རྒྱལ་སྤྱི།

ཕྱི་ཚེས་ ༢༢ ཉིན་ཨིན་ཌོ་ནེ་ཤི་ཡར་འཚོགས་བཞིན་པའི་ལྷོ་ཤར་ཨེ་ཤ་ཡའི་མཐུན་ཚོགས་(ASEAN)སྟེང་ཀོ་རི་ཡ་བྱང་མས་ལྷོ་བྱང་གཉིས་ཞི་མཐུན་ཡོང་རྒྱུར་གྲོས་ལོམ་བྱ་རྒྱུའི་ཁས་ལེན་བྱས་འདུག་་་

ཉིན་འདི་འགར་ཨ་རིའི་ཕྱི་སྲིད་དྲུང་ཆེ་ལྕམ་ཧེ་ལཱ་རི་ཁུ་ལིན་ཏོན་མཆོག་རྒྱ་གར་དུ་རྒྱལ་དོན་འཚམས་གཟིགས་སུ་སྐོར་སྐྱོད་བྱེད་ཀྱི་ཡོད།་་་

སྲིད་འཛིན་ཨོ་བྷ་མས་རྒྱ་ནག་གི་མི་འདོད་པའི་རྣམ་འགྱུར་ལ་མ་ལྟོས་པར། ༸གོང་ས་མཆོག་ཕོ་བྲང་དཀར་པོའི་ནང་གདན་ཞུས་གནང་སྟེ་ཆུ་ཚོད་སྐར་མ་ ༤༥ རིང་མཇལ་འཕྲད་བཀའ་མོལ་ཞུས་འདུག་་་

ཨབ་གྷན་སྲིད་འཛིན་གྱི་སྤུན་མཆེད་ལྐོག་གསོད་གཏོང་མཁན་ལག་དམར་བསད་དེ་ཁོའི་ཕུང་བོ་ཀཱན་ཌཱ་ཧར་གྲོང་ཁྱེར་གྱི་ཁྲོམ་གཞུང་གི་རྩིག་ངོགས་ཤིག་ཏུ་སྐར་མ་ ༢༠ ཙམ་རིང་ཕྱང་ཡོད་འདུག་་་

ཉེ་ཆར་རྒྱ་གཞུང་གིས་ཡེ་ཤུ་ཆོས་དཔོན་ ༤ བཙན་འཁྲིད་བྱས་ཡོད་པ་མ་ཟད། ཆོས་ཁྲིམས་དང་འགལ་ཐོག་ཆོས་དཔོན་ ༤༠ ལྷག་ཁྲི་འདོན་བྱ་འཆར་ཡོད་པ་བསྒྲགས་འདུག་་་

གཟའ་ལྷག་པའི་ཉིན་རྒྱ་གར་གྲོང་ཁྱེར་མུམ་བྷའེ་ཡི་ས་གནས་གསུམ་ནང་དྲག་སྤྱོད་པས་འགད་རྫས་གཏོར་ཏེ། མི་ ༡༧ རྐྱེན་ལམ་དུ་བཏང་པ་དང་མི་ ༡༣༡ ཙམ་ལ་རྨས་སྐྱོན་ཕོག་འདུག་་་

ད་ལྟ་ལེ་བྷེ་ཡའི་སྲིད་དབང་སྒེར་འཛིན་པ་གྷ་ཌཱ་ཧྥེ་སྲིད་སྟེགས་ལས་འབབ་རྒྱུར་གྲ་སྒྲིག་བྱས་ཡོད་འདུག་་་

ཁ་སང་རྒྱལ་སྤྱིའི་འཚེ་མེད་ཞི་བའི་རྩོད་རྙོག་ལྟེ་གནས་ཁང་གིས། ཐེངས་དང་པོའི་རྗེམ་སུ་ལོ་སོན་གཟེངས་རྟགས་དེ་འཚེ་མེད་ཞི་བའི་ཡར་རྒྱས་ཆེད་གནང་འདུག་་་