གསེར་རྟ་རྫོང་གི་བོད་མི་ཚོས་རྒྱ་གཞུང་ལ་བསྟུད་མར་ངོ་རྒོལ་སྐད་འབོད་བྱས་མཐར་བོད་མི་ཁག་ཅིག་འཛིན་བཟུང་བྱས་འདུག་ལ། སྤྱི་ཡོངས་ཀྱིས་ས་གནས་དེ་དག་ལ་དམ་དྲག་ནན་མོ་བྱེད་བཞིན་ཡོད་འདུག
ངྷ་སའི་ཉེ་འཁོར་འཆི་མེད་དགའ་ཚལ་གླིང་གི་མཁན་པོ་གསེར་རྟ་ཆོས་དབྱིངས་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། འདི་ལོའི་ཕྱི་ཟླ་ ༣ པའི་ཚེས་ ༣༠ ཉིན་ཡུལ་ཤུལ་རྫ་སྟོད་གནས་མདོ་དགོན་པ་ནས་ཡིན་ཞིང་། གསེར་རྟ་བླ་རུང་ནང་བསྟན་སློབ་གླིང་གི་བཀའ་བརྒྱུད་འཛིན་གྲྭའི་ནང་སློབ་སྦྱོང་བྱེད་ཀྱིན་པའི་རང་ལོ་ ༡༦ ཡིན་པའི་གྲྭ་བསྟན་འཛིན་རྒྱ་མཚོ་དང་། རྫ་སྟོད་རྫོང་རྗེ་དྲུང་དགོན་པའི་རང་ལོ་ ༡༥ ཡིན་པའི་གྲྭ་མགར་བ་དབང་ཆེན་སྟོབས་རྒྱལ་གཉིས་ཀྱིས་དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་གི་ཁྲོམ་གཞུང་དུ་བོད་ཀྱི་རྒྱལ་དར་མཁའ་དབྱིངས་སུ་བསྒྲེངས་ཏེ། ༸རྒྱལ་བ་རིན་པོ་ཆེ་སྐུ་ཚེ་བརྟན་པར་ཤོག བོད་ལ་རང་བཙན་དགོས་ཞེས་འབོད་ཚིག་བསྒྲགས་ཡོད་པ་དང་། དེར་ཡོད་ཀྱི་གྲྭ་པ་དང་མི་མང་གིས་རྒྱབ་སྐྱོར་གྱི་སྐད་འབོད་བྱས་ཡོད་ཀྱང་། ལག་ཏུ་རྒྱལ་དར་ཐོགས་པའི་ཁོང་གཉིས་ཉེན་རྟོག་པས་འཛིན་བཟུང་བྱས་ཏེ་ད་ལྟའི་ཆར་གར་སོང་ཆ་མེད་དུ་གྱུར་ཡོད་འདུག
ཕྱི་ཚེས་ ༣༡ ཉིན་གསེར་རྟ་མཆོག་ཚང་སྡེ་བའི་དགེ་འཕན་འཇིགས་ཐུབ་ཀྱི་བུ་ཨོ་རྒྱན་རྣམ་རྒྱལ་གྱིས་ཀྱང་༸རྒྱལ་བ་རིན་པོ་ཆེ་མྱུར་དུ་བོད་ལ་གདན་འདྲེན་དགོས་པ་དང་། བོད་ལ་ཆོས་དད་རང་དབང་དང་འགྲོ་བ་མིའི་ཐོབ་ཐང་དགོས་པའི་འབོད་ཚིག་བསྒྲགས་ཏེ་ངོ་རྒོལ་སྐད་འབོད་བྱས་པར་བརྟེན་ཉེན་རྟོག་མི་སྣས་འཛིན་བཟུང་བྱས་འདུག་ཅེས་གནས་ཚུལ་འགྲེལ་བརྗོད་གནང་།
