ཨ་ལན་ཟླ་བ་སྒྲོལ་མ།

ཉིན་ཤས་རིང་ཚང་མས་སྲས་མོ་རིག་འཛིན་དབང་མོ་གླེང་བ་རེད། ད་ནི་ང་ཚོས་རེ་ཞིག་ཨ་ལན་ཟླ་བ་སྒྲོལ་མའི་སྐོར་གླེང་།

དེ་རིང་ཉི་ཧོང་གི་གསར་ལམ་ཁག་ཏུ་བོད་རིགས་བུ་མོ་ཞིག་གི་གླུ་སྐད་ཀྱིས་ཉི་ཧོང་ནང་གི་ལྷིང་འཇགས་དཀྲོགས་ཀྱིན་པའི་སྐོར་བསྒྲགས་ཀྱིན་འདུག གསར་འགྱུར་དེའི་ནང་དེ་རིང་སྟེ་ཕྱི་ཚེས་ ༢༣ ཉིན་བོད་རིགས་གཞས་མ་གྲགས་ཅན་ཨ་ལན་ཟླ་བ་སྒྲོལ་མ་ལགས་ཀྱིས་ཤི་བྷི་ཡ་ཀ་མ་རུ་ཨོར་ཆ་ཊི་ཞེས་པའི་ཉི་ཧོང་གི་ཚོགས་ཁང་གྲགས་ཅན་ཞིག་ནང་། ཨ་ལན་ཟླ་བ་སྒྲོལ་མས་མང་ཚོགས་ལ་གཞི་རྒྱ་ཆེ་བའི་གླུ་གཞས་ཀྱི་འཁྲབ་སྟོན་ཞིག་བྱ་རྒྱུ་ཡིན་སྐོར་བསྒྲགས་འདུག

འཁྲབ་སྟོན་འདི་ནི་ཨ་ལན་ཟླ་བ་སྒྲོལ་མས་ད་བར་འཁྲབ་སྟོན་བྱས་པའི་ཁྲོད་ནས་ཁྱབ་ཆེ་ཤོས་དང་མི་མང་འདུ་འཛོམས་མང་ཤོས་དེ་ཆགས་རྒྱུ་རེད་ཟེར།

ད་ལྟ་རང་ལོ་ ༢༢ ལ་སོན་པའི་ཨ་ལན་ཟླ་བ་སྒྲོལ་མ་ནི་སྐྱེས་ཡུལ་ཁམས་དཀར་མཛེས་ནས་ཡིན་པ་དང་། ཆུང་དུས་ནས་རྒྱ་ནག་པེ་ཅིན་སྒྱུ་རྩལ་སློབ་གྲྭ་ཞིག་ཏུ་རྒྱུད་གཉིས་རོལ་ཆའི་སྐོར་ལ་སློབ་སྦྱོང་བྱས་འདུག

༢༠༠༦ ལོར་ཉི་ཧོང་གི་ཨེ་ལྦེག་སི་ཞེས་པའི་འཁྲབ་སྟོན་སྡེ་ཁག་ནས་རྒྱ་ནག་རྒྱལ་ཡོངས་སུ་འཁྲབ་སྟོན་དང་གླུ་གཞས་ཀྱི་འགྲན་བསྡུར་ཞིག་གོ་སྒྲིག་བྱས་སྐབས། ཨ་ལན་ཟླ་བ་སྒྲོལ་མ་ལགས་སུ་གཞས་མ་རྩེ་ཕུད་ཀྱི་བྱ་དགའ་ཐོབ་སྟེ། ལོ་དེར་ཁོ་མོ་ཉི་ཧོང་དུ་གནས་སྤོར་བྱས་ཡོད་འདུག་ལ། ལོ་དེ་ནས་བཟུང་ཉི་ཧོང་གི་ཨེ་ཝེག་སི་སྡེ་ཁག་གི་གོ་སྒྲིག་འོག གཞས་མ་ཟླ་བ་སྒྲོལ་མ་ལགས་ཀྱིས་ཉི་ཧོང་ནང་ཉི་ཧོང་དང་རྒྱ་སྐད་ཐོག་དེང་དུས་དང་སྲོལ་རྒྱུན་གྱི་གཞས་སྣ་འཁྲབ་སྟོན་ཐེངས་མང་བྱས་ཏེ། ཉི་ཧོང་གི་གཞོན་སྐྱེས་ཚོའི་ཁྲོད་ནས་ཁོ་མོར་དགའ་མོས་དང་མཚན་མཐོང་ཆེན་པོ་ཐོབ་ཀྱིན་ཡོད་འདུག

