ཉག་རོང་གི་ངོ་རྒོལ།

 
ཕྱི་ཚེས་ ༨ ཉིན་ཁམས་ཉག་རོང་དུ་དགེ་འདུན་པ་བཞིས་ངོ་རྒོལ་སྐད་འབོད་བྱས་པར་བརྟེན་དགེ་འདུན་པ་གཅིག་འཇུས་འདུག
 
ཕྱི་ཚེས་ ༡༢ ཉིན་དཔལ་ཆེན་ལྷུན་གྲུབ་ལགས་ཀྱིས་འདི་གར་གནས་ཚུལ་མཁོ་སྤྲོད་བྱས་དོན། སྤྱིར་བོད་ས་ཁུལ་ཡོངས་རྫོགས་ལ་ ༢༠༠༨ ལོ་ཞི་བའི་ངོ་རྒོལ་སྐད་འབོད་བྱེད་པ་ལྟར་ཁམས་ཉག་རོང་ས་ཁུལ་མང་པོ་ལ་སྐད་འབོད་བྱེད་པ་དང་སྦྱར་ཡིག་སོགས་ས་གནས་མང་པོ་ལ་གནས་ཚུལ་ཡོད་པ་དེ་ཚོ་དུས་ཐོགས་ལ་གསལ་སྦྲག་བྱེད་ཐུབ་མེད་ནའང་རིམ་པས་འབྲེལ་ཡོད་ཁག་ནས་གསལ་བྱེད་དང་གསར་བསྒྲགས་བྱེད་ཐུབ་སོང་། ད་སྐབས་འབྲེལ་ཡོད་ཁག་ནས་འདི་གར་ཁུངས་ལྡན་གནས་ཚུལ་འཁོ་སྤྲོད་བྱས་པ་ལྟར་ན། ཟླ་འདིའི་ཚེས་༨ ཉིན་ཁམས་ཉག་རོང་གུ་རུ་དགོན་པའི་གྲྭ་རང་ལོ་ ༢༢ ལོན་པ་ཨ་པོ་བཀྲ་ཤིས་དང་། རང་ལོ་ ༡༩ ལོན་པའི་གྲྭ་ཚེ་རིང་རྒྱལ་མཚན།  རང་ལོ་ ༢༢ ལོན་པའི་གྲྭ་ཚེ་རིང་དབང་ཕྱུག་གསུམ་དང་། གཞན་ཡང་ལོ་ང་སྡེ་ཤང་ནས་ཡིན་པ་བྱམས་འབྱོར་དགོན་པའི་གྲྭ་རིག་འཛིན་རྡོ་རྗེ་བཅས་དགེ་འདུན་པ་བཞིས་གོང་ཚེས་ཉིན་ཉག་རོང་རྫོང་ཐོག་ཏུ་འཕྲུལ་རྟ་ཞོན་ནས་བོད་ཀྱི་རྒྱལ་དར་འཕྱར་ཏེ་རྒྱལ་བ་རིན་པོ་སྐུ་ཚེ་ཁྲི་ལོ་བརྟན་པར་ཤོག ཅེས་དང་། བོད་རང་བཙན་ཡིན། རྒྱལ་བ་རིན་པོ་མྱུར་དུ་བོད་ལ་གདན་འདྲེན་ཞུ་དགོས། དེ་བཞིན་བོད་དུ་གཏེར་ཁ་སྔོག་འདོན་མཚམས་འཇོག་བྱེད་དགོས་པ་སོགས་འབོད་ཚིག་བསྒྲགས་ཏེ་ཞི་བའི་ངོ་རྒོལ་གྱི་ལས་འགུལ་སྤེལ་ཡོད་ན་ཡང་། ཅུང་མ་འགོར་བར་ཉེན་རྟོག་པས་འཛིན་གྲབས་བྱས་པའི་ཚེ་དེར་ཡོད་ཀྱི་མི་མང་ལྔ་བརྒྱ་ཙམ་གྱིས་སྐད་འབོད་དང་ངོ་རྒོལ་བྱས་པར་བརྟེན་གྲྭ་གཞན་པ་གསུམ་འཛིན་བཟུང་བྱེད་ཤོར་མེད་ན་ཡང་། གྲྭ་ཨ་པོ་བཀྲ་ཤིས་པར་ལེན་མཁན་ཡིན་འདུག་པ་དང་། འཕྲུལ་རྟ་ལ་སྐྱོན་ཤོར་ནས་གྲྭ་ཨ་པོ་བཀྲ་ཤིས་ལགས་རྒྱ་གཞུང་གི་ཉེན་རྟོག་པས་འཛིན་བཟུང་བྱས་ཡོད་འདུག  ད་སྐབས་གྲྭ་ཨ་པོ་བཀྲ་ཤིས་ས་གནས་གང་དུ་ཡོད་མེད་གསལ་བོ་ཤེས་ཀྱི་མེད་པ་རེད།།

བསྐྱར་བཅོས།: ༢༠༡༤/༠༣/༢༦

Leave a Reply

18 thoughts on “ཉག་རོང་གི་ངོ་རྒོལ།

  1. རྨོག་རུ་བསྟན་པ།

    རིགས་དང་རུས་ལ་གཙོ་ཕལ་ཞིག་བཅོམ་ལྡན་འདས་ཀྱི་འདུལ་བའི་གཞུང་ནའང་ཚད་བཀག་མཛད་ཡོད། དེ་ཙམ་མ་ཟད་མི་ཞིག་ཡིནཔའི་འདུ་ཤེས་ཀྱིས་ལ་རྒྱ་ཞེས་པ་ཞིག་ངོ་ཤེས་དགོས་པ་དེ་ཡང་ཡང་དག་པའི་སྨྲར་ཤེས་དོན་གོ་བ་ཞིག་ལ་ཚང་དགོས་པའི་གྲུབ་ཆ་གལ་ཆེན་ཞིག་རེད།
    མདོར་ན་བོད་མི་རིགས་ཡིན་པའི་ཟུངས་ཁྲག་གི་གྲུབ་ཆ་འདི་བཙན་པོ་ཚང་གི་ཨ་མྱེས་བཀའ་དྲིན་ཅན་ཚོས་མི་རབས་ཕྱི་མར་གནང་བའི་ལེགས་སྐྱེས་ཤིག་རེད། འདི་ནི་རྒྱ་གུང་ཁྲན་གྱི་ཤོག་དངུལ་ཁ་ཤས་ཀྱིས་བརྗེ་བསྒྱུར་བྱེད་མི་ཐུབ་ལ། གལ་སྲིད་ཐུབ་མཁན་ཞིག་ཡོད་ན་དེ་ཨ་མའི་བུ་ཞིག་མིན་པར་རྣམ་དཔྱོད་ཅན་ཡོངས་ཀྱིས་ངོས་འཛིན་བྱས་ན་འགྲིག
    དེང་སང་ཡ་མཚར་བ་ཞིག་ནི་རང་གི་ཁང་མིག་ནང་གི་དུག་སྦྲང་དང་རྒྱ་ཤུག་གི་སོ་བརྒྱབ་པར་བཟོད་བསྒོམ་མི་ཐུབ་པའི་མི་བུ་མང་པོ་ཞིག་གིས་འཛམ་བུ་གླིང་དང་། འགྲོ་དྲུག་སེམས་ཅན་ཐམས་ཅད་ཀྱི་སྐད་ཆ་སྦོམ་པོ་བཤད་ཀྱིན་འདུག
    ངས་རྟག་པར་གུང་ཐང་རིན་པོ་ཆེ་བཀའ་སློབ་ཞིག་དྲན་གྱིན་ཡོད། གཞན་འདི་ཕྱིའི་སྐྱབས་འཇུག་ཁས་ལེན་དེ།། རང་གར་འགྲོ་གཏོད་མེད་ཡི་རེ་མུག་ཞེས་པ་དེ་ཡིན།
    ངོ་མ་བཤད་ན་འུ་ཚང་གིས་མིན་ན་ཡིན་མདོག་མདོག་དང་། མེད་ཀྱང་ཡོད་མདོག་གིས་ཚུལ་འཆོས་ཀྱི་ཕྱི་པགས་དེ་གཡུག་ཐུབ་ན་རེད།
    རྩོམ་པ་པོ་རྔ་བ་ཤེས་རབ་ལགས་ཀྱི་རྩོམ་ཚིག་ཅིག་ངས་སྣང་བར་འགྲོ་བཞིན་ཡོད། ཁོང་གིས། གཞན་ལ་ཡོད་ཚུལ་དང་བཟང་ཚད་རྐྱང་རྐྱང་གླེང་ནས། རང་ལ་གང་ཡང་མེད་པ་ནི་ཅི་འདྲའི་སྐྱོའང་ལྟ་བུ་ཞིག་བྲིས་ཡོད།《ཚིག་ཟིན་ཇི་བཞིན་མ་ཐུབ།》
    ༸གོང་ས་མཆོག་གིས་ཀྱང་བོད་དོན་ནི་སངས་རྒྱས་ཀྱི་བསྟན་པ་དང་འབྲེལ་བའི་གནས་ཚུལ་ཞིག་ཡིན་པ་དང་། དུས་ཚོད་གཉན་འཕྲང་གི་སྐབས་འདིར་བོད་དོན་ཆེད་གོམ་པ་གཅིག་བརྒྱབ་པ་དེ་ཁ་བཏོན་དགེ་སྦྱོར་སྟོང་ཕྲག་ལས་ལྷག་ཡིན་པར་གསུངས་ཡོད།
    དེང་སང་ཁ་ཤས་ཀྱིས་༸གོང་ས་མཆོག་མཐོང་སྐབས་ལག་པས་ཐལ་མོ་སྦྱོར། གུས་གུས་ཞུམ་ཞུམ་བྱེད། ཁོང་ཉིད་མདུན་ན་མེད་པའི་སྐབས་ཁོང་གི་བཀའ་སློབ་དང་དགོངས་ཚང་མ་རྣ་བའི་རྒྱབ་ཏུ་གཡུག་བཞིན་ཡོད། འདི་གྲས་དེ་ལྷག་པར་ཆོས་པར་རློམ་མཁན་ཚོས་ནང་ན་མང་། རྒྱལ་བ་རིན་པོ་ཆེ་གསུང་ཆོས་གལ་ཆེན་རེད་ཟེར་མཁན་ཚོས་ནང་ན་མང་།
    སངས་རྒྱས་བསྟན་པ་ལ་ཤ་ཚ་ཡོད་ཟེར་མཁན་ཚོས་ནང་ན་མང་།
    ལེ་དབར་སྟོང་ཕྲག་མང་པོའི་མཚམས་སུ་སྐྱབས་བཅོལ་བའི་མིང་བྱང་འཁུར་མཁན་ཚོའི་ནང་ན་མང་།

  2. རྨོག་རུ་བསྟན་པ།

    རིགས་དང་རུས་ལ་གཙོ་ཕལ་ཞིག་བཅོམ་ལྡན་འདས་ཀྱི་འདུལ་བའི་གཞུང་ནའང་ཚད་བཀག་མཛད་ཡོད། དེ་ཙམ་མ་ཟད་མི་ཞིག་ཡིནཔའི་འདུ་ཤེས་ཀྱིས་ལ་རྒྱ་ཞེས་པ་ཞིག་ངོ་ཤེས་དགོས་པ་དེ་ཡང་ཡང་དག་པའི་སྨྲར་ཤེས་དོན་གོ་བ་ཞིག་ལ་ཚང་དགོས་པའི་གྲུབ་ཆ་གལ་ཆེན་ཞིག་རེད།
    མདོར་ན་བོད་མི་རིགས་ཡིན་པའི་ཟུངས་ཁྲག་གི་གྲུབ་ཆ་འདི་བཙན་པོ་ཚང་གི་ཨ་མྱེས་བཀའ་དྲིན་ཅན་ཚོས་མི་རབས་ཕྱི་མར་གནང་བའི་ལེགས་སྐྱེས་ཤིག་རེད། འདི་ནི་རྒྱ་གུང་ཁྲན་གྱི་ཤོག་དངུལ་ཁ་ཤས་ཀྱིས་བརྗེ་བསྒྱུར་བྱེད་མི་ཐུབ་ལ། གལ་སྲིད་ཐུབ་མཁན་ཞིག་ཡོད་ན་དེ་ཨ་མའི་བུ་ཞིག་མིན་པར་རྣམ་དཔྱོད་ཅན་ཡོངས་ཀྱིས་ངོས་འཛིན་བྱས་ན་འགྲིག
    དེང་སང་ཡ་མཚར་བ་ཞིག་ནི་རང་གི་ཁང་མིག་ནང་གི་དུག་སྦྲང་དང་རྒྱ་ཤུག་གི་སོ་བརྒྱབ་པར་བཟོད་བསྒོམ་མི་ཐུབ་པའི་མི་བུ་མང་པོ་ཞིག་གིས་འཛམ་བུ་གླིང་དང་། འགྲོ་དྲུག་སེམས་ཅན་ཐམས་ཅད་ཀྱི་སྐད་ཆ་སྦོམ་པོ་བཤད་ཀྱིན་འདུག
    ངས་རྟག་པར་གུང་ཐང་རིན་པོ་ཆེ་བཀའ་སློབ་ཞིག་དྲན་གྱིན་ཡོད། གཞན་འདི་ཕྱིའི་སྐྱབས་འཇུག་ཁས་ལེན་དེ།། རང་གར་འགྲོ་གཏོད་མེད་ཡི་རེ་མུག་ཞེས་པ་དེ་ཡིན།
    ངོ་མ་བཤད་ན་འུ་ཚང་གིས་མིན་ན་ཡིན་མདོག་མདོག་དང་། མེད་ཀྱང་ཡོད་མདོག་གིས་ཚུལ་འཆོས་ཀྱི་ཕྱི་པགས་དེ་གཡུག་ཐུབ་ན་རེད།
    རྩོམ་པ་པོ་རྔ་བ་ཤེས་རབ་ལགས་ཀྱི་རྩོམ་ཚིག་ཅིག་ངས་སྣང་བར་འགྲོ་བཞིན་ཡོད། ཁོང་གིས། གཞན་ལ་ཡོད་ཚུལ་དང་བཟང་ཚད་རྐྱང་རྐྱང་གླེང་ནས། རང་ལ་གང་ཡང་མེད་པ་ནི་ཅི་འདྲའི་སྐྱོའང་ལྟ་བུ་ཞིག་བྲིས་ཡོད།《ཚིག་ཟིན་ཇི་བཞིན་མ་ཐུབ།》
    ༸གོང་ས་མཆོག་གིས་ཀྱང་བོད་དོན་ནི་སངས་རྒྱས་ཀྱི་བསྟན་པ་དང་འབྲེལ་བའི་གནས་ཚུལ་ཞིག་ཡིན་པ་དང་། དུས་ཚོད་གཉན་འཕྲང་གི་སྐབས་འདིར་བོད་དོན་ཆེད་གོམ་པ་གཅིག་བརྒྱབ་པ་དེ་ཁ་བཏོན་དགེ་སྦྱོར་སྟོང་ཕྲག་ལས་ལྷག་ཡིན་པར་གསུངས་ཡོད།
    དེང་སང་ཁ་ཤས་ཀྱིས་༸གོང་ས་མཆོག་མཐོང་སྐབས་ལག་པས་ཐལ་མོ་སྦྱོར། གུས་གུས་ཞུམ་ཞུམ་བྱེད། ཁོང་ཉིད་མདུན་ན་མེད་པའི་སྐབས་ཁོང་གི་བཀའ་སློབ་དང་དགོངས་ཚང་མ་རྣ་བའི་རྒྱབ་ཏུ་གཡུག་བཞིན་ཡོད། འདི་གྲས་དེ་ལྷག་པར་ཆོས་པར་རློམ་མཁན་ཚོས་ནང་ན་མང་། རྒྱལ་བ་རིན་པོ་ཆེ་གསུང་ཆོས་གལ་ཆེན་རེད་ཟེར་མཁན་ཚོས་ནང་ན་མང་།
    སངས་རྒྱས་བསྟན་པ་ལ་ཤ་ཚ་ཡོད་ཟེར་མཁན་ཚོས་ནང་ན་མང་།
    ལེ་དབར་སྟོང་ཕྲག་མང་པོའི་མཚམས་སུ་སྐྱབས་བཅོལ་བའི་མིང་བྱང་འཁུར་མཁན་ཚོའི་ནང་ན་མང་།