ལི་ཤིའི་གུར་ཁང་།

མཛད་པ་པོའི་རྣམ་ཐར་མདོར་བསྡུས།

        སྐྱོགས་སྟོན་ནི་སྤྱི་ལོའི་དུས་རབས་བཅོ་ལྔ་པའི་དུས་མཇུག་ཙམ་དུ་སྐུ་འཁྲུངས་པའི་ལོ་ཙཱ་བ་ཞིག་ཡིན། ཁོང་དགུང་ལོ་ཆུང་ངུའི་དུས་ནས་ཞྭ་ལུ་དགོན་པའི་ཆོས་གྲྭར་ཞུགས་ཤིང་རབ་བྱུང་དང༌། དགེ་ཚུལ། དགེ་སློང་གི་སྡོམ་པ་རྣམས་བཞེས་ཏེ་འདུལ་པའི་ཆོས་འབྱུང་སོགས་ལ་ཐོས་བསམ་མཛད། ལྷག་པར་དུ་ཞྭ་ལུ་ཆོས་སྐྱོང་བཟང་པོ་༡༤༤༡་༡༥༢༧ལ་བསྟེན་ནས་མདོ་སྔགས་རིག་གནས་དང་བཅས་པར་སྦྱངས་པ་དཔྱིས་ཕྱིན་པ་མཛད་ཅིང་མཁས་པ་ཆེན་པོར་གྱུར། ལེགས་སྦྱར་གྱི་སྐད་ཡིག་ལ་ཡང་ནང་བྱན་ཆུད་པ་མཛད་དེ་བསྟན་བཅོས་གཅིག་ཙམ་བོད་ཡིག་ཏུ་བསྒྱུར་བ་མཛད། རབ་བྱུང་དགུ་པའི་མེ་ཕོ་སྤྲེལ་ལོ་སྟེ་སྤྱི་ལོ་༡༥༣༦ལོར་༼བརྡ་གསར་རྙིང་ལི་ཤིའི་གུར་ཁང༽བརྩམས། ཁོང་གི་གསུང་རྩོམ་ནི་༼མངོན་བརྗོད་ཉེར་མཁོ་བསྡུས་པ༽དང༌། བསྒྱུར་རྩོམ་ནི་༼བསྟན་འགྱུར་ལས་ཙན་དྲ་པའི་ཡི་གེའི་འགྲེལ་བ༽བཅས་བཞུགས་སོ།།

གསལ་བཤད། འདིར་སྡེ་དགེའི་པར་མ་དང་ལྷ་སའི་ལྕགས་པར་མ་གཉིས་དཔེ་སྡུར་གྱིས།  སྡེ་དགེའི་པར་མ་གཞིར་བཞག་ཐོག མི་མཐུན་པ་དང་དོགས་ཡོད་རིགས་གུག་རྟགས་ནང་བཀོད་ཡོད།

དེ་ཡང་འདིར་བརྡ་གསར་རྙིང་གི་ཐ་སྙད་བཤད་པ་ལ། ཐུ་མི་ས་འབོ་ ལྷོ་གཉལ་གྱི་ཐུ་མི་སྣང་གྲགས་ཀྱི་བུ་ཨ་ནུ་སྟེ། སམྦྷོ་ཊ་དང༌། སམྦྷ་དྲ་སོགས་རྒྱ་སྐད་དུ་བཞེད་པ་བྱུང་ཡང༌། འདི་གཉལ་ན་ཡོད་པ་ས་འབུར་བོ་ཞིག་འདུག་པས། ས་འབོ་ར་ཡིན་པ་འདྲ། གང་ནའང་བོད་སྐད་དུ་སྣང༌།དང༌། བཙད་པོ་ཁྲི་སྲོང་ལྡེ་བཙན་གྱི་དུས་དང་པོར་བྱས་པའི་འགྱུར་རྣམས་ནི། དང་པོའི་བཀས་བཅད་ཀྱིས་བསྒྱུར་བ་སྟེ། སངས་རྒྱས་ཕལ་པོ་ཆེ་དང༌། ལུང་སྡེ་བཞི་དང༌། མདོ་སྡེ་ཁ་ཅིག་དང་ཤེར་ཕྱིན་གྱི་མདོ་ཁ་ཅིག་སྟེ། སྐད་གསར་བཅད་ཀྱིས་གཏན་ལ་ཕབ་པ་རྣམས་སོ།།  ་་་་་ འཕྲོས་གཤམ་གསལ་འབྲེལ་ཐག་ལ་བསྣུན་རོགས།

tibettimes.tibethosting.com/upload/articles/6.pdf