ལག་གཡོན་པ་རྒྱ་ནག་ལ་བསྲིངས་ཤིང་ལག་གཡས་པ་རྒྱལ་སྤྱིའི་སྤྱི་ཚོགས་ལ་འསྲིངས་ཡོད།

ལག་གཡོན་པ་རྒྱ་ནག་ལ་བསྲིངས་ཤིང་ལག་གཡས་པ་རྒྱལ་སྤྱིའི་སྤྱི་ཚོགས་ལ་འསྲིངས་ཡོད།
འཇར་མན་རླུང་འཕྲིན།
༢༠༠༨ལོའི་ཟླ་༥ཚེས༡༩ཉིན་གྱི་ཞོགས་པར། ཏཱ་ལའི་བླ་མས་འཇར་མན་ཡར་རྒྱས་རོགས་སྐྱོརབློན་ཆེན་ལྕམ་ཧར་ཊར་མ་རི་མཆོག་དང་མཇལ་འཕྲད་གནང་གྲུབ་རྗེས་ཆུ་ཚོད་གཉིས་ཀྱི་རིང་རྒྱ་ནག་གི་གསར་འགོད་པ་ཁག་ཅིག་གིས་མཉམ་འབྲེལ་བཅར་འདྲི་དང་ལེན་གནང་བ་དང༌། འདི་ནི་ཏཱ་ལའི་བླ་མས་འཇར་མན་ནང་རྒྱ་མིའི་གསར་འགོད་པ་ཚོར་ཐུག་འཕྲད་གནང་བ་ཐེངས་དང་པོ་དེ་ཆགས་ཡོད་པ་དང༌། གསར་འགོད་པ་ཚོའི་ཁྲོད་འཇར་མན་ས་གནས་ཀྱི་རྒྱ་ཡིག་སྡེ་ཚན་གཙོས་འཇར་མན་ས་གནས་ཀྱི་རྒྱ་ཡིག་ཚགས་པར་ཁག་གི་གསར་འགོད་པ་ལས་གཞན། ད་དུང་རྒྱ་ནག་གཞུང་འབྲེལ་ཀྲུང་དབྱང་བརྙན་འཕྲིན་ཁང་དང༌།  ཞིན་ཧ་གསར་འགྱུར་ལས་ཁུངས།མི་མང་ཉིན་རེ་ཚགས་པར། རྒྱ་ནག་རྒྱལ་སྤྱིའི་རླུང་འཕྲིན་ཁང༌། ཀང་མེན་ཚགས་པར།  འཛམ་གླིང་དུས་བབ། གྲོང་ཁྱེར་ཧྲང་ཧེ་ཡིས་བིན་ཧེ་ཚགས་པར་བཅས་ཀྱི་འཇར་མན་གནས་སྡོད་གསར་འགོད་པ་ཚོ་ཡོད་ལ། ཨ་ཀྱཱ་རིན་པོ་ཆེ་ཡིས་ཐེངས་འདིའི་བཅར་འདྲི་ཡི་སྐད་བསྒྱུར་གནང་ཡོད་པ་རེད།
དྲི་བ།  བཙན་བྱོལ་བོད་གཞུང་དང་པེ་ཅིན་གཉིས་ཀྱི་བར་གྲོས་མོལ་ཐེངས་བདུན་ལ་གནང་ཡོད་པ་དང༌། ད་ལྟའི་བར་ཡར་རྒྱས་ཅི་ཡང་ཕྱིན་མེད་པའི་རྒྱ་རྐྱེན་ཅི་ཞིག་ཡིན་ནམ། ཐེངས་རྗེས་མའི་གྲོས་མོལ་ལ་ཁྱེད་ཀྱིས་རེ་བ་ཅི་ཞིག་བཟུང་ཡོདདམ།