གོང་གསལ་གྱི་གནས་ཚུལ་འདི་དག་དང་འབྲེལ་ཏེ་གནས་ཚུལ་གཞན་ཁག་ཅིག་མཁོ་སྤྲོད་གནང་དོན། གོང་གི་གནས་ཚུལ་དེ་དག་བྱུང་རྗེས་ཀྱི་ཕྱི་ཚེས་ ༢ ཉིན་གསེར་རྟ་སྟག་རྩེ་དགོན་པའི་དགེ་འདུན་པ་གཉིས་ཀྱིས་གསེར་རྟ་རྫོང་དུ་ངོ་རྒོལ་སྐད་འབོད་བྱས་ཏེ་འཛིན་བཟུང་བཙོན་འཇུག་བྱས་ཡོད་པར་མ་ཟད། མཆོག་ཚང་སྡེ་བའི་རང་ལོ་ ༡༩ ཡིན་ཞིང་དགོན་པའི་སློབ་གྲྭའི་དགེ་རྒན་སྤྲུལ་སྐུ་རྣམ་རྒྱལ་གྱིས་གསེར་རྟ་རྫོང་ཐོག་ཏུ་བོད་ལ་རང་དབང་དགོས་ཞེས་པའི་ཡི་གེ་གཏོར་བར། དེ་འཕྲལ་ཉེན་རྟོག་མི་སྣས་འཛིན་བཟུང་བྱས་ཡོད་པ་དང་། ཉེན་རྟོག་མི་སྣས་ཁོང་གིས་བཀྲམས་པའི་ཡི་གེ་དེ་དག་ཉིན་གཉིས་གསུམ་གྱི་དུས་ཚོད་བེད་སྤྱད་དེ་ལག་བྲིས་བྱས་པ་ཞིག་ཡིན་ཚུལ་སོགས་བརྗོད་དེ། ཁོང་འཛིན་བཟུང་བཀག་ཉར་བྱས་ཡོད་འདུག
དེ་བཞིན། ཕྱི་ཚེས་ ༥ ཉིན་གྱི་ཉིན་གུང་ཆུ་ཚོད་ ༡༢ སྟེང་མཆོག་ཚང་སྡེ་བའི་རང་ལོ་ ༢༠ ཡིན་པའི་མི་སྐྱ་ཐེག་མཆོག་འབོད་པ་ཞིག་གིས་བོད་ཀྱི་རྒྱལ་དར་ཐོགས་ཏེ་ངོ་རྒོལ་སྐད་འབོད་དང་མཉམ་དུ་ཡི་གེ་གཏོར་མཐར། ཉེན་རྟོག་མི་སྣས་འཛིན་བཟུང་བྱས་ཡོད་པའི་གནས་ཚུལ་བྱུང་ཡོད་པ་དང་། ཕྱི་ཚེས ༧ ཉིན་གྱི་སྔ་དྲོའི་ཆུ་ཚོད་ ༩ ནས་ཕྱི་དྲོའི་ཆུ་ཚོད་ ༢ བར་གསེར་རྟ་རྫོང་དུ་བསྟུད་མར་ཞི་བའི་ངོ་རྒོལ་སྐད་འབོད་བྱས་ཡོད་འདུག་མོད། ད་ལྟའི་ཆར་དམག་མི་འབོར་ཆེན་སླེབས་ཏེ་གསེར་རྟ་བླ་རུང་ནང་བསྟན་སློབ་གླིང་དང་གསེར་རྟ་རྫོང་དུ་བོད་མི་ཚོར་དམ་དྲག་ཤུགས་ཆེར་བྱེད་ཀྱིན་ཡོད་པ་དང་། བརྒྱུད་ལམ་ཁག་ལ་དམ་དྲག་དང་ལྟ་རྟོག་ནན་མོ་བྱེད་ཀྱིན་ཡོད་སྟབས། ཞིབ་ཕྲའི་གནས་ཚུལ་ཤེས་རྟོགས་ཐུབ་ཀྱི་མི་འདུག་ཅེས་འགྲེལ་བརྗོད་གནང་ཡོད།
ཐུབ་བསྟན་ལ་བྲིས་པའི་མཆན་བུ་འདི་སྐབས་གཞན་ཞིག་ལ་རེད། དགོངས་དག
ཐུབ་བསྟན་ལགས། བོད་ཡིག་དག་མོ་འབྲི་རོགས། བླ་རོང་མ་རེད་བླ་རུང་རེད། ལས་རྒྱུ་འབྲས་ཡག་པོ་སྲུངས་རོགས། བླ་རུང་ལ་རྟག་པར་རྒྱ་མིས་དམ་བསྒྲགས་ཤུགས་ཆེན་པོ་རེད་འདུག ལྷག་པར་དེང་སང་དེ་ལས་ཀྱང་དམ་པོ་རེད། བོད་དོན་ཐོག་ལྷག་བསམ་ཡོད་པའི་བཙན་བྱོལ་བོད་མིས་སྣེ་ཁྲིད་པ་དང་གནད་ཡོད་མི་སྣ་མང་པོས་ངོ་རྒོལ་བྱེད་མི་ཉན་པའི་བཀའ་སློབ་ལམ་སྟོན་ཡོད་རེད། མ་ཟད་བཙན་བྱོལ་ནང་དུ་ཁྱབ་བསྒྲགས་བྱེད་ཀྱི་དེ་ལ་ཡང་གཟབ་གཟབ་ཀྱིས་ཕན་ཐོགས་ཀྱི་་འདུག་གམ་གནོད་སྐྱེལ་གྱི་འདུག་བསམ་བློ་ཐོངས་ཞེས་སྤྱི་འཐུས་ཚོགས་གཞོན་གཙོས་པའི་མི་མང་པོས་བཤད་མྱོང་ཡོད་རེད།
ཐུབ་བསྟན་ཁྱེད་དེ་ལས་ལྷག་གི་བོད་ཐོག་ལྷག་བསམ་ཅན་ཞིག་མ་རེད།
ལས་རྒྱུ་འབྲས་ལ་བརྩི་བསྲུང་མེད་པའི་སྐད་ཆ་མ་བཤད་རོགས།
དངོས་གནས་སྙིང་རྗེ་དགོས་པ་ཞིག་རེད། མདོ་སྨད་མགོ་ལོག་གསེར་རྟ་པ་ཚོ་གཅིག་གྱུར་ཡོང་བར་ཤོག ཁོང་ཚོ་ལ་མདོ་སྟོད་མདོ་སྨད་ཀྱི་ཆ་གཉིས་དང། གསེར་རྟ་སྐྱིད་སྡུག་ཚོགས་པ་ཟེར་བའི་ཁོངས་ན་ཡོད་མེད་གཉིས་བཅས་དུམ་བུ་བཞི་མི་ཆགས་པར་ཤོག བླ་མ་མཁྱེན་ནོ། ༧རྒྱལ་བ་རིན་པོ་ཆེས་སྐྱོབས། ༧རྒྱལ་བ་ཀརྨ་པས་སྐྱོབས། ས་སྐྱ་གོང་མས་སྐྱོབས། གུ་རུ་རིན་པོ་ཆེས་སྐྱོབས། དངོས་གནས་ཁོང་ཚོ་སྙིང་རྗེ།
དངོས་གནས་སྙིང་རྗེ་དགོས་པ་ཞིག་རེད། མདོ་སྨད་མགོ་ལོག་གསེར་རྟ་པ་ཚོ་གཅིག་གྱུར་ཡོང་བར་ཤོག ཁོང་ཚོ་ལ་མདོ་སྟོད་མདོ་སྨད་ཀྱི་ཆ་གཉིས་དང། གསེར་རྟ་སྐྱིད་སྡུག་ཚོགས་པ་ཟེར་བའི་ཁོངས་ན་ཡོད་མེད་གཉིས་བཅས་དུམ་བུ་བཞི་མི་ཆགས་པར་ཤོག བླ་མ་མཁྱེན་ནོ། ༧རྒྱལ་བ་རིན་པོ་ཆེས་སྐྱོབས། ༧རྒྱལ་བ་ཀརྨ་པས་སྐྱོབས། ས་སྐྱ་གོང་མས་སྐྱོབས། ཁོང་ཚོ་སྙིང་རྗེ།
ཁེ་མཚར། ཡང་མི་མགོ་བདེ་རང་ཟུང་གིས་མིང་རྫུན་མ་རེའི་རྒྱབ་ལོག་ནས་ཨ་མདོ་མགོ་ལོག་གསེར་རྟ་ཨ་མདོ་མིན་མདོག་དང། ཁམས་པ་ཡིན་མདོག་མདོག་དང། མདོ་སྟོད་ཡིན་མདོག་མདོག་བྱེད་བཞིན་འདུག མི་འདི་ཚོས་ག་དུས་ཡིན་ན་ཡང་རྙོག་གྲ་ཞིག་བཟོ་ཐབས་སུ་བསམ་བློ་བཏང་བསྡད་འདུག དངོས་གནས་ཧ་ཅང་སྐྱོ་བོ་རེད།
གཞི་ལུས་བོད་མི་སྤུན་ཟླ་རྣམས་རྒྱས་ལྩགས་སྒྲོག་ནས་མཐར་བའི་ཆེད་ང་ཚོས་ཀྱང་ལས་མགུལ་འདྲ་སྤེལ་གྱི་མིན་ནམ། བཙན་བྱོལ་བོད་མི་རྣམས་ནས་ལོང་ཤོག ལོང་ཤོག
༄༅། ཤིང་རྟ་ལགས་ཐུགས་རྗེ་ཆེ
བློ་བཟང་ལགས
བཙན་བྱོལ་བོད་པ་རྣམས་གང་དུ་ཡང་ཡལ་མེད
ཁྱེད་ཀྱི་ཤེས་འདོད་ཡོད་ན་གཞུང་འཚབ་ཁང་དག་གི་སྒོ་འགྲམ་དུ་སོང་དང་
འབྲོག་པའི་ལས་འགུལ་འདི་ཁ་ཚ་ཡང་གཏིང་གནག་པོ་དེ་ཙམ་མེད། འདི་ཆོས་དབྱིངས་ལགས་སྒེར་ལ་ཀུ་རེ་ཡིན། སུ་ལ་ཡང་ཕོག་ཐུག་མ་འགྲོ་རོགས།
བོད་དུ་འདི་འདྲ་སེམས་ཤུགས་དང་སྙིང་སྟོབས་ལ་ལྟོས་དང་། བཙན་བྱོལ་བོད་པ་རྣམས་གང་དུ་ཡལ་སོང་རེད་དམ།
རྒྱལ་གཅེས་དཔའ་བོ་དཔའ་མོ་རྣམས་ཀྱི་སྙིང་སྟོབས་ལ་བརྩི་བཀུར་དང་རྗེ་སུ་ཡི་རིང་གྲངས་མེད་ཞུ།
ཐུགས་རྗེ་ཆེ་གསེར་རྟའི་བོད་རིགས་སྦུན་ཟླ་རྣམས་གཅིག་བསྒྲིལ་ངང་མདུན་སྤྱོད།
ཡིག་གཟུགས་ནོར་བར་འདྲ། ལོང་ཤོག་བོད་མི་རྩམ་གཟན་ཚོ་ང་ཚོའི་སྟོབས་ཤུགས་གཅིག་ཏུ་བསྒྲིལ། ཞེས་པའི་དོན་མིན་ནམ་སྙམ།
དྲ་གྲོགས་རྒྱ་རྡེའུའི་དགེ་འདུན་ལགས། ཡིག་གཟུགས་ནོར་འདུག ལོང་ཤོག་བོད་མི་རྩམ་གཟན་ཚོའི་སྟོབས་ཤུགས་གཅིག་ཏུ་བསྒྲིལ། ཞེས་འབྲི་མི་དགོས་སམ།
༄༅།། ལོང་ཤོག་བོད་མི་རྩམ་ཟན་ཚོ
ང་ཚོའི་སྟོབས་ཤུག་གཅུག་དུ་བསྒྲིལ