བཀའ་ཁྲིའི་འོས་མི། སྤྱི་ཟུར་སྒོ་མང་བསྟན་པ།

སྤྱི་ཟུར་སྒོ་མང་བསྟན་པའི་བསམ་བློའི་ནང་གི ༼༢༠༡༡༽ ལོའི་བཀའ་བློན་ཁྲི་བའི་འོས་མི།

༧གོང་ས་སྐྱབས་མགོན་ཆེན་པོའི་དབུ་ཁྲིད་ལམ་སྟོན་ལྟར། བཙན་བྱོལ་གཞུང་གི་སྒྲིག་འཛུགས་མ་ལག་དང་བཅས་བ་ནུས་ཤུགས་ལྡན་པའི་འཛིན་སྐྱོང་སྲ་བརྟན་དགོས་གལ་ཆེ་བ་ནི། བོད་མིའི་བདེན་དོན་སླར་གསོ་ཐུབ་མིན་ཆབ་སྲིད་དང་འབྲེལ་བ་དམ་ཟབ་ཡོད་པར་བརྟེན།  འདི་ལ་དགོས་ངེས་ཀྱི་ཆ་རྐྱེན་བསྐྲུན་པར་ཆབ་སྲིད་དང་འཛིན་སྐྱོང༌།  ཆོས་དང་རིག་གཞུང༌།  རྒྱལ་རབས་དང་ལོ་རྒྱུས།  ཕྱི་ནང་སྐད་ཡིག་དང་ཁྲིམས་ལུགས། ལས་དོན་ལག་བསྟར་བྱེད་པར་འཇོན་ཐང་དང་བློ་ཁོག་ཡོད་པ་བཅས་ཡོན་ཏན་སྣ་མང་འཛོམས་པ།   ངེས་པ་དོན་གྱི་མཁས་དབང་བཀའ་ཁྲི་ཟམ་གདོང་རིན་པོ་ཆེ་ལྟ་བུ་རེ་ཞིག་རག་ཐབས་མེད་ཀྱང༌། དེ་དང་ཕྱོགས་མཚུངས་པ་ཞིག་ཡོང་རྒྱུར་རེ་བ་བྱས་ཏེ། རང་ཉིད་བོད་མི་ཞིག་ཡིན་པའི་འགན་ཁུར་ཏུ་བླངས་ནས། བཀའ་བློན་ཁྲི་བར་འོས་མི་བརྒྱད་ཀྱི་མཚན་བཏོན་ཡོད་པ་ནས་གཅིག་བཀའ་ཁྲིར་འོས་འདེམས་བྱུང་ཚེ། དེ་འཕྲོས་རྣམས་བཀའ་བློན་གྱི་ལས་འགན་ནང་གོ་སྐབས་བྱུང་ན། དེ་དག་ལ་དགོས་ངེས་ཀྱི་ཆ་རྐྱེན་འདི་དག་ཚང་བར་བསམ།
༼༡༽ བོད་མིའི་སྒྲིག་འཛུགས་དང་ཆབ་སྲིད་ཐོག་ཉམས་མྱོང་ཡོད་པ།
༼༢༽ བོད་རྒྱའི་ཆབ་སྲིད་ཀྱི་རྙོག་འཛིང་སེལ་བ་དང་དེའི་འགག་རྩ་གང་ཡིན་ལ་གདེང་ཚོད་དང་རྒྱུས་མངའ་ཡོད་པ།
༼༣༽ གཞིས་ལུས་མི་མང་གིས་ལུས་སྲོག་ལོངས་སྤྱོད་ཡོངས་སུ་བློས་བཏང་སྟེ།  བོད་ཀྱི་བདེན་དོན་འཐབ་རྩོད་ཀྱི་སྙིང་སྟོབས་དང་འགྲན་ཟླ་མེད་པའི་དཔའ་མཛངས་ཀྱི་གྲུབ་འབྲས་རྣམས་དུས་ཐོག་སོ་སོར་རྒྱལ་སྤྱིའི་ནང་ཞུ་གཏུག་གིས་གྲུབ་འབྲས་ཐོན་ཐབས་སུ་འབད་བརྩོན་ལྷོད་མེད་གནང་རྒྱུར་ལྷག་བསམ་ཡོད་པ།
༼༤༽ གཞིས་བྱེས་བོད་མིའི་གཅིག་སྒྲིལ་གྱི་ནུས་པ་ཕྱི་ནང་གསང་གསུམ་བརྒྱུད་སྲ་བརྟན་རྒྱུན་སྐྱོང་ཐུབ་པ།
༼༥༽ གོང་གི་ཆ་རྐྱེན་ཁག་ལག་བསྟར་བྱེད་པར་འདང་ངེས་ཀྱི་ཤེས་ཡོན་དང་འཇོན་ཐང་ཡོད་པ་བཅས་སོ།

༢༠༡༡ ལོའི་བཀའ་ཁྲིའི་འོས་མི་རྣམས་ནི།

༡ བཀའ་བློན་ཁྲི་ཟུར་བསྟན་འཛིན་རྣམ་རྒྱལ།
༢ གོང་ས་མཆོག་གི་སྐུ་ཚབ་སྐལ་བཟང་རྒྱལ་མཚན།
༣ སྐུ་སྒེར་དྲུང་ཆེ་ཚེ་རྒྱམ།
༤ བཀའ་ཟུར་ཨ་རིའི་དོན་གཅོད་བློ་བཟང་སྙན་གྲགས།
༥ སྤྱི་འཐུས་ཚོགས་གཙོ་སྤེན་པ་ཚེ་རིང༌།
༦ བདེ་སྲུང་བཀའ་བློན་འབྲོང་ཆུང་དངོས་གྲུབ།
༧ སྤྱི་ཟུར་དབྱིན་ལན་དོན་གཅོད་ཐུབ་བསྟན་བསམ་འགྲུབ།
༨ ཤེས་རིག་དྲུང་ཆེ་ཀརྨ་དགེ་ལེགས།

བསྐྱར་བཅོས།: ༢༠༡༤/༠༣/༢༦

Leave a Reply

44 thoughts on “བཀའ་ཁྲིའི་འོས་མི། སྤྱི་ཟུར་སྒོ་མང་བསྟན་པ།

  1. བློ་གྲོས་རྒྱལ་པོ།

    སྐུ་ཞབས་བློ་ལྡན་ལགས། སྐལ་བཟང་རྒྱལ་མཚན་ཞེས་པ་ཡོ་རོབ་ཀྱི་དམིགས་བསལ་སྐུ་ཚབ་ལ་ཟེར་གྱི་ཡོད་དམ། ཡང་ན་ལི་ཐང་ཨ་ཐར་གྱི་ཡང་སྲིད་སྤྱི་འཐུས་སྐལ་བཟང་རྒྱལ་མཚན་ལ་ཟེར་གྱི་ཡོད། ཁ་གསལ་ཞིག་གསུངས་རོགས།

  2. ངས་ལྟོས་ན་བླ་མ་མིན་པ་དང་སྐུ་དྲག་མིན་པའི་ན་གཞོན་ཞིག་དགོས་པར་འདོད།
    འབྲོང་ཆུང་དངོས་གྲུབ་དང་སྐལ་བཟང་རྒྱལ་མཚན་གཉིས་བཟང་།

  3. ཨ་རིག་གླེན་རྒན།

    གྲོགས་གཞན་མིང་ཅན་། ཁྱོད་ལ་དེ་རིང་ནས་བཟུང་མིང་སྙན་མོ་ཞིག་སྟེར། གཞན་མིང་དགའ་་་གང་འདྲ་འདུག་མིང་འདི་ལ་ཁྱེད་རང་དགའ་བོ་ཡོངས་པའི་རེ་བ་ཡོད། ཁྱེད་ཀྱིས་ཞུ་བ་ཡང་ཡང་ཕུལ་བ་བཞིན་དག་ཆར་གཟབ་རྒྱུ་ངེད་གཉིས་ལ་མཚོན་ན་གལ་ཆེན་རེད།

  4. དགུ་ཚིགས་སྐྱ་མོ།

    ཨ་རིག་གླེན་རྒན། ཕྱིར་ཁྱོད་ཀྱིས་བསམ་འཆར་འདོན་པའི་ཡི་གེ་རྣམས་ལ་ཚིག་དོན་གཉིས་ཆར་གྱི་སྒོ་ནས་ནོར་འཁྲུལ་ཧ་ཅིང་མང་པོ་རེད། ངོས་གནས་བཤད་ན་ཕྱིར་ཁྱོད་ཀྱིས་ནམ་རྒྱུན་བོད་ཀྱི་དྲ་ཚིག་ལ་དོར་སྣང་དང་འབྲི་ཀློག་བྱེད་པ་དེ་ཡག་པོ་རེད། མ་ཟད་རང་གི་བློ་གྲོས་དང་འཚམས་པའི་བསམ་འཆར་ལོས་འདོན། དེ་ནི་མ་འོངས་བོད་ཀྱི་དམང་གཙོའི་ལམ་ཕྱོགས་ལ་ཕན་ངེས། གང་ལྟར་ཡང་ཁྱེད་ལ་བོད་ཀྱི་ཆོས་དང་རིག་གཞུང་ལ་ཕན་སེམས་ཡོད་ན། རྗེས་མར་མ་མཐའ་ཡང་ཡི་གེ་འབྲི་སྐབས་སུ་སུམ་རྟགས་དག་གསུམ་ལ་དོར་སྣང་སྤྲད་རོགས། ཁྱོད་རང་གི་གྲོགས་པོ་ཚོ་ལ་དྲིས་དང་དཔེར་ན་གོང་དུ་༼རབ་བྱུང་ན་ནང་ཆོས་ནས་བཤད་པའི་ཕར་ཕྱིན་དྲུག༽ཞེས་སོགས་དེ་འདྲ་མང་པོ་རེད། ཚིག་དོན་གཉིས་ལ་ཆར་ཡང་སྐྱོན་འདུག མ་གཞི་བོད་ཡིག་དང་བོད་སྐད་ལེགས་པོ་མ་ཤེ་ན་དོན་ཀྱི་གཞན་མི་ཆགས་ཟིན་པ་འདྲ། ངོས་ནས་སེམས་དཀར་ཡིན། ཕྱིར་མཁས་བླུན་སུ་ཡིན་ཡང་ཡི་གེ་འབྲི་སྐབས་སུ་སུམ་རྟགས་དག་གསུམ་ལ་དོར་སྣང་ངེས་པར་དུ་སྤྲད་རོགས་ཞུ་ལགས།