མི་
སྔ་ལོར་མདོ་སྨད་བླ་བྲང་ནས་ཞི་རྒོལ་སྣེ་ཁྲིད་བྱེད་མཁན་གྲྭ་དགེ་འདུན་རྒྱ་མཚོ་དང་སྐལ་བཟང་སྦྱིན་པ། དེ་བཞིན། རྒྱལ་སྤྱིའི་གསར་འགོད་པ་བླ་བྲང་དུ་འབྱོར་སྐབས་བོད་ཀྱི་རྒྱལ་དར་ཕྱར་ཏེ། སྐད་འབོད་རྒྱག་མཁན་གྲྭ་འཇམ་དབྱངས་སྦྱིན་པ་དང་བློ་བཟང་རྒྱ་ཚོ། འཇིགས་མེད་རྒྱ་མཚོ་གསུམ་བཅས་དགེ་འདུན་པ་ ༥ ཕྱི་ཚེས་ ༡༠ ཉིན་གྱི་ཞོགས་པར་བཞུགས་སྒར་ངྷ་རམ་ས་ལར་འབྱོར་ཏེ། མདོ་སྨད་དབུས་སྤྱི་ཁྱབ་རྒྱུན་ལས་ཁང་གཙོས་པའི་བཞུགས་སྒར་ཁུལ་གྱི་མི་དམངས་ཚོས་ཁ་བཏགས་སྒྲོན་ཏེ་དགའ་བསུའི་སྣེ་ལེན་གཟབ་རྒྱས་ཞུས་ཡོད་ལ། ཚེས་ ༡༡ ཉིན་གྱི་སྔ་དྲོའི་ཆུ་ཚོད་ ༡༠ པའི་སྟེང་བོད་གཞུང་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་གསར་འགོད་གསལ་བསྒྲགས་ཤིག་བསྐྱངས་ཡོད།
སྐབས་དེར་སྔར་ལོའི་ཟླ་ ༣ ཚེས་ ༡༤ ཉིན་གྱི་ལས་འགུལ་སྣེ་ཁྲིད་པ་དགེ་འདུན་རྒྱ་མཚོ་ལགས་ཀྱིས་ཞི་རྒོལ་ཆེན་མོའི་བྱུང་རིམ་ངོ་སྤྲོད་གནང་དོན། སྔར་ལོ་བླ་བྲང་དུ་ཞི་རྒོལ་བསྟུད་མར་ཐེངས་གསུམ་ལ་བྱུང་བ་ལས། ང་རང་ཉིན་དང་པོའི་སྣེ་ཁྲིད་པ་ཡིན། ཐོག་མའི་ཀུན་སློང་ཅི་ཞིག་ཡིན་ཟེར་ན། རང་ཉིད་ལ་མཚོན་ན་རིག་གནས་ཆུ་ཚད་དང་ཆབ་སྲིད་གོ་རྟོགས་མེད་ཀྱང༌། རང་མི་རིགས་ཀྱི་ལས་དབང་དང་མདུན་ལམ་ལ་བསམ་བློ་མང་པོ་བཏང་བ་ཡིན། མི་རིགས་ཤིག་ལ་ཞབས་འདེགས་ཡག་པོ་ཞིག་བསྒྲུབ་དགོས་ན་ཆ་རྐྱེན་ངེས་ཅན་ཞིག་ཚང་དགོས་མོད། ང་ལ་ཆ་རྐྱེན་ཚང་གིན་མི་འདུག ཆ་རྐྱེན་གཅིག་ཡོད་པ་ནི་རང་ཉིད་ཀྱི་ལུས་སྲོག་འདི་ཡིན། འདི་ཉིད་བོད་བསྟན་སྲིད་ཀྱི་ཆེད་དུ་བསྟིམས་ཐུབ་པ་ཡིན་ན། ལས་བསོད་ནམས་བཟང་བ་མ་ཟད། མི་ལུས་ཐེངས་གཅིག་བླངས་པར་དོན་སྙིང་ཡོད་སོང་བ་རེད་སྙམ་སྟེ། སེམས་ཐག་གཙང་བཅད་དང་བློ་ཐག་རྦད་ཆོད་ཀྱིས་ཡར་ལངས་ཀྱི་སྣེ་འཁྲིད་རྒྱུའི་སེམས་ཐག་བཅད་པ་ཡིན།
ལོ་ལྟར་ཟླ་ ༣ པའི་ནང་བླ་བྲང་དགོན་པར་ཆོས་ཕྱོགས་ཀྱི་ཆོ་ག་རྒྱས་པ་ཞིག་ཡོད་སྟབས་མི་མང་འདུ་འཛོམ་བྱེད་ཀྱིན་ཡོད། ཕྱི་ཚེས་ ༡༤ ཉིན་དགོན་པའི་ཀླུ་རྫོང་ཞིག་ཡོད། ཉིན་གུང་རྗེས་དགོན་པའི་གླིང་བར་ནས་མགོ་བཙུགས་ཏེ་སྐད་འབོད་བྱས་པ་ཡིན། སྐབས་དེར་འབོད་ཚིག་འདྲ་མིན་རེད། དཔེར་ན། ༧རྒྱལ་བ་རིན་པོ་ཆེ་ཕྱིར་བོད་དུ་ཕེབས་འཇུག་དགོས། བོད་རང་བཙན་གཙང་མ་ཡིན། བོད་ལ་རང་སྲིད་རང་སྐྱོང་དགོས། པཎ་ཆེན་རིན་པོ་ཆེ་གཙོས་པའི་ཆབ་སྲིད་བཙོན་པ་ཡོངས་གློད་གྲོལ་གཏོང་དགོས། བོད་རྒྱའི་གྲོས་མོལ་དངོས་གཞི་མགོ་འཛུགས་བྱ་དགོས། ང་ཚོ་འགྲོ་བ་མི་ཞིག་ཡིན་པའི་ཆ་ནས་འགྲོ་བ་མིའི་ཐོབ་ཐང་དགོས། ང་ཚོ་སྨྲ་ཤེས་མཁན་ཞིག་ཡིན་པའི་ཆ་ནས་སྨྲ་བརྗོད་རང་དབང་དགོས། ང་ཚོ་ཆོས་ལུགས་པ་ཞིག་ཡིན་པའི་ཆ་ནས་ཆོས་ལུགས་དད་མོས་རང་དབང་དགོས་སོགས་རེད། དེ་ལྟར་སྐད་འབོད་བྱེད་བཞིན་རྫོང་སྲིད་གཞུང་གི་སྒོ་མདུན་བར་བསྐྱོད་པ་ཡིན། རྒྱ་གཞུང་གིས་ཏཱ་ལའི་རུ་ཚོགས་དང་སྐྱབས་བཅོལ་གཞུང་གི་ངན་སྐུལ་གྱིས་བོད་རྒྱ་གཉིས་བར་འགལ་བ་བསླངས་སོང་ཟེར་གྱིན་ཡོད་ཀྱང༌། སྐབས་དེར་མ་གྲོས་བསམ་པ་གཅིག་མཐུན་གྱིས་མི་ཁྲི་གཅིག་ ༡༠༠༠༠ ལྷག་འདུ་འཛོམས་བྱུང་སོང་། ཚེས་ ༡༥ ཉིན་བསྐྱར་དུ་ཡར་ལངས་པ་རེད། འབོད་ཚིག་དང་རྣམ་པ་སྔར་ཉིན་དང་གཅིག་མཚུངས་རེད། སྐབས་དེར་རྒྱ་གཞུང་གི་དམག་མི་འབོར་ཆེན་ཡོང་སྟེ་དུག་མདའ་དང་དྲག་ཆས་བེད་སྤྱོད་བཏང་སྟེ། མི་མང་པོ་ཞིག་ལ་རྨས་སྐྱོན་དང་འཇིགས་སྐྲག་ཆེན་པོ་བསླངས་སོང་མོད། ང་རང་ལ་མཚོན་ན། ཉིན་དང་མཚན་ལ་རེ་སྒུག་བྱས་པའི་ཉི་མ་དེ་ཤར་སོང་བ་རེད།
དེ་ནས་རྒྱ་ལག་ལ་ཚུད་དུ་འཇུག་མ་འདོད་པར་རི་མགོར་འབྲོ་རྒྱུའི་སེམས་ཐག་བཅད་པ་ཡིན། ང་དང་ངའི་གྲོགས་པོ་ཚུལ་ཁྲིམས་ཟེར་བ་གཉིས་ངའི་ཕ་ཡུལ་བསང་ཁོག་ཏུ་བྲོས་པ་ཡིན། ཕྱི་ཟླ་ ༥ ཚེས་ ༢༠ ཉིན་རྒྱ་དམག་ ༡༠༠ ཙམ་གྱིས་ངེད་གཉིས་བསྐོར་ཏེ་འཛིན་རྩིས་བྱས་ཀྱང་ངེད་གཉིས་བྲོས་ནས་ཐར་སོང། འོན་ཀྱང་། ཉིན་དེ་ནས་བཟུང་གྲོགས་པོ་ཚུལ་ཁྲིམས་དང་ཁ་གྱེས་སོང༌། དེའི་རྗེས་ཁོ་འཛིན་བཟུང་བྱས་ཏེ་ད་བར་གནས་སྟངས་གང་ཡང་ཤེས་རྟོགས་བྱུང་ཡོད་པ་མ་རེད། རྫ་མགོ་རི་མགོ་ན་བྲོས་བྱོལ་དུ་བསྡད་ཡོད་པ་ང་ཚོ་ཙམ་མ་རེད་གཞན་མང་པོ་འདུག ལོ་གཅིག་ལྷག་རིང་གི་བྲོས་བྱོལ་སྐབས་འབྲོག་པ་མང་ཚོགས་ཀྱིས་ཟས་གོས་འཚོ་བར་རོགས་རམ་གང་ལེགས་བྱས་སོང། འོན་ཀྱང། ང་ཚོར་ལམ་ཁ་གཉིས་ལས་ལྷག་ཡོད་པ་མ་རེད། གཅིག་རྒྱ་ལག་ཏུ་འགྲོ་རྒྱུ་དང་གཉིས་པ་རང་དབང་གི་གནས་ཡུལ་ཞིག་ལ་སྐྱབས་བཅོལ་དུ་འགྲོ་རྒྱུ་དེ་རེད། མཐར་སྐྱབས་བཅོལ་དུ་འགྲོ་རྒྱུ་བདམས་པ་ཡིན། ཐེངས་འདིར་རྒྱ་གར་དུ་ཡོང་བའི་ལམ་ཁར་དཀའ་ངལ་དང་སྐྲག་སྣང་ཕྲན་བུ་རེ་བྱུང་སོང་མོད། ༧གོང་ས་མཆོག་གི་ཐུགས་རྗེ་བཀའ་དྲིན་གྱིས་བདེ་བླག་ངང་འབྱོར་སོང། ཞེས་གསུངས་སོང༌།
དེའི་རྗེས་གྲྭ་སྐལ་བཟང་སྦྱིན་པ་ལགས་ཀྱིས་སྔར་ལོའི་ཟླ་ ༤ ཚེས་ ༩ ཉིན་རྒྱལ་སྤྱིའི་གསར་འགོད་པའི་སྔུན་དུ་བརྒྱུགས་ཏེ་སྐད་འབོད་བྱས་པའི་སྐོར་ངོ་སྤྲོད་གནང་དོན། ང་ཚོའི་ཐོག་མའི་ཀུན་སློང་ངོ་སྤྲོད་ཅིག་བྱས་ན་བསམ་སོང་། དང་པོ། རྒྱ་གཞུང་གིས་སྔོན་མ་བོད་བཙན་འཛུལ་བྱས་སྐབས། བོད་པའི་མི་འབོར་གྱི་ཕྱེད་ཙམ་རྩ་མེད་དུ་བཏང་ཡོད། རིག་གསར་ལས་འགུལ་སྐབས་བོད་པའི་ཆོས་དང་རིག་གཞུང༌། སྐད་ཡིག་གོམས་གཤིས་དང་བཅས་པར་གཏོར་བརླག་ཚབས་ཆེན་བཏང་ཞིང། རླབས་ཆེན་གྱི་མི་སྣ་མང་པོ་ཞིག་ལ་བཙོན་འཇུག་མནར་གཅོད་བཏང་ཡོད། ལོ་རབས་བརྒྱད་ཅུ་བ་ནས་གཏེར་ཁ་སྔོག་འདོན་དང་ཤིང་ནགས་གཅོད་འབྲེག་གིས་བོད་ཀྱི་ཁོར་ཡུག་ལ་གཏོར་བཅོམ་བཏང་ཡོད། རྒྱ་མི་མང་པོ་བོད་དུ་གནས་སྤར་ཅིང༌། བོད་མི་རིགས་ལ་ཚོད་འཛིན་བྱས། གཉིས་པ། བོད་མི་རིགས་ཀྱི་ཆོས་སྲིད་གཉིས་ཀྱི་རྒྱལ་བོ་དང༌། ཚེ་འདི་ཕྱི་གཉིས་ཀྱི་སྐྱབས་གནས། བོད་མི་ཡོངས་ཀྱིས་མིག་གིས་ལྟ་ས་དང་སེམས་ཀྱི་རེ་ས་གཅིག་པུ། ༧རྒྱལ་བ་རིན་པོ་ཆེ་མི་རིགས་ཀྱི་བདེན་དོན་དང༌། རང་དབང་ཆེད་ད་བར་ཕྱི་རོལ་ནས་བཞུགས་ཡོད་སྟབས། ཁོང་ཕྱིར་བོད་དུ་ཕེབས་ནས་ལྷ་ངོ་མི་ངོ་འཕྲོད་རྒྱུ་བཅས་ལ་དམིགས་ཏེ་ཡར་ལངས་བྱས་པ་ཡིན།
སྐབས་དེར་ཨེ་ཤ་ཡ་རང་དབང་རླུང་འཕྲིན་ཁང་ནས་རྒྱལ་སྤྱིའི་གསར་འགོད་པ་ཕྱི་ཚེས་ ༩ ཉིན་བླ་བྲང་དུ་འབྱོར་རྒྱུ་རེད་ཟེར་མོད། རྒྱའི་གསར་ལམ་ཐོག་ཕྱི་ཚེས་ ༩ ཉིན་ལན་ཀྲུའུ་གནམ་ཐང་དུ་འབྱོར་རྒྱུ་ཡིན་ཚུལ་བསྒྲགས་སོང༌། འོན་ཀྱང༌། རྒྱ་གཞུང་གི་བྱ་སྤྱོད་དང་སྐད་ཆར་སྔོན་མ་ནས་ཡིད་ཆེས་མེད་པ་བཞིན། ང་ཚོས་ཕྱི་ཚེས་ ༨ ཉིན་གྱི་མཚན་མོ་བོད་ཀྱི་རྒྱལ་དར་ཆེན་པོ་ཞིག་གྲ་སྒྲིག་བྱས་ཏེ། རྒྱལ་དར་གྱི་རྒྱབ་ངོས་སུ་ ༧གོང་ས་མཆོག་གི་ངོས་ཀྱི་ཡུལ་དང་ངོས་ཀྱི་མི་མང་ནང་དུ། བཙན་འཛུལ་མཁན་གྱི་ཚོད་མེད་པའི་བཙན་གནོན་ལ། བོད་མི་ཡོངས་ནས་སྡུག་བསྔལ་འཁུར་མ་ཐུབ་པར། ངའི་མི་དམངས་ཀྱི་བཟོད་པའི་མཐའ་ཟད་པ་རེད། ཅེས་པའི་ཚིག་དེ་གཙགས་དྲུབ་བྱས་ཤིང༌། ང་ཚོའི་ཁ་ཆེམས་ཀྱི་ཚུལ་དུ། གཟུགས་ཅན་ལུས་ཀྱི་ཕུང་བོ། །ཚད་མེད་མནར་གཅོད་བཏང་ཡང༌། །ནང་གི་ཤེས་པ་གསལ་བོ། ། འཁོར་ས་ཡིད་བཞིན་ནོར་བུ། ཞེས་དང༌། མཇུག་ཏུ་སངས་རྒྱས་ཀྱི་བསྟན་དོན་དང་སེམས་ཅན་གྱི་བདེ་སྐྱིད་ཆེད་དུ་བོད་མི་ཚོ་ཞི་བའི་སྒོ་ནས་ཡར་ལ་ལོངས་ཤོག ཅེས་བཀོད་ཡོད།
ཉིན་དེར་དགོན་པའི་རྡོ་གཅལ་ཐང་དུ་མི་སེར་དཀྱུས་མའི་གྱོན་ཆས་གྱོན་ཞིང༌། ལག་ཏུ་ཕྲེང་བ་འཛིན་མཁན་དང་། པར་ཆས་འཛིན་མཁན་མི་གྲངས་ ༣༠༠ ཡས་མས་ཡར་འགྲོ་མར་འགྲོ་བྱེད་ཀྱིན་འདུག དེ་དག་ཚང་མ་དམག་མི་རེད། འོན་ཀྱང་། རྒྱལ་སྤྱིའི་གསར་འགོད་ཚོ་ཚོགས་ཆེན་འདུ་ཁང་མདུན་དུ་འབྱོར་མ་ཐག སྔུན་ལ་བརྒྱུགས་ཏེ་སྐད་འབོད་བྱས་པ་ཡིན། ང་ཚོས་པེ་ཅིན་ཨོ་ལིམ་པིག་ལ་ངོ་རྒོལ་མེད། ཅེས་ཁ་གསལ་བོ་བྱས་ཏེ་བཤད་པ་ཡིན། སྐབས་དེར་བོད་མི་ ༣༠ ལྷག་འདུག ང་ཚོས་ལས་འགུལ་ཐོག་མར་སྤེལ་སྐབས། རྒྱ་ནག་གི་བཙོན་འོག་ནས་སྡུག་སྦྱོང་མནར་གཅོད་མྱོང་དགོས་པ་དང་། ལོ་མང་པོར་ཁྲིམས་ཐག་གཅོད་རྒྱུ་ཡིན་པ་སོགས་ལ་བསམ་བློ་བཏང་ཡོད་ལ། ཐ་ན་རང་གི་ཚེ་སྲོག་ཀྱང་རང་ལ་དབང་དཀའ་བ་ཤེས་ཡོད། ཉིན་དེར་རྒྱལ་སྤྱིའི་གསར་འགོད་པ་དག་ལ་ཡང་། ཁྱེད་ཚོ་ཕྱིར་སོང་བའི་ཤུལ་དུ་ངེད་ཅག་ཉི་མ་གཅིག་ལའང་གསོན་ཐུབ་མིན་མི་ཤེས། ཉི་མ་དེ་རིང་ནས་ངེད་ཅག་གི་ཚེ་སྲོག་ལ་རིན་ཐང་མེད། ཅེས་བཤད་པ་ཡིན་ལ། སྐབས་དེའི་རྒྱལ་དར་ཡང་གསར་འགོད་པ་དག་གི་ལག་ཏུ་གཏད་དེ། བོད་པའི་རྒྱལ་དར་འདི་ལའང་ང་ཚོས་བདག་པོ་བརྒྱག་ཐུབ་གི་མ་རེད། ཁྱེད་ཅག་ལ་བཅོལ་བ་ཡིན། ཅེས་བཤད་པ་ཡིན།
གསར་འགོད་པ་རྣམས་ཕྱིར་ལོག་མ་ཐག་དགོན་པ་ཡོངས་དམག་མིས་བསྐོར་སོང་། ཐ་ན་ལོ་བཅུ་གྲངས་ཅན་གྱི་བྱིས་པ་ཡང་ཕར་ཚུར་གཏོང་གི་མི་འདུག ཉིན་དེའི་དགོང་མོ་གྲྭ་ཤག་གཞན་ཞིག་ནས་ཉལ་བ་ཡིན། ཕྱི་ཚེས་ ༡༠ ཉིན་དགོན་པ་ནས་ཐོན་སྐབས། སྔོན་མ་རྒྱ་གཞུང་གིས་འཛིན་བཟུང་བྱ་རྒྱུ་ཁོ་ན་ལས། ཐར་ཐུབ་རྒྱུར་བསམ་བློ་བཏང་མེད་སྟབས་གྲ་སྒྲིག་གང་ཡང་ཡོད་པ་མ་རེད། ཉིན་དེ་ནས་བཟུང་རྫ་མགོ་རི་མགོ་དང་རི་ཁྲོད་ནགས་གསེང་ལ་འཁྱམས་ཏེ་འཚོ་བ་བསྐྱལ་བ་ཡིན། དེ་ལྟར་དཀའ་ངལ་མི་ཉུང་བ་ཞིག་བརྒྱུད་མཐར་རྒྱ་གར་དུ་ཐར་སོང་བ་རེད། ཅེས་བརྗོད་སོང།
གངས་ཅན་ལྗོངས་ཀྱི་དཔའ་བོ་དགེ་འདུན་པ་ཁྱེད་རྣམས་ལ་གུས་བཏུད་དང་འབྲེལ་ཁྱེད་རྣམས་པའི་མཛད་བྱེས་ལ་བཀྲིན་རྗེས་དྲན་དང་རང་དབང་ལུང་པར་ཕེབས་ཐུབ་པར་ཧ་ཅང་དགའ་འཚོར་བྱུང་།
གུང་བྲན་སྡུག་རྩུབ་ཆེ་རྐྱེན།
གཞིས་ལུས་སྐུ་ལས་ཆེ་སོང་།
གཞིས་ལུས་སྟོབས་དེ་འདྲ།
དངོས་འབྲེལ་གངས་ཕྲུག་རང་རེད།
ཐུགས་རྗེ་ཆེ།
བོད་ཀྱི་དཔའ་རྒོད་རྣམས་ཀྱི་ལ་རྒྱས་དར་ཆ་སྒྲེང་སྟེ་རྡ་སར་འབྱོར་བ་སེམས་སྟིང་ནས་བསྔགས་བརྗོད་དང་རྗེ་སུ་ཡིད་རིང་ཞུ། ཁྱེད་ཅགས་ཀྱི་མི་རིགས་ཀྱི་ལ་རྒྱ་དང་དཔལ་སྙིང་མཚོན་པར་བྱས་ཡོད་ལ་ཕྱི་རབས་ཀྱི་གཞོན་སྐྱེས་རྣམས་ལ་ྨིག་ལྟོས་བཟང་པོ་ཞིག་བཞགས་ཡོད་པས་བསྐྱལ་དུ་བསྔགས་དང་རྗེ་སུ་ཡིད་རིང་ཞུ། ད་ཁྱེད་ལྕག་གི་མདུན་ལམ་འོད་སྟོང་ལྡན་ལ། ཚེ་རབས་ཀུན་ཏུ་འཕགས་མཆོགས་ཕྱག་ན་པདྨོས་རྗེས་སུ་འཛིན་པ་ལ་ཐེ་ཚོམ་མི་དགོས་སོ།།
བོད་ཀྱི་དཔའ་རྒོད་རྣམས་ཀྱི་ལ་རྒྱས་དར་ཆ་སྒྲེང་སྟེ་རྡ་སར་འབྱོར་བ་སེམས་སྟིང་ནས་བསྔགས་བརྗོད་དང་རྗེ་སུ་ཡིད་རིང་ཞུ། ཁྱེད་ཅགས་ཀྱི་མི་རིགས་ཀྱི་ལ་རྒྱ་དང་དཔལ་སྙིང་མཚོན་པར་བྱས་ཡོད་ལ་ཕྱི་རབས་ཀྱི་གཞོན་སྐྱེས་རྣམས་ལ་ྨིག་ལྟོས་བཟང་པོ་ཞིག་བཞགས་ཡོད་པས་བསྐྱལ་དུ་བསྔགས་དང་རྗེ་སུ་ཡིད་རིང་ཞུ། ད་ཁྱེད་ལྕག་གི་མདུན་ལམ་འོད་སྟོང་ལྡན་ལ། ཚེ་རབས་ཀུན་ཏུ་འཕགས་མཆོགས་ཕྱག་ན་པདྨོས་རྗེས་སུ་འཛིན་པ་ལ་ཐེ་ཚོམ་མི་དགོས་སོ།།
བུ་ལྷ་མཆོད་རྒྱུ་ཚོ། ངོ་མ་ངར་བ་རེད།
ཞང་ཨ་རེ་ལ་མོ་ཡ་རེ་ལེན། ཤ་ར་རིང་སྐུ་ཚེ་བརྟན་སོང་ན། ར་ལོ་རེར་བསྡད་ནས་བརྗེ་ན་ཆོག ནང་ཕུ་ནུའི་སྐུ་ཚེ་བརྟན་སོང་ན། དབང་ལོ་རེར་བསྡད་ནས་བརྩད་ན་ཆོག། བུ་དཔའ་བོའི་ངོ་སོ་གླུ་ཡིས་བསྟོད།། གླུ་ཤེས་ནི་མིན་ར་དགའ་ནི་ཡིན།
དུས་བབ་ཡིག་ནོར་སུ་ཡིས་བཅོས་དཀའ་བའི་ཚོད་དུ་ཡོད་ཚོད་རེད། ངས་སྔོན་མ་རེ་བ་ཆེན་པོ་བརྒྱབས་ནས་ཐེངས་མ་འགའ་ཤས་ཤིག་ལ་བཤད་ཀྱང་ཕན་ངོ་མ་ཤར་བས་ཕྱིས་སུ་ཁོང་ཚོའི་དག་ཆ་ཡར་རྒྱས་སུ་འགྲོ་ཐུབ་པར་རེ་བ་ཆེན་པོ་བྱེད་ཀྱི་མེད།
མདོ་སྨད་ཀྱི་དཔའ་བོ་ལྔ་རང་དབང་གི་ཡུལ་དུ་བྱོན་ཐུབ་པར་དགའ་བསུ་ཡོད། དཔའ་བོ་ཚོས་ད་ལྟའི་མཚན་གནས་འདི་ཉར་ཐུབ་མིན་མ་འོངས་པའི་གནས་སྟངས་དང་བྱེད་ཕྱོགས་ལ་བལྟ་དགོས། བོད་ནང་གི་དཔའ་བོ་གང་འཚམས་ཤིག་ཕྱིའི་རང་དབང་ཡུལ་དུ་སླེབས་པ་དང་དཔལ་འབྱོར་གྱིས་མཚོན་པའི་སྒེར་བའི་ཁེ་ཕན་གྱི་ནང་དུ་ཚུད་འགྲོ། ང་ཚོས་ད་དུང་ལས་དོན་འགོ་རྩོམ་བཞིན་པ་མ་གཏོགས་ལས་དོན་གང་ཡང་གྲུབ་མེད་པ་དཔའ་བོ་རྣམ་པས་མཚོན་ང་ཚོ་ཀུན་གྱིས་ཤེས་དགོས་པས། བསྒྲུབ་རྒྱུར་ལྷག་པའི་ལས་དོན་ཐོག་མུ་མཐུད་ཤུགས་རྒྱག་དགོས། བོད་ནང་དུ་རང་གི་སྲོག་ཀྱང་བློས་ཐུབ་པའི་དཔའ་བོ་ཞིག་གིས། ཕྱི་ཡུལ་དུ་རང་གི་དཔལ་འབྱོར་གྱི་ཁེ་ཕན་དང་མིང་གྲགས་སྐམ་པོ་བློས་གཏོང་ཐུབ་པའི་རེ་བ་ཡོད།
ཡུན་རིང་འདྲིས་པའིི་གྲོགས་པོ་དགེ་འདུན་གྱིས་གཙོས། རྒྱལ་གཅེས་དཔའ་མཛངས་ལྡན་པའི་གྲོགས་པོ་ཚོ་བདེ་ལེགས་ངང་བཙན་བྱོལ་དུ་འབྱོར་བར་དགའ་བསུའི་འཚམས་འདྲི་དང༌། མི་རིགས་ཀྱི་ཆེད་དུ་ཅི་ཡང་གཏོང་ཕོད་པའི་དཔའ་མཛངས་དང༌། ཟབ་བརླིང་དོན་ལྡན་གྱི་སེམས་གཏམ་རེ་རེ་ང་ཚོའི་སྙིང་ཁོང་ལ་འཕོས་དུས་ངོ་མ་མིག་མཐར་མཆི་མ་འཁྱིལ་ཡོང་གི་འདུག རྗེས་སུ་མཇལ་ཡོང༌།
དཔའ་པོ་འདི་ཚོ་སེམས་པའི་གཏིང་ནས་ཐུགས་རྗེ་ཆེ་ཞུ་བ་ཡིན།
དུས་བབ་རྩོམ་སྒྲིག་པ་མཆོག་ལ་ཞུ་རྒྱུར།
དཔའ་བཽ་ཚོའི་བྱས་རྗེས་ལ་རྗེས་སུ་ཡི་རངས་དང་བསྔགས་བརྗོད། ཐུགས་རྗེ་ཆེ་ཞུའོ།།
གསར་འགྱུར་འདི་འགོད་མཁན་འབྲེལ་ཡོད་དེར་ཐལ་མོ་སྦྱར་ནས་ཞུ་ཡག་ཅིག་ཡོད། ཐུགས་རྗེས་གཟིགས། རྒྱལ་དར་༼འཕྱར་༽རྒྱལ་དར་༼ཕྱར༽ ཁ་བཏགས་༼བསྒྲོན༽ལ་ཁ་བཏགས་༼སྒྲོན༽ བོད་བསྟན་སྲིད་ཀྱི་ཆེད་དུ་༼བསྟིམས་༽ལ་ཆེད་དུ་༼བཏུམ༽ འདུ་༼འཛོམས་༽ལ་འདུ༼འཛོམ༽ འབོད་༼ཚིག་༽ལ་འབོད་༼ཚིགས༽ སྒོ་མདུན་བར་༼བསྐྱོད༽་པ་ལ་༼སྐྱོད་༽ ཁ་༼གྱེས་༽སོང་ལ་ཁ་༼དགྱེས༽སོང༌། མང་ཚོགས་༼ཀྱིས༽ཟས་གོས་འཚོ་བར་རོགས་རམ་གང་ལེགས་བྱས་སོང་ལ་མང་ཚོགས་༼ཀྱི་༽ཟས་གོས་འཚོ་བར་རོགས་རམ་གང་ལེགས་བྱས་སོང༌། རྒྱ་༼ནག་༽གི་ལ་རྒྱ་༼གི༽ རྡོ་༼གཅལ༽ཐང་ལ་རྡོ་༼ཅལ༽ཐང༌། ལག་ཏུ་༼གཏད་༽ལ་ལག་ཏུ་༼བཏད༽ཅེས་ནོར་ནས་བྲིས་འགོད་གནང་འདུག་པ་འདི་དག་བཅོས་འགོད་ཅིག་གནང་རོགས་ཞུ་ཡག་ཡིན།
མ་གཞི་བྱས་ན། དུས་བབ་ཀྱི་ཚགས་པར་དང་དྲ་རྒྱ་འདི་གླེང་མ་དགོས་ན་བསམ་ནས་ཡོད་དེ། འདི་ལྟར་ཡིག་ནོར་སྤེལ་སླེབས་དུས། མ་གླེང་བར་སེམས་ཀྱིས་བཟོད་པ་མི་འདུག གཞན་ནི་ཁྱེད་རང་ཚོར་དམའ་འབེབས་བྱས་པ་ཅི་གང་མིན། ཡིག་ནོར་སྤེལ་སྡོད་ཀྱི་འདུག དེ་ཚོ་བཅོས་འགོད་དང་རྒྱུན་དུ་ནས་ཡིག་ནོར་ལ་གཟབ་གཟབ་ཅིག་གནང་རོགས་ཞེས་ལྷག་བསམ་རྣམ་དག་གིས་ཞུ་བ་ལགས་སོ།།
དཔའ་བོ་ལྔ་པོས་སྐད་ཆ་བཤད་དུས་ཧ་ཅང་གཟབ་གཟབ་བྱེད་དགོས།
རང་ཉིད་ཀྱི་རིགས་ལ་སེམས་རྕ་དྭངས་པའི་མདོ་སྨད་ཀྱི་དཔའ་བོ་ལྔ་བདེ་བླག་ངང་འབྱོར་བར་དགའ་བསུ་ཞུ།
སྲོག་ལ་བར་ཆད་མེད་པར།
སླེབས་འབྱོར་བྱུང་བ་དགའ་ཡོད།
དགུ་བཅུ་གསུམ་ལ་མ་འཛུལ།
དམྱལ་བ་གཏོང་རོགས་ཡིན་འགྲོ།
ཡོ་རོབ་གླིང་ལ་མ་འགྲོ།
དཀའ་ལས་ཁག་རོགས་ཡིན་འགྲོ།
རྒྱལ་བའི་གསེར་ཞབས་འོག་ནས།
སྡུག་ལ་གོམས་འདྲིས་ཐེབས་ན།
རྒྱལ་གཅེས་དཔའ་བོའི་མཚན་སྙན།
བླངས་བའི་དོན་གོ་དེ་ཡིན།
བཀྲིས་བདེ་ལེགས། དཔའ་བོ་ལྔ་ལ་བཀྲིས་བདེ་ལེགས་ཞུ།
སྙིང་ཐག་པ་ནས་དགའ་བསུ་དང་འཚམ་འདྲི་ཞུ། རྒྱལ་གཅེས་པ་ཞེས་པ་ནི་དེ་འདྲ་ཞིག་རེད། ཨ་མའི་བུ། བུ་འཇིག་རྟེན་ཏུ་སྐྱེས་པར་དོན་གོ་ཆོད་པ་རེད། ངས་ད་དུང་དཔའ་པོ་འདི་དག་ལ་ཡིད་སྨོན་བྱེད་ཀྱིན་ཡོད།
ད་ནི་བོད་གཞུང་གིས་ཁོང་ཚོར་བདག་སྐྱོང་ཡག་པོ་ཞིག་བྱེད་རྒྱུ་དེ་གལ་ཆེན་རེད།
གདུག་རྩུབ་གྱི་རླུང་ནག་འཚུབ་པའི་མུན་ནག་གི་རང་ཡུལ་ནས་ཞུམ་པ་མེད་པའི་སྙིང་སྟོབས་བྲང་ཁོག་ཏུ་བཅུགས་སྟེ་མི་རིགས་ཀྱི་བདེ་སྡུུག་དང་མི་རིགས་འདིའི་བདེན་པའི་གནས་ལུགས་འཛམ་གླིང་མི་དམངས་ཀྱི་མིག་མདུད་དུ་བཤམས་པའི་བོད་མི་རིགས་ཀྱི་དཔའ་རྒོད་རྣམས་པ་ལྔ་བདེ་འཇགས་ངང་འདིར་འབྱྱོར་བ་དགའ་བསུ་དང་མཚམས་འདྲི་བཀྲ་ཤིས་བདེ་ལེགས་ཞུ་རྒྱུ་ཡིན།ཁྱེད་ཚོའི་རྫ་གསེང་རི་གསེང་ནས་ལོ་གཅིག་གི་རིང་ལ་རི་དྭགས་བཞིན་དགུན་ཁའི་གྲང་རེག་དང་དབྱར་ཀའི་ཚ་རེག་གི་མནར་གཅོད་དང་བཀྲེས་སྐོམ་གྱི་དཀའ་སྡུག་དག་ང་ཚོའི་བློ་ཡིད་ལ་མི་བཤོང་བ་ཞིག་རེད།་དེ་དག་གི་ཁྲོད་ཀྱི་དཀའ་སྡུག་དང་ངན་ངོམ་ཚམ་གྱི་འཚོ་བ་དོན་སྙིང་ཆེ་ལ་གཟི་བརྗིད་ལྡན།ད་དུང་མུ་འཐུད་དུ་བཙན་བྱོལ་ཚོས་མིག་དཔེ་ལྟ་ས་ཞིག་བྱེད་རྒུ་རེ་བ་ཡིན།
རྒྱལ་གཅེས་དགེ་འདུན་པ་སངས་རྒྱས་ཀྱི་དང་བོའི་འཁོར་གྱི་གྲངས་མཚུངས་པ་བདེ་ལེགས་ངང་ནས་༧གོང་ས་མཆོག་གི་གསེར་ཞལ་མཇལ་རྒྱུ་བྱུང་བར་ངས་དགའ་གུས་སྤྲོ་གསུམ་གྱི་སྒོ་ནས་བཀྲ་ཤིས་བདེ་ལེགས་ཞུ་རྒྱུ་དང་། སླད་མའི་ཆར་ཡང་ རྒྱལ་གཅེས་པ་དགེ་འདུན་རྒྱ་མཚོས་ཐོག་མའི་སྙིང་སྟོབས་དང་ཀུན་སློང་ངོ་སྤྲོད་གནང་སྐབས་༼ཆ་རྐྱེན་གཅིག་ཡོད་པ་ནི། རང་ཉིད་ཀྱི་ལུས་སྲོག་འདི་རེད། འདི་ཉིད་བོད་བསྟན་སྲིད་ཀྱི་ཆེད་དུ་བཏུམ་ཐུབ་པ་ཡིན་ན། ལས་དང་བསོད་ནམས་བཟང་བ་མ་ཟད། མི་ལུས་ཐེངས་གཅིག་བླངས་པར་དོན་སྙིང་ཡོད་སོང་བ་རེད་སྙམ་སྟེ། ༽ཞེས་གསུངས་པ་ལྟར་རྟག་བརྟན་འགྱུར་མེད་དུ་གནས་རྒྱུ་ཤིན་ཏུ་ནས་ཀྱང་གལ་ཆེ་བས་དེ་ལུགས་དགོངས་མངའ་ནས་ནམ་ཡང་འདོར་མེད་གནང་རྒྱུ་དང་། གཞན་འཕྲལ་དུ་ཕྱི་ཡུལ་གྲགས་ཅན་ཞིག་ཏུ་འགྲོ་རྒྱུར་མི་བྲེལ་བར་བོད་ཀྱི་འཁོར་ཡུག་རང་ནས་བོད་དོན་འཐབ་བརྩོད་པ་ངོ་མ་ཞིག་གནང་རོགས་ཞུ་ཞེས་ཀྱང་གསལ་འདེབས་ལྟ་བུར་ཞུ་ཐལ་ཤོར་སོང་ན་སེམས་ཀྱི་དཀྱིལ་དང་རིས་པའི་གཏང་ནས་ནམ་ཡང་མི་བརྗེད་པར་ཞུ་ཞུ།
དཔའ་བོ་ལྔ་བོད་ནས་བདེ་འབྱོར་བྱུང་དགའ་ལུས་འོས། མ་འོངས་ལྔ་ལ་རྒྱ་ལ་འགྱུར་བ་མི་ཡོང་བའི་རེ་བ་ཡོད། ད་སྐབས་བོད་ཕྱི་ནང་གཉིས་ལ་དཔའ་བོ་གི་ཁེང་ཡོད་པ་རེད། དེ་ནི་ང་ཚོ་མི་རིགས་ཀྱི་གཟི་བརྫིད་ཞིག་རེད། མ་འོངས་བོད་མི་རིགས་ལ་དཔའ་བོ་མི་རིགས་ཀྱི་མཚན་སྙན་ཐོབ་རྒྱུ་ཡིན་པ་ཁོ་ཐག་རེད། ཉེ་བའི་ཆར་དཔའ་བོ་འགའ་ཤས་་སུས་སི་ལ་གཏམ་བརྗོད་འཁྲབ་དུ་ཕྱིན་ཡོད་པས། དཔའ་ལྔ་དེ་སུས་སི་ནས་ཡང་བསྐྱར་གྲོས་འབྱོར་ཕྱིན་ཡོད་པ་རེད། དེའི་ཚབ་ཏུ་དཔའ་བོ་ལྔ་རྡ་སར་འབྱོར་ཡོད་པ་རེད། ང་ཚོར་ལས་དབང་ཡོད་ཐག་གཅོད་རེད་འདུག
དཔའ་བོ་རྣམས་རྡ་སར་བདེ་འབྱོར་བྱུང་བར་དགའ་བསུ་ཞུ། འོན་བཙན་བྱོལ་སྤྱི་ཚོགས་ཁྲོད་ནས་བསྡད་ཡུན་རིང། རང་ཉིད་ཀྱི་སྔར་ཡོད་བོད་ཞེན་དེ་མི་འདོར་བ་དང༌། ད་ང་སེམས་ཤུགས་ཆགས་སོང་ཞེས་པའི་སྐད་ཆ་འདི་ཚོ་ཁ་ནས་མི་ཐོན་རྒྱུར་རེ་བ་ཆེ་ལགས།
http://www.youtube.com/watch?v=_j3dm7phbZs&feature=related
༄༅།། སྙིང་ནས་བཀུར་འོས་པའི་རྒྱལ་གཅེས་དཔའ་བོ་སྤུན་ལྔ་མཆོག་བདེ་ལེགས་ངང་བཙན་བྱོལ་དུ་ཕེབས་འབྱོར་བྱུང་བར་དགའ་བསུ་ཞུ། ཁྱེད་རྣམས་ཀྱིས་བོད་བསྟན་སྲིད་ཀྱི་དོན་དུ་བློ་ཡུལ་འདས་པའི་ཞབས་རྗེས་འདི་འདྲ་ཞིག་བཞག་ནས་དེ་རིང་འདིར་སྐྱབས་བཅོལ་དུ་བདེ་ལེགས་ངང་ཕེབས་འབྱོར་བྱུང་བར་ང་ཚོ་བོད་མི་ཙམ་མ་ཟད། འདིར་བཞུགས་འབྲེལ་ཡོད་རྒྱལ་ཁབ་ཕྱི་ནང་གི་གྲོགས་པོ་གྲོགས་མོ་མང་པོ་ཞིག་གིས་འཚམས་འདྲི་བྱེད་ཀྱིན་འདུག འོན་ཀྱང་གུས་པར་མཚོན་ན་བོད་མི་ཞིག་གི་གཟུགས་སུ་གྲུབ་པ་ལས། བོད་བསྟན་སྲིད་གྱི་དོན་དུ་ཞབས་ཞུ་གང་ཡང་བསྒྲུབས་མ་ཐུབ་མོད། འོན་ཀྱང་རྣམ་པ་ཚོས་བསྒྲུབས་དང་སྒྲུབ་བཞིན་པའི་རླབས་ཆེན་གྱི་མཛད་རྗེས་དེ་དག་ལ་བསམ་ཚེ། མིག་ནས་མཆི་མ་དབང་མེད་འཐོར་ཞིང༌། ཉིན་མཚན་དུས་དྲག་ཏུ་རྣམ་པ་ལྷན་རྒྱས་མཆོག་གི་སྙིང་སྟོབས་དང་མི་རིགས་ཀྱི་དོན་དུ་བློས་བཏང་བྱས་པའི་ལྷག་བསམ་སོགས་ལ་བསྔགས་བརྗོད་གྲངས་མེད་ཞུ་བཞིན་ཡོད། ཁྱེད་རྣམས་ཀྱིས་ཚེ་དང་སྲོག་གིས་དཔང་བོར་བྱས་ཏེ་བཞག་པའི་རླབས་ཆེན་གྱི་ཕྱག་རྗེས་དེ་དག་ནི་ད་སྐབས་བོད་མི་ཙམ་མ་ཟད་རྒྱལ་ཁབ་དང་མི་རིགས་གཞན་དག་གིས་ཀྱང་མིག་དཔེར་ལྟ་བུར་ཆགས་འདུག་པ་བཅས། རྔ་བ་བསོད་དེས།
དཔའ་བོ་རྣམས་ཀྱི་སྙིང་སྟོབས་ལ་རྗེས་སུ་ཡིད་རངས་ཡོད། དུས་བབ་ཀྱི་མགྱོགས་ཤིང་ཁུངས་དག་པའི་གསར་འགྱུར་ལ་དགའ་བསུ་ཡོད། ཉེ་ལམ་ནས་བཟུང་བཙན་བྱོལ་སྤྱི་ཚོགས་ཀྱི་གསར་འགྱུར་མགྱོགས་ཤོས་དང་ཡག་ཤོས་དེ་ཆགས་སོང་། རྩོམ་སྒྲིག་པ་དང་ལྷག་པར་གསར་འགོད་པ་རྣམས་ལ་ཐུགས་རྗེ་ཆེ་ཞུ་རྒྱུ།
གྲྭ་པ་ཡིན་ན་ལྷོ་ཕྱོགས་རྒྱ་གར་ལྷོ་ཕྱོགས་དང་།།
མི་སྐྱ་ཡིན་ན་གསོག་སྒར་སློབ་གྲྭ་ལས།།
རྒྱལ་གཅེས་དཔའ་མོ་འགྲོ་ས་ཞིག།
རང་རེའི་སྐྱབས་བཅོལ་གཞུང་འདིར་ཡོད་ལེ་མིན།།
སེམས་དང་བསམ་པའི་སྒོ་ནས་འཚམ་འདྲི་ཡོད། རྗེས་ཕྱོགས་ཀྱི་མི་ཚེ་ལ་འོད་སྟོང་འཕྲོ་བར་ཤོག དུས་བབ་ཚང་གི་གནས་ཚུལ་འདི་དྲ་ཐོག་འདིར་བཀོད་པ་ཐུགས་རྗེ་ཆེ། ད་ནི་ཁོང་ཚོ་གང་དུ་གནས་བཞུགས་བྱེད་མཁན་ཡིན་མིན་བསྐོར་སོགས་ཀློག་པ་པོ་དག་ལ་ངོ་སྤྲོད་རེ་གནང་ཐུབ་ན་ཡག་པོ་ཡོད་ས་རེད། ད་དུང་། ཁོང་ཚོ་ལ་དམིགས་གསལ་གྱིས་མདུན་པ་ག་རེ་ཡོད་མེད་བསྐོར་སོགས་བཅའ་འདྲི་བྱེད་ཐུབ་པ་ཡིན་ན་དེ་བས་རྒྱན་ཞིག་ཡིན་པར་འདོད། འདི་ནི་ང་རང་གི་ལྟ་ཚུལ་ཞིག་ཡིན་པས་ཡིན་གཅིག་མིན་གཅིག་ཡིན་དགོས་པའི་ངེས་པ་མེད་་པ་རེད།
ཁ་བ་གངས་ཅན་གྱི་དཔའ་རྒོད་ཚོའི་སྙིང་སྟོབས་ལ་རྗེས་སུ་ཡི་རངས།
སེམས་པའི་གཏིང་ནས་རྗེས་སུ་ཡི་རངས། དྲ་ཐོག་ནས་དཔའ་བོ་ཚོའི་འདྲ་པར་མཐོང་།
དཔའ་བོ་ཚོའི་སྐད་ཆ་གོ། དཔའ་བོ་ཚོའི་སྙིང་སྟོབས་མཐོང་།
དཔའ་བོའི་མཛད་རྗེས་ལ་ཡི་རངས་ཞུ་བ་དང་མཉམ་དུ། ངེད་ཀྱིས་ཅི་ཞིག་བྱེད་ཐུབ་བམ་ཞེས་བའི་དྲི་བ་ཞིག་སེམས་པའི་གཏིང་ལ་འཁོར།
ངེད་ཀྱིས་ཅི་ཞིག་བློས་གཏོང་ཐུབ་བམ་ཞེས་བའི་དྲི་བ་ཞིག་སེམས་ལ་ཡང་ནས་བསྐྱར་དུ་འཁོར།
འདི་དང་མཉམ་དུ་། དུས་བབ་ཀྱི་གསར་འགོད་པ་ཚོའི་ལྷག་བསམ་ལ་ཡང་རྗེས་སུ་ཡི་རངས་ཞུ། རྒྱུ་མཚན།
དེ་རིང་སང་ཉིན་དུས་བབ་ཀྱི་གསར་འགྱུར་ཕ་ཡུལ་དྲ་རྒྱ་ལས་ཀྱང་མགྱོགས།