བགྲེས་ཡོལ་གནང་ན་ཡག་པོ་འདུག

བོད་མི་རང་ཉིད་ཚོ་ཡང་སྔ་འཕྱི་མ་གཏོགས་རང་མགོ་རང་ཐོན་བྱེད་དགོས་པས། ད་ལྟ་ནས་སྦྱོང་བརྡར་གྱི་ལམ་དུ་ཞུགས་པ་བཅས་ཡིན་སྟབས། ཇི་ལྟར་བཤད་རུང་ཁོང་བགྲེས་ཡོལ་དུ་ཕེབས་ན་ལེགས་པར་མཐོང་།

་་་

ལན་དཀྱོག་དཀྱོག་ཅིག་བསླེབས་འདུག་གམ། རྩོམ་སྒྲིག་པས།

རྒྱ་ནག་གིས་གྲངས་ཉུང་མི་རིགས་ཀྱི་སྲིད་བྱུས་ལ་གཞི་རིམ་གྱི་ངོས་འཛིན་ཞིག་ བྱེད་བཞིན་པའམ། ཡང་ན། སྔར་ལོའི་བཙན་བྱོལ་བོད་གཞུང་གི་དགོས་འདུན་ཁག་ལ་ལན་འདེབས་དཀྱོག་དཀྱོག་ཅིག་ བྱས་ཡོད།

་་་

ཅ་ཅོ་མང་བའི་རེ་བ་གཉིས། རྩོམ་སྒྲིག་པས།

བདུན་ཕྲག་འདིའི་ནང་དུ་བགྲོ་གླེང་གལ་ཆེན་གཉིས་བྱུང་ལ། གཉིས་ཀ་སྟོབས་ཤུགས་གལ་ཆེན་གཉིས་ཀྱི་སྐོར་ཡིན་པ་མ་ཟད། ཐད་ཀར་དུ་བོད་དོན་འཐབ་རྩོད་ཀྱི་སྲུང་སྐྱོབ་གལ་ཆེན་གཉིས་ཀྱང་ཆགས་འདུག

་་་

ཞིན་ཅང་ལ་ཉན་པ། རྩོམ་སྒྲིག་པས།

རྒྱ་ནག་གཞུང་གིས་ད་ནས་བཟུང་མི་རིགས་ཀྱི་བར་དུ་འགལ་བ་འཕེན་རྒྱུའི་བྱེད་ཐབས་ འདི་ཕྱིར་བསྡུ་བྱེད་འོས་ལ། ལྷག་པར་དུ། སྔར་ལོ་དང་ད་ལོའི་ཞི་རྒོལ་དང་ཟིང་ཆར་ཉན་རྗེས་མི་རིགས་ཀྱི་གནད་དོན་ལ་བསྐྱར་ ཞིབ་བྱས་ཏེ། བོད་དང་ཡུ་གུར་མི་རིགས་ཀྱིས་གཙོས་པའི་གྲངས་ཉུང་མི་རིགས་རྣམས་ལ་ཡང་དག་པའི་ སྲིད་བྱུས་ཤིག་གཏན་འབེབས་བྱེད་པའི་དུས་ལ་བབ་ཡོད།

་་་

བོད་དང་ཞིན་ཅང་གི་ན་ཟུག རྩོམ་སྒྲིག་པས།

གྲངས་ཉུང་མི་རིགས་ཀྱི་དཀའ་རྙོག་ཐད་ནས། རྒྱ་ནག་གཞུང་ལ་ན་ནིང་ལས་ལྷག་པའི་གདེང་ཚོད་ཅིག་ད་ལོར་འདུག རྒྱ་མི་རིགས་ཀྱིས་གྲངས་ཉུང་མི་རིགས་ལ་འཛིན་པའི་སྡང་ཟིག་དང་ཤ་འཁོན་རིགས་ཤིག་ ཀྱང་གཞུང་གི་དྲིལ་བསྒྲགས་དང་མཉམ་དུ་ངར་ངར་རྫིག་རྫིག་གིས་ཡོང་གིན་འདུག

་་་

ཉི་མ་ ༡༠༠ སྣོན་ཐུབ་བམ། རྩོམ་སྒྲིག་པས།

བོད་མི་མང་པོ་ཞིག་གིས་སྐབས་རྗེས་མའི་བཀའ་ཁྲིའི་འོས་འདེམས་ཕྱོགས་ལ་བགྲོ་ གླེང་གནང་བཞིན་འདུག ལས་འགུལ་ཡང་རྩོམ་གྱིན་འདུག འོན་ཀྱང་། འོས་བསྡུའི་སྒྲིག་གཞིའི་དགོངས་དོན་ལྟར་ན། འདི་ནི་ལོ་རེ་ཟུང་རྗེས་ཀྱི་དོན་གནད་ཅིག་ཡིན་སྟབས། ལས་འགུལ་དེ་དག་ལ་ནུས་པ་འཐོན་གྱི་མི་འདུག་པ་མ་ཟད། ལྷོད་གཡེང་གི་སྣང་བ་ཞིག་འདུག ད་ནི་ང་ཚོས་བཀའ་ཁྲི་རྗེས་མ་དེ་མ་ནོར་མ་འཁྲུལ་བ་ཞིག་བརྙེད་ཆེད་འོས་བསྡུའི་ སྒྲིག་གཞི་ལ་འགྱུར་བ་ཞིག་གཏོང་དགོས་པར་འདོད།

་་་

གཤིས་ཀ་ཞིག་མཚོན་ཚུལ། རྩོམ་སྒྲིག་པས།

ཉིན་དེར་གངས་སྐྱིད་ཀྱི་གཞུང་ཞབས་ལས་བྱེད་ཅིག་དང་མཉམ་དུ་དྲ་རྒྱའི་སྐོར་ནས་ རྩོད་པ་བྱས། ཁོས། རྒྱ་ནག་གིས་བོད་ཕྱི་ཕྱོགས་ཀྱི་དྲ་རྒྱ་རྣམས་བཀག་འདུག་ཚུལ་སྐྱོན་བརྗོད་བྱས། ངས་ཁོ་ལ། དེ་བདེན་པ་རེད། ཡིན་ཡང་། བཙན་བྱོལ་བོད་གཞུང་གིས་ཀྱང་གཞུང་གི་བོད་ཡིག་དྲ་རྒྱ་དེ་བོད་ཕྱི་ནང་གཉིས་ཀར་བཀག་འདུག་ཅེས་ལན་བཏབས།

་་་

དྲུག་བཞི་དང་གསུམ་གཅིག་བཞི། རྩོམ་སྒྲིག་པས།

པེ་ཅིན་དང་ལྷ་ས་གཉིས་ཀྱི་གང་ཡིན་ཡང་རྒྱ་ནག་གཞུང་ལ་མཚོན་ན་ལོ་འདིར་ཆེས་དོགས་ ཟོན་དང་དམ་དྲག་བྱེད་སའི་ལོ་རྒྱུས་ཀྱི་ས་ཚིགས་གཉིས་ཡིན། ས་ཚིགས་འདི་གཉིས་སུ་རྒྱ་ནག་གཞུང་གིས་སློབ་ཆེན་སློབ་ཕྲུག་ནས་ཉམ་ཐག་ཕྱུགས་ རྫི་བར་གྱི་ཉེས་མེད་མི་སེར་དམར་གསོད་བྱས་མྱོང་། ཡིན་ཡང་། ལོ་རྒྱུས་དེ་དག་གུང་ཁྲན་ཏང་གི་མགོ་ཁྲིད་ཚོས་དྲན་པ་ནང་བཞིན་ཞིག་སུ་གཅིག་གི་ ཡིད་ལའང་དྲན་མེད་ཚོད་ཡིན།

་་་