ཕྱི་ཚེས་ ༧ གྱི་དགོང་མོ་དུས་ཚོད་ ༨ པའི་སྟེང་རྒྱ་གར་གྱི་དབྱིན་སྐད་བརྙན་འཕྲིན་བརྒྱུད་ལམ་ NDTV ཡིས་༧གོང་ས་མཆོག་ཨ་རུ་ན་ཅལ་ནང་ཕེབས་རྒྱུའི་ཐད་བགྲོ་གླེང་ངར་མ་ཞིག་བྱ་རྒྱུ་ཡིན་ཟེར།
བརྒྱུད་ལམ་དེའི་དྲ་ངོས་སུ་བཀོད་དོན། ཏཱ་ལའི་བླ་མའི་གཟིགས་སྐོར་དེ་ནི་རྒྱ་དཀར་ནག་གཉིས་ཀྱི་འབྲེལ་བ་ཉམ་ཆག་ལ་འགྲོ་བཞིན་པའི་སྐབས་ཤིག་ལ་འཁེལ་ཡོད། ཐོག་མ་དེར་རྒྱ་ནག་གིས་ཨ་རུ་ན་ཅལ་མངའ་སྡེ་ཡོངས་རྫོགས་རྒྱ་ནག་གི་ས་ཁོངས་ཡིན་པར་བཤད་པ་རེད། དེའི་རྗེས་ནས་སྲིད་བློན་མན་མོ་ཧན་སིན་ལགས་ཀྱི་གཟིགས་སྐོར་ལ་ངོ་རྒོལ་བྱས་ཤིང་། ༼རྩོད་གཞི་ཡོད་པའི་ས་ཁུལ་༽ལ་ཕྱིན་ཚུལ་བཤད་པ་རེད། དེའི་རྗེས་ནས་ཁ་འཐབ་བྱེད་རེས་བྱས་ཤིང་། བོད་མིའི་ཆོས་ཀྱི་དབུ་ཁྲིད་ཏཱ་ལའི་བླ་མ་ལ་རྒྱ་དཀར་ནག་གཉིས་ཀྱི་འབྲེལ་བར་གཏོར་བརླག་བྱས་པའི་སྐྱོན་འཛུགས་བྱས་པ་རེད།
ལོ་སྔོན་མར་རྒྱ་གར་གཞུང་གིས་རྒྱ་ནག་གཞུང་གི་གནོན་ཤུགས་ལ་བསྟེན་ནས་ཏཱ་ལའི་བླ་མ་མོན་རྟ་དབང་ལ་ཕེབས་བཅུག་མེད། འཐབ་བྱུས་ཆེད་ལས་པ་སྐོར་ཞིག་གི་བསམ་ཚུལ་ལ། ཏཱ་ལའི་བླ་མའི་གཟིགས་སྐོར་དེ་ད་ཕྱིན་ཉམ་ཆག་ལ་ཕྱིན་འབྲེལ་བ་འདི་ཕྱིར་འཁོར་མེད་ས་ཞིག་ལ་བསྐྱལ་ངེས་ཡིན་པར་ལྟ་གིན་ཡོད།
རྒྱ་གར་གྱིས་རྙོག་དྲ་འདིར་གཡོལ་ནས་སྡོད་ཐུབ་གི་རེད་དམ། ཡང་ན། ད་ནི་རྒྱ་གར་གྱིས་རྒྱ་ནག་མཉམ་དུ་སྐད་ཆ་མཁྲེགས་པོ་བཤད་རྒྱུའི་དུས་ཚོད་རེད། ཨིན་ཌི་ཊེ་ཝེ་ཡི་རྩོད་གླེང་ཆེན་པོ་དེར་མཉམ་ཞུགས་བྱ་རོགས།
དྲ་རྒྱ་བརྒྱུད་ནས་ལྟ་མཁན་ཚོས་གཤམ་གྱི་འབྲེལ་ཐག་བརྒྱུད་ནས་གཟིགས་རོགས། http://www.ndtv.com/convergence/ndtv/new/NDTV-Show-Special.aspx?ID=452
བསྟན་འཛིན་བརྩོན་འགྲུས་ཀྱིས་བོད་དེ་རང་བཙན་ཡིན་པའི་དཔང་ཡིག་སྔར་བོད་ཀྱི་བློན་ཆེན་ཞིག་ཕྱིཌྷི་རྒྱལ་ཁབ་ཏུ་ཕེབས་པའི་མཐོང་ཆེན་ཕྱག་ཁྱེར་གྱི་འདྲ་ཤུས་ཞིག་བཏོན་བཞིན་བོད་དེ་རང་བཙན་ཡིན་པའི་བསྒྲུབ་ཆེད་ཀྱི་གཏམ་བཤད་བྱས་ཡོད་འདུག།
ཕོ་རང་གི་འཇོན་ན་འཇོན་པ་འདྲ།།མི་གཞན་ལ་རེ་དུས་ཡིད་རེ་སྐྱོ།།་གངས་ཅན་པའི་ལས་དབང་གངས་ཅན་པ་རང་ཉིད་ཀྱི་འགྱུར་བ་གཏོང་དགོས་པ་ལས་མི་གཞན་ལ་རེ་བ་བཅོལ་བསྡད་པ་ཡིན་ན།་དུས་ནམ་ཡང་རང་དབང་གི་ཉི་མ་ཤར་མི་སྲིད།་ཨ་རི་སྟོབས་ཆེན་རྒྱལ་ཁབ་ཞིག་ཡིནའང་རྒྱ་དམར་གཞུང་དང་ཐུག་དུས་བོད་པའི་གནས་ཚུལ་ལ་རང་དབང་མེད་པར་ཕྱི་ཤོལ་བྱེད་ཀྱི་ཡོད།་ཁ་སྔོན་སྤྱི་ཟླ་་༡༠་ནང་ཨ་རིའི་སྲིད་འཛིན་གྱི་ཐོག་མར་༸གོང་ས་མཆོག་དང་མཇལ་རྒྱུ་གཏན་འཁེལ་ཟིན་ཀྱང་།་རྒྱ་དམར་གྱི་གནོད་ཤུགས་ལ་བརྟེན་ནས་ཕྱིར་འཐེན་བྱས་པ་རེད།་
རྒྱ་གར་ང་ཚོས་ཤེས་གསལ་རེད།་སྔོན་མ་ནས་རྒྱ་ནག་བཞེད་ཐག་ཆོད་ཀྱི་ཡོད་རེད།་བྱས་ཙང་ད་རེས་གོང་ས་མཆོག་མོན་ལ་ཕེབས་རྒྱུའི་ཐོག་ལ་ཡང་རྒྱ་གར་རྒྱ་ནག་ལ་བཞེད་ཀྱི་ཡོད་པ་རེད།་
སྐར་ཁྲི་བཙན། ད་ཀོ་ཇུས། ས་མཐའ་ད་བར་དུ་བསྡད་ནི་མི་ནེ། རྔོན་པ་མདའ་གཞུ་ཅན་དེས་གང་ཟིག་ནས་སྒུག་སྟེ་ཤ་བོ་བསད་མྱོང་། ཧ་ཧ་ཧཧ་རྩེད་མོ་བདེན་པ་གཉིས་ཀ་ཡིན། བོད་པས་ཅང་མི་བ་གི་འདོད་ཀི
རྒྱ་གར་བ་ལ་ཤོད རྫ་ཁྲ་རའི་ཕར་ནང་རིག་ཐལ འབྲོང་མགོ་རྡོ་ཡིན་ནོ་ཤེས་ཐལ།
ཨ་རི་བ་ལ་ཤོད། འགྱ་འགྱུར་སོག་ལེའི་སོ་འདྲ་བོ། ཁྲ་ཁྲ་འུག་པའི་སྒྲོ་འདྲ་བོ།
རྒྱ་ནག་བ་ལ་ཤོད། ཁ་འོ་མའི་འཇམ་ནོ། ཁོག་ཚེར་མའི་རྩུབ་ནོ ཁྱོད་ཤྭ་བོ་དུང་རྭ་ཅན་ལ་འགྲོ་སྟངས་བཅོ་བརྒྱད་ཡོད་ན། ང་སྔོན་པ་མདའ་ཞུ་ཅན་པོར་སྒུག་ལུགས་ཉི་ཤུ་ཡོད།
བོད་གཞུང་གིས་ངོས་ནས་ཀྱང་ད་རིང་༧གོང་ས་མཆོག་རྟ་དབང་དུ་འཕེལ་པའི་སྐབས་སུ་རྒྱ་དཀར་ནག་གཉིས་ཀྱིས་ཆབ་སྲིད་ཀྱི་སྐད་ཆ་མང་པོ་ཞིག་སྒྲོག་ངེས་པས་དེ་རྣམས་ལ་ངེས་པར་དུ་བསམ་གཞི་བྱེད་དགོས།
བོད་གཞུང་གིས་ངོས་ནས་ཀྱང་ད་རིང་༧གོང་ས་མཆོག་རྟ་དབང་དུ་འཕེལ་པའི་སྐབས་སུ་རྒྱ་དཀར་ནག་གཉིས་ཀྱིས་ཆབ་སྲིད་ཀྱི་སྐད་ཆ་མང་པོ་ཞིག་སྒྲོག་ངེས་པས་དེ་རྣམས་ལ་ངེས་པར་དུ་བསམ་གཞི་བྱེད་དགོས།
འདིའི་སྐོར་བོད་ལྗོངས་སྤྱི་ཚོགས་ཚན་རིག་ཁང་གིས་བཏོན་པའི་(ལོ་རྒྱུས་རྒྱུ་ཆ་གདམས་བསྒྲིགས་)དེབ་བཅུ་པ་ཆ་ཚང་འདིའི་སྐོར་རེད། དེང་སང་དེབ་དེ་བོད་ནང་ནས་རག་གི་མི་འདུག་ཟེར་གི རྡ་ས་གངས་སྐྱིད་བོད་ཀྱི་དཔེ་མཛོད་ཁང་ན་འདུག གཟིགས་མཁན་ཡོད་ན་དེར་སོང་སྟེ་གཟིགས་ཤིག
ཨ་རི་ན་ཅལ་ཟེར་ན་དེང་སང་རྒྱ་གར་གྱི་བྱང་ཤར་མཚམས་ཀྱི་མངའ་སྡེ་ཆེན་པོ་ཞིག་རེད། བོད་པ་ཚོས་འདི་ན་བོད་པའི་ས་ཆ་ཞིག་ཡོད་ཤེས་ཀྱི་ཡོད་པ་དོན་བཟང་ཞིག་རེད། འོན་ཀྱང་ཨ་རི་ན་ཅལ་ཡོངས་རྫོགས་བོད་པའི་མ་རེད། དེ་བས་ང་ཚོས་ལོ་རྒྱུས་རང་བཞིན་ལྡན་པའི་བོད་ཀྱི་མཚམས་གང་ལ་འཁེལ་འདུག་སོགས་ལ་ཡང་ཤེས་རྟོགས་བྱེད་རྒྱུ་གལ་ཆེན་པོ་རེད། འདི་ལོ་རྒྱུས་ཡིག་ཆ་འདྲ་མིན་བཀླག་དགོས་པ་རེད། ཡིག་ཆ་གང་ལ་གཏུགས་ནའང་བོད་ཀྱི་ཡིན་པའི་སྒྲུབ་བྱེད་གསལ་བོ་ཞིག་འཚོལ་དགོས་པ་རེད། དེ་མིན་ཨ་རི་ན་ཅལ་བོད་ཀྱི་ཡིན་པ་དང་། རྒྱ་དཀར་ནག་གཉིས་ཀྱིས་དེ་རྩོད་ཀྱིན་ཡོད་པ་རེད་ཟེར་ནས་འདང་གི་མ་རེད། བཤད་དགོས་ས་ནས་བཤད་རྒྱུ་ཡོད་པ་ཞིག་དང་། འབྲི་དགོས་ས་ནས་འབྲི་རྒྱུ་ཡོད་པ་ིག་བྱ་རྒྱུ་གལ་ཆེན་ནང་གི་དོན་ཆེན་རེད། བོད་པའི་ཆབ་སྲིད་པ་དང་རྩོམ་པ་པོ་མང་ཆེ་བས་ཁུངས་གཏུགས་ལ་ཁ་གསལ་པོ་ཞིག་ཕྲིས་ཤོག་ཟེར་དུས་ཁུམ་ཁུམ་འདྲ་ཞིག་བྱེད་བཞིན་མི་འདུག་གམ།
