མདུན་ངོས།
About Us
  • English
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
English
No Result
ཆ་ཚང་གཟིགས།

གདེང་ཚོད་ཆེན་པོས་དབུ་མའི་ལམ་རྒྱུན་འཁྱོངས་བྱ་རྒྱུ།

བོད་ཀྱི་དུས་བབ།
༢༠༠༨/༡༢/༡༡
Share on FacebookShare on TwitterShare on EmailShare on Whatsapp

རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོར་བཀའ་བློན་ཁྲི་པ་ཟམ་གདོང་རིན་པོ་ཆེ་མཆོག་གིས་གསུང་བཤད་གནང་དོན། ལོ་འདིའི་ནང་འབྲེལ་མོལ་ཐེངས་བརྒྱད་པའི་སྐབས་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་སྤྲད་པ་དང༌། དམིགས་བསལ་ཚོགས་ཆེན་བརྒྱུད་བོད་ཕྱི་ནང་དུ་གནས་པའི་བོད་མི་རྣམས་ཀྱིས་ཧ་ཅང་ཚད་མཐོ་བའི་མང་མོས་ཀྱིས་དབུ་མའི་ལམ་གྱི་སྲིད་བྱུས་ལ་རྒྱབ་སྐྱོར་བསྐྱར་ནན་ཐོབ་པ་འདི་གཉིས་ནི་ལོ་རྒྱུས་ཀྱི་དོན་སྙིང་ལྡན་པའི་གལ་ཆེའི་བྱུང་བ་ཞིག་ཏུ་ངོས་འཛིན་བྱེད་ཀྱི་ཡོད། ཅེས་དང༌། འབྲེལ་མོལ་བདུན་པའི་སྐབས་རྒྱ་ཕྱོགས་ནས་༧གོང་ས་མཆོག་གིས་མིང་དོན་མཚུངས་པའམ་དོན་སྙིང་ལྡན་པའི་རང་སྐྱོང་དགོས་ཚུལ་གསུངས་པའི་དགོངས་དོན་ངོ་མ་ཇི་ཡིན་འགྲེལ་བརྗོད་གསལ་པོ་དགོས་ལུགས་བརྗོད་པ་ལྟར། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང༌། མི་རིགས་ས་གནས་རང་སྐྱོང་གི་བཅའ་ཁྲིམས་ཀྱི་དོན་ཚན་ཁག་ཏུ་གསལ་བའི་རང་སྐྱོང་གི་གནས་བབ་མིང་དོན་མཚུངས་པ་ཞིག་བོད་རིགས་ཡོངས་ལ་ཡོང་ཐབས་ཀྱི་འགྲེལ་བརྗོད་ཆ་ཚང་ཡིག་ཐོག་ཏུ་སྤྲད་ཏེ། རྒྱལ་སྤྱིའི་ནང་ཕྱོགས་གཉིས་ཀའི་ལངས་ཕྱོགས་གསལ་སྟོན་བྱས་པ་འདིས་འབྱུང་འགྱུར་གྲོས་མོལ་མུ་མཐུད་བྱུང་ན་དེའི་གྲོས་གཞི་ངེས་ཅན་དང༌། གནས་སྐབས་གྲོས་མོལ་མུ་མཐུད་མ་བྱུང་ཡང་རྒྱ་ནག་གི་མང་ཚོགས་དང་རྒྱལ་སྤྱིའི་སྤྱི་ཚོགས་གཉིས་ཀར་༧གོང་ས་མཆོག་གི་བཞེད་དགོངས་ཇི་ཡིན་ངོ་སྤྲོད་ཞིབ་གསལ་བྱུང་བའི་དབང་གིས་སུས་ཀྱང་ཚོད་དཔག་དང་སྒྲོ་སྐུར་བྱ་ཡུལ་མེད་པའི་དངོས་དོན་གཏན་འབེབས་བྱས་ཟིན་པས་འབྱུང་འགྱུར་གྲོས་མོལ་གྱི་གནས་བབ་ཇི་ཆགས་ཀྱི་འགན་ཁུར་ཆ་ཚང་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཚོར་ཡོད་པ་དང༌། བོད་མིའི་ངོས་ནས་གསལ་བརྗོད་བྱ་དགོས་ཆ་ཚང་ཟིན་ཏེ་ཕྱི་ལོ་ ༢༠༠༢ ནས་འགོ་འཛུགས་བྱས་པའི་འབྲེལ་མོལ་གྱི་རིམ་པ་གཅིག་ཚུལ་མཐུན་མཐའ་བསྡོམས་བྱས་ཡོད། ཅེས་གསུངས་ཡོད།

ཁོང་གིས་མུ་མཐུད་དུ་གསུངས་དོན། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ་ཁག་གི་དམིགས་བསལ་ཚོགས་ཆེན་ཞིག་བསྡུ་བསྐོང་བྱས་པའི་ནང་དུའང་གོང་མཚུངས་༧གོང་ས་༧སྐྱབས་མགོན་ཆེན་པོའི་ལམ་སྟོན་དང༌། དབུ་མའི་ལམ་གྱྀ་སྲིད་བྱུས་ལ་རྒྱབ་སྐྱོར་ཤུགས་ཆེ་ཐོབ་ཡོད་པ་བཅས་ལ་བརྟེན། ད་ཆ་བཙན་བྱོལ་གཞུང་གིས་གདེང་ཚོད་ཆེན་པོས་དབུ་མའི་ལམ་གྱི་སྲིད་བྱུས་རྒྱུན་འཁྱོངས་དམ་འཛིན་ཐུབ་རྒྱུ་མ་ཟད། རྒྱལ་སྤྱིའི་ནང་སྒྲུབ་ཕྱོགས་ཀྱི་ལས་འགུལ་ཤུགས་ཆེ་རུ་གཏོང་རྒྱུ་དང༌། ཁྱད་པར་རྒྱ་ནག་མང་ཚོགས་དང་འབྲེལ་མོལ་གོང་མཐོར་སྤེལ་དགོས་པའི་གོ་སྐབས་སུ་སླེབས་ཡོད། དེ་བཞིན་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཚོས་ང་ཚོའི་བསམ་འཆར་ཡིག་ཆའི་གྲོས་མོལ་རྒྱུན་སྐྱོང་གནང་འདོད་ཡོད་ཚེ་ང་ཚོའི་ངོས་ནས་གྲོས་མོལ་གྱི་སྒོ་མོ་རྒྱུན་དུ་ཕྱེ་ཡོད། ཅེས་དང༌། བཙན་བྱོལ་བོད་གཞུང་གིས་རྒྱལ་སྤྱིའི་ནང་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དྲིལ་སྒྲག་དང་སྦྲགས། གོ་རྟོགས་སྤེལ་བའི་ལས་འགུལ་དང༌། རྒྱ་རིགས་མང་ཚོགས་དང་འབྲེལ་མོལ་ཤུགས་ཆེ་རུ་གཏོང་རྒྱུའི་ལས་འགུལ་བཅས་འཆར་གཞི་ལྡན་པའི་ལས་འགུལ་ཁག་གཉིས་ཤུགས་ནུས་བསྐྱེད་དེ་བརྩམ་རྒྱུ་ཡིན་པས་བོད་རིགས་ཡོངས་ནས་ཐུགས་སྣང་དང་མཐུན་འགྱུར་ཤུགས་ཆེ་གནང་བའི་རེ་སྐུལ་བྱེད་ཀྱི་ཡོད། ཅེས་ད་ལྟའི་བཙན་བྱོལ་བོད་གཞུང་གི་ལས་འགུལ་ཁ་ཕྱོགས་གསལ་འདོན་བྱས་པ་མ་ཟད། རྗེས་ལོར་དུས་ཚེས་དང་ས་གནས་གང་འོས་ཤིག་ཏུ་རྒྱ་རིགས་གྲོགས་པོ་རྣམས་ཀྱི་ཚོགས་ཆེན་ཞིག་ཀྱང་བསྐོར་འཆར་ཡོད། ཅེས་གསུངས་སོང༌།

གོང་ཚེས་ཉིན་བོད་མི་མང་སྤྱི་འཐུས་ཚོགས་གཞོན་གྱིས་སྤྱི་འཐུས་ཀྱི་གསུང་བཤད་བསྒྲགས་དོན། དེ་རིང་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཉིན་མོ་བརྩི་སྲུང་ཞུས་པའི་དུས་སྐབས་འཁེལ་བ་ལྷན་ཕྲན་ནས་བོད་མི་མང་སྤྱི་འཐུས་ལྷན་ཚོགས་ཀྱི་ཚབ་ཞུས་ཏེ་འཛམ་གླིང་རྒྱལ་སྤྱིའི་འགྲོ་བ་མིའི་ཐོབ་ཐང་ལ་གཙིགས་ཆེན་བརྩིས་ནས་སྲུང་སྐྱོབ་གནང་མཁན་དང༌། དེ་བཞིན་རང་དབང་མང་གཙོའི་རྒྱལ་ཁབ་ཁག་ལ་ད་དུང་ཡང་བོད་ནང་རྒྱ་གཞུང་གིས་འགྲོ་བ་མིའི་ཐོབ་ཐང་བརྡལ་བཤིག་གིས་དྲང་བདེན་མིན་པའི་ཁྲིམས་གཅོད་མུ་མཐུད་བྱེད་བཞིན་པ་དང༌། ཉེ་ཆར་བོད་ནང་རིག་གཞུང་དར་རྒྱས་བཏང་ཡོད་ཚུལ་གྱི་རྒྱབ་ཤ་དཀར་པོའི་དེབ་ཅིག་འགྲེམས་སྤེལ་བྱས་ཡོད་ནའང༌། ད་ལྟ་བོད་ནང་བོད་ཀྱི་རྒྱལ་ས་ལྷ་ས་གཙོས་པའི་བོད་ཀྱི་ས་ཁུལ་ཁག་ནང་བོད་མིའི་སྒེར་གཉེར་སློབ་གྲྭ་ཁག་སྒོ་རྒྱག་རྩིས་ཀྱི་ལས་འཆར་མུ་མཐུད་སྒྲིག་བཞིན་པ་སོགས་བོད་ནང་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཇེ་ཞན་དུ་ཕྱིན་དང་འགྲོ་མུས་ལ་ངེས་པར་རོགས་སྐྱོར་དགོས་པའི་འབོད་སྐུལ་ཤུགས་ཆེན་ཞུ་རྒྱུ་ཡིན། ཅེས་དང༌། བོད་དོན་འཐབ་རྩོད་ཀྱི་ཐད་དུ་ཁོང་གིས། དེ་རིང་གི་གོ་སྐབས་འདི་བཟུང་སྟེ་རྒྱ་གར་དབུས་དང་ས་གནས་གཞུང་གཙོས་པའི་འགྲོ་བ་མིའི་ཐོབ་ཐང་ལ་གུས་བརྩི་ཞུ་མཁན་གྱི་རྒྱལ་ཁབ་ཡོངས་ལ་བོད་མི་མང་སྤྱི་འཐུས་ལྷན་ཚོགས་ནས་མུ་མཐུད་བོད་དོན་ལ་རྒྱབ་སྐྱོར་ཡོང་བའི་འབོད་བསྐུལ་དང༌། ཐེངས་འདིའི་དམིགས་བསལ་ཚོགས་ཆེན་གྱི་རྒྱབ་གཉེར་སྙན་ཐོ་ལྟར། དབུ་མའི་ལམ་གྱི་ཐབས་ལམ་བརྒྱུད་དེ་བདེན་མཐའ་གསལ་བར་སྔར་ལྷག་རྒྱབ་སྐྱོར་ཡོང་བར་འབོད་སྐུལ་ཤུགས་དྲག་ཞུ་རྒྱུ་དང༌། གལ་ཏེ་མ་འོངས་བོད་ཀྱི་རྩ་དོན་སྒྲུབ་ཕྱོགས་ཀྱི་ལམ་ཕྱོགས་ལ་འགྱུར་བ་ཕྱིན་ན་དེའི་འགན་ཡོངས་རྫོགས་རྒྱ་ནག་གཞུང་ལ་ཡོད་པའི་ནན་བཤད་བྱ་རྒྱུ་ཡིན། ཅེས་གསུངས་སོང༌།

འབྲེལ་ཡོད་གསར་འགྱུར།

 འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། བོད་ཀྱི་དུས་བབ་གསར་ཁང་གི་པར། ༢༠༢༥།༦།༢༧
Mobile App

འབུམ་རམས་པ་ལྷ་མོ་འཚོའི་དཔེ་དེབ་དབུ་འབྱེད་གནང་། 

༢༠༢༥/༠༦/༢༧
Mobile App

དབུས་གཙང་གཞོན་སྐྱེས་ཚོགས་ཆེན་ཐེངས་དང་པོ་འཚོག་བཞིན་འདུག

༢༠༢༥/༠༦/༢༧
In this handout image released by the Chinese Embassy on June 26, 2025, the first batch of Indian pilgrims at the Manasarovar Lake, in Tibet.
Mobile App

རྒྱ་གར་གྱི་གནས་མཇལ་བ་ཚོ་དངོས་སུ་བོད་ནང་གནས་མཇལ་དུ་ཕྱིན།

༢༠༢༥/༠༦/༢༧
Close view of Chinese PLA combat helicopter in Tibet_January 05 2021
Mobile App

བོད་ནང་གི་ཛ་དྲག་གི་གནས་སྟངས་ལ་གཟིགས་ཞིབ་དགོས་པའི་རེ་སྐུལ་ཞུས། 

༢༠༢༥/༠༦/༢༦
Mobile App

མི་འགྱངས་བར་སྟོབས་ཆེན་རྒྱལ་ཁབ་ལྔ་ཡིས་ཚོགས་ཆེན་འཚོག་རྒྱུ་ཡིན་འདུག 

༢༠༢༥/༠༦/༢༦
ལྕམ་སྐུ་པེ་ལོ་སི་མཆོག དབུས་བོད་མིའི་སྒྲིག་འཛུགས་ཀྱི་པར།
༸གོང་ས་མཆོག གསར་འགྱུར།

ཨ་རིའི་གྲོས་ཚོགས་ནང་༧སྐུའི་གོ་སྟོན་སྲུང་གཙི་གནང་།

༢༠༢༥/༠༦/༢༦

མཆན། 6

  1. ཁ་བ་དཀར་པོ། says:
    ལོ་ 17 སྔོན།

    ད་འོ་ན་ཟམ་གདོང་བླ་མས་བོད་ཡིག་འབྲི་ཀློག་ཐུབ་ཙམ་ཡོད་པ་དེས་ལོ་ངོ་དྲུག་གི་བཀའ་ཁྲིའི་ལས་ཀའི་རིང་ཕན་ཐོགས་ཅི་ཞིག་བྱུང་སོང་།

    Reply
  2. ཁྱུང་ལྡིང༌། says:
    ལོ་ 17 སྔོན།

    ཡང་དེ་རིང་གི་བགྲོ་གླེང་འདི་ལ་གོ་རྒྱུ་ཆེན་པོ་ཞིག་འདུག བཙན་བྱོལ་བོད་མིའི་བཅའ་ཁྲིམས་ནང་སྐད་ཡིག་ཚད་འཛིན་བྱེད་ས་བོད་ཡིག་བོད་སྐད་ཡིན་པ་དང༌། རྒྱ་ནག་ལ་ཕུལ་བའི་ས་གནས་རང་སྐྱོང་ཡོང་ཐབས་སྐོར་གྱི་བསམ་འཆར་ནང་དུ་གནད་དོན་གལ་ཆེ་ཤོས་ཤིག་བོད་ཡིག་དང་བོད་སྐད་སྐོར་བཤད་ཡོད་པས་མ་འོངས་པར་བཀའ་ཁྲི་ཙམ་མིན་པར་བཀའ་བློན་ཡོངས་རྫོགས་དང༌། སྤྱི་འཐུས་རྣམས་ཀྱང་བོད་ཡིག་བོད་སྐད་ཚད་ལྡན་ཤེས་མཁན་ཞིག་དགོས་རྒྱུ་དེ་འོས་ཆོས་ཨང་དང་པོ་འཇོག་དགོས་འདུག

