱི་སྐད་དུ་འདོད་དང་དེ་ཡིན་དུས་བོད་སྐད་དུ་ཡང་འདོད་།

དབྱིན་སྐད་ཡིན་ན་བོད་སྐད་མ་ཡིན་དགོས་ནི་མ་རེད་ཡ། ལོ་ལོ། དཔེ་ན།་གཡག་ཞེས་པའི་ཉན་བྱ་དེ་གཉིས་ཀ་རེད་མོ།

ད་དུང་བསླབ་རྒྱུ་ཡོད་པ་ནི། གོ་ལའི་ཆབ་སྲིད་ནང་ནས་ཕུལ་དུ་བྱུང་མང་གཙོ་ལམ་ལུགས་དང་གཅིག གཉིས་པ་ཚོར་བའི་དཀའ་བསྔལ་སེལ་ཐུབ་པའི་ཚོར་བའི་དགོས་མཁོ་སྲུང་སྐྱོབ་ཀྱི་དཔལ་འབྱོར་ཚད་ལྡན་རིག་གནས་ལ་སོགས་བསླབས་རྒྱུ་ཡོད་།

བསླབ་རྒྱུ་ཡོད་པ་དང་བསླབ་དགོས་པ་ནི་ཧ་ཅང་མང་བའི་རེ་རེ་བཞིན་བཤད་ཚད་མེད།

ཨེ་འབྲོག་རྒན་མེ་འོད་ལགས། སྐུ་ནིད་ནས་ངའི་རྩོམ་ཉོག་དེ་ལ་བསམ་ཚུལ་བཤད་རྒྱུ་མིན་མ་གསུངས་རོགས་ཤ་མྱི་ལོ་ལོ།
ངས་ག་ལེ་བྱས་ནས་སྐུ་ཉིད་ཀྱི་དྲི་བ་ལ་ལན་འདེབས་ཞུ་ཆོག་པ་ཞིག

ཨེ་ཧོར་བུ་ཡེ་ཤེས་ལགས།
དག་ཆ་བཟབ་དགོས་གསུངས་པ་ཐུགས་རྗེ་ཆེ་ཞུ་རྒྱུ་ཡིན། དེ་མིན་བསླབ་བྱ་འདྲ་ཡོད་ན་ཡང་ཉན་འདོད་ཡོད།

རྙིང་པ་ཐམས་ཅད་ལྷ་ལ་གསོལ་གསོལ་ནས། རང་གིས་རང་ཉིད་ལ་ཡང་རྙིང་དྲི་ཁ།
ཀྱེ་མ་གངས་ཅན་བོད་ཀྱི་མི་རིགས་འདིས། རང་གིས་ལུས་ཁྲུས་ཤེས་པ་ག་དུས་འོང་།

ཤ་ཀལན་འཇམ་དབྱངས་གྲགས་པ་ལགས།
ཁྱེད་ཀྱིས་སྐད་ཆ་བཤད་སྟངས་དང་ཐ་སྙད་བེད་སྤྱོད་བྱས་སྟངས་ལ་གཞིར་ན་ངེད་གཉིས་ཕ་ཡུལ་གཅིག་པ་ཞིག་དང་ངོ་ཤེས་རྙིང་པ་ཞིག་ཡིན་པ་མ་ཟད་ཤ་ཀླན་འཇམ་དབྱངས་གྲགས་པ་ཞེས་པ་ཡང་རང་གིས་རང་ལ་བཏགས་པའི་མིང་ལྷག་ཞིག་ཡིན་པ་འདྲ།

མཁས་པ་རྣམས་ཀྱིས་རང་ཉིད་སྤྱི་ཚོགས་ཀྱི་མདུན་དུ་ཕྱི་གསལ་ནང་གསལ་ཡོང་ཐབས་བྱས་རྒྱུ་དང་བླུན་པོ་རྣམས་ཀྱིས་རང་གིས་རང་ཉིད་ལ་མིང་ལྷག་བཏགས་ནས་རང་ཉིད་གབ་ཐབས་དང་རང་གི་ནོར་འཁྲུལ་སྤྱི་ཚོགས་མདུན་དུ་སྦས་ཐབས་བྱས་པ་དེ་ནི་རྒྱ་ནག་དམར་པོའི་སྲུད་གཞུང་དང་གཅིག་མཚུངས་ཡིན་ཅི་མི་དགའ།

