མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

གྲོས་ཚོགས་ལ་བསྩལ་བའི་༧གོང་ས་མཆོག་གི་བཀའ།

བོད་ཀྱི་དུས་བབ།
༢༠༠༨/༠༩/༡༢
Share on FacebookShare on TwitterShare on EmailShare on Whatsapp

ལོ་རྒྱུས་ཀྱི་དོན་སྙིང་ལྡན་པའི་བོད་མི་དམངས་ཞི་རྒོལ་ཆེན་མོ་མདོ་དབུས་ཁམས་གསུམ་ནང་མེ་ལྕེ་བཞིན་མཆེད་དེ། རང་དབང་གི་འབོད་སྒྲའི་འོག་ནས་རྒྱལ་གཅེས་དཔའ་བོ་མང་པོའི་ཚེ་སྲོག་སྐད་ཅིག་ཏུ་ཤོར་བ་དེའི་དབང་གིས། ༧གོང་ས་མཆོག་གཙོས་པའི་བོད་རིགས་རྒྱ་ཆེའི་མི་མང་གིས་བོད་པའི་རྩ་དོན་ཐད། བསམ་བློ་བསྐྱར་དུ་བཏང་སྟེ། ཐག་གཅོད་བསྐྱར་དུ་བྱ་རྒྱུ་ཡིན་ཟེར།

སྐབས་བཅུ་བཞི་བའི་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་དུས་དྲུག་པ་ཚོགས་ཏེ། ཉིན་ལྔ་ཙམ་འགྲོ་བཞིན་པའི་ཕྱི་ཚེས་ ༡༢ ཉིན་གྱི་སྔ་དྲོ། ༧སྤྱི་ནོར་གོང་ས་སྐྱབས་མགོན་ཆེན་པོ་མཆོག་གིས་སྐུ་སྒེར་ཡིག་ཚང་བརྒྱུད་དེ། གྲོས་ཚོགས་ཚོགས་དུས་དྲུག་པའི་སྟེང་ཆེད་དུ་བཀའ་ཡིག་ཅིག་གནང་ཡོད་ལ། ༧གོང་ས་མཆོག་གི་བཀའ་ཡིག་དེའི་ནང༌། ཕྱི་ཟླ་ ༡༡ དང་ ༡༢ གང་རུང་ཞིག་ལ། ད་ལོའི་བོད་ནང་གི་ཛ་དྲག་གི་གནས་བབ་དང༌། རྒྱལ་སྤྱིའི་གནས་བབ་བཅས་ཀྱི་འོག བོད་ཀྱི་རྩ་དོན་ཐོག་དམིགས་བསལ་ཚོགས་ཆེན་ཞིག་བསྐོང་སྟེ། བགྲོ་གླེང་གོ་བསྡུར་ཞིབ་རྒྱས་གནང་དགོས་སྟབས། ཐེངས་འདིའི་བཀའ་སྤྱི་ལྷན་འཛོམས་ཐོག ཚོགས་མི་དང་ཚོགས་དུས་འཆར་འགོད་ཀྱིས་གང་མྱུར་སྙན་འབུལ་ཡོང་དགོས་ཞེས་བཀའ་བསྩལ་ཡོད།

༧གོང་ས་མཆོག་གི་བཀའ་ཡིག་དེ་ནི་ཕྱི་ཚེས་ ༡༢ ཉིན་གྱི་སྔ་དྲོའི་ཆུ་ཚོད་ ༡༠ སྟེང༌། བོད་མི་མང་སྤྱི་འཐུས་རྣམ་པ་དང༌། བཀའ་བློན་རྣམ་པ། དྲུང་ཆེ་རྣམ་པ། དེ་བཞིན་ཟུར་ཉན་པ་བཅས་ལྷན་བཞུགས་ཐོག་སྤྱི་འཐུས་ཚོགས་གཙོ་ཀརྨ་ཆོས་འཕེལ་མཆོག་གིས་སྐྱོར་ཀློག་གནང་སོང་ལ། ཕྱི་ཚེས་ ༡༥ ཉིན་རེས་གཟའ་ཟླ་བའི་ཉིན་བཀའ་ཡིག་དེའི་ནང་དོན་ཐད་ཟིན་བྲིས་ཤིག་ཟུར་དུ་གྲ་སྒྲིག་གིས༌། བཀའ་སྤྱི་ལྷན་འཛོམས་ཀྱིས་བགྲོ་གླེང་གོ་བསྡུར་ཞིབ་རྒྱས་གནང་གཏན་འཁེལ་ཡོད། ཐེངས་འདིའི་སྤྱི་འཐུས་ལྷན་འཛོམས་སྟེང་བསྩལ་བའི་༧གོང་ས་མཆོག་གི་བཀའ་ཡིག་གཤམ་གསལ་ལྟར་ཡིན།
 
