ལྷ་ལུང་རྒྱལ།
རྒྱ་མིས་བོད་ལ་བཙན་འཛུལ་བྱས་ནས་ད་བར་མི་ལོ་ཧྲིལ་པོ་ལྔ་བཅུ་འཁོར་ཞིང། མི་ལོ་ལྔ་བཅུ་ནི།་བོད་མི་རིགས་ལ་མཚོན་ན། རང་ཉིད་ཀྱི་རེ་འདུན་མངོན་འགྱུར་གྱི་ཆེད་དུ། སྡུག་སྦྱོང་མནར་གཅོད་སོགས་སྒེར་སྡོམ་དྲག་སྤྱོད་པའི་ཡ་ང་སྙིང་རྗེ་མེད་པའི་དབང་སྒྱུར་རྐྱང་ལ་སྐྱེལ་དགོསརྒྱ་མིས་བོད་ལ་བཙན་འཛུལ་བྱས་ནས་ད་བར་མི་ལོ་ཧྲིལ་པོ་ལྔ་བཅུ་འཁོར་ཞིང། མི་ལོ་ལྔ་བཅུ་ནི།་བོད་མི་རིགས་ལ་མཚོན་ན། རང་ཉིད་ཀྱི་རེ་འདུན་མངོན་འགྱུར་གྱི་ཆེད་དུ། སྡུག་སྦྱོང་མནར་གཅོད་སོགས་སྒེར་སྡོམ་དྲག་སྤྱོད་པའི་ཡ་ང་སྙིང་རྗེ་མེད་པའི་དབང་སྒྱུར་རྐྱང་ལ་སྐྱེལ་དགོས་བྱུང་ཞིངརྒྱ་མིས་བོད་ལ་བཙན་འཛུལ་བྱས་ནས་ད་བར་མི་ལོ་ཧྲིལ་པོ་ལྔ་བཅུ་འཁོར་ཞིང། མི་ལོ་ལྔ་བཅུ་ནི།་བོད་མི་རིགས་ལ་མཚོན་ན། རང་ཉིད་ཀྱི་རེ་འདུན་མངོན་འགྱུར་གྱི་ཆེད་དུ། སྡུག་སྦྱོང་མནར་གཅོད་སོགས་སྒེར་སྡོམ་དྲག་སྤྱོད་པའི་ཡ་ང་སྙིང་རྗེ་མེད་པའི་དབང་སྒྱུར་རྐྱང་ལ་སྐྱེལ་དགོས་བྱུང་བྱུང་ཞིང་། གལ་སྲིད། ལོ་ངོ་ལྔ་བཅུའི་རིང་གི་སྡུག་བསྔལ་འདི་མིག་མཐོང་ལག་ཟིན་གྱི་དངོས་པོ་ལྟ་བུ་ཞིག་ཡིན་ན། དེ་ནི་ནམ་མཁས་མི་ཁེབས་ཤིང། ས་གཞིས་མི་ཐེག་པ་ཞིག་གི་ཚད་ན་ཡོད་ངེས་ཡིན། དེ་ལྟ་བུའི་ཁྱོན་ཆེན་པོ་ཞིག ལྗིད་ཚ་བོ་ཞིག བོད་མི་ཚོས་ད་བར་རང་གི་ཁོག་ལ་ཤོང་པ་དང། སེམས་པས་འཁྱོག་ཏུ་བཅུག་ཡོད་ནའང། སྒེར་སྡོམ་དྲག་གཅོད་ཀྱི་སྦྱོར་བ་སྔར་བས་ཞི་ལྷོད་དང་གྲོས་མོལ། མཐུན་འགྲིག་གི་ཕྱོགས་ལ་འགྲོ་རྒྱུ་ལྟ་ཅི། དེ་ལས་ལྡོག་པར་གྱུར་སྟབས། ད་ནི་བོད་མི་ཚོ་འུ་ཐུག་ཐབས་ཟད་ཀྱི་ན་ཟུག་གིས་གཅུན་འགོ་བརྩམས་ཡོད།
འུ་ཐུག་ཐབས་ཟད་ཀྱི་ན་ཟུག་ནི་རིམ་པས་མི་ཚོའི་ལུས་ཡིད་ངག་གསུམ་ལ་ཁྱབ་འགྲོ་ཞིང། གང་ལ་བཟོད་བསྲན་ཡ་ལན་མ་ཐུབ་པའི་གནས་སྟངས་བྱུང་དུས། འཆི་བའི་འཇིགས་པ་ཟེར་བ་དེ་ཡང་བརྗེད་ངེས་ཀྱི་ཡུལ་དུ་སོང་སྟེ། རང་ཉིད་ཀྱི་གཅེས་པའི་སྲོག་ཀྱང་བློས་གཏོང་འཇིག་གཏོར་གྱི་མཚམས་ལ་སྐྱེལ་སྲིད་པ་ཡིན།
འདི་ལོར་མདོ་སྨད་རྔ་ཡུལ་གྱི་དགེ་འདུན་པ་བཀྲ་བྷེས་རང་ལུས་མེ་ལ་བསྲེགས་པ་དང། དེ་བཞིན་རྭ་རྒྱ་དགོན་ཆེན་གྱི་བཀྲ་ཤིས་བཟང་པོ་རྨ་ཆུར་ལྕེབས་པའང་རྒྱ་དམར་སྲིད་གཞུང་གི་དྲག་གནོན་རྫུན་སྒྲོག་དང། མཐོང་ཆུང་ཁྱད་གསོད་བཅས་ཀྱི་སྦྱོར་བ་ནག་པོས། འུ་ཐུག་ཐབས་ཟད་ཀྱི་གནས་སུ་གྱུར་ཅིང། སྡུག་བསྔལ་དེར་བཟོད་སྒོམ་གདོང་ལེན་མ་ཐུབ་པའི་ཉེར་ལེན་ལ་རང་སྲོག་རང་གིས་བཅད་པ་རེད། མེ་དམར་པོའི་ཀླུང་ལ་འཚིག་བཞིན་པའི་བཀྲ་བྷེ་དང། ཆུ་ཆེན་པོའི་དཀྱིལ་ལ་འཐིམ་བཞིན་པའི་བཀྲ་བཟང་གཉིས་ཀྱིས་ད་དུང་ལག་གིས་བོད་ཀྱི་རྒྱལ་དར་གཡུགས་ཞོར། ངག་གིས་ྋགོང་ས་ཆེན་པོ་སྐུ་ཚེ་བརྟན་ཅིང་བོད་རང་བཙན་སོགས་ཀྱི་འབོད་ཚིག་སྒྲོག་གི་འདུག་ཟེར།
སྒེར་སྡོམ་དྲག་སྤྱོད་ཀྱི་གཤིན་རྗེའི་རལ་གྲི་འདིས་ཅིའི་ཕྱིར་བོད་མི་རིགས་ཀྱི་ཤ་གཙབས་ཏེ་ཁྲག་མཆོད་དགོས་བྱུང་བ་རེད། ཡང་ཅིག་བཤད་ན། བོད་མི་ཚོས་སྒེར་སྡོམ་དྲག་སྤྱོད་པ་ཚོའི་ཅི་ཞིག་ཁས་འཆེ་མ་བྱས་པའི་རྐྱེན་གྱིས། ཁོང་ཚོ་འདི་ལྟར་གསོན་པར་དམྱལ་བར་འགྲོ་དགོས་བྱུང་བ་རེད། དེ་ནི་སྒེར་སྡོམ་དྲག་སྤྱོད་པའི་དྲག་སྤྱོད་ཀྱི་མཐའ་མའི་དམིགས་ཡུལ་ཏེ། བོད་མི་ཚོས་བློས་གཏོང་དྲན་བརྗེད་དུ་གཏོང་དགོས་པའི་དོན་གནད་གཉིས་ཀྱི་ཕྱིར་དུ་ཡིན་ལ། དོན་གནད་གཉིས་ནི། བོད་དོན་འཐབ་རྩོད་བློས་བཏང་ནས། ྋསྐྱབས་མགོན་ཆེན་པོ་བརྗེད་དགོས་པ་དེ་གཉིས་རེད།་ཡིན་ནའང། བོད་མི་ཚོར་མཚོན་ན་དེ་ནི་གཏན་ནས་མི་སྲིད་པ་ཞིག་སྟེ། དཔེར་ན། རང་ཉིད་ཀྱི་ཁོང་གྀ་སྙིང་བླངས་ནས་ཁྱི་རུ་སྟེར་མི་དཔེ་ལ། གལ་སྲིད་དེ་ལྟར་སྲིད་པར་རུང་ཡང། སྙིང་མེད་པའི་མི་ནི་སྐད་ཅིག་ཙམ་ཏུ་ཡང་འཚོ་སྡོད་མི་ཐུབ་པ་དང་གཅིག་མཚུངས་ཡིན། འོན་ཀྱང་རྒྱ་དམར་གཞུང་གིས་མི་སྲིད་པ་འདི་སྲིད་པར་བསྒྱུར་རྒྱུའི་བསམ་སྦྱོར་ཡུན་དུ་བསྲིངས་པའི་ཡ་ལན་ལ།་བོད་མི་ཚོས་འུ་ཐུག་ཐབས་ཟད་ཀྱི་འཕག་འཚག་རིམ་པས་བརྒྱབ་པར་བརྟེན་བོད་ཀྱི་དོན་དག་ནི། ཁ་སང་དེ་རིང་གི་འདི་ལྟའི་རྣོ་ངར་ཅན་དང་རྒྱལ་སྤྱི་ཅན་གྱི་འཐབ་རྩོད་ཅིག་ལ་གྱུར་པ་རེད།
ཉིན་ནས་ཟླ་བ་དང། ཟླ་ནས་ལོ་ཡི་རིམ་པ་བརྒྱུད། སྒེར་སྡོམ་དྲག་སྤྱོད་ཀྱི་དབང་སྒྱུར་སྟངས་འཛིན་འོག་ཏུ། བོད་མི་ཚོས་དུས་རབས་ཕྱེད་ལྷག་ལུས་ཤིང། དུས་རབས་ཕྱེད་ལྷག་ཡུན་གྱི་མནར་གཅོད་དྲག་པོའི་སྡུག་བསྔལ་དེས། ཡང་ནས་བསྐྱར་དུ་གཅུན་ཏེ། དབུགས་ཀྱང་གཏོང་དཀའ་བ་ཞིག་ལ་གྱུར་ཡོད་པའི་མཚམས་འདིར། འུ་ཐུག་ཐབས་ཟད་ཀྱི་བོད་མི་ཚོས་དྲག་པོའི་རྒོལ་ལན་གྱི་འོས་ལངས་སྔ་ཕྱིར་མི་བྱེད་ཐབས་མེད་བྱུང་ཡོད། འོན་ཀྱང། རྒྱུ་རྐྱེན་སྣ་ཚོགས་ཀྱི་དབང་གིས། ད་ལྟའི་དྲག་རྒོལ་འོས་ལངས་ནི། ཁྱོན་ཡོངས་གཅིག་གྱུར་ཅན་དང། སྒྲིག་འཛུགས་ཅན་ཞིག་མིན་པ་དེས་འོས་ལངས་སྟོབས་ཤུགས་ལ་ཚད་བཀག་ཐེབས་ཡོད་མོད། ཅི་སྟེ་རྒྱ་དམར་གཞུང་གིས་ད་དུང་ཡང་དོན་གནད་འདི་གཉིས་མེད་བརླགས་རྩ་གཏོར་རམ། ཡང་ན་མི་སྲིད་པ་སྲིད་པ་བསྒྱུར་རྒྱུའི་སྟོང་བསམ་མུ་མཐུད་མཁྲེགས་འཛིན་གྱིས་གཉའ་གནོན་སུན་བཙུར་སོགས་ཀྱི་ལས་འགུལ་འདྲ་མིན་སྤེལ་བ་ཡིན་ན། མ་འོངས་པར་ནི་གཅིག་གྱུར་ཅན་དང༌། སྒྲིག་འཛུགས་ཅན་གྱི་འོས་ལངས་རིམ་པར་བྱས་ཏེ་རྒྱལ་གཅེས་དཔའ་བོ་བཀྲ་བྷེ་དང་བཀྲ་བཟང་ལྟ་བུ་རང་སྲོག་བློས་གཏོང་བྱེད་མཁན་མང་ནས་མང་དུ་འགྲོ་རྒྱུ་ལས། ཁོང་ཚོའི་འདོད་རྔམ་ཧམ་བཤད་ཇི་བཞིན་བོད་མི་རིགས་དང་བོད་མི་རབས་གསར་པས་བོད་དོན་འཐབ་རྩོད་དང༌། ྋགོང་ས་ཆེན་པོ་བློས་གཏོང་དྲན་བརྗེད་ཀྱི་དུས་སྐབས་ཤིག་ནམ་ཡང་འབྱུང་མི་སྲིད་པ་ཡིན།།
ཁྱེད་རང་གསུངས་པ་དེ་ཤིན་ཏུ་བདེན།