ལེ་ཚན་ལྔ་པ། བོད་ཀྱི་དགོན་སྡེ་ཁག་དང༌། གོ་ལག འཇིགས་སྐུལ་རིང་ལུགས།
ཕྱི་ལོ་ ༢༠༠༨ ཟླ་ ༡༠ ཚེས་ ༡༣ ཉིན་སྤེལ།
དགོན་སྡེ་ཁག་ནས་གོ་མཚོན་ཐོན་པའི་ཀླན་ཀ
བོད་ནང་གསུམ་པའི་དོན་རྐྱེན་ཏེ། བོད་མིའི་ཞི་རྒོལ་གྱེན་ལངས་ཀྱི་ལས་འགུལ་བྱུང་སྐབས་རྒྱ་ནག་གཞུང་གིས་དྲག་པོའི་གནོན་བཙིར་བྱས་པའི་རྗེས་འབྲེལ་བོད་མི་བགྲང་གིས་མི་ལངས་པའི་ཐོག་བསད་རྨས། སྡུག་སྦྱོང༌། མནར་གཅོད། གར་སོང་ཆ་མེད་གྱུར་པ་སོགས་ཀྱི་གོད་ཆག་ཚབས་ཆེ་ཕོག་ཡོད་པ་དེ་དག་རྒྱུ་མཚན་ལྡན་པ་དང༌། ལུགས་མཐུན་དུ་མངོན་ཆེད་རྒྱ་ནག་གཞུང་གི་སྡེ་ཚན་རིམ་པ་ནས་རྫུན་གཏམ་དང༌། མ་ཉེས་ཁག་གཡོག་སྣ་ཚོགས་ཤིག་སྣང་བ་གང་དྲན་གྱིས་བཟོ་སྒྲིག་བྱས་ཏེ། རྒྱ་ནག་དབུས་སྤྱི་བདེ་ལས་ཁུངས་དང༌། གཞུང་འབྲེལ་གསར་འགྱུར་བརྒྱུད་ལམ་ཁག་སོགས་ནས་བོད་ཀྱི་དགོན་སྡེ་ཁག་ནང་མེ་མདའ་དང༌། གྲི་མདུང་སོགས་གོ་མཚོན་རྣམ་གྲངས་མང་པོ་ཞིག་ལྐོག་ཉར་བྱས་ཡོད་ལུགས་དང༌། དེ་དག་ནི་བོད་མི་རྣམས་ཀྱིས་དྲག་སྤྱོད་སྤེལ་གྱི་ཡོད་པའི་དཔང་རྟགས་ཡིན་ཚུལ་སོགས་ཕྱི་ཕྱོགས་ལ་དྲིལ་བསྒྲགས་ཤུགས་ཆེན་པོ་བྱས་དང་བྱེད་བཞིན་ཡོད་པ་རེད།
དཔེར་ན། རྒྱ་ནག་སྤྱི་བདེ་ལས་ཁུངས་ཀྱི་མགྲིན་ཚབ་པ་ཝུའུ་ཧོ་ཕིང་གིས་འདི་ལོ་ཕྱི་ཟླ་ ༤ ཚེས་ ༡ ཉིན་གསར་འགོད་ལྷན་ཚོགས་ཤིག་གི་ཐོག་ལྷ་སའི་ཉེ་འཁོར་གྱི་དགོན་སྡེ་ཁག་ཅིག་ནས་མེ་མདའ་སོགས་མཚོན་ཆ་མི་ཉུང་བ་ཞིག་རག་སོན་བྱུང་ཚུལ་བཤད་འདུག་པ་དང༌། ཡང་འདི་ལོ་ཕྱི་ཟླ་ ༤ ཚེས་ ༡༠ ཉིན་གྱི་ཟི་ཁྲོན་ཉིན་རེའི་གསར་ཤོག་ནང༌། ཕྱི་ཟླ་ ༣ ཚེས་ ༢༨ ཉིན་རྔ་བ་ཀིརྟི་དགོན་དུ་མེ་མདའ་ལྐོག་ཉར་བྱས་ཡོད་པ་ཤེས་རྟོགས་བྱུང་འཕྲལ་སྔོག་བཤེར་བྱས་ཏེ་མེ་མདའ་རིགས་མི་འདྲ་བ་ ༣༠ དང༌། གྲི་མཚོན་རིགས་མི་འདྲ་བ་ ༣༣ ཙམ་ལག་སོན་བྱུང་ཚུལ་དང༌། དེ་དག་ནི་འཚེ་བའི་ལས་སྒྲུབ་ཆེད་ཡིན་ལུགས་སོགས་
སྒྲུང་གཏམ་རིང་པོ་ཞིག་བཟོས་ཏེ་འགོད་སྤེལ་བྱས་འདུག
དོན་དངོས་ཐོག་གོ་མཚོན་དེ་དག་ནི་རྒྱ་དམག་རྣམས་ཁྱི་སྨྱོན་བཞིན་བོད་ཀྱི་དགོན་སྡེ་ཁག་གི་ལྷ་ཁང་འདྲ་མིན་ནང་རང་སྣང་གང་དྲན་གྱིས་འཛུལ་ཏེ། ཡི་དམ་དང་སྲུང་མ་སོགས་དྲག་པོའི་སྐུ་བརྙན་དག་གི་ཕྱག་མཚན་དུ་གྱུར་པའི་གྲི་མཚོན་དང༌། བོད་མི་ཚོས་ས་རྐོ་རྡོ་སློག་ཆེད་རྒྱ་ནག་གཞུང་ལ་བཀའ་འཁྲོལ་ཞུས་ཏེ་ཉོ་སྒྲུབ་བྱས་པའི་འབར་རྫས་སོགས་བཅོམ་འཕྲོག་གིས་བོད་མི་རྣམས་ལ་མ་ཉེས་ཁག་གཡོག་བྱས་པ་ཉག་ཅིག་རེད།
ཀུན་གྱིས་ཤེས་གསལ་བཞིན། བོད་ཀྱི་དགོན་སྡེ་ཁག་ནི་རབ་བྱུང་དགེ་འདུན་གྱི་སྡེས་ཆོས་འཆད་ཉན་དང༌། བསླབ་པསློབ་གཉེར་བྱེད་ཡུལ་ཙམ་ཞིག་མ་ཡིན་པར། བོད་ཀྱི་གནའ་μརྐྱ་དང་རིག་དངོས་སོགས་བདག་གཅེས་བྱ་ཡུལ་གཙོ་བོ་ཞིག་དང༌། ལྷག་པར་དུ་བོད་མི་ཡོངས་ཀྱི་བསམ་བློའི་རྒྱབ་རྟེན་དང་རེ་ཕུགས་བཅོལ་ས་ཞིག་ཏུའང་གྱུར་ཡོད་པ་ཡིན། བོད་ཀྱི་དགོན་པ་ཞིག་ཏུ་འདུ་ཁང་དང༌། ལྷ་ཁང་འདྲ་མིན་ཡོད་པར་མ་ཟད། དཔེ་མཛོད་ཁང་དང༌། དཔར་ཁང༌། མགོན་ཁང༌། བཙན་ཁང༌། སྲུང་མ་ཁང་སོགས་སྣ་ཚོགས་ཤིག་ཡོད་པ་དེ་དག་རེ་རེ་ལའང་ཐུན་མོང་མ་ཡིན་པའི་ངོ་བོ་དང༌། བྱེད་ལས་རེ་ཡོད་པ་རེད། དཔེར་ན།
སྲུང་མ་ཁང་ལྟ་བུ་ནི་དད་ལྡན་རྣམས་ཀྱིས་ལྷ་སྲུང་ཁག་ལ་འཕྲིན་བཅོལ་ཞུ་ཡུལ་ཁོ་ན་ཡིན་ཞིང༌། སྲུང་མ་ཁང་དུ་ཆོས་སྐྱོང་སྲུང་མ་སོགས་དྲག་པོའི་སྐུ་བརྙན་སྣ་ཚོགས་ཤིག་བཞེངས་སྲོལ་ཡོད་པ་དང༌། ལྷ་སྲུང་དེ་དག་གི་ཕྱག་མཚན་དུ་གྲི་མདུང་སོགས་གོ་མཚོནསྣ་ཚོགས་ཤིག་ཐོགས་ཡོད་པ་འདི་ནི་ལོ་རྒྱུས་ཀྱི་སྔ་སྲོལ་ཞིག་ཡིན་པ་ལས། རྒྱ་ནག་གུང་ཁྲན་བོད་དུ་སླེབས་རྗེས་གསར་དར་བྱུང་བཞིག་གཏན་ནས་མིན།
གལ་སྲིད་རྒྱ་ནག་གཞུང་ནས་བོད་ཀྱི་ལྷ་སྲུང་རྣམས་ཀྱི་ཕྱག་མཚན་གོ་མཚོན་རྣམས་འཕྲོག་བཅོམ་བྱས་ཏེ། དེ་དག་བོད་ཀྱིདགེ་འདུན་པ་རྣམས་ཀྱིས་དྲག་སྤྱོད་སྤེལ་གྱི་ཡོད་པའི་དཔང་རྟགས་རེད་ཅེས་ཧམ་བཤད་བྱས་ན། རྒྱ་ནག་གི་ནང་པའི་དགོན་སྡེ་ཁག་གི་ལྷ་ཁང་སོགས་ཀྱི་སྒོ་འགྲམ་དུ་རྒྱ་ལུགས་རྒྱལ་ཆེན་རིགས་བཞིའི་འབག་སྐུ་བཞེངས་སྲོལ་ཡོད་པ་དང༌། རྒྱལ་ཆེན་དེ་དག་གི་ཕྱག་མཚན་དུའང་རལ་གྲི་དང༌། མདའ་གཞུ། མདུང་རིང་སོགས་མཚོན་ཆ་སྣ་ཚོགས་ཤིག་ཐོགས་ཡོད་པས། དེ་དག་ལ་འགྲེལ་བཤད་ཇི་ལྟར་རྒྱག་རྒྱུ་ཡིན་ནམ།
དེ་བཞིན་རྒྱ་ནག་གི་དགོན་སྡེ་ཕལ་མོ་ཆེའི་ནང་གཞི་བདག་གི་ཚུལ་དུ་བཀྭན་ཀུང་གི་སྣང་བརྙན་ལག་ཏུ་གྲི་རིང་དང༌། མདུང་རིང་འཆང་བ་དེ་འདྲ་བཞེངས་ཡོད་པས། དེ་དག་གིས་ཀྱང་རྒྱ་ནག་གི་ཧྭ་ཤང་ཚོས་འཚེ་བའི་ལས་སམ། དྲག་སྤྱོད་སྤེལ་རྒྱུའི་སྟ་གོན་བྱེད་པ་མཚོན་གྱི་ཡོད་པ་མ་ཡིན་ནམ།
ཡང་ལོ་རྒྱུས་ཐོག་བོད་མི་བརྔོན་པ་དག་གིས་རྔོན་རྒྱག་མཚམས་འཇོག་བྱེད་སྐབས་དང༌། བཤན་པ་རྣམས་ཀྱིས་སྒོ་ཕྱུགས་སེམས་ཅན་གྱི་ཚེ་སྲོག་གཅོད་རྒྱུ་མཚམས་འཇོག་བྱེད་སྐབས། དེ་བཞིན་ནང་དམེ་སོགས་འཁྲུན་ཐག་ཆོད་སྐབས་བཅས་སུ་མེ་མདའ་དང༌། གྲི་མདུང་སོགས་དགོན་སྡེ་ཁག་ལ་ཕུལ་ཏེ་འཚེ་བའི་ལས་སྤོང་བའི་དམ་བཅའ་འབུལ་རྒྱུའི་སྔ་སྲོལ་བཟང་པོ་དར་ཡོད་ལ། དགོན་སྡེ་ཁག་ནས་ཀྱང་གོ་མཚོན་དེ་དག་མི་གཞན་གྱི་ལག་ཏུ་མི་ཤོར་བའི་ཆེད་དུ་རྩིས་བཞེས་ཀྱིས་བཙན་ཁང་དང༌། སྲུང་མ་ཁང་སོགས་སུ་འགྲེམས་སྟོན་ལྟ་བུར་བཞག་སྟེ་མི་གཞན་ལ་འཚེ་བའི་ལས་སྤང་རྒྱུའི་ཕྱོགས་སུ་སྐུལ་མ་བྱེད་པའི་གནའ་སྲོལ་བཟང་པོ་ཞིག་ཡོད་པ་འདི་ནི་བསྔགས་བརྗོད་ཀྱི་ཡུལ་དུ་གྱུར་མོད། འོན་ཀྱང་རྒྱ་ནག་གཞུང་ནས་མེ་མདའ་དང༌། སྟ་གྲི་དེ་དག་བཙན་འཕྲོག་གིས་རྒྱལ་སྤྱིའི་མདུན་སར་བོད་ཀྱི་དགེ་འདུན་པ་ཚོས་ཀྲུང་གོར་དྲག་པོའི་ངོ་རྒོལ་བྱེད་འདུན་འཆང་གི་ཡོད་པའི་དཔང་རྟགས་སུ་མཁོ་འདོན་བྱེད་ཀྱི་ཡོད་པ་རེད། རྒྱ་ནག་གཞུང་གི་སྤྱོད་ཚུལ་འདི་ནི་ཡ་རབས་བཟང་སྤྱོད་དང་ཡོངས་སུ་རྒྱབ་འགལ་གྱུར་པའི་ཆོམ་རྐུན་གྱི་བྱེད་སྟངས་ཤིག་ཡིན།
མདོར་ན་རྒྱ་ནག་གཞུང་གིས་བོད་ཀྱི་ཐུན་མོང་མ་ཡིན་པའི་རིག་གཞུང་གོམས་སྲོལ་སོགས་ལ་མཐོང་ཆུང་དམའ་འབེབས་དང་། རྩིས་མེད་རྡོག་རོལ་གཏོང་རྐྱང་བྱས་ཏེ་དགོན་སྡེ་ཁག་ཏུ་སྣང་བ་གང་དྲན་གྱིས་བསྔོགས་བཤེར་དང༌། ལྷ་སྐུ་རྟན་གསུམ་གཏོར་བཅོམ་བྱེད་པས་མ་ཚད། ད་དུང་དགོན་སྡེ་ཁག་དང་དགེ་འདུན་པ་ཚོས་བདག་ཏུ་བཟུང་བའི་རྩ་ཆེའི་དངོས་ཆས་རིགས་རྐུ་འཕྲོག་ཀྱང་བྱེད་ཀྱི་ཡོད་པ་རེད། དེས་ན་རྒྱ་ནག་གཞུང་གིས་བོད་ཀྱི་དགོན་སྡེ་ཁག་ནས་གོ་ལག་ཕོན་ཆེ་ཐོན་ཡོད་ཅེས་ཧ་ལམ་དགོན་པ་དེ་དག་གིས་རྒྱ་ནག་གཞུང་ལ་དམག་འཐབ་འདྲེན་རྒྱུའི་འོག་གྲབས་བྱེད་ཀྱི་ཡོད་པ་ལྟ་བུའི་འུད་སྒྲོག་བྱེད་པ་འདི་ནི་བདེན་པའི་
གནས་ལུགས་དང༌། རྒྱུ་མཚན་གྱིས་ཕོངས་པའི་ཧམ་བཤད་ཁོ་ན་ཡིན།
བོད་ཀྱི་གཞོན་ནུ་ལྷན་ཚོགས་དང༌། ཨལྐཡེདཱ་འཇིགས་སྐུལ་ཚོགས་པ།
རྒྱ་ནག་གི་གཞུང་འབྲེལ་གསར་འགྱུར་བརྒྱུད་ལམ་ཁག་ནས་དྲིལ་བསྒྲགས་ཀྱི་ལས་འགུལ་ཤུགས་ཆེ་ཞིག་སྤེལ་བཞིན་ཡོད་པའི་ནང༌། ༼ཏཱ་ལའི་རུ་ཚོགས་༽ ཀྱི་ཆ་ཤས་སུ་གྱུར་པའི་སྒྲིག་འཛུགས་སམ། ཚོགས་སྡེ་ཁག་ཅིག་གིས་ཨལྐཡེདཱ་འཇིགས་སྐུལ་ཚོགས་པ་དང༌། ཤར་ཏུརྐིསྟན་རང་བཙན་ལས་འགུལ་དང་ངན་འབྲེལ་བྱེད་ཀྱི་ཡོད་པའི་རྣམ་པ་སྟོན་ཐབས་འབད་བརྩོན་བྱས་ཡོད། དཔེར་ན། ཕྱི་ལོ་ ༢༠༠༨ ཟླ་ ༥ བདུན་དང་པོར་ལིའུ་ཧུང་ཅི་ཞེས་སྨྱུག་མིང་དུ་སྤྱོད་པའི་བོད་རིག་པའི་མཁས་པ་ཞིག་ནས་རྒྱ་ནག་གི་གཞུང་འབྲེལ་གསར་འགྱུར་ཚན་པ་ཤིན་ཧྭའི་ནང་རྩོམ་ཡིག་ཅིག་སྤེལ་ཡོད་པ་དེའི་ནང༌། ༼བོད་ཀྱི་གཞོན་ནུ་ལྷན་ཚོགས་ནི་འཇིགས་སྐུལ་རིང་ལུགས་པའི་ཚོགས་པ་ཞིག་ཆགས་ཡོད། གང་ཡིན་ཞེ་ན། དེའི་ནང་དྲག་པོའི་ལྟ་སྤྱོད་ཀྱི་རྩ་བ་བརྟན་པོ་ཚུགས་ཟིན་ཡོད་པས་ཡིན། ་་་་་་་་་་དེ་སྔ་ གསུམ་གཅིག་བཞིའི་དོན་རྐྱེན་བྱུང་རྗེས་ཀྲུང་གོའི་བོད་རིགས་གནས་སྡོད་ས་ཁུལ་ཁག་ཏུ་ཡོད་པའི་དགོན་སྡེ་ཁ་ཤས་ནང་མེ་མདའ་དང༌། μརྐྱ་་དེལ་ཕོན་ཆེ་ཞིག་ཐོན་པ་དེ་དག་ཉེན་རྟོག་པས་གཞུང་བཞེས་གཏོང་སྐབས་ གོང་གསལ་ཚོགས་པའི་ཐེ་གཏོགས་ཡོད་པ་གསལ་མངོན་བྱུང་ཡོད་༽ ཅེས་འཁོད་འདུག་པ་ནས་ཤེས་ཐུབ།
ང་ཚོས་བོད་ཀྱི་གཞོན་ནུ་ལྷན་ཚོགས་ཀྱི་ཚབ་བྱས་ཏེ་སྐད་ཆ་ཤོད་མི་ཐུབ་ཅིང༌། གཞོན་ནུ་ལྷན་ཚོགས་ནི་རང་བསམ་རང་གིས་ཤོད་ཕོད་པའི་ཚོགས་སྡེ་རང་རྐྱ་ཡོངས་སུ་འཕེར་བ་ཞིག་ཡིན། ང་ཚོས་དཔྱད་གླེང་འདི་ལྟར་བྱེད་དགོས་དོན་ནི། རྒྱ་ནག་གིས་ཛྲཏཱ་ལའི་རུ་ཚོགས་ཛྲ ཞེས་གོ་རྒྱ་ཆེ་ལ་ཡོངས་μྣགརྐྱ་སྡུད་པར་བྱེད་པའི་ཚིག་བμྣད་ཅིག་བེད་སྤྱོད་གཏོང་གི་ཡོད་པ་དེའི་ནང་གཞོན་ནུ་ལྷན་ཚོགས་ཀྱང་ཚུད་ཀྱི་ཡོད་པས་ཡིན་ཞིང༌། མང་གཙོའི་བརྒྱུད་རིམ་ལ་བརྟེན་ནས་འོས་བསྡུ་བྱས་པའི་ཚོགས་པ་ཞིག་ལ་ཨལྐཡེདཱ་དང་འབྲེལ་བ་དམ་ཟབ་ཡོད་པའི་ ཛྲའཇིགས་སྐུལ་ཛྲ ཚོགས་པ་ཞིག་རེད་ཅེས་གཞི་མེད་ཁུངས་བྲལ་གྱི་བབ་ཅོལ་སྨྲ་བ་དེ་ནི། གང་ལ་དམིགས་ནས་དེ་ལྟར་ཤོད་ཀྱི་ཡོད་པ་ཐམས་ཅད་ལྐུགས་པ་ལྐུགས་རྐྱང་དུ་བརྩི་བའི་ཚོད་དཔག་ལ་གཞི་བཅོལ་བྱས་པ་ཞིག་ཡིན་པའམ། ཡང་ན་རྒྱ་ནག་གི་འགོ་ཁྲིད་ཚན་ཁག་ནས་བོད་མིའི་ཐོག་རྣམ་འགྱུར་ཇེ་མཁྲེགས་སུ་གཏོང་གི་ཡོད་པའི་མངོན་ཕྱོགས་ཤིག་ཡིན་པ་ཇི་ལྟར་རུང༌། བོད་ཀྱི་གཞོན་ནུ་ལྷན་ཚོགས་ནི་དངོས་འབྲེལ་ཐོག་ནས་རྒྱ་གར་རང་དབང་ལུང་པ་སྟེ། གུ་ཡངས་ལྡན་པའི་སྤྱི་ཚོགས་སྣ་མང་རང་བཞིན་ཅན་ཞིག་ནང་རྟེན་གཞི་བྱས་ཡོད་པ་དེའི་ནང་གནས་ཚུལ་མཁོ་སྤྲོད་ཀྱི་རང་དབང་ལ་ཡོངས་སུ་བརྩི་བཀུར་བྱེད་ཀྱི་ཡོད་པར་བརྟེན། རྒྱ་གར་གཞུང་གི་འབྲེལ་ཡོད་དབང་འཛིན་མི་སྣ་ཚོས་མངའ་ཁོངས་ཚོགས་སྡེ་གང་ཞིག་ནས་གནས་ཡུལ་རྒྱལ་ཁབ་ཀྱི་ཁྲིམས་ལུགས་ལ་ཤེས་བཞིན་དུ་བརྩི་མེད་རྡོག་རོལ་གཏོང་གི་ཡོད་མེད་ཐག་གཅོད་ཡང་དག་པ་ཞིག་བྱེད་ཐུབ་ཀྱི་ཡོད་ཅིང༌། ད་ཕན་རྒྱ་གར་གཞུང་ནས་ཁོང་ཚོའི་བསམ་ཞིབ་ནན་ཏན་བགྱིས་པའི་གྲུབ་དོན་ནམ། ཐག་གཅོད་ནངབོད་ཀྱི་གཞོན་ནུ་ལྷན་ཚོགས་འཇིགས་སྐུལ་ཚོགས་པ་ཡིན་པའི་ཁྱབ་བསྒྲགས་བྱས་མེད་ལ། རང་རེའི་བཙན་བྱོལ་སྤྱི་ཚོགས་ནང་དུའང་གཞོན་ནུའི་ཚོགས་པ་དེ་ནི་གུས་བརྩི་ཞུ་འོས་པའི་ཚོགས་པ་ཞིག་ལ་ངོས་འཛིན་བྱེད་ཀྱི་ཡོད་པ་རེད།
དྲི་བ་མང་ལ་ལན་འདེབས་ཉུང༌།
རྒྱ་ནག་གི་འགོ་ཁྲིད་ཁག་ཅིག་ནས་བོད་ཀྱི་གཞོན་ནུ་ལྷན་ཚོགས་འཇིགས་སྐུལ་ཚོགས་པ་རེད་ཅེས་ཁ་རྡུང་དྲག་པོ་གཏོང་གི་ཡོད་པ་དེ་ནི། ཁོང་ཚོས་དེ་སྔ་ལོ་རབས་ ༨༠ འགོ་སྟོད་དུ་ཚོགས་པ་དེ་རང་ལ་མངོན་ཆུང་བརྩི་མེད་དུ་གཏོང་བའི་ལྟ་ཚུལ་ཞིག་བཟུང་ཡོད་པ་དེ་དང་ཡོངས་སུ་རྒྱབ་འགལ་འགྲོ་གི་ཡོད་ཅིང༌། སྐབས་དེ་དུས་འགོ་ཁྲིད་དེ་ཚོའི་གྲས་ཀྱིས་བོད་ཀྱི་གཞོན་ནུ་ལྷན་ཚོགས་ལ་ཛྲསྦྲང་ཆུང་ཞིག་གིས་རི་རྒྱལ་ལྷུན་པོར་གཤོག་ལྕག་གཞུ་གི་ཡོད་པ་རེད་ཛྲ ཅེས་བཤད་དེ་སྣང་ཆུང་བྱས་ཡོད་པ་དེ་ལྟར་ཡང༌། ༼ད་ཆ་༽ རྒྱ་ནག་གི་འགོ་ཁྲིད་ཚོའི་མིག་ལམ་དུ་ ༼སྔོན་མའི་༽ སྦྲང་ཆུང་ཉམ་ང་དེའི་དབྱིབས་གཟུགས་ ༼འཇིགས་སྐུལ་༽ ཚོགསཔ་ཞིག་ཏུ་ཅིའི་ཕྱིར་འགྱུར་བ་ཡིན་ནམ།
གོང་གསལ་དྲི་བའི་ལན་འདེབས་ནི་རྒྱ་ནག་གི་འགོ་ཁྲིད་མི་སྣའི་ཁྲོད་ནས་མཁྲེགས་བཟུང་ཅན་ཚོར་ཡོད་པ་རེད། ཁོང་ཚོའི་འདོད་ཚུལ་ལ་རྒྱ་ནག་རྒྱལ་ཁབ་དང༌། འགོ་ཁྲིད་ཚན་ཁག་ཡོངས་རྫོགས་དེ་བཞིན་རྒྱ་རིགས་མི་མང་ནས་ ༼ཏཱ་ལའི་རུ་ཚོགས་༽ ནི་ ༼འཇིགས་སྐུལ་རིང་ལུགས་པའི་༽ ཚོགས་པ་ཞིག་ཡིན་པར་ངོས་འཛིན་ཡོང་རེ་བྱེད་ཀྱི་ཡོད་ཅིང༌། དེ་ལྟར་རེ་བ་བྱེད་དགོས་དོན་གང་ཡིན་སྙམ་ན། དེ་བསྟུན་ཁོང་ཚོས་ ༼དྲག་པོའི་སྒོ་ནས་༽ གདོང་ལེན་བྱེད་ཐུབ་པའི་ཁེ་ཕན་ཞིག་མཐོང་གི་ཡོད་པས་ཡིན།
འོན་ཀྱང་རྒྱ་ནག་གི་འགོ་ཁྲིད་མི་སྣའི་ཁྲོད་ནས་རྣམ་དཔྱོད་ལྡན་པ་ཁག་ཅིག་དང༌། དེ་བཞིན་རྒྱ་རིགས་མི་མང་ཡོངས་ལ་མཁྲེགས་བཟུང་ཅན་གྱི་འགོ་ཁྲིད་ཚོས་གང་ཞིག་རྩོད་གླེང་བྱེད་ཀྱི་ཡོད་པ་དང༌། དེ་དག་གི་རྒྱབ་རྟེན་དཔང་རྟགས་བཅས་ཀྱི་སྐོར་ཡིད་རྟོན་འཕེར་བའི་གནས་ལུགས་ར་འཕྲོད་ཅིག་མ་བྱུང་གོང་ ༼གཤམ་གསལ་༽ དྲི་བ་ཁ་ཤས་ཐོག་ལན་འདེབས་ཤིག་རག་འདོད་བྱེད་ཀྱི་ཡོད་པ་རེད།
དྲི་བ་དང་པོར། གལ་ཏེ་དགོན་སྡེ་ཁག་ནས་ཐོན་པའི་གོ་མཚོན་རྣམས་དངོས་འབྲེལ་ཐོག་བོད་ཀྱི་གཞོན་ནུ་ལྷན་ཚོགས་ཀྱིས་རྒྱ་ནག་སྤྱི་བདེ་པུའུ་དང༌། བཅིངས་འགྲོལ་དམག དྲག་ཆས་ཉེན་རྟོག་དམག་དཔུང༌། དེ་བཞིན་ཁོང་ཚོའི་འཇོན་ཐང་ཆེ་བའི་གསང་མྱུལ་པའི་སྣ་འོག་ནས་བོད་ནང་གསང་འདྲེན་བྱས་ཡོད་པ་ཞིག་ཡིན་ན། དེ་དག་ཐོག་མ་ཉིད་ནས་བཀག་འགོག་བྱེད་མ་ཐུབ་པ་གང་ཡིན་ནམ། རྒྱ་ནག་གཞུང་ནས་འཛམ་གླིང་གི་ས་ཁུལ་གཞན་དག་ཏུ་མི་དང༌། བློའི་འཆར་སྒོ། དངོས་ཟོག་བཅས་ཀྱི་འགྲོ་བསྐྱོད་ལ་ཚོད་འཛིན་དམ་བསྒྲགས་ཆེ་ཤོས་བྱེད་ཐུབ་པའི་བཀོད་སྒྲིག་བྱས་ཡོད་པར་བརྟེན། ཐོག་མར་གོ་མཚོན་ཕོན་ཆེ་དེ་ལྟར་བོད་དུ་ནང་འདྲེན་བྱེད་ཐུབ་པའི་གནས་ཚུལ་ལྷག་དོན་གང་ཡིན་ནམ། འདི་དག་རྒྱ་ནག་གི་བདེ་འཇགས་དམག་དཔུང་ནས་རང་འཁྲིའི་ལས་འགན་སྒྲུབ་ཕྱོགས་ཐད་འཐུས་ཤོར་བྱུང་བའི་གནས་ཚུལ་ཆེ་གྲས་ཤིག་མ་ཡིན་ནམ།
རྩོད་པའི་ཆེད་དུ་རེ་ཞིག་བོད་ཀྱི་གཞོན་ནུ་ལྷན་ཚོགས་འདི་བཞིན་སྤྱང་གྲུང་ཤིན་ཏུ་དོད་པས་གོང་གསལ་གོ་ལག་རྣམས་དྭོགས་ཟོན་ཆེ་བའི་རྒྱ་ནག་གི་བདེ་འཇགས་དམག་དཔུང་གི་ཁ་གདོང་ནས་བོད་དུ་གསང་འདྲེན་བྱས་དབང་དུ་བཏང་ནའང༌། དེ་དག་བདེ་འཇགས་དམག་དཔུང་གིས་ཤེས་ཚོར་མེད་པའི་ཐོག་ནས་དགོན་སྡེའི་ནང་དབོར་འདྲེན་བྱེད་ཐུབ་པ་དེ་ཇི་ལྟར་བྱུང་བ་ཡིན་ནམ། བོད་ནང་ཡོད་པའི་དགོན་སྡེ་ཁག་ནི་རྒྱུན་ཏུ་རྒྱ་ནག་གཞུང་གི་བྱ་ར་སོ་ལྟ་དང༌། དམ་བསྒྲགས་ཆེན་པོའི་འོག་གནས་མུས་ལ་བརྟེན། རྒྱའི་དབང་འཛིན་པ་ཚོས་དགོན་པའི་ནང་གོ་མཚོན་ཡོད་པ་དེ་ཤེས་རྟོགས་མ་བྱུང་བ་གང་འདྲ་ཡིན་ནམ། ༼ལྷག་པར་དུ་༽ གོ་
མཚོན་དེ་དག་བོད་དུ་ངོ་རྒོལ་བྱུང་རྗེས་གཞི་ནས་ཕྱིར་འདོན་བྱེད་དགོས་དོན་གང་ཡིན་ནམ། རྒྱ་ནག་གི་བདེ་འཇགས་དམག་དཔུང་ནས་༼ནག་ཉེས་༽ ཀྱི་གནས་ཚུལ་རིགས་ཐོན་མ་ཉིད་དུ་དེ་དག་ཐེར་འདོན་དང་སྦྲགས་ ༼ཉེས་ཅན་པ་༽ འཇུ་བཟུང་བྱེད་དགོསཔ་དེ་ཁོང་ཚོའི་ལས་འགན་མ་ཡིན་ནམ། ཁོང་ཚོས་དུས་ཚོད་རིང་པོ་འདི་ལྟར་སྒུག་སྡོད་བྱེད་དགོས་དོན་གང་ཡིན་ནམ།
ལར་ནས་གོ་མཚོན་འདི་དག་གང་དུ་བཟོ་བསྐྲུན་བྱས་ཡོད་དམ། སྤྱིར་བཏང་གོ་མཚོན་སོ་སོའི་སྟེང་ཚོང་རྟགས་འཁོད་ཡོད་པ་ནས་དེ་དག་གི་ཡོང་ཁུངས་གསལ་པོ་ཤེས་རྟོགས་ཐུབ་ཀྱི་ཡོད་ཅིང༌། རྒྱ་ནག་སྤྱི་བདེ་པུའུ་ཡི་མགྲིན་ཚབ་པས་རྒྱལ་སྤྱིའི་གསར་ལམ་གྱི་མདུན་སར་གོང་གསལ་གོ་མཚོན་རྣམས་ཀྱི་ཡོང་ཁུངས་གསལ་བཤད་མི་བྱེད་པའི་རྒྱུ་མཚན་གང་ཡིན་ནམ།
ཆོས་གོས་སྤྲས་པའི་བཅིངས་འགྲོལ་དམག་དཔུང༌།
རྒྱ་ནག་གཞུང་གིས་ྋགོང་ས་ྋསྐྱབས་མགོན་ཆེན་པོ་མཆོག་ལ་ ༼ཆོས་གོས་གྱོན་པའི་འཕར་སྤྱང་༽ ཞེས་མཚན་སྨད་སྐུར་འདེབས་ཞུ་གི་ཡོད། ༼འོན་ཀྱང་༽ ཕྱི་ལོ་ ༡༩༥༩ ལོར་བོད་མིའི་རང་དབང་སྒེར་ལངས་བྱུང་བ་ནས་བཟུང་ ༼རྒྱ་ནག་༽བཅིངས་འགྲོལ་དམག་གིས་འདི་ལྟར་བྱ་རྒྱུ་ཁོང་ཚོའི་རྒྱུན་གཤིས་ལྟ་བུ་ཆགས་ཡོད་པ་སྟེ། ཆོས་བྱེད་དགེ་འདུན་པའི་ངོ་བོར་བརྫུས་ནས་བོད་མི་ནང་ཁུལ་དུ་ཕུང་སྦྱོར་དབྱེན་དཀྲུག་བྱ་རྒྱུ་དང༌། མགོ་སྐོར་བསླུ་བྲིད་བྱ་རྒྱུ། དེ་བཞིན་གཞི་རིམ་མང་ཚོགས་ཀྱི་ཁྲོད་དུསིམ་འཛུལ་གྱིས་ཁོང་ཚོར་སྲིད་གཞུང་ནས་འཕྲལ་དུ་དྲག་གནོན་བྱེད་འོས་པའི་ཐ་ཤལ་གྱི་བྱ་སྤྱོད་རིགས་སྤེལ་རྒྱུའི་ངན་སྐུལ་བྱ་རྒྱུབཅས་
ཡིན།
དཔེར་ན། རྣམ་གྲྭ་ཕྱག་ཟུར་རྒྱལ་མཚན་ལགས་ཀྱི་བརྩམས་དེབ་ ༼བོད་གཞུང་ཕྱི་དྲིལ་ལས་ཁུངས་ནས་ཕྱི་ལོ་ ༡༩༩༢ ལོར་དཔར་སྐྲུན་ཞུས་པ་༽ རྒྱའི་བཙོན་ཁང་ནང་བོད་མིས་སྡུག་སྦྱོང་ཇི་ལྟར་མྱངས་པའི་དོན་དངོས་ལོ་རྒྱུས་ཞེས་པའི་ནང༌། ལྷ་སར་ཕྱི་ལོ་ ༡༩༥༩ ལོའི་རང་དབང་སྒེར་ལངས་བྱུང་སྐབས་རྒྱ་དམག་གིས་བོད་མིའི་གཟུགས་སུ་བμཎརྐྱ་ཏེ་ཕོ་བྲང་པོ་ཏཱ་ལའི་ཉེ་འདབས་ཆགས་པའི་ལྕགས་པོ་རིར་འཛེགས་ནས་བསངས་གསོལ་བཏང་བ་དང༌། དར་ལྕོག་བཙུགས་པ་སོགས་བྱས་ཡོད་པ་དེ་ནི་ལྷ་སའི་འཐབ་མོའི་ནང་བོད་མིའི་ཕྱོགས་ལ་རྒྱལ་ཁ་ཐོབ་པའི་རྣམ་པ་སྟོན་རྒྱུའི་མི་མང་བསླུ་ཐབས་ཀྱི་བྱེད་ཕྱོགས་ཤིག་ཡིན་སྐོར་གསལ་འདུག དེ་ལྟར་བྱེད་དགོས་པའི་རྒྱུ་མཚན་གཞན་ཞིག་ནི། ༼སྐབས་དེའི་དུས་ཟིང་ནང་༽ གལ་ཏེ་བོད་མི་འཐབ་འཛིང་བྱེད་མཁན་ཚོས་ ༼དངོས་འབྲེལ་རྒྱལ་ཁ་ཐོབ་ཡོད་སྙམ་དུ་༽ རང་རང་ཡིབ་ཁུང་ནས་ཕྱིར་ཐོན་པ་ཡིན་ན། བཅིངས་འགྲོལ་དམག་གིས་དེ་འཕྲལ་མེ་མདའ་བརྒྱབས་ཏེ་ཁོང་ཚོ་ལས་སླ་པོའི་ངང་ནས་གསོད་ཐུབ་པ་ཞིག་ཡོང་གི་ཡོད་པས་ཡིན།
ཆབ་སྲིད་བཙོན་ཟུར་དགའ་གྲྭ་བག་གྲོས་གནས་ཚུལ་འགྲེལ་བརྗོད་བྱས་པ་ཞིག་གི་ནང་དུའང༌། དེ་སྔ་ཕྱི་ལོ་ ༡༩༨༨ ཟླ་༣ ཚེས་ ༥ ཉིན་ལྷ་སར་བོད་རྒྱ་ཆེའི་མང་ཚོགས་ཀྱིས་གཞི་རྒྱ་ཆེ་བའི་རྔམ་སྟོན་ཁྲོམ་སྐོར་བྱེད་སྐབས་རྒྱ་ནག་གཞུང་ནས་རྒྱ་རིགས་ཞི་ལས་པ་དང༌། དམག་མི་ཕོན་ཆེ་ཞིག་ལ་གྲྭ་ཆས་དང༌། མི་སེར་དཀྱུས་མའི་གྱོན་གོས་གཡོགས་ཏེ་ལྷ་སའི་གྲོང་ཁྱེར་ཡོངས་རྫོགས་ནང་བཀྲམས་པ་སོགས་ཆེས་ཐ་ཤལ་ཅན་གྱི་གཡོ་ཐབས་སྤྱད་སྐོར་གསལ་འདུག
དེ་བཞིན་རྒྱ་ནག་ནས་ཕརན་སིར་བཙན་བྱོལ་དུ་འབྱོར་བ་རྒྱ་རིགས་རྩོམ་པ་པོ་ཐང་ཏ་ཤན་གྱིས་བྲིས་པའི་རྒྱ་དེབ། བོད་གཞུང་ཕྱི་དྲིལ་ལས་ཁུངས་ནས་བོད་བསྒྱུར་དང་འབྲེལ་ཕྱི་ལོ་ ༡༩༩༢ ལོར་དཔར་སྐྲུན་ཞུས་པ་མེ་མདའི་རྩེ་གྲི་ཐད་ཀར་ལྷ་སར་གཏད་པ་ཞེས་པའི་ནང༌། ལྷ་སར་ཕྱི་ལོ་ ༡༩༨༩ ལོའི་ཞི་བའི་ངོ་རྒོལ་གྱི་ལས་འགུལ་བྱུང་སྐབས་རྒྱ་ནག་གཞུང་ནས་བོད་མི་ངོ་རྒོལ་བྱེད་མཁན་ཚོའི་ཐོག་དོན་ཚན་བཞི་ཅན་གྱི་དམག་རྒྱག་རྒྱུའི་འཆར་གཞི་བཀོད་སྒྲིག་བྱས་ཡོད་པ་དེའི་ཆ་ཤས་སུ། རྒྱ་ནག་གཞུང་གི་རྒྱུགས་ཁྱིའམ་གསང་ཉུལ་པ་སུམ་བརྒྱ་སྐོར་ཞིག་མི་མང་དང༌། གྲྭ་པའི་ནང་འཛུལ་ནས་ཚེས་ལྔ་ཉིན་གྱི་ཞོགས་པ་བར་སྐོར་ནང་དང༌། ལྷ་སའི་ཟིང་ཆ་ཡོད་སའི་ས་གནས་ཁག་ལ་བསྐྱོད་དེ་སྤྱི་བདེ་ཐིང་དང༌། གྲོང་ཁྱེར་སྤྱི་བདེ་ཅུས་ཀྱི་དཀྱུས་ཆས་སྤྲས་པའི་ཉེན་རྟོག་པར་རམ་འདེགས་བྱས་ནས་ཆེད་མངགས་རྣམ་པ་ཟང་ཟིང་བཟོ་རྒྱུའི་གཏན་འབེབས་བྱས་ཡོད་པ་དང༌། དེ་ཡང༌། ༡༽ གཙུག་ལག་ཁང་གི་བྱང་ཤར་ཕྱོགས་སུ་ཡོད་པའི་དགའ་ལྡན་དར་སྨྱོན་དང༌། ཤར་སྐྱ་རེངས་དར་ཆེན་མེར་བསྲེགས་གཏོང་རྒྱུ་དང་། ༢༽ ལྷ་ས་གྲོང་ཁྱེར་ཁྲེང་ཀོན་ཆུས་ཀྱི་འབྲུ་རིགས་ཚོང་ཁང་གཏོར་བཅོམ་བྱས་ནས་གྲོང་མི་ཚོ་མཉམ་དུ་འབྲུ་རིགས་བརྐུ་རྒྱག་བྱེད་འཇུག་རྒྱུ་དང་ཆབས་ཅིག བོད་དང་ཀན་སུ་ཟུང་སྦྲེལ་གྱིས་གཉེར་བའི་ཚོང་ཁང་ཆེན་མོར་དཀྲོག་རྐྱེན་གཏོར་བཅོམ་བྱསཏེ་
གྲོང་མི་ཚོར་ཚོང་ཟོག་བརྐུ་རྒྱག་བྱ་རྒྱུའི་ངན་སྐུལ་བྱེད་དགོས་པའི་ལས་འགན་སྤྲད་ཡོད་པ་སོགས་ཀྱི་གནས་ཚུལ་བཀོད་འདུག་པབཅས་ནས་ཤེས་རྟོགས་ཐུབ་ངེས་ཡིན་ནོ།། །།