ལན། ༢༠༠༢ལོ་ནས་བཟུང་ཕྱོགས་གཉིས་ཀྱི་འབྲེལ་བ་བསྐྱར་ཏུ་འགོ་བཙུགས་ཏེ་ད་ལྟའི་འབྲེལ་མོལ་གྱི་སྔོན་དུ། ང་ཚོ་དང་པེ་ཅིན་སྐུ་ཚབ་དབར་འབྲེལ་མོལ་ཐེངས་དྲུག་པ་བྱུང་ཡོད་ལ་དེའི་ཁྲོད་ཀྱི་འབྲེལ་མོལ་ཐེངས་ལྔ་བ་དེ་༢༠༠༧ལོའི་ཕྱི་ཟླ་༢པའི་ནང་བྱུང་བ་དང༌། སྐབས་དེར་ཀྲུང་དབྱང་འཐབ་ཕྱོགས་གཅིག་གྱུར་ལས་ཁུངས་ཀྱི་བློན་ཆེན་གཞོན་པ་ཀྲུའུ་ལྦེ་ཆོན་གྱིས་ཏཱ་ལའི་བླ་མའི་བོད་རང་བཙན་རྩོད་ཀྱི་ཡོད་པ་མ་རེད་ཅེས་གསལ་བོར་བརྗོད་ཡོད་པ་རེད། ཡིན་ན་ཡང་༢༠༠༧ལོའི་ཕྱི་ཟླ ༤བ་དང༥ ནས་འགོ་བཙུགསཏེ་བོད་རང་བཙན་ཁ་བྲལ་སྟོབས་ཤུགས་ལ་སྐྱོན་བརྗོད་ཀྱི་སྐད་ཆ་དྲག་ཏུ་ཕྱིན་པ་དང༌།  ཐེངས་དྲུག་པའི་འབྲེལ་མོལ་སྐབས་གཞུང་འབྲེལ་གྱི་རྣམ་འགྱུར་ཧ་ཅང་འཁྲེགས་པོ་རུ་ཡོད་པ་རེད། ད་ལྟ་རང་མཇུག་རྫོགས་པའི་ཐེངས་བདུན་པའི་འབྲེལ་མོལ་ནི་ཟླ ༣ པའི་ཚེས་༡༤ ཉིན་གྱི་དོན་རྐྱེན་རྒྱབ་ལྗོངས་བྱས་ཡོད་པའི་སྔོན་ཆད་དང་བསྡུར་ན་བྲེལ་འཚུབ་དང་དམིགས་བསལ་ཅན་ཞིག་ཆགས་ཡོད། སྲིད་འཛིན་ཧུའེ་ཅིན་ཐོ་སྐུ་དངོས་ཀྱི་འཚམས་འདྲི་དང་འབྲེལ་མོལ་གྱི་གནས་ཚུལ་ཧ་ཅང་དོ་སྣང་བྱས་པ་དང༌། ཕྱོགས་གཉིས་ཀྱིས་ཕྱི་ཟླ༥པའི་བདུན་ཕྲག་གཉིས་པའི་ནང་འབྲེལ་མོལ་ཐེངས་རྗེས་མ་གནང་རྒྱུའི་དུས་ཆད་བྱས་ཡོད་པ་རེད།འདི་ནི་རྒྱ་ནག་སྲིད་གཞུང་གིས་ཐེངས་དང་པོར་ང་ཚོའི་འབྲེལ་མོལ་སྐོར་ཕྱི་ལ་ཁྱབ་བསྒྲགས་བྱས་པ་དེ་རེད།  མིག་སྔར་དངོས་ཡོད་ཀྱི་གྲུབ་འབྲས་ཤིག་བྱུང་མེད་ནའང་ངའི་བསམ་པར་རྣམ་པའི་སྟེང་ནས་ཇེ་གསལ་དུ་གྱུར་ཡོད་པ་དང༌། མ་འོངས་པར་ཡང་གསལ་བོ་ཆགས་པའི་རེ་བ་ཡོད། ང་ཚོའི་འབྲེལ་མོལ་གྱི་ནང་དོནགཙོ་བོ་ནི་ཇི་ལྟར་བོད་ཁུལ་དུ་མང་གཙོ་དང༌། ཆོས་ལུགས་སྲིད་ཇུས། རྩ་ཁྲིམས་ལག་བསྟར་བྱུ་རྒྱུ་དེ་ཡིན་པ་རེད།