དེ་ལས་འཇུག་རྟེན་གྱི་ཁ་རྒྱུན་ལ། ཁ་ཡག་རེ་དེ་མ་བཤད་ན་མི་ངོ་རེ་དུ་མི་ལེན་ཁུ། ལྐོག་འབར་རེ་དེ་མ་བྱས་ན་རང་སེམས་རེ་དུ་མི་དག་ཁུ།
ཞེས་པ་ནང་བཞིན་སྐུ་ཉིད་ནས་ཀྱང་རྡ་ས་མི་དྲག་སྐུ་དྲག་རྣམས་ལ་ཁ་ཡག་རེ་དང་ང་ཉམ་ཆུང་ཅོ་རི་ལ་སྨད་འབོད་མ་བྱས་ན་ཁྱེད་ལ་མདུན་ལམ་མེད་ངས་ཤེས་ཁུ་མོ་ཧཧཧཧཧ
དེ་ལས་སྔོན་མ་ངེད་གཉིས་ངོ་ཤེས་ཡིན་དུས་ཀྱི་དངོས་མིང་དེ་ང་ལ་གཅིག་གསུངས་ན་ང་སྐྱིད་ཁུ་ཡ

སྨྱོ་པ་མིན་པའི་ལག་ཁྱེར་ཡོད་ན་ཡང་གཟབ་མ་གཏོགས་ཨ་རི་ཀའི་སྲིད་འཛིན་ལ་མིང་ལྷག་བཏགས་ན་ས་ལྡམ་མུ་སིན་ནང་བཞིན་ས་ཁུང་ནང་དུ་སྡོད་དུས་འགྱོད་པ་སྐྱེ་ཡོང་།

དེང་སང་འདི་གར་ཡིག་རྒྱུགས་འཁེལ་བས་ཁོ་བོ་བྲེལ་བའི་ནང་ཚུད་ཡོད་པས་དྲ་བར་འཇུག་ཚད་ཉུང་དུ་བཏང་ཚར་ལ་ཕལ་ཆེར་ཡོང་གི་མེད་ཟེར་ཡང་མི་ཆོག་རྒྱུ་མེད། ཡིན་ཡང་དེ་རིང་སློབ་གྲོགས་ཤིག་གི་ངག་ནས་ཅོ་རི་ཉི་མ་ལགས་ཀྱིས་ངའི་དེ་སྔོན་བྲིས་པའི་རྩོམ་ཡིག་དེ་ལ་དགག་བཞག་བྱས་འདུག་སྐད་ཐོས་པས་མི་ཞིག་གིས་གཟའ་འཁོར་གསུམ་ཙམ་གྱི་རིང་དཀའ་ལས་རྒྱབ་པའི་འབྲས་བུ་སྟོར་བརླག་བཏང་མི་ཉན་པ་བསམ་ནས་གསེར་འདྲ་བའི་དུས་ཚོད་བཏང་སྟེ་འདིར་ཁོ་བོ་བཅར་བ་ལགས།
ཅོ་རི་ཉི་མ་ལགས་ཀྱིས་ནི་ཐ་སྙད་གསར་བར་བསྒྱུར་བས་མ་ཚད་ཡིད་བརྙན་ཡང་གསར་བར་བསྒྱུར་དགོས་པ་དགོངས་པ་འདྲ་སྟེ་དབྱངས་གྲགས་ཤ་ཀླན་ལྟ་བུའི་ཡིད་བརྙན་ཞིག་བཀོལ་འདུག དེ་ནི་དོན་གྲུབ་རྒྱལ་དང་ལྗང་བུ་སོགས་ཀྱིས་ཡིད་བརྙན་གསར་བ་རྦབ་ཆུ་དང་ལྕི་བ་སོགས་བཀོལ་བ་ལྟ་བུ་རེད། ཡིན་ཡང་དབྱངས་གྲགས་ཤ་ཀླན་ནི་ཅི་ཡང་མི་ཤེས་པའི་མི་གླེན་པ་ཞིག་གམ་སྨྱོན་པ་ཞིག་ཡིན་པས་ཁོང་གི་ཡིད་བརྙན་དེ་ཁྱད་ཆོས་དང་མཚོན་དོན་ཅི་ཡང་མེད་པ་ཞིག་འགྱུར་བར་གདོན་མི་ཟ། དེ་ལས་སྙན་ཞིང་སྐད་གྲགས་ཆོད་པ་ཞིག་དགོས་ན་མའི་ཁལ་ཇེག་སིན་ལྟ་བུ་དང་སེང་གེ་སྲབ་མེད་གནམ་ལ་འཆོང་བ་ལྟ་བུ་ཞིག་དགོས་ན་ཨེ་ལེ་ཟན་ཌར་ལྟ་བུ། ཡིད་དུ་འོང་ཞིང་སྙིང་དུ་སྡུག་པ་ཞིག་དགོས་ན་བསོད་ནམས་དཔལ་སྐྱིད་(མིང་གཞན་སུད་སི་བུ་མོ)་ལྟ་བུ་བཀོལ་ན་ཅི་འདྲ་རེད། ཨ་ལ་ཀུ་རེ་ཡིན་མོད་ཁོང་གི་རྩོམ་ཡིག་དང་ཕྲན་གཉིས་བསྡུར་ན་ངོ་མ་ཡིད་བརྙན་དེ་འགྲིག་འདུག

ངའི་རྩོམ་ཡིག་འདི་བཀླགས་རྗེས་ཅོ་རི་ཉི་མ་ལགས་གྲྭ་ལོག་ཅིག་ཡིན་པའི་ངེས་ཤེས་རྙེད་མ་སོང་། གང་ལགས་ཤེ་ན་གྲྭ་ལོག་ཅིག་ཡིན་ན་དམའ་མཐའ་ཡང་ཚོགས་ཆོས་འགྲིམ་པའི་ཞག་རྩི་ཞིག་ཡོད་པར་ཁོ་བོས་འདོད་བཞིན་ཡོད། ཡང་ཁོང་གིས་ཀ་ཁ་ཙམ་ནི་མཁྱེན་གྱིན་འདུག་པས་གྲྭ་ལོག་ཅིག་ཡིན་ཡང་སྲིད་དེ་དེང་སང་དཀའ་དྲིན་ཆེ་བའི་གཞིས་ཆགས་ཁག་གི་བུ་ཕྲུག་ཚོ་ལ་ཀ་ཁའི་དྲི་མ་བགོས་མི་ཉན་ཡ། གང་ལྟར་ཀྱང་གྲྭ་ལོག་ཡིན་ན་དམན་པ་ཡིན་པའི་ལྟ་ཚུལ་ནི་ཁོ་བོར་མེད་པས་ཁྱད་མི་འདུག
ཁོ་བོ་ནི་ཁྲོ་ཐུང་ངང་ཐུང་ཅི་ཡང་མི་ཉན་པ། ཅི་ཡང་མི་འཇོན་པ། བྱས་རྗེས་ཅི་ཡང་མེད་མཁན། རྩོད་པ་ལ་དགའ་མཁན། སོ་སོའི་ལྟོ་གོས་ཀྱང་ཐག་ཆད་མེད་མཁན་སོགས་མདོར་ན་སྡུག་དགུ་བརྩེགས་ཀྱང་མི་ཆོག་རྒྱུ་མེད་པའི་མི་ཐ་ཤལ་ཞིག་ཡིན་པས་ཅོ་རི་ལགས་ཀྱིས་ཅི་ཙམ་སྨད་ཀྱང་ཁྱད་མེད་མོད། ཡིན་ཡང་བོད་གཞིས་བྱེས་གཉིས་ལ་བྱས་རྗེས་མི་དམན་པ་ཡོད་མཁན་དང་འུ་ཚོ་ལ་ཤ་ཚ་བའི་མི་ཚོ་ལ་ཁྱེད་ཀྱིས་ཅི་བསམ་སྨྲ་བའི་འོས་མ་ཡིན་ལ་བརྒྱ་ལ་བསྲན་མ་ཚུགས་ན་རང་གི་འཁོར་ཚོགས་ལ་བསྒྲགས་པ་མ་གཏོགས་ཨ་རིའི་རྡུལ་ཕྲན་མཚོན་ཆ་བཞིན་བོད་སྤྱི་ཚོགས་ཀྱི་ཧེ་རོ་ཤི་མ་ལ་འཕེན་མི་རུང༌།
ད་དུང་ཅོ་རི་ལགས་ནི་སྤོ་དགྱེ་དགྱེ་དང་མཐོང་ཆུང་གི་མིག་ཟུང་རང་རིགས་ལ་གཡོ་བར་དགའ་བའི་མི་ཞིག་ཀྱང་ཡིན་ཚོད་འདུག་པས་དགེ་ཆོས་ལགས་བཞུགས་ཡོད་ཚེ་ཁོང་ལ་གསར་བ་ཐམས་ཅད་ལྷ་ཡི་སྲོལ་དུ་སྒྲོག་མཁན་ཞེས་མི་མི་སྟོད་པར་བླུན་པོ་ནོར་རྐྱལ་ཁུར་བ་ཞེས་སྨད་ཚོད་རེད། ད་དུང་། རང་རིགས་དར་ཚེ་དྲུང་དུ་འདུར་རུ་རུ་རྒྱུག་ཅིང་༎ རང་རིགས་རྒུད་ཚེ་རིང་ནས་འཛུམ་ཀེར་གྱིས་འཕྱར་བ༎ མ་གཞི་ཅོ་རི་འདྲ་བའི་མི་ངན་གྱི་གཤིས་ལ༎ ཁོ་བོ་སྔོན་ནས་ཡིད་ཀྱི་རྟིང་ཐག་དེ་ཆད་ཡོད༎ ཟེར་བ་ལྟ་བུའི་སྙན་ཚིག་འགའ་ཤར་མར་འབྲི་ཚོད་རེད། ཧཧཧཧཧ། ཨ་ལ་ཀུ་རེ་ཡིན། ངོ་མ་དེ་སྙན་ངག་ཅིག་ཡིན་མི་སྲིད་ཀྱང་ངས་ལེགས་པོ་ཞིག་འཁྱོངས་སོང༌།

ཡང་ཅོ་རི་ལགས་ཀྱིས་གློག་ཀླད་ཀྱི་བརྙན་པར་ཞིག་ཁུར་ནས་བོད་ཀྱི་བུ་ཕྲུག་དག་ལ་བསྟན་ན་ཀམ་པུང་ཊར་རེད་ཟེར་འོང་ཟེར། དེ་ལྟར་ཡིན་ན་བོད་ཀྱི་བུ་ཕྲུག་དེ་དག་ཅི་འདྲའི་བླུན་ཨང༌། ངའི་སྲིང་ཆུང་མ་སློབ་ཕྲུག་དེ་དག་གི་དཀྱིལ་དུ་ཡོད་ཚེ་མོས་ཚོམ་ཚོམ་མེད་པར་”དེ་ནི་ངའི་ཕུ་བོ་འཇམ་དབྱངས་གྲགས་པ་དང་ཁྱེད་གཉིས་ཀྱིས་མིང་འདོགས་སྟངས་རྩོད་བཞིན་པའི་གློག་ཀླད་ཀྱི་པར་རིས་རེད”ཅེས་ཟེར་སྲིད། གང་ལགས་ཤེ་ན་མོའི་ཨ་མས་མོ་ལ་དངོས་དང་འདྲ་རིས་གཉིས་ཀྱི་ཁྱད་པར་གསལ་ཐག་ཆོད་པར་བསླབས་ཟིན།
ཅོ་རི་དང་ཁོ་ཚོའི་ཕྱོགས་གཏོགས་རྣམས་ལ་གཞན་གྱི་དེ་མཆོག་དང་རང་གི་དེ་དམན་པ་འཛིན་པའི་འདུ་ཤེས་ཤིན་ཏུ་ཟབ། དེ་བས་ཨོ་བྷ་མ་ལ་བོད་མིང་གཏགས་མི་ཆོག གཏགས་ན་སྨྱོན་པ་རེད།ཅེས་ངར་སྐད་བསྒྲགས་པ་རེད། ཨོ་བྷ་མ་ལ་གཏགས་དགོས་དོན་མི་འདུག་ཀྱང་གཏགས་དགོས་བྱུང་ཚེ་གཏགས་མི་ཆོག་པ་ཅི་ཡོད། མི་རིགས་གཞན་གྱིས་འུ་ཚོའི་དབུ་ཁྲིད་ལ་ཏཱ་ལའི་བླ་མ་ཞེས་བཏགས་པས་སྨྱོན་པ་རེད་ཅེས་མ་བརྗོད་ས་ནས་འུ་ཚོས་ཁོ་ཚོའི་དབུ་ཁྲིད་ལ་བོད་མིང་སྙན་པོ་ཞིག་བཏགས་ན་སྨྱོན་པ་རེད་ཅེས་འབོད་མི་སྲིད།གཙོ་བོ་བོད་མིང་འདོགས་དུས་རྩམ་དྲི་ཡལ་མི་ཉན་བ་དེ་རེད། དེ་བས་དགོས་གལ་བྱུང་ཚེ་ཁྱེད་ཅོ་རི་ཉི་མས་སྦྱིན་བདག་མཛད་དེ་ཕྲན་འཇམ་དབྱངས་གྲགས་པས་ཞབས་ཕྱིར་བྱས་ནས་རང་རེའི་དབུ་ཁྲིད་༸གོང་ས་མཆོག་དང་ཨོ་བྷ་མ་གཉིས་ལྷན་འཛོམ་གྱི་སྐལ་བཟང་དེར་བག་དྲོ་ཨོ་བྷ་མ་ཟེར་བ་ལྟ་བུའི་དབུས་གཙང་གྱི་མིང་ཞིག་གམ། ཨོ་བྷ་རྒྱལ་ཟེར་བ་ལྟ་བུའི་ཨ་མདོའི་མིང་ཞིག་ཡང་ན་ཨོ་དགའ་ཟེར་བ་ལྟ་བུའི་ཁམས་ཀྱི་མིང་ཞིག དེ་མིན་གཡུང་དྲུང་ཨོ་བྷ་མ་ཟེར་བའི་བོན་གྱི་མིང་ཞིག་དང་། ཨོ་རྒྱན་ཨོ་བྷ་མ་ཟེར་བའི་རྙིང་མའི་མིང་ཞིག ཀརྨ་ཨོ་བྷ་མ་ཟེར་བའི་བཀའ་བརྒྱུད་པའི་མིང་ཞིག ཀུན་དགའ་ཨོ་བྷ་མ་ཟེར་བའི་ས་སྐྱའི་མིང་ཞིག བློ་བཟང་ཨོ་བྷ་མ་ཟེར་བའི་དགེ་ལུགས་པའི་མིང་བཅས་གདམ་ང་བྱས་ནས་འདོག་པའམ་ཡང་མིན་ན་ངའི་མིང་ཟུར་ནས་དྲས་ཏེ་འཇམ་དབྱངས་ཨོ་བྷ་འཇིག་རྟེན་སྐྱོང་མགོན་རྒྱ་བོད་དབྱིན་གྱི་མང་བཀུར་ཞི་བདེའི་དེད་དཔོན་མི་དབང་ཆེན་མོ་ཟེར་བ་ལྟ་བུ་དང་ཁྱེད་ཀྱི་མིང་ཟུང་ནས་དྲས་ཏེ་ཨོ་བྷ་ཅོ་རི་ཉི་མ་བོད་དང་བཅས་པས་འགྲོ་བ་ཡོངས་ཀྱིས་སྤྱི་བོར་བཀུར་བ་གནམ་བསྐོས་ཨ་རིའི་གཞུང་གི་མི་འཇིག་སྲིད་ཁྲིར་འཁོད་པའི་མི་ཡི་སྲས་པོ་ཟེར་བ་ལྟ་བུའི་མིང་ངོ་མཚར་ཅན་ཞིག་གཏགས་ན་སྨྱོན་པ་རེད་ཟེར་རྒྱུའི་ཚབ་ལ་དགའ་མགུ་ཡི་རང་གིས་དགའ་བསུ་ཞུ་རྒྱུར་མ་ཟད་འཛམ་གླིང་གི་གསར་ཁང་ཡོད་ཚད་ཀྱིས་ངེད་གཉིས་བདའ་འོང་སྟེ་མིང་དེ་ཇི་ལྟར་གཏགས་ཚུལ་དྲི་བ་གཅིག་རྗེས་གཉིས་མཐུད་དུ་འདྲི་ཡོང་བ་གདོན་མི་ཟ། དེ་དུས་ཁྱེད་ཀྱིས་བརྗེད་མི་ཉན་པ་ནི་དུས་བབ་ཚང་རེད། ངེད་གཉིས་ཀྱིས་སྤོ་དགྱེ་དགྱེ་བྱས་ཏེ་དུས་བབ་རྩོམ་སྒྲིག་པ་ལུང་རིགས་གཅིག་པུར་ཁ་ཕྱོགས་ནས་བོད་སྐད་ཀྱིས་ཤར་མར་མིང་དེའི་གོ་རིམ་དང་དགོས་པ། དེའི་རྒྱབ་ཀྱི་རིག་གནས་གཅེས་འཛིན་བཅས་བཤད་དགོས།
ཨོ་ཨོ་ཡིག་ཚོགས་མང་སོང་། ད་མང་པོ་མི་བཤད། ཀུ་རེ་ལྟ་བུའི་གཏམ་འདྲ་བྱུང་རྒྱལ་སྨྲ་རྒྱུ་དེ་དོན་ཕན་ཅན་གྱི་རིག་གཞུང་བགྲོ་གླེང་ལ་མི་འཚམ་ཡང་ཁོ་བོ་རང་གཤིས་ཚ་དྲགས་པས་དང་ཁ་མང་དྲགས་པས་འདི་ལྟ་བུ་ཐལ་བར་བཟོད་གསོལ་ཞུ། ད་དུང་མང་པོ་ཞིག་ལྷག་འདུག་མོད་ཁོ་བོ་ལས་མེད་སྤྲང་འཁྱམ་པ་ལའང་མཚམས་ལན་རེར་ལས་བྲེལ་ཟེར་བ་ལྟ་བུ་ཡོང་རྒྱུ་འདུག་པས་ཁྱེད་ནུབ་གླིང་དག་པའི་ཞིང་ཁམས་སུ་གནས་མཁན་ཚོར་དང་ལས་བྲེལ་ཆེ་བ་བཤད་མ་དགོས་པས་ང་ལ་འབྲི་ཁོམ་ཡོད་ཀྱང་ཁྱེད་ཚོ་ཀློག་ཁོམ་ཡོད་མི་སྲིད། བདེ་མོ།

རིག་གསར་གྱི་ཡོང་ཁུངས་ནུབ་གླིང་ཡིན་པ་ཙམ་གྱིས་ངེས་པར་དབྱིན་ཡིག་ལས་བསྒྱུར་དགོས་པ་དེ་འདྲ་ཡིན་རྒྱུ་མ་རེད། ནུབ་ཕྱོགས་མཚན་ཉིད་རིག་པའི་གཞུང་ལུགས་མང་པོ་དབྱིན་ཡིག་ཡོད་ཀྱང་ཐོག་མར་ལ་ཏན་གྱི་སྐད་ཡིག་ནང་ལ་ཡོད་པ་མང་པོ་ཡོད། མ་ིགཞི་ནས་རིག་གཞུང་དེ་ཚོ་ལོ་ཙཱ་དང་ཡིག་བསྒྱུར་ལ་བརྟེན་དགོས་པའི་གནས་ལུགས་འདི་ངེས་པར་ཤེས་་དགོས། ནང་ཆོས་ཐོག་མར་རྒྱ་གར་གྱི་སྐད་ཡིག་ནང་ལ་ཡོད་པ་རེད། དེ་ནས་བོད་ཀྱི་སྐད་ཡིག་ནང་ལ་བསྒྱུར་བ་རེད། ད་ལྟ་བོད་ཀྱི་སྐད་ཡིག་ལས་དབྱིན་ཡིག་སོགས་ལ་མང་པོ་བསྒྱུར་གི་ཡོད་ནི་རེད། འོ་ན་དེ་ཚོ་མ་དག་པ་ཡིན་རྒྱུ་རེད། དེ་འདྲ་ཡིན་ན་སྔོན་གྱི་བོད་ཀྱི་ལོ་ཆེན་རྣམས་ལ་ཁ་བཏང་བ་རེད། རྒྱ་ཡིག་དང་འཇར་པན་གྱི་སྐད་ཡིག་ལ་རིག་གསར་སྐོར་མང་པོ་བསྒྱུར་ནས་ཁོ་ཚོས་དེ་ལྟར་གོ་བརྡ་རྙེད་བསྡད་ཡོད་དུས། ང་ཚོས་རིག་གསར་བསྒྱུར་བ་ལ་ངེས་པར་དབྱིན་ཡིག་དགོས་པའི་ངེས་པ་དེ་ཙམ་མེད་པར་མཁྱེན་་དགོས། ངས་གསལ་བོ་བཤད་ཡོད། བོད་ནས་ཐ་སྙད་གསར་བ་བཟོས་ཤིང་གཏན་འཇགས་སུ་སོང་བ་རྣམས་དོན་གྱི་གོ་བ་སྤྲོད་པའི་དཀའ་ངལ་མེད་ན་དེ་ག་ཡང་བཞག་ན་ལེགས་པར་འདོད་པའི་ལྟ་ཚུལ་བཏོན་པ་ཡིན། གལ་སྲིད་ནོར་བསྡད་ཡོད་པ་དེ་འདྲ་ཡོད་ན་བཟོས་བཅོས་བྱས་ན་དེ་ལས་ཡག་པ་ཞིག་གང་ནས་ཡོད། ཁྱོད་ཀྱིས་འདི་འདྲ་བཤད་པར་བདེན་ལུགས་འདུག བཙན་བྱོལ་གཞུང་མང་གཉིས་ཀྱིས་བོད་ནང་ལ་ཕར་ལ་མང་པོ་བསླབ་དགོས་པ་རེད་ཟེར་འདི་རེད། ཡིན་ནའང་ང་ཚོས་ད་བར་དུ་ཅི་ཞིག་བསླབས་སོང། ད་་དུང་ང་ཚོ་ལ་བསླབ་རྒྱུ་ཅི་ཞིག་ཡོད་ཀི། ང་ཚོས་མང་པོ་ཞིག་བོད་ནང་གཞི་མི་འཛིན་རང་འཛིན་ཆགས་བསྡད་པའི་གནས་ལུགས་འདི་་ངེས་པར་ཤེས་་དགོས་པ་རེད།

ཕྱི་རྒྱལ་བ་རྣམས་ཀྱིས་གཡག་ལ་yak ཞེས་དང་ལྷ་ས་ལ་lhasaཞེསདངོས་མིང་འབོད་བཞིན་འདུག་ཀྱང་གོ་བརྡ་མ་ཕྲོད་པ་མི་འདུག

དེ་ལས་དངོས་པོ་གསར་པ་རེ་ལ་མིང་ལྷག་རེ་བཏགས་ནས་སྡོད་པ་ཡིན་ན་བོད་ཕྱི་ནང་གཉིས་གོ་བརྡ་མི་ཕྲོད་པ་ཡོང་རྒྱུ་གདན་མ་ཟ

ཅོ་རི་ཉི་མས་གསུང་པའི་ཚིག་དོན་ལེགས་པར་བརྟགས་ཟིན་ཀྱང་། དངོས་བདེན་ཞིག་གང་ཡང་མ་མཐོང་། དཔེར་ན་དབྱིན་སྐད་དུ་ཀམ་པུ་ཊར་དང་། རྒྱ་ནག་སྐད་དུ་དན་ལོང་ཟེར། བོད་ཀྱི་མཁས་པ་རྣམས་ཀྱིས་གློག་ཀླད་དུ་བསྒྱུར་ཏེ། དེང་སང་བོད་ཕྱི་ནང་གང་སར་གློག་ཀླད་བྲིས་པ་ཧ་ཅང་མང་། དེ་མིན་ཡུལ་སྐད་སོ་སོར་བྲིས་དགོས་ན་མཐའ་མ་གོ་བརྡ་མ་ཕྲོད་པའི་སྐྱོན་དུ་འགྱུར་སྲིད།

མེ་འོད་ལགས།
སྐུ་ཉིད་ནས་བོད་ནང་བོད་པ་མང་བའི་རྒྱུ་མཚན་གྱིས་ཐ་སྙད་གསར་པ་དེ་ཚོ་བོད་ནས་འབོད་པ་གཞིར་བཟུང་ནས་བེད་སྤྱོད་བྱ་དགོས་གསུངས་པ་ལ་རྒྱུ་མཚན་འདུག
ཡིན་ཡང་དུས་རབས་གསར་པའི་རིག་གནས་དང་མང་གཙོ་རིག་གནས་དང་དཔལ་འབྱོར་ལྐོག་ཟ་བྱས་པའི་དཔོན་ངན་ཟ་ཧམ་ཅན་གྱི་ཟ་ནད་བཅོས་ཐུབ་པའི་དཔལ་འབྱོར་ཚད་ལྡན་རིག་གནས་ཐམས་ཅད་ཡོང་ཁུངས་ག་པ་ཡིན་མིན་ཤེས་པ་བྱེད་དུས། ནུབ་ནས་ཤར་ལ་དར་རྒྱས་འགྲོ་དགོས་པ་མ་གཏོགས་ང་ཚོ་བཙན་བྱོལ་གཞུང་དམངས་གཉིས་ནས་རིག་གནས་དེ་ཚོ་བོད་ལ་ཡོད་པའི་བོད་མི་རྣམས་ལ་ཕར་སློབ་དགོས་པ་ལས་ཚར་སློབ་དགོས་པ་ཞིག་མ་རེད་ལྭོ། དེས་སྐོར་ལ་ཐུགས་བསམ་ཞེས་རོགས་ཞུ།

ལད་ཟློས་ནི་མིང་གཞི་ཡིན་ཡང་། སྲོག་ཤིང་གཏན་ནས་མིན་པ་སྤུན་ཟླ་ཡོངས་ཀྱི་ཐུགས་སུ་འཛིན་རོགས་ཞུ།

ཧ་མི་གོ་བ་དེ་ཧམ་པ་ཆེ། གཉིད་མི་ཁུག་བ་དེ་ནམ་ཐག་རིང། ཞེས་གསུངས་པ་བཞིན་དངོས་སྟོབས་རིག་པའི་སྒྲུབ་བྱེད་མེད་ན་སྐྱོན་བརྗོད་ཡིན་ཁུལ་མ་བྱས་རོགས

མེ་འོད་ལགས། ནུབ་ཕྱོགས་ཕྱི་གླིང་པ་རྣམས་ཀྱིས་ཁ་རྒྱུན་ལ་མ་འོང་གོ་ལ་འདི་རིག་གཞུང་གཅིག་འགྱུར་ཞིག་དང་སྐད་ཡིག་གཅིག་འགྱུར་ཡོང་གི་རེད་ཟེར་བ་བཞིན་ད་ལྟར་ང་རང་ཚོས་མདུན་ལ་འཛམ་གླིང་འདིའི་མི་རྣམས་ཀྱིས་ཆས་གོས་དང་ཟས་ཆ་ལག་ཤེས་དང་རིག་གསར་ཐམས་ཅད་བརྒྱ་ཆ་༦༥་ཐམ་པ་གཅིག་གྱུར་ཡིན་པ་མཐོང་བཞིན་དུ་ང་རང་ཚོའི་བོད་ཐུན་མོང་མ་ཡིན་པའི་སྐད་ཡིག་དང་ཐུན་མོང་མ་ཡིན་པའི་རིག་གཞུང་མ་གཏོགས་མེད་ཞེས་གསུངས་མི་རུང།

རྣམ་པ་ལྷན་རྒྱས་ལ་ཞུ་རྒྱུ། ངས་དང་པོ་རྩོམ་འབྲི་དུས་ནས་ང་རང་བོད་སྐད་ཡག་པོ་མི་ཤེས་པའི་བོད་མི་དཀྱུལ་མ་བ་ཞིག་ཡིན་ཞུ་ཡོད།

ཁྱེད་རྣམ་པས་ཚིག་གི་དག་ཆ་ནོར་འདུག་གསུངས་པ་དེ་ང་ཅོ་རི་ལགས་ཞུ་རྒྱུ་ཡིན། དེ་མིན་དོན་ལ་འཁྲུལ་འདུག་ཟེར་ན་དངོས་སྟོབས་རིག་པའི་སྒྲུབ་བྱེད་མ་ཁས་ལན་རྒྱུ་མིན།

དེ་བརྟེན་ཚེ་རིང་ལྟ་བུ་ཨོ་བྷ་མ་ཆོས་ཅན་ཇི་འདྲ་ཡིན་མིན་ཧ་མ་ན་རྟོག་གེ་རིག་པའི་འགྲོ་ལུགས་མི་ཤེས་པ་དངོས་སུ་རེད། དེ་འདྲ་ཡིན་དུས་ང་ཁྱེད་ལ་སྐྲག

