བོད་ཀྱི་དུས་བབ་དྲ་བའི་མཉེན་ཆས་གསར་པ།

དེ་རིང་༧གོང་ས་རྒྱལ་བ་རིན་པོ་ཆེ་མཆོག་དགུང་གྲངས་ ༨༢ ལ་ཕེབས་པའི་སྐུའི་འཁྲུངས་སྐར་དང་བསྟུན་ཏེ། བོད་ཀྱི་དུས་བབ་དྲ་བའི་ལག་ཐོག་ཁ་པར་དང་ལག་འཁྱེར་གློག་དེབ་སོགས་ཀྱི་པར་གཞི་གསར་པའི་མཉེན་ཆས་བཏང་ཡོད་པ་དང་། མཉེན་ཆས་འདི་མ་འོངས་པའི་ཉིན་གྲངས་ ༡༠༠ རིང་རིན་མེད་ཕབ་ལེན་བྱེད་ཆོག

བོད་ཀྱི་དུས་བབ་ཀྱི་མཉེན་ཆས་གསར་པ་(tibettimes APP)འདི་ཁྱོད་ཀྱི་ལག་ཐོག་ཁ་པར་(Mobile)དང་། ལག་འཁྱེར་གློག་དེབ་(ipad)སོགས་ཀུ་ཤུ་(IOS)རྟགས་ཅན་ཡིན་ན་(app store)དང་། ཨན་ཌོར་ཌི་(Android)རྟགས་ཅན་ཡིན་ན་(Play Store)ནས་ཕབ་ལེན་བྱེད་ཐུབ་པ་མ་ཟད། དེ་གཉིས་ཀྱི་བེད་སྤྱོད་དང་ཇུས་འགོད་སོགས་ཀྱང་གཅིག་གྱུར་ཡིན།

རིམ་སྤར་(Upgrade)ཞེས་པའི་མིང་ཚིག་འདི་དེ་རིང་གི་བརྡ་འཕྲིན་སྤྱིའི་འཕེལ་ཕྱོགས་ཤིག་ཆགས་ཡོད་པ་ལྟར། བོད་ཀྱི་དུས་བབ་མཉེན་ཆས་འདིའང་སྐྱོན་ཀུན་སེལ་ཡོན་ཏན་ཀུན་ལྡན་ཞིག་ཡིན་མི་སྲིད་སྟབས། དུས་ནས་དུས་སུ་སྤུས་ཇེ་དག་དང་སྣ་ཇེ་འཛོམ་དུ་གཏོང་རྒྱུ་ཡིན་པས། ཁྱེད་ཀྱི་ཁ་པར་ནང་གི་བོད་ཀྱི་དུས་བབ་མཉེན་ཆས་ཀྱང་བདུན་ཕྲག་འགའ་རེ་དང་། ཡང་ན་ཟླ་རེའི་མཚམས་སུ་ངེས་པར་དུ་ཁ་གསབ་(Update)དང་། ཡང་ན། རྦད་དེ་ནག་གསུབ་(Delet)བཏང་སྟེ་བསྐྱར་དུ་ཕབ་ལེན་བྱས་ན་ཁྱེད་ལ་དུས་བབ་མཉེན་ཆས་མ་ལག་གསར་ཤོས་དེ་རེག་པ་མ་ཟད། ཆ་རྐྱེན་ཇེ་འཛོམས་དང་འཁོར་རྒྱུག་ཀྱང་ཇེ་མགྱོགས་སུ་འགྲོ་བའི་དགེ་མཚན་ཡོད།

བོད་ཀྱི་དུས་བབ་ཀྱི་མཉེན་ཆས་གསར་པ་འདི་ནི། རྒྱ་གར་ལྷོ་ཕྱོགས་གྷོ་ཝར་རྟེན་གཞི་བྱེད་པའི་ཀུ་ཤུ་འཆར་འགོད་བཟོ་གྲྭ་དང་། དྷ་རམ་ས་ལའི་བོད་ཀྱི་བརྡ་འཕྲིན་ལས་ཁུངས། བོད་ཀྱི་དུས་བབ་ལས་ཁུངས་བཅས་ཚོགས་པ་གསུམ་མཉམ་འབྲེལ་ཐོག་འདས་པའི་ལོ་ངོ་གཅིག་དང་ཕྱེད་ལྷག་རིང་བཟོས་ཤིང་། མཉེན་ཆས་འདི་ནི་(NDK)ཞེས་པའི་དཔར་གཞི་དང་ (SDK) ཞེས་པའི་དཔར་གཞི་གཉིས་ཀྱི་རྨང་གཞིའི་ཐོག་ཀུ་ཤུ་(apple)དང་གྷོ་གྷིལ་(Google)གཉིས་གཅིག་གྱུར་དུ་བཟོས་པའི་བོད་ཡིག་ཁ་པར་བརྒྱུད་ཁུངས་མཉེན་ཆས་ཐོག་མ་དེ་ཆགས་ཡོད།