དྲི་བ། ཁྱེད་ཀྱིས་བརྗོད་བཞིན་པའི་བོད་ཁུལ་ཟེར་བ་དེ་གང་སྟོན་གྱི་ཡོད་དམ། འཇར་མན་སྲིད་བློན་ཟུར་བ་ཧྲི་མུས་ཐི་ལང་གིས་ཉེ་ཆར་དུས་རབས་བདུན་རེ་གསར་དེབ་སྟེང་དཔྱད་བརྗོད་ཞིག་སྤེལ་ཏེ་ཁྱེད་ཀྱིས་མཚོ་སྔོན་དང་ཀན་སུའུ། ཡུན་ནན། ཟི་ཁྲོན་བཅས་ཀྱི་བོད་རིགས་འདུས་སྡོད་ས་ཁུལ་ཡོངས་རྫོགས་བོད་ཆེན་པོའི་ས་ཁྲའི་ནང་བཅུག་པ་ནི་ནོར་འཁྲུལ་རེད་ཅེས་སྐྱོན་བརྗོད་ཡོད་པ་རེད། ཁྱེད་ཀྱིས་གནད་དོན་དེའི་ཐད་ནས་འཐབ་ཇུས་རང་བཞིན་གྱི་ཕྱི་སྣུར་རྒྱག་སྲིད་དམ།
ལན། ངའི་སྔོན་མ་ནས་བོད་ཆེན་པོའི་ས་ཁུལ་ཟེར་ནས་བརྗོད་མྱོང་མེད། རྩ་ཁྲིམས་ཀྱིས་གཏན་འབེབས་བྱས་པའི་རང་སྐྱོང་ལྗོངས་ལས་གཞན། ད་དུང་རང་སྐྱོང་ཁུལ་དང༌། རང་སྐྱོང་རྫོང་ཡོད་པ་རེད། ཉེ་སྔོན་གྱི་རྔམ་སྟོན་དང་དྲག་པོའི་་དོན་རྐྱེན་དེ་ཡང་རང་སྐྱོང་ལྗོངས་ཀྱི་ཕྱི་ལོགས་སུ་མང་པོ་བྱུང་བ་ཡིན་པས།  ས་ཁུལ་འདི་ཚོའི་གནད་དོན་ངེས་པར་ཏུ་ཐག་གཅོད་དགོས་པ་ལས་གསལ་སྟོན་བྱས་ཡོད་མོད། ཡིན་ནའང༌། ང་རང་ས་ཁུལ་འདི་ཚོའི་དང་བླངས་ཀྱི་་མགྲིན་ཚབ་པ་ཞིག་བྱེད་ན་བསམ་ཡོད།  སྔོན་ཆད་༡༩༧༩ལོར་ང་རང་གིས་ཏཱ་ལའི་བླ་མའི་ལམ་ལུགས་དེ་མུ་མཐུད་གནས་དགོས་མིན་ནི་བོད་མི་མང་གིས་ཐག་གཅོད་བྱེད་དགོས་པ་ཡོད་ལ།  ༡༩༩༢་ལོ་ངའི་གནད་དོན་དེ་བསྐྱར་ཏུ་བརྗོད་པ་ཡིན་ལ་སྐབས་དེར་ངས་བོད་ལ་དོན་སྙིང་ལྡན་པའི་རང་སྐྱོང་ངོ་མ་ཞིག་མངོན་དུ་གྱུར་ཚེ་ཏཱ་ལའི་ལམ་ལུགས་རྩིས་མེད་དུ་བཏང་སྟེ་དབང་ཆ་ས་གནས་སྲིད་གཞུང་ལ་སྤྲོད་ཐག་གཅོད་བྱས་ཡོད། རང་སྐྱོང་ནི་ཞིབ་ཚགས་ཆེ་བའི་གནད་དོན་ཞིག་ཡིན་ལ།  ཞིབ་ཚགས་སྒོས་བགྲོ་གླེང་དང་ཞིབ་འཇུག་བྱེད་དགོས་པ་རེད།  མི་འབོར་འདུས་སྡོད་ཆེ་བའི་ས་ཁུལ་ནས་ཉུང་བའི་ས་ཁུལ་ཕྱོགས་སུ་གཞིས་སྤོར་བྱེད་པ་དེ་རྒྱུ་མཚན་ལྡན་མོད་བོད་དེ་དམིགས་གསལ་ཞིག་ཡིན།  ང་རང་གིས་ཀྱང་རྒྱ་བོད་མཐུན་སྒྲིལ་དགོས་པ་བརྗོད་ཀྱི་ཡོད་ལ།  