སེམས་པ་ཕར་འགྲོ་ཚུར་འགྲོ།
རང་རིགས་དོན་ལ་འགྲོ་བའི།།
ནང་གི་ཤེས་པའི་འཁོར་ལོ།།
འཇིག་རྟེན་འདི་ནས་འཁོར་ན།།
འཁོར་བའི་ཨ་ལོང་འདི་ལས།།
འཁོར་ས་རང་གི་ཕ་ཡུལ།།
གངས་ཅན་བོད་ཀྱི་ཡུལ་རེད།།
འཁོར་བ་འཁོར་ནས་འགྲོ་བ།།
སྲིད་པའི་གཏམ་ཏུ་ཡོད་ཀྱང་།།
འཁོར་བའི་འཁོར་ཚུལ་འདི་ལ།།
འཁོར་བའི་བྱེད་ལུས་མཐའ་དག།
འཁོར་བའི་མི་ལ་དབང་མིན།།
འཇིག་རྟེན་མི་ཡིས་ཤེས་དགོས།།
ཤེས་པ་གནད་དུ་ཕབ་ནས།།
རང་རྒྱལ་གཞན་ཕམ་རྩོད་དགོས།།
ཟེར་ནས་བསྒྲགས་པ་མིན་ཀྱང་།།
རང་གི་གཅེས་པའི་སྲོག་དང་།།
གཞན་གྱི་གཅེས་པའི་སྲོག་ལ།།
འདྲ་མཉམ་ཡིན་པ་ཤེས་དགོས།།
འདྲ་མཉམ་དེའི་ཆེད་དུ།།
འཁོར་བ་ཇི་འདྲ་འཁོར་ཡང་།།
འཁོར་བའི་དོན་ཏུ་ལོས་འབད།།
འབད་དང་སྒྲུབ་པའི་བར་ཏུ།།
འཁོར་བའི་ནང་གི་བྱ་བཞག།
ལྷོད་མེད་རིགས་ཞེན་དོན་ལ།།
འཁོར་བར་གནས་དོན་སྙེགས་དགོས།།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
ཇིང་སྲས་ལགས་ཕེབས་པ་དགའ་བསུ་ཞུ། ཡང་ཡང་ཕེབས་རྒྱུ་རེ་བ་ཡོད། བཞི་བདག་གི་ཚུལ་གྱིས།
གཞི་བདག་ང་རྟགས་པར་ཡོང་གི་ཡོད། ཤི་མ་སོང་པའི་སྔ་གཞུག་དེར།
གཉའ་འབྲོང་ཐུ་བུ་ལགས། ཉིད་ཀྱིས་གསུང་བ་བདེན་ཤས་ཆེ། ནམ་རྒྱུན་ཏུ་ཕ་ཡུལ་མིག་ལམ་ཏུ་ཤར་མཁན་གྱི་འུ་ཅག་ལ་མཚོན་ན་འཁོར་ཚུལ་དེ་འདྲ་རེ་ཡོད་ངེས་ཡིན།
ཆུ་ཐིགས་སྔོན་མོ་ལགས། སྙན་ངག་འདི་ཁྱི་རྔ་འདོག་རན་སོང་བ་མིན་ན། ཧཧཧཧཧཧ
གངས་རིའི་གླིང་བུ་ལགས།
དུས་ཀྱི་འཁོར་ལོ་འདི་ལྟར་འཁོར་ས་ནས།།
སེམས་ཀྱི་ཕྱི་ནང་འཁོར་བའི་ངང་ཚུལ་འདི།།
དྲན་པའི་གཟུགས་སུ་བྲིས་པའི་ཡིག་ནོར་སོགས།།
བལྟ་བཞིན་ཀློག་བཞིན་ཉོབ་སྣང་མ་སྐྱེས་པར།།
ཚིགས་བཅད་གཅིག་གིས་རམ་འདེགས་བྱས་པ་བསྟོད།།
བདེ་སྡུག་གོ་ཟློག་གི་འཁོར་བ།།
ཆགས་སྡང་མེ་དཔུང་གི་ཁྱིམ་གཞི།།
མིག་ཟུངས་སླུ་བྲིད་ཀྱི་སྒྱུ་མ།།
ཡིད་གཏད་མེད་པ་ཡི་ཟློས་གར།།
དྲ་གྲོགས་ཤ་ཁྲག་ལགས་བདེ་བོ། ངས་ཁྱེད་ཀྱི་སྙན་ངག་བཀླགས་ཟིན་པ་ཡིན། དེང་རབས་སྙན་ངག་པ་བོད་ཀྱི་དོར་ཤུལ་རྒྱ་མཚོའི་སྙན་དེབ་དེ་ཡིད་ལ་འཁོར་སོང་། ད་དུང་ཡིག་ནོར་ལ་གཟབ་དགོས་འདུག
དྲ་གྲོགས་ཤ་ཁྲག་རུས་གསུམ་གྱིས་འཁོར་བ་འཁོར་ཚུལ་དེ་ཕ་ཡུལ་ལ་འཁཽར་ཚུལ་ཞིག་རེད་། དེ་འདྲའི་རང་དབང་ཞིག་ཨེ་ཡོད་ན།