གསར་སྙིང་།

རྒྱ་ནག་གི་ནང་མ་མཚན་ཚོགས་ཁང་ཞིག་ཏུ་མེ་སྐྱོན་ཤོར་ཏེ་མི་ ༡༨ རྐྱེན་འདས་དང་མི་ ༥ ལ་རྨས་སྐྱོན་ཕོགས་ཡོད་འདུག་་་

ཁེ་ན་ཊའི་གྲོང་ཁྱེར་ཊོ་རོན་ཊོ་རུ་མི་ཞིག་གིས་མི་ཚོགས་ཁྲོད་རླངས་འཁོར་ནས་སྐོར་ནས་གང་བྱུང་རྒྱུགས་སྟེ་མི་གྲངས་ ༡༠ བསད་ནས་མི་གྲངས་ ༡༥ རྨས་སྐྱོན་བཟོས་ཡོད་འདུག  ་་་

མུ་དྷི་གཞུང་གིས་བུ་མོ་རང་ལོ་ ༡༢ མན་ཆད་ལ་བཙན་གཡེམ་བྱས་ཚེ་སྲོག་ཁྲིམས་གཅོད་རྒྱུ་ཡིན་པ་སོགས་ཀྱི་རྩ་ཁྲིམས་བསྐྱར་བཅོས་ལ་རྒྱ་གར་གྱི་བུད་མེད་ཐོབ་ཐང་རྩོད་ལེན་པ་སོགས་ཀྱིས་ཕན་འབྲས་མེད་སྐོར་སྐྱོན་བརྗོད་བྱེད་ཀྱི་འདུག་་་

རྒྱ་གར་ནང་བཙན་གཡེམ་གྱི་དོན་རྐྱེན་བསྟུད་མར་བྱུང་བར་བརྟེན་དབྱིན་ཡུལ་གྱི་རྒྱ་གར་བ་ཚོས་རྒྱ་གར་གྱི་རྒྱལ་དར་མར་ཕབ་སྟེ་གཤག་རལ་དུ་བཏང་བར་དབྱིན་གཞུང་གིས་དགོངས་སེལ་ཞུས།་་་

བྱང་ཀོ་རི་ཡའི་སྲིད་འཛིན་ཀེམ་ཇོང་ཨན་གྱིས་རྡུལ་ཕྲན་མཚོན་ཆའི་ཚོད་ལྟ་མཚམས་བཞག་སྟེ་བྱང་ཀོ་རི་ཡའི་དཔལ་འབྱོར་ཡར་རྒྱས་དམིགས་འབེན་དུ་འཛིན་རྒྱུ་ཡིན་ལུགས་བཤད།་་་

སྲིད་སྐྱོང་མཆོག་གིས་རྒྱ་ནག་གཞུང་ནས་བོད་ཀྱི་རིག་གཞུང་གཏོར་བཤིག་གཏོང་ཐབས་སུ་ཐབས་ཤེས་འདྲ་མིན་བྱེད་ཀྱིན་ཡོད་པས་སྐབས་ ༡༥ པའི་བཀའ་ཤག་ནས་ལྷ་མོའི་སྒྱུ་རྩལ་རིག་གཞུང་གཙོའི་བོད་ཀྱི་རིག་གཞུང་སྲུང་སྐྱོབ་སྔར་ལྷག་གནང་རྒྱུ་ཡིན་སྐོར་གསུངས་་་

ཨ་རིའི་ཆབ་སྲིད་ཚན་རིག་མཐུན་ཚོགས་ཀྱིས་ཞིབ་འཇུག་བྱས་པ་བརྒྱུད་སྲིད་འཛིན་ཊོམ་ཕུ་ལགས་ཨ་རིའི་ལོ་རྒྱུས་ཁྲོད་ཀྱི་སྲིད་འཛིན་ཆེས་སྡུག་ཤོས་ཆགས་ཡོད་སྐོར་བསྒྲགས་འདུག    ་་་

འཇར་མན་གྱི་རྒྱལ་ས་བྷིར་ལིན་གྱི་ལྟེ་གནས་ཤིག་ནས་འཛམ་གླིང་དམག་ཆེན་གཉིས་པའི་སྐབས་གས་འཐོར་བྱུང་མ་ཐུབ་པའི་འགད་རྫས་ཆེན་པོ་ཞིག་རྙེད་ཡོད་པས་མཐའ་འཁོར་གྱི་མི་མང་པོ་གནས་གཞན་དུ་སྤོར་དགོས་བྱུང་ཡོད་འདུག་་་