རྒྱལ་བ་ཀརྨ་པའི་གསང་བའི་ཐུགས་རེ་འགའ།

རེད་རེད། ངོ་མ་སོང་། ཕྱིས་མ་དྲགས་གོང་ལ་མཐོ་སློབ་ཚད་ལྡན་ཞིག་ཏུ་སློབ་སྦྱོང་བྱེད་དུ་སོང་། མདོ་སྔགས་བཀླགས་ནས་ཡུལ་ལུང་པ་ལ་ཕན་རྒྱུ་ཞིག་ཡོད་ན་དེ་ཤེས་མཁན་བོད་པ་ལས་མང་བས་མི་རིགས་སུ་གཅིག་ཡོད་པ་མ་རེད།

མ་འོང་བར་བོད་མི་ཚོའི་མཁྱེན་རྒྱ་ཡར་རྒྱས་སུ་སོང་ན། བླ་མ་ཚོར་ཆབ་སྲིད་ལ་ཐུགས་མཉེས་པོ་ཡོད་ཀྱང་བོད་མི་སུ་གཅིག་གིས་དགའ་བསུ་ཞུ་རྒྱུ་མ་རེད་ལ། འོན་ཀྱང་ད་དུང་བོད་མི་ཚོར་ཤེས་བྱའི་འདང་གི་མེད་སྟབས་བླ་མ་ཆབ་སྲིད་པ་ཚོར་རྒྱབ་སྐྱོར་བྱེད་འདོགས་ཁ་བོ་རེད། ང་དང་ང་ལྟ་བུས་བླ་མ་ཞིག་ལ་སྲིད་བློན་གྱི་འོས་ཤོག་གཏན་ནས་འཕེན་རྒྱུ་མ་རེད། བླ་མ་ཚོར་ཆབ་སྲིད་ལ་ཐུགས་མཉེས་པོ་ཡོད་ན། ཅི་ཕྱིར་རྒྱ་ནག་དང་ཨ་རིའི་ལྟ་བུའི་རྒྱལ་ཁབ་ཅིག་གི་སྲིད་འཛིན་དུ་འཕེན་པ་བཏངས་ནས་སྐུ་ཡིས་སྐྱེ་བ་མི་བཞེས། གལ་ཏེ་དེ་ལྟ་བུ་ཞིག་ཏུ་སྐྱེས་ན་ད་ཁྱོད་ལ་ཆབ་སྲིད་ཀྱི་གོ་སྐབས་ཆེན་པོ་འཛམ་གླིང་ཡོངས་སུ་ཡོད་པར་མ་ཟད། བོད་མི་ཚོར་ཡང་ཕན་ཐོག་ཅུང་ཟད་ཡོད་ངེས་རེད། བླ་མ་མཁྱེན། །

རྒྱལ་བ་ཀརྨ་པ་ཁོང་ལ་གཞན་ཞུ་དགོས་ཡག་གང་ཡང་མེད་ཅིང༌། ཡིན་ནའང་ཁོང་ངོ་དགའ་བཤད་མཁས་པའི་བླ་ཆུང་ཞིག་པ་ཡིན་པ་ཚོར་སྣང་བྱུང༌། གང་ཡིན་ཟེར་ན། བོད་ཁྱིམ་སློབ་གྲྭ་ལ་སྒོར་མོ་གི་མི་ཤོང་པ་བསྡད་ཡོད་རེད། སློབ་ཕྲུག་རེར་ལ་སྦྱིན་བདག་གཉིས་གསུམ་ཡོད་པ་ཚང་མས་ཤེས་གསལ་རེད། ཡིན་ནའང་རྒྱལ་བ་ཀརྨ་པས་ལོ་སྔོན་མ་ཨ་སྒོར་ས་ཡ་གཅིག་ཞལ་འདེབས་གནང་ཡོད་པ་རེད། དེ་ནི་ཁོང་གཡབ་གཞི་ལ་ངོ་དགའ་བཤད་པ་ལྟ་བུ་ཆགས་ཡོད་རེད་ཟེར་ནས་སྤྱི་ཚོགས་ནང་བཤད་སྲོལ་ཞིག་ཆགས་ཡོད། དོན་དངོས་ཨ་སྒོར་ས་གཅིག་ལ་བོད་གཞུང་ལ་གནང་ན་ཆེས་འོས་བབ་མཐོང༌། གང་ཡིན་ཟེར་ན་ཁོང་དང་པོ་སྣེ་ལེན་དང་མཐུན་འབྱོར་གནང་བོད་གཞུང་ཡིན་པས། ཁོང་གི་དེ་ལྟར་བརྗེད་པ་ཡིན་ནམ། ཁོང་གིས་གནང་སྟངས་དེ། རྩ་ཉིང་ན་ཟ། རིལ་མ་གསེབ་ལ་གཏོང་ཟེར་བའི་དཔེ་དེ་དང་མ་མཚུངས་སམ།