ད་ཐེངས་ཀྱི་གནད་དོན་འདིར་བོད་པས་གང་གཟབ་གཟབ་བྱེད་དགོས་གང་ཡིན་ཟེར་ན་རྒྱ་དཀར་ནག་གཉིས་ཀྱིས་བོད་པའི་ས་ཆ་རྩོད་ཀྱི་ཡོད་པ་ཧ་ཅང་གསལ་པོ་རེད།
ད་གང་ལྟར་གྱོང་དེ་ང་ཚཽའི་མགོར་འབབ་རྒྱུ་རེད།
མ་གཞི་ནས་བསྟན་འཛིན་བརྩོན་འགྲུས་ཀྱིས་བོད་དོན་གསལ་བོ་ཞིག་དང་འདོད་པ་ཁེངས་པ་ཞིག་བཤད་ཀྱི་མེད་པཱ།(བཤད་ཤེས་དང་མི་ཤེས་ངས་མི་ཤེས།)
ཨ་རི་ཨ་མར་མ་འཛིན་གནམ་པ་འདྲ༎
རྒྱ་དཀར་རྒྱ་ཆེན་ཡིན་ཡང་རྒྱ་ཆུང་འདྲ༎
རྒྱ་ནག་དམར་པོའི་ནག་པོའི་སྲིད་ཁྲོད༎
གངས་ཅན་པ་ཡི་འདོད་དོན་སྣང་བ་དཀའ༎
ལྟོས་ཨ་ཡང་རྒྱ་གར་བས་སྲིད་དོན་ཡག་ཐག་ཆད་ཞིག་འཁྲག་རྒྱུ་རེད་ ད་གང་ཞིག་ ང་ཚོ་བོད་དེ་རྒྱལ་ཁབ་མང་པོ་ཞིག་གི་་་་་སྤོ་ལོ་་་་་ནང་བཞིན་རེད་འདུག།
ཐེངས་འདིར་༧གོང་ས་མཆོག་དང་རང་གཞུང་ལ་་ངོ་མ་མཛའ་དཀའ་ཆེན་པོ་བྱུང་ཡོད་རྒྱུ་རེད། ཕར་བལྟས་ན་རྒྱ་གར་གཞུང་གིས་༧གོང་ས་མཆོག་ལ་ས་དེར་ཕེབས་པར་རེ་སྐུལ་ཞུས་ཡོད་པ་འདྲ། དེ་འདྲ་མིན་ན་ང་ཚོ་དེར་སོང་ནས་ཅི་བྱེད། ད་་རྒྱ་གར་གྱིས་ཀྱང་བོད་རྒྱ་འོག་ཏུ་བཅུག་པས་མི་ཆོག་ འདི་འདྲར་བེད་སྤྱོད་ཀྱང་གཏོང་གི་ཡོད་པ་འདྲ། ཤུའུ་འུའུའ་ུའ་་་་ ད་ཅི་བྱེད་འདི་བྱེད་མི་ཤེས་པའི་ཚོད་ལ་ཐོན་འདུག
