བོད་ཡུལ་ནས་བོད་སྐད་བཤད་མི་ཆོག་པའི་གསོལ་མགྲོན་ཁང་སྒོ་བརྒྱབ།

 

ཟླ་འདིའི་ཚེས་ ༧ ཉིན་རྨ་ལྷོ་བོད་རིགས་རང་སྐྱོང་ཁུལ་རེབ་གོང་ཐུན་རིན་རྫོང་དུ་ཡོད་པའི་ཞང་ཡོན་གསོལ་མགྲོན་ཁང་(祥云饭店)གིས་ཟ་ཁང་གི་ལས་ཀ་བར་བཟོས་པའི་སྒྲིག་གཞི་དོན་ཚན་ལྔ་ཅན་ཞིག་དྲ་ཐོག་ཏུ་ཁྱབ་ཅིང་། དེའི་ནང་གི་དོན་ཚན་དང་པོ་ནི་ལས་ཀ་བ་ཕན་ཚུན་བོད་སྐད་བཤད་ཚེ་སྒོར་ ༥༠༠ ཉེས་ཆད་ཡོད་པ་གསལ་ཡོད་འདུག དེ་ལ་ས་གནས་ཡུལ་མི་མང་པོས་མ་འདོད་པའི་རྣམ་འགྱུར་བསྟན་པ་དང་འབྲེལ་ཏེ། དྲ་རྒྱ་དང་སྤྱི་ཚོགས་གནས་འཕྲིན་ཁག་ཏུ་མི་མང་པོས་བོད་རྒྱ་ཡིག་རིགས་གཉིས་ཐོག་ནས་ངོ་རྒོལ་གྱི་བསྒྲགས་གཏམ་མང་པོ་སྤེལ་ཡོད་དང་། རིག་འབྱུང་གླིང་སྐད་འཕྲིན་ཚོགས་པས་དོན་ཚན་བཞི་ཅན་གྱི་བསྒྲགས་གཏམ་སྤེལ་བ་སོགས་ངོ་རྒོལ་རིམ་པར་བྱས་མཐར། དེ་རིང་ཚེས་ ༨ ཉིན་ཐུན་རིན་རྫོང་སྲིད་གཞུང་གིས་གསོལ་མགྲོན་ཁང་དེ་སྒོ་རྒྱག་ཏུ་བཅུག་ཡོད་འདུག

10400109_1060046874034925_4065689846160861220_n12508871_1060046840701595_6172510904560090866_n
941098_1060046904034922_577295969279137087_n12509681_1060046844034928_6757268370348361019_n

 

བསྐྱར་བཅོས།: ༢༠༡༦/༠༡/༠༨

Leave a Reply

One thought on “བོད་ཡུལ་ནས་བོད་སྐད་བཤད་མི་ཆོག་པའི་གསོལ་མགྲོན་ཁང་སྒོ་བརྒྱབ།

  1. མཚམས་རེ་གསར་འགོད་པ་ཡིན་པ་དང་མཚམས་རེ་རྩོམ་སྒྲིག་པ་ཡིན་པ། ཡང་མཚམས་རེ་མིང་མེད་གསར་འགྱུར་གཏོང་མཁན་ལགས། སྤྱི་ཚོགས་གནས་འཕྲིན་ཟེར་ན་ག་རེ་རེད། ངོ་མ་དོན་གོ་མ་སོང་བས་གསལ་འགྲེལ་ཞིག་རྒྱག་རོགས།

    གལ་སྲིད་གསར་འགྱུར་འདིའི་ནང་ནོར་འཁྲུལ་འདྲ་བྱུང་ཡོད་ཚེ་འགན་སུས་ལེན་གི་རེད། མ་གཞི་ནས་མིང་ཆེན་པོ་དགའ་བོ་ཡོད་མཁན་ཞིག་ཡིན་ཐག་ཆོད་རེད།