དཔེར་ན་རྒྱ་རིགས་ཀྱི་ཟས་སྣ་ཞིམ་པོ་བོད་རིགས་ལ་ངོ་སྤྲོད་བྱེད་ཆོག་ལ་བོད་རིགས་ཚོས་ཀྱང་རྒྱ་རིགས་ལ་སེམས་ཀྱི་རྒྱགས་ཕྱེ་མཁོ་སྤྲོད་ཐུབ་པ་རེད། མིག་སྔར་ལྷ་ས་རུ་རྒྱ་རིགས་ཁྲི་༢༠དང་བོད་རིགས་ཁྲི་༡༠ཡོད་པ་རེད།  བོད་ནས་རྒྱ་གར་དུ་སློབ་གཉེར་ལ་བསྐྱོད་པའི་གཞོན་སྐྱེས་མི་ཉུང་བ་ཞིག་ཡོད་ལ། ངས་ཁོང་ཚོའི་སྟེང་ནས་བཙན་བྱོལ་བོད་མི་དང་མི་འདྲ་བའི་གཤིས་ཀ་ཞིག་མཐོང་གི་འདུག   དེར་བརྟེན་ངས་བོད་ཀྱི་རིག་གཞུང་ཉམས་བཞིན་ཡོད་པའི་ཚོར་རྟོགས་བྱུང༌། ཡིན་ནའང༌། གསར་འགྱུར་བརྒྱུད་ལམ་ཁག་ཅིག་གིས་ངས་རྒྱ་རིགས་དེ་བོད་ཀྱི་ས་ཁུལ་ནས་གཞིས་སྤོས་ཏེ་འགྲོ་དགོས་པའི་དགོས་འདུན་འདོན་གྱི་ཡོད་པ་རེད་ཅེས་པ་ནམ་ཡང་བརྗོད་མྱོང་མེད།
དྲི་བ། ཁྱེད་ཀྱིས་བོད་དུ་སྤྱི་ཚོགས་རིང་ལུགས་ཀྱི་ལམ་ལུགསརྩིས་མེད་གཏོང་དགོས་པ་དང༌། རྒྱ་ནག་གི་དམག་དཔུང་ཕྱིར་འཐེན་བྱེད་དེ་རང་སྐྱོང་ཁུལ་འདི་རྒྱལ་སྤྱིའི་ཞི་བདེ་སྒྲིག་འཛུགས་ལ་སྤྲད་དེ་བགྲོ་གླེང་བྱེད་དགོས་པའི་དགོས་འདུན་བཏོན་པ་ཡོད་དམ་མེད།
ལན།  བོད་རང་སྐྱོད་ལྗོངས་ཀྱི་རྒྱལ་སྲུང་དང་ཕྱི་སྲིད་ཀྱི་སྲིད་ཇུས་ཐད་ཀྲུང་དབྱང་སྲིད་གཞུང་གིས་འགན་ཁུར་དགོས་ལ། དེ་ལས་གཞན་རིག་གནས་དང་ཆོས་ལུགས།  ཁོར་ཡུག་གི་ལས་དོན་ཁག་ས་གནས་བོད་པ་ཚོར་སྤྲད་དེ་འཛིན་སྐྱོང་བྱེད་དགོས།  ལམ་ལུགས་གང་ཞིག་ལག་བསྟར་བྱེད་མིན་ནི་ངས་བསམ་པར་བོད་མི་ས་ཡ་དྲུག་ཁྲོད་དུ་བསྐྱར་ཏུ་ཆོས་སྲིད་ཟུང་འབྲེལ་སླར་གསོ་བྱེད་འདོད་ཡོད་མཁན་ནི་གཅིག་ཀྱང་རྙེད་ཀྱི་མ་རེད།  དེང་གི་འཛམ་གླིང་སྟེང་མ་རྩ་རིང་ལུགས་ཀྱིས་སྟོབས་ཤུགས་ངེས་ཅན་བཟུང་ཡོད་མོད། ཡིན་ནའང་ང་རང་ཤར་ཡོ་རོབ་ཁུལ་དུ་འཚམས་འདྲིར་བསྐྱོད་སྐབས་ལྟ་ཚུལ་འདི་འདྲ་ཞིག་བཏོན་མྱོང་སྟེ། མ་རྩ་རིང་ལུགས་དང་སྤྱི་ཚོགས་རིང་ལུགས་ཀྱི་ལེགས་ཆ་མཉམ་འབྲེལ་བྱེད་ཐུབ་བམ། མིག་སྔར་རྒྱ་ནག་སྐམ་ས་ཆེན་མོ་དེ་མ་རྩ་རིང་ལུགས་སུ་བསྐྱོད་དེ་སྤྱི་ཚོགས་རིང་ལུགས་མཚམས་བཞག་ཡོད་པ་རེད། དེར་བརྟེན་དབུལ་ཕྱུག་གི་བར་ཁྱད་ཆེ་རུ་འགྲོ་བཞིན་པ་རེད། ངའི་སྔོན་ཆད་ཆ་རྐྱེན་སྨིན་པའི་གནས་ཚུལ་འོག་རྒྱ་ནག་དང་རྒྱ་གར་སྲིད་གཞུང་གིས་མོས་མཐུན་བརྒྱུད་ཧི་མ་ལ་ཡའི་་ས་ཁུལ་དུ་དམིགས་གསལ་ཞི་བདེ་བསྟི་གནས་ཤིག་སྐྲུན་རྒྱུ་ནི་བསམ་བློ་གཏོང་ཆོག་པ་ཞིག་རེདཅེས་བརྗོད་མྱོང་མོད།ཡིན་ནའང༌། དེ་ནི་མི་རབས་རྗེས་མ་ཚོས་བསྒྲུབ་དགོས་པའི་བྱ་བ་ཞིག་ཡིན་སྲིད་པ་རེད། 
དྲི་བ།  དེ་ན་མི་རབས་འདི་ལ་ཁྱེད་ཀྱིས་རྒྱ་ནག་གི་དམག་དཔུང་བོད་ནས་ཕྱིར་འཐེན་དགོས་པ་རེདཅེས་བརྗོད་ཡོད་དམ།
ལན། ངས་སྔོན་ཆད་ནས་སྐད་ཆ་འདི་འདྲ་ཞིག་བརྗོད་མྱོང་མེད་ལ། དེ་ནི་སེམས་ཁྲལ་དོགས་པ་སྐྱེས་མི་དགོས་པ་ཞིག་རེད།
དྲི་བ། ཁྱེད་ཀྱིས་ད་ལྟ་རང་འཇར་མན་གྱི་ཡར་རྒྱས་རོགས་སྐྱོར་བློན་ཆེན་ལ་ཐུག་འཕྲད་གནང་བ་དང༌།  ང་ཚོ་ལ་དེའི་སྐོར་གྱི་གནས་ཚུལ་ཞིག་ངོ་སྤྲོད་བྱེད་ཆོག་གམ།
ལན།   ང་ཚོས་ཕན་ཚུན་གྲོས་མོལ་བྱེད་དགོས་པའི་གལ་ཆེན་རང་བཞིན་སྐོར་གླེང་བ་དང༌།  གནད་དོན་ཅི་ཞིག་ཡིན་རུང་གྲོས་མོལ་བརྒྱུད་དེ་གཞི་ནས་སེལ་ཐུབ་པའི་དགོངས་ཚུལ་གཅིག་མཐུན་ཡིན་པ་དང༌།  ངས་འཇར་མན་བློན་ཆེན་ལ་བོད་ཀྱི་གནད་དོན་འཕལ་རྒྱས་ཀྱི་ད་ལྟའི་་གནས་བབས་དང་དངོས་གཞིའི་འབྲེལ་མོལ་ཐེངས་བདུན་པའི་སྐོར་གྱི་གནས་ཚུལ་ངོ་སྤྲོད་ཞུས་པ་ཡིན།  དེའི་ནང་སྔོནཆད་དང་འབྲེལ་མོལ་ཐེངས་ཁ་ཤས་གནང་བར་ཡར་རྒྱས་ཕྱིན་མ་ཐུབ་པ་ཡང་འདུས་ཡོད།
