མེས་ པོ་དག་གིས་མཛད་རྗེས་ལ་ངེད་ཅག་གི་ཞབས་འདྲེན་ཞུ་མི་རུང་བ་མ་ཟད། རྗེས་རབས་པ་དག་གི་ཆེད་དུ་ངེད་ཅག་གི་དེ་ལས་ཀྱང་མིག་དཔེ་ངན་པ་འཇོག་མི་རུང་བ་ ཡིན་དུས། ད་ལྟ་ང་ཚོ་བོད་དུ་སྐྱེས་པའི་འགན་ཞིག་ཡོད་པ་དེ་ནི་མི་རིགས་གཞན་གྱི་ལེགས་བྱང་ ང་ཚོས་ཚུར་ནང་འདྲེན་བྱེད་དགོས་པ་དང་རང་གི་ལེགས་བྱང་མི་ཉམས་གོང་འཕེལ་དང་དར་ རྒྱས་སུ་གཏོང་བའི་འགན་འཁྲི་དེ་དག་ང་ཚོའི་ཕྲག་པར་འབབ་པའི་ལས་འགན་ལྡོག་མེད་ ཡིན་པ་མི་རེ་ངོ་རེ་ནས་ཤེས་ཐུབ་དགོས་པ་མ་ཟད། ཕྱི་རྒྱལ་བ་དེ་ཚོས་གང་བྱས་པ་དེ་དག་ཡོད་ཚད་ཀྱང་བླ་ན་མེད་པ་ཞིག་ཡིན་པར་བསམ་ མཁན་གྱི་དེང་རབས་གཞོན་སྐྱེས་མང་བོ་ཞིག་གིས་རང་རིགས་སྤྱི་ཚོགས་ནང་དུ་ཕྱི་ རྒྱལ་བ་དག་གི་ལེགས་བྱང་གདན་འདྲེན་བྱེད་མ་ཐུབ་པར་མི་དགོས་པའི་ཆལ་སྤྱོད་དང་ གཏོང་བཤིག ངོ་ལོག་གི་ལྟ་བ་སོགས་དགོས་མིན་རིན་མེད་ཀྱི་ཆལ་སྤྱོད་མང་བོ་ཞིག་ལ་གོམ་འདྲིས་ བརྟེན་བཞིན་ཡོད་པ་དེ་དག་ནི། ང་ཚོས་རང་གི་བུ་རབས་ཚ་བརྒྱུད་དག་ལ་འགན་མ་ཆགས་པ་དང་མེས་པོ་དག་གི་རླབས་ཆེན་ གྱི་དགོང་གཞི་བླ་མ་མེད་པ་དེ་དག་མ་རྟོགས་པའི་ཉེས་པ་ཁོ་ནར་ཡིན་དུས། ང་ཚོས་རང་གི་རིགས་ཀྱི་ནོར་འཁྲུལ་ཡོད་པ་དེ་དག་ཐེར་འདོན་བྱེད་ཞོར་དུ་རང་གི་ རིགས་ཀྱི་ཆེས་བླ་ན་མེད་པའི་མིའི་རིགས་ཀྱི་དགོས་དོན་སྐོང་ཐུབ་པའི་ལེགས་བྱང་ གི་རིན་ཐང་ཡོད་ཚད་ངོས་ཟིན་ཐོབ་པ་བྱེད་རྒྱུ་དེ་ནི་གལ་ཆེན་ནང་གི་དོན་ཆེན་ཆགས་ ཡོད་པ་རེད། ང་ཚོས་རང་རིགས་ཀྱི་སྐད་ཡིག་འདི་ཉིད་ཕྱུག་པོར་ཡིན་པར་རློམ་གྱི་ཡོད་པ་དེ་ཙམ་ གྱིས་གཏན་ནས་མི་ཡོང་། སྐད་ཡིག་དེ་ཉིད་ཕྱུག་པོ་ཡོད་ས་དེ་ནི་ནང་ཆོས་གཅིག་བུ་སྤྱོང་བྱེད་དང་སྙན་ངག་ དང་རྩོམ་ཡིག་ཐར་ཐོར་རེ་འབྲི་བྱེད་ཙམ་ཁོ་ན་མ་ཡིན་པའི་བདེན་དབུང་ང་ཚོས་བྱེད་ དགོས་ཀྱི་ཡོད། དཔེར་ན་སྔོ་ཚལ་དང་ཤིང་ཏོག་གི་རིགས་མང་བོ་ཞིག་ལ་ད་ལྟའི་འཆར་ང་ཚོ་བོད་པ་ཚང་ལ་ མིང་ཚིགས་ཀྱི་མ་འདང་བ་མང་བོ་ཞིག་ཡོད་པ་ནི་མེད་པ་ཡོད་པ་བཟོ་དགོས་རྒྱུ་དེ་ནི་ ངེད་ཅག་གི་ད་ལྟའི་ལས་འགན་ལྡོག་མེད་དང་མེས་པོ་དག་ལ་ངོ་གནོང་མི་དགོས་པ་དང་ ཕྱི་རབས་པ་དག་ལ་ཡ་ང་མི་དགོས་པ་དེ་རེད། དེ་མིན་ཁ་ནས་ཡོང་ཚད་དང་ཉིན་མ་གང་ཆོད་ཙམ་བྱས་དེ་དྲ་ཐོག་ནས་ཕན་ཚུན་ལ་སྐྱོན་ བརྗོད་རེ་བྱོས་དེ་བསྡད་པ་ཡིན་ན་ནི་ངེད་ཅག་གི་ལས་དོན་མ་འགྲུབ་པ་རེད་ལ། བོད་ཡིག་ཕྱུག་པོ་ཡིན་ཟེར་ནས་སྟོང་སྐད་བསྒྲགས་པ་ཙམ་དུ་འགྱུར་རྒྱུ་ནི་གདོན་ མི་ཟ་བ་ཡིན། དེས་ན་ངེད་ཅག་གི་རང་རང་གི་ས་ནས་མིང་ཚིགས་གཅིག་ཡིན་ཡང་ནང་བསྒྱུུར་བྱེད་པར་ འབད་བརྩོན་བྱེད་དགོས་ཀྱི་ཡོད། དེ་ནས་དྲ་ཐོག་ནས་དྲ་ཚིགས་སོ་སོ་ལ་བསྐུར་ནས་དཔྱད་པ་བཏང་ན་འགྲིག་གི་རེད། དེ་ལྟར་ངེད་ཅག་གིས་དེ་རིང་གི་ང་ཚོ་ཡིན་པ་འགན་འཁུར་དགོས་ཀྱི་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དྲ་གྲོགས་འཁྱམ་པོ་ལགས། སྐད་ཆ་དེ་ལྟར་བཤད་པ་ནི་དངོས་ནས་གཟི་བརྗིད་ཅིག་རེད་འདུག ཡིན་ཡང་། ཚིགས་ཤོར་བ་དེར་འཛིན་ཐུབ་ཡོད་ནི་མ་རེད་དོ། ཧཧཧཧཧཧཧཧ
ཡ་ཡ ང་ཡང་དྲ་ཐོག་འདིའི་ཡིག་ནོར་འབྲི་མཁན་གྱི་གྲས་སུ་ཚུད་ཡོད། སྤྱིར་ཡིག་ནོར་ལ་གཟབ་རྒྱུ་ནི་ལྷ་ཆབ་ཀྱིས་བཤད་པ་ལྟར་ཆེས་གལ་ཆེན་རེད་ཡིན་ཡང་ཡིག་ནོར་ལ་སྐྲག་ནས་ཟིན་བྲིས་དང་བསམ་ཚུལ་སྤེལ་པར་གོ་ཆགས་སོང་ན་དེ་ཡང་ཐབས་སྡུག་རེད། དཀའ་ངལ་ལ་གདོང་ལེན་བྱེད་རྒྱུ་ནི་རླབས་ཆེན་རེད།
ངས་ཀྱང་ཡིག་ནོར་ལ་གཟབ་བཞིན་ཆུ་ཚོད་རེ་རེག་ན་བསམ་ཚུལ་ཐར་ཐོར་རེ་འགོད་གང་ཐུབ་ལ་འབད་གྱིན་ཡོད།
གང་ཡང་མི་སྐྱོན། ད་སྐབས་དྲ་གྲོགས་མང་བོ་ཞིག་གིས་ཡིག་ནོར་གྱི་བསྐོར་མང་བོ་ཞིག་གླེང་ནས་འོང་གི་འདུག འདི་ནི་ཡར་ཐོན་ཞིག་ལོས་ཡིན། དགའ་བསུ་ཞུ། ངས་དེ་རིང་ང་དང་ཡིག་ནོར་ཟེར་བའི་ཟིན་བྲིས་ཐུང་ཐུང་ཞིག་བྲིས་ཡོད། དྲ་གྲོགས་བསེ་རུ་ལགས། ཉིད་ཀྱིས་ཀྱང་ག་དུས་ཡིན་ཡང་ང་རང་གི་ཟིན་བྲིས་སུ་ཕེབས་ནས་བསམ་ཚུལ་བགྲོ་གླེང་གནང་མཁན་ཞིག་ཆགས་ཡོད་པ་ཡིན་དུས། ད་གཟོད་ཀྱི་བགྲོ་གླེང་འདི་ནི་གལ་ཆེན་དོན་ཆེན་དུ་བཟུང་དེ་བསམ་ཚུལ་རྗེན་པ་ཞིག་གསུང་རོགས་ཞུ།
གོང་གི་དྲ་གྲོག་ལས་ཞེས་པ་དེ་
དྲ་གྲོགས་ལགས་ཞེས་པར་བཅོས་རོགས།
ཁྱེད་ཀྱིས་མགྱོགས་དྲགས་པས་ཞེས་པ་
ཁྱེད་མགྱོགས་དྲགས་པས་ཞེས་པར་བཅོས་རོགས།།
སྨྱ་གུ་དམར་པོ་ལག་པར་ཉར་ནས་གོང་གི་ནོར་བ་དེ་གཉིས་བྲིས་པ་མ་རེད་དམ།
དྲ་གྲོགས་ལགས།
ངས་ཁྱེད་དང་ལྷ་ཆབ་གཉིས་ཀ་ངོ་མི་ཤེས་ལ་ངོས་ཤེས་དགོས་པ་དེ་ཡང་དེ་བས་གལ་མི་ཆེ།
དྲ་གྲོགས་ལགས། ང་ཚོ་ནི་བོད་གངས་ཅན་གྱི་བདག་པོ་ངོ་མ་དེ་ཡིན་པ་ནི་སུས་ཀྱང་མ་རེད་ཅེས་བརྗོད་མི་ནུས། འོན་ཀྱང་། ང་ཚོས་བོད་ཀྱི་བདག་པོ་ཡིན་ཞེས་སྟོང་སྐད་ཙམ་བསྒྲགས་པ་ལས་ཁྱེད་ཀྱིས་གསུངས་པ་བཞིན་མདུན་དུ་ལྷག་པའི་དཀའ་ངལ་མང་པོ་ཞིག་ལ་ལག་པ་འཆང་མཁན་མེད་པ་ལྟ་བུར་མཐོང་། དཔེར་ན། ང་ཚོའི་བྱིས་པ་ཚོ་སྒྲུང་ལ་དགའ་བ་ཡིན་ནམ་མིན།
དགའ་བ་ཡིན་ན་ནི་བྱིས་པ་དེ་ཚོའི་སེམས་ཁམས་དང་མཐུན་པའི་སྒྲུང་རྩོམ་འབྲི་བ་པོ་ག་ཚོད་ཡོད་དམ། ང་ཚོའི་མི་རིགས་འདི་གླུ་གར་གྱི་རྒྱ་མཚོར་གྲགས་ན་ཡང་འདི་ཕྱོགས་སུ་གླུ་དབྱངས་ཀྱི་གདངས་བཟོ་མཁན་ག་ཚོད་ཡོད་དམ། འདི་གཉིས་ལ་བརྟེན་ནས་ང་ཚོའི་ཁོར་ཡུག་འདིི་ཟུར་བལྟས་ལེབ་མཐོང་རེད།
དྲ་གྲོགས་ལགས།
ལྷ་ཆབ་ཀྱིས་བཤད་པ་བཞིན་ངས་ཀྱང་དྲ་ངོས་སུ་ཐད་ཀར་བསམ་ཚུལ་འདི་ཚོ་འབྲི་བཞིན་ཡོད་པས། ཡིག་ནོར་ཡོད་ངེས་པས་དེ་དོན་ནོར་བཅོས་ཡོད་པ་ཞུ།
ཁྱེད་ཀྱིས་བྲིས་པའི་ཟིན་བྲིས་ཁག་གི་ནང་ཡིག་ནོར་མང་པོ་མི་འདུག་ཀྱང་ཡིག་ནོར་ཡོང་བཞིན་ཡོད་པ་བདེན་པས་དེ་དོན་ཐུགས་གཟབ་གནང་གལ་ཆེ།
དྲ་གྲོག་ལས་དགོངས་པ་མ་ཚོམས་རོགས་ཁྱེད་ཀྱིས་མགྱོགས་དྲགས་པས་ངས་རྗེས་ཟིན་གྱི་མི་འདུག འོན་ཀྱང་རང་ཉིད་རྐང་རྗེན་པ་ཞིག་ཡིན་ཀྱང་གང་ཐུབ་ཀྱིས་རྗེས་སུ་བསྙེག་ཆོག།
ཀྱེ་མ་ཀྱི་ཧུད།
གསུམ་བཅུའི་དུས་དྲན་ལྔ་བཅུ་པ་ང་ཚོའི་མདུན་དུ་འོང་བཞིན་འདུག།
གྲོགས་པོ་ལགས། ང་ཡང་ཁྱོད་ཀྱི་སྐུ་མགྲོན་ཐོག་མ་དེ་ཆགས་སོང༌། ངས་ཁྱོད་ཀྱི་རྩོམ་ཡིག་མཐར་ཆགས་སུ་བཀླགས་པ་ཡིན། ངས་བལྟས་ན་ཁྱོད་ཀྱིས་ཐད་ཀར་གློག་ཀླད་དུ་འཇུག་གི་ཡོད་པའི་ཚོར་བ་ཞིག་འདུག དེ་ཡིན་ན་རྗེས་ཕྱོགས་དེ་འདྲ་མི་བྱེད་པར་ཐོག་མར་རྩོམ་ཡིག་བྲིས། རྗེས་ལ་ཡིག་ནོར་དང་ནང་དོན་གྱི་ཐད་ནས་ཐལ་ཆ་ཤོར་བའི་སྐྱོན་ཡོད་མེད་བརྟག་རྗེས་ད་གཟོད་དྲ་ཐོག་ཏུ་གཏོང་རྒྱུ་གལ་ཆེ།