༢༠༠༩ ལོར་སྙན་གྲགས་ཅན་གྱི་གློག་བརྙན་འཁྲབ་འཁྲིད་པ་ཇོན་ལྦུའུ་འབོད་པས་བཟོ་བཀོད་གནང་པའི་གློག་བརྙན་ནང་ཟླ་བ་སྒྲོལ་མ་ལགས་ཀྱིས་གློག་བརྙན་དེའི་དོན་བརྗོད་གླུ་གཞས་བཏང་བར་བརྟེན། ཁོ་མོའི་མཚན་སྙན་སྔར་བས་ཀྱང་ཇེ་མཐོར་སོང་ཡོད།

འདི་ལོའི་ཕྱི་ཟླ་ ༡ ནང་ཁོ་མོས་ཉི་ཧོང་ནང་རོལ་གཞས་དང་རོལ་དབྱངས་ཚོགས་པ་གཞན་དང་མཉམ་འབྲེལ་མ་ཡིན་པར་ཁྱེར་རྐྱང་གི་ཐོག་ནས་འཁྲབ་སྟོན་བྱ་རྒྱུར་མགོ་འཛུགས་བྱས་འདུག་ལ། ཐེངས་འདིའི་གླུ་གཞས་ཀྱི་འཁྲབ་སྟོན་འདི་ནི་ཁོ་མོས་ད་བར་འཁྲབ་སྟོན་བྱས་པའི་ཁྲོད་ཀྱི་གཞི་རྒྱ་ཆེ་ཤོས་དང་། མང་ཚོགས་ཀྱི་འདུ་འཛོམས་ཆེ་ཤོས་དེ་ཆགས་རྒྱུ་ཡིན་འདུག་ལ། འདི་ནས་བཟུང་ཨ་ལན་ཟླ་བ་སྒྲོལ་མའི་མཚན་སྙན་ཡང་གླིང་ལ་ཁྱབ་རྒྱུ་ཡིན་སྐོར་ཡང་བརྒྱུད་ལམ་ཁག་ཏུ་གླེང་བཞིན་འདུག

གསར་འགོད་པ། དཔལ་ལྡན།

བསྐྱར་བཅོས།: ༢༠༡༧/༠༢/༡༦

Leave a Reply

46 thoughts on “ཨ་ལན་ཟླ་བ་སྒྲོལ་མ།

  1. སྣ་བོ་་་་བསོད་ནམས་རྒྱལ་མཚན།།

    བུ་མོ་ཨ་ལན་གྱི་ཕ་ཡུལ་སྐོར་རྩོད་གླེང་བྱེད་དགོས་དོན་མི་འདུག མོའི་སྐྱེས་ས་ནི་ཁམས་དར་མདོ་ཡིན་པ་དང་ མངའ་སྡེ་ནི་དཀར་མཛེས་ཁུངས་སུ་གཏོགས་སོ

  2. སྣ་བོ་་་་བསོད་ནམས་རྒྱལ་མཚན།།

    ཚ་སྒང་ཕོ་ཉ་ལགས་ཁྱེད་རང་ཐོས་རྒྱ་ཧ་ཅང་ཆུང་བ་འདྲ་ཨ་ལན་གྱིས་བོད་གཞས་གཏང་ཡོད་རེད་ ཁམ་བུ་ཁ་ལ་ཞིམ་བྱུང་། །མེ་ཏོག་མིག་ལ་ཛེས་བྱུང་། །ཞེས་པ་འདི་སྐྱར་གཏང་བྱེད་ཡོད་རེད་ལོ