མཇུག་འབྲས་མེད་པའི་གྲོས་མོལ།

སྤྱི་ལོ༢༠༠༠ལོར ། ང་ཨ་རི་ནས་སྐུ་ཞབས་རྒྱ་རི་བློ་གྲོས་དང་འཕྲད་སྐབས་ཁོང་གིས ། ”ཁྱེད་ཀྱི་བོད་རྒྱ་མི་རིགས་གཉིས་ཀྱིས་གྲོས་མོལ་གྱི་མདུན་ལྗོངས་ལ་ལྟ་ཚུལ་གང་འདྲ་བཟུང་ཡོད་“ ཅེས་དྲིས་བྱུང་ ། ངས་ཁོང་ལ། “ང་རང་ལ་ཡིད་སྐྱོ་བའི་སྣང་ཚུལ་ཅིག་བྱུང་སོང་ ། རྒྱུ་མཚན་ནི་གྲོས་མོལ་འདི་གདོང་དང་གདོང་གཏད་དེ་སྐད་ཆ་བཤད་པ་ལྟ་བུའི་ལས་སླ་བོ་ཞིག་གཏན་ནས་མ་རེད ། ཐོག་མ་ནས་གྲོས་མོལ་གྱི་རྗེས་ནས་ཅི་ཞིག་བྱེད་རྒྱུ་རྟོགས་དགོས་པ་མ་ཟད ། ཅི་ཞིག་བྱེད་ཐུབ་པའང་ཤེས་དགོས་པ་རེད ། གལ་ཏེ ། པེ་ཅིན་ཕྱོགས་ནས་གུ་ཡངས་སུ་མ་བཏང་བར་ཁེར་རྐྱང་དུ་གྲོས་མོལ་གླེང་བ་ཡིན་ན་གཞན་དབང་དུ་འགྱུར་སྲིད་པ་ཞིག་རེད ། ངས་ཀྲུང་གོའི་ཕྱོགས་ནས་གུ་ཡངས་སུ་འགྲོ་བཞིན་པ་ཅི་ཡང་མཐོང་གི་མི་འདུག ། དེར་བརྟེན་གྲོས་མོལ་གྱི་ལམ་ཁ་དེ་མུ་མཐུད་གནས་རྒྱུ་ཁག་པོ་རེད་བསམ་” ཅེས་ལན་བཏབས་པ་ཡིན ། དེའི་རྗེས་ཀྱི་འཕེལ་རྒྱས་དེས་ངའི་ཚོད་དཔག་ནོར་སོང་བ་བདེན་དཔང་བྱས་སོང་ ། གྲོས་མོལ་མགོ་བརྩམས་པ་མ་ཟད།　གྲོས་མོལ་རིམ་པ་ལྔར་བྱས་སོང་　། ཡིན་ཡང་མཇུག་འབྲས་ནི་ང་རང་གིས་སྔོན་ཆད་ཚོད་དཔག་བྱས་པ་བཞིན་འགྲུབ་མ་སོང་ ། ད་ལྟའི་བར་དུ་པེ་ཅིན་ཕྱོགས་ནས་གུ་ཡངས་སུ་བཏང་མ་སོང་ལ་གཏོང་ཡང་མི་སྲིད་པ་ཞིག་རེད ། སྔོན་ཆད་ཀྱི་ངའི་ཚོད་དཔག་ལྟར་ན　།　ཁོང་ཚོས་གྲོས་མོལ་བྱེད་མི་སྲིད་པ་ཞིག་རེད ། རྒྱུ་མཚན་ནི་ངས་གྲོས་མོལ་དེར་བརྒྱུད་རིམ་ཞིག་གི་ལྟ་སྟངས་བཟུང་ཡོད ། སྤྱིར་ན་དམིགས་ཡུལ་ནི་གནད་དོན་ཐག་བཅད་པའི་མཇུག་འབྲས་དེ་ཡིན་དགོས་ལ ། བཙན་བྱོལ་བོད་གཞུང་གི་ཕྱོགས་ནས་གྲོས་མོལ་ལ་འདི་ལྟར་རེ་བ་རྒྱག་གི་ཡོད་པ་རེད ། 　བསམ་མི་ཕོད་པ་ཞིག་ལ།　པེ་ཅིན་གྱི་ཕྱོགས་ནས་གྲོས་མོལ་ཏེ་དམིགས་ཡུལ་ཞིག་ཏུ་ངོས་འཛིན་བྱེད་པ་ལས་ཁོང་ཚོར་མཇུག་འབྲས་གཏན་ནས་དགོས་ཀྱི་མེད་ལ ། མཇུག་འབྲས་ཡོད་འདོད་ཀྱང་མེད ། ཁོང་ཚོར་བརྒྱུད་རིམ་ཡོད་པ་ཙམ་གྱིས་འགྲིག་ཚར་བ་རེད ། ཁོང་ཚོས་མགོ་བརྩམས་པ་ནས་བཟུང་གྲོས་མོལ་དེ་དུས་ཡུན་རིང་པོ་ཞིག་ལ་ནར་བསྲིང་བྱ་རྒྱུ་དེ་རེད ། འདི་ལྟར་ལས་པ་ཁོང་ཚོ་སྤྱང་དྲགས་པའི་དབང་གིས་ཡིན་སྲིད ། རྒྱལ་སྤྱིའི་སྤྱི་ཚོགས་ཀྱི་སྐྱོན་བརྗོད་ཀྱི་ཁ་གཡར་ས་མེད་པ་དང་འཛམ་གླིང་རྒྱལ་ཁབ་ཁག་གིས་སྐུལ་འདེད་བྱས་པའི་གྲོས་མོལ་གྱི་ལམ་ཁ་གཞན་དབང་དུ་མི་འགྲོ་བས་ཡིན ། མཇུག་འབྲས་མེད་པ་མ་གཏོགས་གྲོས་མོལ་བྱེད་བཞིན་པའི་སྒང་ཡིན ། ཡིན་ཡང༌།　འདིའི་མཇུག་འབྲས་དུས་ནམ་ཡང་འགྲུབ་མི་ཐུབ་པ་ཞིག་རེད་བསམ ། གྲོས་མོལ་དང་གྲོས་མོལ་བྱས་པས་རྣམ་འགྱུར་སྔོན་ལས་ཡག་ཏུ་ཕྱིན་ཡོད་ནའང་ཁྱེད་ཀྱིས་བཤད་པར་ཉན་པ་ཁོ་ན་ཙམ་གྱིས་འབྲས་བུ་ཅི་ཡང་མེད་པ་རེད ། གང་ལྟར་བཙན་བྱོལ་བོད་གཞུང་ནི་ང་ཚོ་རང་ལག་ཏུ་ཡོད་པ་བཞིན ། ལོ་གཅིག་གི་ནང་གྲོས་མོལ་གཅིག་བྱས་ནའང་འདྲ་གཉིས་བྱས་ནའང་ཆོག གང་ལྟར་རྒྱུན་རིང་པོར་གྲོས་མོལ་བྱས་ན་མཐར་ཐུག་ཡུན་གནས་དང་རྒྱུན་འཁྱོངས་མི་ཐུབ་པ་ནི་ཏཱ་ལའི་བླ་མའི་སྐུ་ཚེ་དང་བོད་མི་རིགས་ཀྱི་བཟོད་བསྲན་ཡིན ། ངའི་བསམ་ཚུལ་ལྟར་ན།　འདི་ནི་ད་ལྟའི་ཆར་བོད་རྒྱའི་གྲོས་མོལ་ལས་བྱུང་བའི་དོན་དངོས་དེ་ཡིན་པས། བཙན་བྱོལ་བོད་མིའི་ཕྱོགས་ནས་ངེས་པར་དུ་གྲ་སྒྲིག་གང་ལེགས་བྱེད་དགོས ། འདི་ལྟར་ཡུན་རིང་ཕྱིན་ཚེ་དུས་ཚོད་ཀྱི་འགོར་འགྱངས་མ་གཏོགས་བཟང་ཕྱོགས་ཀྱི་འགྱུར་བ་ཅི་ཡང་འགྲོ་མི་ཐུབ་ལ་ “བོད་རེ་བས་ཕོངས” “རྒྱ་དོགས་པས་ཕོངས” ཅེས་པའི་གནའ་བོའི་བཤད་རྒྱུན་དེའང་དོན་ཐོག་ཏུ་འཁེལ་སྲིད་པ་ཞིག་རེད། གལ་ཏེ།　གྲོས་མོལ་བྱེད་དང་མི་བྱེད་ང་ལ་དྲིས་པ་ཡིན་ན ། ངའི་འདོད་ཚུལ་ནི་གྲོས་མོལ་བྱེད་རྒྱུ་དེ་ཡིན ། མ་འོངས་པར་གདམ་གསེས་གཞན་མ་བྱུང་བའི་བར་དུ་ང་ཚོའི་ཀྲུང་གོའི་སྲིད་དབང་འགྱུར་བ་འགྲོ་བར་རེ་སྒུག་བྱེད་བཞིན་ཡོད ། ད་ཆ་གནས་སྟངས་ཡག་ཏུ་འགྲོ་བའི་ཞབས་རྗེ་ཕྲ་མོ་ཙམ་ཡང་མ་མཐོང་ཡང་ ། ལན་རེར་ལོ་རྒྱུས་ཀྱི་འཕེལ་རྒྱས་ནི་བསམ་ཡུལ་ལས་འདས་པ་ཞིག་ཡིན་ཕྱིན་མ་མཐར་ཡང་ང་ཚོའི་མུ་མཐུད་ནས་གྲོས་མོལ་རྒྱུན་མཐུད་བྱས་ཏེ་འཛམ་གླིང་རྒྱལ་ཁབ་གཞན་དག་ལ་བོད་ཀྱི་ལྷག་བསམ་རྩེར་སོན་པ་དེ་བདེན་དཔང་དང་ ། མ་འོངས་བོད་ཀྱི་གདམ་ཀ་གསར་བར་མིང་དོན་མཚུངས་ཤིང༌།　གཏམ་ལུགས་དང་མཐུན་པའི་གྲོས་མོལ་གྱི་བར་སྣང་ཞིག་འགྲུབ་པར་རེ་བ་བྱེད་བཞིན་ཡོད ། ལམ་ཁ་གཅིག་གི་སྟེང་ནས་ཤི་རྒྱུའི་བསམ་ཚུལ་འཛིན་མི་རུང་ལ།　ངེས་པར་དུ་ལམ་ཁ་གཞན་ཞིག་གིས་སྟེང་ནས་མཐར་ལམ་འཚོལ་དགོས ། པེ་ཅིན་གྱི་ཕྱོགས་ནས་མཐོང་ཐུབ་པ་ནི ། ཁོང་ཚོའི་བོད་ལ་ལག་ལེན་བྱེད་པའི་ཐབས་ལམ་དེ་ཐེ་ཝན་དང་གཅིག་མཚུངས་གིས་བྱེད་ཐབས་སྤྱོད་བཞིན་པ་དེ་རེད ། པེ་ཅིན་དང་ཐེ་ཝན་དབར་གྱི་གྲོས་མོལ་ཁྲོད་ཕྱོགས་གཉིས་ཀྱི་གནས་སྟངས་རྩ་བ་ནས་ལྡོག་སྟེ་གནས་ཡོད་འདུག　། ཐེ་ཝན་གྱི་གྲོས་མོལ་དེ་དམིགས་ཡུལ་དུ་བཟུང་ཡོད་པ་དང༌། གྲོས་མོལ་གྱི་ལན་དུ་གྲོས་མོལ་བྱེད་པ་མ་གཏོགས་མཇུག་འབྲས་མེད་པ་ཤེས་ཡོད　། རྒྱ་ནག་ཕྱོགས་ནས་གང་ལྟར་ཐེ་ཝན་རང་ལག་ཏུ་ཡོད་པ་དང༌།　　བར་མ་ཆད་པར་ཐེ་ཝན་རང་བཙན་ཐོབ་པའི་བར་དུ་གྲོས་མོལ་བྱེད་རྒྱུའི་བསམ་འདུན་བཅངས་ཡོད་པ་རེད། པེ་ཅིན་གྱི་ཐེ་ཝན་གནད་དོན་ལ་རེ་བ་མེད་པ་ཤེས་བཞིན་དུ་བོད་ཀྱི་གནད་དོན་ལའང་བྱེད་ཐབས་འདི་ལག་ལེན་མ་བྱས་ན་བསམ་བྱུང་།