སྤྱི་ཚོགས་ཀྱི་བདེ་རྩར་སྨན་པའི་གནས་ཚུལ་འགོད་འདོན་ཐུབ་རྒྱུ་གལ།

མཁྱེན་ཡངས་བོད་ཀྱི་དུས་བབ་གསར་ཤོག་གི་རྩོམ་སྒྲིག་པ་ལྷན་རྒྱས་མཆོག་ལ།
བོད་ཀྱི་དུས་བབ་གསར་ཤོག་འགྲེམས་འགོ་བཛུགས་པ་ནས་བགྲངས་བྱ་བཅུ་ཕྲག་གཅིག་ཧྲིལ་བོ་འཁོར་བའི་དུས་དྲན་གྱི་སྐབས་འདིར་གསར་ཁང་གི་འབྲེལ་ཐོགས་ལས་བྱེད་རྣམ་པར་འཚམས་འདྲི་བཀྲ་ཤིས་བདེ་ལེགས་ཞུ། བོད་ཀྱི་དུས་བབ་གསར་ཤོག་ལྟ་ཀློག་བགྱིས་སྐོར་བསམ་འཆར་ཇི་ཡོད་ཀྱི་རྩོམ་འཕྲིན་ཐུང་ངུ་ཞིག་ཟླ་འདིའི་ཚེས་༡༥མ་འགྱངས་བར་ཡོང་བ་ཞེས་དེ་ནས་༢༠༠༧ཟླ༡ཚེས་༥འཁོད་པའི་ཕྱག་བྲིས་གནང་སོན་ལྟར་འབུལ་ཞུ་ཐུབ་ན་སྙམ་མོད།  འོན་ཏང་བྲེལ་བསས་བཅད་མ་སྟོང་འདི་ཙམ་ཞིག་ལས་འབྲི་ཁོམ་མ་གྱུར། 
   བཙན་བྱོལ་དུ་བར་ལམ་ནས་བཟུང་བོད་མིའི་སྤྱི་ཚོགས་ཀྱི་འཚོ་བའི་ཆ་ཤསཤིག་ཏུ་འགྱུར་གྱིན་མི་རིགས་རང་ཉིད་ཀྱི་གལ་ཆེའི་རིག་གཞུང་སྐད་ཡིག་གི་ཐོག་གསར་ཤོག་ཇི་སྙེད་ཅིག་འདོན་སྤེལ་འབྱུང་བཞིན་པའི་ཁྲོད་དུ་དུས་བབ་གསར་ཤོག་གིས་ནི་གསར་འགྱུར་རྣམ་གྲངས་ཇེ་མང་དུས་ཐོག་མཁོ་འདོན་ཐུབ་པ་མ་ཟད།  བསམ་ཚུལ་བརྗེ་ལེན་གྱི་ཆེད་དུ་གླེང་སྟེགས་ལྟ་བུའི་ཆ་རྐྱེན་བསྐྲུན་པའི་དགེ་ཕན་མི་ཉུང་བས་ཀློག་པ་པོ་ཇི་སྙེད་ཅིག་གི་ཡིད་དབང་འཕྲོག་ནུས་སུ་སྣང་བས་བསྔགས་བརྗོད་ཞུ་འོས་ལས་མ་འདས།  འབྱུང་འགྱུར་ཡང་གསར་ཤོག་འདོན་པའི་དམིགས་ཡུལ་དེ་ཚོང་ཁེར་རྐྱང་གཉེར་བའི་གཞན་དབང་དུ་མ་སོང་བར།  རང་རེའི་མི་རིགས་ཀྱི་ལ་རྒྱ་དང༌།  དེའི་གནས་བབ་ཕྱོགས་ཁྱོན་ཡོངས་ལ་དགོངས་བཞེས་ཀྱིས་གསར་ཤོག་ཏུ་བརྗོད་དོན་དག་ཆ་དག་པོ་ནས་བཟུང་དྲང་པོ་དྲང་བཞག་གིས་མཚོན་མདོར་ན་གཞུང་དམངས་སྤྱི་ཚོགས་ཀྱི་བདེ་རྩར་སྨན་པའི་གནས་ཚུལ་འབའ་ཞིག་འགོད་འདོན་ཐུབ་པ་དགོས་གལ་སྙམ་པ་ལགས་ན།  དེ་དོན་ཞབས་ཞུ་གནང་སྒོ་ཡར་རྒྱས་གོང་འཕེལ་ཡོང་བའི་སྨོན་འདུན་ཞུ་རྒྱུ་བཅས།  གྲེས་ནང་རྣམ་རྒྱལ་ཚེ་རིང་བས།  ༢༠༠༧ཟླ༡ཚེས་༡༥ལ་ཕུལ།

བསྐྱར་བཅོས།: ༢༠༡༧/༠༢/༡༦

Leave a Reply