བོད་འདི་ལོ་རྒྱུས་ཀྱི་ཐོག་ནས་རྒྱ་ནག་གི་ཆ་ཤས་མིན་པ་གསལ་བོ་གསལ་རྐྱང་རེད། ང་རང་ནི་འདིའི་སྐོར་ལ་ཉམས་ཞིབ་བྱེད་མཁན་ཞིག་ཡིན་པའི་ཆ་ནས་དངོས་ཡོད་ཀྱི་ལོ་རྒྱུས་དྲང་བོར་བཤད་དགོས་པ་རེད། དེ་ང་རང་གི་ལས་འགན་ཆགས་ཡོད་ཟེར།
ཕྱི་ཚེས་ ༢༠ ཉིན་གྱི་ཕྱི་དྲོ་ཨ་མྱེས་རྨ་ཆེན་བོད་ཀྱི་རིག་གཞུང་གཅེས་སྐྱོང་ཁང་དང་བོད་ཀྱི་དཔེ་མཛོད་ཁང་གཉིས་ཀྱི་གོ་སྒྲིག་འོག་ཨ་རིའི་ཨེན་ཌི་ཡ་ན་གཙུག་ལག་སློབ་གྲྭ་ཆེན་མོའི་དགེ་རྒན་ཆེན་མོ་སྤེར་ལིང་མཆོག་གདན་འདྲེན་གནང་སྟེ། གངས་དཀྱིལ་བོད་ཀྱི་དཔེ་མཛོད་ཁང་དུ་རྒྱ་ནག་གི་ཆ་ཤས་ཡིན་པའི་ཐོག་བོད་ཀྱི་ལོ་རྒྱུས་ཀྱི་གནས་བབ་ལ་རྒྱ་མིའི་ལྟ་སྟངས་གསར་པ་ལ་འགྲེལ་བརྗོད་ཅེས་པའི་བརྗོད་གཞིའི་ཐོག་གཏམ་བཤད་གནང་སོང་ལ། དེར་བཙན་བྱོལ་བོད་མའི་གཞུང་ཞབས་ལས་བྱེད་དང་ཕྱི་གླིང་བ་སོགས་མི་ལྔ་བཅུ་ལྷག་འདུ་འཛོམས་ཡོད། སྐབས་དེར། ཨ་མྱེས་རྨ་ཆེན་བོད་ཀྱི་རིག་གཞུང་གཅེས་སྐྱོང་ཁང་གི་འགན་འཛིན་བཀྲ་ཤིས་ཚེ་རིང་ལགས་ཀྱིས་ཐེངས་འདིའི་གཏམ་བཤད་གནང་མཁན་ངོ་སྤྲོད་དང་འབྲེལ་གསུངས་དོན། དེང་སྐབས་ཨ་རི་གཙོས་ནུབ་ཕྱོགས་པའི་མགོ་སེར་མང་པོས་བོད་རིག་པའི་ཐོག་ཞིབ་འཇུག་བྱེད་ཀྱིན་ཡོད་པ་རེད། དེའི་ཁྲོད་ཀྱི་མི་མང་པོ་ཞིག་ངྷ་ས་གཙོས། བཙན་བྱོལ་བོད་མིའི་གཞིས་ཆགས་ཁག་དང་མཐོ་རིམ་སློབ་གྲྭ་ཁག དགོན་སྡེ་ཁག་སོགས་ཀྱི་ནང་སློབ་སྦྱོང་དང་ཉམས་ཞིབ་ཀྱི་ཕྱག་ལས་གནང་བཞིན་པའི་རིགས་གཅིག་ཡོད་པ་དང་། ཡང་། དེ་དག་ལ་ཉམས་ཞིབ་གནང་རྗེས་བོད་ནང་དངོས་སུ་ཆས་ཏེ་བོད་ཀྱི་སྤྱི་ཚོགས་ཚན་རིག་ཞིབ་འཇུག་ཁང་དང་བོད་རིག་པའི་ཞིབ་འཇུག་ཁང་། དེ་མིན་སློབ་ཆེན་ཁག་སོགས་ལ་འབྲེལ་བ་བྱས་ཏེ་བོད་ཀྱི་སྐོར་ལ་ཉམས་ཞིབ་བྱེད་མཁན་ཁག་ཅིག་ཡོད་པ་རེད། ཡིན་ནའང། ང་ཚོའི་ངོས་ནས་གཞུང་སྒེར་སུ་ཡིན་ཡང་ཉམས་ཞིབ་བྱེད་མཁན་འདིའི་
རིགས་ལ་ཆ་རྐྱེན་སྐྲུན་ཐུབ་ཀྱི་མི་འདུག་བསམ། སྔོན་མ་དྲུག་ཅུ་ཐམ་པའི་དུས་སུ་ང་ཚོའི་དཔལ་འབྱོར་ཀྱི་མཐུན་རྐྱེན་ཞན་སྟབས་ཆ་རྐྱེན་སྐྲུན་ཐུབ་མེད་ཀྱང་། ད་ལྟ་ང་ཚོའི་གཞུང་ཚགས་ཚུད་དང་མཐུན་རྐྱེན་ཇེ་ལེགས་སུ་ཕྱིན་ཡོད་པ་རེད། དེ་ལྟ་ནའང། ང་ཚོ་བོད་པའི་བླ་མ་དང་དཔོན་པོ། གཞུང་ཞབས་སོགས་སུ་ཡིན་ཡང་ནུབ་ཕྱོགས་སུ་འགྲོ་རྒྱུ་ཁོ་ནར་དམིགས་ཀྱི་ཡོད་པ་ལས། བོད་མི་རིགས་ཀྱི་རིག་ཞུང་དང་བོད་སྐད་བོད་ཡིག་ལ་དོ་སྣང་བྱེད་མཁན་ཧ་ཅང་ཉུང་བའི་དུས་ཤིག་ལ་སླེབས་འདུག སྤྱིར་ཁོང་གིས་དེ་རིང་གཏམ་བཤད་གནང་རྒྱུའི་ནང་དོན་འདིའི་རིགས་ང་ཚོའི་གཞུང་སྒེར་གཉིས་དང་བོད་པ་ཞིག་གིས་ངེས་པར་སྒྲུབ་དགོས་པའི་ལས་ཀ་ཞིག་ཆགས་ཡོད་ལ། ལྷག་པར་དུ་ང་ཚོས་དོ་སྣང་བྱ་དགོས་པའི་ལོ་རྒྱུས་ཀྱི་གནད་དོན། གོ་མིན་ཏང་སྐབས་རྒྱ་མིའི་ལྟ་སྟངས་གང་འདྲ་ཡིན་མིན། ཁམས་དང་འབྲི་ཆུ་ཤར་བརྒྱུད་དང་ནུབ་བརྒྱུད་ཀྱི་བོད་ཀྱི་གནས་སྟངས་གང་འདྲ་ཡིན་མིན། འབྲི་ཆུ་ནུབ་བརྒྱུད་དང་སྡེ་བ་གཞུང་གི་སྐབས་སུ་རྒྱ་ནག་གིས་བོད་ལ་ལྟ་སྟངས་གང་འདྲ་ཡོད་མེད། ཨ་མདོ་ས་ཁུལ་ཏུ་རྒྱ་མིའི་ལྟ་སྟངས་གང་འདྲ་ཡོད་མེད་དང་། གྲོས་མཐུན་དོན་ཚན་བཅུ་བདུན་དང་རང་སྐྱོང་ལྗོངས་དབུ་བརྙེས་རྗེས་སོགས་ཀྱི་དུས་སྐབས་དེ་དག་ལ་རྒྱ་མིས་བོད་ཀྱི་ལོ་རྒྱུས་ལ་འགྲེལ་བཤད་གང་འདྲ་རྒྱག་གིན་ཡོད་མེད་སྐོར་སོགས་ང་ཚོས་མཁྱེན་དགོས་པ་རེད། ཅེས་གསུངས་བྱུང་།
