རྒྱལ་བ་རིན་པོ་ཆེ་མཆོག་དེ་རིང་ཉིན་གུང་རྒྱབ་ཏུ་ཕྱིར་བཞུགས་སྒར་དུ་ཆིབས་བསྒྱུར་གནང་ཡོད་པ་རེད།
རྒྱལ་བ་རིན་པོ་ཆེ་མཆོག་གི་སྐུའི་མཁྲིས་རྡོའི་གཤག་བཅོས་ལེགས་པར་བྱུང་རྗེས་ལྡི་ལི་ནས་ཉིན་ཤས་རིང་སྐུ་ངལ་གསོས་ཡོད་པ་དང་། ཕྱི་ཚེས་ ༢༠ ཉིན་ཁོང་ཉིད་ལྡི་ལི་ནས་ཕྱིར་བཞུགས་སྒར་ངྷ་རམ་ས་ལར་ཆིབས་སྒྱུར་གནང་ཡོད་པ་རེད། བཞུགས་སྒར་གྱི་མི་དམངས་ཀྱིས་ངྷ་ཞོད་ནས་ལམ་ཁ་གཡས་གཡོན་དུ་བང་སྒྲིག་ནས་ཕེབས་བསུ་གནང་ཡོད་པ་རེད།
རྒྱལ་བ་རིན་པོ་ཆེ་མཆོག་གི་ཞལ་མདངས་སྔར་བཞིན་འདུག་ལ། ཁོང་གིས་ཞལ་འཛུམ་དང་བཅས་མི་དམངས་ལ་འཚམས་འདྲི་ཕྱག་བརྡ་གནང་བཞིན་ཕེབས་ལ། མི་དམངས་ཀྱིས་ཀྱང་ཁོང་ཉིད་མཇལ་བ་དང་མཉམ་དུ་མིག་ཆུ་དབང་མེད་དུ་འཆོར་མཁན་ཡང་མང་པོ་འདུག
འབྲེལ་ཡོད་བོད་ལུགས་སྨན་པ་ཞིག་གིས་གསུངས་དོན། སྤྱིར་ཡིན་ན་གཤག་བཅོས་གནང་གྲུབ་རྗེས་ལོ་གཅིག་མིན་ནའང་། ལོ་ཕྱེད་ཅིག་གི་རིང་ལ་ངེས་པར་དུ་སྐུ་ངལ་གསོ་དགོས་པ་རེད་ཅེས་འདི་ག་གསར་ཁང་ལ་བརྗོད་བྱུང་། ཡིན་ནའང་རྒྱལ་བ་རིན་པོ་ཆེ་མཆོག་ལ་སྐུ་ངལ་གསོ་བའི་དུས་ཚོད་ཅིག་མེད་པར། བདུན་ཕྲག་གཅིག་ལྷག་གི་རྗེས་ནས་ཡང་བསྐྱར་ཁོང་ཉིད་ཀྱི་ཆིབས་བསྒྱུར་མཛད་འཕྲིན་ཁག་མཇུག་སྐྱོང་རྒྱུ་ཡིན་འདུག
དེ་རང་ནོར་སོང་བ་རེད། སྐབས་དེར་སྐུའི་སྨན་བཅོས་མང་ཚོགས་ཀྱིས་ཧ་གོ་ཡོད་པས། མང་ཚོགས་ཀྱིས་ལས་བྱེད་ཚོར་བསྐུལ་མ་གཏོང་དགོས་ཀྱི་རེད། ཡིན་ནའི། མང་ཚོགས་ལ་གྲགས་འགུལ་མེད་པ་འདི་སྐྱིན་ཆེ་ཞིག་རེད།
དྲ་གྲོགས་གནས་ཚང་ལགས། ཐོག་མར་ཁྱེད་ཀྱིས་དྲི་བ་འདི་འདོན་ས་དྲ་གྲོགས་ཚོ་མ་ཡིན་པར་བོད་གཞུང་གི་ལས་ཀྱི་སྣེ་མོ་བ་༧ཁོང་གིས་སྐུ་ཕྱ་དང་ལྟ་རྟོགས་ཐད་དུ་འགན་ལེན་བྱེད་མཁན་དེ་དག་ཡིན་ལ། དེ་དག་གིས་ཁྱེད་རང་ལ་ཁ་གསལ་བོས་ལན་ཞིག་གནང་མ་ཐུབ་པ་ཡིན་ན། ཁྱེད་རང་གིས་དྲ་གྲོགས་ངེད་ཚོས་༧གོང་ས་མཆོག་གི་སྐུའི་བདེ་ཐང་ལ་སེམས་འཁུར་བྱེད་ཀྱི་ཡོད་པ་དེ་ནི་བདེན་པ་ཡིན་ན་ཡང་། ཁྱེད་ཀྱིས་བསམ་པ་ལྟར་ང་ཚོས་བོད་གཞུང་གི་ལས་ཀྱི་སྣེ་མོ་བ་དེ་ཚོ་ལ་གུས་ཞབས་དང་བརྩི་བཀུར་གྱི་རྣམ་པ་ལས་གཞན་འགྲོ་ས་མེད་པའི་ལས་དབང་ཞིག་གོང་གི་ལས་བྱེད་དག་གིས་འོག་གི་མི་དམངས་ཚོ་གནང་ཡོད་པའི་གནས་ལུགས་དེ་ཁྱེད་ཀྱིས་ཤེས་ཀྱི་མེད་སྟབས། ཁྱེད་རང་ལ་ཁག་མེད་ཟེར་ན་འགྲིག གང་ལྟར་ཁྱེད་རང་གིས་དྲི་བ་འདིས་ལན་ངོ་མ་ཞིག་མ་རྙེད་ཐབས་མེད་ཡིན་ཟེར་ན་གོང་དུ་ལམ་ཁ་དེར་བསྐྱོད་རོགས། དེ་ནས་སླར་ལོག་པའི་ལམ་ཁ་དེ་ནས་ཡང་བསྐྱར་འུ་གཉིས་ཀྱིས་བསམ་ཚུལ་གླེང་རེས་བྱེད་ཡ་་་་
དགོངས་དག ངའི་དོགས་གཞི་ཡོང་ས་གཙོ་བོ་གསར་འགྱུར་༼
སྐུའི་ཉེན་སྲུང༌གི་གནད་དོན༽ཞེས་པ་དེ་ཡིན།
༡ རྒྱ་གར་ནང་སྔར་དྲག་སྤྱོད་བྱུང་མ་མྱོང་བ་མ་རེད་ལ། ཐ་ན་ཏཱ་ལའི་བླ་མར་ཁ་གཏད་པའི་དྲག་སྤྱོད་གསལ་བསྒྲགས་ཀྱང་གསར་ལམ་ཁག་ཏུ་ཐོན་མྱོང་བ་རེད། དེ་དུས་ཅིའི་ཕྱིར་སྐུའི་ཉེན་སྲུང་འཐུས་སྒོ་ཇེ་ཚང་དུ་མ་བཏང་བ་ཡིན་ནམ།
༢ སྒོས་སུ་གསར་འགྱུར་དེ་ཟླ་བཅུ་བའི་ནང་ཕྱི་ལ་ཐོན་པ་དང་ཡང་ཟླ་བཅུ་བའི་ནང་ལས་ཀ་ལེགས་འགྲུབ་བྱེད་དགོས་དོན་ཅི། ཡང་ཅིག་བཤད་ན། ཟླ་བཅུ་བའི་ནང་བོད་མི་ཚོས་ག་རེ་གླེང་བཞིན་པ་དང་དེས་རྒྱ་གར་ལ་གྲིབ་གཟུགས་མི་མཐོང་བའི་དངངས་སྐྲག་ག་རེ་བསྐྱེད་ཀྱིན་ཡོད་དམ།
༣ ཉེན་སྲུང་དང་ལྟ་རྟོག་གཉིས་ལ་ལྷན་རྒྱས་ཀྱིས་གོ་བ་ལེན་སྟངས་ག་རེ་ཡིན་ནམ།
ངས་ལྷན་རྒྱས་དྲི་བ་ཞིག་འདོན་གྱི་ཡིན།
༡ གལ་སྲིད་འདི་འདྲའི་དད་པ་ཞིག་ཡོད་ན། ཅིའི་ཕྱིར་སྐུ་རྐྱང་དུ་རྒྱ་གར་ཨེམ་རྗེ་ཁོ་ནའི་གཤག་གྲིའི་འོག་འཇུག་སྲོལ་ཞིག་ཡོད་དམ། བླ་སྨན་ནམ་ཡང་ན་ཕྱི་རྒྱལ་གྱི་ཨེམ་རྗེ་བློས་ཐུབ་ཅིག་སྐུ་རོགས་སུ་ཁྲིད་དགོས་ཞེས་སུ་གང་གིས་ཀྱང་ལབ་མ་སོང་བའི་རྒྱུ་མཚན་ཅི།
༢ དོན་དག་འདིའི་སྒང་ནས་བལྟ་སྐབས། སྐུ་ཕྱཱ་ཞེས་པ་ཞིག་མི་སྒེར་ནས་ཚོགས་སྐྱིད་ཁག བོད་གཞུང་བཅས་ནས་མ་ཎི་བགྲང་བ་ལྟར་བྱེད་ཀྱིན་པའང་ཁེ་ཕན་ཙམ་གྱི་ཆེད་རེད། རྒྱུ་མཚན་ནི་གཤག་བཅོས་སྟབས་བསྟུན་དོན་ལྔ་སྣོད་དྲུག་ལས་གང་རུང་ཞིག་རྐུ་ལ་ཤོར་མེད་ཅེས་སུས་ལབ་ཐུབ་བམ།
༧གོང་ས་མཆོག ཁྱེད་རང་ལ་སྐུ་ངལ་བཟོ་མཁན་སུ་རེད།
བོད། ཤ་ཁྲག་རུས་གསུམ་གྱིས།
ཁྱེད་ཀྱིས་ད་དུང་སྐུ་ངལ་གསོ་བའི་གྲ་སྒྲིག་མི་བྱེད་པར
འགྲོ་དྲུག་སེམས་ཅན་དང་ ནང་དགོས་སུ་བོད་མི་དམངས་ཀྱི་ཆེད་དུ
ཉིན་མཚན་མེད་པར་སྐུ་ངལ་ཚད་མེད་མྱོང་ན་ཡང་
བསམ་ཤེས་མེད་པའི་ལས་ངན་ཁྱུ་གཅིག
ད་དུང་ ཁྱེད་ཀྱི་རྒྱབ་མདུན་གཉིས་སུ
ངོ་ཚ་དང་ཁྲེལ་གཞུང་མེད་པར
རང་རློམ་དང་ང་རྒྱལ་གྱིས་ཡར་བླངས་པའི་སྔ་གཞུག་དུ
ཉམ་ཆུང་བའི་བོད་པ་ང་
ཐག་རིང་རྣ་བའི་ཐོས་དུས སེམས་པ་གཏིང་ནས་སྐྱོ
བོད་པ་ཚང་གི་ཀླད་སྟོང་ཁ་ཤས་ཀྱིས
རང་རང་གི་གྲོད་ཁོག་རྒྱག་རྗེས་སུ
ཁྱེད་ཀྱིས བཀའ་དྲིན་མི་དྲན
ཁྱེད་ཀྱིས དགོང་གཞི་མི་ཤེས་པར
ཁ་སྟོང་ནང་གི་ཚིག་སྟོང་ལ་བདག་པོ་མི་བྱེད་པའི་ཅོལ་ཆུང་བ་འདི་ཚོས
དོན་དངོས་སུ་ཅི་ཡང་མ་ཤེས་པར་འུར་རྒྱག་པ
རྒྱང་རིང་ཡུལ་ནས་གོ་དུས སེམས་པ་གཏིང་ནས་སྡུག
བླ་མ་ལགས ཡིད་བཞིན་གྱི་ནོར་བུ
གདོང་དམར་གངས་ཅན་བོད་པ་ཚང་ལ
ཁྱེད་ཀྱིས་མ་གསུང་བ་གང་ཡང་ལུས་མེད
ཁྱེད་ཀྱིས་མ་སྒྲུབ་པ་ཅི་ཡང་ལྷག་མེད
ཁྱེད་ཀྱིས་མ་བསྟན་པའི་ལམ་ཁ་གཅིག་གྱང་སྐྱུར་མེད
ད་དུང་ གངས་ཅན་བོད་པ་ཚང་གི་ཆེད་དུ
ཁྱེད་ཀྱིས་སྐུ་ངལ་ཚད་མེད་མྱོང་བའི་རྣམ་ཐར
ལྷ་ཀླུ་མི་གསུམ འབྱུང་བོ་གདོན་འགེགས
གཟུགས་ཅན་དང་གཟུགས་མེད
སུ་གང་གིས་སྨྱུག་རྩེ་རུ་ལེན་དཀའ་དུས
ཁྱེད་ཀྱི་སྐུ་དྲིན་གྱི་ཆ་ཤས་ཙམ་དྲན་ནས མིག་མཐའ་མཆི་མས་བཟུང་
བོད་པ་ཚང་གི་མིག་ཆུ་ལ་རིན་ཐང་ཡོད་ན། བོད་པ་ཚང་གི་༧གོང་ས་མཆོག་ལ་བཅིངས་པའི་བརྩེ་བ་རྣམ་དག་ཡིན་ན། བོད་པ་ཚང་གི་༧དོན་གྱི་བདག་པོ་༧གོང་ས་མཆོག་གི་སྐྱོང་བའི་བཀའ་དྲིན་ངོ་མ་ཤེས་ཀྱི་ཡོད་ན། གང་ལྟར། བོད་པ་ཚང་གི་འདི་ཕྱིའི་༧སྐྱབས་གནས་མཆོག་གི་སྐུ་ངལ་གསོ་ཐུབ་པའི་དུས་ཤིག་ཡོད་ན་ཅི་མ་རུང་། གངས་ཅན་བོད་པ་ཚང་གི་རྡོག་རྩ་གཅིག་སྒྲིལ་གྱིས་༧གོང་ས་མཆོག་གི་ཐུགས་དགོང་སྒྲུབ་སྲིད་དམ།