དྲི་བ།  རྒྱལ་སྤྱིའི་སྤྱི་ཚོགས་ཀྱི་གནོན་ཤུགས་ཀྱིས་བོད་དོན་ཐག་གཅོད་ལ་དོན་ངོ་མའི་ཕན་ཐོགས་ཡོད་དམ། ཡང་ན་དེ་ལས་ལྡོག་གམ།
ལན།  རྒྱ་བོད་དབར་གྱི་འགལ་ཟླ་དེ་ཕྱོགས་གཉིས་གཅིག་པུའི་་སེལ་ཐུབ་པ་ཞིག་རེད།  ཡིན་ནའང་རྒྱལ་སྤྱིའི་སྤྱི་ཚོགས་ཀྱིས་ཁོང་ཚོའི་སེམས་ཁུར་མཚོན་པའི་ཐོབ་ཐང་ཡོད་པ་རེད།
དྲི་བ།  ཡིན་ན་ཡང་ནུབ་ཕྱོགས་རྒྱལ་ཁབ་ཀྱིས་བོད་དོན་ཀྱི་གནད་དོན་ཐད་ཐེ་གཏོགས་བྱེད་བཞིན་པ་དེ་ལ་རྒྱ་ནག་མི་མང་གིས་མི་འདོད་པའི་རྣམ་འགྱུར་འཛིན་གྱི་ཡོད་པ་རེད།
ལན། རྒྱལ་སྤྱིའི་སྟེང་ནས་བོད་དོན་རྒྱབ་སྐྱོར་ཚོགས་པ་ཁ་ཤས་ཡོད་པ་དང༌། ང་ལ་ཁོང་ཚོས་མགྲོན་བརྡ་འབྱོར་བ་དང་ཁོ་ཚོའི་ལས་འགུལ་ལ་ཞུགས་པ་ཡིན།  ངའི་ནམ་རྒྱུན་ལག་གཡོན་པ་རྒྱ་ནག་སྲིད་གཞུང་ལ་འོས་ཚོད་ཤིང་ལག་གཡས་པ་རྒྱལ་སྤྱིའི་སྤྱི་ཚོགས་ལ་བསྲིངས་ཡོད་ཅེས་བརྗོད་བཞིན་ཡོད། ད་ལྟའི་ངའི་ལག་གཡོན་པ་སྟོང་བ་ཡིན་ལ་ལག་གཡས་པ་རྒྱབ་སྐྱོར་དང་འབོད་སྐུལ་ཐོབ་ཡོདཔས་ང་རང་གིས་ཐུགས་རྗེ་ཆེ་ཞུ་ཡི་ཡོད། གལ་སྲིད་ང་ཡིས་ལག་གཡོན་པར་འདོད་བློ་ཁེངས་པའི་ལན་ཞིག་རག་ཚེ་ངའི་ལག་གཡས་པ་ཕྱིར་བསྡུས་ཏེ། ཐུགས་རྗེ་ཆེ།  བདེ་མོ་ཅེས་བརྗོད་ཆོག  
དྲི་བ། ཁྱེད་རང་འཇར་མན་ནང་མཚམས་འདྲི་སྐབས་འཇར་མན་ས་ཁུལ་ཐེངས་དང་པོ་ཤུགས་ལྡན་གྲྭ་བ་ཚོས་སྐད་འབོད་ཀྱི་ལས་འགུལ་སྤེལ་བ་དང༌།  ཁོང་ཚོའི་ཁྱེད་ཀྱིས་དད་མོས་རང་དབང་ལ་བཀག་འགོག་ཁྱེད་ཀྱི་ཡོད་པ་རེདཅེས་ངོ་རྒོལ་བྱས་པ་དེ་ཅི་ཞིག་ཡིན་ནམ།
ལན།  ཤུགས་ལྡན་ལ་ལོ་ངོ་༣༧༠ཡི་ལོ་རྒྱུས་ཡོད་པ་དང༌། རྒྱལ་དབང་སྐུ་ཕྲེང་ལྔ་བའི་སྔོན་ནས་ཤུགས་ལྡན་གྱི་གནད་དོན་སྐོར་བྱུང་ཡོད་ལ། རྒྱལ་མཆོག་ལྔ་བ་ནི་ཏཱ་ལའི་སྐུ་ཕྲེང་ན་རིམ་ཁྲོད་ཤུགས་ལྡན་ལ་མཁྱེན་རྟོགས་གཏིང་ཟབ་ཡོད་མཁན་ཞིག་ཡིན་པ་དང༌། ཤུགས་ལྡན་ནི་བོད་བརྒྱུད་ནང་བསྟན་ཁྲོད་སྔོན་ལས་ལོག་པའི་དམ་སྲིད་ཞིག་ཡིན་ལ།  