བཀའ་ཤག་གིས་བོད་ས་གླང་ལོའི་ལོ་གསར་སྐབས་གསོལ་སྟོན་དང༌། ཞབས་གཞས། ཤོག་སྦག་སྤར་བ་སོགས་བག་ཡངས་སྤྲོ་སྐྱིད་ཀྱི་ལས་རིམ་གཏན་ནས་མེད་པ་དགོས་རྒྱུའི་བཀའ་ཕབ་ཡོད་འདུག
ཚེས་ ༧ ཉིན་བཀའ་ཤག་གིས་དབུས་ལས་ཁུངས་ཁག་གི་དྲུང་ཆེ་འགན་འཛིན་རྣམ་པར་གསལ་བསྒྲགས་ཤིག་བཀྲམས་ཏེ། བོད་ས་བྱི་ལོའི་ནང་བོད་དུ་དྲག་གནོན་གྱི་གནས་ཚུལ་འོག་བོད་མི་བརྒྱ་ཕྲག་མང་པོ་རྐྱེན་འདས་དང༌། སྟོང་ཕྲག་མང་པོ་བཙོན་འཇུག་འོག་ཚུད་པ་མ་ཟད། ད་ལྟའང་བཙན་གནོན་དམ་དྲག་གི་གནས་ཚུལ་ཡོད་པ་བཅས་ལ་བརྟེན། འཆར་ལོ་ས་གླང་ལོའི་ལོ་གསར་སྐབས་གཞུང་འབྲེལ་གྱི་མཛད་སྒོ་རིམ་པའི་ནང་ཚེས་གཏོང་དང༌། བསང་གསོལ་སོགས་ཆོས་ཕྱོགས་ཀྱི་མཛད་སྒོ་རྣམས་སྲོལ་རྒྱུན་ལྟར་གནང་བ་མ་གཏོགས། གསོལ་སྟོན་དང༌། ཞབས་གཞས། ཤོག་སྦག་སྤར་བ་སོགས་བག་ཡངས་སྤྲོ་སྐྱིད་ཀྱི་ལས་རིམ་གཏན་ནས་མེད་པ་དགོས་རྒྱུ་མ་ཟད། གཞུང་ཞབས་ལས་བྱེད་རྣམས་ཀྱང་སྤྲོ་སྐྱིད་གསོལ་སྟོན་སོགས་སུ་ཕེབས་གནང་མེད་པ་དགོས་རྒྱུ་དེ་ས་གནས་སོ་སོའི་ཁྱབ་ཁོངས་ས་གནས་མགོ་འཛིན་ལས་ཁུངས་ཁག་དང༌། སྐུ་ཚབ་དོན་གཅོད་ལས་ཁང༌། སློབ་གྲྭ། སྨན་ཁང་བཅས་ལ་བརྡ་ཁྱབ་འཕྲལ་དུ་གནང་སྐྱོང་དགོས་པའི་བཀའ་ཕབ་ཡོད་པ་རེད།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ད་ནི་བོད་པ་ཚང་གི་གཞུང་དམངས་གཉིས་ཀྱིས་དམིགས་ཡུལ་གཅིག་དང་། ལོངས་ཕྱོགས་གཅིག རྩོད་གཞི་གཅིག སྒྲུབ་ཕྱོགས་གཅིག འཐབ་རྩོད་གཅིག འབོད་ཚིགས་གཅིག མདུན་བསྐྱོད་གཅིག་གི་ལམ་དུ་བསྐྱོད་པའི་ལམ་ཁ་མགོ་བརྩམ་པ་ཡིན་པར་རེ་བ་རྒྱག་པ་ཙམ་མིན་པར་དོན་དངོས་སུ་དེ་ལྟར་ཞིག་ཡོང་བར་སྨོན།
བོད་གཞུང་གི་ལོ་སར་གི་མིན་ཟེར་བ་དེ་ངོ་མ་དགོས་བ་འོས་བ་ཞིག་རེད། ཕྱི་རྒྱལ་ཡུལ་གྲུ་ཁག་ཏུ་ད་ལོ་ལོ་གསར་གཏོང་གི་མིན་ཞེས་གསལ་བསྒྲགས་སྡོན་མ་ནས་བསྐྱངས་ཚར་བ་མ་ཟད་ལོ་གསར་ཉིན་ད་ལོའི་ཞི་རྒོལ་ནང་འདས་གྲོངས་སུ་སོང་བའི་རྒྱལ་གཅེས་དཔའ་བོ་དཔའ་མོ་དག་གི་ཆེད་དུ་གསོལ་འདེབས་སྨོན་ལམ་དང་མྱ་ངན་གུས་འདུད་སོགས་ཀྱི་མཛད་རིམ་ཡོད་པ་མ་ཟད། རྒྱ་ནག་གཞུང་ཚབ་ཁང་གི་མདུན་དུ་སྐད་འབོད་སོགས་ཀྱི་འཆར་གཞི་ཡང་ཡོད་འདུག བཀའ་ཤག་གི་གསལ་བསྒྲགས་ནང་ལོ་གསར་སྐབས་གཞས་དང་ཞབས་བྲོ །བག་ཡངས་སྤྲོ་སྐྱིད་ཀྱི་ལས་རིམ་གཏན་ནས་བཏང་མི་ཆོག་མ་གཏོགས་དམིགས་གསལ་གྱི་ད་ལོའི་ཞི་རྒོལ་ནང་འདས་གྲོངས་སུ་སོང་བའི་རྒྱལ་གཅེས་དཔའ་བོ་དཔའ་མོ་དག་གི་ཆེད་དུ་གསོལ་འདེབས་སྨོན་ལམ་སོགས་ཀྱི་མཛད་རིམ་ཡོད་ཞེས་གསལ་བསྒྲགས་བསྐྱངས་མེད་པ་ལ་བློ་ཕམ་གྱི་གནས་སུ་གྱུར། དུ་དུང་ ‘གཞུང་ཞབས་ལས་བྱེད་རྣམས་ཀྱང་སྤྲོ་སྐྱིད་གསོལ་སྟོན་སོགས་སུ་ཕེབས་གནང་མི་དགོས’ ཞེས་གསལ་བསྒྲགས་ནང་བཀོད་འདུག བོད་མི་ས་ཡ་དྲུག་ལ་ལོ་གསར་མེད་ན་གཞུང་ཞབས་ལས་བྱེད་རྣམས་ལ་ཀྱང་ལོ་གསར་མེད་མེད་རེད།
་་་་སྟོང་ཕྲག་མང་པོ་ཞིག་སྡུག་སྦྱོང་མནར་གཅོད་འོག་གནས་དང་གནས་མུས་ཡིན་པས།
འདི་ལོའི་ལོ་གསར་གྱི་མིང་ལ་མྱ་ངན་གྱི་ལོ་གསར་ཟེར།
རྒྱ་ནག་གཞུང་གིས་བོད་ནང་བཙན་དབང་གིས་བཀའ་རྒྱ་བཏང་ནས་ལོ་གསར་སྐབས་སྐར་ལྔའི་དར་དམར་ཐོག་ཁར་བསྒྲེང་དགོས་པའི་བཙན་བཀའ་བཏང་ཡོད།
ཁོང་ཚོས་འདི་ལོའི་ལོ་གསར་ལ་དར་དམར་ལོ་གསར་ཞེས་བརྗོད་ཀྱི་ཡོད་པའི་གནས་ཚུལ་ཐོན་འདུག་པས།
ང་ཚོས་ཀྱང་འདི་ལོའི་ལོ་གསར་ནི་མྱ་ངན་གྱི་ལོ་གསར་ཞེས་བརྗོད་ན་ཆོག་པ་ཞིག་རེད།
ལོ་གསར་འདི་ནི་བོད་ཀྱི་རྒྱལ་རབས་ལོ་རྒྱུས་ནང་དམིགས་བསལ་གྱི་ལོ་གསར་ཞིག་ཆགས་ངེས།
སྔར་ལོ་ནི་བོད་གཞུང་དམངས་གཉིས་ཀའི་སེམས་ནང་སྡུག་བསྔལ་གྱིས་བཟིར་བའི་ལོ་ཟླ་ཞིག་ཡིན་ཞིང་།
ད་དུང་བོད་ནང་དུ་དྲག་རྡུང་གི་ལས་འགུལ་སོགས་སྤེལ་དང་སྤེལ་མུས་ཡིན་པ་མ་ཟད།ཚེ་སྲོག%E
གཞུང་དང་མི་མང་གཉིས་ཀ་ལམ་གཅིག་གི་ཕྱོགས་ལ་འགྲོ་གི་ཡོད་པ་འདི་དགའ་འོས་བ་ཞིག་རེད།
ལོ་གསར་བ་འདི་དམིགས་བསལ་ཞིག་བཟོ་དགོས་པ་ནི་ང་ཚོའི་ལོ་རྒྱུས་ཀྱི་འོས་འགན་ཞིག་ཡིན། ལོ་འདི་ནི་བོད་གཞུང་གིས་སར་མིན་གཅིག་བུ་གནད་དོན་མ་ཡིན་པར་ལོ་གསར་བ་འདིས་བོད་གཞུང་ལ་དྲན་སྐུལ་ཐོལ་བ་ཞིག་གནང་གི་ཡོད་པ་དེ་ཡིན། རྒྱུ་མཚན་དེའི་དབང་གིས་ང་ཚོའི་གཞུང་མང་གཉིས་ཀའི་ངོས་ནས་ལོ་གསར་ལྟ་བུའི་དགའ་སྟོན་དག་གཡུགས་ནས་རྐང་ལག་བཞི་བོ་འགུལ་བའི་དུས་ཚོད་ཅིག་ཤར་ཡོད་པ་ནི་དངོས་ཡོད་གནས་ཚུལ་དུ་གྱུར་ཡོད།
བོད་ཀྱི་གཞི་ཆགས་དང་མི་དམངས་རེ་རེ་ནས་ལོ་གསར་མེད་པ་བཤད་སོང་ བཙན་བྱོལ་གཞུང་གིས་འདི་ལྟར་མ་བཤད་ན་ངོ་ཚ་་་་་་་
འདི་ནི་དགའ་དགོས་པ་ཞིག་རེད། གཞི་ལུས་མི་དམངས་ལ་ང་ཚོས་འདི་ལྟ་བུ་ཞིག་བྱེད་དགོས་དང་དགོས། བོད་རྒྱལ་ལོ་་་་་་་་་་་
གཞུང་དང་མི་མང་གཉིས་ཀ་ལམ་གཅིག་གི་ཕྱོགས་ལ་འགྲོ་གི་ཡོད་པ་འདི་དགའ་འོས་བ་ཞིག་རེད།
གཞུང་གི་གསལ་བསྒྲགས་འདི་མ་སླེབས་སྔོན་ནས། ཕྱི་རྒྱལ་ཡུལ་གྲུ་ཁག་གཙོས་བའི་རྒྱ་བལ་འབྲུག་གསུམ་གྱི་ས་གནས་མང་པོ་ཞིག་ཏུ་མི་མང་རང་ངོས་ནས་ལོ་གསར་གཏོང་གི་མིན་ཞེས་ཐག་བཅད་པ་དེ་རྗེས་སུ་ཡི་རངས་བའི་གནས་རེད།