འོས་སྒམ་གཞུང་བཞེས།

ད་ལྟ་རིང་འབྱོར་བའི་གནས་ཚུལ་ལྟར་ན། བལ་ཡུལ་མཆོད་རྟེན་བྱ་རུང་ཁ་ཤོར་གྱི་ཉེ་འཁོར་མཆོད་འཇོར་ས་གནས་ཀྱི་འོས་སྒོམ་བལ་ཡུལ་དམག་མིས་གཞུང་བཞེས་བཏང་སོང་ཟེར།

དེ་རིང་རྒྱ་བལ་འབྲུག་གསུམ་གཙོས་པའི་ཕྱི་རྒྱལ་ཡུལ་གྲུ་ཁག་ཡོངས་ནས་ཉིན་བརྒྱ་དུས་གཅིག་ལ། བཀའ་ཤག་སྐབས་བཅུ་བཞི་བ་དང་བོད་མི་མང་སྤྱི་འཐུས་སྐབས་བཅོ་ལྔ་བའི་འོས་འདེམས་ཆེན་མོ་མགོ་འཛུགས་བྱས་ཡོད་པ་ལྟར། དེ་རིང་སྔ་དྲོའི་ཆུ་ཚོད་ ༩ ཙམ་ནས་བལ་ཡུལ་རྒྱལ་ས་ཁུལ་གྱི་བོད་མི་རྣམས་ཟང་ཟིང་ལང་ལོང་གིས་འོས་བསྡུའི་ལས་རིམ་བསྒྲུབས་ཡོད་ཀྱང་། ཉིན་རྒྱབ་ཆུ་ཚོད་ ༤ དང་ཕྱེད་ཙམ་ལ་བལ་ཡུལ་གྱི་དམག་མི་དང་ཉེན་རྟོག་པ་མང་པོ་ཞིག་གློ་བུར་དུ་སླེབས་ཏེ། འཕགས་པ་ཤིང་ཀུན་ས་གནས་ཀྱི་འོས་སྒམ་དང་བལ་ཡུལ་མཆོད་རྟེན་བྱ་རུང་ཁ་ཤོར་ས་གནས་གཉིས་ཀྱི་འོས་སྒམ་རྣམས་བཙན་འཁྱེར་བྱས་ཡོད་འདུག་ལ། གནས་ཚུལ་དེ་བྱུང་མ་ཐག་བལ་ཡུལ་བོད་མི་འདུས་སྡོད་ཀྱི་ས་གནས་གཞན་ཁག་ནས་ཀྱང་འོས་སྒམ་སྦེད་སྐུང་བྱ་དགོས་པའི་ཛ་དྲག་གི་གནས་ཚུལ་བྱུང་ཡོད་འདུག

 “>www.youtube.com/v/N4fI58wpV6o

དེའི་རྗེས་ཀྱི་ཞིབ་ཕྲའི་གནས་ཚུལ་ད་ལྟ་མཁོ་སྒྲུབ་བྱེད་བཞིན་པ་ཡིན།

གསར་འགོད་པ། དོན་འགྲུབ་བཀྲ་ཤིས།

 