སྨོན་ལམ་ལོག་པའི་རྒྱུ་མཚན་ནི་བྱ་བ་ངན་པ་ལ་སྨོན་འདུན་བྱེད་བཞིན་པ་ལ་ཟེར། ངས་སྔོན་མ་ཤུགས་ལྡན་བསྟེན་གྱི་ཡོད་ལ། རྒྱུ་མཚན་ནི་ངའི་ཡོངས་འཛིན་ཁྲི་བྱང་རིན་པོ་ཆེ་ཡིས་ཤུགས་ལྡན་བསྟེན་གྱི་ཡོད་པ་རེད། ལོ་རབས་ལྔ་བཅུ་ནས་མགོ་བཙུགས་ཏེ་༧༢ དང་༧༣ལོ་དབར་ངའི་ཤུགས་ལྡན་བསྟེན་པ་ཡིན། རྒྱལ་དབང་ལྔ་བ་དང་རྒྱལ་དབང་བཅུ་གསུམ་པའི་བཀག་འགོག་་གནང་ཡོད་པར་ངས་དོ་སྣང་མ་བྱས་པ་རེད།  དེ་ནི་ངའི་བཟོས་པའི་ནོར་འཁྲུལ་ཞིགཡིན་ལ། ནོར་འཁྲུལ་བཟོས་པའི་རྒྱུ་རྐྱེན་དེ་རང་ཉིད་ཡིན་པ་རེད། རྗེས་སུ་དགའ་ལྡན་བྱང་རྩེ་གྲྭ་ཚང་ལ་དོན་དག་བྱུང་བ་དང་ང་ཚོས་མོ་རྩིས་ཁྲོད་དེ་ནི་ཤུགས་ལྡན་བསྟེན་གསོལ་བྱས་པའི་ཉེས་པ་ཤེས་རྟོགས་བྱུང༌། ཁྱད་མཚར་བ་ཞིག་ནི་རྒྱ་ནག་སྲིད་གཞུང་གིས་ཤུགས་ལྡན་ལ་རྒྱབ་སྐྱོར་བྱེད་བཞིན་པ་དང༌། འབྲེལ་མོལ་ཐེངས་དྲུག་པའི་སྐབས་ཁོང་ཚོས་དོན་ཚན་གསར་པ་ཞིག་བཏོན་པ་ནི་ང་ཚོས་ཤུགས་ལྡན་ལ་གཉའ་གནོན་བྱེད་ཀྱི་ཡོད་ཚུལ་བརྗོད། ཡིན་ནའང༌།  ངས་གྲྭ་བ་ཚོས་ཤུགས་ལྡན་བསྟེན་གསོལ་བྱེད་པར་བཀག་འགོག་བྱས་མེད།  ངས་གལ་སྲིད་ཤུགས་ལྡན་བསྟེན་ཚེ་ཡག་པོ་མེད་པ་རེད་ཅེས་བརྗོད་པ་ཡིན།  ཉེ་ཆར་རྒྱ་གར་ལྷོ་ཕྱོགས་ཀྱི་གསུང་ཆོས་སྐབས་གནད་དོན་འདིའི་ཐདརྩོད་གླེང་ཐད་ང་ཚོའི་འོས་ཤོག་འཕེན་པའི་ཐབས་ལམ་བརྒྱུད་ཐག་གཅོད་བྱས་པ་དང༌། འོས་འཕེན་གྱི་མཇུག་འབྲས་ནི་མི་ཁྲི་༡ལས་ཕལ་ཆེར་༩༥༠༠ཡིས་ཤུགས་ལྡན་བསྟེན་གསོལ་མི་བྱེད་པ་དང༌། མི་གྲངས་༥༠༠ ཡིས་བསྟེན་གསོལ་བྱེད་རྒྱུ་ཡིན་པ་རེད། དེར་བརྟེན་དགོན་པའི་ནང་སྒྲིག་ཁྲིམས་་འདི་གཏན་ལ་ཕབ། ཡིན་ནའང༌། ཤུགས་ལྡན་བསྟེན་མཁན་ཚོར་སྨྲ་བརྗོད་རང་དབང་ཡོད་ལ། དེ་རིང་ཁོང་ཚོར་འདིར་སྐད་འབོད་བྱེད་དུ་ཡོང་བར་ངའི་དགའ་བསུ་ཞུ་ཡི་ཡོད།  
