སྨན་རྩིས་ཁང་གི་ལས་བྱེད་གསར་བསྡུའི་གསལ་བསྒྲགས།

༄༅། །བོད་གཞུང་སྨན་རྩིས་ཁང་ཁྱབ་ཁོངས་གཤམ་གསལ་ས་མིག་ཁག་ཏུ་ལས་བྱེད་གསར་འདེམས་ཞུ་རྒྱུ་ཡིན་ན། འཛུལ་ཞུགས་བྱ་བློ་ཡོད་རིགས་རྣམས་ནས་ ༢༠༠༨ ཟླ་ ༡༢ ཚེས་ ༡༡ འགྱངས་མེད་དབུས་སྨན་རྩིས་ཁང་འཛིན་སྐྱོང་ཡིག་ཚང་ལ་འཚང་སྙན་འབུལ་དགོས།
ཀ་  ས་མིག
༡ དབུས་སྨན་སྦྱོར་ཁང་དུ་དབྱིན་བོད་གཉིས་ལྡན་གྱི་ལས་དྲུང་སྐྱེས་པ་ཞིག ལས་བྱེད་གནས་རིམ་༧
༢ པཱ་ནི་པཱ་ཏི་སྤོས་བཟོ་ཁང་དུ་ཚོང་རྩིས་པ་སྐྱེས་པ་ཞིག ལས་བྱེད་གནས་རིམ་༨
ཁ་ ཤེས་ཚད་དང༌། ལས་མྱོང་ཆ་རྐྱེན།
༡ དབུས་སྨན་སྦྱོར་ཁང་གི་ལས་དྲུང་དུ་མ་མཐར་འཛིན་རིམ་བཅོ་ལྔ་BA/B Comཐོན་པའི་ལག་འཁྱེར་ཡོད་པའི་ཏོག་ལོ་གཉིས་རིང་དྲུང་ཡིག་དང་ཀམ་སྤུ་ཀྲར་སོགས་ལ་ཟབ་སྦྱོང་བྱས་པའི་ལག་འཁྱེར་ཡོད་པའམ། ལས་རིགས་འདིའི་ཐད་ཐམས་ཉམས་མྱོང་ཡོད་པའི་ངོས་འབྱོར་ཁུངས་འཕེར་དགོས།
༢ པཱ་ནི་པཱ་ཏི་ཚོང་རྩིས་པར་མ་མཐར་འཛིན་རིམ་བཅོ་ལྔ་B Comཐོན་པའི་ལག་འཁྱེར་ཡོད་པའམ། ཡང་ན་དེ་དང་འདྲ་མཚུངས་ཀྱི་ཤེས་ཚད་ལག་འཁྱེར་ཡོད་པའི་ཐོག་རྩིས་ཀྱི་ལས་རིགས་ཐད་ཉམས་མྱོང་ཡོད་པའི་ངོས་འབྱོར་ཁུངས་འཕེར་ཡོད་མཁན་ལ་དམིགས་བསལ་དོ་སྣང་བྱ་རྒྱུ།
ག གཞི་རྩའི་ཆ་རྐྱེན།
༡ རང་རིགས་རང་ལོ་ ༡༨ ཡན་དང་ ༤༥ མན་ཡིན་པ།
༢ བཙན་བྱོལ་བོད་མིའི་དང་བླང་དཔྱ་ཁྲལ་དུས་ཐོག་ཕུལ་བའི་ལག་དེབ་ཡོད་པ།
༣ གནས་ཡུལ་རྒྱལ་ཁབ་དང་གནས་སྡོད་ཆོག་པའི་ལག་འཁྱེར་RCཡོད་པ།
༤ ཁྲིམས་ཁང་སོགས་ནས་ནག་ཉེས་ཕོག་པ་མ་ཡིན་པ།
༥ བུ་ལོན་སྒྲུབ་འཇལ་མ་ཐུབ་པ་མ་ཡིན་པ།
༦ ཁྲིམས་ཁང་ངམ། སྨན་པ་ཚད་ལྡན་གྱིས་རིག་འཚོ་མ་ཟིན་པར་ངོས་འཛིན་བྱས་པ་མ་ཡིན་པ།
༧ བོད་མིའི་ཁས་ཕན་ལ་གནོད་གཞིའི་རྒྱལ་ཁབ་གཞན་གྱི་ལས་དོན་དང༌། གོ་གནས་དངུལ་དངོས་ཀྱི་ཁེ་ཕན་ཡོད་རིགས་མ་ཡིན་པ།
༨ གོང་གསལ་ཆ་རྐྱེན་དོན་གནད་ཁག་འཐུས་ཚང་ཡོད་པའི་ཁུངས་བསྐྱེལ་ཆེད་ས་གནས་འགོ་འཛིན་ནམ་བདེ་དོན་རང་བདེན་ཚོགས་ཆུང་གང་རུང་གི་ངོས་འབྱོར་ངོ་མ་དང༌། བོད་སྨན་དང་ཕྱི་ལུགས་སྨན་པ་ཚད་ལྡན་གྱིས་བརྟག་དཔྱད་ངོས་འབྱོར་ངོ་མ་མཉམ་སྦྱར་དགོས། ལག་དེབ་དང་ལག་འཁྱེར་སོགས་ཀྱི་ངོ་བཤུས་སྟེང་ས་གནས་བདེ་དོན་ནམ་འགོ་འཛིན་སོགས་ནས་དག་མཆན་ངེས་པར་ཞུ་དགོས།
༩ རྒྱུགས་ཞུགས་པ་རྣམས་ནས་རང་ཉིད་ཀྱི་གློག་འཕྲིནe_mail དང༌། ཁ་པར་མྱུར་འཕྲིན་telephone & fas numberསོགས་ཀྱི་ཨང་གྲངས་ཁ་གསལ་འགོད་དེ་འཚང་སྙན་འབུལ་དགོས་པ་ཡིན་འཇགས་ཞུ།
ང༌། སྒྲིག་གསལ་ཕོགས་ཐོབ་དང་མཐུན་རྐྱེན་ཁག
ལས་བྱེད་གནས་རིམ་༧པར་སྒྲིག་གསལ་ཐོབ་ཐང་ཁག་དང་ཕོགས་ཐོབ་ཟླ་རེར་སྒོར་ ༨༩༦༤།༠༠དང༌། གནས་རིམ་༨པར་སྒོར། ༨༡༥༤།༠༠ སྒྲིག་གསལ་བཞིན་ལས་ཤག་ཐོབ་རྒྱུའམ། ཡང་ན་ཁང་དོད་ཟླ་རེར་སྒོར་ ༡༢༠༠།༠༠ འམ་ ༡༥༠༠ ཐོབ་རྒྱུ།
ཅ་ ཡིག་རྒྱུགས་གཏོང་ཡུལ་དང་ཟླ་ཚེས།
ཡིག་རྒྱུགས་ ༢༠༠༨ ཟླ་ ༡༢ ཚེས་ ༡༨ དང་ ༡༩ ཉིན་གཉིས་རིང་ཡིན། ཡིག་རྒྱུགས་གཏོང་ཡུལ་དབུས་རྡ་ས་སྨན་རྩིས་ཁང་དུ་ཕེབས་དགོས།
སྨན་རྩིས་ཁང་འཛིན་སྐྱོང་ཡིག་ཚང་ནས་ ༢༠༠༨ ཟླ་ ༡༠ ཚེས་ ༡༣ ལ།། །།