གསར་སྙིང་།

དྷ་ས་ས་གནས་མགོ་འཛིན་གྱི་དངོས་གཞིའི་འོས་མི་གསུམ་གྱི་ནང་ནས་ཟླ་བ་རིན་ཆེན་ལགས་ལ་འོས་གྲངས་ ༧༠༦ ཐོབ་སྟེ་སྐབས་ ༤ པའི་དྷ་ས་ས་གནས་མགོ་འཛིན་དུ་བདམས་ཐོན་བྱུང་འདུག་་་

ཕྱི་ལོ་ ༢༠༠༨ ལོའི་ཞི་རྒོལ་གྱི་སྣེ་འཁྲིད་པ་གཙོ་བོ་ཡིན་པའི་ཉེས་མིང་འོག་ལོ་ ༩ བཙོན་འཇུག་ཁྲིམས་ཐག་བཅད་པའི་གྲྭ་ཚུལ་བཟང་རྒྱ་མཚོ་ལགས་གསང་བའི་ཐོག་ནས་ཀློད་གྲོལ་བཏང་ཡོད་འདུག་་་

དེ་རིང་ཕྱི་དྲོར་རྔ་བ་རྫོང་གི་ཁྲོམ་གཞུང་དུ་དགེ་འདུན་པ་བློ་བཟང་ཚེ་རིང་ཞུ་བ་ཞིག་གིས་ཞི་རྒོལ་སྐད་འབོད་གནང་སྟེ་རྒྱ་གཞུང་ཉེན་རྟོག་པས་བཙན་འཁྲིད་བྱས་ཡོད་འདུག་་་

མཉམ་འབྲེལ་རྒྱལ་ཚོགས་ཀྱི་སྙན་ཐོ་ཞིག་བཏོན་པའི་ནང་ཡེ་མིན་རྒྱལ་ནང་དུ་སོ་ཌི་ཨ་ར་བྷེ་ཡའི་མཉམ་འབྲེལ་དམག་དཔུང་གི་འཐབ་འཛིང་ཁྲོད་དུ་ཉེས་མེད་བྱིས་པ་ ༡༩༥༣ ཡས་མས་ཤི་རྨས་བྱུང་ཡོད་སྐོར་འཁོད་འདུག་་་

བོད་ཀྱི་ཆབ་སྲིད་བཙོན་ཟུར་འཕྲིན་ལས་ཕུན་ཚོགས་ལགས་ཀྱིས་བརྩམས་པའི་<<རྩམ་ཟན་རུས་པའི་ཞེན་ཁོག་>>ཅེས་པའི་དེབ་ཅིག་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གིས་དཔར་བསྐྲུན་འགྲེམས་སྤེལ་གནང་འདུག་་་

དེ་རིང་སྔ་དྲོར་ལྡི་ལི་བསམ་ཡས་གླིང་དུ་བོད་པའི་ཕོ་གསར་གཉིས་ཀྱིས་རྒྱག་རེས་བརྒྱབ་སྟེ་གཅིག་འདས་གྲོངས་སུ་ཕྱིན་ཡོད་འདུག་་་

རྒྱ་གཞུང་གིས་གསེར་རྟ་བླ་རུང་སྒར་གྱི་སྤྱིའི་མི་འབོར་ལ་ཚོད་འཛིན་བྱས་ཏེ་འདི་ལོ་ཁོ་ནར་ཞིང་ཆེན་གཞན་ནས་ཡིན་པ་ ༦༠༠ བཅས་ཁྱོན་གྲྭ་བཙུན་ ༡༢༠༠ ཕྱིར་འཕུད་གཏོང་རྒྱུ་དང་ཁང་པ་ ༡༥༠༠ གཏོར་རྒྱུ་ཡིན་འདུག་་་

ཕྱི་ལོ་ ༢༠༡༦ ལོའི་བོད་ཀྱི་མཛངས་མའི་འགྲན་སྡུར་ཁྲོད་བུ་མོ་བསྟན་འཛིན་སང་ཉི་ལགས་ལ་རྒྱལ་ཁ་ཐོབ་ཏེ་མཛངས་མའི་དབུ་རྒྱན་གཡོགས་སོང་།་་་