ཨ་རིའི་གྲོས་ཚོགས་གོང་མའི་ནང་ཐའེ་ཝན་ལ་བཟུང་བའི་ཁྲིམས་འཆར་ལ་སྤྱི་མོས་རྒྱབ་སྐྱོར་ཐོབ།

ཕྱི་ལོ་ ༢༠༡༩ ལོའི་ཐའེ་པེར་བཟུང་བའི་ཁྲིམས་འཆར་ལ་ཨ་རིའི་གྲོས་ཚོགས་གོང་མ་ནས་སྤྱི་མོས་རྒྱབ་སྐྱོར་ཐོབ་ཡོད་པ་དང་མ་འོངས་ཉིན་བཅུའི་ནང་ཚུན་དུ་སྲིད་འཛིན་ཊོམ་ཕུ་མཆོག་ནས་མཚན་རྟགས་བསྐྱོན་དགོས་ཀྱི་ཡོད་འདུགཁ་སང་ཕྱི་ཚེས་ ༣༠ ཉིན། ཨ་རིའི་གྲོས་ཚོགས་གོང་མའི་ནང་ཐའེ་ཝན་དང་ཕྱི་འབྲེལ་ཡོད་པའི་རྒྱལ་ཁབ་ཁག་མུ་མཐུད་གནས་ཐབས་ཆེད་བཏོན་པའི་ཕྱི་ལོ་ ༢༠༡༩ ལོའི་ཐའེ་པེར་བཟུང་བའི་ཁྲིམས་ཁྲིམས་འཆར་དེ་སྤྱི་མོས་གཏན་འབེབ་གནང་ཡོད་པ་མ་ཟད། འཐུས་མི་འགའ་རེས་ཨ་རིའི་གཞུང་ནས་ཐའེ་ཝན་རང་བཙན་རྒྱལ་ཁབ་ཅིག་ལ་ངོས་འཛིན་དགོས་པའི་དགོངས་ཚུལ་ཡང་གསུངས་ཡོད་འདུག

མ་འོངས་ཉིན་བཅུའི་ཚུན་དུ་སྲིད་འཛིན་ཊོམ་ཕུ་མཆོག་ནས་དེ་ལ་རྒྱབ་སྐྱོར་གྱི་མཚན་རྟགས་བསྐྱོན་རྗེས། ཐའེ་ཝན་ལ་གནོད་སྐྱོན་གཏོང་བའི་བྱ་སྤྱོད་རིགས་སྤེལ་མཁན་གྱི་རྒྱལ་ཁབ་ཚོར་ཨ་རིའི་གཞུང་ནས་དཔལ་འབྱོར་དང་བདེ་སྲུང་། ཕྱི་འབྲེལ་བཅས་ཉུང་འཕྲིའི་ཉེས་གཅོད་རྒྱུ་དང་། རྒྱལ་སྤྱིའི་ཚོགས་སྡེ་ཁག་གི་ནང་ཐའེ་ཝན་མཉམ་ཞུགས་བྱེད་པར་རོགས་རམ་དང་། རྒྱལ་སྤྱིའི་སྡིངས་ཆའི་ཐོག་པེ་ཅིན་གཞུང་དང་མཉམ་ཐའེ་ཝན་ཞུགས་རྒྱུར་ཨ་རིའི་གཞུང་ནས་རྒྱབ་སྐྱོར་སོགས་བྱེད་དགོས་ཀྱི་ཡོད་འདུག

ཟླ་འདིའི་ཕྱི་ཚེས་ ༢༩ ཉིན་ཨ་རིའི་གྲོས་ཚོགས་གོང་མའི་ནང་གྲོས་གཞི་དེ་དང་འབྲེལ་ནས་འཐུས་མི་ (Steve Chabot) ལགས་ཀྱིས། ཐའེ་ཝན་ནི་ཞི་བདེ་རྒྱ་མཚོའི་མནའ་འབྲེལ་གནད་འགག་ཅན་ཞིག་ཡིན་པ་དང་། འཛམ་གླིང་གི་རྒྱལ་ཁབ་གཞན་གྱི་མིག་དཔེར་འོས་པ་ཞིག་ཡིན་པ་མ་ཟད། དཔལ་འབྱོར་དང་ཕྱི་སྲིད། དམག་དོན་དང་ཆབ་སྲིད་སོགས་ཀྱི་ཐད་ནས་ཐའེ་ཝན་ནི་རང་བདག་ཅན་ཞིག་ཡིན་པས་ཐའེ་ཝན་ནི་རང་བཙན་རྒྱལ་ཁབ་ཅིག་ཡིན་པ་གསལ་པོ་ཡིན་སྐོར་དང་། ཨ་རིའི་གཞུང་ངོས་ནས་ཐའེ་ཝན་རྒྱལ་ཁབ་ཅིག་ལ་ངོས་འཛིན་དགོས་པའི་དུས་ལ་བསླེབས་ཡོད་སྐོར་སོགས་གསུངས་ཡོད་འདུག

དེ་བཞིན་རྒྱ་ནག་སྐམ་སའི་ཐའེ་ཝན་ལས་དོན་ལྷན་ཁང་གི་མགྲིན་ཚབ་པ་མཱ་ཞོ་ཀང་ (Ma Xiaoguang) གིས། ཐའེ་ཝན་ནི་རྒྱ་ནག་གི་ཆ་ཤས་ཤིག་ཡིན་པ་དང་། ཐའེ་ཝན་གྱི་གནད་དོན་ནི་རྒྱ་ནག་གི་ནང་སྲིད་ཀྱི་གནད་དོན་ཡིན་པས། ཨ་རིའི་གྲོས་ཚོགས་ཀྱི་ཁྲིམས་གཞི་དེ་ནི་རྒྱ་ནག་གཅིག་གི་སྲིད་བྱུས་དང་འགལ་ཡོད་པ་དང་། ཨ་རིའི་གཞུང་ནས་ཐའེ་ཝན་གྱི་གནད་དོན་ལ་གོ་རྟོགས་ཟབ་མོ་རྙེད་དེ། ཨ་རྒྱ་གཉིས་ཀྱི་ཐའེ་ཝན་མཚོ་འགག་གི་མཛའ་འབྲེལ་དང་ཞི་བདེ། བརྟན་བརླིང་བཅས་ལ་དོ་ཕོག་མི་ཡོང་ཆེད་འབྲེལ་མེད་ཀྱི་ཁྲིམས་གཞི་ངན་པ་རྣམས་མཚམས་འཇོག་དང་ཐེ་གཏོགས་བྱེད་མཚམས་འཇོག་དགོས་པའི་ནན་སྐུལ་བྱེད་ཀྱི་ཡོད་སྐོར་སོགས་བརྗོད་འདུགཨ་རིར་བཅའ་སྡོད་ཐའེ་ཝན་སྐུ་ཚབ་དོན་གཅོད་ཁང་གི་གཞུང་འབྲེལ་སྤྱི་ཚོགས་དྲ་ལམ་ངོ་དེབ་ཐོག ཐའེ་ཝན་གྱིས་མུ་མཐུད་ཨ་རིར་མཉམ་འབྲེལ་གཏིང་ཟབ་བཟུང་སྟེ། མཐུན་ཕྱོགས་རྒྱལ་ཁབ་ཁག་མཉམ་དུ་ཧིན་རྡུ་རྒྱ་མཚོའི་ཁུལ་གྱི་ཞི་བདེ་དང་བརྟན་བརླིང་། བདེ་སྡུག་སེལ་ཆེད་ཞབས་འདེགས་ཞུ་རྒྱུ་ཡིན། ཞེས་བཀོད་འདུག

ད་ལྟ་རྒྱལ་སྤྱིའི་ཐོག་ཐའེ་ཝན་གླིང་ཕྲན་དང་ཕྱི་འབྲེལ་ཡོད་མཁན་རྒྱལ་ཁབ་ ༡༥ ལས་ལྷག་མེད་པ་དང་།  རྒྱལ་ཁབ་དེ་དག་མང་ཆེ་ཤོས་གླིང་ཕྲན་རྒྱལ་ཁབ་ཡར་རྒྱས་དེ་ཙམ་ཕྱིན་མེད་པ་ཁག་ཅིག་ཡིན་སྟབས། རྒྱ་ནག་གིས་དཔལ་འབྱོར་གྱི་རོགས་དངུལ་སྤྲོད་པར་ཁ་གཡར་ཏེ་ཐའེ་ཝན་ལ་ཕྱི་འབྲེལ་གཅོད་ཐབས་བྱེད་ཀྱི་ཡོད་པ་དང་། ཕྱི་ལོ་ ༢༠༡༦ ལོར་ལྕམ་ཚའེ་ཡེན་ཝིན་མཆོག་གིས་སྲིད་འཛིན་གྱི་ལས་ཁུར་ཞུས་པ་ནས་བཟུང་། བྷར་ཀི་ན་ཧྥ་སོ་ (Burkina Faso) དང་ཌོ་མི་ནི་ཁ་སྤྱི་མཐུན་རྒྱལ་ཁབ་ (Dominican Republic) ། ཤོ་ཐོམ་དང་པེ་རིན་སི་ཕི་ (Sao Tome and Principe)། པ་ན་མ་ (Panama) ། ཨེལ་སལ་ཝོ་ཌོར་ (El Salvador)། སོ་ལོ་མོན་ (Solomon Islands) བཅས་གླིང་ཕྲན་རྒྱལ་ཁབ་ ༧ གྱིས་རིམ་པ་བཞིན་ཐའེ་ཝན་ལ་ཕྱི་འབྲེལ་བཅད་དེ་རྒྱ་ནག་ལ་ཁ་ཕྱོགས་བསྒྱུར་ཡོད་འདུག

གསར་འགོད་པ། སྐལ་བཟང་སྦྱིན་པ།

བསྐྱར་བཅོས།: ༢༠༡༩/༡༠/༣༡

Leave a Reply

3 thoughts on “ཨ་རིའི་གྲོས་ཚོགས་གོང་མའི་ནང་ཐའེ་ཝན་ལ་བཟུང་བའི་ཁྲིམས་འཆར་ལ་སྤྱི་མོས་རྒྱབ་སྐྱོར་ཐོབ།

  1. ངག་དབང་བྱང་ཆུབ།

    དེང་དུས་ཨ་རིའི་སྲིད་འཛིན་ཋརམ་མཆོག་ནས་ཨ་རིའི་རང་དབང་མང་གཙོའི་གཞུང་གི་མཛད་ཕྱོགས་རྣམས་ཕྱག་ལེན་གནང་བར་ཐུགས་རྗེ་ཆེ་ཞུ་གི་ཡོད།
    མི་ལོ་ ༢༠ གོང་ཐེ་ཝན་འཛམ་གླིང་མཉམ་འབྲེལ་རྒྱལ་ཚོགས་ནང་ཞབས་སྟེག་ཡོད་བཞིན་དུ། ཨ་རིའི་ཕྱི་སྲིད་དྲུང་ཆེ་ཀི་སིང་འཇར་དང་།
    སྲིད་འཛིན་ནེག་སེན་མཆོག་རྣམས་གཉིས་ནས་མི་འབོར་དཔལ་འབྱོར་གནས་སྟང་ལ་དགོང་བཞེས་ཀྱི། ཐེ་ཝེན་གི་ཞབས་སྟེག་དེ་རྒྱ་ནག་གུང་ཕྲན་མགོ་གཙོ་མའོ་ཚེ་ཐུང་ལ་གནང་ནས་རྒྱ་ནག་ལ་བཟང་ཕྱོགས་ཀྱི་འགྱུར་བ་ཞིག་ཡོང་རེ་གནང་ཡང་། རྒྱ་ནག་དམར་ཤོགས་ཚོགས་པས་དང་པོ་མགོ་རྒྱུ་ས་ཞིག་བཙལ།
    དེ་རགས་སོང་ན་དཔུང་པ་རྒྱུས་ཏེ་མཐར་ཡོངས་རྫོགས་ཧམ་ཟ་བྱ་ནག་དམར་པོའི་ལམ་ལུགས་དེ་རང་ཡིན་པ་མཁྱེན་རྟོགས་གསལ་པོ་བྱུང་སྟེ་ད་ཆ་མངས་གཙོའི་ཕྱགས་གནང་བཞེད་དག་ཕྱག་ལེན་དོན་ཁྱོལ་ཡོང་བའི་འབོད་བསྐུལ་ཞུ་བ་དང་ཆབ་ཅིག་མཛད་བཟང་ལྷུན་འགྲུབ་ཡོང་སྨོན་ལམ་སྙིང་ནས་ཞུ།།

  2. རླབས་ཆེན་གྱི་གྲོས་ཆོད་ཞིག་ལ་དངོས་འཛིན་དགོས་པ་རེད། བོད་ལ་འདི་ལྟ་བུ་ཞིག་ཡོང་ཐབས་བྱེད་དགོས་པ་གལ་ཆེན་རེད། འོན་ཀྱང་བོད་ཀྱི་ནང་ནང་འཁྲུག་ལ་མགོ་འཁོར་ནས་འདི་ལྟ་བུ་ལ་ལྟ་མཁན་མེད་པ་འདྲ་བོ་རེད། མགོ་སྐོར་གཏོང་སྟངས་ཀྱི་ཁྲིམས་ལུགས་ཤིག་སྦྱང་ནས་ཡོད་པ་འདྲ། འདི་ལྟ་བུའི་རླབས་ཆེན་གྱི་རྒྱབ་སྐོར་ཚོལ་སྟངས་ཤེས་ཀྱི་མེད་པ་འདྲ།