༼   བོད་ཀྱི་དུས་བབ་མཉེན་ཆས་གསར་པ་བེད་སྤྱོད་གཏོང་ཕྱོགས། ༽

(1.) བོད་ཀྱི་དུས་བབ་དྲ་བའི་འཆར་ངོས། བོད་ཀྱི་དུས་བབ་དྲ་ཚིགས་ཨ་མ་དང་། ཐེངས་འདིར་གསར་དུ་སྒོ་འབྱེད་བྱས་པའི་མཉེན་ཆས་(App)གང་ཡིན་རུང་། ཁྱོད་ཀྱི་གློག་ཀླད་དང་ཁ་པར་སོགས་ནང་བོད་ཡིག་མེད་ཀྱང་བདེ་བླག་ཏུ་འཆར་ཐུབ་པའི་ཁྱད་ཆོས་ཡོད།

(2.) བོད་ཀྱི་དུས་བབ་མཉེན་ཆས་ཕབ་ལེན། ཁྱོད་ཀྱི་ལག་ཐོག་ཁ་པར་དང་ལག་འཁྱེར་ཀློག་དེབ་ཀུ་ཤུ་(IOS)རྟགས་ཅན་ཡིན་ན་(app store)དང་། ཨན་ཌོར་ཌི་(Android)རྟགས་ཅན་ཡིན་ན་(Play Store)ནས་ཕབ་ལེན་བྱེད་དགོས།

(3.) བོད་ཀྱི་དུས་བབ་འཚོལ་བཤེར། ཁྱོད་ཀྱིས་བོད་ཀྱི་དུས་བབ་མཉེན་ཆས་ཕབ་ལེན་བྱེད་པར། ཁྱོད་ཀྱི་ཁ་པ་ཀུ་ཤུ་ཡིན་ན་(app store)ནང་བོད་ཡིག་ཐོག་ ‘བོད་ཀྱི་དུས་བབ།’ དང་། ཡང་ན་དབྱིན་ཡིག་ནང་ tibettimes ཞེས་བཏགས་ཏེ་འཚོལ་དགོས་པ་དང་། ཁྱོད་ཀྱི་ཁ་པར་ཨན་ཌོར་ཌི་ཡིན་ན་(Play Store)ནང་དབྱིན་ཡིག་ཐོག་ tibettimes ཞེས་བཏགས་ན་རྙེད་ཐུབ།

(4.) བོད་ཀྱི་དུས་བབ་མཉེན་ཆས། བོད་ཀྱི་དུས་བབ་མཉེན་ཆས་གསར་པ་འདི་བེད་སྤྱོད་གཏོང་བར། ཁྱོད་ཀྱི་ལག་ཐོག་ཁ་པར་དང་ལག་འཁྱེར་གློག་དེབ་སོགས་ཐོན་རིམ་(Verion)གསར་བའི་རིགས་ཡིན་དགོས་པ་མ་ཟད། ཁོག་པའི་ཤོང་ཚད་ཀྱང་གང་འཚམ་ཆེན་པོ་ཡོད་པ་དང་། མ་ཐར་སྟོང་ཆ་(MP 50)ལས་མ་ཉུང་བ་ཡོད་དགོས།

(5.) བོད་ཀྱི་དུས་བབ་སྟེང་མཆན་འགོད་སྟངས། ཁྱོད་ཀྱིས་བོད་ཀྱི་དུས་བབ་སྟེང་མཆན་དང་བསམ་ཚུལ་སོགས་འགོད་ཚེ། བོད་ཀྱི་དུས་བབ་ལ་སྔར་དེབ་སྐྱེལ་བྱས་མེད་ན་གསར་དུ་དེབ་སྐྱེལ་བྱེད་དགོས་པ་དང་། སྔར་དེབ་སྐྱེལ་བྱས་ཡོད་ན་ནང་འཛུལ་ནང་ཕྱིན་ཏེ་ཐོ་མིང་དང་གསང་ཚིག་མ་ནོར་བར་བཏགས་རྗེས་མཆན་འགོད་ཐུབ།

(6.) ནང་འཛུལ་བྱེད་སྟངས། ཁྱོད་ཀྱི་ཁ་པར་ནང་གློག་འཕྲིན་དང་ངོ་དེབ་སོགས་བེད་སྤྱོད་གཏོང་གི་ཡོད་ཚེ། དུས་བབ་ཁ་པར་མཉེན་ཆས་སྟེང་གི་ནང་འཛུལ་ནང་ཕྱིན་ན། ངོ་དེབ་ (Facebook)ཀྱི་རྟགས་ཤིག་དང་། གློག་འཕྲིན་ (Gmail)གྱི་རྟགས་ཤིག་ཡོད་པ་དེ་གཉིས་གང་གི་སྟེང་གནན་ན་ནང་འཛུལ་བྱེད་ཐུབ།

(7.) དེབ་སྐྱེལ་བྱེད་སྟངས། ཁྱོད་ཀྱིས་དེབ་སྐྱེལ་གསར་དུ་བྱེད་པར་དུས་བབ་ཁ་པར་མཉེན་ཆས་མདུན་ངོས་སྒང་གི་གཡོན་ཟུར་གྱི་ནང་འཛུལ་ཞེས་པར་ཕྱིན་ཞིང་། དེའི་འོག་གི་གཡོན་ཟུར་དུ་ ‘དེབ་སྐྱེལ’ ཞེས་པ་ཞིག་ཡོད་པ་དེ་གནན་ཏེ། མིང་དང་། གློག་འཕྲིན། ཐོ་མིང་སོགས་རེ་རེ་བཞིན་བསྐོངས་ཏེ་འོག་གི་དེབ་སྐྱེལ་ཞེས་པར་མནན་རྗེས། སོ་སོའི་གློག་འཕྲིན་ནང་ཕྱིན་ན་ཁྱོད་ལ་བོད་ཀྱི་དུས་བབ་ཀྱིས་གློག་འཕྲིན་ཞིག་འབྱོར་ཡོད་པའི་ནང་གི་འབྲེལ་ཐག་སྒང་མ་དེར་མནན་ཏེ་གསང་ཚིག་བཟོ་དགོས། གསང་ཚིག་གསར་པ་ཡར་འཇུག་བྱས་རྗེས་བསྐྱར་དུ་ནང་འཛུལ་ནང་ཕྱིན་ཏེ་གློག་འཕྲིན་དང་གསང་ཚིག་གཉིས་མ་ནོར་བར་བཏགས་ཏེ་ནང་འཛུལ་བྱེད་དགོས།

