མདུན་ངོས།
About Us
Advertisement
བོད་ཀྱི་དུས་བབ།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese
No Result
ཆ་ཚང་གཟིགས།
བོད་ཀྱི་དུས་བབ།
No Result
ཆ་ཚང་གཟིགས།

ཤི་གསོན་གཉིས་ཀྱི་རེ་བ།

བོད་ཀྱི་དུས་བབ།
༢༠༠༨/༡༢/༣༡
Share on FacebookShare on TwitterShare on EmailShare on Whatsapp

 
ཕྱི་ལོ།  ༢༠༠༨  ཟླ་ ༡༢  ཚེས།  ༢༩  ཉིན།      རིག་པའི་རྡོ་རྗེ།
 
ད་ལོ་ནི་བོད་ཀྱི་རང་བཙན་དགྲ་ལ་ཤོར་དེ་གཞིས་བྱེས་གཉིས་སུ་གྱེས་ནས་མི་ལོ་ཧྲིལ་བོ་ལྔ་བཅུ་འགོར་ཞིང་།    སྙིང་སྟོབས་དང་རིགས་ཞེན་འགྲན་ཟླ་བྲལ་བའི་གངས་ལྗོངས་དཔའ་བོ་དཔའ་མོ་དུ་མས།   རྒྱལ་ཁབ་དང་མི་རིགས་ཤིག་གི་ཚེ་སྲོག་སྐྱོབས་ཆེད།   འཇིག་རྟེན་ན་གཅེས་པ་རང་གི་ལུས་དང་སྲོག་གི་མཆོད་འབུལ་རྒྱ་ཆེན་བྱས་ཏེ།    གངས་རི་དང་གཡུ་མཚོའི་ཁ་དོག་ཁྲག་གིས་བསྒྱུར་བའི་ཁ་བའི་དམར་མཆོད་ཆེན་མོ་དང་།    ལ་རྒྱའི་དཔུང་རྡང་བསྒྲིགས་པའི་གངས་རིའི་དཔའ་རྒོད་སྟོང་ཕྲག་མང་པོ་གཤིན་རྗེའི་བཙོན་དུང་ནག་པོར་བཙན་གྱིས་བཅུག་སྟེ།     བཟོད་དཀའ་དམྱལ་བའི་སྡུག་བསྔལ་དངོས་སུ་མྱོང་བཞིན་ཡོད་པ་སོགས་མདོར་ན།    གངས་ཅན་ཆོལ་ཁ་གསུམ་དུ་སྡུག་གི་མུན་པ་ནག་པོ་དབུས་ནས་འཐིབས་ཏེ།    སྐྱིད་ཀྱི་ཉི་མ་ལག་མཐིལ་ཙམ་ཞིག་མེད་པར།    བོད་མི་འབུམ་ཕྲག་དུ་མས་ཡ་ཆུང་སྡུག་གིས་བསགས།    མིག་མཐའ་མཆི་མས་བསྐོར་ཏེ་སྡུག་བསྔལ་གྱི་རྒྱ་མཚོར་ལྷུང་བའི་སྐབས་འདིར།    བྱེས་སྡོད་བོད་མི་རྣམས་དང་།    མཚོ་སྔོན་བོད་སྐད་རླུང་འཕྲིན་ཁང་སོགས་ཀྱིས།    དགྲ་བོར་རྩོད་དགོས་པའི་སྙིང་ནད་དང་།    གཉེན་ལ་སྟོན་དགོས་པའི་གདུང་སེམས།    ད་དུང་སྤྱིར་བཏང་གི་ཡ་རབས་ཁྲེལ་ཡོད་སོགས་བཟང་པོའི་བྱ་བ་རྣམས་སྦྲུལ་ཤུན་བཞིན་དོར་དེ།    གནམ་ལོ་གསར་བའི་དགའ་སྐྱིད་ལ་སྟ་གོན་བྱེད་བཞིན་ཡོད་པ་ནི།    ཁྲེལ་དང་ངོ་ཚ་ཡོད་པའི་མི་རིགས་ཤིག་གི་བྱེད་བབས་ལྟ་ཅི།    ཐ་ན་དུད་འགྲོའི་སྤྱོད་པ་ལས་ཀྱང་ཆེས་ཐབས་སྡུག་པ་ཞིག་ཡིན་པས།    གཞུང་དང་ཚོགས་སྡེ་ཁག    དེ་བཞིན་གང་ཟག་སྒེར་བཅས་ནས་བསམ་བློ་ནང་དུ་བཀུག་སྟེ་ད་ལོའི་ལོ་གསར་གྱི་མདུན་རྒྱབ་གཉིས་ལ་བསམས་གཞིགས་ངེས་ཅན་ཞིག་གཏོང་དགོས།   
གལ་ཏེ་ང་ཚོས་ད་ལོའི་ལོ་གསར་དགའ་སྟོན་ལ་སྤྲོ་སྐྱིད་ཀྱིས་རོལ་བ་ཡིན་ན།     མ་བོས་ཀྱང་ཕེབས་ངེས་པའི་ལོ་གསར་མགྲོན་པོ་དེ་དག་སུ་ཡིན་ངེས་པར་དུ་ཤེས་དགོས།     ཚེ་སྲོག་གི་མཆོད་པ་རྒྱལ་ཁབ་ཀྱི་ཆེད་དུ་ཕུལ་བའི་གངས་རིའི་དཔའ་རྒོད་བརྒྱ་ཕྲག་མང་པོའི་རྣམ་ཤེས་ཁ་བ་བུ་ཡུག་འཚུབས་པ་ལྟར།    ང་ཚོའི་གསོལ་སྟོན་ལ་ཀི་ཤར་དང་ངུ་ཤར་འདྲེས་མ་སྒྲོག་བཞིན་དངོས་སུ་སླེབས་ཏེ།   སྐྱོ་བའི་ཤུགས་གླུ་དང་།    ཡིད་ཆད་ཀྱི་ངུ་འབོད་བྱེད་ངེས་ཡིན་ལ།     ད་དུང་གངས་རིའི་ལས་དབང་དང་བདེ་སྐྱིད་འབའ་ཞིག་གི་ཆེད།    མི་ཡུལ་འདིར་གཤིན་རྗེའི་སྡུག་བསྔལ་མངོན་སུམ་དུ་མྱོང་བཞིན་པའི་ཉེས་མེད་བཙོན་པ་སྟོང་ཕྲག་མང་པོས་རེ་བ་གཏིང་ནས་ཆད་དེ།    ཡི་མུག་སེམས་ཀྱི་སྡུག་བསྔལ་བཟོད་ཐབས་བྲལ་བ་མྱོང་ངེས་ཡིན་པ་སྨོས་ཅི་དགོས།   
རྒྱུ་མཚན་ཅི་ཡིན་སྙམ་ན།    གངས་རིའི་དཔའ་བོ་དཔའ་མོ་རྣམས་ཀྱིས་བོད་མི་རིགས་ཀྱི་དཀའ་སྡུག་སེམས་ལ་བཟུང་ནས།    ཚེ་སྲོག་གི་ཁྲག་རྗེས་དམར་པོ་གངས་ཅན་མི་ཡུལ་འདིར་བཞག་ཏེ་རྒྱང་རིང་དུ་བཞུད་སོང་།    ཡིན་ན་ཡང་རེ་བའི་ཕྱི་མིག་གིས་ནམ་ཡང་ང་ཚོར་བལྟས་ཡོད།    ཞུམ་པ་མེད་པའི་དཔའ་རྒོད་སྟོང་ཕྲག་དུ་མས་ལ་རྒྱའི་སོ་སྒྲ་སྒྲོག་བཞིན།     སྡུག་གི་བཙོན་དུང་ནག་པོའི་སྲིབ་ཁ་ནས་ནམ་ཡང་ང་ཚོར་ཉན་དེ་རེ་སྒུགས་བྱས་ཡོད།    ད་དུང་དེ་དག་གི་ཤུལ་དུ་ལྷག་པའི་ཕ་མ་བྲལ་བའི་དྭ་ཕྲུག    བརྒྱ་ཅུའི་བུ་ཤོར་གྱི་ལོ་ལོན།    དེ་བཞིན་ཡུགས་ཕོ་ཡུགས་མོ་རྣམས་ཀྱིས་གློ་སྙིང་བྲང་གསུམ་གངས་རིའི་ཕྱི་རོལ་ཏུ་གཏད་དེ།     སྐྱོབས་པའི་མགོན་དང་མི་བསླུ་བའི་གྲོགས་ཞིག་ཡོད་བསམ་ནས་རེ་བ་རི་འདྲ་བ་ཞིག་སེམས་ལ་བཟུང་།    བློ་གཏད་རྡོ་འདྲ་བ་ཞིག་ལག་ལ་བཟུང་སྟེ།    རེ་སྒུག་གི་རྨི་ལམ་མཐུག་པོ་ལས་ད་དུང་སད་མེད་པ་ཁྱོད་ཚོའི་སེམས་ལ་ཁྲིགས་སེ་ལོས་ཡོད།   
སྤྱིར་བཤད་ན།    ང་ཚོས་གསོན་པ་ནི་བདེ་སྐྱིད་དུ་ངོས་འཛིན་ལ།   ཤི་བ་ནི་སྡུག་བསྔལ་དུ་འདོད་ཀྱིན་ཡོད།   དེ་བས་ཀྱང་གཞན་གྱིས་དམར་གསོད་བྱས་པ་ནི་འཇིག་རྟེན་འདིའི་སྡུག་བསྔལ་གྱི་མཐར་ཐུག་ཡིན་པ་སྨོས་ཅི་དགོས།   ང་ཚོ་མི་རྣམས་ཀྱིས་རང་གི་གཉེན་ཉེ་དང་དགའ་གྲོགས་སོགས་ཤི་བ་ན།   དེའི་ཆེད་དུ་མྱ་ངན་བྱེད་སྲོལ་ཡོད་པ་མ་ཟད།   ཐ་ན་དུད་འགྲོའི་ནང་ན་ཡང་བཟའ་ཟླ་དང་ཕྲུ་གུ་ཤི་བ་ན་སེམས་སྡུག་བྱེད་མཁན་ཡོད་པ་དངོས་མཐོང་རེད།   ཨ་རི་སོགས་ནུབ་ཕྱོགས་རྒྱལ་ཁབ་ཁག་ཏུ་མཚོན་ན།    ཁྱི་དང་ཞི་མི་སོགས་ལ་ནང་མིའི་གོ་གནས་ངེས་ཅན་ཞིག་སྤྲད་དེ་བྱམས་སྐྱོང་བླ་མེད་བྱེད་ཀྱིན་ཡོད་ཅིང་།   དེ་དག་ཤི་བའི་ཚེ་ན་ཡང་མྱ་ངན་ཆེན་པོ་བྱེད་བཞིན་ཡོད།    དེས་ན་ཡ་རབས་དང་ཁྲེལ་ཡོད་དུ་ཁས་འཆེ་བའི་ང་ཚོ་བོད་མི་རྣམས་ཀྱིས་ཀྱང་།    ང་ཚོའི་རྒྱལ་ཁབ་དང་མི་རིགས་འདིའི་ཆེད་དུ་གཅེས་པའི་ལུས་སྲོག་ལོངས་སྤྱོད་དང་བཅས་པ་བློས་བཏང་བའི་དཔའ་བོ་དཔའ་མོ་རྣམས་ལ་རྗེས་དྲན་དང་མྱ་ངན་མ་ཞུས་ན་ཆོས་སྲིད་གཉིས་ཀའི་ཐད་ནས་ག་ལ་འགྲིག   
གལ་ཏེ་ང་ཚོ་རྗེས་རབས་པ་ཚོས།    བོད་གངས་ཅན་ཁ་བའི་ལྗོངས་སུ་རྒྱ་ནག་འཇིགས་སྐུལ་སྲིད་གཞུང་གིས་དམར་གསོད་ཀྱི་ཁྲག་དྲི་མ་ཡལ་གོང་།    སྡུག་གི་ངུ་མཚམས་མ་བཞག་གོང་།    སྐྱོ་བའི་མཆི་མ་མ་ཆད་གོང་།     ལོ་གསར་སྟོན་མོ་སོགས་དགའ་སྐྱིད་ཀྱི་ལས་ལ་ཞུགས་པ་ཡིན་ན།     དེ་ནི་དཔའ་བོས་མེ་འབུད་སར།    སྡར་མས་ཆུ་བླུགས་པ་ཡིན་པས་ཤིན་ཏུ་མི་འོས།
དེས་ན་ང་ཚོས་དགྲ་དགའ་གཉེན་སྡུག་གི་བྱ་བཞག་འདི་དག་རྦད་དེ་མཚམས་བཞག་ནས།    ཉིན་གཉིས་རྗེས་ཀྱི་ཉིས་སྟོང་དགུའི་ནང་དུ།    སླར་ཡང་རྒྱལ་ཁབ་དང་མི་རིགས་འདིའི་ཆེད་བསམ་གཞིགས་གསར་བ་ཞིག་གི་མགོ་བཙུགས་ཏེ།    དཔེ་གྲུ་བཞི་སྒམ་མེ་སྒང་།།    ལམ་ཤད་མ་ཤད་ལེ་ཤོད།།    ཟེར་བའི་དཔེ་ལྟར།    རྒྱལ་གཅེས་དཔའ་བོ་དཔའ་མོ་རྣམས་ཀྱིས་རྗེས་སུ་བསླབ་དགོས་ལ།    དེ་དག་གི་རྗེས་སུ་བསྒྲུབ་ཀྱང་དགོས།    འདི་ནི་ཁ་བ་རི་བའི་སྐྱེ་བོ་ཡོངས་ཀྱི་བགོ་སྐལ་ཡིན་ལ།    གནམ་རྒན་མས་གནང་བའི་ལས་དབང་གི་ཁ་ཕྱོགས་ཀྱང་ཡིན།   
 
བརྒྱུད་རིམ་འདིའི་ནང་དུ་ཐོག་མར་ད་ལོའི་ལོ་གསར་ཉིན།    འཛམ་གླིང་གང་སར་གནས་པའི་བོད་རིགས་སྤྱི་བོ་གནམ་བསྟན་ཡོངས་ཀྱིས།    ས་གནས་རྒྱ་ནག་གཞུང་ཚབ་ཁང་གི་མདུན་དུ་ཞི་བའི་ངོ་རྒོལ་ཡིད་ཚིམས་པ་ཞིག་བྱེད་དགོས།    དེ་ལྟར་བྱས་ན་ཤི་བོའི་རྗེས་ཀྱི་གསོན་པོ་ཟེར་བའི་དཔེ་ལྟར།    གཤིན་པོ་རྣམས་ལ་མྱ་ངན་རྗེས་དྲན་དང་།   བཙོན་པ་རྣམས་ལ་གདུང་སེམས་མཉམ་བསྐྱེད།    དེ་དག་གི་ཤུལ་ལུས་ནང་མི་སྡུག་བསྔལ་ཅན་རྣམས་ལ་སེམས་གསོའི་ལེགས་སྐྱེས་ཆུང་ཆུང་ཞིག་ཕུལ་བ་ཡིན་པས།     བྱེས་སྡོད་གངས་ཅན་སྤུན་ཟླ་ཡོངས་ཀྱིས་ལས་སླ་ཞིང་བསྒྲུབ་ཐུབ་པའི་ལས་འགུལ་འདིར་ངེས་པར་དུ་མཉམ་ཞུགས་གནང་ཆེད།    གངས་ཅན་ཤི་གསོན་འབུམ་ཕྲག་མང་པོའི་རེ་འདུན་དང་།    བོད་ནས་འབྱོར་བཞིན་པའི་བློ་ཕམ་གྱི་སྐད་དང་ཡི་གེ    ད་དུང་བོད་མདོ་སྨད་བླ་བྲང་ཁུལ་དུ་གསར་འཛུགས་བྱས་པའི་ཚོགས་པ་༼བདེ་འཇགས་ཆེད་ཚོགས་པའི་མིང་འདིར་མ་བྲིས།༽ག་གེ་མོ་ཞིག་གི་ཚོགས་མི་བདུན་བཅུ་ལྷག་གི་བསམ་ཚུལ་བསྡུ་རིབ་བྱས་པའི་ཡི་གེ་འདི་ཕྱོགས་གང་སར་ཕུལ་བ་ཡིན་ན།    དེ་ལུགས་དགོངས་དབྱིངས་སུ་མངའ་བ་མཁྱེན་མཁྱེན་ཞེས་ལག་ཐལ་མོ་སྦྱར་ཏེ་ཞུ་བ་ཡིན།

