བོད་ནང་།

རྒྱ་གཞུང་གི་བཙན་དབང་དང་དངུལ་དངོས་ཀྱི་བསླུ་བྲིད་འོག་འབྲོག་ཁྱིམ་མང་པོས་སོ་སོའི་ཕྱུག་ཟོག་བཙོང་ནས་གྲོང་ཁུལ་དུ་གནས་སྤོས་རྗེས་འབྲོག་པ་མང་པོ་ལས་མེད་དང་ཆང་རག་ངན་གོམས་ཀྱི་དཀའ་ངལ་འཕྲད་བཞིན་ཡོད་འདུག་་་

རྫ་དབོན་པོ་དགོན་གྱི་གྲྭ་བསོད་ནམས་མགོན་པོ་ལགས་ཉིན་ཤས་གོང་ཀློད་གྲོལ་བཏང་སྟེ་ཕྱིར་ནང་དུ་འབྱོར་ཡོད་པ་ཤེས་རྟོགས་བྱུང་ཡོད་ཀྱང་། ཁོང་ཚེས་གྲངས་ག་དུས་ཀློད་གྲོལ་བཏང་བ་དང་ད་ལྟའི་གཟུགས་གཞིའི་གནས་སྟངས་སོགས་ཤེས་རྟོགས་མི་འདུག་་་

མཚོ་སྔོན་ཡུལ་ཤུལ་རྫ་དམར་ཁྲ་ཁོག་ཏུ་གཏེར་ཁ་སྔོག་འདོན་བྱེད་བཞིན་པ་ས་བདག་གིས་བཀག་འགོག་བྱས་པ་རྒྱ་གཞུང་གིས་འཛིན་བཟུང་བྱས་ཏེ་ཉེས་ཆད་རྒྱ་སྒོར་ཁྲི་གཉིས་བཏང་འདུག་་་

བོད་ཀྱི་ཆབ་སྲིད་བཙོན་པ་ཇོ་ལེབ་འཇིགས་མེད་ལགས་ལ་ཟླ་གཅིག་ལྷག་རིང་སྨན་བཅོས་བྱས་རྗེས་བཙོན་འཇུག་དུས་ཡུན་རྫོགས་ནས་ཀློད་གྲོལ་བཏང་ཡོད་འདུག་་་

རྒྱ་གཞུང་གིས་མདོ་སྟོད་སྨད་ཀྱི་བོད་རིགས་ལྷ་སར་འགྲོ་མཁན་ཚོར་བཀག་འགོག་གིས་གནམ་གྲུ་དང་མེ་འཁོར་གྱི་འཛིན་བྱང་འཚོང་གི་མེད་པ་རེད།་་་

བོད་ཀྱི་ཆབ་སྲིད་བཙོན་པ་རྒྱ་ཡེ་ཕུན་ཚོགས་ལགས་ལ་རྒྱ་ནག་གིས་ཡུན་རིང་བཙོན་འཇུག་མནར་གཅོད་ཚད་མེད་བཏང་རྐྱེན་མདང་ནུབ་རང་ཤག་ནས་སྐུ་གྲོངས་ཡོད་འདུག་་་

ལན་ཀྲུའུ་ཚན་རྩལ་ལས་རིཊ་སློབ་གླིང་ཟེར་བ་ཞིག་གིས་སློབ་མ་མང་པོར་མགོ་སྐོར་བཏང་སྟེ་ལོ་གཅིག་གི་སློབ་རིན་བླངས་རྗེས་སློབ་གྲྭ་གཞན་ཞིག་ཏུ་བཏང་བར་བརྟེན་སློབ་མ་ཚོ་ཞུ་གཏུག་བྱེད་དུ་འགྲོ་བཞིན་འདུག་་་

རྒྱ་གཞུང་གིས་ཡུན་ནན་ཞིང་ཆེན་གྱི་ཅེང་ཧོང་ཆུ་མཛོད་ཆེན་མོ་ནས་ལྷོ་ཤར་ཨེ་ཤ་ཡའི་ཐན་པ་ཆེ་བའི་རྒྱལ་ཁབ་ཁག་ཅིག་གི་ནང་ཆུ་མཁོ་གཏོང་བྱས་ཏེ་ཚོང་རྒྱག་རྒྱུ་ཡིན་འདུག་་་