རྒྱ་ནག་གཞུང་གིས་ཐོག་མཐའ་བར་གསུམ་དུ་བོད་ཀྱི་ལོ་རྒྱུས་རྫུན་བཟོ་བཅོས་སྒྲིག་བྱས་ཡོད། ལྷག་པར་དུ་ད་ལོ་༧གོང་ས་མཆོག་ལ་སྐྱོན་བརྗོད་དང་མཚན་སྨོད། སྒྲོ་འདོགས་སྐུར་འདེབས་ཚད་ལས་བརྒལ་བ་བྱས་ཡོད། མི་ལ་ལས་སོ་སོ་དེའི་ནང་མི་གཏོགས་པའི་བསམ་ཚུལ་འཛིན་གྱིན་ཡོད། རྒྱ་གཞུང་གིས་སྐྱོན་འཛུགས་བྱེད་ས་༧གོང་ས་མཆོག་གཅིག་པུ་མ་རེད། ཏཱ་ལའི་རུ་ཚོགས་ཞེས། ཁྱོད་དང་ང་མེད་པར་བཙན་བྱོལ་བོད་པ་ཡོངས་ལ་གཞི་མེད་ཀྱི་སྐྱོན་འཛུགས་རབས་དང་རིམ་པ་བྱས་ཡོད། སྙིང་རུས་དང་རྒྱལ་ཞེན་ཅན་ཚོར་རྒྱུ་མཚན་འདི་ལ་བརྟེན་ཏེ་སེམས་ལ་ཚོར་བ་ཞིག་སླེབས་ཀྱིན་ཡོད་ལ། ཚོར་བ་འདི་ལ་བརྟེན་ཏེ་ལས་འགན་འདི་ཕྲག་ཏུ་བླངས་པ་ཞིག་ལ་ངོས་འཛིན་བྱེད་ཀྱིན་ཡོད།
དེ་རིང་སྔ་དྲོ་ཆུ་ཚོད་ ༡༠ ཐོག་བཞུགས་སྒར་གངས་སྐྱིད་སྤྱི་ཐབ་ཐོག་ཁང་དུ་གངས་ལྗོངས་སྙུག་ཚོགས་ཀྱི་གོ་སྒྲིག་འོག དཔེ་དེབ་དབུ་འབྱེད་ཀྱི་མཛད་སྒོ་ཞིག་འཚོགས་ཡོད་པ་དང༌། སྐབས་དེར་སྐུ་མགྲོན་གཙོ་བོ་ཕྱི་དྲིལ་བཀའ་བློན་སྟག་ལྷ་སྐལ་བཟང་དབྱངས་སྐྱིད་མཆོག་གིས་གངས་ལྗོངས་སྙུག་ཚོགས་ཀྱིས་རྩོམ་སྒྲིག་མཛད་པའི། བོད་ཀྱི་མིག བྱ་བའི་དེབ་གཟུགས་གཉིས་དབུ་འབྱེད་གནང་ཡོད། མཛད་སྒོའི་སྟེང་བོད་མི་མང་སྤྱི་འཐུས་ཁག་ཅིག་དང་ཚོགས་པ་སྒྲིག་འཛུགས་ཁག་གི་སྐུ་ཚབ་སོགས་སྐུ་མགྲོན་མང་པོ་ཞིག་ཕེབས་ཡོད་པ་དང༌། དཔེ་དེབ་དབུ་འབྱེད་མ་གནང་སྔོན་ལ་གངས་ལྗོངས་སྙུ་གུ་ཚོགས་པའི་ཚོགས་གཞོན་པ་སངས་ལགས་ཀྱིས་གངས་ལྗོངས་སྙུ་གུ་ཚོགས་པ་ངོ་སྤྲོད་གནང་དོན། 
ད་ལོའི་སྤྱི་ཟླ་ ༣ ཚེས་ ༢༧ ནས་གངས་ལྗོངས་སྙུ་གུ་ཚོགས་པ་འདི་བཙུགས་པ་ཡིན། སྐབས་དེར་བོད་ནང་གི་གནས་སྟེང་ཉིན་རེ་ལས་ཉིན་རེར་ཛ་དྲག་ཏུ་འགྲོ་བཞིན་ཡོད་ལ། དེ་ལ་རྒྱ་ནག་གཞུང་འབྲེལ་ཞིན་ཧ་གསར་ཁང་དང་ཀྲུང་གོའི་བོད་ཀྱི་ཆ་འཕྲིན་ལྟེ་གནས། བོད་ལྗོངས་ཉིན་རེ་ཚགས་པར་སོགས་གསར་ལམ་ཁག་ཚང་མའི་ནང༌། གནས་ཚུལ་རྫུན་བཟོ་དང་འཁྱོག་བརྗོད་ཀྱི་རྩོམ་ཡིག་མང་དག་ཅིག་འཐོན་བཞིན་ཡོད་སྟབས། དེ་དག་ལ་དྲང་བདེན་གྱི་ལན་འདེབས་ཤིག་བྱ་ཆེད། ང་ཚོ་སྐོར་ཅིག་གིས་རྩོམ་པ་པོ་མང་པོ་ཞིག་ལ་འབོད་སྐུལ་ཞུས་ཏེ་རྩོམ་ཡིག་ཕྱོགས་སྒྲིག་གི་ལས་གཞི་འདི་མགོ་བརྩམས་པ་ཡིན། ཞེས་གསུངས་བྱུང༌།
དེའི་རྗེས་གངས་ལྗོངས་སྙུ་གུ་ཚོགས་པའི་ཚོགས་གཙོ་རྡོ་རྗེ་རིན་ཆེན་ལགས་ཀྱིས། བོད་ཀྱི་མིག བྱ་བའི་དཔེ་དེབ་དེ་གཉིས་ཀྱི་དགོས་པ་རྒྱུ་མཚན་གསུངས་དོན། ང་ཚོས་ལས་ཞོར་གྱི་དུས་ཚོད་དམ་འཛིན་བྱས་ཏེ། སྤྱིར་བཏང་རྒྱ་ནག་གི་འཁྱོག་བརྗོད་ཚང་མར་ལན་འདེབས་བྱ་དགོས་པ་ཆགས་མེད། འབའ་བ་ཕུན་དབང་གིས། རྒྱ་ནག་གཞུང་འཛིན་ནང་འདི་འདྲའི་བཤད་སྲོལ་ཞིག་ཡོད། ཡུ་གུར་གྱིས་དངུལ་མི་དགོས་ཟེར་རུང་སྤྲོད་ཀྱིན་ཡོད། ནང་སོག་གིས་དངུལ་དགོས་ཟེར་རུང་སྤྲོད་ཀྱིན་མེད། བོད་ལྗོངས་ཀྱིས་དངུལ་མི་དགོས་ཟེར་རུང་སྤྲོད་གི་ཡོད། དེ་དག་གིས་ཁ་བྲལ་ལ་ངོ་རྒོལ་བྱེད་པའི་སྟོབས་བཙལ་བ་དང་ཁ་བྲལ་ལ་ངོ་རྒོལ་བྱེད་པའི་དཔང་བོ་བྱེད་པ། ཁ་བྲལ་ལ་ངོ་རྒོལ་བྱེད་པའི་རྒྱུ་ནོར་གསོག་པ་བཅས་ཡིན། ཅེས་བརྗོད་ཡོད། འོན་ཀྱང༌། གནད་དོན་ལ་ལ་ཞིག་གི་ཐད་ལན་འདེབས་མེད་ན། ང་ཚོས་དེ་ལ་བདེན་ཁ་སྤྲོད་ཀྱིན་ཡོད་པའི་བཟོ་འདྲ་བོ་དང༌། རྒྱ་ནག་མི་དམངས་ཚོས་གཞུང་འཛིན་ཕྱོགས་ཀྱི་རྫུན་གཏམ་ལ་མགོ་འཁོར་བའི་ཉེན་ཁ་ཡོད་ལ། དེ་ལྟར་བྱས་ན་བོད་རྒྱ་མི་རིགས་གཉིས་བར་འཁོན་འཛིན་ཡོང་གིན་ཡོད། དེར་བརྟེན། ང་ཚོ་གཞུང་དམངས་གཉིས་ནས་འཁྱོག་བརྗོད་དང་རྗུན་གཏམ་དེ་རིགས་རྒྱ་ཡན་དུ་མ་བཏང་བར་མདོང་རྩེ་ཁ་སྤྲོད་ཀྱི་ལན་འདེབས་དགོས་པར་མཐོང་སྟེ། ལས་འགན་འདི་འཁུར་བ་ཡིན།
གངས་ལྗོངས་སྙུ་གུ་ཚོགས་པའི་སློབ་སྟོན་པ། བོད་མི་དམངས་སྤྱི་འཐུས་ཆབ་བྲག་ལྷ་མོ་སྐྱབས་ལགས་ཀྱིས། ཁོང་གིས་སྙུག་ཚོགས་འདིའི་སློབ་སྟོན་པའི་འགན་བཞེས་དོན་སྐོར་གསུངས་དོན། ངས་ཚོགས་པ་འདིའི་སློབ་སྟོན་པའི་འགན་འཁུར་བར་རྒྱུ་མཚན་གསུམ་ཡོད། དང་པོ། བོད་ཀྱི་གནས་བབ་སྤྱི་དང་ལྷག་པར་དུ་བདེན་པའི་མཐའ་སེལ་ཕྱིར་ད་ལོ་བོད་ནང་ནས་འཚེ་བ་མེད་པའི་ལམ་ནས་ཞི་རྒོལ་གནང་པར་རྒྱ་གཞུང་གིས་འཁྱོག་བརྗོད་ཚད་མེད་བྱས་པ་དེ་དག་ལ་ལན་འདེབས་ཆེད་ཡིན། གཉིས་པ། འདི་འདྲའི་གནད་དོན་གལ་ཆེན་ཁག་ལ། བཙན་བྱོལ་ནང་རྩོམ་ཡིག་འབྲི་མཁན་མང་ཡང༌། སོ་སོས་འགན་འཁུར་ཏེ་ལས་ཀ་བྱེད་མཁན་ཉུང་བ་རེད། ཐེངས་འདིར་དགེ་རྒན་དང་སློབ་ཕྲུག་ཁག་ཅིག་གིས་འགན་ལེན་གྱིས་ལས་ཀ་འདི་བརྩམས་པར་ཡི་རངས་དང་བསྔགས་བརྗོད་ཀྱི་རྒྱབ་སྐྱོར་བྱས་པ་ཡིན། གསུམ་པ། རང་ཉིད་དགེ་རྒན་དང་རྩོམ་པ་པོ་ཞིག་ཡིན་པ་དང༌། ལྷག་པར་དུ་རྩོམ་པ་པོའི་མཐུན་ཚོགས་ཀྱི་ཚོགས་གཙོའི་འགན་ཞིག་འཁུར་ཡོད་སྟབས། འདི་འདྲའི་རྩོམ་འབྲིའི་ལས་དོན་གལ་ཆེན་རིགས་ལ་རེ་བ་ཞུས་དོན་བཞིན་དང་ལེན་བྱ་དགོས་པ་འགན་འཁྲི་ཆགས་ཡོད། རྒྱུ་མཚན་འདི་གསུམ་ལ་བརྟེན་ཏེ་འགན་འདི་འཁུར་བ་ཡིན། རྒྱ་ནག་གཞུང་གིས་ཐོག་མཐའ་བར་གསུམ་དུ་བོད་ཀྱི་ལོ་རྒྱུས་རྫུན་བཟོ་བཅོས་སྒྲིག་བྱས་ཡོད། ལྷག་པར་དུ་ད་ལོ་༧གོང་ས་མཆོག་ལ་སྐྱོན་བརྗོད་དང་མཚན་སྨོད། སྒྲོ་འདོགས་སྐུར་འདེབས་ཚད་ལས་བརྒལ་བ་བྱེད་ཀྱིན་ཡོད། མི་ལ་ལས་སོ་སོ་དེའི་ནང་མི་གཏོགས་པའི་བསམ་ཚུལ་འཛིན་གྱིན་ཡོད། རྒྱ་གཞུང་གིས་སྐྱོན་འཛུགས་བྱེད་ས་༧གོང་ས་མཆོག་གཅིག་པུ་མ་རེད། ཏཱ་ལའི་རུ་ཚོགས་ཞེས། ཁྱོད་དང་ང་མེད་པར་བཙན་བྱོལ་བོད་པ་ཡོངས་རྫོགས་ལ་གཞི་མེད་ཀྱི་སྐྱོན་འཛུགས་རབས་དང་རིམ་པ་བྱས་ཡོད། སྙིང་རུས་དང་རྒྱལ་ཞེན་ཅན་ཚོར་རྒྱུ་མཚན་འདི་ལ་བརྟེན་ཏེ་སེམས་ལ་ཚོར་བ་ཞིག་སླེབས་ཀྱིན་ཡོད་ལ། ཚོར་བ་འདི་ལ་བརྟེན་ཏེ་ལས་འགན་འདི་ཕྲག་ཏུ་བླངས་པ་ཞིག་ལ་ང་ཚོས་ངོས་འཛིན་བྱེད་ཀྱིན་ཡོད། ཅེས་གསུངས་བྱུང༌།
ཡང༌། བོད་མི་མང་སྤྱི་འཐུས་སྨོན་ལམ་མཐར་ཕྱིན་ལགས་ཀྱིས། སྙུ་གུ་ཚོགས་པའི་ལས་དོན་གྱི་གལ་ཆེའི་རང་བཞིན་གསུངས་དོན། དཔེ་དེབ་འདི་ངས་རགས་ཙམ་ཀློག་རྒྱུ་བྱུང༌། ང་ཚོ་བོད་པ་མི་རེ་ངོས་རེ་ནས་འགན་ཞིག་འཁུར་ཡོད་པའི་རྣམ་པ་ཞིག་མཐོང་གིན་འདུག དེར་ལས་ཀ་བྱེད་མཁན་མང་ཆེ་བ་ལས་ཀའི་ཞོར་དུ་འགན་འཁུར་བ་རྐྱང་རེད། དེ་ལ་དམིགས་བསལ་གྱིས་དགའ་བོ་ཞེ་དྲག་བྱུང༌། འདི་དག་ལོ་རྒྱུས་ནང་འགོད་རྒྱུ་གལ་ཆེན་པོ་རེད། ༡༩༥༩ ལོའི་རྗེས་སུ་རྒྱ་ནག་གཞུང་གིས་ཉེས་རྡུང་དང་མནར་གཅོད་མི་སྤྱོད་ལས་འདས་པ་བཏང་ཡོད་པ་དེ་ཚོ་པན་ཆེན་རིན་པོ་ཆེའི་ཡིག་འབྲི་ཁྲི་བདུན་གྱི་སྙན་ཞུས་ནང་བྲིས་ཡོད། བོད་པའི་སྤྱི་ཚོགས་དེ་འདྲ་བྲིས་ཡོད་པ་གཞན་མཐོང་རྒྱུ་ཁག་པོ་ཡིན། སྙན་ཞུ་དེ་ད་ལྟ་ཞེ་དྲག་གཟི་བརྗིད་ཅན་ཞིག་ཆགས་ཡོད། ད་ལྟ་ང་ཚོའི་སྤྱི་ཚོགས་ནང་མིརེ་ངོ་རེ་ནས་འདི་ལྟ་བུའི་འགན་འཁུར་རྒྱུ་ཧ་ཅང་གལ་ཆེན་དང་རླབས་ཆེན་རེད། བཙན་བྱོལ་གཞུང་ངོས་ནས་ཀྱང་དེ་རིགས་སྣང་མེད་དུ་བཞག་པ་མ་རེད། ད་ལོ་བོད་ནང་དོན་རྐྱེན་བྱུང་རྗེས། བོད་གཞུང་ཕྱི་དྲིལ་ལས་ཁུངས་ཀྱི་དྲ་རྒྱའི་ནང་ཉི་མ་རེ་རེའི་གནས་ཚུལ་དང་རྫུན་གཏམ་ཁག་ལ་ལན་འདེབས་བཀོད་ཡོད་ལ། ཛ་དྲག་ལས་འགུལ་ཚོགས་ཆུང་གི་དྲ་རྒྱའི་ནང་དུའང་གང་ཐུབ་ཀྱིས་བཀོད་ཡོད། དཔེ་དེབ་འདི་གཉིས་ལ་མི་སུ་ཞིག་གིས་གཟིགས་ནའང༌། ད་བར་མིག་མེད་པ་དང་མིག་བཙུམས་ནས་བསྡད་པ་ཚོར་ཡང་མཐོང་རྒྱུ་ཞིག་དང་གོ་རྒྱུ་ཞིག་འདུག ཅེས་གསུངས་བྱུང༌།
སྐབས་དེར་བཀའ་བློན་སྟག་ལྷ་སྐལ་བཟང་དབྱངས་སྐྱིད་ལགས་ཀྱིས། དཔེ་དེབ་དངོས་སུ་དབུ་འབྱེད་དང་འབྲེལ་སྙུ་གུ་ཚོགས་པའི་རྩོམ་སྒྲིག་པ་རྣམ་པའི་ལས་དོན་དང་ལྷག་བསམ་ལ་བསྔགས་བརྗོད་ཞུས་དོན། སྙུ་གུ་ཚོགས་པ་འཛུགས་མཁན་ཚོ་བོད་པའི་མ་འོངས་པའི་སོན་རྩ་གསོ་སྐྱོང་བྱེད་སའི་སློབ་གྲྭ་ཁག་ཏུ་ཡོད། དེ་ཡང་ས་ཁུལ་ཁག་གཅིག་ནས་མིན་པར་མང་པོ་ཞིག་ནས་འཛོམས་ཡོད། དེ་ཚོར་ཞེ་དྲག་དགའ་བོ་བྱུང༌། གང་ཡིན་ཟེར་ན། ང་རང་གིས་ཤེས་ཚོད་ལྟར་བྱས་ན། དེ་སྔ་བོད་པའི་སྤྱི་ཚོགས་ནང་རྩོམ་སྒྲིག་བྱས་པ་མང་དག་ཅིག་ཡོད་ཀྱང༌། དེ་ཚོ་ཚང་མ་ཕལ་ཆེར་ལས་གནས་དེ་རང་གི་ཐོག་ཏུ་ལས་ཀ་བྱས་བསྡད་ཡོད་མཁན་ཚོ་རེད། སྤྱི་ཚོགས་ནང་ནས་འགན་རྐང་བླངས་ཏེ། འདི་ལྟར་ལས་དོན་བྱས་པ་ཉུང་ཉུང་རེད་བསམ་ཡོད། སོ་སོའི་ལུང་པར་ཁ་བྲལ་ཏེ་སྐྱབས་བཅོལ་ནང་དཀའ་ངལ་ཆེན་པོ་ཞིག་གི་འོག་བསྡད་ཡོད་ཀྱང༌། ༧གོང་ས་མཆོག་གི་སྐུ་དྲིན་ལ་བརྟེན་ཏེ། སྐྱབས་བཅོལ་བ་འདྲ་འདྲའི་ནང་ནས་མི་འདྲ་བ་ཞིག་ཆགས་ཡོད། སྒྲིག་འཛུགས་འདྲ་མིན་དང་སློབ་གྲྭ་འདྲ་མིན། དེ་དག་ལ་དགེ་རྒན་ཡང་ཚད་ལྡན་མང་པོ་ཞིག་ཡོད། ཁོང་ཚོ་ཁག་ཅིག་གིས་བར་ལམ་བོད་ནང་བྱུང་བའི་དོན་རྐྱེན་ཁག་གལ་ཆེན་དོན་ཆེན་དུ་གཟིགས་ཏེ། དང་བླངས་ཀྱིས་སྙུ་གུ་ཚོགས་པ་བཙུགས་པ་དང༌། ཚོགས་པ་བཙུགས་པ་ཙམ་དུ་མ་ཟད་དཔེ་དེབ་འདི་འདྲ་འདོན་སྤེལ་བྱས་པར་ཞེ་དྲག་དགའ་བོ་བྱུང༌། ཐུགས་རྗེ་ཆེ་ཞུ་རྒྱུ་ཡིན། ཞེས་གསུངས་བྱུང༌།
དྲ་གྲོགས་གསར་བ་རྟ་འགྲིན་ལགས། ང་རང་ཅུང་ཙལ་བྲེལ་བས་དབང་གིས་ཁྱེད་རང་ལ་ལན་དུས་ཐོག་དུ་འབུལ་ཐུབ་མ་སོང་བ་དགོངས་འགལ་མེད་པ་ཞུ། སྤྱིར་བཏང་ངེད་ཅག་གི་གླེང་གཞི་ནི་བོད་ཀྱི་བདེ་སྡུག་ཡིན་ལ། བོད་ཀྱི་བདེ་སྡུག་གི་འགན་གཙོ་བོ་དེ་ཡང་བོད་ནང་ལོག་གི་བོད་མི་ཚོས་ཚེ་སྲོག་ལ་འགན་ཡོད་པ་ཞིག་གི་སྒང་ནས་ལས་འགུལ་སྤེལ་དགོས་པ་དེ་ནི་བོད་བཙན་བྱོལ་ནང་གི་བོད་མི་ཡོངས་རྫོགས་ཀྱི་འགན་ཡིན་པར་གླེང་དགོས་པ་ནས་དེ་ལྟར་ཡང་བྱེད་ཐུབ་པར་དགོས་པ་དེ་ངས་གླེང་གཞི་གཙོ་པོ་ཡིན། ལྷག་པར་དུ་བོད་པ་ཚང་གི་ཨ་ཞང་ལ་དབང་བཙན་ལ་སྟོབས་ཤུགས་ཀྱང་འཛམ་གླིང་གི་རྒྱལ་ཁབ་མང་བོ་ཞིག་གིས་ངོ་ཡ་བྱེད་དཀའ་བས་ཚད་དུ་སླེབས་ཡོད་པ་ནི་དངོས་ཡོད་ཡིན་སྟབས། འདོད་ཀྱང་རང་མ་འདོད་ཀྱང་ང་ཚོས་དོན་དངོས་ཁས་ལེན་བྱེད་དགོས་པ་དེ་ཡིན། དེས་ན་རྒྱལ་ཁབ་དེ་འདྲའི་སྟོབས་ཤུགས་ཡོད་མཁན་ཞིག་གི་ངོ་ཡ་བྱེད་དགོས་ན་ཐབས་ལམ་ལ་བརྟེན་པ་ལས། ཕྱི་ལོག་གི་རང་དབང་ཡོད་མཁན་བོད་མིས་ཚོས་སྐད་ཆ་བརྫིག་པོ་རེ་བཤད་བསྡད་པ་ཡིན་ན་བོད་ནང་གི་བོད་མི་ཚོས་ཚེ་སྲོག་ལ་ཡང་འགན་མ་བླངས་པ་རེད་ཟེར་གྱི་ཡོད་པ་ལས། ངས་རྒྱུ་མཚན་མེད་པར་ལས་ཀ་བྱེད་མཁན་སུ་ཡང་རུང་བ་ཞིག་ལ་འཕྱ་དམོད་དང་ཟུར་ཟ། ཡང་ན་ངན་ཁག་འདྲི་འདོད་སེམས་ནང་དུ་ཤར་མྱོང་མེད་པ་ཐུགས་ལ་འཛིན་རོགས་ཞུ།
ངས་བལྟས་ན་འུ་ཚང་ལ་བདེན་པ་ཞིག་ཡོད་པ་རེད། བདེན་པ་དེ་ནམ་ཡང་རྒྱལ་ཁ་རེད། རྒྱལ་ཁ་རེད་ཟེར་ཏེ་མིག་བཙུམས་ནས་བསྡད་ན་མི་འགྲིག བདེན་པ་བདེན་སར་འཆོལ་བར་ཤེས་ཡོན་ཅན་གྱིས་འགན་ལེན་དགོས། ཨ་ཞང་ཚང་གིས་རྫུན་གྱི་ཕུང་བོ་སྤུངས་ཏེ་ཧམ་བཤད་བྱས་པ་དང་། འུ་ཚང་གི་ཤེས་ལྡན་པ་ཚོས་གནས་ལུགས་བཤད་དེ་དྲིལ་བསྒྲགས་བྱས་པ་གཉིས་ལ་ཏན་ཏན་རྒྱལ་ཕམ་གྱི་དབྱེ་བ་ཞིག་ཡོད། དེ་ནི་འཛམ་གླིང་གི་གཟུར་གནས་ཤེས་ལྡན་པ་ཚོའི་སྤྱན་སྔ་རེད། ལར་ནས་སྐོར་ཞིག་ལ་ཨ་ཞང་ཚང་གིས་རྫུན་གྱི་ཕུང་བོ་དག་གིས་རྨོངས་བཅུག་ཡོད་པ་རེད། དེ་ཚོ་ལའང་གང་ལ་གང་འཚམས་ཀྱིས་བདེན་པའི་གནས་ལུགས་ཤིག་དེབ་དེ་གཉིས་ཀྱིས་གསལ་བཤད་ཐུབ་པར་ཡིད་ཆེས་ཡོད། མ་གཞི་སྒྲ་ནི་བརྗོད་འདོད་རྗེས་འབྲངས་ཕྱིར་ཞེས་གསུངས་པ་ལྟར། གནས་ལུགས་དང་འབྲེལ་བའི་གསུང་མོལ་རིགས་མེད་ན། ང་ནི་རང་ཚོད་ཟིན་མཁན་ཞིག་ཡིན་པ་ཡང་ཁྱེད་ལ་ཞོར་དུ་གསལ་འདེབས་ཞུ་བ་དང་ཆབས་ཅིག གོང་གི་དྲ་མིག་ནང་ཡིག་ནོར་ཅུང་ཟད་བྱུང་འདུག དེ་ནི་ཡིག་གཏགས་སྟབས་བདེ་མེད་པ་དང་། ཡིག་གཟུགས་བེད་སྤྱོད་བྱེད་བདེ་མེད་པ་སོགས་ཀྱིས་སྐྱོན་རེད། དགོངས་དག་་་་་་
དགོངས་དག་ཞུ། ཡིག་གཟུགས་དཀའ་ངལ་དབང་གིས་དྲ་མིག་གཅིག་བེད་མེད་ཆགས་སོང་། ཁ་སང་ཤ་ཁྲག་རུས་གསུམ་གྱིས་ང་ཐོག་མར་བོད་ཀྱི་དུས་བབ་ཚང་ལ་སླེབས་པར་དགའ་བསུ་ཞུ་བར་ཐུགས་རྗེ་ཆེ་ཞུ་བ་དང་འབྲེལ། ཁོང་གི་དྲི་བ་ཅིག་ལ་འདི་ལྟར་ཤོད་འདོད་བྱུང་། བྱ་དངོས་གང་ཞིག་ཡིན་ཡང་ཐོག་མར་མགོ་བརྩམས་པ་ནས་འབྲས་བུ་ཐོན་མཁན་ཞིག་མེད། ཁྱེད་གྱིས་བལྟས་ན་རྒྱ་གཞུང་འདི་ཚང་ལ་དྲང་ཚིགས་ཤིག་འདུག་གམ། ཕྱི་ཟླ་གསུམ་པའི་ཟླ་སྨད་ཙམ་ལ་བོད་རིགས་པའི་མཁས་ཅན་ཞེས་མིང་བཏགས་པ་སུམ་བརྒྱ་བཅུ་ཙམ་བསྟུས་ཏེ། འུ་ཚང་གི་ཨ་ཕ་ཨ་མྱེས་ལ་སྐྱོན་བརྗོད་དང་ལོ་རྒྱུས་ཀྱི་རབས་རྣམས་ལ་འཁྱོག་རྫུས་བྱེད་ཀི། དེ་ནས་ཉེ་བའི་ཆར་ཡང་རྒྱབ་ཤ་དཀར་བོའི་དེབ་ཅིག་བཏོན་འདུག ཁ་སང་དེ་རིང་ལ་ཨ་ཞང་ཚང་གི་བློ་ཆེན་ཀྲོའུ་ཝེ་ཚོན་གྱིས་ཅི་ཞིག་ཤོད་ཀྱིན་འདུག
བོད། ཤ་ཁྲག་གསུམ།
ཁྱེད་ཀྱིས་གསུངས་པ་ར྄ྣམས་དོན་དངོས་དང་མཐུན་པ་ཡག་པོ་བཤད་ཀྱི་འདུག ཡིན་ནའང་བཤད་མཁན་རང་ཉིད་བོད་ལ་མ་ལོག་ཚེ་བཤད་པ་ཙམ་རང་རེད། དེར་བར྄ྟེན་བོད་ལ་ངོ་མ་འགྲོ་དགོས་རེད་ན་དང་བོ་ཁྱོད་ཀྱིས་ས྄ྣེ་ཁྲིད་དང་གཉིས་པ་ང་ས྄ླེབས་ཡོང༌། དེ་མིན་ཁྱོད་ཀྱིས་གོང་དུ་བྲིས་པ་ར྄ྣམས་ཀྱང་ཁ་མཁས་པས་བཤད་པ་བཞིན་མི་ཆགས་བའི་ངེས་བ་མི་འདུག་གོ།
བོད་ཀྱི་མིག་དུས་དེབ་ལ་དགའ་བསུ་ཞུ། འོན་ཀྱང་དེ་ཙམ་གྱིས་འགྲིག་སོང་བ་ཞིག་ག་ལ་ཡིན། ད་དུང་དེ་ལས་ཀྱང་གལ་ཆེ་བ་ནི་བདེན་པ་དངོས་ར་སྤྲོད་ཐུབ་པའི་བོད་ཕྱི་ནང་གཉིས་ཀྱི་རྩོམ་ཡིག་གང་མང་ཡིག་རིགས་གཞན་དུ་སྒྱུར་རྒྱུ་ཧ་ཅང་གལ་ཆེ། འདིས་ནི་འཛམ་གླིང་གི་དཔྱོད་ཤེས་ཀྱི་མི་མང་བོད་དོན་དངོས་ལ་འཇུག་པའི་ལམ་ཆེན་བྱེད་ཐུབ། དེའང་ང་ཚོ་ལ་མཁོ་བ་མ་ཡིན་ནམ།
བོད་ཀྱི་མིག་དུས་དེབ་ལ་དགའ་བསུ་ཞུ། འོན་ཀྱང་དེ་ཙམ་གྱིས་འགྲིག་སོང་བ་ཞིག་ག་ལ་ཡིན། ད་དུང་དེ་ལས་ཀྱང་གལ་ཆེ་བ་ནི་བདེན་པ་དངོས་ར་སྤྲོད་ཐུབ་པའི་བོད་ཕྱི་ནང་གཉིས་ཀྱི་རྩོམ་ཡིག་གང་མང་ཡིག་རིགས་གཞན་དུ་སྒྱུར་རྒྱུ་ཆང་གལ་ཆེ།
དྲ་གྲོགས་གསར་བ་རྟ་མགྲིན་ལགས། བོད་བཙན་བྱོལ་ནང་གི་ཚིགས་རྙིང་ཞིག་དྲངས་འདུག
ངས་བལྟས་ན་བོད་ཀྱི་མིག་ཅེས་པ་དེ་དུས་ཚོད་དང་མཐུན་པར་རྒྱ་གཞུང་གི་ཧམ་བཤད་ཁག་ལ་སྣག་ཐོག་ཁབ་གཙགས་ཤིག་རེད་སྙམ། ཟེར་བ་ལ་བལྟས་ན་དེབ་དེས་རྒྱ་ནག་ལ་གནོད་ཤུགས་ཤིག་སྤྲད་ཡོད་པ་ལྟ་བུ་བཤད་ཀྱི་འདུག ཁྱེད་ཀྱིས་གསུང་དང་རྒྱ་ནག་སྲིད་གཞུང་ལ་གནོད་ཤུགས་སླེབས་སྟངས་ཇི་འདྲ་རེད། ཨོ་དགོངས་དག ཐོག་མར་ངས་ཁྱེད་རང་བོད་ཀྱི་དུས་བབ་ཚང་ལ་ཕེབས་པར་དགའ་བསུ་ཞུས་མི་འདུག ཁྱེད་རང་ཕེབས་པར་དགའ་བསུ་ཞུ།
དང་རྗེས་སུ་ཡི་རང་བྱས་ན་ཆོག་འུ་ཚང་ལ་གནའ་ནས་འདི་ལྟའི་ནད་རྙིང་ཞིག་གི་བག་ཆགས་ཡོད།དེ་ནི་ཡར་རྒྱས་ཐམས་ཅད་དང་མཐུན་སྒྲིལ་གྱི་འགག་རྡོ་ཡིན།ངས་བལྟས་ན་བོད་ཀྱི་མིག་ཅེས་པ་དེ་དུས་ཚོད་དང་མཐུན་པར་རྒྱ་གཞུང་གི་ཧམ་བཤད་ཁག་ལ་སྣག་ཐོག་ཁབ་གཙགས་ཤིག་རེད་སྙམ།
ཕ་བསད་བུ་ལའང་ཤོད་རྒྱུ་ཡོད།བར་ལམ་རྒྱ་གཞུང་ཕྱོགས་ནས་༸གོང་ས་མཆོག་གིས་དབུས་བཙན་བྱོལ་བོད་གཞུང་ལ་གཞི་མེད་སྐྱོན་འཛུགས་མུ་མཐད་བྱེད་བཞིན་འདུགལྷག་བསམ་གྱིས་ཁུར་བླངས་ནས་མེད་པ་ཞིག་ཡོད་པར་བཟོ་མཁན་དག་ལ་སྔགས་བརྗོད་
དྲ་གྲོགས་ཚོ། བོད་ཀྱི་མིག་བོད་ན་ཡོད། བོད་ཀྱི་མིག་ཕྱེ་མཁན་བོད་དུ་ཡོད། བོད་ཀྱི་དོན་དུ་རང་སྲོག་ཚུན་ཆད་དུ་གཏོང་འཕོད་མཁན་དག་བོད་དུ་ཡོད། བོད་བཙན་བྱོལ་བས་བོད་ཀྱི་མིག་ཚབ་བྱེད་ཐུབ་མིན་ལ་ཐེ་ཚོམ་རེད། བོད་ལ་མིག་དགོས་ན་བོད་དུ་འགྲོ་དགོས། བོད་ཀྱི་མིག་སྲུང་སྐྱོབས་བྱེད་ན་ཆིག་སྒྲིལ་གྱི་ནུས་བ་བརྟན་དགོས། ཁ་མཁས་བའི་བོད་པ་མང་དྲགས་སོང་། ད་ནི་ལག་མཁས་པའི་བོད་མང་བོ་ཞིག་གཅིག་རྗེས་གཉིས་མཐུད་དུ་བྱུང་དགོས་པས་དུས་སུ་བབ་ཡོད་པ་ལས། བོད་ནང་གི་བོད་མི་ཚོས་ཚེ་སྲོག་གི་འགྲོ་སོང་བཏང་ན་བོད་བཙན་བྱོལ་བས་དེབ་རེ་དཔར་བསྐྲུན་བྱས་དེ་ཚོགས་འདུ་རེ་ཚོགས། རང་དབང་ཡོད་ས་ནས་རྒྱག་སྐད་རེ་བརྒྱབ་པས་ཅི་ཡང་མི་ཡོང་། དེ་ལས་བོད་ནང་གི་སྤུན་ཟླ་ཚོ་ལྟ་བུས་སྙིང་སྟོབས་དང་ཁ་ལས་ལག་ཡོད་པ་ཞིག་དགོས་པ་དེ་ནི་ད་ནས་བཟུང་བོད་རིགས་སུ་གཏོགས་པ་ཚང་མས་ཕྲག་དུ་ཡོད་པའི་ལས་འགན་ཉེག་གཅིག་རེད་ཅེས་ངས་བཤད་པ་འདི་ལ་མི་སུ་ཞིག་ངར་ངར་བརྫིག་བརྫིག་བྱེད་འདོད་ཡོད་ཀྱང་། ངས་རང་གི་སེམས་གཏིང་གི་བོད་ལ་བཅིངས་པས་བསམ་ཚུལ་བཤད་པ་ལ་མི་དགའ་བ་འདྲ་བྱུང་ན་ཐབས་ཤེས་མེད། དགོངས་དག བོད་པ་ཚང་ལ་མིག་གཅིག་ལས་མེད། དེ་ནི་གངས་ཅན་བོད་པ་ཚང་མའི་སེམས་ནང་གི་མིག་དེ་རེད། མིག་དེ་ནི་ནམ་ཡང་བོད་མི་རིགས་ཀྱི་མིག་རེད་ཟེར་ནས་གླེང་དགོས་པ་ལས། དེ་ལས་གཞན་པའི་མིག་གསར་བ་གང་ཡང་བོད་དུ་མེད།
མིག་དུས་དེབ་འདི་ཡག་པོ་བ྄ྱུང་འདུག་ ཐུགས་ར྄ྗེ་ཆེ། ས྄ྒོ་འབ྄ྱེད་ཀ྄ྱི་མཛད་ས྄ྒོ་ཡང་ག྄ྲ་ར྄ྒ྄ྱས་པོ་ཚོགས་འདུག་ ཐུགས་ར྄ྗེ་ཆེ།
དངོས་བདེན་མིག་མཐོང་ལག་ཟིན་བྱ་ྼགྱུ་ཡོད་པ་ལ་བས྄ྙོན་ན་ར྄ྒྱ་གཞུང་གི་བྱེད་ས྄ྟངས་གཅིག་པ་ིམན་ནམ།
དེ་ལས་དྲ་ཐོག་ནས་བཤད་ཡམས་འཐེན་པ་གཅུག་པུ་ལས་མིན་པར་ས྄ྤྱི་ཚོགས་ཐོག་མཐོང་ར྄ྒྱུ་ཡོད་པའི་ལས་དོན་ཞིག་བས྄ྒྲུབ་དང༌།
མིང་བརྫིག་པོ་རེ་འཁུར་ཡོང་བ་ལས་དོན་དག་བརྫིག་པོ་རེ་ཡོད་པ་ཞིག་བྱེད་ཐུབ་ན། ད་གཟོད་གངས་ཅན་པའི་མིག་ཕྱེ་ངེས་ཡིན།
དེབ་བཏོན་པ་ཡག་ནའང་། ༼དཔེ་མང་བལྟ་བ་ཤེས་རབ་འཆལ་བའི་རྒྱུ་༽ཞེས་པ་བདེན་ཚེ། ཚོགས་པ་མང་འཛུགས་མགོ་རྟིང་སློག་པའི་བལྟས་མ་ཡིན་ནམ།