ཆའོ་ཧུང་།
ཚེ་རིང་རྒྱལ་གྱིས་སྒྱུར།
ཨོ་བྷ་མ་རྒྱ་ནག་ཧྲང་ཧེ་རུ་འཚམས་གཟིགས་ལ་མ་ཕེབས་པའི་ཡར་སྔོན་དུ། རྒྱ་ནག་དབུས་ཆབ་སྲིད་ལྷན་ཁང་ཚོགས་འདུ་ཚོགས་སྐབས་སུ་རྒྱུན་ལས་ཤིག་གིས་ཐེངས་འདིར་ཅང་ཙེ་མིན་ཨ་རིའི་སྲིད་འཛིན་ཨོ་བྷ་མ་དང་ཐུག་འཕྲད་ཀྱི་གོ་སྒྲིག་ཅིག་བྱས་ན་འོས་ལུགས་དང་། གལ་སྲིད་དེ་ལྟར་སྒྲུབ་ཐུབ་པ་བྱུང་ན། ཨོ་བྷ་མ་ཙང་ཙེ་མིན་གྱི་མ་ཡུལ་སློབ་གྲྭ་སྟེ་འགྲིམ་འགྲུལ་སློབ་ཆེན་དུ་འཚམས་གཟིགས་གོ་སྒྲིག་བྱས་ཏེ། དེ་གར་ཅང་ཙེ་མིན་དང་ཨོ་བྷ་མ་གཉིས་རང་བཞིན་གྱིས་ཐུག་འཕྲད་ཆོག་པ་དང་། ཐུག་འཕྲད་ཀྱི་དུས་ཡུན་ཆུ་ཚོད་སྐར་མ་ ༡༥ ནས་ ༣༠ ཙམ་གྱིས་ཆོག་ལུགས་བརྗོད་ཡོད་འདུག
ཡིན་ནའང་། ཚོགས་འདུའི་སྟེང་ཧུའུ་ཅིན་ཐའོ་གཙོས་རྒྱུན་ལས་གཞན་དག་གིས་རྣམ་འགྱུར་ཅི་ཡང་བསྟན་མི་འདུག ཅང་ཙེ་མིན་གྱིས་ཀྱང་གནས་ཚུལ་འདི་སྔར་ནས་ཚོད་བགམ་ཐུབ་ཡོད་པར་བརྟེན། དོན་དག་འདི་ཧུའུ་ཅིན་ཐའོ་བློ་མཐུན་གྱིས་གོ་སྒྲིག་གནང་རྒྱུ་ལས་ཁྱེད་ཅག་གིས་གླེང་མི་དགོས་ཞེས་བརྗོད་ཡོད་འདུག ཅང་ཙེ་མིན་གྱི་སྐད་ཆ་འདིས་གལ་སྲིད་ཧུའུ་ཅིན་ཐའོ་མོས་མཐུན་བྱུང་ན། ཁོ་རང་ཐེངས་འདིར་ཨོ་བྷ་མར་ཐུག་འཕྲད་བྱས་ཏེ་ཡང་བསྐྱར་རང་ཉིད་ཀྱི་དབང་ཤུགས་ཐེངས་གཅིག་ངོམ་སྟོན་བྱ་འདོད་ཡོད་པ་བསྟན་ཡོད་པ་རེད། ཡིན་ནའང་། གནད་འགག་གཙོ་བོ་དེ་ཧུའུ་ཅིན་ཐའོ་ཡིས་མགོ་མཇུག་བར་གསུམ་དུ་ཡ་ལན་ཅི་ཡང་སྤྲད་མེད་པ་རེད། མཇུག་མཐར་རྒྱ་ནག་ཕྱི་འབྲེལ་ལས་ཁུངས་དང་ཨ་རིའི་ཕྱོགས་གཉིས་ནས་ཨོ་བྷ་མའི་འཚམས་གཟིགས་གོ་སྒྲིག་གྲོས་བསྡུར་གྱི་མཇུག་འབྲས་ལ། ཨ་རིའི་ཕྱོགས་ནས་ཨོ་བྷ་མའི་འཚམས་གཟིགས་ཆུ་ཚོད་ལ་ཚད་བཀག་ཡོད་པར་བརྟེན། ན་གཞོན་སློབ་ཆེན་པ་དག་དང་ཐད་ཀར་གླེང་མོལ་བྱ་རྒྱུའི་འཆར་གཞི་དེ་གལ་ཆེན་དུ་མཐོང་སྟེ་ཅང་ཙེ་མིན་གྱི་ཐུག་ཕྲད་ཀྱི་རེ་བ་དེ་རྩིས་མེད་དུ་བཏང་ཡོད་འདུག
དེའི་ཕྱིར་ཅང་ཙེ་མིན་ཧ་ཅང་བློ་ཕམ་ཡིད་སྐྱོ་བྱུང་ཡོད་པ་རེད། པའོ་ཞོན་གསར་འགོད་པ་ཆའོ་ཧུང་གིས་དེའི་ཐད་ཀྱི་གནས་ཚུལ་རྒྱུས་ལོན་བྱུང་བ་ལྟར་ན། ཅང་ཙེ་མིན་གྱི་སེམས་སྐྱོ་དོན་གཞན་ཞིག་ནི། ནད་མནར་གྱི་རྐྱེན་པས་མི་འགྱངས་པར་འཆི་ལམ་དུ་གྱར་ལ་ཉེ་བའི་ཉེན་བརྡ་ཕོག་ཡོད་པའི་ལི་ཕིན་རེད། ཉེ་ལམ་རྒྱ་ནག་རྒྱལ་ཡོངས་ཀྱི་ས་ཁུལ་སོ་སོར་མི་དམངས་ཀྱིས་ལྐོག་ཟ་རུལ་སུངས་མཁན་ལི་ཕིན་འཇིག་རྟེན་དཀར་ངོགས་དང་འབྲལ་རྒྱུར་དགའ་སྟོན་གྱི་གྲ་སྒྲིག་བྱས་ཏེ། སྔ་ས་ནས་མཚོན་ལྡན་ཤོག་སྦག་ཉོ་བཞིན་པའི་གནས་ཚུལ་སོགས་ཅང་ཙེ་མིན་གྱིས་གོ་ཐོས་བྱུང་བར་བརྟེན། “མི་འགྱངས་པར་མི་ཤི་ལ་ཉེ་འདུག ད་དུང་དགའ་སྟོན་བྱ་རྒྱུ་ཟེར། དེ་ནི་ཀྲུང་གོ་བའི་ཆེས་བླ་བརྡོལ་གྱི་བྱ་སྤྱོད་ཞིག་རེད།” ཅེས་སྡུག་སྐད་ཀྱང་འདོན་གྱིན་ཡོད་འདུག དེ་བཞིན། “ཁྭ་ཏ་ཤི་བར་ཕོ་རོག་སྐྱོ” ཞེས་པའི་དཔེ་ལྟར། ཅང་ཙེ་མེན་ལ་སྡུག་བསྔལ་གྱི་སེམས་ཚོར་སྐྱེས་བཞིན་ཡོད་པའི་སྐོར་ཁོའི་ཉེ་འཁྲིས་ཀྱི་མི་ཞིག་གིས་བརྗོད་ཡོད་འདུག
གཞན་ཡང་། ད་སྐབས་ཅང་ཙེ་མིན་གྱི་ལུས་པོའི་གནས་སྟངས་ཀྱང་ཇེ་ཞན་ཇེ་སྡུག་དུ་འགྲོ་བཞིན་ཡོད་པ་དང་། ཧུའུ་ཅིན་ཐའོ་ཡིས་ཀྱང་བསམ་བཞིན་དུ་སྐབས་བཅོ་བརྒྱད་པའི་རྒྱ་ནག་ཆབ་སྲིད་མགོ་ཁྲིད་མི་སྣའི་གོ་སྒྲིག་ནར་འགྱངས་ཀྱིས་ཐག་གཅོད་གནང་གི་མེད་པ་རེད། དུས་ཚོད་ནར་འགྱངས་ནི་ཧུའུ་ཅིན་ཐའོ་ལ་མཚོན་ན་ཁེ་ཕན་ཞིག་ཏུ་གྱུར་ཡོད་འདུག ཡིན་ནའང་། ཤོག་ཁག་རུ་སྒྲིག་གི་རྒྱབ་དཔུང་ཤུགས་ཆེན་མེད་པའི་ཧུའུ་ཅིན་ཐའོ་ཡང་ལོ་སྔོན་མ་ནས་བཟུང་ཁེར་རྐྱང་ནུས་མེད་ལྟ་བུར་འགྱུར་བཞིན་ཡོད་འདུག
ཁུངས་མེད་ཀྱི་རྩོམ་ཡིག་འདི་རང་སེམས་བཟི་བའི་སྨན་དང་མཚུངས།
ང་ཚོ་ནམ་ཡང་རང་སྣང་སྐྱིད་པའི་ལབ་རྡོལ་གྱིས་ཚིམས།
འདི་ནི་དེ་ལ་མི་དགའ་བའི་རྒྱུ་མཚན་ཁོ་ན་ཙམ།
དངོས་གནས་དེ་འདྲ་ཡིན་ནམ། ཡག་པོ་བསྒྱུར་འདུག་མོད། གང་ནས་བསྒྱུར་བའི་ཁུངས་མེད་པ་དེ་སྐྱོན་ཆེན་པོ་འདུག ཕྱི་རྒྱལ་ཡིན་ན་ཡིད་ཆེས་བྱེད་ཀྱི་མ་རེད། རྩོམ་པ་པོའི་མིང་ཙམ་མ་ཡིན་པར། དེ་ཚགས་པར་རམ་དུས་དེབ། ཡང་ན་དྲ་རྒྱ་སོགས་གང་ནས་མ་ཡིག་བླངས་པ་དེ་གསལ་དགོས་པ་རེད། དེ་གལ་ཆེན་པོ་རེད།
ད་ཕན་རྒྱ་ནག་དམར་པོའི་གཞུང་འདི་བཙུགས་ནས་ནང་ཁུལ་འགལ་ཟླ་ཤ་སྟག་བྱུང་ཡོད། ༧གོང་ས་མཆོག་ནས་ན་ཉིན་གསུངས་སོང༌། གུང་ཁྲན་འགོ་ཁྲིད་ཚོས་ཁ་ནས་བློ་མཐུན་རྣམ་པ་ཞེས་བརྗོད་པ་ལས་དོན་ལ་གཅིག་གིས་གཅིག་ལ་སྐྱོན་བཙལ་ནས་སྐེ་གཙིར་ཆོག་ཆོག་བྱས་བསྡད་ཡོད་པ་རེད། འོན་ཀྱང་ཀྲུང་དབྱང་ནང་ཁུལ་དབང་ཆའི་འཐབ་རྩོད་རིམ་བྱུང་ལ་བོད་ལ་གྱོང་ལས་ཁེ་ཅི་ཡང་རག་མྱོང་མེད། དཔེར་ན་རིག་གནས་གསར་རྗེ་བཞིན།
ཕྱི་ལོག་ནས་ཁོ་ཚོའི་ནང་ཁུལ་གྱི་འགལ་ཟླ་རྣམས་སྐྱོན་བརྗོད་བྱེད་པ་ནི། ཁོང་ཚོ་རྡོག་རྩ་གཅིག་ཏུ་བསྒྲིལ་རྒྱུའི་བསླབ་བྱ་ཞིག་ཏུ་འགྱུར་གྱི་ཡོད་པ་འདྲ།
རེད་ཡ་་་་་འོ་ཚང་གི་གནས་ཚུལ་ལ་བསམ་ཞིབ་དང་ཡིད་འཇོག་མེད་པ་དེ་བཞིན་རེད།
གནས་ཚུལ་དེ་རྣམས་དྲང་བདེན་དང་ལས་དེ་འདྲ་བོ་ལ་ཐུགས་ཡོད་ན་བུ་ཆུང་ང་ཡང་ཡིད་རེ་དགའ་། ཡིན་ཀྱང་ཧུའུ་ཅིན་ཐའོ་དང་རྒྱ་གཞུང་གི་ལས་བྱེད་དེ་ཚོར་ལས་དང་རྣམ་སྨིན་ལ་ཡིད་ཆོས་རྩ་བ་ནས་བྱེད་རྒྱུ་མེད་པར་གཞི་བཞག་ཡིན་ཀྱངདུས་ནི་མི་མི་ནི་འགྱུར་བ་ཡིན་ཞེས་པ་བཞིན་མ་འོངས་བ་ཧུའུ་ཅིན་ཐའོ་ལ་ཡང་ཅུང་ཙེ་མིན་བཞིན་ཡོངས་རྒྱུ་བརྟེན་འཁེལ་ཡོད། ཧཧཧཧཧཧ
ལི་ཕིང་གིས་༡༩༨༩ལོར་མང་གཙོ་དོན་གཉེར་བའི་སློབ་ཕྲུག་དམར་གསོད་བཏང་བ་སོགས་ནག་ཉེས་ཧ་ཅང་ཆེ། དེར་བརྟེན་ཁཽ་འཆི་སྐབས་པེ་ཅིན་དུ་རྒྱ་རིགས་མི་མང་གིས་དགའ་སྟོན་ཆེད། ཤོག་སྦག་ཉོ་བཞིན་པའི་གནས་ཚུལ་ཡིན། འོན་ཀྱང་སྐབས་དེར་རྒྱ་གཞུང་གིས་མི་མང་གི་རྣམ་འགྱུར་ཕྱིར་མངོན་མི་བཅུག་པར་དྲག་གནོན་བྱེད་རྒྱུར་གཏན་ཁེལ་ཡོད།
ཧཧཧཧཧཧཧཧgood
ལས་དང་སྨོན་ལམ་ཁ་ཐག་ཉེ་ཡོད་ན།།
སེམས་དང་ལུས་ཀྱི་རྣམ་སྨིན་འཁོར་ས་ནི།།
འཛམ་གླིང་འདི་ན་མཐའ་ཡས་གྲངས་མེད་ཅིག།
ཐག་རིང་ཐག་རིང་ཞིག་གི་སྐད་ཆ་དེ།།
འགྲོ་བ་མི་ཡི་རྣ་བར་འཛུལ་དཀའ་ཚོད།།
ལས་ཀྱི་རྣམ་པར་སྨིན་པ་བསམ་མི་ཁྱབ།།
བརྩེ་བའི་བདག་ཉིད་ཅན་ཡང་དུད་འགྲོར་སྐྱེས།།
འདི་ལྟར་གསུངས་བ་བསམ་གྱིས་མི་ཁྱབ་པས།།
རྒྱ་ནག་མགོ་ཁྲིད་དག་ལ་རྣམ་སྨིན་ཡོད།།
ལྷག་པར་རྒྱ་ནག་སྲིད་འཛིན་ཧུའུ་ཅན་ཐོས།།
ཆོལ་ཁ་གསུམ་གྱི་བོད་མི་ཁྲག་ལ་བརྫིས།།
པཎ་ཆེན་བླ་མའི་སྐུ་ཚེར་བར་ཆད་བཏང་།།
ཉེས་མེད་མི་ལ་མནར་གཅོད་བཙོན་འཇུག་བྱས།།
ལག་དམར་འདི་ལ་ཤོར་ས་གང་ན་ཡོད།།
དགྲ་བོ་འདི་ལ་འགྲོ་ས་གང་ན་ཡོད།།
ཅུང་ཙེ་མིན་དེ་ཡང་སྙིང་རེ་རྗེ། མི་ཟེར་བ་དེ་ནི་དེ་ལྟར་ཁྲེལ་གཞུང་མེད་པ་ཞིག་དུ་གྱུར་ནས་འོང་དུས། རང་ཉིད་སྲིད་འཛིན་དུ་བསྡད་དུས་ཀྱི་དུས་སྐབས་ཀྱི་ནག་ཉེས་དག་ལ་བསམ་ཤེས་ཤིག་ཀྱང་ཐུབ་ཡོད་ངེས་ཡིན། ཨ་ང་། སྲིད་ཟུར་ཞིག་གིས་རང་གི་རེ་འདོད་ཙམ་ཡང་བཤད་ས་མེད་པའི་རྒྱ་ནག་གི་སྲིད་གཞུང་དེ་ནི་ཚད་དངོས་ནས་དམའ་བོ་ཞིག་དུ་སླེབས་འདུག གོ་གནས་དང་དབང་ཐང་ཁོ་ན་ལས་འགྲོ་བ་མིའི་རིགས་ཀྱི་སེམས་བྱུང་དང་སྨྲ་བརྗོད་རང་དབང་ཟེར་བའི་ཐོབ་ཐང་དེ་དག་ད་དུང་། རྒྱའི་སྲིད་གཞུང་གི་མངའ་ངོགས་ནས་རང་དབང་ཐོབ་རྒྱུར་དུས་ཚོད་ཧ་ཅང་རིང་བོ་ཡོད་ས་རེད། དེ་ཡིན་དུས་བོད་པ་ཚོ་སྲིད་གཞུང་ངན་པ་དེ་འདྲ་ཞིག་གི་མངའ་ཁུངས་དུ་འདུག་རྒྱུར་འདོད་པ་བྱེད་པ་དེ་ནི་ནོར་འཁྲུལ་སྒང་ལ་ནག་ཉེས་ཤིག་བསགས་པའི་རྒྱུ་རུ་ཡང་འགྱུར་མི་སྲིད་པ་མིན་དུས། བོད་མགོ་ནག་ཡོངས་སུ་རྫོགས་པའི་བསམ་བློ་གཏོང་བ་ནས་ལག་ལེན་བྱེད་རན་དུ་སླེབས་འདུག