༄༅། ། དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་བགྲེས་གཞོན་དང༌། བཀའ་ཤག་ལྷན་རྒྱས་མཆོག་གི་དྲུང་དུ།
ཆེད་ཞུ།
 
སྤྱི་ནོར་༧གོང་ས་༧སྐྱབས་མགོན་ཆེན་པོ་མཆོག་ནས་བར་ལམ་བོད་ནང་གི་ཛ་དྲག་གི་བྱུང་རྐྱེན་དང༌། རྒྱལ་སྤྱིའི་གནས་བབ་བཅས་ཀྱི་འོག་བོད་ཀྱི་རྩ་དོན་ཐོག་གོ་བསྡུར་བགྲོ་གླེང་ཞིབ་ལྷོད་ཅིག་གནང་ཆེད། བཙན་བྱོལ་བོད་མིའི་བཅའ་ཁྲིམས་དོན་ཚན་ང་དགུ་པའི་ནང་གསེས་ཁག་གི་ཆ་རྐྱེན་འོག་དམིགས་བསལ་ཚོགས་ཆེན་ཞིག་འདི་ལོའི་ཕྱི་ཟླ་ ༡༡ དང་ ༡༢ གང་རུང་ནང་བསྡུ་བསྐུང་དགོས་རྒྱུ་དང༌།
ཚོགས་མི་དང་ཚོགས་དུས་བཅས་དེ་ནས་འཆར་འགོད་ཀྱིས་གང་མྱུར་༧སྙན་འབུལ་གནང་དགོས་ཞེས་བཀའ་སྤྱི་ཕེབས་འདུག་པ་དེ་ལུགས་དགོངས་མངའ་ཞུ།
སྐུ་སྒེར་ཡིག་ཚང་ནས་༢༠༠༨ ཟླ་༩ ཚེས་ ༡༡ ལ་ཕུལ།
 
སྤྱི་འཐུས་གྲོས་ཚོགས་ཀྱི་ཚོགས་འདུའི་བར་གསེང་དང་བསྟུན་ཏེ་བཙན་བྱོལ་ནང་གི་གཞུང་འབྲེལ་མ་ཡིན་པའི་ཚོགས་པ་ཆེ་ཤོས། དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་ལགས་སུ་༧གོང་ས་མཆོག་གི་བཀའ་ཡིག་དེའི་ཐད་བསམ་ཚུལ་ཅི་ཡོད་བཅར་འདྲི་ཞུས་པར་ཁོང་གིས་བརྗོད་པར། ང་ཚོ་བོད་ཀྱི་གཞོན་ནུ་ལྷན་ཚོགས་ཀྱི་ངོས་ནས་ཐེངས་འདིའི་༧གོང་ས་མཆོག་གི་བཀའ་ཡིག་དེ་ཧ་ཅང་གི་གལ་གནད་ཆེན་པོ་ཞིག་ལ་ངོས་འཛིན་བྱེད་ཀྱིན་ཡོད། གང་ཡིན་ཟེར་ན། ད་ལྟ་གྲོས་ཚོགས་འགྲོ་བཞིན་པ་རེད། ༧གོང་ས་མཆོག་གིས་བོད་ཀྱི་རྩ་དོན་ཐོག་ལ། སྤྱི་ཟླ་ ༡༡ དང་ཡང་ན་ ༡༢ བའི་ནང་དམིགས་བསལ་ཚོགས་འདུ་ཞིག་ཚོགས་དགོས་ཀྱིན་འདུག་ཅེས་བཀའ་ཕེབས་ཡོད། དེ་གནད་འགག་ཆེན་པོ་ཞིག་རེད། བཀའ་ཡིག་དེའི་ནང་དོན་ཐད་གཟའ་ཟླ་བའི་ཉིན་གྲོས་ཚོགས་ནས་གོ་བསྡུར་ཞུ་རྒྱུ་རེད། གནས་ཚུལ་ཅི་བྱུང་སྐབས་དེར་རིམ་པའི་གསལ་བོ་ཆགས་གི་རེད་ཅེས་བརྗོད་སོང༌།
 