མཆན། 5

  1. རིག་པའི་རྡོ་རྗེ། says:
    ལོ་ 14 སྔོན།

    བརྩེ་བའི་བོད་ཀྱི་དུས་བབ་དྲ་ཁང་ནས།   གུས་པའི་རྩོམ་ཡིག་དེ་འདིེར་བཀོད་པར་ཐུགས་རྗེ་ཆེ་ཞུ་བ་ཡིན།   འོན་ཀྱང་ཐ་མའི་མྱ་ངན་ཞུ་ཚིག་དེ་མི་འདུག་པས་དེའི་དོན་ཅི་ཡིན་ཤེས་འདོད་ཡོད།    གལ་ཏེ་ཁྱེད་ཚོས་འགོད་ཆད་བྱུང་བ་ཡིན་ན་དགོངས་དག་ཞུ། 

    དེ་བཞིན་དྲ་གྲོགས་རྣམས་ཀྱིས་ངའི་བསམ་ཚུལ་ལ་རྒྱབ་སྐྱོར་གནང་བར་སྙིང་ནས་གུས་འདུད་ཞུ།

    གཤམ་དུ་གོང་གི་རྩོམ་ཡིག་དེའི་མཇུག་ཏུ་མྱ་ངན་ཞུ་ཚིག་ཞིག་ཡོད་པ་འདི་ལྟར་ཡིན།
    མཐའ་མཇུག་གི་མྱ་ངན།
    ཚེ་སྲོག་གི་དམར་མཆོད་གངས་རིའི་དབུ་རྩེར་མཆོད་པའི་དཔའ་བོ་དཔའ་མོ་རྣམས། དེ་རིང་ངས་ཁྱེད་ཚོ་ཧ་ཅང་དྲན། ཕྱི་མིག་ཐེངས་ཤིག་གཟིགས་རོགས། ངས་ཁྱེད་ཚོར་སྙིང་ནས་མྱ་ངན་དང་རྗེས་དྲན་ཞུ། ཁྱེད་ཚོ་ང་ཚོའི་ལམ་མཁན་ཡིན་ལ། ང་ཡང་ཁྱེད་ཚོའི་རྗེས་འཇུག་པ་ཡིན། ངས་ཁྱེད་ཚོའི་རྗེས་འཇུག་རྣལ་མ་ཞིག་བྱེད་ན་འདོད། ཤམ་ཤམ་དུ་བཞུར་བའི་མིག་ཆུའི་ཕྲེང་བ་འདིས་ཁྱེད་ཚོར་ཕེབས་སྐྱེལ་ཞུ།

    ལ་རྒྱ་དང་སྙིང་སྟོབས་ཀྱི་ཀི་བསྭོ་སྒྲོག་པའི་ཉེས་མེད་དཔའ་རྒོད་ཚོ། ང་ཁྱེད་ཚོར་ཧ་ཅང་དགའ་ལ། ཧ་ཅང་དུང་། ཡིན་ན་ཡང་། ངས་ཁྱེད་ཚོར་སྙིང་ནས་དགོངས་དག་ཞུ་དགོས་བྱུང་། ངས་ཁྱེད་ཅག་གི་ཆེད་དུ་ཅི་ཡང་བསྒྲུབས་མ་ཐུབ་ལ། ཅི་ཡང་ཤོད་མ་ཐུབ། ཐ་ན་ངས་ཁྱེད་ཚོར་སེམས་གསོ་ཙམ་ཡང་མ་ཐུབ་པར། སྟོང་བསམ་གྱི་གྲུ་ཁ་འདིར་དེ་རིང་བར་ལུས། འོན་ཀྱང་ངས་ཁྱེད་ཚོས་འཇིག་རྟེན་དུ་བཞག་པའི་ལོ་རྒྱུས་ཀྱི་ཟིན་ཐོ་ཀློག་བཞིན། དཔའ་བོའི་ཁྲག་ཐིག་གིས་སྦགས་པའི་རྐང་རྗེས་འཚོལ་བཞིན། མིག་ཆུ་དང་དུང་སེམས་ཀྱི་འཚང་ཁ་རྒྱག་བཞིན། གདུང་སེམས་མཉམ་བསྐྱེད་ཞུ།

    Reply
  2. མི་ནག་ཚང་ལུང་རིགས་རྒྱལ། says:
    ལོ་ 14 སྔོན།

    དེ་རིང་ཕྱི་དྲོ་ལས་ཁུངས་གྲོལ་མ་ཐག་ནམ་རྒྱུན་གྱི་རྒྱབ་ཁུག་ཁུར་ནས་ལས་ཁུངས་ཀྱི་ཕྱིར་ཡོང་བ་ཡིན། ༢༠༠༨ ལོའི་ལས་ཀ་ཚང་མ་མཇུག་སྒྲིལ་སོང་བ་ལྟར་་་་་་་

    ང་སྒོ་ཁར་ཐོན་མ་ཐག་ཕོ་གསར་གཉིས་ལས་ཁུངས་ཀྱི་སྒོ་ཁར་སླེབས་སོང་། ཁོང་གཉིས་གང་ནས་ཡིན་མིན་ངས་མ་དྲིས། ཁོང་གཉིས་ཀྱིས་ལོ་འདིའི་ལོ་གསར་སྐབས་སྤྲོ་སྐྱིད་མི་གཏོང་རྒྱུའི་མཚན་རྟགས་བསྡུ་གི་འདུག དེབ་ཅིག་གི་ངོས་སུ་མིང་དང་སྡོད་གནས། ས་ཡིག་བཅས་འགོད་དགོས་ཀྱི་འདུག ངས་ཁོང་གཉིས་ཀྱི་ལས་འགུལ་དེར་ཁས་ལེན་དང་། ང་རང་གི་སེམས་བསམ་པའི་གཏིང་ནས་མྱ་ངན་དང་གདུང་སེམས་མཉམ་སྐྱེལ་བྱེད་ཆེད་ས་ཡིག་བརྒྱབས་རྗེས་ཤར་རྒྱག་ནང་དུ་ལོག་ཡོང་བ་ཡིན།

    ངའི་བསམ་ཚོད་ལ་ཁོང་གཉིས་བཙན་བྱོལ་བོད་གཞུང་གི་ལས་ཁུངས་དང་ལྷན་ཁང་ཁག དེ་བཞིན་སྒྲིག་འཛུགས་གཞན་ཐམས་ཅད་ཀྱི་སྒོ་ཁར་ས་ཡིག་བསྡུ་བར་ཕྱིན་ཡོད་ཐག་ཆོད་ཡིན། སྤྱིར་ན་ལས་དོན་འདི་འདྲ་བ་ཞིག་ནི་མི་ཞིག་གིས་ས་ཡིག་བརྒྱབས་ནས་སྒྲུབ་རྒྱུ་ཞིག་ག་ལ་ཡིན། ཡིན་ཡང་། མཚམས་རེར་གནས་སྟངས་འདིའི་རིགས་ལའང་ལས་འགུལ་སྤེལ་དགོས་པ་གལ་ཆེན་པོ་རེད།

    Reply
  3. གནས་ཚང་། says:
    ལོ་ 14 སྔོན།

    འོད་དཀར་ལགས་ཀྱིས་དུས་བབ་ཚང་མ་གཏོགས་མཐོང་མེད་ནའང་། པཱ་ལེ་བ་ཞིག་གི་རྒྱབ་བསྐྱོར་ཡང་ཡོད།

    Reply
  4. འོད་དཀར། says:
    ལོ་ 14 སྔོན།

    བོད་ཀྱི་དུས་བབ་རྩོམ་སྒྲིག་ཁང་གི་འདི་དག་ལ་རྒྱབ་སྐྱོར་བྱེད་ཀྱི་ཡོད་པ་ཐུགས་རྗེ་ཆེ་ཞུ།

    Reply
  5. འོད་དཀར། says:
    ལོ་ 14 སྔོན།

    བོད་ནང་གི་ཧི་གཟུགས་ཟིན་བྲིས་ནང་ལྟ་ཚར་ཡིན། དངོས་གནས་ཡག་པོ་འདུག
    དོན་དངོས་ཀྱི་གནས་ཚུལ་འདི་ལྟ་བུ་བཙན་བྱོལ་ནང་གང་མང་སྤེལ་ན་བཟང་སྙམ།

    Reply

དཔྱད་མཆན་སྤེལ། Cancel reply

Your email address will not be published. Required fields are marked *

སྤྱི་ཚོགས་དྲ་གནས།

ཁྱབ་བསྒྲགས།

དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།

གློག་འཕྲིན།

editor@tibettimes.net | office@tibettimes.net

ཁ་པར།

+91-98823-47075 | +91-92189-38041 | +91-81972-44372
No Result
ཆ་ཚང་གཟིགས།
  • གསར་འགྱུར།
    • ༸གོང་ས་མཆོག གསར་འགྱུར།
    • བཙན་བྱོལ།
    • བོད་ནང་།
    • རྒྱལ་སྤྱི།
    • རྒྱ་ནག
    • ༧གོང་ས་མཆོག གསུང་འཕྲིན།
  • རྩོམ་ཡིག།
    • བསམ་ཚུལ།
    • སྒྱུར་རྩོམ།
  • བརྙན་མཛོད།
    • གླེང་མོལ།
    • མེ་ལོང་།
    • ང་ཡི་བཙན་བྱོལ་བ།
    • གངས་ཕྲུག
    • དྲ་བརྙན་གསར་འགྱུར།
  • ཁྱབ་བསྒྲགས།
    • གླ་ཡོད་ཁྱབ་བསྒྲགས།
    • དུས་བབ་ཀྱི་གསལ་བསྒྲགས།
  • པར་མཛོད།
    • ང་ཚོའི་པར།
    • གསང་འགྱུར་པར་རིས།
  • དཔེ་དེབ།
  • རྩོམ་སྒྲིག་པའི་གཏམ།
  • ང་ཚོའི་སྐོར།
    • བོད་ཀྱི་དུས་བབ་ཀྱི་བྱུང་རིམ།
    • རྩ་ཆེའི་གསུང་འཕྲིན་ཁག
    • English
    • Chinese

Welcome Back!

OR

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist