འདི་ལོའི་རྒྱ་གར་རྒྱལ་ཡོངས་ཀྱི་འཛིན་རིམ་བཅུ་གཉིས་ཀྱི་ཡིག་རྒྱུགས་སྐབས། གྷོལ་པ་པུར་བོད་ཁྱིམ་སློབ་གྲྭའི་སློབ་མ་བརྒྱ་ཆ་བརྒྱ་ཡིས་ཡིག་རྒྱུགས་འཕྲོད་པར་བརྟེན་ཨང་དང་པོ་ཆགས་འདུག དེ་བཞིན་སློབ་གྲྭ་ཁག་ ༡༤ ཡི་གྲུབ་འབྲས་ལོ་སྔོན་མ་ལས་བརྒྱ་ཆ་བཞི་ཚེག་བཞི་འཕར་ཡོད་པ་རེད།
ཕྱི་ཚེས་ ༢༢ ཉིན་ ༢༠༠༩ ལོའི་རྒྱ་གར་རྒྱལ་ཡོངས་འཛིན་རིམ་བཅུ་གཉིས་ཀྱི་ཡིག་རྒྱུགས་ཆེན་མོའི་གྲུབ་འབྲས་ཡོངས་སུ་གསལ་བསྒྲགས་གནང་ཡོད་ལ། ལོ་འདིའི་རྒྱལ་ཡོངས་འཛིན་རིམ་བཅུ་གཉིས་ཀྱི་ཡིག་རྒྱུགས་ཆེན་མོའི་ཁྲོད་བཙན་བྱོལ་བོད་ཀྱི་སློབ་གྲྭ་ཁག་ ༡༤ ཡི་སློབ་མ་ ༡༢༤༡ རྒྱལ་ཡོངས་ཡིག་རྒྱུགས་ལ་འཛུལ་ཞུགས་བྱས་ཡོད་པ་དང་། ཡིག་རྒྱུགས་ཡོངས་སུ་འཕྲོད་པའི་སློབ་མ་ ༡༡༥༤ དང་། བསྐྱར་རྒྱུགས་གཏོང་དགོས་མཁན ༧༧ ། ཡིག་རྒྱུགས་འཕྲོད་མེད་མཁན་གྱི་སློབ་མ་ ༡༠ ཡོད། ལོ་འདིའི་ཡིག་རྒྱུགས་ཆེན་མོའི་བརྒྱ་ཆ་ལོ་སྔོན་མའི་བརྒྱ་ཆའི་ ༨༩༌༦ ལས་འཕར་སྣོན་བྱུང་སྟེ་བརྒྱ་ཆའི་ ༩༢༌༩༩ ཡི་གྲུབ་འབྲས་བླངས་ཡོད་པ་མ་ཟད། ཐེངས་འདིའི་ཡིག་རྒྱུགས་འཛུལ་ཞུགས་བྱས་པའི་སློབ་ཕྲུག་བུ་ ༥༣༠ ཡོད་པའི་ཁྲོད་ཀྱི་སློབ་མ་ ༤༩༨ ཡིས་ཡིག་རྒྱུགས་འཕྲོད་ཡོད་ལ། ཆ་སྙོམས་གྲུབ་འབྲས་བརྒྱ་ཆ་ ༩༣༌༩༦ བླངས་ཡོད་པ་དང་། སློབ་མ་བུ་མོ་ ༧༡༡ འཛུལ་ཞུགས་བྱས་པའི་ཁྲོད་ ༦༥༦ ཡིས་ཡིག་རྒྱུགས་འཕྲོད་ཡོད་ལ། ཆ་སྙོམས་གྲུབ་འབྲས་བརྒྱ་ཆ་ ༩༢༌༢༦ བླངས་ཡོད། སློབ་མ་སྒེར་ངོས་ནས་བཤད་ན། ཚན་རིག་སྡེ་ཚན་དུ་ངྷ་སྟེང་བོད་ཁྱིམ་སློབ་གྲྭའི་སློབ་མ་རྡོ་རྗེ་རྒྱལ་མཚན་གྱིས་བརྒྱ་ཆ་ ༨༨ ཡི་གྲུབ་འབྲས་བླངས་ཏེ་ཨང་དང་པོ་བླངས་ཡོད་པ་དང་། ཚོང་ལས་སྡེ་ཚན་ནང་སྤེལ་ཀོབ་བོད་ཁྱིམ་སློབ་གྲྭའི་སློབ་མ་སྐལ་བཟང་བདེ་སྐྱིད་ཀྱིས་བརྒྱ་ཆ་ ༩༢༌༨ ཡི་གྲུབ་འབྲས་བླངས་ཏེ་ཨང་དང་པོ། སྒྱུ་རྩལ་སྡེ་ཚན་ནང་ཀ་སྦུག་གཏན་སློབ་གྱི་སློབ་མ་སངས་རྒྱས་ཆོས་སྒྲོན་གྱིས་བརྒྱ་ཆ་ ༨༧༌༢ ཡི་གྲུབ་འབྲས་བླངས་ཏེ་ཨང་དང་པོ་བླངས་ཡོད་པ་དང་། ཐེངས་འདིའི་བཙན་བྱོལ་བོད་མིའི་སློབ་གྲྭ་ཁག་ ༡༤ ཁྲོད་གྷོལ་པ་པུར་སློབ་གྲྭས་ཡིག་རྒྱུགས་ཁྲོད་བརྒྱ་ཆ་བརྒྱ་ཡི་གྲུབ་འབྲས་བླངས་ཏེ་ཨང་དང་པོ་ཐོབ་ཡོད་པ་དང་། སྦེལ་ཀོབ་བོད་ཁྱིམ་སློབ་གྲྭས་བརྒྱ་ཆ་ ༩༦༌༢༢ གྲུབ་འབྲས་བླངས་ཏེ་ཨང་གཉིས་པ། རྡོར་གླིང་གཏན་སློབ་ཀྱིས་བརྒྱ་ཆ་ ༩༥༌༨༣ ཡི་གྲུབ་འབྲས་བླངས་ཏེ་ཨང་གསུམ་པའི་གྲུབ་འབྲས་བླངས་ཡོད་པ་དང་། བཙན་བྱོལ་བོད་ཀྱི་སློབ་གྲྭ་ཁག་ ༡༤ ནང་ཐེངས་འདིའི་བོད་ཡིག་གི་ཡིག་རྒྱུགས་ཁྲོད་སློབ་མ་ ༣༠ ལ་བརྒྱ་ཆ་ ༩༠ ཡན་གྱི་གྲུབ་འབྲས་ཐོབ་ཡོད་པ་རེད།
![FILE - Venezuelan opposition leader Maria Corina Machado gestures at a protest ahead of the Friday inauguration of President Nicolas Maduro for his third term, in Caracas, Venezuela January 9, 2025. [File photo: Reuters/Maxwell Briceno]](https://tibettimes.net/wp-content/uploads/2025/10/Maria-Corina-Machado--360x180.jpg)
![Hungary's Laszlo Krasznahorkai poses for photographers in London [File: Matt Dunham/AP]](https://tibettimes.net/wp-content/uploads/2025/10/Screenshot-2025-10-10-at-2.23.17-PM-360x180.png)
མཁྱེན་སྤྱོད་མཁའ་ལྟར་ཡངས་བའི་སློབ་མ་རྣམས།
བཀྲ་ཤིས་བདེ་ལེགས།
བཀའ་དྲིན་ཆེ།
ཧ་ཅང་གི་ཡག་པོ་རེད། ད་ལོ་ལ་ལྟས་ན་ཡར་རྒྱས་འགྲོ་ས་རེད།
ང་ཚོ་རེ་བ་ཡོད་རྒྱུ་རེད་བསམ་གྱི་འདུག
བཀྲ་ཤིས་བདེ་ལེགས་ཞུ་རྒྱུ་ཡིན།
གོང་དུ་ལྡབ་ལོག་ཤོར་སོང་བས་དགོངས་དག་ཞུ།
ཡར་རྒྱས་ཕྱིན་པར་བསྟོད་བསྔགས་ཞུ་འོས་པ་རེད།
འདིའི་གསར་འགོད་པར་ཞུ་རྒྱུ་ཞིག་ལ། བོད་སློབ་ཚོ་དང་རྒྱ་གར་བ་ཚོའི་ཡིག་རྒྱུགས་གྲུབ་འབྲས་གཉིས་མ་བསྡུར་པ་ག་རེ་རེད་ཨཱ།
འདིར་”ཆ་སྙོམས་གྲུབ་འབྲས་བརྒྱ་ཆ་ ༩༢༌༢༦ བླངས་ཡོད། “ཟེར་འདི་ཆ་སྙོམས་ཡིག་རྒྱུགས་འཕྲོད་པའི་བརྒྱ་ཆ་ཡིན་འདུག་པ་ལས་འདི་ཆ་སྙོམས་གྲུབ་འབྲས་བརྒྱ་ཆ་ཡིན་མི་སྲིད་པ་ཡིག་རྒྱུགས་ཨང་དང་པོ་རག་མཁན་གཅིག་གིས་མ་གཏོགས་གོང་གི་ཆ་སྙོམས་བརྒྱ་ཆ་དེ་ལས་བརྒལ་ཐུབ་མེད་པས་རེད།
ད་ལོ་དང་སྔོན་ལོ་བསྡུར་ན་ད་ལོ་བརྒྱ་ཆ་4.36% འཕར་ཡོད་པ་དང་། སློབ་བུ་དང་སློབ་མོའི་ཡིག་རྒྱུགས་བསྡུར་ན་སློབ་བུ་ཚོ་1.7% མཐོ་བ་ལོན་ཡོད་ཟེར་རྒྱུ་ན་ཁ་གསལ་པ་འདུག་སྙམ། དེ་དང་ཆ་མཉམ་གྲུབ་འབྲས་ཀྱི་བརྒྱ་ཆ་དེ་འདི་བཀོད་ན་ཡག་པོ་འདུག བཀའ་དྲིན་ཆེ།
ཡར་རྒྱས་ཕྱིན་པར་བསྟོད་བསྔགས་ཞུ་འོས་པ་རེད།
འདིའི་གསར་འགོད་པར་ཞུ་རྒྱུ་ཞིག་ལ། བོད་སློབ་ཚོ་དང་རྒྱ་གར་བ་ཚོའི་ཡིག་རྒྱུགས་གྲུབ་འབྲས་གཉིས་མ་བསྡུར་པ་ག་རེ་རེད་ཨཱ།
འདིར་”ཆ་སྙོམས་གྲུབ་འབྲས་བརྒྱ་ཆ་ ༩༢༌༢༦ བླངས་ཡོད། “ཟེར་འདི་ཆ་སྙོམས་ཡིག་རྒྱུགས་འཕྲོད་པའི་བརྒྱ་ཆ་ཡིན་འདུག་པ་ལས་འདི་ཆ་སྙོམས་གྲུབ་འབྲས་བརྒྱ་ཆ་ཡིན་མི་སྲིད་པ་ཡིག་རྒྱུགས་ཨང་དང་པོ་རག་མཁན་གཅིག་གིས་མ་གཏོགས་གོང་གི་ཆ་སྙོམས་བརྒྱ་ཆ་དེ་ལས་བརྒལ་ཐུབ་མེད་པས་རེད།
ད་ལོ་དང་སྔོན་ལོ་བསྡུར་ན་ད་ལོ་བརྒྱ་ཆ་4.36% འཕར་ཡོད་པ་དང་། སློབ་བུ་དང་སློབ་མོའི་ཡིག་རྒྱུགས་བསྡུར་ན་སློབ་བུ་ཚོ་1.7% མཐོ་བ་ལོན་ཡོད་ཟེར་རྒྱུ་ན་ཁ་གསལ་པ་འདུག་སྙམ། དེ་དང་ཆ་མཉམ་གྲུབ་འབྲས་ཀྱི་བརྒྱ་ཆ་དེ་འདི་བཀོད་ན་ཡག་པོ་འདུག བཀའ་དྲིན་
དགེ་ལས་སློབ་གཉེར་བ་ཡོངས་ནས་འབད་པ་ཆེར་བསྐྱེད་གནང་པའི་འབྲས་རྟགས་བཟང་པོར། འདི་ལོའི་རྒྱ་གར་རྒྱལ་ཡོངས་ཀྱི་འཛིན་རིམ་བཅུ་གཉིས་ཡིག་རྒྱུགས་གྲུབ་འབྲས་ཨང་དང་པོ་བླངས་པར་བསྔགས་བརྗོད་དང་རྒྱུན་གནས་ཡོང་བའི་སྨོན་འདུན་ཞུ།