རྡུལ་ཕྲན་གཅིག་ཁོ་ནའི་སྟེང་གི་འཇིག་རྟེན།

How about copyright?

THE UNIVERSE IN A SINGLE ATOM
རྡུལ་ཕྲན་གཅིག་རྐྱང་ནང་གི་འཇིག་རྟེན་ཁམས། ཞེས་བསྒྱུར་དགོས་སྙམ།

ཞབས་དྲུང་ངག་དབང་རྣམ་རྒྱལ་ལ། སྙིང་རྗེ་མ་གཞི་ནས་ཁྱེད་ནི་རྩོམ་ལ་དྲོ་བ་མེད་པའི་རྩོམ་ཡིག་སྒྱུར་མཁན་ཞིག་དང་གངས་སྐྱིད་ན་ང་ལས་མེད་སྙམ་པའི་སྣང་མཐོ་ཅན་ཞིག་རེད། ཁྱེད་ཀྱིས་བསྒྱུར་རྩོམ་དག་བཅོས་བྱས་པ་དེར་རྒྱུ་མཚན་ཅི་ཡང་མི་འདུག སྙིང་རྗེ།

གནད་དོན་དང་འབྲེལ་བའི་བདེན་པ་ནི་ནམ་ཡང་བདེན་པ་ཡིན་པས་ད་ནི་བསྟན་བཟང་གི་རིན་ཐང་དེ་ལྷང་ལ་བུད་འདུག ཁོའི་ཐོག་མའི་དཔྱད་བསྡུར་སོགས་གསལ་ཁ་གཏོད་པའི་ཁྱད་པར་མང་པོ་དངོས་སུ་ཡོད་ཀྱང་ཤེས་ཡོན་པའི་རང་གཤིས་ཀྱི་ངོས་ནས་ཉམ་ཆུང་གིས་བཞུགས་བསྡད་པ་ལ་ད་ནི་ཅི་གང་ཡང་བཤད་རྒྱུ་མི་འདུག ཁོའི་བསྒྱུར་རྩོམ་འདིས་༸ོགང་ས་མཆོག་གི་ཐུགས་ཡིད་ཡོངས་སུ་འཚིམས་ཡོད་པ་དང། གསུང་བསྒྱུར་ཐུབ་བསྟན་སྦྱིན་པས་བསྔགས་བརྗོད་དོན་མཐུན་གནང་གི་འདུག་ན་སྲིན་འབུ་མེ་ཁྱེར་དག་ཉི་འོད་ཀྱི་ངོགས་ན་རང་བཞིན་གྱིས་མི་མངོན་པར་གྱུར་སོང། བདེན་པའི་རིན་ཐང་ཟེར་ན་འདི་འདྲ་རེད། ད་ནི་དེབ་དེ་བསྒྱུར་བའི་ཕན་འབྲས་ཀྱི་སྐོར་ལ་སྐད་ཆ་བཤད་པའི་གོ་སྐབས་ཤར་བ་རེད། བོད་ཕྱི་ནང་ནང། རྒྱལ་ཁབ་མང་པོའི་ཀློག་མཁན་གྱི་ཡིད་འགུ་་གི་ཡོད་པ་ཤེས་ན་ཡིད་སྨོན་འཆོར་དགོས་པའི་གནས་རེད་འདུག བསྟན་བཟང་གི་ད་ལྟ་མི་མཐུད་དུ་ཡིག་བསྒྱུར་གྱི་ལས་ཀ་གཉེར་བསྡད་ཡོད་ས་རེད། ཁུ་སེམ་མེར་ལས་ཀ་རླབས་ཆེན་ལས་མཁན་གྱི་ཤེས་ཡོན་པ་ཚུལ་མཐུན་ཞིག་རེད་འདུག

