ད་ལྟའི་བཙན་བྱོལ་བོད་གཞུང་འདི་ནི་ལྟ་གྲུབ་དང་རིགས་ལམ་ལ་གཞི་བཅོལ་བའི་སྲིད་གཞུང་ཞིག་ཡིན། འདིའི་རྗེས་ཀྱི་སྲིད་གཞུང་དེ་ནི་ངེས་པར་དུ་ལག་ལེན་ལ་གཞི་བཅོལ་བའི་སྲིད་གཞུང་ཞིག་ཡིན་དགོས་ཀྱི་འདུག
བཙན་བྱོལ་སྤྱི་ཚོགས་ཀྱི་དམངས་གཙོའི་ཀ་བ་གསུམ་པོ་ལྟ་གྲུབ་ལ་གཞི་བཅོལ་ནས་བསླངས་པ་རེད། ཐ་ན་ང་ཚོའི་དམངས་གཙོ་འདི་ཡང་ལྟ་གྲུབ་དང་རིགས་ལམ་གྱི་སྒོ་ནས་དཔྱད་ཅིང་ལེགས་པར་འདོད་དེ་བཙན་བྱོལ་སྤྱི་ཚོགས་ཀྱི་ནང་འདིར་འཁྱེར་ཡོང་བ་མ་གཏོགས། ལག་ལེན་དངོས་ཀྱི་ཐོག་ནས་ར་འཕྲོད་ཅིང་བདམས་པ་མ་རེད། དེར་བརྟེན་ངས་ནམ་རྒྱུན་ང་ཚོའི་སྤྱི་ཚོགས་ནང་འདིར་བྱ་བ་ལེགས་ཉེས་གང་ཡིན་ཡང་། ལྟ་བ་དང་རིགས་ལམ་གྱི་ལམ་ནས་བརྩད་བསྡད་པ་མ་གཏོགས་ལག་ལེན་དངོས་ཀྱི་ཐོག་འབབ་དཀའ་བའི་གནས་སྟངས་དེ་མཐོང་ལ། བྱ་བ་ཕལ་ཆེ་བ་ནི་གཏམ་བཤད་ཀྱི་རིམ་པ་ནས་གླེང་བསྡད་པ་མ་གཏོགས་ལག་ལེན་ལ་མི་གཞོལ་བའི་དཀའ་ངལ་ཞིག་ཡོད།
བཀའ་ཁྲི་ཟམ་གདོང་རིན་པོ་ཆེ་མཆོག་གིས་ཀྱང་ཁོང་གིས་སྣེ་ཁྲིད་པའི་སྲིད་གཞུང་འདི་ནི་ལྟ་གྲུབ་ལ་གཞི་བཅོལ་བའི་སྲིད་གཞུང་ཞིག་ཡིན་སྐོར་ཐེངས་ཁ་ཤས་ལ་གསུངས་མྱོང་། བདེན་པ་དང་འཚེ་བ་མེད་པའི་ལྟ་གྲུབ་ཀྱང་གཞུང་འདིའི་རྒྱབ་རྟེན་ཡིན། ཡིན་ཡང་། ལྟ་གྲུབ་ལ་གཞི་བཅོལ་བའི་སྲིད་གཞུང་འདི་ནི་ལག་ལེན་ལ་ཧ་ཅང་ཐག་རིང་བོར་གྱུར་ཡོད་ལ། འདིའི་དཔེ་མཚོན་གསལ་ཤོས་ནི་བཀའ་ཁྲི་མཆོག་གི་སྲིད་བྱུས་གསར་པའི་སྐྱ་ཐིག་དོན་ཚན་ཉེར་གཅིག་ལས་ཤེས་ཐུབ། མི་ལོ་ ༡༠ རིང་སྲིད་བྱུས་འདི་དག་གི་ཕལ་ཆེ་བ་ཞིག་ལྟ་གྲུབ་ཙམ་ལས་ལག་ལེན་གྱི་རིམ་པར་བསླེབ་ཐུབ་མེད། ད་ནི་མི་ཚང་མས་སླར་ཡང་བཀའ་ཁྲི་འདིའི་བཟོད་གསོལ་རིང་མོ་དེར་བསྒུག་བསྡད་ཡོད།
དེང་སྐབས་བཙན་བྱོལ་སྤྱི་ཚོགས་ནང་དུ་ཐེངས་རྗེས་མའི་བཀའ་ཁྲི་གླེང་གིན་ཡོད། བཀའ་ཁྲི་དེའི་སྐོར་ཁ་སང་དེ་རིང་གི་གཏམ་བཤད་ཀྱི་རིམ་པར་བསླེབས་ཡོད། གཙོ་བོ་བཀའ་ཁྲིའི་འོས་མི་དེའི་ལྟ་གྲུབ་མ་གཏོགས་ལག་ལེན་ལ་གཞོལ་བའི་མི་ཞིག་འཚོལ་གྱིན་མེད་པ་འདྲ། ཚང་མས་གཏམ་བཤད་ཀྱི་རིམ་པ་ནས་གཏམ་བཤད་སྤེལ་མཁན་ཞིག་འཚོལ་བཞིན་པའི་སྣང་བ་སྟེར།
ང་ཚོས་བོད་མི་རིགས་རང་གི་བྱ་བཞག་བཙལ། དེ་ནས་བྱ་བཞག་དེ་སྒྲུབ་ཐུབ་མཁན་དང་ང་ཚོ་བྱ་བཞག་དེའི་དོན་དུ་སྣེ་འཁྲིད་མཁན་གྱི་བཀའ་ཁྲི་འཚོལ་གྱིན་མེད་པར། ཐོག་མར་ལྟ་བ་དང་རྟོགས་པ་ཡོད་མཁན་གྱི་མི་ཞིག་བཙལ། དེ་ནས་མི་དེའི་ཤེས་འཇོན་ལ་བསྟེན་ནས་བོད་མི་རིགས་ཀྱི་ལས་དོན་སྒྲུབ་དགོས་པའི་བསམ་ཚུལ་ཞིག་འཁྱེར་བསྡད་ཡོད།
ང་ཚོར་བཀའ་ཁྲིའི་འོས་གཞི་མི་རག་པའི་དཀའ་ངལ་ཡང་གཙོ་བོ་ལྟ་བ་དང་རྟོགས་པ་ཡོད་མཁན་ཞིག་མ་བརྙེད་པ་དེ་རེད། དེ་འདྲ་ཞིག་བརྙེད་ཚེ་བོད་མི་རིགས་ཀྱིས་ཡོད་ཚད་བློས་འགེལ་ཐུབ་ལ། མི་རིགས་ཀྱི་བྱ་བཞག་མཐའ་དག་མི་དེའི་ཕྲག་ལ་འཕེན་ངེས། དམངས་གཙོ་ཡིན་མིན་གང་ལྟར་ཡང་འདི་ནི་བོད་མི་རིགས་ཀྱི་གཤིས་ཀར་གྱུར་ཡོད།
གནས་ཚུལ་འདི་དག་ལ་བརྟེན་ནས་ང་ཚོས་བཀའ་ཁྲི་དེ་འཚོལ་སྐབས་ཐོག་མར་མི་རིགས་རང་གི་བྱ་བཞག་གལ་ཆེ་བ་དག་བང་རིམ་སྒྲིག་རྒྱུ་དང་། དེ་ནས་བྱ་བཞག་དེ་དག་ལག་ལེན་གྱི་ངོ་བོར་འབེབ་ཐུབ་མཁན་དང་བོད་མི་རིགས་འདི་བྱ་བཞག་དེ་དག་སྒྲུབ་པར་སྣེ་འཁྲིད་མཁན་ཞིག་འཚོལ་རྒྱུ་ནི་གལ་ཆེ་བར་འདོད།།
འོ་ལགས་སོ་ལགས། ཅོ་རི་བས་རྩོམ་སྒྲིག་པ་ལ་བྲིས་པའི་ལན་དེ་ཁྱེད་ཀྱིས་གནང་སོང་། དེ་ཙམ་གྱི་ཞུས་པ་ཡིན་ལགས། གོ་བ་ལོན་མི་ལོན་གྱི་སྐད་ཆ་མེད་ལགས། བཀྲ་ཤིས་བདེ་ལེགས་
བྱམས་རྒྱལ་ལགས། ངས་བཤད་པའི་ཚིག་དེ་ཚོ་ཁྱེད་ཀྱིས་གོ་བ་ལོན་མེད་ཚོད་འདུག རིག་པ་སྒྲིམ་ནས་ཐེངས་ཁ་ཤས་ལ་འབད་པས་ཀློག་དང་གཅིག་བྱས་ན་ཁ་ཕྱོགས་ཙམ་ཤེས་པའི་རེ་བ་ཡོད།
ཅོ་རི་བ་ཡིས་གནད་འདྲི་ཁ།
ཨ་ལ་ལ་ཡིས་བཀག་དོན་ཅི།
རིག་ལམ་ཁོ་ནར་མ་ཡིན་པའི།
ལག་ལེན་དངོས་དེ་བསླབ་འདོད་ཆེ།
ཅོ་རི་ལགས། ཁྱེད་ཀྱིས་རྩོམ་སྒྲིག་པ་ལ་དྲིས་པའི་ལན་དེ་རྩོམ་སྒྲིག་པས་འདེབས་དགོས་པ་ཡོད་ཀྱི་མ་རེད་ལ་ཁྱེད་ཀྱིས་ཀྱང་མ་མཁྱེན་པ་ཡོད་ཀྱི་མ་རེད། ཁ་གསལ་ན་ཀུན་སློང་ཞེས་པའི་མིང་ཚིག་འདི་ཁོ་ན་རེད། དེའི་རྐྱེན་ཀྱིས་ཀུན་སློང་བཟང་ངན་གྱིས་ལེགས་ཉེས་བཟང་ངན་འབྱུང་བཞིན་པ་མ་ཡིན་ནམ། དེས་ན་དུས་ད་ལྟ་བར་དུ་དྲང་བདེན་ལ་དགའ་མཁན་མང་པོ་ཞིག་གིས་རྒྱུན་དུ་སྨེ་ངག་འདོན་བཞིན་པའི་གནད་འགག་ཀྱང་འདི་ལ་ཐུག་ཡོད།
བདེ་བ་ཅན་གྱི་བདེན་གཏམ་ལ།།
མགྲིན་བཟང་བོང་བུས་སྐད་ངན་སྒྲོག།
རྩོམ་སྒྲིག་པ་ལུང་རིག་ལགས།
ངས་གང་བཤད་པ་ནི། ༼ངས་ནམ་རྒྱུན་ང་ཚོའི་སྤྱི་ཚོགས་ནང་འདིར་བྱ་བ་ལེགས་ཉེས་གང་ཡིན་ཡང་། ལྟ་བ་དང་རིགས་ལམ་གྱི་ལམ་ནས་བརྩད་བསྡད་པ་མ་གཏོགས་ལག་ལེན་དངོས་ཀྱི་ཐོག་འབབ་དཀའ་བའི་གནས་སྟངས་དེ་མཐོང་ལ། བྱ་བ་ཕལ་ཆེ་བ་ནི་གཏམ་བཤད་ཀྱི་རིམ་པ་ནས་གླེང་བསྡད་པ་མ་གཏོགས་ལག་ལེན་ལ་མི་གཞོལ་བའི་དཀའ་ངལ་ཞིག་ཡོད། ༽ འདི་ཡིན། ཞེས་ཁྱེད་ཀྱིས་བསམ་ཚུལ་བྱས་ན་ལག་ལེན་ཐོག་ཏུ་འབབ་མི་ཐུབ་པའི་གནད་འགག་ཆེ་ཤོས་དེ་ག་པ་ཐུག་འདུག་གམ།
བདེ་བ་ཅན་ལགས།
མི་ལོ་མང་པོ་རིང་དུ་བཙན་འབྱོར་གཞུང་གི་མི་དྲག་སྐུ་དྲག་དང་མཐར་ན་དགེ་རྒན་རྣམས་ཀྱང་གཅིག་རྗེས་གཉིས་མཐུད་ནས་ཡུང་རོ་དང་ཨ་མེ་རི་ཀའི་ནང་དུ་སྐྱབས་བཅོལ་ཕེབས་པ་མ་ཡིན་ནམ།
བཙན་འབྱོར་བོད་ཀྱི་མི་དྲག་སྐུ་དྲག་ཚོས་བོད་ཡིག་སྦྱོང་མི་དགོས་པ་བོད་སྐད་རྒྱག་མི་དགོས་པ་ཕྱི་རྒྱལ་འགྲོ་ཆོག་པ་མ་ཟད་གཞུང་གིས་ཐོག་ནས་རྒྱབ་སྐྱོབ་ཡོད་པ་ཞིག་རེད། བོད་མི་ཉམ་ཐག་ཚོས་རང་གི་འགྲོ་སོང་ཐོག་ནས་ཕྱི་་རྒྱལ་ཕྱིན་ན་འགྲིག་གི་མེད་མདོག་མདོག་བོད་སྤྱི་དོན་ལ་འགྲིག་གི་མེད་པའི་བཤད་སྟངས་འདི་ནི། དྲང་བདེན་མེད་པའི་སྐད་ཆ་ཞིག་བོད་མི་ཉམ་ཐག་ལ་དབང་ཡོད་ཀྱི་སྐད་ཆ་ཞིག་མ་གཏོགས་ང་ཅོ་རི་ཤི་སྲོག་ལ་ཐུག་ཡང་ངོ་ལེན་བྱ་རྒྱུ་མིན་ཞེས་ངས་རྒྱལ་བ་རིན་པོ་དཔང་དུ་གཙུགས་ཆོག
དྲོད་ཉི་མ་ཤར་ཡང་མ་བཞུར་ལེ་སྙིང་གངས་དཀར་དཀྱུལ་ཀྱི་འཁྱགས་པ་རེད།
བཀའ་ཅི་ཙམ་ཕམ་ཀྱང་མ་ཕུན་ལེ་བོད་ཉམ་ཐག་རྣམས་ཀྱི་ཐོབ་ཐང་རེད།
ངས་རེ་བ་ལ་སྤྱི་ཚོགས་དུ་སྐད་ཆ་བཤད་སྐབས་སུ་ངེས་པ་དུ་བོད་མི་ཉམ་ཐག་ཚོའི་དཀའ་སྡུག་མཐོང་ཐུབ་པའི་ཐོག་གསུངས་དགོས་པ་མ་གཏོགས་མི་དྲག་སྐུ་དྲག་ལ་རྒྱབ་སྐྱོབ་དང་ངོ་དགའ་ཐོག་ནས་བཤད་མི་རུང་ཞེས་ཞུ་རྒྱུ་ཡིན།
བདེ་བ་ཅན་ལགས་ཁྱེད་ཀྱང་མགོ་བོ་སྤྲིན་པའི་སྟེང་དུ་ཐོན་ནས་བོད་མི་ཉམ་ཐག་ཚོའི་འཚོ་བའི་དཀའ་སྡུག་མི་མཐོང་པའི་རྡ་སའི་མི་དྲག་གཅིག་ཡིན་པ་འདྲ།
བོད་ནས་ཕེབས་པའི་གསར་འབྱོར་བ་ཇ་རིན་ཆུ་རིན་སྤྲད་ཀྱི་མེད་ནས་མེ་ལོ་གྷ་ཅུ་ལ་ཁྱམ་སྡོད་པ་ཚོ་མ་མཐོང་པ་འདྲ།
དྲ་གྲོགས་སྐར་ཁྲི་བཙན་གྱི་ཁ་རྡའི་རྩོམ་བྲིས་དེ་གཅིག་ཀློག་རོགས།
མ་ཟད་ཁྱེད་ཀྱི་གསུངས་དོན་དུ།
དེ་ནི་དོ་བདག་སོ་སོས་ལག་ལེན་བསྟར་དགོས་པའི་ཆ་རྐྱེན་དང་པོ་དེ་རེད། དང་པོ་གཞན་གསོན་པོར་འཚོ་བ་འདི་གཞན་རྟེན་ལས་གཡོལ་ཏེ་རང་ཉིད་ཀྱི་རྐང་པའི་སྟེང་རང་ཉིད་ལངས་བཞིན་པའི་དངོས་ཡོད་ཀྱི་གནས་ཚུལ་ལ་བསྟུན་དགོས་པ་ལས་ནུབ་ཕྱོགས་པའི་ཁ་རྒྱུན་དུ་ཡོད་པའི་གཏམ་དཔེ་སྤྱད་དེ་བོད་ནང་གི་བོད་མི་ཚོ་སྐྱོབ་པར་རང་ཉིད་ལྟོ་གོས་འགྲིག་པ་དགོས་ཞེས་པ་འདི་ཁ་རྒྱུན་དུ་མི་འགྲོ་བར་བཀའ་ཁྲི་ཟམ་གདོང་རིན་པོ་ཆེས་རྒྱུན་དུ་གཞན་རྟེན་ལས་གཡོལ་དགོས་པའི་བཀའ་སློབ་དེ་དག་ལ་ཟབ་མོ་ཉན་དགོས་རྒྱུ་དེ་གལ་ཆེན་པོ་ཡིན། ཞེས་གསུངས་འདུག་ཀྱང་སྐུ་ཉིད་ནས་ཟམ་གདོང་བླ་མའི་བཀའ་སློབ་ཉན་འདུག་ཀྱང་དོན་མ་གོ་བ་འདྲ། ངས་གཞན་སྐྱོབ་པ་ལ་རང་ཉིད་ལྟོ་གོས་འགྲིག་པ་དགོས་ཞེས་པ་འདི་དང་བཀའ་ཁྲི་ཡིས་གཞན་བརྟེན་མ་ཡིན་པ་རང་རྐང་སྟེང་དུ་ལངས་དགོས་གསུངས་པ་འདི་གཉིས་དོན་གཅིག་ཀྱང་ལངས་སྟངས་མི་བ་སོ་སོར་ཡོད་པ་ཤེས་རྒྱུ་གལ་ཆེ།
འཛམ་གླིང་འདིའི་སྟེང་དུ་མི་སོ་སོར་འཚོ་བ་སྐྱེལ་སྟངས་མི་འདྲ་བ་རེ་དང་ཚོགས་པ་དང་སྤྱི་ཚོགས་སོ་སོར་འཚོ་བ་སྐྱེལ་སྟངས་མི་འདྲ་བ་རེ་ཡོད་པའི་ནང་ནས་ཞིང་ལས་ཀྱི་འཚོ་བ་འདི་ནི་དཀའ་ལས་ཆེ་ཤོས་ཤིག་དང་ཡོང་འབབ་ཉུང་ཤོས་ཤིག་ཡིན་པ་མ་ཟད་དཔེ་ན་རྒྱ་ནག་ཁྱིམ་ཚང་མོའི་ནང་དུ་ཡང་ཞིང་པ་མི་སེར་རྣམས་ཀྱི་འཚོ་བ་སྐྱོ་ཤོས་དང་རིག་གནས་སྐྱོ་ཤོས་རེད་ལ་རྒྱ་གར་ཡང་སྐུ་ཉིད་ཀྱིས་མཐོང་ཆོས་སུ་ཡོད་པ་དེ་རེད།
མ་ཟད་བོད་ལ་ཆ་འཇོགས་ན་ངའི་ནང་མི་བརྒྱད་ཀྱིས་ལོ་གཅིག་རིང་ཞིང་ལས་ཡོང་འབབ་དེ་ངས་ཟླ་བ་གཅིག་གི་རིང་ནུབ་ཕྱོགས་སུ་ཐ་ལུ་བཀྲུ་པའི་ཡོང་འབབ་ཙམ་ཡང་མེད།
དེ་མ་ཟད་རྒྱ་གར་གཞི་ཆགས་ཁག་ཞིང་ལས་ཡོང་འབབ་ཀྱི་འདོད་པ་མ་གང་ནས་ཕྱི་གླིང་དུ་ལས་ཀ་འགྲོ་དང་འགྲོ་བཞིན་པ་མ་ཡིན་ནམ།
ཡོང་འབབ་དང་རིག་གནས་ཡར་རྒྱས་མེད་པའི་ཞིང་ལས་འདི་རྩ་བ་འཛིན་དགོས་དོན་ཇི་ཡིན་ནམ། དེང་རབས་ཉེར་གཅིག་ནང་དུ་བཀའ་བཀོད་རྒྱུད་འཛིན་གྱི་ཕྲན་གཡོག་ཞིང་ཕྲན་ལམ་ལུགས་འཛུགས་བསྐྲུན་བྱེད་ཀྱིན་ཡིན་ནམ། དེ་མིན་བོད་མི་རིགས་འདིས་རང་ཉིད་ལ་ཕྱག་འཚལ་པ་ཙམ་གྱི་འགྲིག་པ་ཡིན་ནམ།
ང་ལྟ་བུ་ལ་མཚོན་ན་ནུབ་ཕྱོགས་ནང་དུ་དཔལ་འབྱོར་སྐྱོ་ཤོས་གྲལ་ཡིན་ཡང་ན་བ་ཚ་གསུམ་བྱུང་སྨན་རིན་དང་རྒ་ན་རྒའི་གསོ་ལས་ཀ་མེད་ན་ལས་མེད་གླ་ཕོག་ཡོད་པ་མ་ཟད་དེ་ལས་སྡུག་ན་སྐྱབས་གསོ་སོགས་ཡོད་པ་བཞིན་དུ་བོད་མི་རིགས་ཡོད་ཚོད་ཐམས་ཅད་ལ་འཚོ་བའི་སྲུང་སྐྱོབ་ང་ལྟ་བུ་ཡོང་ལ་འབད་བརྩོན་དང་རེ་བ་བྱ་བཞིན་ཡོད།
དྲ་གྲོགས་ལྷན་རྒྱས་ལགས་ང་ཚོས་དོན་མེད་ཁ་ངན་དང་ཚིག་ངན་བེད་སྤྱོད་མིན་པ་གནད་དོན་ཐོག་གླེང་མོ་གནང་རོགས་ཞེས་རེ་བ་ཞུ།
མ་ཟད་དྲ་གྲོགས་བདེ་བ་ཅན་ཁྱེད་ཀྱིས་མཆན་རིང་པོ་ཞིག་བྲིས་འདུག་ཐུགས་རྗེ་ཆེ་ཞུ་རྒྱུ་དང་ཁྱེད་ཀྱིས་གསུངས་པ་དེར་ངས་གསལ་བཤད་ཞུ་ཆོག་པ་ཞིག
རྩོམ་སྒྲིག་པས་བཤད་པ་བཞིན་རེད།་་བོད་ཀྱི་དོན་དག་དེ་ལས་དོན་ནང་དངོས་སུ་ཞུགས་དགོས་པ་ཞིག་ལས་ལྟ་གྲུབ་དང་རིགས་ལམ་གྱིས་བཤད་ནས་ཐག་ཆོད་པའི་འདོམས་བདེ་པོ་དེ་འདྲ་ཞིག་མ་རེད།་
མགྲིན་པ་ཟབ་མོ། ང་ལ་ཏན་ཏན་ཏན་སྡུག་བསྔལ་ཞིག་ཡོད། དེ་ནི་སྐྱེ་བོ་ཀུན་ལ་སྡུག་བསྔལ་རེ་ཡོད་པ་ལྟར་ང་ལའང་གཅིག་རང་ཡོད། སྡུག་བསྔལ་ལ་ན་ཟུག་ཡོད་པའང་ངས་ཤེས་ཀྱི་ཡོད། ཁྱོད་ལ་ཡང་སྡུག་བསྔལ་ཞིག་ཡོད་ཚོད་འདུག སྡུག་བསྔལ་དེ་ལ་ན་ཟུག་ཅིག་ཀྱང་ཡོད་ས་རེད།
བཀའ་ཁྲི་ཟམ་གདོང་རིན་པོ་ཆེ་མང་ཚོགས་ཀྱིས་འོས་འདེམས་ཀྱིས་འོས་བླུགས་པ་ཞིག་ཡིན་སྟབས་ཁྱེད་རང་ནས་ངོས་ལེན་བྱས་མ་བྱས་ལ་ཁྱད་པར་མེད། དེ་ཁྱེད་རང་གི་རང་དབང་རེད། བོད་ཡིག་གི་གནས་སྟངས་ཡག་རབས་བཤད་ཡོད་མེད་གོང་དེར་གསལ་ཡོད།གང་ལྟར་ཁྱེད་ཀྱི་ཧམ་བཤད་ལྟར་ད་ལྟ་དེ་འདྲའི་ཐབས་སྡུག་པོ་ཞིག་སླེབས་མེད་པ་དཔེ་མཚོན་དུ་དྲངས་ཡོད། གང་ལྟར་འཕྲུལ་སྣང་མིན་པར་ངས་བརྗོད་པའི་དཔེ་མཚོན་དེ་དག་ནི་ད་ལྟ་མཐོང་རྒྱུ་ཡོད་པ་ཤ་སྟག་ཡིན། ཡིན་ནའང་དུས་རབས་དང་མཚམས་པ་ཞིག་མ་བྱུང་བར་འཐུས་སྒོ་མ་ཚང་བའི་གནད་དོན་འགའ་རེ་ཡོད་སྲིད་པ་རེད་ལ། དགེ་རྒན་གྱི་ཤེས་ཚད་ཀྱང་ཉམས་ཞན་དུ་འགྲོ་གི་ཡོད་པར་ངས་ངོས་ལེན་ཡོད། ཡིན་ནའང་ཁྱེད་ཀྱི་བཤད་པ་ལྟར་གྱི་འ་ཆད་འུ་ལ་ཐུག་པ་སྡུག་སྐད་རྒྱག་དགོས་པའི་དུས་ལ་བབས་མི་འདུག་སྙམ། བོད་ཡིག་དགེ་རྒན་ཆབ་བྲག་ལྷ་མོ་སྐྱབས་དཔེ་མཚོན་དུ་དྲངས་མ་ཡོང་རོགས། ཁོང་རང་མི་རིགས་ཀྱི་རིག་གཞུང་རང་གི་མི་རིགས་ཁྲོད་དུ་ཉམས་ཞན་དུ་འགྲོ་བར་མ་བཟོད་པར་བོད་མིའི་མཐོ་རིམ་སློབ་གྲྭ་ཞིག་གི་གོ་མིང་དོར་ནས་ནུབ་ཕྱོགས་ཡུལ་གྲུར་ཀ་ཁར་སློབ་པར་བསྐྱོད་པ་མ་རེད་དམ། ཁོང་གི་གསུངས་ཚད་ལ་ཆ་དེ་ཙམ་བཞག་རྒྱུ་ལུས་ཡོད་པ་མ་རེད། ས་ཧ་ར་སློབ་གྲྭར་ཁོང་རང་མ་བཞུགས་ཙང་ཉམས་ཞན་ཆགས་པ་རེད་དམ། ས་ཧ་ར་ཉམས་ཞན་དུ་ཕྱིན་པར་བརྟེན་ཁོང་ཡོ་རོབ་ཏུ་ས་ཧ་ར་ལས་ལེགས་པའི་ས་གནས་ཤིག་འདེམས་པ་རེད། དེའི་ཐད་ཁྱེད་རང་བ་སམ་བློ་ཡག་པོ་ཐོངས། ད་ངེད་གཉིས་དུས་བབ་ཀྱི་རྩོམ་སྒྲིག་པའི་ཆེད་བརྗོད་ཀྱི་རྒྱ་ལས་བརྒལ་ཏེ་ཚིག་ངན་ཕངས་པའི་དུས་ཚོད་དུ་སླེབས་གྲབས་འདུག་པས། ངས་མཚམས་འདི་ནས་མཆན་བཀོད་ཀྱི་མིན། བྱས་ཙང་ཁྱེད་རང་གང་འབྲི་འདོད་ཀྱང་རང་དགར་བྲིས། སུས་ཀྱང་ལན་རྒྱག་མཁན་ཡོང་གི་མ་རེད༎
གོང་གི་ཚིག་དེ་འདི་ལྟར་བཟོ་བཅོས་ཡོང་བ་ཞུ། ༼ས་ར་དང་ནོར་གླིང་། ཝར་ན་བཅས་ནས་སྔ་ཕྱིར་ཐོན་དང་འཐོན་བཞིན་པའི་བོད་ཡིག་དགེ་རྒན་དེ་དག་གི་ཤེས་ཚད་ཀྱང་སྔ་མ་སྔ་མ་ལས་ཕྱི་མ་ཕྱི་མ་རྣམས་ཀྱི་ཤེས་ཚོད་སྐྱོ་རུ་འགྲོ་གིན་འདུག ༽
བདེ་བ་ཅན། ཁྱོད་ལ་ཡང་སྡུག་བསྔལ་ཞིག་ཡོད་ཚོད་འདུག སྡུག་བསྔལ་དེ་ལ་ན་ཟུག་ཅིག་ཀྱང་ཡོད་ས་རེད།
གང་ལྟར། ངས་ཟམ་གདོང་རིན་པོ་ཆེ་ཁོང་བཀའ་ཁྲིར་ངོས་ལེན་མ་བྱས་པ་མིན། གནས་སྟངས་ཤིག་བཤད་པ་ཡིན། ཡིན་ཡང་། ཁྱོད་ཀྱིས་སྟོང་བསམ་ཞིག་གི་ངང་ནས་བོད་ཡིག་གི་གནས་སྟངས་ཡག་རབས་ཟེར། འདི་ནི་ཁྱོད་ཀྱི་འཕྲུལ་སྣང་ཡིན་པ་འདྲ།
གལ་སྲིད་བོད་ཡིག་གི་གནས་སྟངས་འགྲིག་བསྡད་ཡོད་ན་ཚང་མའི་སྡུག་སྐད་ཤོར་དོན་ཅི་རེད། ས་ར་དང་ནོར་གླིང་། ཝར་ན་བཅས་ནས་ཐོན་པའི་བོད་ཡིག་དགེ་རྒན་དེ་དག་གི་ཤེས་ཚད་ཀྱང་ལོ་རེ་ནས་ལོ་རེ་བཞིན་ཉམས་འགྲོ་གིན་འདུག་ཅེས་ཡོངས་གྲགས་ཀྱིས་སྡུག་སྐད་ཤོར་བཞིན་པ་འདི་ཁྱོད་ཀྱིས་ཡག་རྟགས་ཤིག་ལ་བརྩི་གིན་ཡོད་དམ། བོད་ཡིག་དགེ་རྒན་ཆབ་བྲག་ལྷ་མོ་སྐྱབས་ལགས་ཀྱིས་ཀྱང་ས་རའི་གནས་སྟངས་དེ་ལྟར་དུ་བཤད་པ་མིན་ནམ། བསམ་བློ་ཡག་པོ་ཞིག་གཏོང་རོགས།
ད་ལྟ་བཙན་བྱོལ་སྤྱི་ཚོགས་ཀྱི་བོད་ཡིག་གི་གནས་སྟངས་སྐྱ་ཆད་སྔོ་སྡུག་ཡིན་སྟབས་བོད་ཀྱི་གདན་ས་གསུམ་གྱི་གཙོས་ཆོས་སྡེ་ཁག་དང་། ས་ཧ་མཐོ་སློབ་དང༌། ནོར་གླིང་མཐོ་སློབ། ཝར་ན་མཐོ་སློབ་བཅས་ཀྱི་ནང་ལག་ཤེས་ཀྱི་སློབ་འཁྲིད་བྱ་གི་ཡོད་པ་རེད་དམ། གནས་སྟངས་སྐྱོ་པོ་དེ་འདྲ་རྩ་བ་ནས་སླེབས་མེད། ཟམ་གདོང་རིན་པོ་ཆེ་བོད་དང་རྒྱ་དཀར་ནག་སུ་ཡི་མཁས་པ་ཞིག་ཏུ་མཐོང་ཡང་དེ་ནི་ཁྱེད་ཀྱི་འཕྲུལ་སྣང་གི་ཚོར་བ་ཞིག་རེད། དོན་དངོས་ཐོག་ཁོང་ནི་བོད་མི་དམངས་ཀྱིས་མང་གཙོའི་ལམ་ནས་འོས་འདེམས་ཐེངས་གཉིས་བསྟུད་མར་བྱུང་བའི་ང་ཚོ་བོད་ཀྱི་བཀའ་བློན་ཁྲི་པ་ཐོག་མ་དེ་རེད། གལ་སྲིད་ཁྱེད་རང་གི་ཁོང་གི་ཡོད་ཚད་སྐྱོན་དུ་མཐོང་ཚེ་མཁྲིས་ནད་ཅན་གྱི་དུང་དཀར་སེར་པོ་མ་གཏོགས་མཐོང་རྒྱུ་མིན་པ་སྐྱེ་བོ་དམ་པས་སྔར་ནས་ཐག་གཅོད་ཟིན་པས་འདོད་རུང་མ་འདོད་རུང་གང་ལྟར་སྤྱི་ལོ་ 2011 བར་དུ་སྡང་སྐད་རྫོགས་མེད་དུ་སྒྲོགས་བཞིན་ཨང་༎༎༎༎༎༎༎༎།
ངས་བཀའ་ཁྲི་ཟམ་གདོང་རིན་པོ་ཆེ་མཆོག་ག་དུས་མཐོང་ན་ཡང་ཁོང་ནི་རྒྱ་གར་གྱི་མཁས་པ་ཞིག་ཡིན་པ་ལས། བོད་ཀྱི་མཁས་པ་ཞིག་ཡིན་པའི་སྣང་བ་སྟེར་གི་མི་འདུག དེའི་ཁར་ཁོང་ཚང་གི་ང་རྒྱལ་གྱི་རྣམ་པ་དེ་ཡང་རྒྱ་གར་གྱི་མཁས་པ་ཚོ་དང་ཆབ་སྲིད་པ་ཚོའི་བཟོ་ཙམ་ལས། བོད་ཀྱི་བླ་ཆེན་དག་གི་ཐུགས་གཤིས་འདྲ་བ་ཞིག་ཁྱོན་ནས་མི་འདུག
བོད་ནང་གི་མཁས་པ་དེ་དག་གིས་རང་རང་གི་བུ་སློབ་གལ་ཆེན་པོ་མང་པོ་བསྐྱངས་ཡོད་པ་རེད། ཡིན་ཡང་། མཁས་དབང་ཟམ་གདོང་རིན་པོ་ཆེ་མཆོག་ལ་བོད་ཀྱི་ཆོས་རིག་གི་ཕྱོགས་ནས་བུ་སློབ་གྲགས་ཅན་དེ་འདྲ་ཡོད་པའང་མཐོང་མ་སོང་།
ཆབ་སྲིད་ཀྱི་གནད་དོན་ནི་གཞན་དབང་སྟབས་བསྟུན་ཡིན་པས་ཁག་མེད་དུ་ཆུག འོན་ཀྱང་། ཁོང་ཉིད་མཁྱེན་ཡོན་དང་དབང་ཚད་ཀྱི་རྩེར་བསླེབས་པའི་སྐབས་འདིར་ཡང་བོད་ཀྱི་ཆོས་རིག་རྒྱུན་འཛིན་གྱི་ཐད་ཕྱག་རྗེས་ཆེན་པོ་ཞིག་འཇོག་ཐུབ་མ་སོང་། ཤེས་ཡོན་སྲིད་བྱུས་གསར་པ་ཞིག་གཏན་འབེབས་བྱས་ཟིན་པ་ཡིན་རུང་། ད་དུང་ཡོངས་ཁྱབ་ཀྱིས་ལག་བསྟར་བྱེད་ཐུབ་ཀྱིན་མེད།
བཙན་བྱོལ་སྤྱི་ཚོགས་ནང་དུ་བོད་ཡིག་གི་གནས་སྟངས་སྐྱ་ཆད་སྔོ་སྡུག་ཡིན་ལ། དེའི་ཁར་བོད་ནས་ཕེབས་མཁན་བོད་ཡིག་དང་བོད་ཀྱི་ཤེས་རིག་ལ་སྦྱངས་པ་ལེགས་མཁན་ཚོར་ཡང་བདག་པོ་རྒྱག་ཐུབ་མེད། ད་ནི་ཁོང་ལ་འདི་ལྟ་བུའི་གོ་སྐབས་ཤིག་རག་ཁག་པོར་གྱུར་ཡོད།
དྲ་གྲོགས་ཅོ་རི་ཉི་མ་ལགས། ཁྱེད་ཀྱི་གསུངས་པའི་དགོངས་ཚུལ་དེ་དག་ལའང་རྒྱུ་མཚན་ཡོད་བཟོ་འདུག བཀའ་ཁྲི་ཟམ་གདོང་རིན་པོ་ཆེ་མཆོག་གི་དབུ་ཁྲིད་པའི་བཙན་བྱོལ་བོད་གཞུང་གིས་བོད་ནས་གསར་དུ་ཕེབས་པ་དང་ལས་གནས་གོ་གནས་མེད་པའི་གཞིས་ཆགས་ཁག་གི་བོད་མི་ཉམ་ཐག་རྣམས་ཀྱི་འཚོ་བའི་དཀའ་ངལ་ལ་སོགས་མ་མཐོང་ཟེར་བ་དེ་ནི་བདེན་པ་ཞིག་ཏུ་རྩ་བ་ནས་ངོས་འཛིན་ཞུ་གི་མེད། ལས་གནས་གོ་གནས་མེད་པའི་ཉམ་ཐག་གཞིས་ཆགས་ཉམ་ཐག་རྣམས་ཀྱི་ཉམས་ཐག་ཞིབ་འཇུག་ཚོགས་ཆུང་བཙུགས་ཏེ་རོགས་རམ་ལས་གཞི་གནང་མུས་ཡིན་པ་དང༌། གཞུང་ཞབས་གསར་འདེམས་ཀྱི་ས་མིག་ཡོད་ཚད་བཀངས་ཏེ་ན་གཞོན་ཤེས་ཡོན་ཅན་ཚོར་ལས་གནས་གཏན་འཇགས་ཐོབ་རྒྱུར་གཞི་བརྟན་ངེས་ཅན་བསྐྲུུན་ཡོད་པ་དང༌། གཞིས་ཆགས་ཁག་ནང་སོ་ནམ་འདེབས་ལས་ཀྱི སྲོལ་རྒྱུན་ཡོང་ཐབས་སོགས་ལས་གཞི་དང་། ཕྱི་རྒྱལ་ཁག་ཏུ་སོ་ནམ་འདེབས་ལས་ཚུད་པའི་ལས་གཞིའི་ཆེད་སྦྱོང་བརྡར་སློབ་གཉེར་ཆེད་གཏོང་མུས་སོགས་ལས་གཞི་མང་དག་ཞིག་ཡོངས་གྲགས་མིན་པའི་ཐོག་ནས་འགྲོ་བཞིན་ཡོད་ཀྱང་མཉམ་ཞུགས་བྱ་མཁན་ཉུང་བའི་དཀའ་ངལ་ཡོད་པ་སོགས་རགས་བསྡུས་ཙམ་རེད། བོད་ནས་གསར་དུ་ཕེབས་པ་རྣམས་ཀྱི་ཆེད་དུ་ཐོག་མར་འབྱོར་སྐབས་ཀྱི་སྣེ་ལེན་གོ་སྒྲིག་ཞུ་སྒོ་དང་ལོ་ནའི་བབས་ཀྱི་ཁུངས་སོ་སོར་བཀོད་སྒྲིག་སྔར་བནཞིན་ཚགས་ཚུད་ཡོད་བཞིན་པ་སོགས་ནི་ཀུན་གྱི་མཐོང་ཆོས་སུ་ཡོད། དེ་མིན་བོད་ནས་གསར་དུ་འབྱོར་ཏེ་ལག་འཁྱེར་གང་ཡང་མེད་པར་ཁྲིམས་འགལ་ཐོག་རྒྱ་གར་ནང་གཏན་སྡོད་བྱས་ཏེ་བསྐོར་སྲུང་བས་འཛིན་བཟུང་བྱས་པ་སོགས་ཀྱི་གནས་ཚུལ་ཡང་དུ་ཡོང་བ་སེལ་ཐབས་ཆེད་བོད་ནས་གསར་དུ་འབྱོར་བ་ཚང་མར་རྒྱ་གར་ནང་འཛུལ་ཞུགས་ཆོག་པའི་དམིགས་བསལ་ལག་འཁྱེར་ཞུ་སྩལ་བྱུང་བ་དེས་གསར་འབྱོར་བ་ཚོར་ཡུལ་ཁྲིམས་དང་མ་འགལ་ཚེ་བསུུན་སྣང་སྐྱེ་དགོས་པའི་རྙོག་གཞི་ཡོང་གི་མེད་པར་རང་ཉིད་ཀྱི་ཕ་ཡུལ་གཉིས་པ་ལྟར་ཞི་ལྷོད་བསྡད་རྒྱུ་ཡོད་པ་སོགས་བྱུང་བ་དེ་རེད། འོན་ཏེ་བོད་ནས་ཐོག་མར་ཡོང་སྐབས་རྒྱ་གར་ནང་སྤྱན་རས་གཟིགས་ཞལ་མཇལ་གསུང་ཐོས་ཀྱིས་རང་དབང་ལུང་པའི་ནང་རང་དབང་ལོངས་སྤྱོད་བྱ་བར་ཡོང་གི་ཡོད་པ་རེད། གོ་སྐབས་དེ་དག་ཚང་མ་ཐོབ་ཀྱི་ཡོད། ཡིན་ནའང་རྒྱ་གར་ནང་འབྱོར་རྗེས་སླར་ཡང་ནུབ་ཕྱོགས་ཡུལ་གྲུ་ཞིག་གམ་ཡོ་རོབ་ཁུལ་སོགས་སུ་བསྐྱོད་འདོད་ཡོང་གི་ཡོད་པ་རེད། དེ་ལྟའི་བསམ་ཚུལ་འཁུར་མཁན་མང་དུ་ཕྱིན་པ་དེས་བོད་གཞུང་ངོས་ནས་བོད་མིར་ཕྱིར་གཏོང་རྒྱུར་དོ་འཁུར་བྱ་གི་མེད་པའི་བསམ་ཚུལ་ཡོང་གི་ཡོད། བཙན་བྱོལ་བོད་གཞུང་གི་བསྟི་གནས་རྒྱ་གར་དུ་ཡོད་ཅིང༌། བོད་གཞིས་བྱེས་གཉིས་ཀྱི་དོན་གྱི་བདག་པོ་མཆོག་ཀྱང་རྒྱ་གར་དུ་བཞུགས་ཡོད་པས་སླར་ཡང་ས་གནས་འདི་བཞག་སྟེ་གཞན་ཞིག་ཏུ་འཚོ་བ་འཚོལ་འདོད་བྱེད་པ་འདི་བོད་ནང་བཞུགས་པ་དང་བོད་ནས་འབྱོར་བ་ཚོས་སྤྱི་ཡོངས་སུ་འཁུར་རྒྱུའི་བསམ་ཚུལ་ཞིག་ཏུ་བཟུང་ན་འགྲིག་གི་རེད་དམ། ངས་བལྟས་ན་དེ་ནི་རྦད་དེ་ནོར་འཁྲུལ་རེད། མ་འོངས་པར་ནུབ་ཕྱོགས་སུ་འབྱོར་རྗེས་སླར་ཡང་གཞན་རྣམས་དཀའ་ངལ་སྤྱད་དེ་ཟླ་བའི་གྲོང་ཁྱེར་དུ་འཛུལ་སྐབས་ང་ཚོས་ཀྱང་དཀའ་ངལ་མ་བརྒྱབ་པར་གཞུང་ནས་རང་ཉིད་ཟླ་བའི་གྲོང་ཁྱེར་ནང་གཅིག་མཚུངས་འགྲོ་དགོས་པའི་འདོད་ཚུལ་འཛིན་ན་རྩ་བ་ནས་འགྲིག་ཐབས་མེད། དེ་ནི་དོ་བདག་སོ་སོས་ལག་ལེན་བསྟར་དགོས་པའི་ཆ་རྐྱེན་དང་པོ་དེ་རེད། དང་པོ་གཞན་གསོན་པོར་འཚོ་བ་འདི་གཞན་རྟེན་ལས་གཡོལ་ཏེ་རང་ཉིད་ཀྱི་རྐང་པའི་སྟེང་རང་ཉིད་ལངས་བཞིན་པའི་དངོས་ཡོད་ཀྱི་གནས་ཚུལ་ལ་བསྟུན་དགོས་པ་ལས་ནུབ་ཕྱོགས་པའི་ཁ་རྒྱུན་དུ་ཡོད་པའི་གཏམ་དཔེ་སྤྱད་དེ་བོད་ནང་གི་བོད་མི་ཚོ་སྐྱོབ་པར་རང་ཉིད་ལྟོ་གོས་འགྲིག་པ་དགོས་ཞེས་པ་འདི་ཁ་རྒྱུན་དུ་མི་འགྲོ་བར་བཀའ་ཁྲི་ཟམ་གདོང་རིན་པོ་ཆེས་རྒྱུན་དུ་གཞན་རྟེན་ལས་གཡོལ་དགོས་པའི་བཀའ་སློབ་དེ་དག་ལ་ཟབ་མོ་ཉན་དགོས་རྒྱུ་དེ་གལ་ཆེན་པོ་ཡིན། བཙན་བྱོལ་མི་མང་གི་ལྟོ་གོས་གྲལ་མ་འགྲིག་པའི་སྐོར་ཤོད་མཁན་འདི་ནི་རྒྱ་ནག་དམར་གཞུང་གི་ཁྲམ་རྫུན་རིང་ལུགས་པ་དེ་དག་ཡིན་པ་ལས་ང་ཚོས་བཙན་བྱོལ་སྤྱི་ཚོགས་གཞན་དང་མི་འདྲ་བའི་སྒྲིག་འཛུགས་ཞིག་ཡོད་པ་དེར་གཞུང་གི་སྒྲོམ་གཞི་ཆ་ཚང་ཡོད་པར་བརྟེན་རང་ཉིད་ཀྱི་གཞན་རྟེན་ལས་གཡོལ་རྒྱུའི་སེམས་ཤུགས་བཅངས་ཚེ་ད་ལྟ་བར་བཙན་བྱོལ་ནང་འཚོ་བ་མ་འཁྱོལ་བ་དང་ལྟོ་གོས་མ་འགྲིག་པའི་གནས་ཚུལ་ཐབས་སྡུག་དེ་འདྲ་ལྷག་ཤེས་སྟངས་མེད་པ་ཞིག་རེད། ཁ་གདངས་ཚད་དང་སེམས་འཁོར་ཚད་ལ་ནུབ་ཕྱོགས་པའི་ལད་ཟློས་ཀྱིས་མཐའ་དག་མ་ཚང་བ་དང་མ་འགྲིག་པ་ཞིག་ཏུ་ངོས་འཛིན་བྱས་ཚེ་དེའི་སྐྱོན་ཆ་ནི་ཁྱོད་རང་ཉིད་ཀྱི་ལུས་ཐོག་ཏུ་ཡོད་པས་རང་རང་སོ་སོས་སེལ་དགོས་པ་གལ་ཆེན་པོ་ཡིན། ང་ཚོ་བོད་ནས་འབྱོར་བ་ཚོའི་ནང་དུའང་བོད་ནས་འབྱོར་རྗེས་གཞིས་ཆགས་ཁག་ནང་བསྐྱོད་དེ་༸གོང་ས་མཆོག་གི་དབུ་ཁྲིད་པའི་བཙན་བྱོལ་སྤྱི་ཚོགས་ནང་མུ་མཐུད་རང་དབང་ལྡན་པའི་འཚོ་བ་བསྐྱལ་ཏེ་ང་ཚོའི་གཞུང་གི་གཞིས་ཆགས་སྲ་བརྟན་སོགས་ལ་ཕན་པའི་སེམས་ཤུགས་ཡོད་མཁན་མང་དུ་ཕྱིན་ཚེ་ང་ཚོར་འགྲོ་ཡུལ་མེད་པའི་དཀའ་ངལ་དེ་རྩ་བ་ནས་ཡོང་མི་སྲིད་པ་ཞིག་རེད། དེ་ནི་ངའི་བསམ་ཚུལ་འབའ་ཞིག་ཡིན་པ་ལས་ནོར་འཁྲུལ་ཡོད་ཚེ་དགོངས་འགལ་མེད་པ་ཞུ༎
གསང་གཏོར་ལགས། དེ་ཙམ་གྱི་གོ་བ་གུ་དོགས་པོ་ལེན་དགོས་དོན་ཨེ་ཡོད། ལྟ་གྲུབ་དང་རིགས་ལམ་མི་དགོས་པའི་སྐད་ཆ་ཞིག་གོང་གི་བསམ་ཚུལ་དེའི་མགོ་རྔ་གང་དུའང་བཤད་མེད་པ་སྐུ་ཉིད་ཀྱིས་བསྐྱར་དུ་གཟིགས་ན་རྟོགས་ཐུབ།
ངས་གང་བཤད་པ་ནི། ༼ངས་ནམ་རྒྱུན་ང་ཚོའི་སྤྱི་ཚོགས་ནང་འདིར་བྱ་བ་ལེགས་ཉེས་གང་ཡིན་ཡང་། ལྟ་བ་དང་རིགས་ལམ་གྱི་ལམ་ནས་བརྩད་བསྡད་པ་མ་གཏོགས་ལག་ལེན་དངོས་ཀྱི་ཐོག་འབབ་དཀའ་བའི་གནས་སྟངས་དེ་མཐོང་ལ། བྱ་བ་ཕལ་ཆེ་བ་ནི་གཏམ་བཤད་ཀྱི་རིམ་པ་ནས་གླེང་བསྡད་པ་མ་གཏོགས་ལག་ལེན་ལ་མི་གཞོལ་བའི་དཀའ་ངལ་ཞིག་ཡོད། ༽ འདི་ཡིན།
སྐད་ཆ་འདིའི་དཔེ་མཚོན་དགོས་ན་བཀའ་ཁྲི་མཆོག་གི་སྲིད་བྱུས་གསར་པའི་སྐྱ་ཐིག་གི་དོན་ཚན་རེ་རེ་བཞིན་ཞིབ་ཀློག་བྱས་ན་གསལ་ཡོང་གི་རེད།
བོད་ཀྱི་དུས་བབ་རྩོམ་སྒྲིག་པ་ལགས།་མཁས་འདོད་མ་བྱེད་ན་བཟང།་་མཁས་བྱེད་རྒྱུ་མང་དྲག་ན་གླེན་རྟགས་སྟོན་རྒྱུ་རེད།་་ལྟ་གྲུབ་དང་དང་རིགས་ལམ་མེད་ནས་ལས་དོན་བྱེད་ཤེས་ཐབས་མེད།་་དྲན་མ་ཐག་པའི་ལས་དོན་བྱེད་རྒྱུ་མཐའ་འཁྱོལ་ཐབས་མེད་པ་གསལ་པོ་རེད།་་དཔེར་ན་ཁྱེད་རང་བོད་ཀྱི་དུས་བབ་རྩོམ་སྒྲིག་པ་བྱས་ནས་ལོ་ཤས་འགྲོ་ཡི་རེད།་རྩོམ་སྒྲིག་པའི་གཏམ་ཐུང་དེ་འབྲི་སྐབས་བསམ་བློ་བཏང་རིག་ལམ་ཀྱི་སྒོ་ནས་དཔྱད་པ་བྱས་ནས་འབྲི་ཀྱི་ཡོད་རེད་བསམ་གྱི་འདུག་་གང་དྲན་དྲན་གྱིས་འབྲི་ཡོད་རེད་བསམ་གྱི་མི་འདུག་་་
མའོ་ཡིས་རྒྱ་ནག་མི་སྤྱི་མཐུན་རྒྱལ་ཁབ་བཙུགས་ནས་འགོ་སྲིད་འཛིན་ནས་མཐའ་ཞིང་པ་མི་སེར་བར་དུ་འཚོ་བའི་སྐྱིད་སྡུག་འདྲ་མཉམ་བྱས་ཀྱིན་ཡིན་ཞེས་པའི་སྐད་ཆ་སྙན་པོ་འདི་དང་གཅིག
བཙན་བྱོལ་གཞུང་གིས་ལམ་དབུ་མ་ཟེར་ན་འདྲ་འཚེ་མེད་ཞི་བདེ་ཟེར་ན་འདྲ་ཐག་ཆེན་སེམས་བསྐྱེད་ཟེར་ན་འདྲ་བོད་མིའི་གཤིས་ཀ་ཟེར་ན་འདྲ་སེམས་ཅན་ཐམས་ཅད་བདེ་སྡུག་གཅིག་གྱུར་བྱེད་ཀྱིན་ཡིན་ཞེས་པའི་སྐད་ཆ་སྙན་པོ་འདི་གཉིས་ནི།
མི་ཆེན་བླ་ཆེན་རྣམས་ཀྱིས་ཁ་མར་འཁོར་ནས་གཏམ་བཤད་སྦེལ་སྐབས་སུ་སྐྱེ་བོ་ཀུན་གྱི་ཡིད་དུ་འོང་བ་ཞིག་དང་གཟི་བརྗིད་ལྡན་པ་ཞིག་ཡིན་པ་མ་ཟད་སྐྱེ་བོ་ཕལ་པ་ཀུན་གྱིས་རང་ཉིད་ལ་བདེ་སྐྱིད་དང་ཁེ་ཕན་ཐོབ་པའི་རེ་བ་ཞིག་སླེབས་ཡོང་བ་འདི་ནི་རིག་གནས་འདི་གཉིས་ཀྱི་ཁྱད་ཆོས་རེད།
རིག་གནས་འདི་གཉིས་སྤྱི་ཚོགས་ནང་དུ་ལག་ལེན་ཐོག་ཏུ་ཡོང་ཡ་ཡོད་མེད་ནི་ད་ལྟའི་མའོ་སྐྱེ་ཡུལ་གྱི་ཞིང་པ་མི་སེར་རྣམས་ཀྱི་འཚོ་བའི་སྐྱིད་སྡུག་ལ་གཟིགས་ན་རྟོགས་ཐུབ།
བོད་རྒྱལ་ཁབ་ཀྱི་ཆེད་དུ་འབུ་ཞིག་མི་བསད་པ་མི་རིགས་ཤིག་སྐྱོང་ཐུབ་མིན་ནི་ད་ལྟའི་བོད་ཕྱི་ནང་གཉིས་ཀྱིས་གནས་སྟངས་ལ་གཟིགས་ན་རྟོགས་ཐུབ།
དེ་མིན་དྲ་གྲོགས་ཚེ་རིང་རྒྱུ་ཁྱེད་ཚོས་ལག་ལེན་དང་ཉམས་ལེན་དགོས་གསུངས་པ་དེ་ཚོ་ངོ་སྤྲད་རེ་གནང་རོགས།
ལོ་གཅིག་སྟོང་ལྷག་གི་རིང་། བོད་པས་ལྟ་བ་དང་ཉམས་ལེན་གཉིས་བཤད་པ་རེད། ག་ལེ་ག་ལེར་ལྟ་བ་དེ་མུ་མཐུད་དེ་བཤད་ཀྱིན་ཡོད་ནའང་། ཉམས་ལེན་ནི་ནམ་མཁའི་འཇའ་ནང་བཞིན་ཆགས་པ་རེད། མི་རབས་སྔོན་མ་ནང་བཞིན་མི་རབས་རྗེས་མ་དང་གསར་པ་དག་གིས་ངོས་ལེན་བྱེད་ཀྱི་མ་རེད། བོད་ཕྱི་ནང་གཉིས་ཀ་ནས་རང་བཞིན་གཅིག་པ་རེད།
ང་ངྷ་སར་བསྡད་པའི་ལོ་འདི་དག་གི་རིང་། གཏམ་བཤད་མང་པོར་ཉན་པ་ཡིན། རེ་བ་ཞིག་འདུག་སྙམ་ནས་དགའ་སྤྲོ་སྐྱེས་པའི་གྲངས་ཀ་སོ་སོར་མི་ངེས་ཤིང་། དེ་བཞིན་དུ། ལོ་འདི་དག་གི་རིང་། གཏམ་བཤད་དེ་དག་ལ་འབྲས་བུ་མ་སྨིན་པའི་སྡུག་ཡུས་ཀྱང་རྫོགས་མཐའ་མི་འའདུག ངའི་བསམ་ཚོད་ལ། འདི་ནི་གཤིས་ཀའམ་ལུགས་སྲོལ་ཞིག་ལ་འགྱུར་བཞིན་པའི་མཐོང་སྣང་བྱུང་།
དྲ་གྲོགས་ཚོ། དེ་རིང་གི་ངའི་བསམ་ཚུལ་འདི་གསལ་བོ་བྱུང་མེད་པ་ཐག་ཆོད་རེད། ཡིན་ཡང་། བསམ་ཚུལ་མག་མོག་ཅིག་གི་ནང་དུ་བགྲོ་གླེང་ངར་མ་ཞིག་ཡོང་བཞིན་པ་འདྲ། བོད་མི་རིགས་ཀྱི་གཤིས་ཀའི་ཡ་མཐའ་དང་མ་མཐའ་གཉིས་ཀ་མངོན་ཐུབ་པའི་བགྲོ་གླེང་རེ་གནང་རོགས།
བོད་ཀྱི་སྐད་ཡིག་ནང་དུ་དེང་རབས་གསར་པའི་ལག་ཤེས་དང་རིག་གནས་བསྒྱུར་ཙམ་མ་ཐུབ་པ་བོད་མི་རིགས་ལ་དུས་རབས་21་ནང་དུ་་འཚོ་བ་ཡག་པོ་ཞིག་སྐྱེལ་ཐུབ་པ་ཡོང་མི་སྲིད་པ་ཞིག་རེད།
ཡང་མིན་ན་བོད་ཡིག་འདི་མི་རིགས་ཀྱི་སྲོག་རྩ་རེད་ཞེས་གསུངས་པ་གཞག་ནས་བཙན་བྱོལ་བོད་ཀྱི་མི་དྲག་སྐུ་དྲག་ཚོས་བྱས་པ་ནང་བཞིན་བོད་མི་ཉམ་ཐག་ཚོས་ཀྱང་དབྱིན་ཡིག་སྦྱོང་ནས་བོད་ཡིག་བརྗེད་ནས་མི་ཚེ་སྐྱེལ་ན་ག་འདྲ་འདུག་གམ།
བདེ་བ་ཅན་ལགས།
ལྟ་གྲུབ་དང་རིགས་ལམ་གྱི་རྣམ་གཞག་མེད་པར་ཅི་ཞིག་ལག་ལེན་བསྟར་དགོས་པ་རེད་དམ། ལྟ་གྲུབ་དང་རིགས་ལམ་གྱི་རྣམ་དཔྱོད་ཅི་གང་འཁུར་རྒྱུ་མེད་པའི་མ་འོངས་པའི་སྐྱེ་བོ་སླེབས་སོང་ན་འདི་ནི་རྒྱུགས་རྩལ་ཆེ་བའི་རྟ་རྒོད་ལོང་བ་དང་མཚུངས་པས་དེས་ང་ཚོར་ཅི་ཞིག་ཕན་ཐོགས་བྱ་ཐུབ་ཀྱི་རེད་དམ།
ཞེས་གསུངས་པ་དེར་བསམ་ཚུལ་ཞིག་ཞུ་འདོད་པ་ནི། དཔེ་ན་ཟམ་གདོང་བླ་མ་ཡང་ཚུལ་གསུམ་རྟོག་གེ་རིག་པ་ལ་བརྟེན་ནས་ལྟ་བ་རྟེན་འབྱུང་དང་སྤྱོད་པ་འཚེ་བ་མེད་པ་གཉིས་ཀྱི་གོ་བ་ལེན་ཐུབ་པའི་མཁས་དབང་ཞིག་ཡིན་པ་ནི་ཞུ་མ་དགོས་པ་ཞིག་རེད།
ཡིན་ཡང་བཙན་བྱོལ་སྤྱི་ཚོགས་ནང་གི་དངོས་ཡོད་དཀའ་ངལ་བོད་ནས་ཕེབས་པའི་གསར་འབྱོར་བ་དང་བཙན་བྱོལ་གཞུང་གི་ལས་གནས་དང་གོ་གནས་མེད་པའི་གཞི་ཆགས་ཁག་གི་བོད་མི་ཉམ་ཐག་རྣམས་ཀྱི་འཚོ་བའི་དཀའ་ངལ་ལ་སོགས་མ་མཐོང་པ་དེ་ནི་རྟ་རྒོད་ལང་བ་ཞིག་དང་གཅིག་མཚུངས་རེད་དོ། དེས་རིགས་ནི་ལག་ལེན་ངེས་པ་དུ་བསྟར་དགོས་པ་རེད།
ནུབ་ཕྱོགས་པའི་ཁ་རྒྱུན་ལ་མི་གཞན་སྲོག་སྐྱོབ་པ་ལ་རང་ཉིད་སྲོག་འགོ་ཐོན་པ་དགོས་ཞེས་ཟེར་སྲོལ་ཡོད་པ་བཞིན་དུ་ང་ཚོས་ཀྱང་བོད་ལ་ཡོད་པའི་བོད་མི་རྣམས་སྐྱོབ་པ་ལ་ཉུང་མཐའ་ཡང་རང་ཉིད་ལྟོ་གོས་འགྲིག་པ་དགོས། བཙན་བྱོལ་མི་མང་གི་ལྟོ་གོས་གྲལ་སྒྲིག་མེད་པའི་མི་ཞིག་གིས་བོད་ཕྱི་ནང་གཉིས་ཀ་ཡར་རྒྱས་བཏོང་ཐུབ་བམ། ནུབ་ཕྱོགས་པའི་ཟེར་སྲོལ་ལ་ཆབ་སྲིད་ཡོང་ཁུངས་མི་ཚང་རེད་ཞེས་པ་བཞིན་མི་ཚང་ཞིག་སྐྱོང་བས་ཉམ་མྱོང་མེད་པའི་མི་ཞིག་གིས་རྒྱལ་ཁབ་སྐྱོང་མི་ཐུབ་པ་དེ་ཡང་དངོས་ཡོད་རེད་དྲན་གྱིན་འདུག།
ལྟ་གྲུབ་དང་རིགས་ལམ་གྱི་རྒྱབ་རྟེན་ཡོད་དགོས་པ་ནི་འཆར་གཞི་ལྡན་པའི་འགྲོ་སྟངས་ཤིག་རེད་ལ། ལག་ལེན་གྱི་གོམ་སྟབས་ཤིག་སྤོ་མ་ཐུབ་ན། ལྟ་གྲུབ་དང་རིགས་ལམ་ནི་ཤོག་ཐོག་ཙམ་དང་ངག་ཐོག་ཙམ་དུ་ལུས་ཚེ། དེ་ནི་མེ་ལོང་ནང་གི་ངོ་གདོང་ཙམ་རེད་ཅེས་བཤད་ཆོག
བསྟེན། བརྟེན།
བརྙེད། རྙེད།
ནང་པ་སངས་རྒྱས་ལྟ་བ་རྟེན་འབྱུང་དང་སྤྱོད་པ་འཚེ་བ་མེད་པ་འདི་གཉིས་སྒྲུབ་བྱེད་ཀྱི་ཚུལ་གསུམ་རྟོག་གེ་རིག་པ་འདི་རྣམས་ནི་བོད་མི་རིགས་ཀྱི་རིག་གཞུང་ཟེར་ན་ཡང་འདྲ་བོད་མི་རིགས་རྒྱུ་ཟེར་ན་ཡང་འདྲ། འདི་ནི་བོད་མི་རིགས་ཀྱི་ཡོད་ཚད་ནས་ཡོད་ཚད་ཐམས་ཅད་འདི་རེད་དོ།
འདི་མ་གཏོགས་བོད་མི་རིགས་འདི་ལ་དགྲ་ལ་ངོམ་གྱིས་དང་གཉེན་ལ་ཕྱར་གྱིས་ཅི་ཞིག་ཡོད་དམ།
ང་ཚོ་བོད་ལ་ཡང་ངོ་མ་ལྟ་གྲུབ་འཆད་མཁན་ཡོད་ན། ལྟ་གྲུབ་དེ་དག་གྷན་རྡེ་ནང་བཞིན་ལག་ལེན་ལའང་འདེབས་ཐུབ་པ་ཞིག་དགོས་པ་དངོས་ཡོད་རེད། དེ་མིན་ཆོས་རྐྱང་རྐྱང་ངམ་ལྟ་གྲུབ་ཅིག་ལ་གཞི་བཅོལ་ཏེ་དེའི་སྐོར་རྐྱང་གསུང་ནས་བསྡད་པ་ཡིན་ན་ཕན་ས་ལོས་ཡོད་ཀྱང་། སྐབས་རེར་དེང་གི་དུས་རབས་ཀྱི་འགྲོས་དང་མི་མཐུན་པའི་བཟོ་འདུག
ལྷག་པར་དུ་ཆབ་སྲིད་ཀྱི་ཕྱོགས་ནས་བཤད་ན། གལ་སྲིད་མང་གཙོ་ཡིན་ན་མང་ཚོགས་ཀྱིས་རང་གི་ཆབ་སྲིད་ཀྱི་དབུ་ཁྲིད་དེར་ལས་དོན་རེ་རེ་བཞིན་རྩིས་རྒྱག་དགོས་མོད། ང་ཚོར་འདིའི་ཕྱོགས་ནས་རྒྱང་ཐག་རིང་པོ་རེད།
རྩོམ་སྒྲིག་པ་དང་མཆན་འདེབས་པ་བདེ་བ་ཅན་རྣམས་ཀྱི་རྩོད་བཞིན་པའི་ལྟ་གྲུབ་དང་རིག་ལམ་ཞེས་ལྟ་གྲུབ་དེ་ནང་པ་སངས་རྒྱས་པའི་ལྟ་གྲུབ་ལ་གསུངས་ཀྱིན་ཡོད་དམ། ཆབ་སྲིད་ཀྱི་ལྟ་གྲུབ་ཤིག་ལ་གསུངས་ཀྱིན་ཡོད་དམ་རིག་ལམ་ཞེས་པ་འདི་ཚུལ་གསུམ་རྟོག་གེ་རིག་པ་གསུངས་ཀྱིན་ཡོད་དམ་དེ་མིན་པའི་རིག་ལམ་ཞིག་ལ་གསུངས་ཀྱིན་ཡོད་དམ།
ང་ལྟ་བུ་མཐོང་རྒྱ་དང་ཐོས་རྒྱ་ཆུང་བའི་བོད་མི་ཞིག་གིས་གོ་བ་ལེན་ཁག་པོ་འདུག་དེར་བརྟེན་འགྲེལ་བཤད་ཤིག་གནང་རོགས།
གྲོགས་མེ་འོད་ལགས་ཀྱི་བཆན་ཞིག་བཏབ་པ་དགའ་པོ་བྱུང་དེ་རིང་ཡང་ཇ་ཞིག་ཁོལ་ས་རེད་དམ།ཧཧཧཧཧཧ
ད་ལྟའི་བཙན་བྱོལ་བོད་གཞུང་འདི་ནི་ལྟ་གྲུབ་དང་རིགས་ལམ་ལ་གཞི་བཅོལ་བའི་སྲིད་གཞུང་ཞིག་ཡིན། འདིའི་རྗེས་ཀྱི་སྲིད་གཞུང་དེ་ནི་ངེས་པར་དུ་ལག་ལེན་ལ་གཞི་བཅོལ་བའི་སྲིད་གཞུང་ཞིག་ཡིན་དགོས་ཀྱི་འདུག་ཅེས་པ་འདིར་ང་ཚོས་གོ་བ་ལེན་ཁག་ཙམ་རེད།ལྟ་གྲུབ་དང་རིགས་ལམ་གྱི་རྣམ་གཞག་མེད་པར་ཅི་ཞིག་ལག་ལེན་བསྟར་དགོས་པ་རེད་དམ། ལྟ་གྲུབ་དང་རིགས་ལམ་གྱི་རྣམ་དཔྱོད་ཅི་གང་འཁུར་རྒྱུ་མེད་པའི་མ་འོངས་པའི་སྐྱེ་བོ་སླེབས་སོང་ན་འདི་ནི་རྒྱུགས་རྩལ་ཆེ་བའི་རྟ་རྒོད་ལོང་བ་དང་མཚུངས་པས་དེས་ང་ཚོར་ཅི་ཞིག་ཕན་ཐོགས་བྱ་ཐུབ་ཀྱི་རེད་དམ། ངས་བལྟས་ན་ལྟ་གྲུབ་དང་རིགས་ལམ་གྱི་རྩལ་ནུས་དགོས་ལ། དེ་ལས་བྱུང་བའི་རྣམ་དཔྱོད་ཀྱིས་ལག་ལེན་འཁུར་ཐུབ་མཁན་ཞིག་དགོས་ཀྱི་ཡོད། གང་ལྟར་ལོ་ངོ་བཅུའི་རིང་གི་དུས་ཡུན་ནང་ལྡེང་བའི་ཆ་དང་མི་ལྡེང་བའི་ཆ་གཉིས་ཀ་ཡོད་པ་ང་ཚོས་མཐོང་ཆོས་སུ་གྱུར་ཡང༌། ལྟ་གྲུབ་དང་རིགས་ལམ་འབའ་ཞིག་ལས་ལག་ལེན་ཅི་གང་མེད་པ་ཞིག་ཡིན་པར་ཡིད་ཆེས་བྱ་གི་མེད། ཡིན་ནའང་ད་ལྟ་ང་ཚོས་འཚོལ་བཞིན་པའི་མ་འོངས་པའི་བཀའ་བློན་ཁྲི་པ་འདི་ནི་ཆབ་སྲིད་པ་འགའ་ཞིག་གིས་ཡོང་མི་སྲིད་པ་དང་ཐོན་མི་སྲིད་པའི་ཚོད་དཔག་གི་ཚད་གཞི་ལས་འགལ་རྒྱུར་ང་ཚོར་ཡིད་ཆེས་ཡོད། དེ་གང་ལ་ཞུ་ན་འབྱུང་འགྱུར་གྱི་བཀའ་ཁྲི་འདེམས་ཕྱོགས་ཐད་ང་ཚོས་སྔོན་ཚུད་ནས་དེ་སྔ་ལས་ལྡབ་འགྱུར་གྱི་གླེང་སློང་དང་སྟ་གོན་བྱས་ཟིན་པས་སོ༎
ལག་ལེན་དང་ལྟ་གྲུབ་བར་གྱི་འགལ་ཟླ་འདི་འཚབ་ཆེན་ཞིག་རེད། རྩོམ་ཡིག་འབྲི་མཁན་དེ་ཚོས་ཀྱང་ལྟ་གྲུབ་བྲིས་པ་མང་ཡང་ལག་ལེན་ལ་བསྟར་བ་ཉུང་ཉུང་རེད། སྤྱིར་ལྟ་གྲུབ་མཁས་ཤིང་རིགས་ལམ་ཡག་པའི་མི་ཞིག་ཡིན་ན་གནད་དོན་ལ་དཔྱད་བསྡུར་དང་དབྱེ་ཞིབ་བྱེད་པར་མཁས་པ་ཡིན། ཡིན་ནའང་ལག་ལེན་ལ་དགའ་བའི་མི་དེ་ལ་ཤེས་ཡོན་དང་རང་ཚུགས་ཀྱི་ཆ་རྐེྱན་འཛོམས་པོ་ཞིག་མེད་ན་དེ་ལས་ཐུ་མོ་ཞིག་ཡོད་ཚོད་མ་རེད།
ད་རེབས་དངོས་ནས་རྩོམ་སྒྲིག་པ་ལགས་ཀྱི་སྐད་ཆ་གནད་དུ་འཁེལ་འདུག དངོས་ནས་ལག་ལེན་ལ་འབེབས་པའི་དུས་ཤིག་ལས། བཤད་ནས་བསྡོད་པའི་དུས་ཡུན་རྫོགས་ཟིན་པའི་བསྐོར་ལ་བདག་གིས་ཀྱང་ཐེངས་མང་བོ་སྐད་རྒྱག་ཁུལ་བྱས་པ་ཡིན། དེ་རིང་རྩོམ་སྒྲིག་པ་ལགས་ཀྱིས་ཐད་ཀར་འདི་ལྟར་གསུངས་དུས། མི་མི་ཉུང་བ་ཞིག་གི་རྣ་བ་ཀྲོང་ངེར་འགྲོ་བོར་ཤོག