དེ་བཞིན་དགེ་རྒན་ཆེན་མོ་སྤེར་ལིང་གིས་་གཏམ་བཤད་གནང་དོན། རྒྱ་ནག་གིས་ལོ་རྒྱུས་ཀྱི་བདག་དབང་ཐོག་བསྒྱུར་བཅོས་ཆེན་པོ་ཞིག་བཏང་བ་རེད། གནའ་སྔ་མོའི་ཡོན་རྒྱལ་རབས་ནས་ད་ལྟའི་བར་བོད་རྒྱ་ཁོངས་ཡིན་ཟེར་གྱིན་ཡོད་པ་རེད། ཡིན་ནའང། དུས་ད་ལྟ་དེ་ནི་འདས་པའི་ལོ་རབས་ ༤༠ ཡས་མས་ཀྱི་ལྟ་བ་ཡིན་ཚུལ་བརྗོད་དེ་དེར་ངོས་ལེན་བྱེད་ཀྱིན་མེད་པ་རེད། གང་ཡིན་ཅེ་ན། ཡོན་རྒྱལ་རབས་ཀྱི་སྐབས་
སུ་བོད་རྒྱ་ཁོངས་མིན་པར་སོག་པོའི་ཁོངས་ཡིན་པ་དང་རྒྱ་ནག་ཡང་སོག་པའི་ཁོངས་ཡིན་པ་རྒྱ་ནག་ནང་དེེ་ལྟར་བཤད་མི་ཐུབ་ཀྱང། འཛམ་གླིང་གི་ལོ་རྒྱུས་ཞིབ་འཇུག་པ་ཚོས་དེར་ཁས་ལེན་ཞུ་གིན་ཡོད་པ་རེད། དེ་ལྟ་ནའང། རྒྱ་ནག་གིས། མི་རིགས་བྱུང་ནས་ད་ལྟའི་བར་བོད་རྒྱ་ཁོངས་ཡིན་ཚུལ་བརྗོད་ཀྱིན་ཡོད་པ་དང་། དེ་ལྟར་བརྗོད་དོན་ནི་དབྱིན་ཇི་དང་ཧྤ་རན་སིའི་དམག་མི་མ་བཏང་གོང་ཆིན་རྒྱལ་རབས་ཀྱི་ས་མཚམས་དེ་ཀྲུང་གོའི་ལོ་རྒྱུས་ཆ་ཚང་གི་ས་མཚམས་རེད། ཅེས་བརྗོད་ཀྱིན་ཡོད་པ་དང་། རྒྱ་ནག་གིས། དུས་རབས་ནས་དུས་རབས་སུ་ས་མཚམས་བསྒྱུར་བཅོས་འདྲ་མིན་གཏོང་གི་ཡོད་པ་རེད། གནས་ཚུལ་དེ་དག་གི་ཐད་ལོ་རྒྱུས་ཞིབ་འཇུག་པ་ཚོས་ཡིད་ཆེས་བྱེད་ཀྱིན་མེད་པ་རེེད། ང་རང་ལ་མཚོན་ནའང་དངོས་ཡོད་ཀྱི་ལོ་རྒྱུས་སྟེང་བོད་རྒྱ་ཁོངས་མིན་པའི་སྐོར་དྲང་བོར་བཤད་དགོས་པ་རེད། དེ་ང་རང་གི་ལས་འགན་ཆགས་ཡོད། ཅེས་གསུངས་བྱུང་ལ། ཡང་ཁོང་གིས། རྒྱ་ནག་གིས། སྤྱི་ལོ་ ༡༩༥༡ ལོའི་སྔོན་དུ་བོད་འདི་རང་བཙན་གཙང་མའི་རྒྱལ་ཁབ་ཅིག་ཡིན་པ་དང་། སྐབས་དེར་བོད་འདི་མན་ཇིའི་འོག་ཏུ་ཡོད་པ་རེད། གནས་ཚུལ་འདི་བོད་སོག་ཆིངས་ཡིག་ཏུ། “བོད་སོགས་མན་ཇུའི་འོག་ནས་ཐོན་པ་རེད། རང་བཙན་གྱི་རྒྱལ་ཁབ”ཅེས་ཡི་གེ་སྟེང་གསལ་བོར་འཁོད་ཡོད་པ་རེད་ལ། རྡོ་རིང་པནྜི་ཏའི་རྣམ་ཐར་དུའང་ཁོང་ཉིད་དུས་རབས་བཅོ་བརྒྱད་པའི་དུས་སུ་པེ་ཅིན་དུ་ཕྱིན་པ་དང་། བོད་མན་ཇི་གོང་མའི་མངའ་ཁོངས་ཡོད་པ་ངོས་ལེན་བྱས་ཡོད་ནའང། རྒྱ་ཁོངས་ཡིན་ཚུལ་དེའི་སྐབས་སུ་བྲིས་ཡོད་པ་མ་རེད། ཡིན་ནའང། བོད་རྒྱ་ཁོངས་ཡིན་པ་དང་རྒྱ་མིའི་ཆ་ཤས་ཡིན་པའི་ལྟ་བ་དེ་དུས་རབས་ ༢༠ ནང་གི་ལྟ་བ་ཞིག་རེད། རྒྱ་ནག་གིས། མི་རིགས་བྱུང་ནས་ད་ལྟའི་བར་བོད་འདི་རྒྱ་མིའི་མངའ་ཁོངས་ཡིན། ཅེས་བརྗོད་ཀྱིན་ཡོད་ཀྱང་ཁོང་ཚོར་བདེན་ལུགས་ཀྱི་ར་སྤྲོད་ཅི་ཡང་ཡོད་པ་མ་རེད། རྒྱ་མིས་རྒྱུ་མཚན་ཅི་ཞིག་ལ་བརྟེན་ནས་བོད་རྒྱ་ཁོངས་ཡིན་ཚུལ་བརྗོད་ཀྱིན་ཡོད་པ་རེད་ཅེ་ན། དུས་རབས་ ༡༩ ནས་བཟུང་ཉི་ཧོང་དང་ཨ་རི། ར་ཤི་ཡ་སོགས་བཙན་རྒྱལ་རིང་ལུགས་ཁག་ཅིག་གིས་རྒྱ་ནག་ལ་བཙན་འཛུལ་བྱས་རྗེས། རྒྱ་ནག་གིས་བཙན་རྒྱལ་རིང་ལུགས་ཀྱིས་བཟུང་བའི་ས་ཁོངས་ཡོངས་རྫོགས་ཕྱིར་གཅིག་གྱུར་གྱི་མངའ་ཁོངས་སུ་བསྡུ་དགོས་ཚུལ་བརྗོད་ཡོད་སྟབས། དུས་དེ་ནས་བཟུང་བོད་ཡང་ཁོང་ཚོའི་མངའ་ཁོངས་སུ་བསྡུས་ཏེ། ར་ཤི་ཡ་ལྟར་སྟོབས་ཆེན་རྒྱལ་ཁབ་ཆགས་དགོས་ཚུལ་ལ་བརྟེན་ནས་བོད་འདི་རྒྱ་མིའི་མངའ་ཁོངས་སུ་བསྡུ་ཐབས་བྱེད་ཀྱིན་ཡོད་པརེད། ཅེས་གསུངས་བྱུང།
དགེ་རྒན་ཆེན་མོ་སྤེར་ལིང་ནི། ད་ལྟ་ཨེན་ཌི་ཡ་ན་གཙུག་ལག་སློབ་གྲྭ་ཆེན་མོའི་ནང་དགེ་རྒན་གྱི་ཕྱག་ལས་གནང་གིན་ཡོད་པ་དང་། དུས་ཡུན་རིང་བོར་བོད་ཀྱི་སྐོར་ལ་ཞིབ་འཇུག་དང་ཉམས་ཞིབ་གནང་མཁན་ཞིག་ཡིན་འདུག
P-±ô-±P-¤Å-zôh-mÛ-¼P-z®m-HÛ-M¾-Dz-ŸÛG-»Ûm-q-ÁïÅ-zŸÛm-hÝü G-¼ï-‚Å-mÅ-M-mG-GÛ-M¾-DôPÅ-hÝ-ºhÝG-hGôÅ-Ťü
སྤྱིར་ང་ཚོ་བོད་མི་རྣམས་ཀྱི་༼བོད༽ཞེས་པ་དེ་བོད་ཆོལ་ཁ་གསུམ་ལ་གོ་བ་ལེན་པ་རེད། ཡིན་ནའང་རྒྱ་གཞུང་གི་ཁྱད་བསྒྲགས་བྱེད་སྟང་དང་གོ་བ་ལེན་ལུགས་དེ་༼བོད༽ཅེས་པ་དེ་བོད་རང་ལྗོངས་གཅིག་པུ་ལ་ངོས་འཛིན་དང་ཁྱབ་བསྒྲགས་བྱེད་ཀྱིན་ཡོད་རེད། དེའི་སྐྱེན་གྱིས་ཕྱི་རྒྱལ་བ་ཕར་ཆེར་བ་དང་། ལྷག་པར་དུ་རྒྱ་ནག་གི་མི་ཕྱིའི་རྒྱལ་ཁག་ན་ཡོད་པ་ཚོ་ལ་ང་བོད་པ་ཡིན། སྐྱེ་ཡུལ་སུ་ཁྲོན། མཚོ་སྔོན། ཀན་སུ། ཡང་ན་ཡུའུ་ནན་གང་ཡང་རུང་བ་ཞིག་ཡིན་པར་བརྗོད་ན་ཁོ་ཚོ་ཧང་སང་བ་རེད། དངོས་གནས་ཁོང་ཚོའི་བོད་ཞེས་པ་དེ་བོད་རང་ལྗོངས་གཅིག་པུ་རེད་བསམ་གྱིན་ཡོད་ལ། དེར་མ་ཟད་དེང་སེང་གི་ས་ཁྲ་ཚད་ལྡན་ཕར་ཆེ་བའི་སྟེང་དུ་གཟིགས་དང་། བོད་ཞེས་པ་དེ་བོད་རང་ལྗོངས་གཅིག་པུ་ཡིན་པར་བྲིས་ཡོད།
ད་ཁྱེད་ཚོས་དངོས་ནས་༧གོང་ས་མཆོག་འདུག་གི་གཞུག་ན་ཡག་པོ་རེད། སྐད་ཆ་བཤད་རྒྱུ་ཡོད་ན་༧གོང་ས་མཆོག་གིས་ཅིག་ཅིག་བྱས་སོང་ཟེར་ནས་མགོ་ནས་འདྲུད་དེ་མ་ཡོང་རོགས། བོད་ནང་ནས་གཞོན་སྐྱེས་མི་ཉུང་བ་ཞིག་གིས་༧གོང་ས་མཆོག་ལ་མ་ཉེས་ཁ་གཡོག་བྱས་པའི་རྩོམ་ཡིག་ཀྱ་ཀྱོག་འདི་འདྲ་སྤེལ། འདི་ནས་ཀྱང་མི་རེ་ཟུང་གིས་༧གོང་ས་མཆོག་གིས་མ་འཇོན་པ་དང་མ་ནུས་པ་འདྲ་བོ་བཤད་དེ་ཡོང་ན་དངོས་ནས་སེམས་སྐྱོ་བ་ཞིག་རེད། ཁྱེད་ཅག་གིས་༧གོང་ས་མཆོག་གིས་བོད་འདི་ལོ་རྒྱུས་སྟེང་ནས་རང་བཙན་ཡིན་པ་སྨྲོས་མེད་རེད། དེ་ལ་སུས་ཀྱང་འགྱུར་བ་གཏོང་ཐུབ་ཀྱི་མ་རེད་ཟེར་ནས་གསུང་བ་དེ་དག་ཁྱེད་ཅག་གིས་མ་གོ་བ་ནི་ཡིན་རྒྱུ་མ་རེད། ད་འདུག་གི་གཞུག་ན་ཡག་པོ་རེད། སྐུ་མཁྱེན་གླེང་མོལ་བྱེད་འདོད་ཡོད་ན་ཐད་ཀར་མི་སྣ་འདི་དག་ལ་ཐད་ཀར་དྲི་བ་བཏང་ན་འགྲིག་གི་རེད། དེ་མིན་མགོ་གཉིས་མ་བཤད་ཀྱི་འདུག་ཟེར་བ་སོགས་མི་དེའི་རིགས་ཀྱི་མི་གོ་ས་ག་ཚོད་བཤད་ཀྱང་ཕན་གྱི་མ་རེད།
ཁོ་རེ་འུར་མ་རྒྱག གལ་སྲིད་བོད་དེ་བཞིན་རང་བཙན་ཡིན་ན། དེང་སྐབས་ཏཱ་ལའི་བླ་མ་གཙོ་བྱས་མི་མང་བོ་ཞིག་གིས་ཅིའི་ཕྱིར༼རྒྱ་ནག་གཞུང་ལ་དབུས་གཞུང༽ཞེས་འབོད་ཀྱི་ཡོད་དམ།
འདི་ཚོའི་གྲངས་ཀྱིས་དོན་དག་མེད་པར་དོན་དག་བཙལ་ནས་རང་དོན་སྐྱོར་གི་ཡོད་པ་རེད།
ཁ ནང་ལ་དུག་འཇོག་རྒྱུ་འདི་ཚོ།
ཁ་ནང་དུ་དུག་འཇོག་རྒྱུ་འདི་ཚོས་ཅི་ཟེར་གི།
བོད་རང་བཙན་གཙང་མ་ཡིན་པ་ལོ་རྒྱུས་ཀྱི་ཤོག་ངོས་ན་གསལ་བོ་ཡོད་པ་རེད།
འདི་སུས་ཀྱང་ནག་བསུབ་གཏོང་དཀའ་མོ་ཡིན་པ་རེད།
བོད་རྒྱ་ནག་གི་ཆ་ཤས་ཡིན་མིན་གྱི་སྐད་ཆ་བཤད་མཁན་འདི་ཚོས་བོད་འདི་རྒྱ་ནག་དང་མཉམ་སྦྱར་བྱེད་བསམ་གྱི་ཡོད་པའི་དོགས་པ་ང་ལ་ནམ་རྒྱུན་སྐྱེས་ཀྱིན་འདུག
ཕལ་ཆེར་རང་གིས་འཁྲུལ་མེད་ན་རྩོམ་ཡིག་འདིར་དོན་དངོས་དང་འབྲི་རྩལ་གྱི་ཐོག་ནས་འགལ་བ་གཉིས་མཐོང༌།
དང་པོ་དུམ་མཚམས་འདི་དང༌། <<དེ་བཞིན་དགེ་རྒན་ཆེན་མོ་སྤེར་ལིང་གིས་་གཏམ་བཤད་གནང་དོན། རྒྱ་ནག་གིས་ལོ་རྒྱུས་ཀྱི་བདག་དབང་ཐོག་བསྒྱུར་བཅོས་ཆེན་པོ་ཞིག་བཏང་བ་རེད། གནའ་སྔ་མོའི་ཡོན་རྒྱལ་རབས་ནས་ད་ལྟའི་བར་བོད་རྒྱ་ཁོངས་ཡིན་ཟེར་གྱིན་ཡོད་པ་རེད། ཡིན་ནའང། དུས་ད་ལྟ་དེ་ནི་འདས་པའི་ལོ་རབས་ ༤༠ ཡས་མས་ཀྱི་ལྟ་བ་ཡིན་ཚུལ་བརྗོད་དེ་དེར་ངོས་ལེན་བྱེད་ཀྱིན་མེད་པ་རེད། གང་ཡིན་ཅེ་ན། ཡོན་རྒྱལ་རབས་ཀྱི་སྐབས་སུ་བོད་རྒྱ་ཁོངས་མིན་པར་སོག་པོའི་ཁོངས་ཡིན་པ་དང་རྒྱ་ནག་ཡང་སོག་པའི་ཁོངས་ཡིན་པ་རྒྱ་ནག་ནང་དཻ་ལྟར་བཤད་མི་ཐུབ་ཀྱང། འཛམ་གླིང་གི་ལོ་རྒྱུས་ཞིབ་འཇུག་པ་ཚོས་དེར་ཁས་ལེན་ཞུ་གིན་ཡོད་པ་རེད། >>
གཉིས་པ། <<ཡང་ཁོང་གིས། རྒྱ་ནག་གིས། སྤྱི་ལོ་ ༡༩༥༡ ལོའི་སྔོན་དུ་བོད་འདི་རང་བཙན་གཙང་མའི་རྒྱལ་ཁབ་ཅིག་ཡིན་པ་དང༌། སྐབས་དེར་བོད་འདི་མན་ཇིའི་འོག་ཏུ་ཡོད་པ་རེད། >>
དུམ་མཚམས་འདི་ཡིན་དུམ་མཚམས་ཕྱི་མ་འདི་འབྲི་དུས་ཏོག་ཙམ་ཏག་ཏག་བསྡད་མེད་པ་འདྲ།