ངྷ་སར་ཁ་བ་བབ་སོང་།

དེ་རིང་ཞོགས་པ་རྒྱ་གར་བྱང་ཕྱོགས་བཞུགས་སྒར་ངྷ་རམ་ས་ལའི་རི་སྒང་ཧྲིལ་བོ་ཁ་བས་གཡོགས་འདུག་ཅིང་། དེ་ནི་ཉིན་གསུམ་ལ་གནམ་གཤིས་རུབ་ཅིང་ཆར་བ་ཆུང་ངུ་བསྟུད་མུར་བབས་ཏེ་གནམ་གཤིས་ཇེ་འཁྱག་ཏུ་ཕྱིན་ཡོད་སྟབས། མདང་ནུབ་མཚན་གང་བོར་ཁ་ཆར་འདྲེས་མ་བབས་པས། དེ་རིང་ཞོགས་པ་ཁ་བས་མཐུག་ཚད་ལ་སོར་བཞི་ཙམ་ཆགས་འདུག མེག་ལོར་སྦག་སུ་ལམ་ཁ་དང་ཐེག་ཆེན་ཆོས་གླིང་གཙུག་ལག་ཁང་གི་མཐའ་འཁོར། དེ་བཞིན་ཕྱི་སྐོར་ལམ་ཁ་བཅས་སུ་མི་ཚང་མའི་གདོང་ལ་འཛུམ་གྱིས་ཁེངས་ཏེ་ཁ་བས་གཞུ་རེས་བྱས་ཏེ་རྩེད་མོ་རྩེད་བཞིན་འདུག འོན་ཀྱང་། ད་དུང་མུ་མཐུད་དེ་འབྲུག་སྒྲ་འུར་འུར་དུ་གྲགས་ཤིང་། མཚམས་རེར་ཁངས་ཆར་དང་སེར་ཞག་འདྲེས་མ་ཤུགས་ཀྱིས་འབབ་ཀྱིན་འདུག་ལ། མཚམས་རེར་གྲང་རླུང་དང་བསྡོངས་ནས་སྤྲིན་གསེབ་ནས་ཉི་འོད་དུས་ཐུང་རེར་འཆར་ཡང་། དེ་ལ་དྲོད་ཁོལ་ཅུང་ཙམ་ཡང་མེད་པར་གནམ་གཤིས་ཧ་ཅང་གྲང་བར་བལྟས་ན། ད་དུང་གནམ་གཤིས་ཇེ་འཁྱག་ཏུ་ཕྱིན་ཏེ་ཁ་བ་མུ་མཐུད་འབབ་རྒྱུ་ཡིན་པའི་རྟགས་མཚན་མངོན་འདུག

 

བོད་ལྕགས་སྟག་ལོའི་ལོ་གསར་སླེབས་ལ་ཉེ་བའི་སྐབས་འདིར་གནམ་གཤིས་ཇེ་གྲང་དུ་ཕྱིན་ཅིང་། ཉིན་མཚན་མེད་པར་ཁ་ཆར་དང་སེར་ཞག་མཚམས་མ་ཆད་པར་བབ་པ་འདིས་མི་སུ་ལའང་སིན་སྣང་སྟེར་སྲིད་ནའང་། བཞུགས་སྒར་ཁུལ་གྱི་མང་ཚོགས་ཚོས་བཤད་པ་ལྟར་ན། ངྷ་རམ་ས་ལར་མཚོན་ན། འདི་ལྟར་ཁ་བ་ཆེན་པོ་བབས་པ་དེ་ཧ་ཅང་དགའ་འོས་པའི་དོན་བཟང་ཞིག་ཡིན། གང་ཡིན་ཟེར་ན། ཉིན་འདི་འགར་མེག་ལོ་གཡས་གཡོན་གྱི་ཚོང་ཁང་དང་ཟ་ཁང་། མགྲོན་ཁང་སོགས་སུ་ཆུའི་དཀའ་ངལ་འཕྲད་ཀྱིན་ཡོད་པ་མ་ཟད། གངས་སྐྱིད་ཁུལ་དུའང་འཐུང་ཆུའི་དཀའ་ངལ་ཤུགས་ཆེན་འཕྲད་ཀྱིན་ཡོད་པ་རེད། ལ་ལས་ཆུ་ལ་རིན་གོང་མཐོན་པོ་སྤྲད་དེ་ཉོ་བཞིན་ཡོད་ལ། འགའ་རེ་ཡིས་རླངས་འཁོར་གླས་ཏེ་ས་ཐག་རིང་པོ་ནས་ཆུ་འོར་འདྲེན་བྱེད་ཀྱིན་ཡོད། ད་ལོའི་དགུན་ཁ་འབབ་ཞོད་མ་བྱས་པར་ངྷ་རམ་ས་ལའི་རྒྱབ་རི་རྡོ་ལ་རྡར་གྱི་རི་མགོར་གངས་མཐུག་པོ་ཆགས་མ་ཐུབ་པ་ཡིན་ན། སང་ལོའི་དབྱར་ཀ་འཐུང་ཆའི་དཀའ་ངལ་ཤུགས་ཆེན་འཕྲད་ངེས་ཡིན་སྟབས། གནམ་གཤིས་གྲང་མོ་ཆགས་མིན་ལ་མ་ལྟོས་པར་ཁ་བ་ཅི་ཙམ་བབ་པ་དེ་ཙམ་གྱིས་བཟང་བ་རེད་ཅེས་དགའ་སྣང་ཆེན་པོ་བྱེད་ཀྱིན་འདུག 

 

ངྷ་སའི་སྲང་བར་དག་ཏུ་ཁངས་ཆུ་བཞུར་ཞིང་། ལམ་ཁ་གཡས་གཡོན་དུ་གངས་རྩེག་བརྒྱབས་ཏེ། རླངས་འཁོར་སོགས་ཀྱི་འགྲིམ་མགྲུལ་ལ་དཀའ་ངལ་ཕྲན་བུ་རེ་འཕྲད་ཀྱིན་འདུག་ལ། གློག་དང་བརྙན་འཕྲིན། ཁ་པར་སོགས་ཀྱི་སྐུད་ལམ་ལའང་དཀའ་ངལ་མི་ཆུང་བ་རེ་འཕྲད་ཀྱིན་འདུག་ལ། གངས་སྐྱིད་ནས་མེག་གྷན་བར་གྱི་ལམ་ཁ་ཅུང་རྩུབ་ཅང་གྱེན་ཐུར་ངན་སྟབས། འགྲུལ་སྐྱེལ་རླངས་འཁོར་ཆུང་བའི་རིགས་ཡར་འགྲོ་རུ་འཇུག་གིན་ཡོད་ཀྱང་། མར་ཡོང་དུ་འཇུག་གི་མེད་པ་སོགས་ལ་བརྟེན། མི་དམངས་ཚོ་ཡར་མར་འགྲོ་སྐྱོད་བྱེད་པར་དཀའ་ངལ་མི་ཉུང་བ་ཞིག་འཕྲད་ཀྱིན་འདུག མེག་ལོ་རླངས་འཁོར་འབབ་ཚིགས་དང་དེ་མིན་གྱི་ལམ་ཁ་དག་ཏུའང་རྒྱ་གར་འགྲིམ་འགྲུལ་ལྟ་སྲུང་བ་མང་པོ་མངགས་གཏོང་གིས་འགྲིམ་འགྲུལ་སྐྱེལ་འདྲེན་དང་མང་ཚོགས་འགྲོ་སྐྱོད་ལ་ལྟ་རྟོག་བྱེད་ཀྱིན་འདུག་མོད། ད་དུང་མུ་མཐུད་ཁ་བ་བབ་པ་ཡིན་ན་ལམ་ཁ་འགག་ཅིང་འགྲིམ་འགྲུལ་དོན་རྐྱེན་འབྱུང་རྒྱུའི་ཉེན་ཁ་འདུག

བསྐྱར་བཅོས།: ༢༠༡༧/༠༢/༡༦

Leave a Reply

19 thoughts on “ངྷ་སར་ཁ་བ་བབ་སོང་།

  1. ཀརྨ་རྡོ་རྗེ།

    རྡ་སའི་ཁ་བའི་སྒང་ལ་ལོ་གསར་ཚེས་གཅིག་ཤར་དུས།

    རྡ་སར་ལྷ་ཡི་ཁ་བ་དཀར་པོ་མར་མར་བབས་དུས། །
    རྡ་ས་བ་ཡི་ཕྱག་ལས་དཀར་པོ་ཡར་ཡར་རྒྱས་དུས། །
    ཁྱིམ་གྱི་བུག་ལ་ལོ་གསར་རྟེན་འབྲེལ་ཡང་ཡང་བྱེད་དུས། །
    ཁོག་པའི་ཕུག་ལ་གཞིས་བྱེས་སྤྱི་དོན་ཡང་ཡང་དྲན་དུས། །

    འདྲེ་དཀར་ཕྱག་གིས་འབྲས་དཀར་གཏོར་ཐལ་ཤོར་དུས། །

    ༼འདྲེ་ཞེས་ཚིག་ཙམ་གྱིས་མ་འདྲོགས་པར་འདྲེ་དཀར་ནི་ལྷའི་མིང་ཡིན་དགོས་སྙམ།༽

  2. བོད། བར་འདུམ།

    ཟིན་བྲིས་འདིར་ལྟོས་དང་མཆན་བུ་བདུན་ལས་མེད་ཀྱང་ཟིན་བྲིས་ཁྱབ་ཤོས་ནང་སླེབས་ཟིན་རེད། ངས་འདིར་བཅོས་བསྒྱུར་མེད་པ་ཟིན་བྲིས་མཆན་བུ་བཅས་པ་བཤུས་ཡོད།

    ངས་བདེན་པ་དང་དྲང་མོ་བྱེད་ཀྱིན་མི་འདུག་ཟེར་བ་ལས་གང་ཡང་མིན།
    བདེན་དོན་ལ་བསྙོན་ནུས་ན་ཁྱོད་ད་ཤོད་དང་ཡ

    ༼ས་མཐའི་ཁྱིམ་གཞིས།
    གཞས་མ་སྐལ་བཟང་མེ་ཏོག་གིས་བོད་སྐད་གོ་མ་མྱོང་བ་ཞིག་རྒྱག་གི་འདུག
    མིང་དུ་གྲགས་པའི་གཞས་མ་སྐལ་བཟང་མེ་ཏོག་གིས་བོད་སྐད་གོ་མ་མྱོང་བ་ཞིག་རྒྱག་གི་འདུག

    བོད་སྐད་དེ་ཡང་རྒྱ་རིགས་མདོ་འཛིན་པ་ཞིག་ལ་སློབ་ཀྱིན་འདུག མི་བདེན་གི་འདོད་ན་གཟིགས་རོགས།

    སྐལ་བཟང་མེ་ཏོག

    འདི་ནས་གཞན་ཁག་ཅིག་ལ་གཟིགས་ཐུབ།

    སེང་རྡོར་དྲ་བ་ནས་འདིར་འདྲེན་བཀོད་བྱས།

    འདི་ལྷོ་མཐར་ཡོད་པའི་ངའི་གྲོགས་པོ་སྐལ་བཟང་མེ་ཏོག་ཟེར་དུས་སྨྱོ་ལ་ཁད་ཅིག་ཡོད་པ་དེར་ཕུལ་བའི་ལོ་སར་གྱི་ལག་སྐྱེས་ཡིན། ཁོའི་མིང་ལ་སྐམ་པོ་ཟེར། སྐད་འདི་སུས་ན་གོ་ན་ཕན་ཚུན་ལ་བཤད་པར་བཀའ་དྲིན་ཆེ།

    འདོན་སྤེལ།: ༢༠༡༠/༠༢/༠༤
    རིག་པ་འདོན་པ།
    ཨ་རིག་དགེ་མཐོང་།
    ༢༠༡༠/༠༢/༠༥ ཉིན་འདོན་སྤེལ་བྱས། བོད་རང་བཙན། བོད་རང་བཙན་ཕྱོགས་ལ་རེ་བ་ཡོད་རྒྱུ་མ་རེད། འདིའི་ཡིག་ནོར་དང་བསམ་བློ་ལ་ལྟོས་དང་། བྱ་བཙོག་གི་ཡ། མ་གཞི་འདི་བོད་པ་ཨེ་ཡིན་ན་བསམ་གི དོགས་པའི་གནས་ཤིག བོད་པ་ཡིན་ན་འདི་ལ་ངོ་ཚ་ཟེར་བ་དེ་མེད་པ་འདྲ།
    ཤཱཀྱ་མི་བོ།
    ༢༠༡༠/༠༢/༠༥ ཉིན་འདོན་སྤེལ་བྱས། མོས་བཤད་ཁུ་ནི་རྒྱལ་མོ་ཚ་བ་རོང་གི་སྐད་ཡིན་ནི་འདྲ་ཟིག་རེད།
    ཚེར་མ།
    ༢༠༡༠/༠༢/༠༥ ཉིན་འདོན་སྤེལ་བྱས། རང་རེ་བས་དབུས་སྐད་ཟེར་ན་རྒྱའི་སྐད་ཀྱི་སྒྲ་གདངས་རྒྱུན་སྤྱོད་བྱེད་པོ་རྒྱ་མི་རྣམས་ཀྱིས་རང་གི་སྒྲ་གདངས་འདོན་གོམས་ཅན་དེ་ཨམ་སྐད་དུ་སྦྱར་བ་དེ་རེད། དེའི་རྐྱེན་གྱིས་ཨམ་སྐད་ཁམས་སྐད་རྒྱག་མཁན་ལྟ་བ་མཁྲིག་གཟུང་ཅན་ཡིན་པའི་རྒྱུ་མཚན་མེད། དབུས་སྐད་དོར་ནས་ཁམས་སྐད་གཅིག་གྱུར་གྱིས་རྒྱབ་ན་མ་འགྲིག་པ་ཅི་ཡང་མེད།
    བོད་རང་བཙན
    ༢༠༡༠/༠༢/༠༤ ཉིན་འདོན་སྤེལ་བྱས། ཨམ་སྐད་ལས་སྡུག་པའི་སྐད་ཞིག་ཡོན་ན་གཞས་མ་སྐལ་བཟང་མེ་ཏོག་གིས་བོད་སྐད་གོ་མ་མྱོང་བ་ཞིག་རྒྱག་གི་འདུག་གསུངས་པ་དེ་ཡིན་རྒྱུ་རེད། ཧཧཧཧ ཨ་རིགས་འགྱུར་མེད་ཀུ་རེ་ཡིན། བོད་པ་ཚང་མས་དབུས་སྐད་རྒྱབ་ན་ཡག་པོ་འདུག་དེ་རྒྱལ་རོང་སྐད་དང་ཨམ་སྐད་ཏའུ་སྐད་སོགས་བད་སྤྱེད་བྱསམམཁས་མཁན་ལྟ་བ་མཁྲིག་གཟུང་ཅན་མས་ད་བོད་པ་ཚང་མས་དབྱིན་སྐད་སློབ་ན་ག་འདྲ་འདུག།
    ཤིང་རྟ།
    ༢༠༡༠/༠༢/༠༤ ཉིན་འདོན་སྤེལ་བྱས། མཆོག་ཏུ་བཀུར་འོས་བོད་ཀྱི་དུས་བབ་གཙོ་སྐྱོང་པ་མཆོག་ལ་ཆེད་ཞུ། གུས་པ་ད་ལྟ་རང་དུས་བབ་དྲ་ངོས་སུ་ཞུགས་ཐུབ་ཙམ་བྱུང་བས་དགའ་ཚོར་དང་བཅས། ད་དུང་ཞུ་རྒྱུར་གུས་པར་ཟིན་བྲིན་ཞིག་སྒོ་ཕྱེ་འདོད་འདུག་ན་དེ་བཞིན་སྐྱབས་འཇུག་བཀའ་དྲིན་ཆེ་བ་ཞུ།
    སྤོབས་པ་མཐའ་ཡས།
    ༢༠༡༠/༠༢/༠༤ ཉིན་འདོན་སྤེལ་བྱས། ཉི་ཧོན་དུ་ཡོད་པའི་ཟླ་བ་སྒྲོལ་མ་ཟེར་བའི་སྐད་གྲགས་ཅན་དེ་ལ་མི་ཞིག་གིས་ཁྱེད་བོད་རིགས་ཡིན་སྟབས་བོད་གཞས་ཤིག་གཏོང་རོགས་ལབ་སོང་། མོས་བོད་གླུ་རེད་ཟེར་ནས་གཞས་འདྲ་ཞིག་བཏང་སོང་། དེ་བོད་སྐད་ཡིན་ཁུལ་བྱས་པ་མ་གཏོགས་ཚིག་འབྲུ་གཅིག་ཀྱང་མི་འདུག
    ཨ་རིག་དགེ་མཐོང་།
    ༢༠༡༠/༠༢/༠༤ ཉིན་འདོན་སྤེལ་བྱས། ཡོང་ཡོད། བདེན་གི་འདི་ཚོ་བྱ་བཙོག་གི ངའི་ཟིན་བྲིས་སུ་གཟིགས་རོགས།
    བོད། ཤ་ཁྲག་རུས་གསུམ།
    ༢༠༡༠/༠༢/༠༤ ཉིན་འདོན་སྤེལ་བྱས། ད་དེ་མོ་མང་ནི་རེད། རང་སྐད་ཡིན་ན་ཐང་མོད། འོན་ཀྱང་། གཅིག་གཉིས་གསུམ་ཟེར་དུས་གྲངས་ཀ་བརྩི་སྟངས་དེ་འདྲ་ཞིག་ས་གང་དུ་ཡོད་མེད་དེ་ནི་དངོས་ནས་གོ་མ་མྱོང་། གཅིག་བྱས་ན་ཤེས་མཁན་འདྲ་ཡོད་ན་ཐང་། དེ་ལ་ལན་ཞིག་ཁུར་ཡོང་སྲིད་པ་རེད།
    རིག་པ་འདོན་པ། ༽བཅོས་བསྒྱུར་མེད་པ་ཟིན་བྲིས་མཆན་བུ་བཅས་པ་བཤུས་ཡོད།

  3. བོད། བར་འདུམ།

    ཆུ་ཐིགས་སྔོན་མོ།

    ཁྱོད་ལའང་གདོན་ནད་དང་ནད་ངན་དེ་ཅུ་འགོས་འདུག
    ཁྱོད་ཀྱིས་ཟེར་ཟིན་བྲིས་ཁྱབ་ཆེ་ཤོས་སུ་འགྲོ་བ་དེ་དྲྭ་བ་རང་འགུལ་གྱིས་རེད་ཟེར།
    ཕྱོགས་རིས་ཅན་གྱི་མིའི་གཅའ་དངོས་དག་ཀྱང་ཕྱོགས་རིས་ཅན་ཆགས་ཀྱིན་ཡོད་ཚོད་འདུག

    ངས་གོང་བཤད་ལྟར་
    ཁྱོད་སྨྱོ་ཚུག་ཚུག་ཞིག་མེད་ན།
    བརྟག་དཔྱད་ཅིག་བྱོས་དང་།
    ཟིན་བྲིས་ཁྱབ་ཆེ་ཤོས་སུ་སླེབས་པ་གང་རུང་ཅིག་ལ་མཆན་བུ་ག་ཚོད་འདུག
    གཞན་མ་སླེབས་པ་ཞིག་ལ་ག་ཚོད་འདུག

    ཁྱོད་ཀྱང་གཉན་ནད་ཡོད་མཁན་ཞིག་རེད་འདུག་ཀྱང་
    སྟབས་བདེ་བོས་བཤད་ན།
    དེ་ནི་དྲྭ་བདག་དང་འབྲེལ་བ་ཡོད་མཁན་ཞིག་དང་མེད་མཁན་ཞིག་གཉིས་ཀྱི་ཟིན་བྲིས་ལ་བལྟས་ན་ཤེས་ནུས།