དྲི་བ།  གལ་སྲིད་རྒྱ་ནག་ཕྱོགས་ནས་མགྲོན་ཤོག་འབྱོར་བ་ཡིན་ཚེ་ཁྱེད་རང་པེ་ཅིན་ཨོ་ལིམ་པིག་རྩེད་འགྲན་ལ་ཞུགས་རྒྱུ་ཡིན་ནམ།
ལན།  ཨོ་ལིམ་པིག་དཔལ་འབར་སྒྲོན་པའི་སྐབས་ངས་བོད་པའི་སྤྱི་ཚོགས་ཀྱི་རྒྱབ་སྐྱོར་བྱེད་དགོས་པའི་འབོད་སྐུལ་བྱེད་ཡོད་ལ། འདི་ནི་མི་འབོར་དུང་ཕྱིར་༡༣ཅན་གྱི་རྒྱལ་ཁབ་ཆེཔ་པོ་ཞིག་གཟི་བརྗིད་སྐྱེ་དགོས་པའི་དོན་དག་ཅིག་ཡིན་པའི་རྒྱུ་མཚན་གྱིས་ཡིན།  དཔལ་འབར་ལོན་ཏོན་དང་ཕེ་རི་སི་ནང་བརྒྱུད་སྐབས་དོན་དག་བྱུང་རྗེས་ངས་ཆེད་དུ་ཧྥ་རན་སིའི་སི་ཀོའི་བོད་རིགས་ཚོགས་པའི་འགན་ཁུར་མི་སྣ་ལ་གཏོར་བརླག་གི་ལས་འགུལ་མི་སྤེལ་བའི་འབོད་སྐུལ་བྱས་པ་ཡིན་ལ། ཤུགས་ལྡན་གྱི་གནད་དོན་དང་འདྲ་བར་ཁ་ཤས་ཀྱིས་ངའི་ཁ་ལ་ཉན་པ་དང་ཁ་ཤས་ཀྱིས་ཉན་གྱི་མེད་པ་རེད།  གཞན་ངས་གཞོན་ནུ་ཚོགས་པའི་བོད་དུ་བསྐྱོད་པའི་གོམ་བགྲོད་ལས་འགུལ་མི་སྤེལ་བའི་རེ་བ་ཞུས་པ་ཡིན་མོད་དོན་ཕན་བྱུང་མ་སོང༌། པེ་ཅིན་ཨོ་ལིམ་པིག་སྐོར་ལ་ང་ཚོའི་གྲོས་མོལ་བྱེད་ཀྱི་ཡོད་ལ་གལ་སྲིད་ཕྱོགས་གང་ཐད་ནས་ཡར་རྒྱས་ཕྱིན་ཚེ་ང་རང་འགྲོ་འདོད་ཤིན་ཏུ་ཆེ།
དྲི་བ། གལ་སྲིད་ཉིན་ཞིག་ཁྱེད་རང་རྒྱ་ནག་ཏུ་ཕྱིར་ལོག་ཐུབ་ཚེ་ཁྱེད་ཀྱིས་ལས་གནས་ཇི་འདྲ་ཞིག་ཁུར་གྱི་ཡིན་ནམ།
ལན། ང་བཙན་བྱོལ་ཁྲོད་ཕྱེད་བགྲེས་ཡོལ་གྱི་གནས་སྟངས་འོག་ཡོད་ལ། རྗེས་སུ་ལས་གནས་ཅི་ཡང་ཁུར་འདོད་མེད།  གལ་སྲིད་ད་དུང་ང་ལ་དད་པ་བྱེད་མཁན་ཡོད་ན་ང་རང་བླ་སྦྲུལ་ཞིག་ཏུ་བརྩི་རོགས་གནོངས། ངའི་རེ་འདོད་ཆེ་ཤོས་ནི་ཕྱོགས་བཞི་མཚམས་བརྒྱད་ལ་གཟིགས་སྐོར་དུ་འགྲོ་རྒྱུ