ཕྱི་ཚེས་ ༡ ཉིན་ནས་སྤྱི་འཐུས་ཚོགས་གཙོ་ཀརྨ་ཆོས་འཕེལ་མཆོག་ནི་ཚོགས་གཙོའི་ལས་གནས་ནས་འཁྱུར་དགོས་བྱུང་ཡོད་པ་དང་། ཡིན་ནའང་སྤྱི་འཐུས་ཚོགས་གཙོར་གསར་དུ་ཕེབས་མཁན་སྤྱི་འཐུས་སྤེན་པ་ཚེ་རིང་གིས་༧གོང་ས་མཆོག་མཆོག་ཕྱིར་མ་ཕེབས་བར་དུ་ཚོགས་གཙོའི་དམ་བཅའ་འབུལ་ཐུབ་གི་མེད་སྟབས། ཕྱི་ཚེས་ ༡ ཉིན་ནས་བདུན་ཕྲག་གཉིས་རིང་ལ་བོད་མི་མང་སྤྱི་འཐུས་ལྷན་ཁང་དུ་སྤྱི་འཐུས་ཚོགས་གཙོ་མེད།
མདོ་སྨད་སྤྱི་འཐུས་སྤེན་པ་ཚེ་རིང་ལགས་ཀྱིས་ཕྱི་ཟླ་ ༡༢ པའི་ཚེས་ ༡ ཉིན་ནས་བོད་མི་མང་སྤྱི་འཐུས་ཀྱི་ཚོགས་གཙོའི་འགན་འཁྱེར་དགོས་ཡོད་ནའང་། དམ་འབུལ་གྱི་གོ་སྐབས་མ་བྱུང་བར་བསྡད་ཡོད། ༧གོང་ས་མཆོག་གིས་ལོ་ཤས་གོང་དུ་ཁོང་ཉིད་བཞུགས་མེད་དུས་བཀའ་ཁྲི་དང་སྤྱི་འཐུས་ཚོགས་གཙོ་གཞོན་གྱི་དམ་འབུལ་དེ་བོད་མིའི་ཁྲིམས་ཞིབ་པ་ཆེན་མོའི་མདུན་ནས་དམ་བཅའ་འབུལ་ཆོག་རྒྱུའི་ལམ་སྟོན་གནང་ཡོད་ནའང་། སྤྱི་འཐུས་གྲོས་ཚོགས་ནས་བགྲོ་གླེང་གནང་མཐར་ད་མུས་བཞིན་༧གོང་ས་མཆོག་གི་མདུན་ནས་མ་གཏོགས་དམ་བཅའ་འབུལ་མི་ཆོག་པའི་གྲོས་ཐག་བཅད་ཡོད་པ་རེད།
མདོ་སྨད་སྤྱི་འཐུས་སྤེན་པ་ཚེ་རིང་ལགས་སྤྱི་འཐུས་ཚོགས་གཙོར་ཕེབས་སྐབས་བཅའ་ཁྲིམས་ཀྱི་དགོངས་དོན་ལྟར། ལས་གནས་གཞན་ནས་དགོངས་པ་ཞུ་དགོས་ཀྱི་ཡོད་པས། ཁོང་གིས་ད་ལྟའི་བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གི་འགན་འཛིན་ནས་དགོངས་པ་ཞུས་ཡོད་པ་དང་། ཁོང་གི་ཚབ་ཏུ་མདོ་སྟོད་སྤྱི་འཐས་ཆོས་སྐྱོང་དབང་ཕྱུག་ལས་བསྐོས་ཡོད་པ་རེད།
གཞན་ཡང་ཚོགས་དྲུང་ལས་ཁུངས་ནས་ཟླ་ ༡༡ ཚེས་ ༢༧ ཉིན་འཁོད་གསལ་བསྒྲགས་ལྟར་ན། སྐབས་བཅུ་བཞི་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་བདུན་པ་དེ་ ༢༠༠༩ ཟླ་ ༣ ཚེས་ ༩ རེས་གཟའ་ཟླ་བ་ནས་ཟླ་ ༣ ཚེས་ ༢༡ རེས་གཟའ་སྤེན་པ་བར་ལས་དུས་ཉིན་གྲངས་བཅུ་གཅིག་རིང་བཞུགས་སྒར་སྤྱི་འཐུས་ཚོགས་ཁང་དུ་འཚུག་གཏན་འཁེལ་ཡོད་པ་དང་། སྤྱི་འཐུས་རྣམས་ཕྱི་ཟླ་ ༣ ཚེས་ ༨ ཉིན་ཚོགས་དྲུང་ལས་ཁུངས་སུ་ངོ་བཅར་འབྱོར་ཐོ་འགོད་དགོས་ཀྱི་ཚོགས་ཡོད་འདུག
མི་མང་གིས་གཞུང་ལ་ཡིད་ཆེས་མི་བྱེད་པའི་རྒྱུ་མཚན་གཅིག་འདི་རེད། རྒྱ་རི་རིན་པོ་ཆེར་ཨ་རི་དང་ཡུ་རོབ་ན་ལས་ཁུངས་ཡོད་པ་ལྟར། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་ནི་ཟམ་གདོང་རིན་པོ་ཆེ་མཆོག་གི་ལས་ཁུངས་རེད། རྒྱ་རི་རིན་པོ་ཆེ་ལ་བུ་ཆུང་ཚེ་རིང་དང་ཚེ་རིང་བྱམས་པ་ལྟ་བུའི་སྐུ་ཚབ་ཡོད་པ་ལྟར། ཟམ་གདོང་རིན་པོ་ཆེ་ལའང་སྤེན་པ་ཚེ་རིང་དང་ཆོས་སྐྱོང་དབང་ཕྱུག ཐུབ་བསྟན་ལུང་རིགས་སོགས་ཡོད་པ་རེད། ཐེངས་རྗེས་མར་གལ་སྲིད་བཀའ་ཁྲིའི་འོས་ཤོག་རྒྱ་རི་རིན་པོ་ཆེར་ཐོབ་ཚེ། ཡུ་རོབ་ཀྱི་ཚེ་རིང་བྱམས་པ་སོགས་བཀའ་ཤག་གི་ནང་སླེབ་གི་རེད། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་དུ་སྤེན་པ་ཚེ་རིང་དང་ཆོས་སྐྱོང་དབང་ཕྱུག་གཉིས་ཀྱི་སུ་བསྡད་ཀྱང་ཁྱད་པར་ཡོད་མ་རེད།
དགྲ་འདུལ་གྱིས་བཤད་པའི་སྲིད་དོན་པའི་གྲས་སུ་ད་དུང་ཚོགས་གཞོན་རྒྱ་རི་སྒྲོལ་མ་ཡང་ཚུད་ཡོད་རེད། མོས་བཀའ་དྲིན་ལ་བརྟེན་ནས་ཨོ་རྒྱན་བསྟན་འཛིན་དང༌། ཆོས་སྐྱོང་དབང་ཕྱུག་གཉིས་ལ་གོ་སྐབས་ཡག་པོ་ཐོབ་ཡོད་རེད་གདའ།
གོང་གི་གསར་འགྱུར་སྙིང་བསྡུས་ཐད། ཁྱེད་ཅག་གིས་སྤེལ་བའི་དཔྱད་གཏམ་གྱི་སྤུས་ཚད་ཅུང་མཐོ་ཞིང་གནད་དུ་འཁེལ་འདུག ལྷག་པར་དུ་སྐུ་ཞབས་དགྲ་འདུལ་དང་བོད་ཀྱི་བུ་གཉིས་ཀྱི་དཔྱད་གཏམ་ལ་གནད་དོན་སྔོག་འདོན་དང་ཐེར་འདོན་གྱི་ནུས་པ་ལྡན་ཞིང་། སྐུ་ཞིབ་ཁྱུང་ལྡིང་གི་དཔྱད་གཏམ་ལ་གནད་དོན་ཞིབ་བཤེར་གྱི་ཁྱད་ཆོས་ལྡན་གི
དྲ་གྲོགས་ཚོར་དགོངས་སེལ་ཞུ་རྒྱུ་དང་སྦྲགས། ཁ་སང་ངས་བྲིས་པའི་ཡི་གེ་ཆ་ཚང་དྲ་ངོས་སུ་ཡག་པོ་འཆར་ཐུབ་ཀྱི་མི་འདུག་པས་ནོར་བཅོས་ཞུས་ཡོད།
རེད་ཡ། སྔོན་མ་ཟམ་གདོང་རིན་པོ་ཆེས་2001 སྤྱི་ཟླ་ 3 ཚེས་ 28 ནས་སྤྱི་འཐུས་ཚོགས་གཙོ་དགོངས་པ་ཞུས་ཏེ་2001 སྤྱི་ཟླ་ 5 ཚེས་ 30 བར་ཚོགས་གཙོ་མེད་པ་ཆགས་མྱོང་ཡོད་རེད་དེ། དེ་དུས་ཚོགས་གཙོ་མེད་ན་འཐུས་ཤོར་རེད་ཟེར་མཁན་གོ་མ་མྱོང་། དེ་ཡང་འཐུས་ཤོར་གྱི་གྲས་སུ་བརྩི་དགོས་སམ། ད་དུང་སྤྱི་འཐུས་སྐབས་ 11 དང་ 12 སྐབས་སུ་ཚོགས་གཙོ་དུས་ཚོད་མང་ཆེ་བ་ཝཱ་ར་ཎ་སིར་བཞུགས་ཡོད་པ་ལས་རྡ་རམ་ས་ལར་མ་བཞུགས་པ་དེ་ཡང་འཐུས་ཤོར་དུ་བརྩི་འོས་སམ། མདོར་དོན་སྐབས་ 11 པ་ནས་བཟུང་ཚོགས་གཙོའི་ལས་དོན་ལ་འཐུས་ཤོར་ཕྱིན་མི་འདུག་གམ།