བསྐྱར་བཅོས།: ༢༠༡༤/༠༣/༢༦

Leave a Reply

51 thoughts on “འོས་སྒམ་གཞུང་བཞེས།

  1. མངའ་རིས་བུ།

    དྲྭ་གྲོགས་ཚོ་དགོངས་པ་ལེགས་པོ་ཞིག་བཞེས་ན་མ་གཏོགས།
    དམངས་གཙོ་ཡིན་རང་དབང་གི་ལུང་པར་བསྡད་ཡོད་ཟེར་ནས་ཁོག་ནས་དྲན་ཚད་བཤད་ན་འགྲིག་གི་ཨེ་ཡོད་དམ།
    ད་རྒྱ་གར་ལྷོ་ཕྱོགས་དང་དྷ་ས་སོགས་སུ་རྒྱ་གར་བས་བོད་པར་བརྡུང་བཅོམ་བྱས་པ་དང་བལ་གཞུང་གིས་འོས་སྒམ་བཙན་འཕྲོག་བྱས་པའི་གནས་ཚུལ་བྱུང་མོད།
    དེ་དག་གི་སྲིད་གཞུང་ལ་དེ་འདྲའི་ཁ་ངན་རྒྱབ་རུང་ངམ།
    ཡང་ན་རང་ཉིད་སྨྲ་བརྗོད་དང་འགྲོ་སྡོད་ཀྱི་རང་དབང་ཡོད་ས་ཞིག་ལ་སླེབ་ཐུབ་ཀྱི་ཡོད་ན་བཤད་ན་འགྲིག་མོད།
    གལ་ཏེ་བལ་གཞུང་གིས་བལ་བོད་དབར་གྱི་གཉེན་འཕྲད་འགྲོ་རྒྱུར་རྒྱལ་མཚམས་རྨེང་ནས་སྒོ་རྒྱབ་ན་ག་འདྲ་ཡོང་ས་རེད།
    ཨ་རི་ཡི་དང་ནུབ་ཕྱོགས་རྒྱལ་ཁབ་ཚོས་དེ་འདྲ་གཉེན་འཕྲད་འགྲོ་རྒྱུར་ལག་ཁྱེར་ཐོང་ཆེན་གང་ཡང་མེད་པ་བོད་ལ་གཏོང་སྲིད་དམ།
    ཉིན་མོར་རྐུ་མ་བྱེད།
    རི་མགོ་ཐམས་ཅད་སོ་པ་ཡིན།
    མཚན་ལ་ཕག་ལབ་མ་བཤད།
    རྩིག་གསེང་ཐམས་ཅད་རྣ་བ་ཡིན།
    བོད་ཀྱི་གཏམ་དཔེ་དེ་ཚོར་ཤིན་ཏུ་བདེན་པ་ཡོད་པས་དགོངས་པ་ཡག་པོ་བཞེས་རོགས།

  2. དཔའ་རྩལ་སྟོང་འབར།

    ནམ་རྒྱུན་ནས་བྱ་བ་ཆེ་ཆུང་ཅི་འདྲ་ཞིག་བྱུང་རུང་རང་གཞུང་ནས་དེ་ལ་ལན་འདེབས་ནན་མོ་ཞིག་བྱ་མ་ཐུབ་སྟབས་ང་ཚོ་ལ་གོད་ཆག་འདི་འདྲ་བསྟུད་མར་ཡོང་གི་འདུག དེར་བརྟེན་ལོ་རྗེས་མར་གཞུང་འཛིན་པ་སུ་འདྲ་ཞིག་ཕེབས་ནའང་ཉམས་འཇོག་བྱེད་ས་ཞིག་རེད།

  3. ཏྲེའོ། སྐལ་བཟང་།

    གྲོགས་པོ་ཚོ་དཔེར་ན་རྒྱ་གཞུང་དང་རྒྱ་དམག་གི་རྐུབ་རལ་ནས་སྐྱག་པ་ཕྱི་ལོགས་ན་བཙིར་བ་བལ་གཞུང་དང་བལ་དམག་གིས་ལག་པས་བསྐྱོར་ཏེ་རང་ཉིད་ཀྱི་ཁ་ནང་ལྡུག་བཞིན་པའི་རྣམ་པ་རེད། གོར་ཁ་མགོ་ལེབ་འདི་ཚོ་རང་གི་རྒྱལ་བོ་འཁོར་དང་བཅས་པ་ཕྱི་མའི་ལམ་དུ་བརྫང་མཁན་གྱི་མི་འདི་ཚོ་འདི་འདྲ་ཞིག་ལོས་ཡིན།།

    ཐུབ་ན་འཐབ་ས་དང་མ་ཐུབ་ན་དམོད་ས་དགྲ་བོ་རྒྱ་དམར་གྱི་རྗེས་ནས་བལ་གཞུང་དང་བལ་དམག་འདི་དག་ཡིན། ལས་འབྲས་ཀྱི་བདེན་ཁ་འཁོར་ཤོག།
    ངན་འབྲས་ཀྱི་མྱོང་བ་སྦྱིན་ཤོག། དུས་ནམ་ཡང་བརྗེད་མི་སྲིད་བལ་བོའི་འདྲེ་གཞུང་།