མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ཉིན་གཉིས་པར་ཉན་ཞིབ།

བོད་ཀྱི་དུས་བབ།
༢༠༠༨/༡༡/༡༩
Share on FacebookShare on TwitterShare on EmailShare on Whatsapp

ད་ལྟའི་བར་གྱི་ཐོས་ཚུལ་ལ་གཞིགས་ན་ལམ་དབུ་མ་ལ་རྒྱབ་སྐྱོེར་མེད་ཟེར་མཁན་ཐོས་ མ་སོང༌། ༧གོང་ས་མཆོག་གིས་ཕུལ་ཡོད་པའི་སྲིད་བྱུས་ལ་མཐའ་གཅིག་ཏུ་རྒྱབ་སྐྱོར་ཡོད་ཅེས་ གླེང་གི་འདུག

ཕྱི་ཚེས་ ༡༨ ཉིན་འདི་གའི་གསར་འགོད་པས། ཚོགས་ཆེན་ཉིན་གཉིས་པའི་བར་གསེང་གི་གོ་སྐབས་དང་བསྟུན་ཚོགས་ཞུགས་མི་སྣ་ཁག་ཅིག་ལ་ཚོགས་ཆེན་ནང་གླེང་སློང་དང་བསམ་ཚུལ་འདོན་ཕྱོགས་ཐད་བཀའ་འདྲི་ཞུས་པར།  ཚོགས་ཆུང་ ༩ པའི་ཚོགས་ཞུགས་མི་སྣ་ཞིག་གིས། ང་ཚོའི་ཆོགས་ཆུང་ལ་མི་ ༣༩ འདུག  དེ་རིང་ཞོགས་པ་ནས་དོན་ཚན་བརྒྱད་ཀྱི་སྒང་ལ་བགྲོ་གླེང་བྱེད་བཞིན་པ་ཡིན་ལ་སྔ་དྲོ་དོན་ཚན་གཉིས་ལས་རྫོགས་མ་སོང༌། དོན་ཚན་དང་པོ། ༧གོང་ས་མཆོག་བོད་ཆོལ་ཁ་གསུམ་གྱི་བླ་ན་མེད་པའི་དབུ་ཁྲིད་ཡིན་པ་དང༌། དོན་ཚན་གཉིས་པ། ད་ལྟའི་བོད་ནང་གི་ཛ་དྲག་གི་བྱུང་རྐྱེན་གཉིས་ལས་བཤད་པའི་གོ་སྐབས་ཐོབ་མ་སོང༌། དོན་ཚན་གསུམ་པ་དེ་དབུ་མའི་ལམ་དང་རང་བཙན་གཙང་མ་གཉིས་ཀྱི་ཐོག་ལ་གྲོས་བསྡུར་བྱེད་རྒྱུ་རེད་ཅེས་དང༌།  ཡང་ཚོགས་ཆུང་ ༡༠ པའི་ཚོགས་ཞུགས་མི་སྣ་ཞིག་གིས། ང་ཚོའི་ཚོགས་ཆུང་ནང་མི་ ༣༧ ཡོད་པ་དང༌། དེ་རིང་ཞོགས་པར་ས་གནས་སོ་སོའི་མི་མང་གིས་ཁ་སང་མ་ཚར་བའི་བསམ་ཚུལ་བསྡུ་རུབ་བྱས་རྗེས།  བོད་ནང་གི་མི་མང་གིས་བཀའ་ཤག་ལ་ཕུལ་བའི་བསམ་ཚུལ་དེ་གསལ་བསྒྲགས་གནང་སོང་ལ་དེའི་རྗེས་ནས་གོ་བསྡུར་བྱེད་རྒྱུ་རེད། བོད་ནང་གི་བོད་མིའི་བསམ་ཚུལ་ནི། ༧གོང་ས་མཆོག་བོད་ནང་གདན་འདྲེན་ཞུ་རྒྱུ་དང༌། ཚོགས་པ་འདྲ་མིན་གྱི་ལངས་ཕྱོགས་སུ་མི་འགྲོ་བར་༧གོང་ས་མཆོག་གི་དབུ་མའི་ལམ་གྱི་ཐོག་འགྲོ་དགོས་པ། ༧གོང་ས་མཆོག་ལ་སྐུ་ངལ་གསོ་བའི་ཆུ་ཚོད་མང་དུ་སྤྲོད་རྒྱུའི་བསམ་ཚུལ་བཏོན་འདུག ཡང༌། ཚོགས་ཆུང་ ༨ པའི་ཚོགས་ཞུགས་མི་སྣ་ཞིག་གིས། ང་ཚོའི་ཚོགས་ཆུང་ནང་མི་ ༣༧ ཡོད། དེ་རིང་ས་གནས་ཁག་གི་སློབ་གྲྭའི་བསམ་ཚུལ་བསྒྲགས་སོང་ལ། ཤུགས་ཆེ་ཤོས་དེ་ཚོགས་མི་ ༣༧ གྱིས་མ་འོངས་པར་གང་འདྲ་བྱས་ན་བཟང་མིན་ཐོག་ལ་གླེང་སློང་བྱེད་གིན་འདུག དབུས་གཙང་ཆོལ་ཁའི་མི་མང་གི་བསམ་ཚུལ་ལ་བལྟས་ན་བརྒྱ་ཆ་བརྒྱ་ཐམ་པས་ལམ་དབུ་མར་རྒྱབ་སྐྱོར་བྱེད་ཀྱི་ཡོད་པ་དང༌། ཚོགས་སྡེ་དང་མི་བྱེ་བྲག་པ་མང་པོ་ཞིག་གིས་༧གོང་ས་མཆོག་དང་བོད་གཞུང་གི་ལངས་ཕྱོགས་ལ་ལས་འགུལ་སོགས་སྤེལ་བ་དེ་དག་འགྲིག་གི་མི་འདུག  ཚང་མས་ཁ་གཅིག་གྲགས་བྱས་པ་ཡིན་ན་བདེན་མཐའ་སེལ་བར་ཕན་ཐོགས་ཆེན་པོ་ཡོད་པ་རེད་ཅེས་བསམ་ཚུལ་བཏོན་འདུག་ལ། དབུས་གཙང་གི་བསམ་ཚུལ་ལྟར་ན་བོད་རྒྱ་འབྲེལ་མོལ་མུ་མཐུད་ནས་གནས་དགོས་པའི་བསམ་ཚུལ་ཡོང་གི་འདུག ད་ལྟའི་བར་གྱི་ཐོས་ཚུལ་ལ་གཞིགས་ན་ལམ་དབུ་མ་ལ་རྒྱབ་སྐྱོེར་མེད་ཟེར་མཁན་ཐོས་མ་སོང༌། ༧གོང་ས་མཆོག་གིས་ཕུལ་ཡོད་པའི་སྲིད་བྱུས་ལ་མཐའ་གཅིག་ཏུ་རྒྱབ་སྐྱོར་ཡོད་ཅེས་གླེང་གི་འདུག  ཚོགས་འདུ་འདིའི་མཐའ་མཇུག་གང་འདྲ་འབྱུང་མིན་ཕལ་ཆེར་ཚོད་དཔག་བྱེད་ཐུབ་གི་རེད་བསམ། གང་ཡིན་ཟེར་ན། རྒྱ་ནག་གིས། ཕར་ཕུལ་བའི་དོན་ཚན་བཅུ་གཅིག་ཅན་གྱི་བསམ་ཐོ་ལ་འཐབ་ཕྱོགས་གཅིག་གྱུར་ཁང་གིས་ལན་བརྒྱབས་ཡོད་པ་གསལ་བོ་གསལ་རྐྱང་རེད། ༢༠༠༢ ལོ་ནས་འགྲོ་བཞིན་པའི་འབྲེལ་མོལ་ལ་ཡང་བསྐྱར་གོམ་པ་རྒྱག་ས་མེད་པ་གསལ་བོ་གསལ་རྐྱང་རེད། རྒྱ་ནག་གིས། ༧གོང་ས་མཆོག་དང་བོད་གཞུང་གིས་བཟོད་སྒོམ་དང་བློས་བཏང་གི་སྲིད་བྱུས་དེར་ལོག་འགྲེལ་ཁོ་ན་རྒྱག་བཞིན་པ་ལྟར། ང་ཚོ་མུ་མཐུད་འབྲེལ་མོལ་གྱི་ལམ་ཏུ་འགྲོ་ཐུབ་གི་མེད་པ་སོགས་རྒྱ་ནག་ལ་རང་བཞིན་གྱིས་འབྲེལ་ལམ་མཚམས་འཇོག་མི་བྱེད་ཀ་མེད་ཀྱི་གནས་རེད་བསམ། དེ་ནི་ང་ཚོས་སྒྲུབ་པ་ཞིག་མ་ཡིན་པར་རྒྱ་ནག་ཁོང་ཚོའི་ངོས་ནས་མཚམས་མ་བཞག་རང་བཞག་གི་གནས་སུ་བསྐྱལ་ཡོད་པ་རེད། ང་རང་གིས་བསམ་ན་མཇུག་སྡོམ་དེ་འདིའི་སྒང་ལ་སླེབས་གི་རེད་བསམ། ཡང་ཚོགས་ཆུང་ ༡༣ པའི་ཚོགས་ཞུགས་པ་ཞིག་ལ་དྲིས་པར་ང་ཚོར་མི་ ༣༧ ཡོད། ད་ལྟ་ང་ཚོས་དམིགས་བསལ་ཚོགས་ཆེན་གྱི་སྒྲིག་གཞི་གཞིར་བཟུང་ཐོག་གྲོས་བསྡུར་བྱེད་བཞིན་ཡོད། ད་ལྟའི་ཆར་ས་གནས་ཁག་ཚང་མས་དགོངས་ཚུལ་མུ་མཐུད་ནས་འགྲོ་གི་ཡོད་པ་རེད། དེ་རིང་ང་ཚོའི་ཚོགས་ཆུང་འདིའི་ནང་གླེང་སློང་གཙོ་བོ་དེ་བཙན་བྱོལ་སྤྱི་ཚོགས་ཀྱི་སྒྲིག་གཞི་སྲ་བརྟན་དང་ཆབ་སྲིད་ཀྱི་ལངས་ཕྱོགས། དེ་མིན་བོད་ནང་གི་བོད་མིའི་ཕྱག་ལས་གནང་བ་དེ་དག་རྒྱལ་རབས་ལོ་རྒྱུས་ནང་གསལ་བོར་འཁོད་དགོས་པའི་ཐད་ཀྱི་བསམ་ཚུལ་གླེང་གི་ཡོད་པ་རེད། གཙོ་བོ་དེ་ལངས་ཕྱོགས་ཀྱི་སྒང་ལ་ཡོང་གི་འདུག ཚོགས་ཆུང་ ༧ པའི་མི་སྣ་ཞིག་གིས། ཁ་སང་བསམ་ཚུལ་མང་པོ་གླེང་ཚར་བ་རེད། དེ་རིང་གཙོ་བོ་བགྲོ་གླེང་བྱེད་བཞིན་ཡོད་པ་དང༌། ཚོགས་ཞུགས་པ་ཚང་མས་ཆ་ཤས་ལེན་པར་རང་ངོས་ནས་ཧུར་བརྩོན་བྱེད་བཞིན་འདུག དེ་རང་ངོས་ནས་ཡག་པོ་ཞིག་མཐོང་སོང༌། མ་འོངས་སྲིད་བྱུས་ཐད་ཚོགས་ཆེན་ནས་འགྱུར་བ་གཏོང་མི་ཐུབ་ནའང༌། དེ་རིང་གཙོ་བོ་དེ་ང་ཚོས་བོད་ནང་གི་ཛ་དྲག་གི་བྱུང་རྐྱེན་དང༌། མ་འོངས་པར་གོམ་པ་གང་འདྲ་བྱས་ནས་རྒྱག་དགོས་མིན། མ་འོངས་པར་བོད་ཀྱི་གནད་དོན་དེ་རྒྱལ་སྤྱིའི་ནང་གང་འདྲ་བྱས་ནས་ནུས་པ་ཆེ་རུ་གཏོང་མིན་སོགས་ཀྱི་ཐད་གླེང་གི་ཡོད་པ་རེད་བཅས་བརྗོད་སོང་ལ། དེ་བཞིན་ལྷོ་ཕྱོགས་ནས་ཡོང་བའི་ཚོགས་མི་ཞིག་གིས། དེ་རིང་གཙོ་བོ་དེ་བོད་གཞིས་ལུས་མི་མང་གི་བསམ་ཚུལ་བསྡུ་རུབ་བྱས་པ་ཏེ་དགོངས་དོན་གང་ཡིན་མིན་དང༌། སྐུ་ཚབ་རྣམ་པས་རྒྱ་ནག་ལ་རང་སྐྱོང་སྐོར་བཏོན་པའི་དོན་ཚན་བཅུ་གཅིག་ཕུལ་བའི་སྐོར། དེ་བཞིན་རང་བཙན་དང་དབུ་མའི་རྩོད་པ་ཙམ་མ་ཡིན་པར་ཁ་ཡོད་ལག་ཡོད་ཀྱིས་མ་འོངས་ལས་དོན་བྱེད་ཕྱོགས་ཐད་ལ་གླེང་སློང་བྱས་པ་ཡིན། གཙོ་བོ་དེ་༧གོང་ས་མཆོག་ནས་མུ་མཐུད་བོད་ཀྱི་དབུ་ཁྲིད་ཀྱི་འགན་བཞེས་རྒྱུ་དང༌། སྐུ་ངལ་གསོ་བའི་དུས་ཚོད་མང་ཙམ་འབུལ་རྒྱུ། ཁོང་གིས་བོད་དེ་དུས་ནམ་ཡང་ཐུགས་རེས་མི་འདོར་བའི་ཆེད་མ་འདས་སྤྲུལ་སྐུ་དང༌། མ་འོངས་བོད་ཀྱི་དབུ་འཁྲིད་བསྐོ་ཕྱོགས་སོགས་འཕྲད་ཕུགས་རྒྱང་གསུམ་གྱི་སྲིད་བྱུས་སྲ་བརྟན་ཐོག་ལ་གྲོས་བསྡུར་ལྷུག་པོར་གནང་སོང༌། ཅེས་བརྗོད་སོང༌།

