ཨ་སྒོར་དུང་ཕྱུར་ཆིག་ཁྲིའི་གཏེར་མཛོད།

ཨ་རིའི་ས་གཤིས་བརྟག་དཔྱད་པ་དང་ཕིན་ཊ་གྷོན་གྱི་ཉམས་ཞིབ་པས་ཨབ་གྷན་དུ་མ་གནས་ཨ་སྒོར་དུང་ཕྱུར་ཁྲི༡ ལྷག་གི་གཏེར་མཛོད་འགའ་གསར་རྙེད་བྱུང་ཡོད་འདུག

ཁ་སང་ཕྱི་ཚེས་ ༡༤ ཉིན་ནེའུ་ཡོག་དུས་བབ་ཐོག་གནས་ཚུལ་སྤེལ་བ་ལྟར་ན། ཉེ་ཆར་ཨ་རིའི་ས་གཤིས་བརྟག་དཔྱད་པ་དང་ཕིན་ཊ་གྷོན་གྱི་ཉམས་ཞིབ་པས་ཨབ་གྷན་དུ་མ་གནས་ཨ་སྒོར་དུང་ཕྱུར་ཁྲི་གཅིག་ལྷག་གི་གཏེར་མཛོད་འགའ་གསར་རྙེད་བྱུང་ཡོད་འདུག་ལ། དེ་ནི་ཕྱི་ལོ་ ༢༠༠༦ ནས་བཟུང་ཨ་རིའི་ས་གཤིས་བརྟག་དཔྱད་ཁང་གི་ཚན་རིག་པས་དེ་སྔོན་གྱི་སོ་ཝེ་ཊི་མཉམ་འབྲེལ་ Soviet Union རྒྱལ་ཁབ་ཀྱི་གྲངས་ཐོར་ཞིབ་བཤེར་དང་པར་རིས་བཅས་རྨང་གཞིར་བྱས་ཐོག གནམ་ས་གཉིས་ནས་འཕྲུལ་རིགས་བེད་སྤྱོད་ཀྱིས་བརྟག་ཞིབ་བྱས་འབྲས་སུ་གསར་རྙེད་བྱུང་བ་ཞིག་རེད། འདིའི་ཐད་ཨབ་གྷན་གཏེར་ཁུངས་ཚན་པའི་མགྲིན་ཚབ་པ་སྐུ་ཞབས་ Omar མཆོག་གིས་བརྗོད་དོན། མ་གནས་ཨ་སྒོར་དུང་ཕྱུར་ཆིག་ཁྲི་ལྷག་གི་གཏེར་མཛོད་གསར་རྙེད་བྱུང་བ་དེས་འབྱུང་འགྱུར་ཨབ་གྷན་གྱི་ཡུལ་དེའི་འཚོ་བའི་དཀའ་ངལ་སེལ་ཐུབ་ཀྱི་ཡོད། གཏེར་མཛོད་ཐོན་སྐྱེད་བྱས་ཚེ་རྒྱལ་ཁབ་ཀྱི་ཡར་རྒྱས་ལ་སྔར་ལས་ལྷག་པའི་ཤུགས་རྐྱེན་ཐེབས་ཀྱི་རེད་ལ། དེང་ཕྱིན་ཨབ་གྷན་གྱིས་ཕྱི་ཕྱོགས་ཀྱི་རོགས་དངུལ་ལེན་མི་དགོས་པར་རང་ཁ་རང་གསོ་ཐུབ་ཀྱི་རེད་ཅེས་བརྗོད་ཡོད།

 

རིའི་ཕོན་ཊ་གྷོན་གྱི་ནང་ཁུལ་ལས་རིམ་དེའི་ནང་བཀོད་དོན། རྗེས་ཕྱོཊ་ཨབ་གྷན་གྱི་ཡུལ་དེ་འཛམ་གླིང་ཐོག་གལ་གནད་ཆེ་བའི་གཏེར་ལས་འཛུགས་བསྐྲུན་ལྟེ་གནས་ཞིག་ཆགས་རྒྱུ་ཡིན་ཚུལ་དང་། དེ་བཞིན་མ་རྩ་འཇོག་མཁན་གྱི་བདེ་འཇགས་ལ་འགན་ལེན་དང་ཞི་བདེའི་ཁོར་ཡུག་ངེས་པར་དུ་བསྐྲུན་དགོས། གལ་སྲིད་ཨབ་གྷན་གྱི་འཐབ་ཇུས་གློ་བུར་དུ་མཐོ་རུ་ཕྱིན་པ་ཡིན་ན། ས་ཁོངས་ཆེ་བའི་རྒྱ་གར་དང་རྒྱ་ནག དེ་བཞིན་ཨ་རི་བཅས་ཀྱིས་ཨབ་གྷན་ལ་འཛིན་པའི་འཐབ་རྩོད་ཀྱི་ཤུགས་རྐྱེན་དེར་ཡང་འགྱུར་བ་འགྲོ་སྲིད་པ་ཞིག་རེད་ཅེས་དང་། སོ་ངྷི་ཨ་རབ་ལ་སྣུམ་གྱི་ཐོན་ཁུངས་ཡོད་པ་བཞིན་ཨབ་གྷན་ལའང་ཁ་པར་དང་གློག་ཀླད་ཀྱི་གློག་བཞུའི་རྒྱུ་ཆ་ལི་ཐམ་ Lithium དང་གསེར། ཟངས། ལྕགསབཅས་གསར་རྙེད་བྱུང་ཡོད་ཅེས་འཁོད་ཡོད།

 

དབྱེ་ཞིབ་པས་བརྗོད་ན། ཨབ་གྷན་དུ་གཏེར་ཁ་ཕོན་ཆེན་གསར་རྙེད་བྱུང་བའི་གནས་ཚུལ་ཡོངས་བསྒྲགས་བྱས་པ་དེ་ནི་ཆབ་སྲིད་ཀྱི་རྐྱེན་གྱིས་ཡིན་ཚུལ་བརྗོད་ཡོད། མ་གནས་ཨ་སྒོར་དུང་ཕྱུར་ཁྲི་གཅིག་ལྷག་གི་གཏེར་ཁ་དེ་ཨབ་གྷན་གྱི་ལོ་རེའི་ཡོང་འབབ་ཨ་སྒོར་དུང་ཕྱུར་ ༡༢༠ ཙམ་ཡིན། དབུལ་ཕོངས་དང་དམག་འཁྲུག་རྒྱུན་ཆད་མེད་པའི་རྒྱལ་ཁབ་འདིའི་དཔལ་འབྱོར་གྱི་རྟེན་གཞི་གཙོ་བོ་ཉལ་ཐ་ཐོན་སྐྱེད་དང་དུག་རྫས་དབོར་འདྲེན། ཕྱི་ཕྱོགས་རོགས་སྐྱོར་བཅས་ཡིན་པ་རེདཨབ་གྷན་གཏེར་ལས་ཚན་པའི་སློབ་སྟོན་པས་བརྗོད་ན། གསར་དུ་རྙེད་པའི་གཏེར་མཛོད་དེ་ནི་འབྱུང་འགྱུར་ཨབ་གྷན་གྱི་དཔལ་འབྱོར་གྱི་སྲོག་ཤིང་ལྟ་བུར་ཆགས་རྒྱུ་ཡིན་ཚུལ་བརྗོད་ཡོད། གཏེར་མཛོད་དེ་ནི་གཙོ་བོ་ཨབ་གྷན་གྱི་ཤར་ཕྱོགས་དང་ལྷོ་ཕྱོགས། དེ་བཞིན་པ་ཀི་སི་ཐན་གྱི་ས་མཚམས་བཅས་སུ་ཡོད་ལ། དེ་ནི་ཨ་རིའི་དམག་མི་དང་ཊ་ལི་བྷན་བར་དམག་འཁྲུག་རྒྱག་སའི་ས་ཁུལ་ལྟེ་བ་ཞིག་ཆགས་ཡོད།

གསར་འགོད་པ། དཔལ་ལྡན་རྒྱ་མཚོ།

བསྐྱར་བཅོས།: ༢༠༡༧/༠༢/༡༦

Leave a Reply

3 thoughts on “ཨ་སྒོར་དུང་ཕྱུར་ཆིག་ཁྲིའི་གཏེར་མཛོད།

  1. གྲོགས་པོ་མི་འགྱུར་ལགས་ང་ཡང་རྒྱན་འཇོག་རྒྱུར་དགའ་པོ་ཡོད། ང་རང་དགའ་ཤོས་རུ་ཁག་དེ་ རྗར་མན་ ཡིན། ཟླ་༦་ ཚེ་༡༨་བཟའ་པ་སངས་ཉིན་Germany-Serbien གཉིས་རེད། ང་རང་གིས་ཡང་རྗར་མན་ཕྱོགས་ལ་ ཧིན་སྒོར་ ༡༠༠༠༠༠ འཇོག་འདོད་ཡོད།

  2. ལྷོ་ཕྱོགས་རྒྱ་མཚོ།

    ང་རང་རྐང་རྩེད་ལྤོ་ལོར་དགའ་བོ་ཡོད་པ་མ་ཟད། རུ་ཁག་འདེམས་ཏེ་རྒྱན་འཇོག་རྒྱུར་དེ་བས་དགའ་བོ་ཡོད། གང་ཡིན་ཟེར་ན། དང་པོ་རྩེད་མོ་དེར་དོ་སྣང་ཡོད་པའི་ཁར། རྒྱན་ཅུང་ཟད་བཞག་ན་སོ་སོའི་རུ་ཁག་ལ་ཞེན་ཤུགས་ཆེ་དང༌། དོ་སྣང་ཆེ་བ་ཡོང་གི་འདུག དེར་རྟེན་རྐང་རྩེད་ལྤོ་ལོ་མ་རྩེད་སྔོན་སོ་སོས་གང་འདོད་པའི་རུ་ཁག་ཞིག་འདེམས་ཏེ། ང་དང་མཉམ་དུ་རྒྱན་འཇོག་འདོད་ཡོད་ན། ཧིན་སྒོར་ ༡༠༠༠༠༠ ནས་ ༡༥༠༠༠༠ བར་འཇོག་གི་ཡིན།