མཆན། 3

  1. ཡོན་བྷེ། says:
    ལོ་ 15 སྔོན།

    གནས་ཚུལ་འདི་ཐོས་མ་ཐག་གལ་གནད་ཆེ་བའི་གནད་དོན་ཞིག་རེད་བསམ་སོང༌། ཡིན་ནའང་བསྐྱར་དུ་བསམ་བློ་ཞིབ་མོ་བཏང་དུས་༸གོང་ས་མཆོག་གིས་བཀའ་གསུང་འདི་གནང་ས་ཅུང་ནོར་འདུག་སྙམ། ཁོང་གིས་ཐུགས་རེ་ག་འདྲ་ཆེན་པོ་བཅིངས་ཏེ་མར་གནང་ཡོད་ནའང་བཀའ་སྤྱི་གཉིས་ཀྱིས་དེ་ལ་གྲོས་བསྡུར་ལེགས་པོ་ཞིག་དང་ཁུར་མཉམ་ལེན་ཞིག་བྱེད་ཀྱི་རེད་བསམ་གྱི་མི་འདུག མགོན་པོ་གང་གིས་ཅི་གསུང་དེ་ག་རང་ཡིན་ཞེས་བཤད་དེ་རང་ཉིད་ཀྱི་འགན་ཁུར་ལེན་འདོད་མི་བྱེད་པ་ཁོང་ཚོར་རྒྱུན་གོམས་བྱུང་ཡོད་ལ།༸གོང་ས་མཆོག་གིས་ཐུགས་རེ་དེ་རྩ་བ་ནས་མིན། དེའི་ཕྱིར་ད་ཐེངས་སྐྱར་ཞིབ་ཀྱི་ལས་གཞི་དེ་མགོན་པོ་གང་གིས་ཐར་གར་ཆེད་འཛུགས་མི་སྣ་དམིགས་བཀར་གྱིས་ལམ་ནས་སྐྱར་ཞིབ་བྱེད་རྒྱུའི་འགྲོ་སྲོལ་ཞིག་དོད་ཡོད་ན་བསམ་སོང༌།

    Reply
  2. སྐར་མ། says:
    ལོ་ 15 སྔོན།

    ལོ་ངོ་མང་པོ་ཞིག་གི་ཡར་སྔོན་ལ་རྒྱལ་བ་རིན་པོ་ཆེས་མར་བསྩལ་བ་ཞིག་ཕྱིར་ཡར་ཕུལ་བ་རེད། དེ་ནས་བཟུང་མི་ལོ་བཅུ་ཕྲག་གཅིག་ལྷག་ཕྱིན་པ་རེད། ད་ཐེངས་ཡང་བཀའ་སྤྱི་གཉིས་ལ་འདི་ལས་ལྷག་ཅིག་ཡོད་གི་མ་རེད། དེ་བས་མི་སུ་ཡིན་རུང་ད་ཐེངས་སེམས་རྣལ་དུ་ཕབ་ནས་བསམ་ཚུལ་འདོན་རྒྱུ་གལ་ཆེན་པོ་རེད།

    Reply
  3. ཁྲི་འབྲིང་བཙན། says:
    ལོ་ 15 སྔོན།

    ངོ་མ་དགའ་དགོས་པའི་གནས་ཚུལ་རེད། འདིས་ནང་བོད་ཀྱི་མ་འོངས་བའི་ཐག་གཅོད་ཡག་པོ་ཡོང་པར་མ་ཎི་འདོན་གི་ཡོད།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist