ཕྱི་ཚེས་ ༢༥ ཉིན་༧གོང་ས་མཆོག་གིས་ངྷ་སྟེང་བོད་ཁྱིམ་སློབ་གྲྭའི་ནང་དུ་བོད་རིགས་གཞོན་སྐྱེས་ཚོར་ནང་ཆོས་ངོ་སྤྲོད་གནང་སྐབས། རྒྱ་རིགས་རྩོམ་པ་པོ་ཝང་ལི་ཞོང་གཙོས་པའི་རྒྱ་རིགས་རྩོམ་པ་པོ་དང་ཤེས་ཡོན་པ་རྣམས་ལ་ང་ཚོས་རྣམ་འགྱུར་སྟོན་ཕྱོགས་ཐད་བཀའ་སློབ་ཐུང་ཐུང་ཞིག་གནང་ཡོད་པ་རེད།
༧གོང་ས་མཆོག་གིས་གསུངས་དོན། ཝང་ལི་ཞོང་ནི་ལོ་མང་རིང་བོད་པའི་ཐོག་དྲང་པོ་དྲང་བཞག་གིས་རྩོམ་ཡིག་མང་པོ་འབྲི་མཁན་ཞིག་རེད། ལོ་སྔོན་མའི་དོན་རྐྱེན་བྱུང་བ་ནས་ང་རང་རྒྱ་མིའི་མཁས་པ་དང་རྩོམ་པ་པོ་མང་པོར་ཐུག་འཕྲད་བྱུང་སོང། དེ་དག་དངོས་གནས་ཡག་པོ་རེད། ལོ་སྔོན་མའི་དོན་རྐྱེན་བྱུང་བ་ནས་རྒྱ་མིའི་ནང་བོད་དོན་ཐོག་རྩོམ་ཡིག་འབྲི་མྱོང་མཁན་ ༥༠༠ ལྷག་བྱུང་ཡོད་པ་རེད། དེ་དག་ཚང་མས་བོད་དོན་ལ་རྒྱབ་སྐྱོར་དང་བོད་པ་ལ་ཤ་ཚ་བྱས་པ་རེད། དེ་བཞིན་ང་ཚོར་རྒྱབ་སྐྱོར་བྱེད་མཁན་དེ་དག་བརྒྱུད་་རིམ་བཞིན་ང་ཚོའི་ནུས་པ་གསལ་ཡོང་གི་ཡོད་པ་རེད། དེ་བས། དངོས་གནས་རླུང་ལངས་བྱས་ནས་བསྡད་པ་ཡིན་ན། ཡོང་རྒྱུ་ཡོད་པ་མ་རེད། སོ་སོའི་ལྷག་བསམ་རྣམ་དག་བྱས་ཏེ། ང་ཚོས་དབུ་མའི་ལམ་ཞེས་བཤད་བསྡད་ཡོད་སྟབས། གཉིས་ཕན་གྱི་ཐོག་བསམ་བློ་གཏོང་རྒྱུ་ཞིག་སླེབས་འོང་གི་ཡོད་པ་རེད། ཅེས་གསུངས་ཡོད་པ་རེད།
ཟླ་འདིའི་ཚེས་ ༢༣ ཉིན་ཕེན་བོད་ཀྱི་ཕྱི་སྡོད་རྩོམ་པ་པོའི་མཐུན་ཚོགས་ཀྱི་གོ་སྒྲིག་འོག གངས་སྐྱིད་དུ་རྒྱ་རིགས་རྩོམ་པ་པོ་ཝང་ལི་ཞོང་གིས་བཙན་བྱོལ་ནང་གི་ཤེས་ཡོན་པ་དང་གསར་འགོད་པ་སོགས་དོ་སྣང་ཡོད་རིགས་རྣམས་ལྷན་དུ་དུས་ཚོད་གསུམ་རིང་བགྲོ་གླེང་གནང་ཡོད་པ་རེད། ཡིན་ཡང་བགྲོ་གླེང་མགོ་འཛུགས་མ་བྱས་པའི་གོང་དུ་བོད་ཀྱི་རྩོམ་པ་པའི་མཐུན་ཚོགས་ཀྱི་ཚོགས་མི་ལྔས་ཝང་ལི་ཞོང་བོད་ཀྱི་རྩོམ་པ་པོའི་མཐུན་ཚོགས་ཀྱིས་གདན་ཞུ་བྱས་པ་དང་། ཁོང་གི་རྩ་བའི་ལངས་ཕྱོགས་བཅས་ལ་ངོ་རྒོལ་བྱ་ཆེད། བོད་ཀྱི་རྩོམ་པ་པོའི་མཐུན་ཚོགས་ཀྱི་ཁོངས་ནས་དགོངས་པ་ཞུས་ཡོད་པ་རེད།
བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་གཞོན་ཀུན་ཐར་དོན་གྲུབ་ཀྱིས་ཉིན་འདིའི་རྗེས་ཀྱི་གནས་ཚུལ་འགའ་ངོ་སྤྲོད་གནང་བ་ལྟར་ན། ཉིན་དེར་ཝང་ལི་ཞོང་གིས་ཐོག་མར་ཁོ་རང་ལ་ངོ་རྒོལ་བྱེད་ཀྱིན་པ་ཚོར་མེད་པར། བོད་རིགས་འདི་དག་གིས་རྒྱ་ནག་གཞུང་ལ་ངོ་རྒོལ་བྱེད་ཀྱིན་པར་མཐོང་འདུག ཡིན་ནའང་རྗེས་སུ་ཁོང་གིས་སྐད་ཆ་དྲིས་སྐབས་ཁྱོད་རང་ལ་ངོ་རྒོལ་བྱེད་ཀྱིན་འདུག་ཅེས་བཤད་པ་ཡིན་ཟེར་ལ། བགྲོ་གླེང་གྲུབ་མཚམས་སྨན་རྩིས་ཁང་རྒྱབ་ཕྱོགས་ཀྱི་ཤིང་ནགས་ནང་ཁོང་གཉིས་འཆམ་འཆམ་དུ་ཕྱིན་སྐབས་ཝང་ལི་ཤོང་གིས་ཁོ་རང་པེ་ཅིན་དུ་སྡོད་སྐབས་འོད་ཟེར་དང་ཁོང་གཉིས་ཀྱི་སུ་ཡིན་རུང་བོད་དོན་གྱི་ཐོག་ལ་རྩོམ་ཡིག་འབྲི་བཞིན་པར་བརྟེན། རང་རང་ས་ནས་བཙོན་ཁང་དུ་འགྲོ་བར་ག་དུས་ཡིན་ནའང་གྲ་སྒྲིག་ཨང་གསར་བྱས་ནས་ཡོད་ལ། ད་རེབ་ངྷ་སར་བསླེབས་སྐབས་སོ་སོའི་བློ་ཐག་ཉེ་ཤོས་ཀྱི་ཡུལ་ལ་བསླེབས་པ་ལྟར་སྣང་ཡང་། འདི་ལྟར་ངོ་རྒོལ་ཞིག་ཡོང་བ་སེམས་ལ་དྲན་མེད་ཚུལ་བརྗོད་འདུག གང་ལྟར་ཉིན་དེའི་གནས་ཚུལ་དེ་སྐུ་སྒེར་དྲུང་ཆེ་རྔ་བ་ཚེ་རྒྱམ་ལགས་ཀྱིས་གོ་མ་ཐག དགོང་མོ་དེར་ཝང་ལི་ཞོང་ལ་སེམས་གསོ་བྱེད་པར་གངས་སྐྱིད་དུ་ཕེབས་ཡོད་འདུག དེ་བཞིན་༧བཀའ་ཁྲི་མཆོག་གིས་ཀྱང་ཁོང་གི་དྲུང་ཡིག་བརྒྱུད་ཝང་ལི་ཤོང་ལ་བློ་ཕམ་མ་གནང་ཞེས་ཁ་ཏ་གནང་དགོས་སྐོར་གསུངས་ཡོད་པ་རེད།
ཕྱི་ཚེས་ ༢༥ ཉིན་༧གོང་ས་མཆོག་གིས་བོད་ཁྱིམ་སློབ་གྲྭ་ནས་བོད་རིགས་གཞོན་སྐྱེས་ཚོར་བཀའ་སློབ་གནང་གྲུབ་རྗེས། ཝང་ལི་ཞོང་ཕོ་བྲང་དུ་བཀའ་འབོད་ཀྱིས་དུས་ཚོད་གཉིས་ལྷག་རིང་བཀའ་མོལ་དང་ཞོར་དུ་བློ་ཕམ་གནང་མི་རུང་བའི་སྐོར་ནན་ཏན་གྱིས་གསུངས་ཡོད་འདུག འདི་དག་ལ་བརྟེན། ཝང་ལི་ཞོང་ནི་རྗེས་སོར་བློ་བག་བདེ་བོར་གནས་ཡོད་འདུག་ཅེས་ཀྱང་ཟེར།
ཝང་ལི་ཞོང་ལ་ངོ་རྒོལ་གྱི་གནས་ཚུལ་ལྷག་པའི་སྐོར་ཁོང་གི་བཟའ་ཟླ་འོད་ཟེར་གྱིས་གོ་ཡོད་པ་མ་ཟད། ཀུན་ཐར་དོན་གྲུབ་དང་འོད་ཟེར་གཉིས་ཀྱིས་ཁ་པར་བརྒྱུད་གླེང་མོལ་བྱེད་སྐབས་འོད་ཟེར་གྱིས། ཝང་ལི་ཞོང་གིས་མི་ལོ་ ༣༠ ལྷག་གི་རིང་བོད་དོན་གླེང་ཞིང་། དུས་རྒྱུན་བོད་དོན་ཐོག་སེམས་ཁྲལ་བྱེད་ཀྱིན་ཡོད་པ་རེད། དེ་བས་ཐེངས་འདིར་ཁོ་རང་ངྷ་སར་འབྱོར་བ་ནི་སོ་སོའི་ཡུལ་ལ་འབྱོར་བ་དང་མཚུངས་ཀྱང་། དེ་རུ་ངོ་རྒོལ་བྱས་པ་དེ་ནི་བློ་ཡུལ་ལས་འདས་པ་ཞིག་རེད་ཅེས་བཤད་ཡོད་འདུག འོན་ཀྱང་། རྗེས་སོར་༧གོང་ས་མཆོག་གིས་ཝང་ལི་ཞོང་ལ་སེམས་གསོ་བྱས་རྗེས་ཝང་ལི་ཞོང་གི་༧གོང་ས་མཆོག་གི་བཀའ་དགོངས་དང་འབྲེལ་ནས་འོད་ཟེར་ལ་སེམས་གསོ་བྱས་སྟབས། དེང་སྐབས་ཁོང་གཉིས་ཀ་བློ་བདེ་བོའི་ངང་འདུག་ཅེས་འགྲེལ་བརྗོད་གནང་བྱུང་།
བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་མི་ ༥ ད་ཐེངས་ཀྱི་ངོ་རྒོལ་སྐབས་ཚོགས་ཁོངས་ནས་དགོངས་པ་ཞུས་པའི་ཐད་མཐུན་ཚོགས་ངོས་ནས་ཐག་གཅོད་དང་ལྟ་སྟངས་གང་འདྲ་འཛིན་གྱི་ཡོད་མེད་ཐད་ཁོང་གིས། ཉིན་འདི་ཚོར་ཚོགས་གཙོ་ལྷ་མོ་སྐྱབས་དང་ངེད་གཉིས་མ་གཏོགས་རྒྱུན་ལས་ཡོད་པ་མ་རེད། དེ་བས་དམིགས་བསལ་ཐག་གཅོད་འདྲ་མེད། ཡིན་ཡང་། ཚོགས་ཁོངས་ནས་འདུག་གི་མིན་ལབ་ན་དེ་མི་སོ་སོའི་རང་དབང་དང་ཐོབ་ཐང་རེད། སྤྱིར་ངོ་རྒོལ་བྱས་པ་དེའང་། དམངས་གཙོའི་སྤྱི་ཚོགས་ཤིག་གི་ངོས་ནས་བཤད་ན་འགྲིག་གི་ཡོད་པ་རེད། སོ་སོའི་འདོད་པ་རེད། ཡིན་ཡང་། དམངས་གཙོའི་ལུང་པ་ལའང་ཁྲིམས་ཡོད་པ་རེད། སོ་སོའི་སྐད་ས་ལ་འགན་འཁུར་དགོས་པ་རེད། ཐེངས་འདིར་བློ་ཕམ་ཅུང་བྱུང་བ་ནི་ཁོ་ཚོའི་ངོ་རྒོལ་བྱེད་སྟངས་ཀྱི་རྣམ་འགྱུར་དེ་ཏོག་ཙམ་ཐལ་དྲགས་པ་འདྲ་ཞིག་མཐོང་བྱུང་། ཤེས་ཡོན་པ་ཡིན་ན་བྱ་སྤྱོད་གང་ཐད་ལ་བསམ་བློ་གཏོང་དགོས་པ་རེད་འདོད། དེ་མིན་སྤྱིར་བཏང་ངོ་རྒོལ་གྱི་ཡི་གེར་མིང་རྟགས་འགོད་མཁན་ལྔ་བྱུང་ནའང་། དངོས་སུ་དགོངས་པ་གསུམ་ལས་བྱུང་མ་སོང་། ཟེར།
མེ་སྟག་དང་ནོར་སོགས་གཙོའི་བའི་དྲ་འབུ་ཚོ་གོང་༧་ས་མཆོག་གི་བོད་ཀྱི་སྲིད་དབང་བཟུང་ནས་ད་ལྟ་བར་དུ་བོད་མི་རིགས་ལ་ཕན་བདེ་ཞིག་སྐྲུན་འདུག་གམ་ནོར་འཁྲིད་བྱེས་འདུག།ཁྱེད་ཞོ་བོད་མི་གནད་མ་རེ་ཡིན་ན་གོང་༧་ས་མཆོག་གི་དགོངས་གཞི་མཐའ་དག་རྟོགས་དགོས་གང་༧་ས་མཆོག་རྒྱ་རྒན་འདིའི་གཡོ་འོག་ཏུ་ཚུད་ཀྱི་རེད་བསམ་ན་དེ་རི་བོང་གནམ་རྡིབ་ཀྱི་སེམས་འཕྲུལ་རེད།མེ་སྟག་ཁྱེད་ཀྱི་བོད་མི་རིགས་ལ་སྙིང་རྗེ་མཁན་ཞིག་མི་འདུག་ཟེར།གོང་༧་ས་མཆོག་དགོངས་གྲངས་བཅུ་དྲུག་ནས་ད་ལྟ་བར་དུ་བོད་མི་རིགས་ཀྱི་ཆོས་སྲིད་ཀྱི་བྱ་བ་ཕྲག་ཏུ་ཁུར་ནས་མི་ཚེ་ཧྲིལ་བོ་མི་རིགས་ཀྱི་ཆེད་དུུ་བཏངས་བ་འདི་མི་རིགས་ལ་རྩེ་བའི་རྟགས་མཚན་ཡིན།གོང་༧ས་མཆོག་བོད་མི་རིགས་ཀྱི་ཆེས་བླ་མེད་ཀྱི་དབུ་ཁྲིད་ཞིག་དང་གཞེས་ལས་བོད་མིའིམགྲིན་ཚབ་པ་ཞིགརེ།དེ་མིན་ན་བོད་མིརིགས་ལ་ཤ་ཚ་མཁན་དང་སྙིང་རྗེ་མཁན་ཁྱུ་སྦྱང་ངན་འབྲེལ་བྱེད་མཁན་གངས་བླ་མ་དང་ང་བླ་མ་དེ་ཡི་རྗེས་འབྲང་བ་དེ་ཚོ་ཡིན་རྒྱུ་་རེད་ཁྱེད་རང་དེ་ལ་རྒྱུག།།
གནས་ཚང་ལགས།
༡། སྣུམ་འཁོར་དེ་ཚེ་སྲོག་གྲངས་མེད་ཀྱིས་བཏེགས་ཡོད་ཅེས་བཤད་མཁན་ཉུང་ཉུང་རེད། མང་ཆེ་བས་སྣུམ་འཁོར་གྱི་བདག་པོས་ཚེ་སྲོག་གྲངས་མེད་དེ་རྣམས་བསྐྱངས་དང་སྐྱོང་བཞིན་ཡོད་ཅེས་བཤད་ཀྱིན་ཡོད། ཐ་ན་རྒྱ་ནག་གཞུང་གིས་ཀྱང་གནད་འགག་དེ་སྣུམ་འཁོར་གྱི་བདག་པོ་ཡིན་པར་ངོས་འཛིན་གྱིས་ཁོང་གི་སྐུ་ཚེའི་ཡུན་ཚད་ལ་རྩིས་བརྒྱབ་སྟེ་བསྡད་ཡོད།
གང་ལྟར་སྣུམ་འཁོར་དེ་མི་མང་པོ་ཞིག་གི་འཕྲལ་ཕུགས་ཀྱི་ཁེ་ཕན་དང་འབྲེལ་བ་ཡོད་པ་ཞིག་པར་རྩོད་པ་མེད། དེར་བརྟེན་དེ་གཏོང་ཕྱོགས་ལ་བསྐྱར་ཞིབ་བྱས་མི་ཆོག་པ་གང་ཡང་མེད། མེད་པར་བརྟེན་ནས་གྲོས་ཚོགས་ནང་བསྐྱར་ཞིབ་ཀྱི་གྲོས་ཆོད་བཞག་མྱོང་བ་རེད། ༼རྗེས་སུ་གྲོས་ཚོགས་དེ་རང་གིས་མང་མོས་ཐོག་ནས་ཕྱིར་འཐེན་བྱས་པ་རེད་༽ ཉེ་དུས་འཚོགས་པའི་དམིགས་བསལ་ཚོགས་ཆེན་གྱི་ཚོགས་ཆུང་གི་དགོངས་འཆར་ནང་དུའང་བསྐྱར་ཞིབ་བྱ་དགོས་པའི་བསམ་འཆར་འདུག དོན་དངོས་ལྟར་ན། སྣུམ་འཁོར་དང་ལམ། ཁ་ལོ་བ། ད་དུང་ཁ་ལོ་བའི་དཔུང་རོགས་དང་སྣུམ་འཁོར་གྱི་མྱུར་ཚད་དང་ཁ་ཕྱོགས་བཅས་ལ་བདག་པོ་སྐུ་ངོ་མས་བསྐྱར་ཞིབ་ཡང་ཞིབ་གནང་སྟེ་འགྱུར་བ་འགའ་རབ་བཏང་ཟིན་པ་རེད།
ལམ་ཐོག་ཏུ་སྣུམ་འཁོར་གཏོང་སྐབས་གདེང་ཚོད་ཅེས་པ་ཧ་ཅང་བཤད་དཀའ་བ་ཞིག་རེད། མདོར་བསྡུས་ནས་བཤད་ན། སྣུམ་འཁོར་གཏོང་མཁན་ཚང་མར་དེ་རིང་འདི་ནས་ཐོན་རྗེས་སང་ཉིན་སྐྱོན་མེད་པར་ལོག་ཐུབ་པའི་གདེང་ཚོད་བརྒྱ་ཆ་བརྒྱ་ཡོད་པ་གཅིག་ཀྱང་མེད། རྒྱ་ནག་རང་ཉིད་ཀྱང་དེའི་ཁོངས་ཀྱི་གཅིག་རེད། འབྲེལ་མོལ་སྔ་མའི་སྐབས་སུ་བོད་ཕྱོགས་ལ་བསམ་འཆར་གྱི་སྣུམ་འཁོར་དེ་གཏང་ཤོག་ལབ་པ་རེད། འབྲེལ་མོལ་ཕྱི་མའི་སྐབས་ལ། དེ་རྦད་དེ་ཁ་ཕྱོགས་ནོར་བའི་གཏོང་སྟངས་རེད། ཁས་ལེན་མེད་ཅེས་བཤད་པ་རེད། ད་ཁོ་རང་ཚོ་ལའང་དཀའ་ལས་ག་ཚོད་འདུག
༢། ནོར་འཁྲུལ་ཤོར་ཚེ་དེ་ལུགས་ཀྱི་ཡོ་བསྲང་བྱེད་སྟངས་མང་པོ་ཞིག་ལོས་ཡོད། འོན་ཀྱང་ད་ཐེངས་ཀྱི་འདི་ནོར་འཁྲུལ་ཡིན་པར་ངོས་འཛིན་བྱེད་མཁན་མི་ཉུང་ཤས་ལས་མེད་ཅིང་། ཉུང་ཤས་དེའི་ཁོངས་ཀྱི་མང་ཆེ་ཤོས་ནི་མདུན་ལ་ཐོན་པའི་སྤོབས་པ་མེད་པར་ལྐོག་ལབ་རྒྱབ་ནས་སྡོད་མཁན་ཚོ་རེད། མདོར་བསྡུས་ནས་བཤད་ན། མང་ཆེ་བས་ནོར་མེད་པར་ངོས་འཛིན་བྱས་པ་ཙམ་མ་ཟད། ད་དུང་མུ་མཐུད་རྒྱབ་སྐྱོར་ཡོད་པར་བཤད་པ་རེད།
དྲ་གྲོགས་ཚོ། གསར་འགྱུར་འདིའི་ཁ་བྱང་ལྟར་རླུང་ལངས་ནས་ཡོང་རྒྱུ་ཡོད་པ་མ་རེད། ཕྲན་གྱིས་སྔོན་ཏུ་སྤེལ་བའི་བསམ་ཚུལ་ཁག་གཉིས་ནང་། བོང་ལུ་ཞོན་ལ་རྒྱ་གཞུང་གིས་གནོད་པ་མི་བྱེད་པ་མ་ཟད། ཅི་སྒྲུབ་དང་གར་འགྲོའི་རང་དབང་ཚད་མཐོ་ཡོད་པས་རྒྱ་གཞུང་གི་གཅེས་ཕྲུག་རེད་ཅེས་པ་དང་། གཞན་བོད་ཕྱི་སྡོད་རྩོམ་པ་པོའི་ཚོགས་མི་སྐོར་ཅིག་ལ་སྐད་ཆ་དྲིས་བ་ལུང་འདྲེན། དེ་བཞིན་གནས་ཚུལ་འདིར་དཔྱད་ཚུལ་གྱིས་དམངས་གཙོའི་སྤྱི་ཚོགས་ནང་ད་རེས་ཀྱི་ངོ་རྒོལ་གྱི་རྣམ་པ་དེ་ཐལ་དྲགས་ཡོད་མེད་སོགས་དོགས་འདྲིའི་ཚུལ་ཏུ་བཀོད་ཡོད་པ་ལགས་ན། མ་འགྲིག་པའི་ཐད་ཁ་གསལ་པོའི་སྒོ་ནས་གསུང་རྒྱུ་ལས་རླུང་ལངས་ནས་ཡོང་རྒྱུ་ཡོད་པ་མ་རེད།
ངས་མནོ་བསམ་གཏོང་བཞིན་པའི་སྐབས་ཡིན།
ཨོ་ཡ་ཁྱོས་ད་འདི་མོ་ཆོ་མེད་བཤད་གི་མ་རི་བསམ་ཐ།
ད་ཤེས་བྱུང་།
གོང་དུ་མཆན་འགོད་པ་གསར་བ་ནད་མཁའ་བསྟན་འཛིན་ཞེས་བ་ཞིག་སླེབས་འདུག་པས། ངེད་གཉིས་མི་ནོར་བར་མཁྱེན།
གྲོགས་ཀྱི་དྭངས་མ་གནས་ཚང་། བཀུར་འོས་དྲ་གྲོགས་འཇིག་ལྟ། སྙིང་ནས་བརྩེ་པའི་མེ་སྟག མི་རྗེ་དམ་པ་ནོར་བཅས་རིགས་མཐུན་དྲ་གྲོགས་ཁྱུ་དང་ཁྱུ་གཅིག་གིས་གསེར་སྙན་ནོར་བུའི་བུ་གར། ཡོད་ཚད་མི་རིགས་འདིའི་ཆེད་དུ་འབུལ་བཞིན་པའི་བོད་མི་དཀྱིས་མ་འགའ་ཡིས་དུས་བབ་དྲ་ཚིག་གསར་གཏོད་བྱས་སྟེ་༧རྒྱལ་བའི་མཛད་འཕྲིན་དང་བོད་ནང་གི་སྐྱོ་གནས་རྒྱལ་སྤྱིའི་གནས་ཚུལ་དང་ཕྱི་སྡོད་བོད་མིའི་སྐྱིད་སྡུག་སོགས་གནས་ཚུལ་མང་དག་ཅིག་དུས་ཐོག་ཤེས་རྟོགས་དང་ཕྱར་གྲུ་མཉམ་འདེགས་བསམ་ཙུལ་བརྗེ་ལེན་སོགས་དགེ་མཚན་འབུམ་གྱི་ཕྱུག་པའི་དུས་བབ་དྲ་ཐོག་འདིར་རྣམ་པ་ཚོས་ཀྱང་ཀུན་སློང་མིན་པའི་ཀུན་སློང་ཞིག་གིས་གོ་སྐབས་ནམ་ཐོན་དང་ཞལ་ནས་ཅི་ཐོན་གནང་འདུག་པ་རྣམ་པ་ཚོར་མཚོན་ན་དགོས་པ་ཡོད་ལ་འོས་པ་ཞིག་ཀྱང་ཡིན་སྲིད་མོད། དངོས་ཡོད་ཞུས་ན་བོད་ཀྱིས་ཁ་དཔེར། ཟངས་ངའི་ནང་ནས་འཐུང་།།ཁ་ལེབ་ཐོག་ལ་བཏང་།། ཞེས་པ་ལས་མ་འདས་པས་རབ་ཡིན་ན་དྲ་ཐོག་འདིར་ཇི་སྲིད་བར་ཏུ་མི་ཕེབས་རྒྱུ་དེ་ལྟར་མ་བྱུང་ན་ཡང་བོད་མིའི་རིགས་ཞེན་དང་ཡུལ་གྱར་བའི་ལ་རྒྱ་ཅུང་ཡོད་པ་བྱེད་རྒྱུ་ཐུགས་དགོངས་རྒྱ་ཁབ་ཕྲ་མོའི་བུ་ག་ལས་མི་ནམ་ཡང་མི་འདོར་བ་མཁྱེན་མཁྱེན་ཞུ།། ཨ་རིག་རྒད་པོས་གུས་པའི་ཚུལ་གྱིས་ཕུལ།།
ད་དུང་ནོར་དང་འཇིག་ལྟ། མེ་སྟག། ལ་སོགས་ཁྱོད་ཚོས་ཉི་མ་མ་འཁྱོལ་བ་ཡིན་ན་ང་ཚོས་གླེང་མོལ་གཞན་ཅིག་བྱེད་ཆོག།
དེ་ལྟར་མིན་ད་སྐུ་མཁྱེན་སྐུ་མཁྱེན་མཁྱེན་མཁྱེན་ཞུ་རྒྱུ་ཡིན།
ངས་མ་རབ་བྱས་པ་མིན་ཡང་ཁྱོད་ཚོས་སྐད་ཆ་ལ་དངོས་གནས་རིན་ཐང་མི་འདུག།
ད་སྐུ་མཁྱེན།
གོང་གི་གནས་ཚང་ཟེར་པ་འདིས་བརྒྱ་བཤད་སྟོང་བཤད་ཅི་བྱས་ཀྱང་དམིགས་ཡུལ་ངོ་མ་༧ གོང་ས་མཆོག་དང་བོད་མའི་དབུ་ཁྲིད་རེ་ཟུང་ལ་སྐྱོན་བརྗོད་རྒྱུ་དེ་རེད། མི་འདིའི་ཁོག་ན་སྒེར་དོན་དང་འབྲེལ་པའི་ན་ཚ་ཆུང་ཆུང་ཞིག་བློས་གཏོང་ཐུབ་གྱི་མེད་པ་མིན་འགྲོ། མི་རིགས་ཤིག་གི་དབུ་ཁྲིད་ཡིན་ཕྱིན་མི་དམངས་ཀྱི་ཆེད་དུ་བཅོས་ཐུབ་དཀའ་བའི་མི་མཁྱོག་རེ་ཟུང་གི་ཞེ་འདོད་དང་འགལ་སྲིད་ལ་འགལ་དགོས་པ་ཞིག་རེད།
དྲ་གྲོགས་ཚོས་གསལ་པོ་ཞིག་ད་དུང་ཤེས་རྒྱུ་བསྡད་པ་ནི། བོང་ལི་ཞོན་དང་རྐུན་ཐར་དོན་འགྲུབ་གཉིས་ཀྱི་འབྲེལ་བ་དེ་གང་ཡིན་ནམ། འདི་ལ་བརྟག་རྒྱུ་ཞིག་་་་་་་་་་་་་ངོ་མ་ཡིན་་་་་་་་
སྐུ་ངོ་ནམ་མཁའ་བསྟན་འཛིན་འདིའི་སྙིང་ཁམས་ཅུང་ཟད་བདེ་མིན་བཀའ་མོལ་གསུངས་སྟངས་ལས་ཤེས་ཐལ། ཉུལ་མ་དང་ཆོ་ལོ། པེ་ཅིན་མཁར་གྱི་བག་ལེ་ལ་སོགས་སྡུག་རུལ་རྙིང་ཚད་བཤད་གི་འདུག
སྐད་ཆ་ལ་འབྲེལ་བ་ཡོད་མེད་གཉིས་ཀར་ང་བག་ལེབ་འཚོང་མཁན་ཞིག་ཞེས་དོན་གྱིས་སྲང་ལམ་གྱི་བག་ལེབ་བཙོངས་ནས་རང་ཁ་གསོ་མཁན་གྱི་མི་ཚུན་ཆད་ལ་དམའ་འབེབ་བྱེད་བཞིན་འདུག་ཀྱང་། བག་ལེབ་བཙོངས་བ་ནི་རང་གིས་དཀའ་ལས་རྒྱབ་ནས་འཚོ་བ་རོལ་སྟངས་ཀྱི་ཆ་ཤས་ཡིན་པས་དེ་མཐོང་ཆུང་བྱེད་རྒྱུ་ཅི་ཡོད། དོན་ངོ་མ་ཁྱོད་ཀྱིས་རྡ་ས་ན་བག་ལེབ་བཙོང་གི་ཡོད་དང་པེ་ཅིན་གྱི་བག་ལེབ་ཟ་གིན་ཡོད་ཁྱོད་རང་གི་སེམས་ན་གསལ་བས། ངས་འབྲེལ་བཤད་སྣོན་མ་རྒྱག་མི་དགོས་མོད། ༧གོང་ས་མཆོག་གིས་དབུ་ཁྲིད་པའི་བཙན་བྱོལ་གཞུང་གི་སྒྲིག་འཛུགས་དང་སྐྱིད་སྡུག་འདིས་འདོད་པ་མི་ཁེངས་པར་ཁྱོད་ལ་པེ་ཅིན་མཁར་གྱི་ཉི་མ་དེ་འདྲ་ཞིག་དྲོ་ན་ཁྱོད་རང་བཙན་བྱོལ་དུ་ཡོང་བར་དགོས་བ་མི་འདུག་ལ་ལྷག་པར་དུ་གཞུང་གི་འཛིན་སྐྱོང་མ་ལག་གི་ནང་དུ་སྐད་ཆ་བཤད་པའི་ཐོབ་ཐང་དེ་བས་ཀྱང་མི་འདུག ༧གོང་ས་མཆོག་གིས་སྔར་ལོ་ལྷོ་ཕྱོགས་ནས་གསལ་བོར་གསུང་་བཞིན་ཁྱོད་ཚོ་རྒྱ་ནག་གིས་བདག་པོ་རྒྱག་ནི་ཡོད་མཁན་ཚོ་འདིར་ཡོང་ནས་དགོས་བ་མི་འདུག མ་གཞི་ནས་ང་ཚོའི་སྐྱིད་སྡུག་ཁ་ཁ་རེད་ཅེས་གསུང་བ་ལྟར་རེད། དེ་བས་ངས་ཁྱོད་ལ་སོ་བ་དང་ཉུལ་མ་སོགས་ཀྱི་ཆོ་ལོ་ཅི་ཡང་འདོགས་འདོད་མེད། འོན་ཀྱང་དེང་སང་བོད་མི་རིགས་འདི་ལྷུང་ས་གསུམ་ལ་ལྷུང་ཡོད་དུས་གདོང་ལ་ལྟོས་བསྡད་ནས་མིག་ལ་མདུང་བརྩེགས་མ་བྱས་ན་དགའ་ཡི་རེད།
གནས་ཚང་ནི་པཱ་ལེ་བ་ཞིག་སྟེ། པཱ་ལེ་དང་མི་ཚེ། ད་དུང་བསམ་འཆར་ཐན་ཐུན། ཡིན་ནང་། གནས་ཚང་གི་དྲི་བར་དེང་གི་བར་དྲིས་ལན་མི་རྐང་གཅིག་གིས་ཕོག་མེད་པས། ནམ་མཁའ་བསྟན་འཛིན་ཞུ་བ་འདིའང་དེའི་ཁྲོད་ཀྱི་གཅིག་ཡིན་ཤས་ཆེ།
སྐུ་ངོ་ཁང་གསར་ལགས་ཀྱི་དྲིས་ལན་དེང་གི་བར་གནས་ཚང་གིས་མཐོང་བའི་ཆུ་ཚད་ཡོད་ཤོས་གཅིག་པུ་རེད་ཅེས་བཤད་ཆོག ཡིན་ནའང་། དྲི་བ་དང་དྲིས་ལན་མགོ་བརྩམ་མ་ཐག་ཡིན་པས། གཤམ་དུ་དྲི་བ་ཁ་ཤས་རིམ་འགོད་བྱེད་རྩིས་ཡིན།
༡ མོ་ཊ་དེ་མ་གཞི་ཚེ་སྲོག་གྲངས་མེད་ཀྱིས་བཏེགས་ཡོད་པ་ཞིག་ཡིན་པས། གདེངས་ཚོད་མེད་བཞིན་དུ་ཕམ་འཚོང་ལྟ་བུར་བཀོལ་བ་ཡིན་ན། ཅིའི་ཕྱིར་མི་རྣམས་ཀྱིས་བསྐྱར་ཞིབ་བྱེད་མ་ཆོག་པ་རེད་དམ། ཁ་ལོ་བ་སར་འདྲུད་མ་ཆོག་པ་ཡིན་ནམ།
༢ མང་གཙོའི་ལུང་བར་མཚོན་ན། དགོངས་སེལ་ནི་ནོར་འཕྱུག་ཡོ་བསྲང་གི་སྔོན་འགྲོ་ཡིན། གལ་སྲིད་བཙན་བྱོལ་ནང་དེ་ལུགས་དགོས་ཀྱི་མེད་ཚེ། ཞིང་བྲན་ལམ་ལུགས་བསྐྱར་གསོ་ཞེས་པ་དེའང་གཞི་མེད་བསྙོན་འཛུགས་ཤིག་ཏུ་གྱུར་ཡོད་དམ།
མུ་མཐུད་དུ་དྲི་བ་ཡོད།
ཧ་ཧཧ་ཧ་་་་་་་་་་་་་་་་་ངོ་ཚ་མེད་ནས་མི་དགོས།
བོད་ལདྲིན་ཆེན་བྱེས་ཀྱང་དྲིན་མི་གོ་ཟེར་བའི་ལུངས་བསྟན་དེ་ཅི་མ་བདེན་