    Reply
  3. ཇུས་གཏོགས་དཔོན། says:
    ལོ་ 17 སྔོན།

    ང་ཚོ་བོད་པ་ཚང་ག་ཚོད་མི་དགོས་ག་ཚོད་ཐབས་སྐྱོ་ན་མ་འོངས་པའི་བཀའ་བློན་ཁྲི་པ་དེ་བོད་ཡིག་གི་གནས་ཚད་ཡག་པོ་དང༌། གོ་དོན་ཡག་པོ་རྟོགས་ཐུབ་མཁན། བོད་ཡིག་ཀློག་ཐུབ་མཁན་ཞིག་དགོས་རྒྱུ་རེད། ཁ་བ་དཀར་པོ་ལགས། ཁ་སྔོན་དམིགས་བསལ་ཚོགས་ཆེན་གྱི་ཚོགས་ཆུང་ལྔ་པའི་ཚོགས་གཙོ་བློ་བཟང་སེང་གེས་སྙན་ཐོ་ཚོགས་ཆེན་ཐོག་མ་བཀླགས་པ་དེ་ག་རེ་རེད་དྲན་གྱི་འདུག་གམ།

    Reply
  4. ཁ་བ་དཀར་པོ། says:
    ལོ་ 17 སྔོན།

    ངོ་མ་ང་ཚོའི་སྲིད་གཞུང་འདི་བཙན་བྱོལ་སྲིད་གཞུང་ནས་བཙན་གཡེམ་སྲིད་གཞུང་ཞིག་ཏུ་འགྱུར་བཞིན་འདུག ཟམ་གདོང་བླ་མ་བརྗེས་ནས་བློ་བཟང་སེང་གེ་བཀའ་ཁྲིར་བཞག་ན་ཡག་ཤོས་རེད།

    Reply
  5. ཁ་བ་དཀར་པོ། says:
    ལོ་ 17 སྔོན།

    ད་ལྟའི་བཀའ་ཤག་འདིས་ངོ་མ་བོད་མི་དམངས་ལ་ཆབ་སྲིད་ཀྱི་བཙན་གཡེམ་བྱེད་བཞིན་འདུག ད་ལྟ་བར་དུ་རྒྱ་མིས་དབུ་མའི་ལམ་ལ་ངོས་ལེན་མ་བྱས་པ་རེད་མ་གཏོགས་དེ་རིང་བར་དུ་རྒྱ་མིས་དབུ་མའི་ལམ་གྱི་སྲིད་བྱུས་མ་ཤེས་པ་ག་ལ་ཡིན།

    Reply
  6. ཁྱུང་ལྡིང༌། says:
    ལོ་ 17 སྔོན།

    ཧ་ཧ། བཀའ་ཁྲིས་དམིགས་བསལ་ཚོགས་ཆེན་བེད་སྤྱོད་ཡག་པོ་ཞིག་བཏང་ནས་དབུ་མའི་ལམ་གྱི་དར་རྟགས་དེ་དགུང་སྔོན་དབྱིངས་སུ་བསྒྲེངས་འདུག ད་དེ་རིང་གི་དབུ་མའི་ལམ་དེ་ག་འདྲ་ཞིག་ལ་ངོས་འཛིན་གྱི་ཡོད་ན། མ་ཟད་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དྲིལ་བསྒྲགས་དང་སྦྲགས། གོ་རྟོགས་སྤེལ་བའི་ལས་འགུལ་རྩོམ་རྒྱུ་ཡིན་ཚུལ་བཤད་འདུག་པས་ཀྲུང་གོ་བོད་རིག་པའི་ཞིབ་འཇུག་མཁས་ཅན་གྱིས་སྐུ་ཚབ་ཚོར་གོ་རྟོགས་སྤེལ་བ་དང་མཉམ་བསྲེ་བྱ་རྒྱུ་ཡིན་ནམ། ཡང་ན་༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌༌

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
    • གླ་ཡོད་རིན་གོང་།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese