ལི་ཐང་དུ་སྐད་འབོད།

དཔའ་ངར་ཤོར་མ་མྱོང་བའི་ལི་ཐང་བ།
གངས་ཅན་པའི་གཟི་བརྗིད་ངོ་མ་ཞིག

གཤིན་རྗེའི་སྒོ་དྲུང་དུ་དྲང་བདེན་གྱི་དཔའ་སྐད་སྒྲོགས་པ་དང་།་་མེ་མདའི་རལ་ཁརུ་སེམས་ནང་གི་ན་ཟུག་ཕྱིར་བཏོན་པ་ནི་ཇི་འདྲའི་བརྗིད་ཉམས་ལྡན་པ་ཞིག་དང་ཇི་འདྲའི་དོན་སྙིང་ཅན་ཞིག་རེད།

ཕོ་ལོ་བཅོ་བརྒྱད་བློ་ནི་ཕ་མི་འདྲི།།
གསར་རྒོད་དར་མའི་རང་གཤིས་ཡོད་རབས་བཤད།།
དེ་རིང་ཐོས་པའི་དབའ་རྒོད་ལོ་ཆུང་འདིས།།
བོད་ཀྱི་བདེན་དོན་ཆེད་དུ་རང་གཅིག་བུ།།
སྟག་རྒོད་ནགས་ནས་ཤོར་བ་ཇི་བཞིན་དུ།།
རང་གི་གཅེས་པའི་སྲོག་དང་འཚོ་དགོས་སོགས།།
རྒྱབ་ནས་བཞག་ནས་བོད་ཀྱི་རང་དབང་དོན།།
སྐད་འབོད་ཐེངས་ཤིག་བྱས་པའི་དབའ་སྐད་དེ།།
འཛམ་གླིང་ཁོར་ཡུག་ཟླུམ་པོ་ཅོང་བརྡ་བསྒྲགས།།