བོད་ནང་།

ཁ་སང་ལྷག་དཀར་ཉིན་ཁྲི་འདུ་རྫོང་རྫ་སྟོད་ཤང་དུ། བོད་པའི་ཚོང་བ་འགས་བཤས་རར་འཁྲིད་ཀྱིན་པའི་ལུག་རླངས་འཁོར་འགའ་ཉོས་ཏེ་ཚེ་ཐར་ལ་བཏང་འདུག་་་

ཟླ་འདིའི་ཕྱི་ཚེས་ ༡༩ ཉིན་རྔ་པ་ཀིརྟི་དགོན་པའི་ཆོས་ལུགས་དོ་དམ་ལས་ཁུངས་ཀྱི་གྲྭ་བློ་བཟང་རབ་བརྟན་རྒྱ་གཞུང་གིས་འཛིན་བཟུང་བྱས་འདུག་་་

རྒྱ་ནག་གཞུང་གིས་ཁམས་དཀར་མཛེས་དགའ་ལྡན་ཆོས་གླིང་དགོན་གྱི་བཙུན་མ་ཞིག་དང་། གསེར་རྟ་རྫོང་གི་བོད་མི་གཅིག་བཅས་བོད་མི་གཉིས་འཛིན་བཟུང་བྱས་འདུག་་་

ཁ་སང་སླར་ཡང་རྔ་པ་རྫོང་ཐོག་ཏུ་གྲྭ་པ་ཞིག་དང་མི་སྐྱ་ཞིག་གིས་དུས་གཅིག་ཏུ་རང་ལུས་མེར་བསྲེགས་བཏང་སྟེ་སྐུ་གྲོངས་ཡོད་འདུག་་་

སྟོད་དིང་རི་དང་ལྷ་རྩེ་སོགས་སུ་རྒྱ་གཞུང་ཉེན་རྟོག་པས་འཛིན་བཟུང་བྱས་པའི་བོད་མི་སྐོར་ཞིག་ཚེས་ ༢༣ ཉིན་འགྲམ་གྱི་ཟམ་པ་བརྒྱུད་བལ་ཡུལ་ཉེན་རྟོག་པར་རྩིས་སྤྲད་འདུག་་་

ཉེ་ཆར་རྒྱ་གཞུང་གིས་རྔ་པ་ཀིརྟི་དགོན་པའི་གྲྭ་བློ་བཟང་སངས་རྒྱས་ལགས་དང་། གྲྭ་བློ་བཟང་དཀོན་མཆོག་གཉིས་འཛིན་བཟུང་བྱས་ཡོད་འདུག་་་

རྒྱ་གཞུང་གིས་བླ་བྲང་བསང་ཆུ་རྫོང་རྒན་གྱ་བྲག་དཀར་དགོན་པའི་གྲྭ་བ་ཞིག་སྔ་ཕྱི་ཐེངས་གཉིས་འཛིན་བཟུང་བྱས་ཏེ་ཀློད་གྲོལ་བཏང་ཡོད་ཀྱང་། སྔར་ལོ་ཟླ་མཇུག་ཙམ་ནས་བཟུང་ཁོང་གར་སོང་ཆ་མེད་དུ་གྱུར་འདུག་་་

རྒྱ་གཞུང་གིས་ཆབ་མདོ་ས་ཁུལ་དུ་གཏེར་ཁ་སྔོག་འདོན་པར་ངོ་རྒོལ་བྱེད་མཁན་གྱི་བོད་མི་ཞིག་དམར་གསོད་དང་། གཞན་བོད་མི་ཁག་ཅིག་འཛིན་བཟུང་བཀག་ཉར་བྱས་ཡོད་འདུག་་་