དེ་རིང་འབྲུག་རྒྱལ་བོའི་གཉེན་སྟོན་རེད།

དེ་རིང་འབྲུག་རྒྱལ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་དང་བཙུན་མོ་རྗེ་བཙུན་པད་མ་རྣམ་གཉིས་ཀྱིས་གཉེན་སྒྲིག་གི་ཆོ་ག་གཞི་རྒྱ་ཆེན་པོ་ཞིག་བསྒྲུབས་ཡོད།

དེ་རིང་ཞོགས་པའི་ཉི་ཟེར་རི་བོ་ཧི་མ་ལ་ཡའི་ཕྲག་བར་དུ་བབས་པ་དང་མཉམ་དུ། འབྲུག་རྒྱལ་ཁབ་ཀྱི་མཛེས་ཤིང་ལྟ་ན་སྡུག་པའི་རི་གྲོང་ཡན་ལག་བརྒྱད་ལྡན་འབྲུག་ཆུ་ཕོ་མོ་གཉིས་འདྲེས་པའི་གཞི་མདོ་ཏཱེ་པུ་ན་ཁ་རྫོང་དུ། དགུང་གྲངས་ལོ་ ༣༡ ལ་སོན་པའི་འབྲུག་རྒྱལ་བོ་འཇིགས་མེད་གེ་སར་རྣམ་རྒྱལ་དབང་ཕྱུག་མཆོག་དང་། འབྲུག་ཡུལ་འཐིམ་ཕུག་ནས་དགུང་གྲངས་ ༢༡ ལ་སོན་པའི་བུ་མོ་རྗེ་བཙུན་པད་མ་རྣམ་གཉིས་ཀྱིས་འབྲུག་གི་སྲོལ་རྒྱུན་དང་། ནང་པ་སངས་རྒྱས་པའི་ཆོས་རྒྱུན་བཀའ་བརྒྱུད་ཆོས་ལུགས་ཀྱི་ཆོ་སྔོན་ཏུ་བཏང་སྟེ། འཇིག་རྟེན་མཐུན་འཇུགགཉེན་སྒྲིག་གི་བྱེད་སྒོ་གཞི་རྒྱ་ཆེན་པོ་ཞིག་སྤེལ་ཡོད།

མཛད་སྒོ་དབུ་འཛུགས་ཀྱི་ཐོག་མར་རྗེ་བཙུན་པད་མ་མཆོག་གིས་འབྲུག་རྒྱལ་བོའི་བཙུན་མོའི་དབུ་རྒྱན་བསྣམས་ཤིང་། འབྲུག་རྒྱལ་བོ་གེ་སར་རྣམ་རྒྱལ་མཆོག་གིས་འབྲུག་རྒྱལ་མེས་པོའི་རྒྱལ་ཐོབ་ཅོ་པན་གསོལ་ཏེ། རྒྱལ་ཁབ་ཕྱི་ནང་གི་སྐུ་མགྲོན་རྣམ་པ་དང་། འབྲུག་རྒྱལ་ཁབ་ཀྱི་ཆོས་སྲིད་གཉིས་ཀྱི་ཞི་དྲག་གི་བློན་ཆེན་རྣམ་པའི་དབུས་སུ་འཁྲུངས་ས་རྟེན་འབྲེལ་གྱི་མདུད་བ་མཐུད་སྦྱོར་གནང་རྗེས། སྐུ་མགྲོན་ཡོངས་ཀྱིས་ཤིས་བརྗོད་དང་བཅས་གཡུ་དང་བྱུ་རིའི་མཎྡལ་དང་། སྐུ་གསུང་ཐུགས་ཡོན་ཏན་འཕྲིན་ལས་ཀྱི་རྟེན་འགངས་ཆེན། བཀྲ་ཤིས་རྫས་བརྒྱད་དང་རྒྱལ་སྲིད་སྣ་བདུན། བཀྲ་ཤིས་རྟགས་བརྒྱད་སོགས་ཀྱི་ལེགས་སྐྱེས་སྣ་ཚོགས་འདེགས་འབུལ་ཞུས་ཡོད།



དེ་རིང་འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་ཆོ་ག་སྒྲུབ་ཡུལ་ཏཱེ་པུ་ན་ཁ་རྫོང་འདི་ནི་ཆེད་དུ་རྟེན་འབྲེལ་མ་བསྒྲིགས་རང་འགྲིག་གི་གནས་ཡུལ་ཁྱད་པར་ཅན་དུ་བདམས་ཤིང་། ས་གནས་དེར་ཉིན་འགའི་གོང་ནས་གཞུང་འབྲེལ་གྱིས་གུར་ཆེ་ཆུང་མང་པོ་ཕུབ་སྟེ། རྒྱལ་ཁབ་འདྲ་མིན་ནས་ཕེབས་པའི་སྐུ་མགྲོན་དང་འབྲུག་གི་ས་གནས་འདྲ་མིན་ནས་ཕེབས་པའི་ལྟད་མོ་བ་རྣམས་ལ་བཞུགས་གནས་གོ་སྒྲིག་ཞུས་ཡོད་ཅིང་། དེ་རིང་གཉེན་སྒྲིག་གི་བྱེད་སྒོ་དངོས་གཞི་གྲུབ་མ་ཐག་གཞས་སྣ་འཁྲབ་སྟོན་དབུ་འཛུགས་གནང་ཞིང་། འབྲུག་གི་ཡུལ་མི་ཚང་མས་ཀྱང་འཆོར་སྒེག་གི་རྒྱན་ཆས་སྤྲས་ཤིང་དགའ་སྤྲོའི་རྣམ་པས་ཡོངས་སུ་ཁེངས་ཏེ་གཞས་དང་ཞབས་བྲོ་འཁྲབ་སྟོན་བྱས་ཡོད།

ས་གནས་ནས་འབྱོར་བའི་གནས་ཚུལ་ནང་འདི་ལྟར་བཀོད་འདུག “ བཙུན་མོ་རྗེ་བཙུན་པད་མ་མཆོག་ནི་དུས་རབས་ཉེར་གཅིག་པའི་འབྲུག་རྒྱལ་ཁབ་ཀྱི་དགོས་འདུན་དང་དུས་ཚོད་ཀྱི་འགྱུར་བ་དང་བསྟུན་ཏེ། མདུན་དུ་སྐྱོད་བཞིན་པའི་རྒྱལ་ཁབ་འདི་ལ་སྣེ་ཁྲིད་མཛད་པའི་རྒྱལ་བོའི་ལས་དོན་ལེགས་འགྲུབ་ཡོང་བའི་གཟི་བྱིན་དང་ཤེས་ཡོན་གཉིས་ལྡན་གྱི་བཙུན་མོ་ཞིག་ཆགས་ཡོད་ལ། ལོ་རྒྱུས་ཀྱི་དུས་ཚིགས་ཁྱད་པར་ཅན་འདི་ནི་འབྲུག་རྒྱལ་ཁབ་ཀྱི་ཡུལ་མི་ཡོངས་ཀྱིས་རང་དབང་དང་དམངས་གཙོ་ལྡན་པའི་དགའ་སྟོན་རྟེན་འབྲེལ་གྱི་དུས་བཟང་ཞིག་ཏུ་གྱུར་ཡོད། འབྲུག་གི་ཡུལ་མི་རྣམས་ཀྱིས་རྒྱལ་བོ་དང་བཙུན་མོ་རྣམ་གཉིས་ལ་སྐུ་ཚེ་རིང་བ་དང་ཞི་བདེ་ཡོང་བབཀྲ་ཤིས་བ་བཅས་ཀྱི་སྨོན་འདུན་དང་གུས་ཞབས་བྱས་ཏེ། རྒྱལ་བོའི་དབང་བསྒྱུར་རྒྱུན་ཆད་མེད་པར་གནས་ཐུབ་པར་ཡིད་ཆེས་དང་སྨོན་འདུན་ཞུས་ཡོད་ལ། རྒྱལ་བོ་དང་བཙུན་མོ་རྣམ་གཉིས་ཀྱིས་རང་གི་རྒྱལ་ཁབ་དང་ཁྱིམ་རྒྱུད་སྲུང་སྐྱོང་དང་། འབྲུག་གི་ཡུལ་མི་རྣམས་རང་གི་ཕ་མསྤུན་མཆེད་དང་བུ་ཕྲུག་ལྟར་གཟིགས་སྐྱོང་མཛད་རྒྱུ་ཡིན་པའི་ཁས་ལེན་དམ་བཅའ་ཕུལ་ཡོད ” ཅེས་བཀོད་འདུག

 

འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་མཛད་སྒོ་གཟབ་རྒྱས།

 

འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་མཛད་སྒོ་གཟབ་རྒྱས།

 

འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་མཛད་སྒོ་གཟབ་རྒྱས།

 

འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་མཛད་སྒོ་གཟབ་རྒྱས།

 

འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་མཛད་སྒོ་གཟབ་རྒྱས།

 

འབྲུག་རྒྱལ་བོ་དང་རྒྱལ་མོ་གཉིས་ཀྱི་གཉེན་སྒྲིག་གི་མཛད་སྒོ་གཟབ་རྒྱས།

 

བསྐྱར་བཅོས།: ༢༠༡༤/༠༣/༢༦

Leave a Reply

43 thoughts on “དེ་རིང་འབྲུག་རྒྱལ་བོའི་གཉེན་སྟོན་རེད།

  1. འགྱུར་མེད་བསྟན་འཛིན།

    བཙན་བྱོལ་དུ་བསླེབས་ཚར་དུས་ང་ཚོ་གཞུང་གིས་ཆོས་ལུགས་དགེ་ལ་བསྡུ་འབྲུག་ཟ་ཚེར་བའི་སྲིད་བུས་དེ་ཚོས་འབྲུག་པ་གཞུང་དེ་ང་ཚོའི་གཞུང་ལ་མི་དགའ་བ་ཞིག་ཆགས་འདུག

  2. སྣང་རྒྱལ་ཤེར་དགེ

    འབྲུག་པ་རྣམས་དགེ་ལུགས་པར་མི་དགའ་བའི་རྒྱུ་མཚན་ཤེས་འདོད་ན། སྲིད་དོན་རྒྱལ་རབས་དང་རྒྱལ་དབང་ལྔ་པའི་རང་རྣམ་སོགས་ན་གཟིགས་ན་ཤེས་ཐུབ། དགའ་ལྡན་ཕོ་བྲང་པས་འབྲུག་ལ་དམག་དྲངས་པའི་ཚུལ་དང་། འབྲུག་ཡུལ་བཅོམ་ཆག་གྱ་ཉེས་བྱས་པའི་ཚུལ་ལ་བསམ་ན་ཁོང་རྣམས་ལ་ཁག་མི་འདུག་ཨང་སྙམ་པ་ཞིག་འདུག

  3. ཆབ་བྲག་ལྷ་མོ་སྐྱབས།

    སྐུ་བསོད་ཆེ་བའི་རྒྱལ་པོ་དང་བཙུན་མོ་རྣམ་གཉིས་ལ་ཕྲག་དོག་ཟ་མཁན་རེ་ཡོད་པ་འདྲ། དེ་ལས་ཡི་རང་དང་སྨོན་ལམ་རེ་བཏབ་ན་ཅིས་མི་དགའ། མ་མཐར་ཡང་རང་དབང་བརྩེ་དུང་གི་འཇིག་རྟེན་མཐུན་འབྲེལ་ལ་བཀྲ་ཤིས་བདེ་ལེགས་རེ་ཞུ་འོས།

    གལ་ཏེ་འབྲུག་དང་ལ་དྭགས་སོགས་བོད་ཀྱི་རིགས་དང་སྐད་ཡིག་རིག་གཞུང་ཅན་འདི་དག་ཡར་རྒྱས་རེ་སོང་ན་དེ་ཡང་བོད་དོན་བདེན་མཐུའི་ཆ་ཤས་ཤིག་ཅི་ལ་མིན།