(8.) ཐོ་མིང་དང་གསང་ཚིག བོད་ཀྱི་དུས་བབ་དྲ་ཚིགས་ཨ་མའི་ནང་དེབ་སྐྱེལ་བྱས་པ་དང་དུས་བབ་ཁ་པར་མཉེན་ཆས་ནང་དེབ་སྐྱེལ་བྱས་པ་གཅིག་པ་ཡིན་ཞིང་། དེ་གཉིས་ཕན་ཚུན་གཅིག་གྱུར་དུ་བེད་སྤྱོད་གཏོང་ཐུབ། དྲ་ཚིགས་ཨ་མའི་སྟེང་དེབ་སྐྱེལ་བྱས་པའི་ཐོ་མིང་དང་གསང་ཚིག་དུས་བབ་མཉེན་ཆས་ནང་བེད་སྤྱོད་གཏོང་ཐུབ་ལ། དུས་བབ་ཁ་པར་མཉེན་ཆས་སྟེང་དེབ་སྐྱེལ་བྱས་པའི་ཐོ་མིང་དང་གསང་ཚིག་དུས་བབ་དྲ་ཚིགས་ཨ་མའི་ནང་དུའང་བེད་སྤྱོད་གཏོང་ཐུབ། (དུས་བབ་མཉེན་ཆས་ནང་གློག་འཕྲིན་དང་གསང་ཚིགས་གཉིས་བེད་སྤྱོད་བཏང་སྟེ་ནང་འཛུལ་བྱེད་དགོས་ལ། དུས་བབ་དྲ་ཚིགས་ཨ་མའི་སྟེང་གློག་འཕྲིན་དང་ཐོ་མིང་གང་རུང་དང་། འོག་ཏུ་གསང་ཚིག་བེད་སྤྱོད་བཏང་སྟེ་ནང་འཛུལ་བྱེད་དགོས།)

(9.) གསང་ཚིག་བརྗེད་པ། གལ་སྲིད་ཁྱོད་ཀྱིས་སྔོན་ཆད་དེབ་སྐྱེལ་བྱས་པའི་གསང་ཚིག་བརྗེད་པ་ཡིན་ན། དུས་བབ་མཉེན་ཆས་ཀྱི་ནང་འཛུལ་ནང་གི་ཁ་སྐོང་འོག་ཏུ་ ‘གསང་ཚིག་བརྗེད་ན་འདིར་གནོན།’ཞེས་པ་ཞིག་ཡོད་པ་དེ་བརྒྱུད་ནས་ཁྱོད་ཀྱིས་དེ་སྔ་དུས་བབ་ནང་བེད་སྤྱོད་བཏང་ཡོད་པའི་གློག་འཕྲིན་དེ་ཁ་སྐོང་ནང་བཏགས་ཏེ་གསང་ཚིག་བསྐྱར་གསོ་བྱེད་དགོས།

(10.) མིང་བརྗེ་བོ་རྒྱག་པ། ཁྱོད་རང་ནང་འཛུལ་བྱས་རྗེས། ‘ནང་འཛུལ་བྱེད་ས་དེར་ཁྱོད་ཀྱི་མིང་བོད་ཡིག་དང་དབྱིན་ཡིག་གང་རུང་ཐོག་འཆར་ཡོད། ཁྱོད་ཀྱིས་མིང་དེ་བརྗེ་བོ་རྒྱག་འདོད་ན། མིང་དེའི་སྟེང་གནན་ན་བརྗེ་བོ་རྒྱག་ཐུབ། རྗེས་མ་མིང་བསྐྱར་དུ་བརྗེ་བོ་རྒྱག་པར་ཡང་གོང་ལྟར་མིང་དེའི་སྟེང་གནན་ན་བརྗེ་བོ་རྒྱག་ཐུབ།

བོད་ཀྱི་དུས་བབ་མཉེན་ཆས་བེད་སྤྱོད་གནང་མཁན་རྣམ་པའི་དཀའ་ངལ་དང་དོགས་འདྲི་ལ་དུས་ནས་དུས་སུ་ལམ་སྟོན་གསལ་བཤད་ཞུ་བཞིན་ཡོད།
མཐའ་མའི་ཁ་སྣོན་ ༢༠༡༧།༧།༡༥

བསྐྱར་བཅོས།: ༢༠༡༧/༠༧/༢༢

Leave a Reply

86 thoughts on “བོད་ཀྱི་དུས་བབ་དྲ་བའི་མཉེན་ཆས་གསར་པ།

  1. གཞུང་པ་ཚེ་དབང་བསོད་ནམས་

    དུས་བབས་རྩོམ་སྒྲིག་ལགས་ ངའི་སྐད་འཕྲིན་སམ་སུང་ཨེ་ས་ལྔ་པ་རེད་ply store ནས་ཕབ་ལེན་བྱས་ཀྱང་འཐོན་གྱིྈམི་འདུག་ག་འདྲ་ཡིན་ནམ་?