རྒྱ་གར་བས་བོད་འདི་རྒྱ་མིའི་ཆ་ཤས་ཡིན་པར་ཁས་ལན་རྒྱལ་སྤྱིར་བསྒྲགས་ཏེ། བོད་དོན་ཐོག་གི་ལངས་ཕྱོགས་གསལ་པོ་བྱས་ཡོད་པས། ང་ཚོར་རང་རེའི་རྩ་དོན་ཐོག་རེ་བ་བཅངས་ས་མེད། ཉེ་ཆར་རྒྱ་གར་སྲིད་བློན་མཆོག་གིས་རྒྱ་གར་ནང་བོད་པ་ཚོར་ཆབ་སྲིད་ཀྱི་ལས་འགུལ་སྤེལ་མི་འཇུག་རྒྱུའི་ཁས་ལན་བྱས་མ་ཐག་ཡིན་ལ། འདིའི་ཐོག་ནས་རྒྱ་གར་བ་རྒྱ་མའི་སྔོན་ནས་མགོ་དགྱེས་མི་ཐུབ་པ་གསལ་པོ་རེད་ལ། བོད་དོན་འདི་རྒྱ་གར་བས་བེད་སྤྱོད་ཡག་པོ་གཏོང་བའི་བློ་ཁོག་མེད། ཕྱོགས་གཞན་ཞིག་ནས་ྋགོང་ས་མཆོག་གི་ངོས་ནས་ཨ་རི་ན་ཅར་ཕེབས་དོན་ནི་ཆོས་ཕྱོགས་མཛད་འཕྲིན་ཡིན་དང༌། རྒྱ་དཀར་ནག་གཉིས་ཀྱི་ས་མཚམས་ཀྱི་མཚམས་ཐིག་སྟེ་སུ་ལ་དབང་མིན་གྱི་ལག་སྔ་རྩོད་ནས་རྒྱལ་སྤྱིར་གསལ་བོ་བཟོ་འདོད་རེད། དེ་འདྲ་ཞིག་མ་རེད་དམ།
དེ་དགོང་གི་བགྲོ་གླེང་ནང་གི་བོད་ཕྱོགས་ཀྱི་མི་གཅིག་ནི་བསྟན་འཛིན་བརྩོན་འགྲུས་རེད། བགྲོ་གླེང་འདི་ཐད་གཏོང་རེད་མི་འདུག ཕྱི་ཚེས་ ༢ ཉིན་བརྙན་ལེན་བྱས་འདུག བསྟན་འཛིན་བརྩོན་འགྲུས་ཀྱིས་དཀའ་ལས་ཁག་རབ་ཅིག་བཤད་འདུག
ཐེངས་འདིའི་རྩོད་གླེང་ལ་བོད་པ་ཞུགས་དགོས་དོན་ཅི་ཡང་མེད། དེ་ནི་རྒྱ་དཀར་ནག་གཉིས་ཀའི་ལས་ཀ་ཞིག་རེད། ཨ་རི་ལ་ལྟ་རྒྱུ་མེད་ལ་རེ་བའང་རྒྱག་རྒྱུ་མེད། ཨ་རིའི་ཆབ་སྲིད་ལངས་ཕྱོགས་ནི་གྱང་ཁའི་རྩྭ་ལྟ་བུ་རེད། རླུང་གར་གཡུག་གི་དབང་དུ་འགྲོ་གི་རེད། གཞན་རྒྱ་གར་ལའང་རེ་བ་རྒྱག་མི་རུང་ལ་རོགས་པའང་བྱེད་དགོས་དོན་མེད། བོད་རྒྱ་ནག་གི་ཆ་ཤས་རེད་ཅེས་ཧམ་བཤད་བྱས་ཡོད་པས་དེ་ལས་ལྷག་ཅིག་བོད་ལ་ཅི་བྱེད་དགོས་སམ། ཆེ་ཆུང་ལ་མ་ལྟོས་པར་བོད་ས་ཧམ་ཟོས་བྱས་པ་ལ་རྒྱ་དཀར་ནག་གཉིས་ལ་ཁྱད་ཅི་ཡང་མེད།
ན་ནིང་ས་བྱི་ལོའི་ཞི་རྒོལ་ཆེན་མོའི་སྐབས་ལྡི་ལི་གསར་པའི་བརྙན་འཕྲིན་བརྒྱུད་ལམ་ནང་རྒྱ་བོད་གཉིས་ཀྱི་དཀའ་རྙོག་ཐོག་བགྲོ་གླེང་ངརམ་ཞིག་འཚོགས་སོང་། སྐབས་དེར་རྒྱ་མི་གཟར་འགོད་པ་དེས་བསྟན་འཛིན་བརྩོན་འགྲུས་ལགས་ཁག་པོ་བཟོས་པ་མ་ཟད་ང་ཚོ་ལྟད་མོ་ལྟ་མཁན་ཚོ་ཡང་སེམས་གྲང་ཆིལ་ཆིལ་བཟོས་སོང་། བསྟན་འཛིན་བརྩོན་འགྲུས་ལགས་གཞུང་གིས་དམིགས་གསལ་སྦྱོང་བརྡར་སྤྲད་མེད་པར་སོང་ཤིང་ནགས་ཀྱི་མེ་ཏོག་དང་འདྲ་ཞིང་། རྒྱ་མི་གསར་འགོད་པ་དེ་རྒྱ་གཞུང་གིས་སྦྱོང་བརྡར་སྤྲད་ཡོད་ཙང་ལྡུམ་རྭའི་ནང་གི་མེ་ཏོག་དང་འདྲ། ང་ཚོར་ཡང་ལྡུམ་རྭའི་ནང་གི་མེ་ཏོག་མང་ཙམ་ཡོད་ན་ཡག་པོ་མེད་འགྲོ།
༧གོང་ས་མཆོག་རྟ་དབང་ལ་ཕེབས་པ་འདིས་བོད་རྒྱ་ཞི་མོལ་གྱི་ཁོར་ཡུག་ལ་གཏོར་བཅོམ་གཏོང་གི་ཡོད་པ་ཙམ་དུ་མ་ཟད། རྟ་དབང་རྒྱ་ཁོངས་ཡིན་ཤག་གིས་ཡོད་པའི་རྒྱ་མི་རིགས་ཀྱི་སེམས་ཁམས་སུ་དམར་ཕྱོགས་ཚོགས་པའི་གསར་བཞེངས་བྱས་པའི་༧གོང་ས་མཆོག་གི་གཟུགས་བརྙན་དེ་སྔར་བས་ཇེ་རྩོག་ལ་འགྲོ་རྒྱུ་རེད། དེ་བས། བོད་རང་གི་ཕྱོགས་ནས་བཤད་ན་མ་ཕེབས་ན་བཟང་།
ཨ་རིས་ཐེངས་འདིའི་ཆིབས་སྒྱུར་ལ་རྒྱབ་སྐྱོར་བྱེད་ངེས་ཅན་རེད། དེ་ལྟར་བྱུང་ན་རྒྱ་དཀར་ནག་གཉིས་བར་གྱི་གྲང་དམག་གི་ངར་ཤུགས་ཚ་རུ་འགྲོ་ངེས་པ་དང་། གྲང་དམག་གི་གོ་སྐབས་འདི་བརྒྱུད་ནས་མཚོན་ཆ་མང་པོ་ཞིག་བཙོང་ཐུབ་རྒྱུ་རེད།
ད་རྒྱ་གར་གཞུང་གིས་རྟག་ཏུ་གཞན་ལ་རེ་ནས་རང་ཉིད་སྲུང་སྐྱོབ་བྱེད་རྒྱུ་མ་ཡིན་པར། ་མོན་རྟ་དབང་གི་བདག་དབང་དང་དེ་མཚུངས་ཀྱི་ས་མཚམས་རྙོག་དྲའི་ཐད་ལ་རང་དོན་རང་གཅེས་ཀྱིས་མདུན་དུ་ལངས་རན་རེད། ༧གོང་ས་མཆོག་ས་དེར་ཕེབས་པ་ཙམ་གྱིས་རྒྱ་ནག་གི་ཁ་འགོག་ཐུབ་ཀི་མ་རེད།
གལ་སྲིད་རྒྱ་གར་གཞུང་གིས་རྒྱ་ནག་གི་གནོན་ཤུགས་འོག་འགོ་རྟགས་ཞུས་ན་ཉིན་ཤེས་རྗེས་ནས་རྒྱ་མིས་ལ་དགས་སུ་བཙམ་འཛུལ་མུ་མཐུད་བྱེད་ངེས་རེད།་དེ་བས་ད་རེས་རྒྱ་གར་བས་ཡིན་གཅིག་མིན་གཅིག་གིས་༸གོང་ས་མཆོག་རྟ་དབང་དུ་ཆིབས་བསྒྱུར་མཛད་འཕྲིན་ལེགས་གྲུབ་ཡོང་བ་བྱས་ན་རྒྱ་གར་གཞུང་ལ་ཁེ་ཕན་ཆེན་པོ་ཡོད་ཡོད་པ་རེད།་་་དེའི་ཕྱིར་མོན་པ་གཞུང་ནས་ཤུགས་རྒྱབ་དགོས་རེད།
གོང་ས་མཆོག་མོན་ལ་ཕེབས་དུ་མ་བཅུག་པའི་དབང་དུ་བཏང་ན་དེ་ནི་རྒྱ་གར་གིས་གོང་ས་མཆོག་གི་གཙོས་བོད་མི་ཚོ་མི་ལོ་ལྔ་བཅུའི་གནས་ཚང་གཡར་བ་སྟོང་བར་གྱུར་བ་རེད། མ་ཟད་ས་མཚམས་རྩོད་རྙོག་ཐད་ནས་རྒྱ་གར་ཕམ་པར་གྱུར་བ་རེད། བཙན་བྱོལ་བོད་གཞུང་རྒྱ་གར་ལ་གནས་སུ་བཅུག་པ་དང་གོང་ས་མཆོག་མོན་ལ་ཕེབས་སུ་བཅུག་པར་རྒྱ་གར་གཞུང་གིས་བྱེད་སྟངས་མ་ཤེས་བ་ག་རེ་ཡོད་ན་ཆབ་སྲིད་ནི་ཆབ་སྲིད་རང་རེད།
ཨ་རིའི་སྲིད་དོན་སོས་ཁའི་གནམ་ལ་འགྲན།།
རྒྱ་གར་བ་ནི་དབྱར་སྨད་རྩི་ཏོག་འདྲ།།
རྒྱ་ནག་ཁོག་པ་སྟོན་རླུང་ངར་མར་མཚུངས།།
གངས་རིའི་ལས་དབང་དགུན་གྱི་ས་གཞི་བཞིན།།
ད་མི་ཤེས་རྒྱལ་སྤྱིའི་རྒྱལ་ཁབ་ཁག་གི་འབྲེལ་ཡོད་དཔོན་རིགས་ཚོས་མཚམས་རེར་དགའ་སྤྱད་བཤད་བཞིན་པ་འདྲ་ནའང་ལན་རེར་སྡུག་སྤྱད་བཤད་བཞིན་པ་འདྲ། དཔྱིད་ཀའི་གནམ་ངོ་ལྟ་བའི་སྲིད་དོན་པ་ཚོར་ཡིད་ཆེས་རྒྱུ་མི་འདུག
ཨ་རིའི་གཞུང་གིས་༧གོང་ས་མཆོག་མོན་རྟ་དབང་ལ་ཕེབས་པ་དེར་འདོད་པ་ཡོད་ཟེར། ཨ་རིའི་ཕྱི་སྲིད་ལས་ཁུངས་ཀྱི་བོད་དོན་དམིགས་བསལ་འབྲེལ་མཐུད་པ་Maria Otero ཡིས་དེ་རིང་ལྡི་ལི་ནས་གསར་འགོད་པ་ཚོར་བཤད་དོན། ཏཱ་ལའི་བླ་མ་ནི་ཆོས་ལུགས་ཀྱི་དབུ་ཁྲིད་ཅིག་ཡིན་སྟབས་ཁོང་ཉིད་ངོ་བོ་འདིའི་ཐོག་ནས་གང་དུ་ཕེབས་ནའང་རང་དབང་རེད་ཟེར།