རྒྱལ་སྤྱི།

རྒྱ་ནག་གཞུང་གིས་ཨ་རིའི་གྲོས་ཚོགས་འཐུས་མི་བོད་དོན་རྒྱབ་སྐྱོར་བ་སྐུ་ཞབས་ཇིམ་མེག་གྷོ་ཝན་མཆོག་དང་ཁོང་གི་ཁྱིམ་མི་བུ་ཕྲུག་རྣམས་རྒྱ་ནག་ནང་འགྲོ་བསྐྱོད་བཀག་སྡོམ་བྱས་ཡོད་ཚུལ་བསྒྲགས་འདུག་་་

༧གོང་ས་རྒྱལ་བ་རིན་པོ་ཆེ་མཆོག་གིས་ཨ་རིའི་གྲོང་ཁྱེར་གྱི་ནེའུ་ཡོག་ནས་རྒྱ་གར་གྱི་ཀེ་ར་ལའི་མངའ་སྡེ་མི་མང་ལ་རང་བྱུང་གོད་ཆག་གི་རྐྱེན་གྱིས་དཀའ་ངལ་འཕྲད་བཞིན་པར་ཐུགས་གསོ་མཛད་འདུག་་་

འབྲས་ལྗོངས་ཀྱི་གྲོས་ཚོགས་འཐུས་མི་ཞིག་གིས་རྒྱ་གར་དབུས་གཞུང་ནས་༧དཔལ་རྒྱལ་བ་ཀརྨ་པ་མཆོག་འབྲས་ལྗོངས་སུ་གདན་ཞུ་གནང་རྒྱུ་དང་རྒྱ་ནག་གི་མཐའ་མཚམས་ཟེར་རྒྱུའི་ཚབ་ཏུ་བོད་ཀྱི་མཐའ་མཚམས་ཞེས་འབོད་དགོས་པའི་རེ་འདུན་བཏོན་འདུག་་་

ཐའེ་ཝན་དང་ཧྥི་ལི་ཕིན་ནང་རྒྱ་མཚོའི་རླུང་འཚུབ་དྲག་པོ་འཕྱུར་རྐྱེན་རྒྱ་ནག་གི་ཞིང་ཆེན་ཁག་ཅིག་ནང་གཏོར་སྐྱོན་ཆེན་པོ་ཐེབས་ཏེ་དཀའ་ངལ་འཕྲད་མུས་ཡིན་འདུག་་་

བལ་ཡུལ་གྱི་རྒྱལ་ས་ཀ་ཐ་མན་ཌི་རུ་གནམ་གྲུ་ཞིག་བརྡབ་སྐྱོན་བྱུང་སྟེ་མི་གྲངས་ ༡༨ རྐྱེན་འདས་སུ་གྱུར་འདུག་་་

གནས་མཆོག་རྡོ་རྗེ་གདན་རྒྱ་བསྐྱེད་ནས་གནས་སྐོར་དང་ཡུལ་སྐོར་ས་ཚིགས་ཆེན་པོ་ཞིག་ཏུ་བསྒྱུར་འཆར་ཡོད་འདུག་་་

བོད་མི་མང་སྤྱི་འཐུས་ཚོགས་གཙོ་མཁན་པོ་བསོད་ནམས་བསྟན་འཕེལ་མཆོག་གིས་ཡུ་རོབ་གྲོས་ཚོགས་དང་ལྷན་ཚོགས་ཀྱི་ཚོགས་གཙོ་གཉིས་ལ་འཚམས་འདྲི་དང་སྦྲགས་བོད་དོན་ཐོག་མུ་མཐུད་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུས་འདུག་་་

སྤྱི་འཐུས་རྡོ་རྗེ་ཚེ་བརྟན་ལགས་ཀྱིས་ཨ་རིའི་ཁྲིམས་ཡིག་གཏན་འབེབས་གནང་བ་བཞིན་ཉི་ཧོང་གཞུང་མང་གཉིས་ནས་ཀྱང་བོད་དོན་ལ་རྒྱབ་སྐྱོར་མཚོན་ཆེད་དེ་ལྟར་ཁྲིམས་ཡིག་འཇོག་དགོས་པའི་འབོད་སྐུལ་ཞུས་ཡོད།་་་