    1. བོད་ཀྱི་དུས་བབ། Post author

      དྲ་གྲོགས་གཞུང་པ་ཚེ་དབང་བསོད་ནམས་ལགས།
      དུས་བབ་ཀྱི་མཉེན་ཆས་འདི་སྐད་འཕྲིན་ལ་འབྲེལ་བ་ཡོད་པ་མ་རེད། ཁ་པར་སམ་སུང་དང་སོ་ནི། ཨོ་བྷོ་སོགས་གང་ཡིན་ཡང་(Play Store)ལས་དུས་བབ་མཉེན་ཆས་ཕབ་ལེན་བྱེད་ཐུབ་ཀྱི་ཡོད་པ་རེད།

  2. སྒྲོལ་མ་མཚོ།

    བོད་ཀྱི་དུས་བབ་ལགས། ང་རང་གི་ལག་འཁྱེར་ཁ་པར་སམ་སོན་ཞིག་ཡིན། ངའི་གྲོགས་པོའི་ཁ་པར་ཝོ་པོ་རེད། འདི་གཉིས་ལང་བོད་ཀྱི་དུས་བབ་མཉེན་ཆས་ག་བ་ནས་ཕབ་ལེན་བྱེད་དགོས་རེད།

    1. བོད་ཀྱི་དུས་བབ། Post author

      དྲ་གྲོགས་མཚོ་མོ་ལགས།
      ཁྱོད་ཀྱི་ཁ་པར་སམ་སུང་དང་ཝོ་པོ། ཀུ་ཤུ། སོ་ནི་ག་རེ་ཡིན་ཡང་ཁྱད་པར་ཡོད་པ་མ་རེད། ཁ་པར་གྱི་བཟོ་གྲྭ་དང་ཚོང་རྟགས་གང་ཡིན་ཡང་ཁ་པར་ནང་གི་བརྒྱུད་ཁུངས་མཉེན་ཆས་རྣམས་ཕབ་ལེན་བྱེད་ས་(IOS)དང་། (Andorid) དེ་བཞིན། (Window) གསུམ་ལས་ད་སྔ་ཡོད་པ་མ་རེད། བོད་ཀྱི་དུས་བབ་ཀྱི་མཉེན་ཆས་དེ་(IOS)དང་། (Andorid)འདི་གཉིས་ནང་ཕབ་ལེན་བྱེད་ཐུབ་ཀྱི་ཡོད་པ་རེད། གཞན། བརྒྱུད་ཁུངས་(Window)ཟེར་བ་དེ་ཉམས་ཆག་ཏུ་ཕྱིན་ཏེ་ད་ལྟ་ཧ་ལམ་སྒོ་བརྒྱབ་ཚར་པ་འདྲ་བོ་རེད།

  3. རྣམ་རྒྱལ་རྡོ་རྗེ།

    དགོངས་སེལ་དང་སྦྲགས། མཆན་འདི་མཉེན་ཆས་ནང་ཚོད་ལྟ་བྱས་པ་ཡིན་པས་དུས་བབ་ནང་སྟོན་རོགས།

  4. བོད་ཀྱི་དུས་བབ། Post author

    བོད་ཀྱི་དུས་བབ་ཀློག་པ་པོ་ཡོངས་ལ་ཞུ་རྒྱུར།
    སྤྱིར་བོད་ཀྱི་དུས་བབ་ནི་བོད་ཡིག་རྐྱང་པའི་བརྒྱུད་ལམ་ཞིག་ཡིན་ཡང་། ད་ལྟ་བོད་ཀྱི་དུས་བབ་ཀྱི་མཉེན་ཆས་གསར་པ་བརྒྱུད་གཏོང་བྱས་མ་ཐག་ཡིན་སྟབས། སྐད་ཡིག་གང་ཡིན་མིན་དང་མིང་སོགས་ཇི་ལྟར་འཁོད་ཡོད་མེད་ལ་མ་ལྟོས་པར། མཉེན་ཆས་གསར་པའི་སྐོར་ལ་དོགས་འདྲི་དང་དཀའ་ངལ་གང་ཡོད། དེ་མིན་གྱི་དགེ་འདོན་སྐྱོན་སེལ་གྱི་དགོངས་འཆར་གང་བསྩལ་ཡང་གནས་སྐབས་རིང་ངོས་ལེན་བྱེད་རྒྱུ་ཡིན།

  5. བྱང་ཆུབ་གུ་རུང་།

    ཉེ་ཆར་ཤེས་རིག་ལས་ཁུགས་ནས་བཟོས་པའོ་བྱིས་པའི་འགུལ་བརྙན་དང་། ད་ལྟ་དུས་བབ་ཚང་ནས་བཟོས་པའི་བརྙན་ཆས་འདི་གཉིས་ནི། ཕྲན་གྱིས་ཡུན་རིང་སྔོན་ནས་རེ་སྒུག་བྱས་པའི་ར་བའམ་རྨི་ལམ་ཞིག་ཡིན། ཀུ་ཤུགས་རྟགས་ཅན་ནང་ཕབས་ལེན་བྱེད་མི་ཐུབ་པའི་དཀའ་ངལ་ཞིག་འདི་ན་གླེང་བཞིན་འདུག། དེ་ནི་ཕལ་ཆེར་ iOS གསར་རྙིང་གི་ཁྱད་པར་མིན་ནམ་སྙམ། གཞན་ངའི་གྲོགས་པོ་ཚོའི་ཀུ་ཤུ་རྟགས་ཅན་ཁ་པར་ནང་ཕབ་ལེན་ཐུབ་ཀྱི་འདུག

  6. ཐོས་པ་དགའ།

    གཉེན་ཆས་འདི་ཕབ་ལེན་བྱས་ཟིན་ཡང་། ཁ་ཕྱེ་མི་ཐུབ་པ་ཆགས་འདུག དེ་ལ་ཐབས་ཤེས་གང་ཡོད་གསུང་རོགས་གནང་།

    1. བོད་ཀྱི་དུས་བབ། Post author

      དྲ་གྲོགས་ཐོས་པ་དགའ་ལགས།
      རྩ་བའི་དུས་བབ་ཀྱི་མཉེན་ཆས་གསར་པ་འདིའི་བཟོ་སྐྲུན་ཐད་ནས་ཀུ་ཤི་རྟགས་ཅན་དང་ཨན་ཌོར་ཌི་རྟགས་ཅན་གང་ཡིན་ཡང་ཕབ་ལེན་བྱེད་མ་ཐུབ་པའི་དཀའ་ངལ་མེད་ལ། ལག་ཐོག་ཁ་པར་དང་ལག་འཁྱེར་གློག་དེབ་གང་ཡིན་ཡང་ཁ་འབྱེད་མི་ཐུབ་པའི་དཀའ་ངལ་ཡང་མེད་མོད། སྐུ་ཉིད་ཀྱི་དཀའ་ངལ་དེ་ལྟ་བུ་ཞིག་ཁ་སང་ངོ་དེབ་སྟེང་མཆན་འགོད་མཁན་གྲས་སུའང་འདུག་ན། འདི་ནས་དཀའ་ངལ་དེར་ཞིབ་འཇུག་བྱས་ཏེ་གང་མགྱོགས་སེལ་ཐུབ་བྱེད་ངེས་ཡིན།

    1. བོད་ཀྱི་དུས་བབ། Post author

      དྲ་གྲོགས་བདེ་བསལ་ལྷ་མོ་ལགས།
      སྤྱིར་བཏང་བོད་ཀྱི་དུས་བབ་ནི་བོད་ཡིག་རྐྱང་པའི་བརྒྱུད་ལམ་ཞིག་ཡིན་ཡང་། བོད་ཀྱི་དུས་བབ་ཀྱི་མཉེན་ཆས་གསར་པའི་ཐད་སྤྱི་ཚོགས་ནང་དཀའ་ངལ་ག་རེ་འཕྲད་ཀྱི་ཡོད་མེད་དང་ཀློག་པ་པོ་ཚོར་དགོངས་འཆར་གང་འདྲ་ཡོད་མེད་བསྡུ་བའི་ཆེད་དུ། གནས་སྐབས་རིང་སྐད་ཡིག་གང་ཡིན་མིན་ལ་མ་ལྟོས་པར་ཚང་མ་ངེས་ལེན་ཞུ་རྒྱུ་ཡིན།

  7. བཀྲིས་བདེ་ལེགས་གྲངས་མེད་ཞུ། གཉེན་ཆས་ཧ་ལས་པའི་ཡག་པོ་འདུག དགའ་སྤྲོ་ཚད་མེད་སྤྱེས་བྱུང་། ཉིན་གྲངས་༡༠༠སོང་རྗེས་གཉེན་ཆས་ཉོ་དགོས་པ་རེད་དམ། ཐོག་མའི་དམིགས་ཡུལ་དོར་ནས་དཔའ་འབྱོར་འདུ་འགོད་ཕྱོགས་ལ་མ་སོང་ན་ལེགས་

    1. བོད་ཀྱི་དུས་བབ། Post author

      དྲ་གྲོགས། Ragang Ngodup ལགས།
      དུས་བབ་ལ་རྒྱབ་སྐྱོར་གནང་བར་ཐུགས་རྗེ་ཆེ། ཉིན་གྲངས་ ༡༠༠ རྗེས་སུ་དུས་བབ་མཉེན་ཆས་ཕབ་ལེན་བྱེད་པར་རིན་འབབ་སྤྲོད་དགོས་པ་དེ་དཔལ་འབྱོར་འདུ་འགོད་ཁོ་ནའི་ཆེད་དུ་མིན། བོད་ནང་ནས་དུས་བབ་ཀྱི་མཉེན་ཆས་གསར་པ་འདི་གང་མང་མང་ཕབ་ལེན་བྱེད་ཐུབ་ཆེད། ཀུ་ཤུ་འཆར་འགོད་བཟོ་གྲྭས་གསང་ལམ་དམིགས་བསལ་བ་ཞིག་བརྒྱུད་པའི་ཆེད་དུ་ཡིན་ལགས།

  8. ངའི་ iPad ནང་ལ་ཕབ་ལེན་བྱེད་མི་ཐུབ་གི ཅི་མ་འགྲིག་པ་ཡིན་ན། App Store ནང་ལ་ tibettimes གཏག་ནས་བཙལ་ན་ no results for “tibettimes” ཤར་ཡོང་གི་འདུག ད་ག་རེ་བྱེད་དགོས་རེད་ཅིག་གསུང་རོགས་གནང་།

    1. བོད་ཀྱི་དུས་བབ། Post author

      དྲ་གྲོགས་ཀུན་བཟང་ལགས།
      ཁྱོད་ཀྱི་ལག་ཐོག་ཁ་པར་ཀུ་ཤུ་(IOS)རྟགས་ཅན་ཡིན་ན་(app store)ཞེས་པའི་ནང་ལ་བོད་ཡིག་ཐོག་ ‘བོད་ཀྱི་དུས་བབ།’ དང་། དབྱིན་ཡིག་ཐོག་ tibettimes འདི་གཉིས་གང་བཏག་ཀྱང་བོད་ཀྱི་དུས་བབ་ཀྱི་མཉེན་ཆས་གསར་པ་ཕབ་ལེན་བྱེད་ཐུབ།

  9. ཕི་པ་ཚང་བསོད་ནམས།

    བོད་ཀྱི་དུས་བབ་ཀྱི་འཕེལ་རྒྱས་ལ་བ་ཡིད་རངས་བསྔགས་བརྗོད་ཞུ། དེ་དང་མཉམ་དུ་སེམས་འཚབ་ཅིག་ཞུ་རྒྱུ་ནི་དེང་གི་བརྡ་འཕྲིན་ཤུགས་ཆེ་རུ་གཏོང་ཡག་མ་དྲག་ན་དེབ་དང་ཚགས་པར་ཉམ་ཆག་ལ་འགྲོ་ཨ་ཡོང་བསམ་གྱི་འདུག་པས་མཁྱེན་ཡོན་རྣམ་དཔྱོད་དང་བོད་དང་བོད་པའི་རིག་གནས་ལ་ལྷག་བསམ་ལ་ཞེན་ཅན་རྣམ་པ་ཚོས་ཐུགས་བསམ་བཞེས་གིན་བཞེས་མཁན་ཕེབས་དགོས་པ་དུས་ཀྱི་དགོས་མཁོར་མཐོང་སོང་བས་སེམས་ཚོར་ཙམ་ཞུས་པ་ཡིན།

    1. བོད་ཀྱི་དུས་བབ། Post author

      དྲ་གྲོགས་ཕི་པ་ཚང་བསོད་ནམས་ལགས།
      བརྡ་འཕྲིན་ཤུགས་ཆེ་རུ་གཏོང་རྒྱུ་མང་དྲགས་ན་དེབ་དང་ཚགས་པར་གྱི་རིན་ཐང་ཉམས་སྲིད་པ་དེ་དངོས་ཡོད་གནས་ཚུལ་རེད་ལ། འདི་དེང་གི་འཛམ་གླིང་ཧྲིལ་བོས་སྐད་རྒྱག་བཞིན་པའི་གནད་དོན་ཞིག་ཀྱང་ཆགས་ཡོད། འོན་ཀྱང་། ང་ཚོ་དུས་རབས་དང་མཐུན་པར་བསྐྱོད་མ་ཐུབ་ན། དེ་ལས་ཀྱང་རྡོག་རྫིས་ཐེབས་ཏེ་འཆི་ལམ་དུ་འགྲོ་བ་ལས་འོས་མེད། ཕྱོགས་གཞན་ཞིག་ནས་བསམ་བློ་བཏང་ན་བོད་ཡིག་བོད་སྐད་ཀྱང་དེང་གི་བརྡ་འཕྲིན་དང་མཐུན་པར་བསྐྱོད་ཐུབ་ན་དགེ་མཚན་ཆེ་བ་ཡོད་སྲིད།

  10. ལི་ཐང་བསོད་ནམས།

    མཉེན་ཆས་ཧ་ཅང་ཡག་པོ་བཟོས་འདུག ཕབ་ལེན་བྱས་ཚར་ཡིན། གསར་འགྱུར་འོག་ཏུ་དཔྱད་མཆན་འགོད་ས་ཡོད་པ་རེད་དམ། ང་རང་གིས་འགོད་ཐུབ་མ་སོང་བས་གསལ་བཤད་ཅིག་གནང་རོགས།

    1. བོད་ཀྱི་དུས་བབ། Post author

      དྲ་གྲོགས་ལི་ཐང་བསོད་ནམས་ལགས།
      དུས་བབ་ཀྱི་ཁ་པར་མཉེན་ཆས་གསར་པའི་ནང་མཆན་འདེབས་ས་ཡོད་པ་རེད། ཁྱོད་ཀྱིས་སྔར་དེབ་སྐྱེལ་བྱས་མེད་ན་གསར་དུ་དེབ་སྐྱེལ་བྱེད་དགོས་པ་དང་། སྔར་དེབ་སྐྱེལ་བྱས་ཡོད་ན་ནང་འཛུལ་བྱས་རྗེས་མཆན་འདེབས་ཐུབ་པ་རེད།