གསར་འགོད་པ། དོན་ཁོ།

འབྲེལ་ཡོད་གསར་འགྱུར།

Sikyong Penpa Tsering and the members of the Tibetan Parliament’s Standing Committee with the diplomats of the US Embassy, Photo : TibetDotNet
Mobile App

བཀའ་སྤྱི་གཉིས་ཀྱིས་རྒྱལ་ས་ལྡི་ལིར་བོད་དོན་ཞུ་གཏུགས་ལས་འགུལ་སྤེལ།

ཆུ་ཚོད་ ༣ སྔོན་ལ།
Mobile App

བོད་ཀྱི་འདས་དོན་གྱི་བསམ་ཚུལ་འགའ་གླེང་བར་བྱ།

༢༠༢༣/༠༦/༠༧
བྷི་ཧར་མངའ་སྡེའི་ཟམ་ཆེན་ཞིག་ལ་གློ་བུར་རྡིབ་སྐྱོན་བྱུང་།
Mobile App

བྷི་ཧར་གྱི་ཟམ་ཆེན་ཞིག་ལ་གློ་བུར་དུ་རྡིབ་སྐྱོན་བྱུང་།

༢༠༢༣/༠༦/༠༥
League of Social Democrats leader Chan Po-ying, center, argues with police before being taken away in Hong Kong’s Causeway Bay shopping district on 4th june 2023.Photo :AFP
Mobile App

དྲུག་བཞིའི་དོན་རྐྱེན་ལ་རྗེས་དྲན་ཞུ་མཁན་མང་པོ་ཞིག་བཙན་འཁྲིད་བྱས་འདུག  

༢༠༢༣/༠༦/༠༥
People jostle each other to buy subsidized sacks of wheat flour in Quetta, Pakistan, Thursday, Jan. 12, 2023
Mobile App

འཛམ་གླིང་གི་རྒྱལ་ཁབ་ཆུང་གྲས་མང་པོ་ཞིག་རྒྱ་ནག་གི་བུ་ལོན་ནང་ལྷུང་འདུག

༢༠༢༣/༠༦/༠༥
China has been accused of trying to block Penpa Tsering, the head of Tibet’s government-in-exile, from speaking at the National Press Club
Mobile App

རྒྱ་ནག་གིས་སྲིད་སྐྱོང་སྤེན་པ་ཚེ་རིང་མཆོག་ཨོ་གླིང་ནང་ཕེབས་རྒྱུར་ངོ་རྒོལ་བྱེད་བཞིན་འདུག

༢༠༢༣/༠༦/༠༥

མཆན། 5

  1. བོད། ཤ་ཁྲག་རུས་གསུམ། says:
    ལོ་ 15 སྔོན།

    དྲ་གྲོགས་ཚོས་བསམ་ཚུལ་ཇི་བཞིན་བོད་བཙན་བྱོལ་ཚང་གི་ཚོགས་ཆེན་འདི་དུས་ཚོད་ཆུད་ཟོས་དང་ཉིན་མ་འཕྲོ་བརླག་དུ་མི་འགྲོ་བར་ཤོག ཚོགས་ཆེན་སྟེང་ནས་འདི་འདྲ་རླབས་ཆེན་གྱི་དོན་དག་རེ་བོད་མི་ཚང་གི་ཆིག་སྒྲིལ་སེམས་ཐག་གཅོད་པོ་རེ་བྱེད་ཡོང་གི་བསམ་མ་སོང་ཟེར་ནས་ཕྱི་ལོག་གི་ཉན་མཁན་བོད་མི་དམངས་དཀྱིས་མ་ཚོས་རེ་སྒུག་ལ་ཡིད་ཚིམས་པ་རེ་བྱེད་མ་ཐུབ་ཀྱང་། ཚོགས་འདུ་དེ་དེ་འདྲའི་ངང་གྲོལ་སོང་ཟེར་བ་ཞིག་མིན་པར་ཤོག ལྷག་པར་དུ་རྒྱ་ནག་སྲིད་གཞུང་དང་འབྲེལ་བ་གཅོད་རྒྱུ་ཡིན་ཟེར་མཁན་དག་གིས་བསམ་བློ་དེ་དངོས་ནས་བསྔོག་དགོས་པ་ཞིག་རེད་འདུག་ན། གསར་འགོད་པས་སྐད་ཆ་དེ་བཤད་མཁན་གྱི་མི་དེ་དག་གི་བསམ་ཚུལ་དངོས་རེད་བཀའ་འདྲི་བྱེད་ཐུབ་ན་ཡག་པོ་འདུག རྒྱ་ནག་སྲིད་གཞུང་དང་འབྲེལ་བ་མ་བྱས་པར་བོད་དོན་སྒྲུབ་ཕྱོགས་གཞན་ཞིག་ཁོང་ཚོ་ལ་ཇི་ལྟར་གནང་གི་ཡོད་ན། ང་ཚོས་དེ་ཤེས་ན་ཡག་པོ་འདུག

    Reply
  2. gangcheng says:
    ལོ་ 15 སྔོན།

    དགོངས་དག འཕྲོ་བརླག་ཏུ་བཏང་ན༌ ཆད་འདུག་

    Reply
  3. gangcheng says:
    ལོ་ 15 སྔོན།

    ཚོིགས་ཆུང་ཁག་ཅིག་ཏུ་མི་ཁ་ཤས་ཀྱིས་ཁ་ཚ་དགོས་གཏུགས་ཀྱི་གནད་དོན་མི་གླེང་བར། གནའ་རབས་ཀྱི་ལོ་རྒྱུས་གླེང་ནས་ཆུ་ཚོད་ཆུད་ཟོས་སུ་བཏང་བའི་གནས་ཚུལ་ཞིག་ཀྱང༌འདུག དེ་ལྟར་ད་ཐེངས་ཀྱི་གལ་ཆེའི་ཛ་དྲག་གི་ཆུ་ཚོད་འདི་འཕྲོ་བརླག་ཏུ་ཕངས་པོ་མ་རེད་དམ། དེ་ནི་ད་ཐེངས་ཀྱི་ཚོགས་འདུ་སྟེང་གླེང་དགོས་པའི་གནད་དོན་ཞིག་རེད་དམ།

    Reply
  4. ཁྱུང་ལྡིང༌། says:
    ལོ་ 15 སྔོན།

    གསར་འགོད་པ་དང་བགྲོ་ག྄ླེང་མཁན་ར྄ྣམས་ལ་ཞུ་ར྄ྒྱུ། དམིགས་བསལ་ཚོགས་ཆེན་ནང་དམིགས་བསལ་ས྄ྐུ་ཚབ་མེད་དོན་བར྄ྩད་ཞིབ་བྱས་ཡོད་དམ།

    Reply
  5. གནས་ཚང་། says:
    ལོ་ 15 སྔོན།

    ངས་དོན་མཁོ་ལགས་དང་ཚེ་རིང་སྐྱིད་ལགས་ཀྱི་གསར་འགྱུར་ཀློག་ཚར་ལ་ཐུགས་རྗེ་ཆེ་ཞུ་རྒྱུ་ཡིན། དེ་མཚུངས་སུ་བསམ་ཚུལ་ཞིག་ཐོན་པ་ནི་༼རྒྱ་གཞུང་དང་འབྲེལ་མོལ་མཚམས་འཇོག་གི་ཡིན་༽ཞེས་པ་དེར་གཟབ་གཟབ་བྱེད་དགོས་ཀྱི་འདུག མཚམས་འཇོག་བྱེད་ནའང་། བྱེད་སྟངས་ཡག་ཤོས་ཤིག་འཚོལ་དགོས་ཀྱི་རེད་མ་གཏོགས་རྒྱ་གཞུང་གིས་ཚུར་རྡུང་བྱེད་ཀྱི་དབྱུག་པར་འགྱུར་ཉེན་འདུག ཁ་སང་དེ་རིང་རྒྱ་གཞུང་གི་འབྲེལ་མོལ་བྱེད་མཁན་རྒྱ་མི་ཀྲུའུ་ཡང་ཧྥ་རན་སི་ན་འདུག་ལ། ཁོས་བཤད་སྟངས་ལ་གཞིགས་ན་བོད་ཕྱོགས་ནས་དེ་འདྲ་ཞིག་ཨེ་བྱེད་ལ་རེ་བཞིན་པའི་བཟོ་འདུག དེ་བས། དུས་བཀག་ཐུང་ཐུང་ཞིག་བཞག་ནས་དེའི་ནང་མ་འགྲུབ་ན། རྒྱལ་སྤྱིའི་སྒང་བཙན་བྱོལ་གཞུང་ངོས་ལེན་ཡོང་རོགས་ལ་འབད་ན། ད་གཟོད་གྲུབ་འབྲས་གང་འཚམས་ཐོན་སྲིད་ཀྱི་རེད་འདོད། མ་གཞི་ང་རང་ལ་མཚོན་ན། རྒྱལ་བོའི་རྒྱལ་ས་མ་བདེ་ན། སྤྲང་བོའི་ཉལ་ས་མི་བདེ་ཞེས་པའི་དཔེ་རང་ལས་འདའ་མེད་མོད། བསམ་ཚུལ་འདི་ཞུ་སྙམ་བྱུང་སོང་།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist