ང་རང་འཇིག་རྟེན་འདིར་འོང་དོན་ལ་རྟོག་དཔྱོད་བྱེད་ཐེངས་རེར་འོད་སྟོང་ལྡན་ཞིང་འབྱོར་ཕྱུག་གི་ཁྱིམ་ཚང་ཞིག་གི་ནང་བདེ་སྐྱིད་གླུ་དབྱངས་ལེན་དུ་འོང་བ་ལས་དཀའ་སྡུག་གི་ལོ་ཟླ་བསུ་ཕྱིར་མིན་པ་ད་གཟོད་གཞི་ནས་རྟོགས་སོང་། ལོ་རྒྱུས་ཀྱི་འཕོ་འགྱུར་ལས་མི་རིགས་ཀྱི་ཉམས་ཉེས་མངོན་འོང་དུས། ངས་རྩམ་པ་ཚོད་མེད་ཟོས་པའི་རིན་དོད་ཅིག་སྤུན་ཟླ་མི་རིགས་ལ་འབུལ་དགོས་ལ། ལང་ཚོའི་གོམ་སྟབས་ཀྱི་ཁྲོད་ནས་ཅི་ཞིག་རྙེད་འདོད་པ་ནི་ཕ་མེས་ཡང་མེས་རྣམས་ཀྱི་ཟུངས་ཁྲག་གི་ཐིགས་པ་བཞུར་བའི་འཚེར་ཤུལ་སྐྱ་མོ་དེའོ།