གཙོ་བོ་དེ་ཆོས་ཕྱོགས་ནས་ནུས་པ་ཐོན་ན་ཆབ་སྲིད་ཞོར་གྱིས་འགྲུབ་ཀྱི་རེད། གལ་ཏེ་མ་འགྲུབ་ན་ཡང་གནད་འགག་གཅིག་ཀྱང་ཡོད་པ་མ་རེད། རྒྱུ་མཚན་ནི་ཀརྨ་བ་ཆོས་པ་རྣམ་དག་ཅིག་ཡིན་དགོས་པ་ལས་ཆབ་སྲིད་པ་ཞིག་ཡིན་དགོས་རྒྱུ་མ་རེད། གལ་སྲིད་དགོས་ནའང་ཆབ་སྲིད་ཟེར་བ་དེ་གཞན་ལ་འདྲི་བཞིན་འདྲི་བཞིན་བྱེད་ན་ཆོག་མོད། ཆོས་ཕྱོགས་ཀྱི་ལུང་དང་རྟོགས་པའི་ཡོན་ཏན་ཏེ་ལོ་དུ་མར་སྒོམ་སྒྲུབ་བྱས་ཏེ་ཐོབ་རྒྱུ་ཞིག་ཡིན་ཕྱིར་ཧ་ཅང་གི་ཁག་པོ་རེད། ལྷག་པར་དུ་སྙིག་མའི་དུས་འདིར་ཆོས་ཀྱི་ཉམས་ལེན་ཡོད་མཁན་ཉིན་མོ་སྐར་མ་ནང་བཞིན་ཡིན་པ་ཤེས་གསལ་རེད། དེང་དུས་ཀྱི་གཙུག་ལག་སློབ་གྲ་ཞིག་དང་གྲྭ་སའི་འཆད་ཉན་གཉིས་བསྡུར་ན་སློབ་གྲྭ་ཁག་གི་སློབ་གཉེར་ནི་ལད་མོ་ཙམ་ཞིག་རེད། འོན་ཀྱང་ཁོང་ཚོས་མ་འོང་བར་ལས་དཀའ་ཐོབ་པའི་ཆེད་དུ་ལག་འཁྱེར་དགོས་ཀྱི་ཡོད་པ་རེད། སྐྱབས་རྗེ་ཀརྨ་བར་ལས་དཀའ་ཐོབ་པའི་ཆེད་དུ་ལག་འཁྱེར་དགོས་ཀྱི་མ་རེད། དེ་མིན་དེང་དུས་ཀྱི་མཚན་རིག་དང་ཤེས་བྱ་མཁྱེན་པར་འདོད་ན་ཁྱོད་ལྟ་བུ་དབང་རབ་ཅིག་གིས་ཞར་དང་ཞོར་གྱིས་ངེས་ཐུབ་པར་སྨོས་ཅི་དགོས། ད་རེ་འདི་ཙམ་གྱིས་ཆོག་པར་བྱ། །

འོ། གང་ལྟར་ཡང་སློབ་སྦྱོང་བྱས་ན་ཡག་པོ་རེད། དེང་རབས་ཀྱི་ཤེས་ཡོན་ལྷག་པར་དུ་ཤེས་དགོས། གཙུག་ལག་སློབ་གྲྭ་རུ་འགྲོ་ན་གལ་ཆེན་པོ་རེད། འོན་ཀྱང་བཙུན་པ་མ་འོང་ན་

དེང་རབས་ཚན་རིག་གི་ཞིབ་འཇུག་བྱེད་སྟངས་ལྟར་བྱས་ན། བོད་ཀྱི་ལོ་རྒྱུས་ཁྲོད་རྒྱལ་དབང་ལྔ་བ་ཚུད་པའི་བླ་ཆེན་ཁྲོད་ངེས་པ་དོན་གྱི་ཆབ་སྲིད་པ་གཅིག་ཀྱང་བྱུང་མྱོང་མེད་པ་འདྲ། དེ་ལས་ལྡོག་སྟེ་གྲུབ་མཐའ་དང་ལུང་ཚན། ཆོས་ལུགས་ཁོ་ནའི་དོན་དུ་མི་སེར་སྡུག་ལ་སྦྱོར་མཁན་རྐྱང་ལསa། རྒྱལ་ཁབ་རྒྱ་བསྐྱེད་དང་སྟོབས་འབྱོར་མངའ་ཐང་གི་ཕྱོགས་སུ་འཁྲིད་ཐུབ་མཁན་གཅིག་ཀྱང་བྱུང་མེད་པ་ཁས་ལེན་དགོས། ས་སྐྱ་པ་དང་རྒྱལ་དབང་ལྔ་པར་སོག་པོའི་དཔུང་སྟོབས་ཀྱིས་རྒྱབ་རྟེན་ཡོད་བཞིན་དུ་ཆོལ་གསུམ་ཁོངས་སུ་སྲིད་ཀྱི་ལམ་ལུགས་ཀྱི་རྨང་སྲོལ་ཙམ་ཡང་བཙུགས་ཐུབ་མེད། དེར་བརྟེན་བླ་མས་དཔེ་དེབ་འབྲི་བ་དང་ཆོས་གསུང་རྒྱུ་ཡིན་ན་སྲིད་ལ་མ་ཞུགས་ན་ཡག་ཤོས་རེད་བསམ།

ཀརྨ་པ་ཚང་ལ་རེ་བ་ཆེན་པོ་ཡོད། ཁོང་ནི་ང་ཚོས་མ་འོང་བའི་རེ་བ་བྱེད་ས་ཁོ་ན་ཡིན།རྒྱལ་བ་རིན་པོ་ཆེ་སྐུ་ཚབ་ཁོང་ལས་གཞན་སུས་ཡང་གནང་མི་ཐུབ། བོད་ཕྱི་ནང་གི་བོད་པ་ཚང་མ་ཁོང་ལ་རེ་བ་འདུག ལྷག་པར་གཞོན་སྐྱེས་ཚོ་ལ་རེ་བ་ཆེན་པོ་འདུག
ཡིན་ནའང་རིན་པོ་ཆེ་ཚང་གིས་ན་ནངས་ད་ལོ་འདྲ་མི་འདྲ་ཞིག་གསུངས་ཀི་འདུག་ཀ ང་ཁེར་རྐྱང་ཡིན། སྐྱིད་པོ་མི་འདུག གལ་ཏེ་ང་ཀརྨ་བའི་སྤྲུལ་སྐུ་མིན་ན་ང་ལ་ལས་དཀའ་གཞན་ཞིག་ཡོད།ཟེར་བ་འདྲ་བོ། ནུབ་ཕྱོགས་ལ་ཕེབས་ནས་གཙིག་ལག་སློབ་གྲ་ལ་འགྲོ་གི་ཡིན་ཟེར་བ་གསུངས་སོང། ཀརྨ་བ་ཚང་ལ་ནང་ཆོས་ཀྱི་རྫོང་འཐུག་པོ་ཞིག་དགོས་པ་ལས་ནུབ་ཕྱོགས་ཀྱི་རིག་གནས་དགོས་དོན་དེ་ཙམ་མེད། ནུབ་གླིང་ངམ་ཆགས་གླིང་འདི་སྤྲུལ་སྐུ་ཆུང་ཆུང་དང་གྲ་བ་ཆུང་ཆུང་ཕེབས་ས་ཞིག་མ་རེད་ལགས། དེ་སྔོན་བོད་ཀྱི་བླ་ཆེན་ཁག་ཅིག་ནུབ་ཕྱོགས་ལ་ཕེབས་ནས་ཨ་མཆོག་རིན་པོ་ཆེ་གཅིག་པོ་མ་གཏོགས་གཅིག་ཀྱང་དམར་པོ་གོན་ནས་ཕྱིར་ཡོང་མི་འདུག་ཀ

ཤེལ་དཀར་བློ་བཟང་ལགས། ས་སྐྱའི་འགྲོ་མགོན་འཕགས་པར་སོགས་པོ་རྒྱལ་བོས་༡༢༦༠་ལོར་དབང་ཞུས་ཤིང་དེའི་ཡོན་དུ་བོད་ཁྲི་སྐོར་བཅུ་གསུམ་ཕུལ་ཡོད་ནའང། ཁོང་རང་ངོས་ནས་ཆབ་སྲིད་ཀྱི་ཕྱག་ལས་གང་ཡང་གནང་མི་འདུག་སྙམ། དེའི་དུས་ས་སྐྱའི་དཔོན་ཆེན་ཤཀྱ་བཟང་བོས་ཆབ་སྲིད་བྱས་ཡོད་པ་འདྲ། འོན་ཀྱང་ཕྲན་ལ་བོད་ཀྱི་ལོ་རྒྱུས་དེབ་གཅིག་ཀྱང་འདི་ཀར་མེད་སྟབས་གསལ་བོ་ཞིག་འབྲི་རྒྱུ་གོ་སྐབས་དབེན། ཡིན་ནའང་ངས་སྤོབས་པ་དང་བཅས་གསལ་བོར་ཞུས་ཐུབ་པ་ཞིག་ནི། བླ་མ་འཕགས་པ་དེ་དུས་ནས་མཁས་གྲུབ་གཉིས་ལྡན་གྱི་སྐྱེ་བུ་དམ་པ་ཆེན་པོ་རེད། དེའི་སྐབས་ཀརྨ་པཀྴི་དང་འཕགས་པ་གཉིས་ཀྱིས་གྲུབ་རྟགས་ཀྱི་རྩལ་འགྲན་སྡུར་ཡང་བྱས་འདུག གལ་སྲིད་འཕགས་པར་ཆོས་ཕྱོགས་ནས་གྲུབ་པ་ཆེན་པོ་ཐོབ་མེད་ན་སོགས་པོ་རྒྱལ་བོས་བོད་ཁྲི་སྐོར་བཅུ་གསུམ་ཕུལ་ག་ལ་ཡོད། མདོར་ན་ངས་ཞུ་སྙིང་ནི་ཀརྨ་དགུང་ལོ་གཞོན་པའི་སྐབས་འདིར་ཆོས་ཕྱོགས་ནས་ནུས་པ་ཆེན་པོ་ཞིག་ཐོན་རྒྱུ་དེ་མེད་དུ་མི་རུང་བ་ཞིག་རེད་ཞུ་བཞིན་ཡོད། གལ་སྲིད་ལུང་རྟོགས་ཀྱི་ཡོན་ཏན་གཉིས་དང་ལྡན་པའི་གང་ཟག་གཅིག་གིས་ཆོས་དང་ཆབ་སྲིད་གང་བྱས་ཀྱང་ཆགས་སྡང་དབང་དུ་ཤོར་སྲིད་ཀྱི་མ་རེད་ལ་ཆོས་ཀྱི་ཉམས་ལེན་ལ་སྐྱོན་གྱིས་གོས་ག་ལ་སྲིད། ད་རེས་འདི་ཙམ་གྱིས་ཆོག་པར་བྱ། །

རེད་ཡ། བོད་དོན་དཀའ་རྙོག་ཆེན་པོ་དེ་གཅིག་གིས་བླ་མ་ཡིན་ཟེར་ནས་ཕར་བཞག། གཅིག་གི་མི་ཆེན་ཡིན་ཟེར་ནས་ཚུར་བཞག་ན་འགྲིག་གམ། ད་ལྟའི་ཛ་དྲག་གནས་སྟངས་ལ་གཞིགས་པའི་མཛད་པ་བསྐྱང་རྒྱུ་ལས་དེ་སྔོན་མཛད་འཕྲིན་གང་ལ་བརྟེན་ནས་རྒྱས་མིན་ལྟ་རྒྱུའི་དུས་ཚོད་མ་རེད། ལར་ནས་ཆབ་སྲིད་ཀྱི་ཕྱག་ལས་གནང་ན་ཆོས་པ་ཚད་ལྡན་ཞིག་ཡོང་རྒྱུ་ཁག་པོ་རེད་ཟེར་བ་ཡ་མཚན་རེད།
ས་སྐྱ་འགྲོ་མགོན་འཕགས་པ་ནས་བཟུང་ད་བར་ལ་ཆབ་སྲིད་ཐུགས་འགན་བཞེས་མཁན་གྱི་ཚད་ལྡན་བླ་མ་ག་ཚོད་བྱུང་འདུག་བསྐྱར་ཞིབ་ཅིག་གནང་དང་།
བོད་མི་ས་ཡ་དྲུག་གི་ནང་ཆབ་སྲིད་འཇོན་མཁན་མང་པོ་ཡོད་ན་ཡག་པོ་རེད། ད་ས་སྟེང་སྒང་ལ་ཐོན་དང་།
དེ་ལས་གཞན་་་་་་བདེ་བ་གཞུང་བྱུས་གཏོགས་བདེ་སྲིད་མགོ་ལེབ་བྱེད་་་་་ཅེས་པའི་སྒྲུང་ལྟར་བྱུང་ན་ཡག་ཐག་མ་རེད།

ང་ཚོའི་བོད་ཀྱི་ཆབ་སྲིད་དེ་སྐྱབས་རྗེ་ཀརྨ་པ་ལ་བཅོལ་དགོས་རྒྱུ་མ་རེད། གནད་འགག་ཅིག་ཏེ་བོད་མི་ཡོངས་རྫོགས་རྡོག་རྩ་གཅིག་སྒྲིལ་བྱེད་རྒྱུ་དེ་རེད། བླ་མར་ཆོས་ཕྱོགས་ནས་ནུས་པ་ཐོན་ན་མི་དམངས་ཀྱི་དད་པ་དང་ཡི་ཆེས་བརྟན་པོ་ཞིག་བསྐྲུན་ཐུབ་རྒྱུ་དེ་རེད། དེ་ཡོད་དུས་བཀའ་གསུང་ཚིག་གི་ནུས་པ་དེ་གཞན་ལས་ཆེས་པ་རེད། དེ་ཡིན་དུས་ཆབ་སྲིད་ཟེར་ནའང་འདྲ་ཁོང་ལ་མི་དམངས་རྡོག་རྩ་གཅིག་སྒྲིལ་བྱེད་རྒྱུ་ནུས་པ་གཞན་ལས་ལྷག་པ་རེད།

ཁོང་དང་མཉམ་དུ་བོད་ཀྱི་སྤྲུལ་སྐུ་ཆེ་ཆུང་ཚང་མས་འདི་ལྟའི་ཐུགས་སྐྱེད་རེ་གནང་སྟེ་འཇིག་རྟེན་མི་སྡེ་རུ་ཡོད་པའི་ཁ་ཡོད་ལག་ཡོད་ཀྱི་དཀའ་ངལ་རིགས་སེལ་ཐབས་དང་། ནང་སྒོས་སུ་བོད་གངས་ཅན་གྱི་ཡུལ་ནས་མགོ་བརྩམས་ཏེ་ནང་ཆོས་ཀྱི་གཟི་འོད་ངོ་མ་དེ་འཇིག་རྟེན་སྐྱེ་འགྲོ་ཡོངས་ཀྱི་སྟེང་འཕྲོ་ཐུབ་པ་ཞིག་གནང་རྒྱུ་གལ་ཆེན་རེད།

དྲ་གྲོགས་རྟ་བདུན་མིང་ཅན་ལགས།
སྤྱིར་བླ་ཆེན་ཞིག་ཡིན་པའི་ཆ་ནས་མདོ་སྔགས་ཡོངས་རྫོགས་ལ་ཐོས་བསམ་དཔྱིས་ཕྱིན་པ་ཞིག་བྱེད་དགོས་པ་སྨོས་མེད་རེད།
དེ་དང་ཆབས་ཅིག་བོད་པ་ཞིག་ཡིན་པའི་ཆ་ནས་དེང་དུས་ཛ་དྲག་བོད་ཀྱི་གནས་སྟངས་ལ་གཞིག་པའི་བོད་མི་དམངས་ཀྱི་བདེ་དོན་དེ་༸གོང་ས་མཆོག་གཅིག་པུར་མ་ཡིན་པར་བླ་ཆེན་མི་ཆེན་ཚང་མས་ཆར་གྲུ་མཉམ་འདེགས་བྱེད་རྒྱུ་ནི་ཕྲག་དུ་བབས་པའི་ལས་འགན་རེད། དེར་བརྟེན་ཁྱེད་ཀྱིས་དེང་དུས་ཀྱི་གཙུག་ལག་སློབ་གྲ་ཞིག་ཏུ་བསྐྱོད་ནས་དེང་དུས་ཀྱི་ཤེས་བྱ་སློབ་དགོས་ཀྱི་མ་རེད། ཅེས་པར་མོས་མཐུན་མེད་དེ་སྔོན་བོད་དེར་ནང་ཆོས་ཀྱིས་ས་དར་རྡོ་དར་ཡིན་ཀྱང་དེང་དུས་ཀྱི་ཤེས་ཡོན་སོགས་ཀྱིས་འཕོངས་ནས་མཐར་མི་མོས་རང་སྐྱིད་ཀྱི་བོད་དེ་དགྲ་ལག་ཏུ་ཤོར་བ་མངོན་གསལ་རེད། ད་དུང་ཡང་ནང་ཆོས་གཅིག་པུར་མགོ་འཁོར་ཏེ་འཛམ་གླིང་གི་འགྲོ་སྟངས་དང་དེང་དུས་ཀྱི་ཤེས་བྱ་ཡོན་ཏན་བཅས་ལ་སྦྱང་པ་མེད་ན་འོད་སྟོང་འབར་བའི་མ་འོང་བོད་དེ་ཇི་ལྟར་སླར་གསོ་བྱེད།།

ལོ་ན་ཉེར་གསུམ་ལས་སོན་མེད་པའི་བོད་ཀྱི་སྤྲུལ་སྐུ་འདིས་རླབས་ཆེན་གྱི་དགོངས་གཞི་མཐའ་དག་ལྷུན་གྱིས་འགྲུབ་པར་ཤོག

དྲ་རྒྱ་འདིར་ཕེབས་པར་དགའ་བསུ་ཞུ།
http://www.amapakto.com/index.html