རྒྱལ་སྤྱི།

ཨ་ཧྥེ་རི་ཁའི་རྒྱལ་ཁབ་ཛིམ་བྷ་བྷེའི་སྲིད་འཛིན་མོ་གྷ་བྷི་ཡིས་ལོ་ངོ་༣༧ རིང་སྲིད་དབང་བཟུང་སྟེ་འཛམ་གླིང་གི་སྲིད་འཛིན་རྒན་ཤོས་དེ་ཆགས་ཡོད་འདུག་་་

བྱང་ཀོ་རི་ཡ་གཞུང་གིས་ཨ་རིར་འབྲེལ་མོལ་གྱི་སྒོ་མོ་མ་ཕྱེས་ཚེ་དྲག་སྤྱོད་པའི་སྦྱིན་བདག་གི་ཐོ་གཞུང་ནང་བསྐྱར་དུ་འཇུག་པའི་ཉེན་ཁ་ཡོད་འདུག་་་

རྒྱ་གར་གྱི་སྲིད་འཛིན་རཱམ་ནཱ་ཐི་ཀོ་ཝིན་ཌི་མཆོག་ཨ་རུ་ན་ཅལ་ནང་གཟིགས་སྐོར་དུ་ཕེབས་པར་བརྟེན་རྒྱ་ནག་གཞུང་གིས་ས་མཚམས་རྩོད་རྙོག་ཆེ་རུ་གཏོང་བཞིན་ཡོད་པའི་ངོ་རྒོལ་སྐྱོན་བརྗོད་བྱས་འདུག  ་་་

རྒྱ་ནག་གིས་འཇར་མན་གྱི་རྐང་སྤོལ་རུ་ཁག་ལ་དངུལ་སྤྲད་དེ་རྒྱལ་ཁབ་གཉིས་ཀྱི་རྐང་སྤོལ་རུ་ཁག་བར་འགྲན་སྡུར་བྱེད་སྐབས་བོད་མི་དང་བོད་དོན་རྒྱབ་སྐྱོར་བས་ངོ་རྒོལ་བྱས་ཏེ་སྐར་མ་ ༢༥ ཙམ་རིང་རྩེད་འགྲན་མཚམས་འཇོག་དགོས་བྱུང་།་་་

རྒྱ་ནག་དང་ཨ་རི་སོགས་སོལ་རླངས་བེད་སྤྱོད་མང་ཤོས་གཏོང་བའི་རྒྱལ་ཁབ་ཁག་ཅིག་སོལ་རླངས་རྩ་མེད་བཟོ་བའི་ལས་འགུལ་ནང་མཉམ་ཞུགས་བྱས་མེད་པ་རེད།  ་་་

ཉེ་སྔོན་རྒྱ་ནག་གི་ཚོང་ཁང་ཞིག་ནས་ཉི་ཤེལ་བརྐུས་ཏེ་འཛིན་བཟུང་བྱས་པའི་ཨ་རིའི་སིལ་སྤོལ་རྩེད་འགྲན་པ་གསུམ་སྲིད་འཛིན་ཊོམ་གྱི་རེ་སྐུལ་ལྟར་ཀློད་གྲོལ་བཏང་ཡོད་འདུག་་་

འདས་པའི་ཟླ་གཉིས་རིང་ཨོ་སི་ཊོ་ལི་ཡའི་ནང་རྒྱལ་ཡོངས་འོས་བསྡུ་བྱས་པ་བརྒྱུད་མཚན་མཐུན་གཉེན་སྒྲིག་ལ་རྒྱབ་སྐྱོར་བྱེད་མཁན་བརྒྱ་ཆ་ ༦༡ བྱུང་སྟེ་ཁྲིམས་མཐུན་བཟོ་རྒྱུར་མང་མོས་རྒྱལ་ཁ་ཐོབ་ཡོད་འདུག  ་་་

ཨི་རན་དང་ཨི་རག་གི་ས་མཚམས་སུ་ས་ཡོམ་ཤུགས་ཚད་ ༧།༣ ཅན་ཞིག་བརྒྱབས་ཏེ་མི་ ༢༠༠ ལྷག་རྐྱེན་འདས་དང་མི་ ༡༠༠༠ ལྷག་ལ་རྨས་སྐྱོན་བཟོས་ཡོད་འདུག་་་