  11. གཞུང་པ་ཚེ་དབང་བསོད་ནམས་

    དེ་སྔོན་དམངས་གཙོ་གསར་ཤོག་ནས་བོད་ཀྱི་དུས་བབས་ལ་ཁ་ཕྱོགས་པ་ནས་བཙན་བྱོལ་སྤྱི་ཚོགས་ནང་དུས་བབས་གསར་ཤོག་གི་འགྲོ་དོན་རྒྱ་ཆེ་ཙམ་འགྲུབ་ཡོད་པའི་ངོས་འཛིན་ཞུ་གི་ཡོད་ཀྱང་ཚན་རིག་དང་འཕྲུལ་རིག་གི་རྗེས་སུ་འབྲངས་ནས་ཧོལ་རྒྱུགས་དང་འཐོམ་རྒྱུགས་མང་པོའི་རྒྱུད་ནས་ཤོག་སྟེང་གསར་ཤོག་གི་རིན་ཐང་ང་ཚོའི་སྤྱི་ཚོགས་ནང་མཐོང་ཆུང་དུ་ཕྱིན་ནས་ནམ་ཞིག་དྲ་ལམ་ལ་མ་བསྟེནཔའི་ཤོག་སྟེང་གི་གསར་ཤོག་ཡོངས་རྫོགས་བལྟ་ཀློག་གི་དུས་ལས་ཡོལ་སྟེ་དྲ་རྒྱའི་དུས་རབས་ནས་སྒེར་གྱི་དཔལ་འབྱོར་འདུ་འགོད་ཙམ་ལས་
    མི་རིགས་རང་ཉིད་ཀྱིས་ཡིག་ཐོག་ཏུ་གསལ་བའི་འབྲི་ཀློག་ལ་ཉམས་ཆགས་ཆེན་པོ་འགྲོ་གི་མ་རེད་དམ་???ཧཧཧ

    1. བོད་ཀྱི་དུས་བབ། Post author

      དྲ་གྲོགས་གཞུང་པ་ཚེ་དབང་བསོད་ནམས་ལགས།
      བོད་ཀྱི་དུས་བབ་ལ་སྔགས་བརྗོད་གནང་བར་ཐུགས་རྗེ་ཆེ་ཞུ། ཚན་རིག་འཕྲུལ་རིགས་ཀྱི་རྗེས་སུ་རྒྱུག་དྲགས་ཏེ་ཤོག་སྟེང་གི་གསར་འགྱུར་ཉམ་ཆག་ཏུ་འགྲོ་སྲིད་པར་ཐུགས་འཁྲུལ་གནང་བ་དངོས་ཡོད་གནས་ཚུལ་རེད། ཡིན་ནའང་དེ་ནི་འཛམ་གླིང་སྤྱིའི་དཀའ་ངལ་ཞིག་ཡིན་པ་ལས་བོད་ཀྱི་དུས་བབ་གཅིག་པུའི་དཀའ་ངལ་ཞིག་མ་རེད། དུས་རབས་ཀྱི་འགྱུར་འགྲོས་དེའི་རྗེས་སུ་མ་འབྲང་ཚེ་རྦད་དེ་འཆི་ལམ་དུ་འགྲོ་མི་སྲིད་པའི་ངེས་པའང་མིན་པས། ཕྱོགས་ཆེ་ས་ནས་བསམ་བློ་བཏང་ན་ཤོག་སྟེང་གི་གསར་འགྱུར་རིན་ཐང་ཉམས་སྲིད་ཀྱང་། དུས་རབས་དང་མཐུན་པར་བསྐྱོད་ཐུབ་ན། བོད་པའི་དུས་བབ་ཀྱི་རྩ་བའི་དམིགས་ཡུལ་བོད་པའི་བདེན་དོན་འཐབ་རྩོད་ལ་རམ་འདེགས་དང་། སྐད་ཡིག་རིག་གཞུང་ལ་ཞབས་ཞུ། མི་མང་ལ་གོ་རྟོགས་འབྲེལ་མཐུད་སོགས་ཀྱི་ཐད་ནུས་པ་ཆེ་བ་དང་མགྱོགས་པ། རྒྱུན་གནས་ཐུབ་པ་སོགས་ལ་ཕན་ཐོགས་ཆེ་བ་ཡོད་ཀྱང་སྲིད།

    1. བོད་ཀྱི་དུས་བབ། Post author

      དྲ་གྲོགས་མུན་འཇོམས་ལགས།
      དུས་བབ་མཉེན་ཆས་གསར་པའི་སྟེང་ལ་ཁ་པར་ལས་མཆན་རྒྱག་ཐུབ་ཀྱི་ཡོད་པ་རེད། ཁྱོད་སྐྱེས་སྔར་དེབ་སྐྱེལ་བྱས་ཡོད་ན་ནང་འཛུལ་བྱས་ཏེ་མཆན་རྒྱག་དགོས་པ་དང་། སྔར་དེབ་སྐྱེལ་མེད་ན་དུས་བབ་ཀྱི་ཁ་པར་མཉེན་ཆས་དང་། ཡང་ན་དུས་བབ་དྲ་ཚིགས་ཨ་མ་བརྒྱུད་དེ་དེབ་སྐྱེལ་བྱེད་དགོས། མཆན་འདེབས་པར་ཐབས་ལམ་ཁ་ཤས་ཡོད་པ་གང་དུ་འགྲེལ་བཤད་བརྒྱབ་ཡོད་པ་དེར་གཟིགས་རོགས།

        1. བོད་ཀྱི་དུས་བབ། Post author

          དེབ་སྐྱེལ་བྱེད་སྟངས་ཁ་ཤས་ཡོད། དང་པོ། དུས་བབ་དྲ་ཚིགས་ཨ་མའི་ནང་དེབ་སྐྱེལ་བྱས་རྗེས་དུས་བབ་ཁ་པར་མཉེན་ཆས་ནང་འཛུལ་ཐུབ་ཀྱི་ཡོད། གཉིས་པ། དུས་བབ་ཁ་པར་མཉེན་ཆས་རང་སྟེང་དུ་དེབ་སྐྱེལ་བྱས་ཏེ་ནང་འཛུལ་བྱེད་ཐུབ། གསུམ་པ། དུས་བབ་མཉེན་ཆས་ཀྱི་ནང་འཛུལ་ནང་། ངོ་དེབ་(Log in withe Facebook)དང་། གློག་འཕྲིན་(Log in with Gmail)ཀྱི་རྟགས་ཡོད་པ་དེ་གཉིས་གང་རུང་སྟེང་གནན་ན་དེབ་སྐྱེལ་ཆགས་ཡོད།

          1. མུན་འཇོམས།

            ནང་འཛུལ་ནང་ཕྱིན་ཏེ་དེབ་སྐྱེལ་བྱས་པ་དེ་བརྒྱུད་ནས་དེབ་སྐྱེལ་བྱས་ཀྱང་འགྲོ་མ་སོང་།

            (0) (0)
  12. གཡང་འཛོམས།

    བོད་ཀྱི་དུས་བབ་ཐོག་མ་ཚགས་པར་དང་། དེ་ནས་དྲ་རྒྱ་བཟོས་པ་དང་། དེ་རྗེས་ལ་དྲ་བརྙན་བཟོས་པ། ད་ལྟ་ཁ་པར་གྱི་མཉེན་ཆས་གསར་པ་བཟོས་པ་སོགས་ནི་ཡར་རྒྱས་ཆེན་པོ་རེད། བཀྲ་ཤིས་བདེ་ལེགས་ཞུ།

    1. བོད་ཀྱི་དུས་བབ། Post author

      ཐོས་པ་དགའ་ལགས། ཁྱོད་ཀྱི་ལག་ཐོག་ཁ་པར་ཀུ་ཤུ་(IOS)རྟགས་ཅན་ཡིན་ན་(app store)ཞེས་པའི་ནང་ལ། ‘བོད་ཀྱི་དུས་བབ།’ དང་ཡང་ན། དབྱིན་ཡིག་ཐོག་ tibettimes བཏགས་ཏེ་ཕབ་ལེན་བྱེད་དགོས།
      ཁྱོད་ཀྱི་ཁ་པར་ཨན་ཌོར་ཌི་(Android)རྟགས་ཅན་ཡིན་ན་(Play Store)ཞེས་པའི་ནང་དབྱིན་ཡིག་ཐོག་ tibettimes བཏགས་ཏེ་ཕབ་ལེན་བྱེད་དགོས།

  13. བསྟན་པ་རྒྱལ་མཚན།

    བོད་ཀྱི་དུས་བབ་རྩོམ་སྒྲིག་པ་ལགས། དྲ་ཚིགས་ག་བ་ནས་དུས་བབ་མཉནེ་ཆས་ཕབ་ལེན་བྱེད་དགོས་པ་རེད། མཉེན་ཆས་གསར་པ་ཕབ་ལེན་བྱེད་སའི་འབྲེལ་ཐག་ཅིག་བསྐུར་གནང་རོགས།

    1. བོད་ཀྱི་དུས་བབ། Post author

      བསྟན་པ་རྒྱལ་མཚན་ལགས། ཁྱོད་ཀྱི་ལག་ཐོག་ཁ་པར་ཀུ་ཤུ་(IOS)རྟགས་ཅན་ཡིན་ན་(app store)ཞེས་པའི་ནང་ལ། ‘བོད་ཀྱི་དུས་བབ།’ དང་ཡང་ན། དབྱིན་ཡིག་ཐོག་ tibettimes བཏགས་ཏེ་ཕབ་ལེན་བྱེད་དགོས།
      ཁྱོད་ཀྱི་ཁ་པར་ཨན་ཌོར་ཌི་(Android)རྟགས་ཅན་ཡིན་ན་(Play Store)ཞེས་པའི་ནང་དབྱིན་ཡིག་ཐོག་ tibettimes བཏགས་ཏེ་ཕབ་ལེན་བྱེད་དགོས།

  14. བོད་ཕྱི་ནང་གཉིས་སུ་སྔ་ན་མེད་པའི་བོད་ཡིག་རྐྱང་པའི་མཉེན་ཆས་ཚད་ལྡན་ཞིག་བཟོ་གནང་བར་སྔགས་བརྗོད་གྲངས་མེད་ཞུ།

  15. མཉན་ཆས་གསར་པ་ཕབ་ལེན་བྱས་ཚར་ཡིན། ཤིན་ཏུ་སྤུས་དག་མོ་འདུག བོད་ཀྱི་དུས་བབ་ཀྱི་ལས་བྱེད་ཡོངས་ལ་ཐུགས་རྗེ་ཆེ་ཞུ། བོད་ཀྱི་དུས་བབ་ཀྱི་ལས་དོན་མདུན་ནས་མདུན་དུ་བསྐྱོད་པར་ཤོག