གཞོན་ལྷན་གྱི་རྒྱུན་ལས་ཟུར་པའི་ཚོགས་འདུ་དེ་ཚོགས་ཆེན་ལ་དམིགས་པ་མ་ཡིན་པར། གཞོན་ནུའི་རང་བཙན་འཐབ་རྩོད་ཀྱི་ལས་འགུལ་སྤེལ་ཕྱོགས་ཐད་རྒྱུན་ལས་ཟུར་བ་དང་ལྷན་དུ་ལམ་སྟོན་དང་གོ་བསྡུར་གནང་ཆེད་ཡིན་ཟེར།
ཟླ་འདིའི་ཚེས་ ༢༥ དང་ ༢༦ ཉིན་གཉིས་རིང་ངྷ་ས་ས་གནས་གཞོན་ནུའི་གོ་སྒྲིག་འོག་དབུས་རྒྱུན་ཟུར་པའི་ཚོགས་འདུ་སྐོང་འཆར་ཡོད་པ་དང༌། འདི་ནི་ཐེངས་ ༣༩ པའི་གཞོན་ནུའི་འགན་འཛིན་ལྷན་ཚོགས་ཀྱི་གྲོས་ཆོད་གཞིར་བཟུང་གོ་སྒྲིག་གནང་བ་ཞིག་ཡིན་འདུག་ལ། གཞོན་་ལྷན་ནང་སྔོན་མ་ཕྱག་ལས་གནང་མྱོང་མཁན་གྱི་རྒྱུན་ལས་ཟུར་པ་ཡོངས་ལ་མགྲོན་བརྡ་བཏང་ཡོད་འདུག གཞོན་ལྷན་དབུས་རྒྱུན་ཟུར་པ། དེང་སྐབས་བོད་གཞུང་གི་གཞུང་ཞབསཡིན་པ་རྣམས་ཚོགས་བཅར་ཐད་དྲུང་ཆེ་དོན་འགྲུབ་ལྷ་དར་ལགས་ཀྱིས། ལྷན་ཚོགས་འདི་སྔོན་མ་ནས་གཞོན་ནུའི་སྒྲིག་འཛུགས་ནང་ཡོད་བསྡད་པ་ཞིག་རེད། ཐེངས་འདིའི་གཞུང་ཞབས་དབུས་རྒྱུན་ཟུར་པ་ཚོགས་བཅར་གནང་རྒྱུ་དེ་གལ་ཆེན་དུ་མཐོང་གི་ཡོད། ཁོང་ཚོའི་ནང་ལོ་ལྔ་དྲུག་ལ་གཞོན་ནུའི་སྒྲིག་འཛུགས་ནང་ཕྱག་ལས་གནང་མྱོང་མཁན་་ཡོད་པ་རེད། ཚོགས་འདུ་འདི་་ཡང་དབུས་རྒྱུན་ཟུར་པའི་མཚན་ཐོག་ནས་སྐོང་བཞིན་པ་ཞིག་ཡིན་པས་ཁོང་ཚོ་ཕེབས་རྒྱུ་དེ་གལ་ཆེན་པོ་རེད་བསམ། དབུས་རྒྱུན་ཟུར་པ་ཞིག་ཡིན་པ་དང་གང་ཟག་སྒེར་གྱི་ངོས་ནས་ཕེབས་དགོས་པ་ལས། གཞུང་གི་ངོས་ནས་ཕེབས་དགོས་པའི་གནས་སྟངས་ཆགས་ཡོད་པ་མ་རེད། ཐེངས་འདིར་དབུས་རྒྱུན་ཟུར་པ་འཚོགས་དོན་གཙོ་བོ་ནི། རྒྱུན་ལས་ཟུར་པ་དང་ལས་ཐོག་པ་ཡོངས་ནས་ད་ལྟའི་བར་གྱི་གཞོན་ནུའི་རང་བཙན་ལས་འགུལ་ལ་ཕྱོགས་སྡོམ་དང་མ་འོངས་རང་བཙན་འཐབ་རྩོད་ལས་རིམ་ཐད་གོ་བསྡུར་གྱི་ཆེད་ཡིན། ད་ལྟའི་ཆར་ཚོགས་ཞུགས་མི་སྣའི་གྲངས་འབོར་གསལ་ཞུ་ཐུབ་པ་མི་འདུག་ཟེར།
ཡང་ཁོང་གིས། སྤྱི་ཟླ་ ༡༡ པའི་ཚོགས་ཆེན་འདི་ནི། མི་ལོ་ ༦༠ ལྷག་གི་རང་བཙན་འཐབ་རྩོད་ཀྱི་ཉམས་མྱོང་ཕྱོགས་སྡོམ་དང༌། ད་ལྟའི་གནས་བབ། མ་འོངས་པར་གོམ་པ་རྒྱག་སྟངས་སོགས་ཕྱོགས་གསུམ་ལ་བསམ་བློ་བཏང་སྟེ་གྲོས་བསྡུར་བྱེད་དགོས་པ་དེ་ཚང་མའི་ལས་འགན་རེད་བསམ། སྒྲིག་འཛུགས་སོ་སོར་སྲིད་བྱུས་དང་ལངས་ཕྱོགས་མི་འདྲ་བ་ཡོད་པ་རེད། དེའི་དབང་གིས་ཚོགས་འདུའི་སྟེང་བསམ་ཚུལ་མི་འདྲ་བའི་ཐད་བགྲོ་གླེང་ཤུགས་ཆེར་ཡོང་གི་རེད་ལ། ཡོང་དགོས་པ་ཞིག་ཀྱང་རེད་བསམ། གཞོན་ལྷན་གྱི་རང་བཙན་སླར་གསོའི་དམིགས་ཡུལ་དེ་ད་ལྟའི་བར་འགྱུར་བ་བྱུང་མེད་ལ་མ་འོངས་པར་ཡང་འགྱུར་བ་འགྲོ་གི་མ་རེད། དེ་བས་དམིགས་ཡུལ་གཞིར་བཟུང་ཐོག་བསམ་ཚུལ་འདྲ་མིན་ཡོང་གི་རེད། གཞོན་ལྷན་ཀྱི་ཐེངས་འདིའི་ཚོགས་ཆེན་འཐུས་ཚབ་དེ་ཚོགས་གཙོ་དང་ཚོགས་གཞོན་གཉིས་ཡིན་ལ། ས་གནས་ཁག་ཡོངས་ལ་ཡིག་ཐོག་ནས་གཞོན་ནུའི་རང་བཙན་སླར་གསོའི་སྲིད་བྱུས་དང་ས་གནས་མི་མང་གི་བསམ་ཚུལ་བསྡུ་ལེན་གྱི་བཀོད་ཁྱབ་བཀྲམས་ཡོད། དེའི་ནང་དམིགས་བསལ་གྱིས་ས་གནས་མི་མང་གི་རང་མོས་བསམ་ཚུལ་བསྡུ་རྒྱུ་དེ་ནན་བཤད་བྱས་ཡོད། དེ་ནི་ང་ཚོས་རང་བཙན་སྐུལ་སློང་བྱས་པ་མ་ཡིན་པར། མང་ཚོགས་ཀྱི་བསམ་ཚུལ་དང་མངོན་འདོད་གང་ཡིན་སླེབས་ཐུབ་ཆེད་ཡིན། སྤྱི་ཟླ་ ༡༡ པའི་ཟླ་སྟོད་བར་ས་གནས་ཁག་གི་བསམ་ཚུལ་དབུས་ལ་འབྱོར་རྒྱུ་དང་དབུས་ནས་ཕྱོགས་སྡོམ་གྱིས་བསམ་ཚུལ་འཁུར་ཐུབ་པའི་ལས་རིམ་སྒྲུབ་བཞིན་ཡོད། དེ་ལྟ་ནའང༌། མི་མང་ནང་ཁུལ་ཏུ་ཐེངས་འདིའི་ཚོགས་ཆེན་དེ་དབུ་མའི་ལམ་དང་རང་བཙན་སྐོར་གྱི་ཚོགས་ཆེན་ཞིག་ཡིན་པའི་གླེང་སློང་ཡོང་གི་ཡོད་པ་རེད། དོན་ངོ་མར་༧གོང་ས་མཆོག་གི་བཀའ་བཞིན་བོད་ནང་གི་ཛ་དྲག་གནས་སྟངས་དང་རྒྱལ་སྤྱིའི་གནས་བབ་ཐོག་བསམ་ཤེས་བྱ་དགོས་པའི་གནས་སྟངས་ཤིག་ཆགས་ཡོད། ཐེངས་འདིའི་ཚོགས་འདུའི་བརྗོད་གཞི་གུ་ཡངས་པོ་ཞིག་ཡོད་པ་དེ་གུ་དོག་པོ་མི་བཟོ་བའི་ཐད་ལ་ང་ཚོའི་ངོས་ནས་རེ་བ་དང་འབོད་སྐུལ་ཞུ་བཞིན་ཡོད། ད་སྐབས་སྤྱི་ཚོགས་ནང་བསམ་ཚུལ་འདྲ་མིན་དང་དྲང་བདེན་མིན་པའི་བཤད་ཡམས་འདྲ་མིན་འགྲེམ་གྱི་འདུག མི་ཁ་ཤས་ཤིག་གིས་ཐེངས་འདིའི་ཚོགས་འདུའི་ནང་རང་བཙན་གྱི་བསམ་ཚུལ་ཤུགས་ཆེར་གླེང་ན་འགྲིག་གི་མ་རེད། དེ་ལྟར་བྱས་ན་དབུ་མའི་ལམ་གྱི་སྲིད་བྱུས་ལ་འགྱུར་བ་འགྲོ་བ་དང་༧སྐྱབས་མགོན་རིན་པོ་ཆེ་ཐུགས་ཕམ་གི་རེད། ༧སྐྱབས་མགོན་རིན་པོ་ཆེས་ཐུགས་འགན་མཚམས་བཞག་སྟེ་བགྲེས་ཡོལ་ལ་ཕེབས་གི་རེད་ཅེས་པའི་བསམ་ཚུལ་མང་ཚོགས་ནང་བཀྲམས་ཡོད་པ་རེད། དེ་ནི་བློ་ཕམ་པའི་གནས་སྟངས་ཤིག་རེད་བསམ། ༧གོང་ས་མཆོག་གིས་དུས་ནམ་ཡང་མང་ཚོགས་ཀྱི་བསམ་ཚུལ་དེ་གལ་ཆེན་དུ་བརྩི་གི་ཡོད་པ་རེད་ཅེས་བརྗོད་བྱུང༌།
ཡག་པོ་རེད། གཞོན་ལྷན་ཡིན་ནའང་ང་ཚོའི་སྤྱི་ཚོགས་རང་གི་གྲུབ་ཆ་གལ་ཆེན་ཞིག་རེད། ད་ཆ་དབུས་རྒྱུན་ཟུར་པ་དག་སྐད་གཏོང་གི་ཡོད་པ་ནི་ཚོགས་འདུ་གནད་འགག་ཆེན་པོ་ཞིག་རེད། འདི་ཚང་མས་ཤེས་དགོས་པ་རེད།
སྤྱིར་བཏང་གིས་བཤད་ན། ཁོང་ཚོའི་ཚོགས་མི་ནི་སྤྱིར་བཏང་གིས་བཤད་ན་སུས་ཀྱང་བཤད་མི་ཤེས་པ་ཞིག་ཡིན་ནི་རེད། གཙོ་ཆེ་ཤོས་མཐོ་སློབ་ཁག་གི་སློབ་མ་རྣམས་དང་། གཞིས་ཆགས་ཁག་ནང་གི་གཞོན་ནུ་ཚོ། དེ་བཞིན་སྒྲིག་འཛུགས་ཁག་ནང་གི་ན་གཞོན་ཚོ་རེད། འོན་ཀྱང་། ལོ་ཤས་སྔོན། བཀའ་ཁྲི་ཟམ་གདོང་རིན་པོ་ཆེ་མཆོག་གིས་བཀའ་རྒྱ་བཏང་བ་བཞིན་གངས་སྐྱིད་ཀྱི་གཞུང་ཞབས་ཁོང་ཡོད་པའི་གཞོན་ནུའི་རུ་ཁག་དེ་སྒོ་བརྒྱབས་པ་རེད། ད་ཆར་གངས་སྐྱིད་དུ་གཞོན་ནུའི་རུ་ཁག་ཅིག་ལྷག་ཡོད་ན་ནི་སྨན་རྩིས་ཁང་གི་མཐོ་སློབ་པ་ཚོ་ཡིན། དེ་མ་གཏོགས་ཡོད་པ་མ་རེད།
རྗེས་མ་གཞིས་ཆགས་ཁག་དང་མཐོ་སློབ་ཁག་ནས་ཀྱང་གཞོན་ལྷན་གྱི་ཚོགས་མི་ཡོང་མིན་དོགས་པ་རེད། ཅིའི་ཕྱིར་ཞེ་ན། རྒྱ་ནག་གཞུང་གི་གནོན་ཤུགས་དང་བཙན་བྱོལ་བོད་གཞུང་གི་ལངས་ཕྱོགས་སྟེང་ནས་བལྟས་ན་རང་བཙན་རྩོད་མཁན་ཚོར་མདུན་ལམ་ཇེ་དོག་དང་ཇེ་ཐུང་ཡིན་ནི་རེེད། འདིའི་རིགས་དམར་རྗེན་དུ་ཕུད་ནས་བཤད་དགོས་གི་མ་རེད་བསམ་ཡོད། རང་རང་གིས་ཀྱང་སེམས་རྣལ་དུ་ཕབ་ནས་དབྱེ་ཞིབ་གནང་རོགས།
༧གོང་ས་མཆོག་གིས་ག་དུས་ཡིན་ཡང་མི་དམངས་ལ་བརྩི་བཀུར་དང་ཐུགས་འཁུར་གནང་གི་ཡོད་པ་ནི་བཤད་མ་དགོས་པ་ཞིག་རེད། ཡིན་ཡང་༧གོང་ས་མཆོག་གི་གང་གསུང་བ་ལ་མི་དམངས་ཀྱི་རྒྱབ་སྐྱོར་མ་ཐོབ་པ་ཡིན་ན་ནི། ༧གོང་ས་མཆོག་གིས་དགོང་པ་ཞུས་པ་མ་ཡིན་པར་མི་དམངས་ཀྱིས་༧གོང་ས་མཆོག་ལ་དགོང་བ་ཞུ་རུ་བཅུགས་པ་རེད། དེའི་ཉིན་མོ་དེར་མི་དམངས་ཀྱི་སྣེ་ཁྲིད་མི་དམངས་ཀྱི་བྱེད་དགོས་བྱུང་གི་རེད། ཉིན་མོ་དེར་ག་རེ་བྱུང་མིན་གྱི་གནད་དོན་ཤེས་མཁན་གྱི་གངས་ཅན་བོད་པ་ཚང་གི་སྣེ་ཁྲིད་བྱེད་ཐུབ་པ་འཛམ་གླིང་མི་དམངས་ཀྱི་རྒྱབ་སྐྱོར་བྱེད་སྲིད་པའི་དབུ་ཁྲིད་ཇི་ལྟར་བྱུང་གི་རེད། ༧གོང་ས་མཆོག་ཐུགས་ཕམ་བྱུང་གི་རེད་ཅེས་པའི་སྐད་ཆ་དེ་བཤད་མཁན་དེ་ཡིས་གནད་དོན་གསལ་བོ་ཞིག་ཤེས་དགོས་པ་ནི་༧གོང་ས་མཆོག་སྐུ་སྒེར་ལ་ཐུགས་ཕམ་བྱུང་དགོས་པའི་གནས་ཚུལ་གང་ཡང་ལྷག་དོན་མེད། ༧གོང་ས་མཆོག་གི་ཞལ་ནས་གལ་ཏེ་གྱོང་ཞིག་རེག་པ་ཡིན་ན་བོད་མི་དམངས་ལ་རེག་གི་རེད་མ་གཏོགས་ང་ནང་བའི་དགེ་སློང་དཀྱིས་མ་ཞིག་ལ་གྱོང་རེག་འགྲོ་བ་གང་ཡང་ཡོད་མ་རེད་ཅེས་གསུང་ཚར་བ་རེད་ལོ་ངོ་ཁ་ཤས་ཀྱི་གོང་ནས།
དོན་དངོས་ཀྱི་བློ་ཕམ་བྱུང་དགོས་པའི་གནད་དོན་དེ་ནི་བོད་མི་དམངས་ཀྱི་ཐོག་དུ་ཡོང་སྲིད་པ་ནི། སྲིད་དོན་ལ་མཁས་ཟེར་བ་རེ་ཟུང་གིས་བོད་མི་དམངས་ཀྱི་བདེ་སྡུག་གི་འདས་མ་འོངས་བ་ཡོད་ཚད་ལ་འགན་ཡོད་པ་དང་ཕུགས་འདུན་ཡོད་པའི་ལམ་ཁ་ཞིག་སྟོན་མ་ཐུབ་པར་ལོག་ལམ་མམ་ཐུང་ལམ་དུ་སོང་བས་ཉིན་དེར།