ཞབས་དྲུང་ངག་དབང་རྣམ་རྒྱལ་སླེབས་ཏེ་ང་ཚོར་((BBC Word Service ))་ཞེས་པ་ཞིག་བསླབས་གནང་སོང་ཡང་ང་ཚོ་དབྱིན་ཡིག་གི་ཤེས་ཚད་དམའ་དྲག་ནས་གོ་བ་ལོན་གྱི་མི་འདུག ལྟས་ཚོད་ལ་ནམ་རྒྱུན་བརྙན་འཕྲིན་ནང་ BBC World Service ཞེས་པ་དེ་འདྲ་པོ་འདུག སྤྲེའུ་རང་རེད། ཧ་ཧ་ཧ་ཧ་ཧ་ཧ་ཧ་ ངོ་ཚ་བ་ལ༌༌༌༌༌༌༌༌༌༌༌༌༌༌༌༌༌༌༌༌

ད་གཡུག་ཞོགས། རྒྱབ་བཤད་བྱས་ནས་ཆོ་ཡོད་མ་རེད། དེ་ལས་ངས་༧གོང་ས་མཆོག་བཀའ་སློབ་ཁ་ཤས་བསྒྱུར་ནས་དེབ་ཅིག་བཏོན་ནས་གང་མགྱོགས་གོང་ཁེ་པོར་བཅོང་ནས། ཕ་ཡུལ་གཅིག་ཁ་ཤས་གླས་ནས་རྩོམ་ཡིག་སོགས་སྤེལ་འཇུག་ནས་ཁྱེད་ཚོེར་རྒྱབ་བཤད་བྱེད་མ་གཏོགས་མེད་པ་བཟོ་ཡི་ཡིན། ཧ ཧ ཧ མ་གཞི་ང་ཡང་དབྱིན་ཇེ་ཡག་གང་ཤེས་ཀྱི་མེད་ཚིག་མཛོད་ཡག་པོ་དང་གསར་རྩོམ་མཁས་པོ་ཡོད།

རྩེད་མོ་ཡིན་ད། བསྒྱུར་མཁན་ཚང་ག་རེད།

ལྟས་ངན་ཁ་ཤས་ཀྱིས་ཕྲག་དོག་དང་བྱུང་རྒྱལ་གྱི་གཏམ་ཤོད་ཀྱི་འདུག་ཀྱང་། ཡང་བསམ་ཤེས་ཅན་གྱི་སྐྱེས་བུ་འགའ་རེ་ཡང་འདུག་པས།
ངས་ཁྱོད་ཚཽའི་རིན་ཐང་ཐད་གླེང་དུས་གནས་ལུགས་ཡོད་མེད་ཁཽ་ནའི་སྒོ་ནས་རྗེས་སུ་འགྲོ་གི་ཡོད།

༸གོང་ས་མཆོག་གི་ཕྱག་དེབ་དེ་ངས་དབྱིན་ཡིག་ནང་ཐོན་པ་དང་ཐེངས་གཅིག་བཀླགས་པ་ཡིན། བོད་འགྱུར་ལག་ཏུ་ཐེབས་འཕྲལ་བཀ྄ླགས་ཤིང༌། དེ་ནས་སྔོན་གླེང་ཤོག་ངོས་དང་པོ་དེ་གཅིག་པུ་དབྱིན་ཡིག་དང་བསྡུར་ཏེ་བཀླགས་པ་ཡིན། དྲང་པོ་དྲང་བཞག་བཤད་ན། བསྟན་འཛིན་རིག་བཟང་གིས་ལྷག་རྡོར་སོགས་ཀྱིས་ཡག་པོ་བསྒྱུར་མི་འདུག་ཅེས་བཤད་པ་མ་གཏོགས། ལྷག་རྡོར་སོགས་ཀྱིས་བསྒྱུར་བ་བརྐུས་ན་ཡང་། ཁོ་རང་གིས་ཡག་པོ་ཞིག་རྩ་བ་ནས་འབྲི་ཤེས་མི་འདུག གཞན་དག་ཕར་བཞག སྔོན་གླེང་ཁོ་ནར་བལྟས་ནའང་སྐྱོན་ཆ་མང་པོ་འདུག

སྐྱོན་རྣམས་རེ་རེ་བཞིན་མཛུབ་མོ་རི་སྟོན་བྱེད་དགོས་བྱུང་ན། དུས་གྲོན་ཆེ་ཞིང་ཡིག་ཚོགས་མང་བས། ངས་འདིར་ས྄ྔོན་ག྄ླེང་གི་ཐོག་མའི་བརྗོད་པ་གཉིས་ཁོ་ན་དཔེ་མཚོན་དུ་གླེང་གི་ཡིན།

བསྟན་འཛིན་རིག་བཟང་གིས་བསྒྱུར་བར་སྒྲོག་པའི་དེབ་དེའི་ཤོག་ངོས་དང་པོའི་འགོ་བརྗོད་འོག་གི་ཡིག་ཕྲེང་དང་པོ་དེ་(ངས་ཚན་རིག་ལ་ཆེད་སྦྱོང་བྱས་མ་མྱོང་)ཞེས་པ་དེ་རེད། འདི་ལ་སྐྱོན་གཅིག་དང་བསྒྱུར་ནོར་བ་གཅིག་འདུག
1) ༸གོང་ས་མཆོག་གི་རང་རྣམ་སོགས་ཚང་མའི་ནང་ཁོང་གིས་(ངོས་)ཞེས་བེད་སྤྱོད་གནང་གི་ཡོད་ལ། འདི་ནི་ཉེ་རབས་བོད་ཀྱི་རྩོམ་རིག་སྐད་ཆའི་ནང་༸གོང་ས་མཆོག་གི་བཀའ་རྩོམ་དང་འབྲེལ་བའི་དམིགས་བསལ་གྱི་ཁྱད་ཆོས་སུ་བགྲངས་ཆོག དཔེར་ན། ངོས་ཀྱི་ཡུལ་དང་ངོས་ཀྱི་མི་མང་ཞེས་གསུངས་པ་ལྟ་བུ་རེད། ཉེ་དུས་ལྡི་ལི་བོད་ཁང་གིས་པར་སྐྲུན་གནང་བའི་༸གོང་ས་མཆོག་གི་རང་རྣམ་རྒྱས་པ་ཕྱི་ཡུལ་དུ་རང་དབང་ཞེས་པའི་ནང་དུའང་༸གོང་ས་མཆོག་གི་བཀའ་རྩོམ་གྱི་འགྲོས་འདི་གཅེས་འཛིན་གནང་འདུག་པས། བཀླགས་པ་ཙམ་གྱིས་༸གོང་ས་མཆོག་གི་གསུང་རྩོམ་གྱི་བྲོ་བ་ལྟ་བུ་ཞིག་ཚོར་ཐུབ་ཀྱི་འདུག བསྟན་འཛིན་རིག་བཟང་གིས་ཐོག་མཐའ་ཀུན་ཏུ་ངོས་ཀྱི་ཚབ་ལ་(ངས་)ཞེས་པ་སྤྱད་པ་དེ། ༸གོང་ས་མཆོག་གི་གསུང་འགྲོས་ལ་ཆ་རྒྱུས་མ་བྱུང་བ་ལྟ་བུའི་སྐྱོན་བྱུང་འདུག

2) གོང་གི་བརྗོད་པ་གཅིག་དེའི་མ་དཔེ་དབྱིན་དེབ་ནང་ I was never myself trained in science. ཞེས་བཀོད་འདུག མ་ཚིག་གི་གོ་བ་ལྟར་ན། (ངོས་རང་ཚན་རིག་ལ་སྦྱོང་བརྡར་གཏན་ནས་བྱེད་མ་མྱོང་)ཞེས་བསྒྱུར་དགོས། མ་ཚིག་ནང་སྦྱོང་བརྡར་བྱས་ཡོད་མེད་གསུངས་པ་མ་གཏོགས་ཆེད་དུ་སྦྱོང་བརྡར་བྱས་ཡོད་གསུངས་མེད། ལྷག་པར་མ་ཚིག never ཞེས་པ་དེ་སྤྱིར་བཏང་གི་དགག་ཚིག་ཙམ་མ་ཡིན་པར། རྩ་བ་ནས་སམ་གཏན་ནས་མེད་པའང་མིན་པའི་གོ་དོན་ཡོད་པ་འཛིན་རིམ་གསུམ་པའི་དབྱིན་ཡིག་གི་ཤེས་ཚད་ཡོད་མཁན་ཞིག་གིས་ཀྱང་ཤེས་ངེས་རེད། དེར་བརྟེན་དེ་ལ་(མ་མྱོང་)ཞེས་སྤྱིར་བཏང་གི་དགག་ཚིག་གིས་བསྒྱུར་བ་ནི་ནོར་འཁྲུལ་རེད།

3) མ་ཚིག་ My knowledge comes mainly from reading news coverage of important scientific stories in magazine like news week, or hearing reports on the BBC Word Service ཞེས་པར། བོད་འགྱུར་ནང་(ངའི་ཤེས་ཡོན་ཕལ་ཆེ་བ་ནི་གཟའ་རེའི་གསར་འགྱུར་ལྟ་བུའི་དུས་དེབ་ནང་དུ་ཚན་རིག་གི་ཤེས་བྱ་དང་འབྲེལ་བའི་གསར་འགྱུར་ཀློག་པ་དང༌། ཡང་ན་སྦེ་སྦེ་སེའི་འཛམ་གླིང་གསར་འགྱུར་ལ་ཉན་པ་)ཞེས་བསྒྱུར་འདུག འདིར་ཡང་སྐྱོན་མང་པོ་འདུག་སྙམ།
1) Knowledge ཞེས་པ་སྐབས་འདིར་གོ་རྟོགས་ལ་འཇུག་པ་ལས་ཤེས་ཡོན་ལ་འཇུག་པའི་སྐབས་མེད། ལྷག་པར་༸གོང་ས་མཆོག་གི་ཤེས་ཡོན་ཚང་མ་དུས་དེབ་སོགས་ལ་གཟིགས་ནས་བྱུང་བ་མིན་པས་སྐབས་འདིའི་གོ་བ་གཞི་བཟུང་(ངའི་ཤེས་ཡོན་ཕལ་ཆེ་བ་)ཞེས་པའི་ཚབ་ཏུ་(ངོས་ཀྱི་ཚན་རིག་གི་གོ་རྟོགས་ཕལ་ཆེ་བ་)ཞེས་བསྒྱུར་འོས།
2) hearing reports on the BBC Word Service ཞེས་པ་ནི། བྷི་བྷི་སི་འཛམ་གླིང་གསར་ཁང་གི་ཚན་རིག་ལེ་ཚན་ཉན་པར་གསུངས་པ་ལས། དེས་སྤེལ་བའི་སྤྱིར་བཏང་གི་འཛམ་གླིང་གསར་འགྱུར་ལ་ཉན་པར་གསུངས་པ་མིན་པས། སྤྱིར་བཏང་གི་འཛམ་གླིང་གསར་འགྱུར་ལ་ཉན་པར་བསྒྱུར་བ་ནི་ནོར་བ་རེད།
3) ལྷག་པར་བོད་འགྱུར་ནང་མ་ཚིག་ important scientific stories (ཚན་རིག་རང་བཞིན་གྱི་གལ་ཆེའི་གནས་ཚུལ་)ཞེས་པ་དང་ mainly (གཙོ་བོ་)ཞེས་པའི་གོ་བ་རྩ་བ་ནས་སླེབས་མེད། My knowledge comes mainly from reading news coverage of important scientific stories in magazine like News week, or hearing reports on the BBC Word Service

4) News week ཞེས་པ་དུས་དེབ་ཀྱི་མིང་ཡིན་པས། ལྷ་རབ་ནིའུ་སེ་ཝིག་ཅེས་སྒྲ་བསྒྱུར་བྱས་ན་བཟང༌། འོན་ཀྱང་གོ་བདེ་བའི་ཆ་ནས་དོན་བསྒྱུར་བྱས་པར་དགག་བྱ་མེད། གཙོ་བོ་ནི་དོན་བསྒྱུར་བྱས་པ་དེ་ནོར་བ་རེད། Week ཞེས་པ་གཟའ་འཁོར་ལ་འཇུག་པ་ལས་གཟའ་རེ་ལ་འཇུག་པ་མིན། དེར་བརྟེན་གཟའ་རེའི་གསར་འགྱུར་ཞེས་བསྒྱུར་བ་ནོར་འཁྲུལ་རེད།

ཕྲན་གྱིས་བལྟས་ན། གོང་གི་མ་ཚིག་གི་བརྗོད་པ་དེ། (ངོས་ཀྱི་ཚན་རིག་གི་གོ་རྟོགས་ཕལ་མོ་ཆེ་ནི། གཙོ་བོ་གཟའ་འཁོར་གསར་འགྱུར་ལྟ་བུའི་དུས་དེབ་ཁག་ཏུ་འཁོད་པའི་ཚན་རིག་རང་བཞིན་གྱི་གལ་ཆེའི་གནས་ཚུལ་ཀློག་པ་དང་བྷི་བྷི་སི་འཛམ་གླིང་གསར་ཁང་གི་ཚན་རིག་ལེ་ཚན་ལ་ཉན་པ་)ཞེས་བསྒྱུར་འོས། དེ་ལྟར་བསྒྱུར་ན་མ་ཚིག་གི་གོ་དོན་ཆད་ལྷག་མེད་པ་དང་འཁྲུལ་གཞི་མེད་པ་ཞིག་འབྱུང་ངེས་རེད།

དུས་ཚོད་དབང་གིས་དེ་ཙམ་ཡིན།

སྔུན་ལ་མང་པོ་ཞིག་བྲིས་ཀྱང་༝ཡར་འཇུག་རོགས་༝ཅིག་མནན་ཚེ་ཡར་མ་བཅུག་པར་ཚང་མ་མེད་པ་ཆགས་སོང་། ད་དུས་ཚོད་མི་འདུག རྗེས་ལ་མཇལ་ཡོང་།

ངའི་གྲོགས་པོས་ཟེར་ན། རྡུལ་ཕྲན་གཅིག་གི་ནང་གི་འཇིག་རྟེན་གྱི་ཁམས།

ངས་བྱས་ན། རྡུལ་ཕྲན་རྐང་གཅིག་སྟེང་དུ་འཇིག་རྟེན་གྱི་ཁམས།

རྡུལ་གཅིག་སྟེང་གི་འཇིག་རྟེན། ཞེས་བཏགས་ན་ཕྲད་བསྐྱར་ཟློས་མེད་པས་བཟང་ཡང་། རྡུལ་གྱི་ངོ་བོ་གསལ་བོར་མཚོན་པ་ལ་རྡུལ་ཕྲན་ཞེས་དང་།THE UNIVERSE IN A SINGLE ATOMདབྱིན་ཇིའི་མིང་གི་ཐ་སྙད་ཀྱི་གོ་བ་གཞི་ལ་བཞག་ནས། རྡུལ་ཕྲན་གཅིག་གི་སྟེང་གི་འཇིག་རྟེན། ཞེས་སྒྱུར་ན་གོང་གི་ལྷག་རྡོར་དང་བསྟན་བཟང་གཉིས་ཀྱི་བསྒྱུར་ལས་དོན་གྱི་ཁྱབ་རྒྱ་ཆེ་རུ་འགྲོ་བར་བསམ། འགྱུར་རེ་རེ་ཡི་ཐད་ཀའི་བསྟན་དོན་ཡེ་ནས་མི་འདྲ་བས། ཞིབ་ཏུ་སོམས་དང་།

དེབ་འདིའི་ཁ་བྱང་ལ། THE UNIVERSE IN A SINGLE ATOM
ཟེར་བ་འདི་ནི། རྡུལ་ཕྲན་གཅིག་གི་སྟེང་གི་འཇིག་རྟེན། ཞེས་བསྒྱུར་ན་ཡག་པོར་མཐོང་། ཁྱོད་རྣམ་པའི་ཐུགས་བསམ་བཞེས་རོགས།།

དཔེ་དེབ་དེའི་མིང་ལ་THE UNIVERSE IN A SINGLE ATOM