བྱིས་དུས་ཀྱི་བདེ་སྐྱིད་དེ་ཡིད་ནས་བརྗེད་མི་ཐུབ་པའི་ང་རང། མི་ཡུལ་གྱི་བདེ་སྐྱིད་ལ་ལྟད་མོ་ལྟ་ཞིང་ཡོ་འཁྱོམ་ཆེ་བའི་འཇིག་བརྟེན་གྱི་ལྟ་ཚུལ་ལ་བྲོ་བ་རེ་མྱོང་གིན་ཡོང། བུ་མོ་འཚུབ་སྟེར་མའི་བྱིས་ཚུགས་དེ་ད་དུང་དོར་མེད་ཀྱང་གུས་མོར་གདུང་ས་དང་བརྩི་ས་དྲན་ས་ཞིག་ཡོད་པ་ནི་ཕ་ཡུལ་ཁ་བའི་ལྗོངས་དེ་ཡིན། ད་དུང་རབ་བྱུང་བཙུན་མའི་བསྡོམས་པ་མེད་པའི་མགོ་རིལ་ང་རང། རང་གི་སྐྲ་ལོ་རིང་པོ་དེ་ཟུངས་ཁྲག་གི་ཚབ་ཏུ་གཅེས་པའི་ཕ་ཡུལ་ལ་ཕུལ་ཁུལ་ཡིན་ཀྱང་དེ་ནི་སེམས་བསམ་པའི་མཆོད་པ་ཞིག་ལས་ངའི་ཕ་ཡུལ་ལ་ཕན་ཐོགས་པ་ཞིག་ག་ལ་ཡིན་ཨང།
mail tselhasamling@gmail.com