ཧཧཧཧཧ།་ ང་ཚོ་འབྲས་བློ་གླིང་མཁས་དབང་རྣམས་ཀྱིས་ཁ་རྒྱུན་ལ། ཚིག་ལ་མ་ལྟ་དོན་ལ་ལྟོས།

དངོས་ཉིད་མཁས་པའི་བགྲོ་གླིང་ཟེར་བ་འདི་ལྟར་ཡིན་གདའ་ད་དུང་འདི་ནང་ལ་བཀོད་པའི་རྩོམ་ཡིག་རྣམས་ལ་རྒྱུ་མཚན་མེད་པ་ཅིག་ཀྱང་མི་འདུག །གཟི་བརྗེད་ཆེ།

འཛམ་རེ་ཞེས་པ་མཚམས་རེ་ཞེས་པར་བཅོས།

ཅོ་རི་ལགས་ཀྱིས་གསུངས་པར་རྒྱུ་མཚན་ཅི་ཡང་མཐོང་མ་སོང༌། གལ་ཏེ་ཅོ་རི་ལགས་ཀྱི་དགོངས་ཚུལ་ལྟར་ན་དེང་རབས་ཀྱི་བྱ་དངོས་གསར་པ་བརྒྱ་ཆ་བརྒྱ་ཙམ་ཕྱི་ལོགས་ནས་བཟོ་བསྐྲུན་བྱེད་ཀྱི་ཡོད་ལ། དེ་བཞིན་ཕྱི་ལོགས་ནས་བཏགས་པའི་ཐ་སྙད་དེ་ཚོ་ཡང་རང་འཇགས་ང་ཚོས་བེད་སྤྱོད་བྱེད་དགོས་ཟེར། དེ་ལྟར་ན་འདི་ནས་བརྩིས་པའི་དུས་རབས་ཕྱེད་ཙམ་ནང་བོད་ཀྱི་སྐད་ཡིག་ནང་གི་མིང་ཚིག་གི་གོ་ས་བརྒྱ་ཆ་ཕྱེད་ལྷག་ཙམ་ཕྱི་རྒྱལ་གྱི་སྐད་ཡིག་གིས་འཛིན་རྒྱུ་རེད། དེས་ན་བོད་ཀྱི་སྐད་ཡིག་ཐོག་བསམ་བློ་རྣལ་མ་ཞིག་གཏོང་མཁན་ཡིན་ན། ད་ལྟ་བོད་ནང་གི་མཁས་དབང་དང་རྩོམ་པ་པོ། ཤེས་ལྡན་པ་རྣམས་ཀྱིས་ཉིན་མཚན་དུས་དྲུག་ཏུ་ངལ་བ་འཛེམས་མེད་ཀྱི་ཐོག་ནས་དེང་རབས་ཀྱི་ཅ་དངོས་གསར་པའི་ཐ་སྙད་ཁག་བོད་བསྒྱུར་གནང་གིན་ཡོད་པ་བཞིན་ང་ཚོས་ཀྱང་དེ་བཞིན་དང་ལེན་བརྒྱ་ཆ་བརྒྱ་བྱེད་དགོས་ངེས་རེད། འོན་ཀྱང་ཁོང་གིས་ཟུར་ཟ་དང་སྦྲགས་ཆོ་མེད་པའི་ལབ་གླེང་འགའ་གནང་འདུག དཔེར་ན། ཨོ་བྷ་མའི་མིང་བོད་བསྒྱུར་བྱེད་དགོས་རབས་རྣམས་ཡིན། གལ་སྲིད་ཐ་སྙད་བེད་སྤྱོད་བྱེད་ཆོག་མིན་དེ་མི་མང་ཉུང་ལ་ལྟ་གི་ཡོད་ན། རྒྱ་མཚོ་དང་རི་དང༌། རི་ལི་དང་སྨྱུ་གུ་སོགས་ཀྱི་ཐ་སྙད་རྣམས་ཀྱང་དབྱིན་སྐད་ཐོག་བེད་སྤྱོད་བྱེད་མི་རྦད་དེ་ང་ཚོ་ལས་མང་བ་ཡོད་པས། ང་ཚོས་ཀྱང་མི་མང་ཆེ་བས་འབོད་པ་ལྟར་འབོད་དགོས་སམ། གང་ལྟར་ཅོ་རི་ལགས་ཀྱིས་གནས་ཚུལ་དེའི་ཐོག་བསམ་བློ་གཏིང་ཟབ་པ་ཞིག་བཏང་མི་འདུག་ཅེས་ཞུ་རྒྱུ་ཡིན། ད་དུང་དག་ཡིག་ཐོག་ཅུང་གཟབ་དགོས།།